Author: អេបិល

  • បាត់មុខ​មួយ​រយៈ​ធំ​ ​តារាចម្រៀង​ជើងចាស់​ ​សាន​ ​សុខ​កក្កដា​ ​បើក​របរ​លក់​ត្រីងៀត​ ​គោ​ងៀត​ ​ក្របី​ងៀត​

    បាត់មុខ​មួយ​រយៈ​ធំ​ ​តារាចម្រៀង​ជើងចាស់​ ​សាន​ ​សុខ​កក្កដា​ ​បើក​របរ​លក់​ត្រីងៀត​ ​គោ​ងៀត​ ​ក្របី​ងៀត​

    ​ ​អ្នកនាង​ ​សាន​ ​សុខ​កក្កដា​ ​ត្រូវ​បាន​មហាជន​ជាច្រើន​ស្គាល់​ថា​ជាតា​រា​ចម្រៀង​ជើងចាស់​មួយ​ដែល​មាន​ប្រជាប្រិយ​ភាព​នៅ​អំឡុង​ឆ្នាំ​ ​១៩៩៥​ ​និង​ជា​ម្ចាស់​ជ័យលាភី​លេខ១តាមរយៈ​ការ​ប្រឡង​ចម្រៀង​នៅ​ខេត្ត​ព្រះសីហនុ​ទៀតផង​។​ ​មួយ​រយៈ​ចុងក្រោយ​នេះ​ ​អ្នកនាង​បាន​បាត់មុខ​ពី​សិល្បៈ​ឡើង​ឆាក​សម្ដែង​ ​និង​ច្រៀង​តាម​កញ្ចក់​ទូរទស្សន៍​ ​ដោយសា​រម​មារ​ញឹក​ជាមួយ​មុខរ​បបរ​ក្រៅ​សិល្បៈ​ ​និង​ការ​មើលថែ​គ្រួសារ​។​
    ​
    ​ថ្មី​ៗ​នេះ​អ្នកនាង​ ​សាន​ ​សុខ​កក្កដា​ ​ត្រូវ​គេ​អះអាង​ថា​ ​កំពុងតែ​កាក់កប​នឹង​មុខរបរ​លក់​តាម​អន​ឡា​ញយ៉ាង​ខ្លាំង​ ​ដោយ​អ្នកនាង​ល្បីឈ្មោះ​នឹង​ធ្វើ​ងៀត​គោ​ ​ងៀត​ក្របី​ ​និង​ត្រីងៀត​ ​ដែល​អាច​ឲ្យ​អ្នកនាង​កើប​លុយ​ដល់​ថ្នាក់​ទិញ​បាន​វី​ឡា​ថ្មី​ៗ​នោះ​ផង​។​ ​ជាមួយនឹង​ជោគជ័យ​នេះ​ ​អ្នកនាង​ឈាន​ដល់​ការ​បើកហាង​មួយ​កន្លែងនៅ​ខាងមុខ​បុរី​ពិភព​ថ្មី​នៅ​តាខ្មៅ​តែម្ដង​ ​ដើម្បី​បញ្ចេញថ្វីដៃ​ងៀត​គោ​ងៀត​ក្របី​ ​ដែល​ល្បីល្បាញ​ជាយូរមកហើយ​ឱ្យ​កាន់តែ​ខ្ទរខ្ទារ​។​ ​
    ​
    ​អ្នកនាង​ ​សាន​ ​សុខ​កក្កដា​ ​ហៅ​ម៉ាក់​ដា​ ​បាន​បញ្ជាក់​ប្រាប់​ថា​ ​ដោយសារតែ​ងៀត​គោ​ ​ងៀត​ក្របី​ ​និង​ត្រីងៀត​របស់​ខ្លួន​ទទួល​បានការ​គាំទ្រ​ ​និង​មានការ​ទទួលស្គាល់​ខ្លាំង​ឡើង​ ​ទើប​អ្នកនាង​សម្រេចចិត្ត​បើកហាង​សាច់​អាំង​ងៀត​គោ​ងៀត​ក្របី​តែម្ដង​ ​ដើម្បី​ពង្រីក​ប្រាក់ចំណូល​ឲ្យ​កាន់តែ​កើន​។​ ​អ្នកនាង​ ​បាន​សារភាព​ថា​ ​ខ្លួន​ធ្លាប់​បើក​អាជីវកម្ម​ធំដុំ​ច្រើនមុខ​មក​ហើយ​ ​ដោយ​ទើបតែ​បិទ​សា​ឡន​ធំ​មួយ​ចោល​មិម​ស្ដាយ​ប៉ុណ្ណោះ​ ​ដោយសារតែ​មុខរបរ​នោះ​ ​គឺ​ល្អ​តែ​មើល​។​ ​អ្នកនាង​ថា​ខ្លួន​ទើបតែ​ស្គាល់​ចំ​ណេ​ញក្ឌាំងៗ​ ​និង​មិនសូវ​ហត់​ចិត្ត​ក្រោយ​បើក​របរ​លក់​ត្រីងៀត​ ​គោ​ងៀត​ ​ក្របី​ងៀត​ ​និង​ជ្រក់​ជាដើម​ ​តាម​អន​ឡា​ញប៉ុ​ណ្ណោះ​ ​ខណៈ​ដែល​មុខរបរ​នេះ​ ​តាំងពី​អ្នកនាង​ចេញ​លក់​គឺ​ស្ទើរតែ​ធ្វើមិនទាន់​នឹង​តម្រូវការ​កុម្ម៉ង់​ទិញ​។​ ​អតិថិជន​ទាំងនោះ​ ​ភាគច្រើន​ជា​អ្នកក្រៅ​ស្រុក​ ​និង​អ្នក​ដែល​មាន​ជីវភាព​ធូរធារ​ ​ដែល​កុម្ម៉ង់​ម្ដង​ៗ​ដប់​ម្ភៃ​គីឡូ​ផង​៕​


    ​
    ​

  • កាសែត​ ​ឡា​រ៉ែ​ន​ ​នឹង​អ្នកសារព័ត៌មាន៣អង្គភាព​ទៀត​ ​ត្រូវ​អញ្ជើញ​ទស្សនកិច្ច​ប្រទេស​ម៉ាឡេស៊ី​ ​រយៈពេល៥ថ្ងៃ​ ​ដើម្បី​ស្វែងយល់​ពី​តំបន់​ទេសចរណ៍​ ​

    កាសែត​ ​ឡា​រ៉ែ​ន​ ​នឹង​អ្នកសារព័ត៌មាន៣អង្គភាព​ទៀត​ ​ត្រូវ​អញ្ជើញ​ទស្សនកិច្ច​ប្រទេស​ម៉ាឡេស៊ី​ ​រយៈពេល៥ថ្ងៃ​ ​ដើម្បី​ស្វែងយល់​ពី​តំបន់​ទេសចរណ៍​ ​

    ​(​ភ្នំពេញ​)​៖​ ​អ្នកសារព័ត៌មាន​កម្ពុជា​ចំនួន​ ​៤រូប​ ​រួមមាន​ ​កាសែត​ ​ឡា​រ៉ែ​ន​ ​,​ ​អង្គភាព​ព័ត៌មាន​ ​Fresh​ ​News​ ​,​កាសែត​ភ្នំពេញ​ប៉ុស្តិ៍​,​ ​និង​ ​វេ​ប​សាយ​ ​Sabay​ ​ត្រូវ​បាន​អញ្ជើញ​ឱ្យទៅ​ធ្វើទស្សនកិច្ច​រយៈពេល​ ​៥ថ្ងៃ​ ​នៅ​ប្រទេស​ម៉ាឡេស៊ី​ ​តាមរយៈ​ស្ថានទូត​ខ្លួន​ប្រចាំ​កម្ពុជា​ ​ដើម្បី​ស្វែងយល់​ពី​តំបន់​ ​ទេសចរណ៍​មួយចំនួន​ ​នៅ​ប្រទេស​ម៉ាឡេស៊ី​។​
    ​
    ​ដំណើរ​ទស្សនកិច្ច​នេះ​ ​ត្រូវ​បាន​ធ្វើឡើង​ចាប់ពី​ថ្ងៃទី០២​ ​ដល់​ថ្ងៃទី០៧​ ​ខែកញ្ញា​ ​ឆ្នាំ២០១៩​ ​ក្រសួងទេសចរណ៍​ម៉ាឡេស៊ី​ ​បាន​រៀបចំ​ព្រឹត្តិ​ការណ៍​ ​Mega​ ​Fam​ ​«​It’s​ ​Summertime​ ​in​ ​Malasysia​-​Let’s​ ​go​ ​to​ ​the​ ​beach​ ​visit​ ​Malaysia​ ​2020​»​។​ ​នៅក្នុង​ព្រឹត្តិ​ការណ៍​នេះ​ដែរ​ ​អ្នកសារព័ត៌មាន​កម្ពុជា​ ​ទាំង៤អង្គ​ភាព​ខុស​ៗ​គ្នា​នឹង​ត្រូវ​អញ្ជើញ​ទៅ​ទស្សនា​តំបន់​ទេ​ចរណ៍​ប្រវត្តិសាស្ត្រ​ ​ព្រមទាំង​តំបន់​ទេសចរណ៍​ធម្មជាតិ​ផង​ដែរ​។​
    ​
    ​អ្នកសារព័ត៌មាន​កម្ពុជា​ ​ដែល​ត្រូវ​បាន​អញ្ជើញ​ទៅ​ធ្វើទស្សនកិច្ច​នេះ​ ​រួមមាន​ ​កញ្ញា​ ​ព្រាប​ ​ផៃ​សូ​វាសនា​ ​ប្រធាន​គ្រប់គ្រង​ផ្នែក​ទី​ផ្សា​ ​និង​ផ្សព្វផ្សាយ​ពាណិជ្ជកម្ម​ ​នៃ​កាសែត​ ​ឡា​រ៉ែ​ន​ ​​លោក​ ​វង់​ ​វុធ​ ​អ្នកសារព័ត៌មាន​ ​អង្គភាព​ព័ត៌មាន​ ​Fresh​ ​News​,​ ​លោក​ ​នាង​ ​សុភាព​ ​ការី​និពន្ធ​ព័ត៌មាន​អាជីវកម្ម​កាសែត​ភ្នំពេញ​ប៉ុស្តិ៍​,​ ​និង​ ​លោក​ ​ឌុំ​ ​វណ្ណៈ​គំនិត​ ​ប្រធាន​ព័ត​មាន​សិល្បៈ​ ​Sabay​ ​៕​

  • ស្ថានទូត​ម៉ាឡេស៊ី​ប្រចាំ​នៅ​កម្ពុជា​ ​ប្រារព្ធ​ទិវា​បុណ្យជាតិ​គម្រប់​ខួប​លើក​ទី​ ​62

    ស្ថានទូត​ម៉ាឡេស៊ី​ប្រចាំ​នៅ​កម្ពុជា​ ​ប្រារព្ធ​ទិវា​បុណ្យជាតិ​គម្រប់​ខួប​លើក​ទី​ ​62

    ​ស្ថានទូត​ម៉ាឡេស៊ី​ប្រចាំ​នៅ​កម្ពុជា​ ​នា​ព្រឹក​ថ្ងៃទី31​ ​ខែសីហា​ ​ឆ្នាំ2019នេះ​ ​បាន​រៀបចំ​ពិធី​អបអរសាទរ​ទិវា​បុណ្យជាតិ​គម្រប់​ខួប​លើក​ទី​ ​៦២​។​ ​ពិធី​នេះ​ត្រូវ​បាន​ធ្វើឡើង​ ​ក្រោម​អធិបតីភាព​ ​ឯកឧត្តម​ឯកអគ្គ​រាជទូត​ម៉ាឡេស៊ី​ប្រចាំ​នៅ​កម្ពុជា​ ​ELDEEN​ ​HASAAINI​ ​MOHD​ ​HASHIM​ ​និង​មានការ​ចូលរួម​ពី​ធុរកិច្ច​ជន​ម៉ាឡេស៊ី​ ​និងមន្ត្រីសំខាន់ៗ​ជាច្រើន​រូប​ទៀតផង​ដែរ​។​
    ​

    ​កិច្ចសា្វគមន៍ជាមួយពាក្យពេចន៍​មួយ​ឃ្លា​ដ៏​សែន​មាន​អត្ថន័យ​របស់​ឯកឧត្តម​ឯកអគ្គ​រាជទូត​បាន​មានប្រសាសន៍​ថា​ ​«​ស្រឡាញ់​ប្រទេស​ម៉ាឡេស៊ី​របស់ខ្ញុំ​​ ​ប្រទេស​ម៉ាឡេស៊ី​ដ៏​ស្អាតស្អំ​»​ ​បានដក់ជាប់​នៅក្នុង​ដួងចិត្ត​ ​និង​គំនិត​របស់​បងប្អូន​ម៉ា​ឡេ​ទាំងអស់គ្នា​ដែល​រស់នៅ​កម្ពុជា​នេះ​។​ ​ឯកឧត្តម​ឯកអគ្គ​រាជទូត​ម៉ាឡេស៊ី​ ​បាន​ថ្លែង​ទៀត​ថា​ ​លោក​ចង់ឱ្យ​ពលរដ្ឋ​ម៉ាឡេស៊ី​ទាំងអស់​នៅ​ទីនេះ​បាន​ចងចាំ​នូវ​រូបភាព​ល្អ​ ​និង​រួមសុខទុក្ខ​ជាមួយគ្នា​នៅក្នុង​ស្ថានទូត​នេះ​ ​ព្រោះថា​ ​នៅពេល​ដែល​បងប្អូន​ទាំងអស់គ្នា​មាន​អារម្មណ៍​ឯកា​ ​នឹកផ្ទះ​ ​នឹក​ប្រទេស​ម៉ាឡេស៊ី​ ​បងប្អូន​អាចម​ក​កាន់​ស្ថានទូត​បាន​គ្រប់ពេលវេលា​ ​ពោល​គឺ​ ​ស្ថានទូត​ជា​ផ្ទះ​របស់​បងប្អូន​ម៉ាឡេស៊ី​យើង​។​
    ​
    ​ឯកឧត្តម​ ​ELDEEN​ ​HASAAINI​ ​MOHD​ ​HASHIM​ ​បាន​បញ្ជាក់​ទៀត​ថា​ ​យើង​សូម​រម្លឹក​គុណ​ដល់​ការ​លះបង់​របស់​បុព្វបុរស​ដែល​បាន​ធានា​ថា​យើង​អាច​រៀបចំ​ផ្លូវ​ដើរ​ផ្ទាល់ខ្លួន​ ​ដោយ​ឯកភាព​ ​វិបុលភាព​ ​និង​ការ​អភិវឌ្ឍ​ដែល​គ្មាន​ការ​ជ្រៀតជ្រែក​ពី​ខាងក្រៅ​។​ ​យើង​មិន​អាច​អរគុណ​ពួកគាត់​គ្រប់គ្រាន់​នោះ​ទេ​។​ ​ដូច្នេះ​យើង​ជំពាក់​វីរបុរស​របស់​យើង​ ​ដើម្បី​ធានា​ថា​សេរីភាព​ ​ស្ថិរភាព​ ​និង​វឌ្ឍនភាព​នៅតែ​បន្ត​មាន​ជានិច្ច​។​ ​នេះ​គឺជា​ការទទួលខុសត្រូវ​ដ៏​សំខាន់​បំផុត​របស់​ប្រជាជន​ម៉ាឡេស៊ី​គ្រប់រូប​។​ ​ដូច្នេះហើយ​នៅពេល​ដែល​ប្រទេស​របស់​យើង​ស្វាគមន៍​យុគ​អភិបាលកិច្ច​ថ្មី​ ​ប្រធានបទ​សម្រាប់​ការ​ប្រារព្ធ​ ​ទិវា​បុណ្យជាតិ​នៅក្នុង​ឆ្នាំនេះ​គឺ​ ​Sayangi​ ​Malaysiaku​:​ ​Malaysia​ ​Bersih​ ​(​ស្រឡាញ់​ប្រទេស​ម៉ាឡេស៊ី​របស់ខ្ញុំ​,​ ​ប្រទេស​ម៉ាឡេស៊ី​ដ៏​ស្អាតស្អំ​)​ ​គឺ​មាន​អត្ថន័យ​ដ៏​វិសេសវិសាល​បំផុត​។​
    ​
    ​ចុងបញ្ចប់​ ​ឯកឧត្តម​ឯកអគ្គ​រាជទូត​ម៉ាឡេស៊ី​បាន​ប្រកាស​ថា​ ​ខ្ញុំ​ជូនពរ​ជនរួមជាតិ​ជាទីស្រឡាញ់​របស់ខ្ញុំ​ ​សូម​ជួប​តែ​សេចក្តី​សុខ​ ​និង​រីកចម្រើន​គ្រប់​ភារកិច្ច​។​ ​យើង​ទាំងអស់គ្នា​គឺជា​កូនប្រុស​ស្រី​របស់​ប្រទេស​ម៉ាឡេស៊ី​។​ ​នេះ​គឺជា​ចំណង​រួបរួម​ដ៏​រឹងមាំ​របស់​យើង​។​ ​សូមឲ្យ​យើង​ទាំងអស់គ្នា​ចងចាំ​ជានិច្ច​ថា​ ​សាមគ្គីភាព​គឺជា​កម្លាំងមូលដ្ឋាន​ដ៏​សំខាន់​របស់​យើង​ក្នុងនាម​ជា​ប្រជាជន​ ​និង​ជា​ប្រជាជាតិ​មួយ​។​ ​សូម​ឱ្យ​យើង​បន្ត​ធ្វើការ​ជាមួយគ្នា​ប្រកបដោយ​ភាព​សុខដុមរមនា​ ​និង​ភាព​ស្មោះត្រង់​គឺជា​ភក្តី​ភាព​ដែល​មិន​អាច​បំបែកបំបាក់​បាន​ ​សម្រាប់​ភាព​រុងរឿង​នៃ​ប្រជាជាតិ​ដ៏​ជាទីស្រឡាញ់​របស់​យើង​៕​

  • មូលហេតុ​ធំ​ ​៤​ ​យ៉ាងដែល​អ្នក​គួរតែ​មក​ភ្លក់​ ​“​ម្ហូប​ស៊ី​ឈួន​”​ ​នៅ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​

    មូលហេតុ​ធំ​ ​៤​ ​យ៉ាងដែល​អ្នក​គួរតែ​មក​ភ្លក់​ ​“​ម្ហូប​ស៊ី​ឈួន​”​ ​នៅ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​

    ​“​ស៊ី​ឈួន​”​ ​គឺជា​ឈ្មោះ​ខេត្ត​មួយ​ ​ស្ថិតនៅ​បែក​និរតី​ ​នៃ​ប្រទេស​ចិន​ ​និង​ជា​ខេត្ត​មួយ​ ​ដែល​អង្គការ​យូ​នី​ស្គូ​ ​(​UNESCO​)​ ​បាន​ដាក់ឈ្មោះ​ឲ្យ​ថា​ ​ជាទី​ក្រុង​ ​“​ម្ហូបអាហារ​”​ ​កាលពី​ឆ្នាំ​ ​២០១០​ ​ដោយសារតែ​ ​មុខម្ហូប​ជាច្រើន​ ​មាន​ប្រវត្តិ​កកើត​នៅ​ទីនោះ​ ​និង​ទទួល​បានការ​ចាប់អារម្មណ៍​ ​នៅ​ទូទាំង​ពិភពលោក​។​

    ​ម្ហូប​ ​នៅក្នុង​ខេត្ត​ស៊ី​ឈួន​ ​ត្រូវ​បាន​គេ​គត់​សម្គាល់ថា​ ​មាន​រសជាតិ​ហឹរ​ ​ឈ្ងុយឆ្ងាញ់​ ​និង​សំបូរ​បែប​ ​ជាពិសេស​ផ្សំ​រសជាតិ​ដោយ​ម្ទេស​ ​និង​ម្រេច​របស់​ខេត្ត​ស៊ី​ឈួន​ ​ដែល​កម្រ​ប្រើប្រាស់​នៅក្នុង​ម្ហូប​ ​នៅក្នុង​តំបន់​ផ្សេងទៀត​។​

    ​ជា​នេះ​ទៅទៀត​នោះ​ ​មាន​មូលហេតុ​ធំ​ ​៤​ ​យ៉ាងដែល​អ្នក​គួរតែ​មក​ពិសារ​ ​“​ម្ហូប​ស៊ី​ឈួន​”​ ​នៅ​សណ្ឋាគារ​សូ​ហ្វី​តែ​ ​នេះ​បើ​តាម​ការ​ឲ្យដឹង​ពី​ ​លោក​ ​យាំង​ ​ហ្គ័រ​ជៀន​ ​មេ​ចុងភៅ​ប្រចាំ​ភោជនីយដ្ឋាន​ចិន​ ​Fu​ ​Lu​ ​Zu​ ​នៅក្នុង​សណ្ឋាគារ​សូ​ហ្វី​តែល​។​
    ​ក្រៅពី​មាន​រសជាតិ​ហឹរ​មុត​ ​ខុសប្លែក​ពី​រសជាតិ​ហឹរ​ ​របស់​អាហារ​ផ្សេងទៀត​ ​ដោយសារតែ​វា​មាន​គ្រឿងផ្សំ​ពិសេស​ជាច្រើន​ហើយ​នោះ​ ​លោក​មេ​ចុងភៅ​ ​ជនជាតិ​ចិន​រូប​នេះ​ ​បាន​បន្ត​ឲ្យដឹង​ទៀត​ថា​ ​អាហារ​ដែល​មាន​រសជាតិ​ហឹរ​ ​គឺ​ផ្ដល់​អត្ថ​ប្រយោជន៍​ល្អ​ ​៣យ៉ាង​ ​សម្រាប់​ការ​បរិភោគ​នៅក្នុង​ប្រទេស​ ​ដែល​មាន​អាកាសធាតុ​ក្តៅ​ ​ហើយ​សើម​ ​ដូច​ប្រទេស​កម្ពុជា​ជាដើម​។​

    ​រសជាតិ​ហឹរ​ ​របស់​ម្ហូប​ស៊ី​ឈួន​ ​ផ្ដល់​អត្ថ​ប្រយោជន៍​ល្អ​ ​៣​ ​យ៉ាង​ ​រួមមាន​៖​ ​១​.​ ​អ្នក​នឹង​មិន​មាន​អារម្មណ៍​ថា​អាកាសធាតុ​ក្តៅ​ខ្លាំង​ ​នៅពេល​អ្នក​ញ៉ាំ​ម្ហូប​ហឹរ​,​ ​២​.​ ​រសជាតិ​ហឹរ​ ​បាន​ជួយ​ដល់​ប្រព័ន្ធ​រំលាយអាហារ​ ​និង​ទី៣​.​ ​ការ​បែកញើស​ ​ក្រោយពី​ការ​បរិភោគ​អាហារ​ហឹរ​ ​បាន​ជួយ​បណ្ដេញ​ជាតិពុល​ ​ចេញពី​រាងកាយ​។​

    ​ចុះ​អត្ថ​ប្រយោជន៍​ទី៤​ ​នៃ​ការ​ពិសារ​ម្ហូប​ស៊ី​ឈួន​ ​គឺជា​អ្វី​?​

    ​អត្ថ​ប្រយោជន៍​ ​ទី៤​ ​នោះ​គឺ​ពិតជា​ពិសេស​ណាស់​ ​សម្រាប់​ភ្ញៀវ​ដែល​មក​ពិសារ​ ​ម្ហូប​ស៊ី​ឈួន​ ​រសជាតិ​ដើម​ពិ​តៗ​ ​នៅ​ភោជនីយដ្ឋាន​ចិន​ ​Fu​ ​Lu​ ​Zu​ ​ដែល​ស្ថិតនៅ​ក្នុង​សណ្ឋាគារ​សូ​ហ្វី​តែល​ ​គឺ​នឹង​មានឱកាស​ ​ឈ្នះ​សំបុត្រ​យន្តហោះ​ ​ទៅមក​ទីក្រុង​ឆឹង​ទូ​ ​ក្នុង​ខេត្ត​ស៊ី​ឈួន​ ​នៃ​ប្រទេស​ចិន​ ​ព្រមទាំង​ការ​ស្នាក់នៅ​សណ្ឋាគារ​លំដាប់​ផ្កាយ​ ​ពី​យប់​ផង​ដែរ​។​

    ​ក្រុម​ចុងភៅ​នៃ​ភោជនីយដ្ឋាន​ចិន​ ​Fu​ ​Lu​ ​Zu​ ​នឹង​រៀបចំ​នូវ​ឈុត​អាហារ​ស៊ី​ឈួន​ ​ពិ​សេស​ៗ​ប្រចាំ​ហាង​ក្នុង​តម្លៃ​ ​$​៤៥​+​+​ ​សម្រាប់​មនុស្សម្នាក់​ ​និង​បម្រើ​ជូន​ចាប់ពី​ ​៤​ ​នាក់​ឡើង​ទៅ​ ​សម្រាប់​អាហារ​ថ្ងៃត្រង់​ ​ចាប់ពី​ម៉ោង​ ​១១​:​៣០​ ​ព្រឹក​ ​ដល់ម៉ោង​ ​២​:​៣០​ ​ថ្ងៃ​ ​និង​ ​អាហារ​ពេលល្ងាច​ចាប់ពី​ម៉ោង​ ​6​:​00​ ​ល្ងាច​ ​ដល់ម៉ោង​ ​10​:​00​ ​យប់​។​

    ​សូម​ទំនាក់ទំនង​មកកាន់​លេខ​ ​023​ ​999​ ​200​ ​សម្រាប់​ការ​កក់​បន្ទប់​ ​និង​សម្រាប់​ព័ត៌មាន​លម្អិត​បន្ថែម​ទៀត​។​
    ​
    ​អំពី​ ​សូ​ហ្វី​តែល​
    ​សណ្ឋាគារ​សូ​ហ្វី​តែល​ភ្នំពេញ​ភូ​គី​ត្រា​ ​គឺជា​សណ្ឋាគារ​ប្រណីត​ ​តាម​បែប​បារាំង​តែមួយគត់​នៅ​ទី​ក្រុង​ភ្នំ​ពញ​ ​និង​ទទួល​បាន​ពានរង្វាន់​ជាច្រើន​។​ ​សណ្ឋាគារ​សូ​ហ្វី​តែល​ ​មាន​បន្ទប់​ចំនួន​ ​២០១​ ​បន្ទប់​ ​មាន​ស្ប៉ា​ ​ក្លឹប​ហាត់ប្រាណ​ ​សាល​ប្រជុំ​ ​Grand​ ​Ballroom​ ​បំពាក់​ដោយ​សម្ភារៈ​ប្រជុំ​ទំនើប​ៗ​ ​និង​ភោជនីយដ្ឋាន​ចំនួន​ ​៤​ ​។​ ​ការ​តុបតែង​តាម​រចនាបថ​បារាំង​ ​ផ្តល់​ជូន​សោភ័ណភាព​ប្រណិត​ដែល​ជ​ម្រុ​ញ​ឱ្យ​មានការ​គាំទ្រ​ឥត​ឈប់ឈរ​ ​នៅក្នុង​សណ្ឋាគារ​ដែល​ល្បីល្បាញ​ទូទាំង​ព្រះរាជាណាចក្រ​កម្ពុជា​។​
    ​
    ​ទំនាក់ទំនង​ ​ផ្នែក​ ​ផ្សព្វផ្សាយ​
    ​
    ​លោក​ ​ផល​ ​សំបូរ​
    ​ប្រធាន​គ្រប់គ្រង​ ​ផ្នែក​ទីផ្សារ​ ​ឌីជីថល​
    ​Email​:​ ​PHAL.Sambo​@​sofitel.com​
    ​Website​:​ ​sofitel.com​ ​|​ ​accorhotels.com​

  • ឃើញ​ហ៊ឺហា​លុយ​ចាយ​មិន​ខ្វះ​អ៊ីចឹង​ ​តែ​ឪ​នៅ​ស្ទាវ​ ​Floyd​ ​Mayweather​ ​មានកូន​ប្រុស​-​ស្រី​ ​4នាក់​ហើយ​

    ឃើញ​ហ៊ឺហា​លុយ​ចាយ​មិន​ខ្វះ​អ៊ីចឹង​ ​តែ​ឪ​នៅ​ស្ទាវ​ ​Floyd​ ​Mayweather​ ​មានកូន​ប្រុស​-​ស្រី​ ​4នាក់​ហើយ​

    ​អ្នកប្រដាល់​មិនដែល​ចាញ់​ ​Floyd​ ​Mayweather​ ​សញ្ជាតិ​អាមេរិកាំង​ ​ទោះជា​អ្នកមាន​សម្បូរទៅដោយ​លុយ​ ​ឡាន​ ​វីឡា​ ​និង​មានជីវិត​ហ៊ឺហា​ដើរលេង​ដូច​ស្ទាវ​មែន​ ​តែ​អ្នកប្រដាល់​ម្នាក់​នេះ​មានកូន​ប្រុស​-​ស្រី​ ​ចំនួន​ ​4នាក់​ហើយ​។​
    ​
    ​បុរស​ស្បែក​ខ្មៅ​មានទ្រព្យ​ ​550លាន​ដុល្លា​ ​វ័យ​ ​41ឆ្នាំ​រូប​នេះ​មានកូន​ប្រុស​ ​2នាក់​ ​(​Koraun​ ​Mayweather​ ​និង​ ​Zion​ ​Mayweather​)​ ​និង​កូនស្រី​ ​2នាក់​ ​(​Iyanna​ ​Mayweather​ ​and​ ​Jirah​ ​Mayweather​)​។​ ​
    ​
    ​ថ្វី​ដ្បិតតែ​មិនទាន់​រៀបការ​មែន​ ​តែ​កូន​របស់​គេ​ចំនួន​ ​3នាក់​ ​គឺ​រស់នៅ​រួមគ្នា​ជាមួយនឹង​អ្នកស្រី​ ​Josie​ ​Harris​ ​ខណៈ​ដែល​កូន​ម្នាក់​ចុងក្រោយ​ ​គឺជា​កូន​របស់​អ្នកស្រី​ ​Melissa​ ​Brim​៕​


    ​

  • Van​ ​Dijk​ ​ឈ្នះ​ ​Men’s​ ​Player​ ​of​ ​the​ ​Year​ ​ខណៈ​ ​Messi​ ​បាន​ត្រឹម​ពាន​ខ្សែប្រយុទ្ធ​ឆ្នើម​

    Van​ ​Dijk​ ​ឈ្នះ​ ​Men’s​ ​Player​ ​of​ ​the​ ​Year​ ​ខណៈ​ ​Messi​ ​បាន​ត្រឹម​ពាន​ខ្សែប្រយុទ្ធ​ឆ្នើម​

    ​តាមរយៈ​ការ​បូកសរុប​លទ្ធផល​បោះឆ្នោត​ពីសំណាក់​អ្នកសារព័ត៌មាន​ ​គ្រូបង្វឹក​ ​និងកីឡា​ករ​ ​UEFAបាន​ប្រកាស​ជយលាភី​ ​UEFA​ ​Men’s​ ​Player​ ​of​ ​the​ ​Year​ ​ដោយ​ផ្តល់​ពាន​ជូន​ខ្សែការពារ​របស់​ក្លិប​ ​Liverpool​ ​គឺ​កីឡាករ​ ​Virgil​ ​van​ ​Dijk​។​
    ​
    ​ជាមួយគ្នា​នេះ​ដែរ​ ​សំឡេងឆ្នោត​របស់​កីឡាករ​រូប​នេះ​មានដល់​ទៅ​ ​305សំឡេង​ ​ចំណែង​ឯ​ ​Messi​ ​ស្ថិតនៅ​លំដាប់​លេខ2​ ​មាន​សំឡេងឆ្នោត​ ​207សំឡេង​ ​ខណៈ​ដែល​កីឡាករ​ ​Ronaldo​ ​វិញ​ ​មិន​ស្ថិត​ក្នុងចំណោម​ ​Top​ ​ឡើយ​ ​ដោយ​ទទួល​បាន​ត្រឹមតែ​ ​74សំឡេង​ប៉ុណ្ណោះ​។​
    ​
    ​គួរ​បញ្ជាក់​ដែរ​ថា​ ​ពានរង្វាន់​មួយ​នេះ​ ​កាលពី​ឆ្នាំមុន​បាន​ទៅលើ​កីឡាករ​ ​Luka​ ​Modric​ ​ខ្សែបម្រើ​សញ្ជាតិ​ក្រូអាត​ ​ដែល​ធ្វើ​បាន​យ៉ាង​ល្អ​កាលពី​ ​World​ ​Cup​ ​ខណៈ​ដែល​ភាគច្រើន​ពាន​នេះ​ត្រូវ​បាន​កាន់កាប់​ដោយ​កីឡាករ​ ​Messi​ ​និង​ ​Ronaldo​៕​


    ​

  • អីយ៉ា​ ​ប្រុង​លេង​មែនទែន​!​?​!​ ​ហុងកុង​ដក​កីឡាករ​នីហ្សេរីយ៉ា​ចេញ​ ​ថែម​កីឡាករ​ប្រេស៊ីល​ចូល​ក្រុមជម្រើសជាតិ​ ​មុន​មក​ប៉ះ​កម្ពុជា​

    អីយ៉ា​ ​ប្រុង​លេង​មែនទែន​!​?​!​ ​ហុងកុង​ដក​កីឡាករ​នីហ្សេរីយ៉ា​ចេញ​ ​ថែម​កីឡាករ​ប្រេស៊ីល​ចូល​ក្រុមជម្រើសជាតិ​ ​មុន​មក​ប៉ះ​កម្ពុជា​

    ​សហព័ន្ធ​កីឡាបាល់ទាត់​ហុងកុង​បានសម្រេច​ផ្លាស់ប្ដូរ​សមាសភាព​កីឡាករ​ ​2រូប​ជា​កីឡាករ​ចូលសញ្ជាតិ​ហុងកុង​-​នីហ្សេរីយ៉ា​ ​និង​ម្នាក់ទៀត​សញ្ជាតិ​ដើម​ហុងកុង​ផ្ទាល់​ចេញពី​ក្រុម​ ​មុន​ឡើង​មក​ប្រកួត​ជាមួយ​ជម្រើសជាតិ​កម្ពុជា​។​
    ​
    ​ក្នុង​នោះ​ដែរ​ ​កីឡាករ​សញ្ជាតិ​ប្រេស៊ីល​សុទ្ធសាធ​ដែល​ចូលសញ្ជាតិ​ចិន​(​ហុងកុង​)​ ​ត្រូវ​បាន​ដាក់បញ្ចូល​បន្ថែម​ម្នាក់ទៀត​ ​ជំនួស​កីឡាករ​ហុងកុង​ម្នាក់​ដែល​បាន​រង​របួស​ក្នុងអំឡុងពេល​ហ្វឹកហាត់​កាលពី​ពេល​កន្លង​ទៅ​ថ្មី​ៗ​នេះ​។​
    ​
    ​គួរ​បញ្ជាក់​ផង​ដែរ​ថា​ ​ក្រុមជម្រើសជាតិ​ហុងកុង​ ​គឺជា​ក្រុមជម្រើសជាតិ​មួយ​ដ៏​គួរ​ឱ្យ​ខ្លាច​មួយ​ដែរ​ ​ដោយសារតែ​ក្រុម​មួយ​នេះ​ ​បាន​ដាក់បញ្ចូល​កីឡា​ក​រល្អៗ​ដែល​មាន​សញ្ជាតិ​ផ្សេង​ៗ​ទៅ​ក្នុង​ក្រុម​ ​ដែល​មាន​ដូចជា​ ​ប្រេស៊ីល​ ​អាហ្សង់ទីន​ ​នីហ្សេរីយ៉ា​ ​ព័រទុយហ្គាល់​ ​និង​បារាំង​ជាដើម​៕​


    ​

  • ផលិត​កម្ម​ថោ​ន​សម្រុក​ថត​បទចម្រៀង​ត្រៀម​សម្រាប់​ពិធីបុណ្យ​ភ្ជុំបិណ្ឌ​

    ផលិត​កម្ម​ថោ​ន​សម្រុក​ថត​បទចម្រៀង​ត្រៀម​សម្រាប់​ពិធីបុណ្យ​ភ្ជុំបិណ្ឌ​

    ​ប៉ុន្មាន​ថ្ងៃ​មកនេះ​ ​គេ​ឃើញ​ផលិត​កម្ម​ថោន​ ​បាន​បង្ហាញ​តារា​សម្តែង​ ​តារាចម្រៀង​ក្នុង​ផលិតកម្ម​ជាច្រើន​ដួង​ ​ដើម្បី​មក​ជួបជុំគ្នា​ថត​ទុក​នូវ​បណ្តា​បទចម្រៀង​មួយចំនួន​ ​រួម​ទាំង​ការ​បញ្ចូល​មនោសញ្ចេតនា​ទៅតាម​សាច់រឿង​។​ ​បទ​ថ្មី​ៗ​ទាំងនោះ​នឹង​បង្ហាញ​ភាព​អប់រំ​ជាច្រើន​ទាក់ទង​និង​ពិធីបុណ្យ​ភ្ជុំបិណ្ឌ​ ​ដែល​ជា​បុណ្យប្រពៃណី​ជាតិ​ដ៏​ធំ​មួយ​របស់​សង្គម​កម្ពុជា​។​ ​ដើម្បី​ទទួល​បាន​រសជាតិ​ថ្មី​ ​សម្រាប់​រ​ដូ​លកា​លបុ​ណ្យ​ភ្ជុំ​ថ្មីនេះ​ ​ផលិតកម្ម​ថោ​នបា​នប្រ​មូល​តា​រា​ល្បី​ៗ​ចូលរួម​សម្ដែង​ ​គេ​រំពឹង​ថា​ ​ថោន​ ​ពិតជា​ចេញ​បទចម្រៀង​ពី​រោះ​ៗ​ ​ត្រូវ​អារម្មណ៍​មហាជន​សម​តាម​អត្ថន័យ​នៅក្នុង​បទចម្រៀង​។​
    ​
    ​វត្តមាន​តារា​ចូលរួម​គេ​ឃើញ​មាន​ ​ខេម​ ​សុន​ ​ស្រីពេជ្រ​ ​រ៉ូ​លីន​ ​កា​តុ​ ​លោក​ ​គន់​ ​រៀម​រតនៈ​ហៅ​ចែ​រ៉ូហ្សា​ ​យ៉ែម​ ​ស្រីពេជ្រ​ ​ព្រមទាំង​តារា​ថ្មី​មួយចំនួន​ទៀត​។​ ​លោក​ ​គន់​ ​រៀម​រតនៈ​ ​បាន​ឲ្យដឹង​ថា​ ​លោក​សប្បាយចិត្ត​ ​ដែល​ថោន​ផ្តល់​ឱកាស​ថ្មី​ម្តង​ទៀត​ឲ្យ​លោក​បាន​សម្តែង​នូវ​បណ្តា​បទចម្រៀង​មួយចំនួន​ ​ដើម្បី​ទុក​ចាក់​ផ្សាយ​ពេល​បុណ្យ​ភ្ជុំ​ខែក្រោយ​នេះ​។​ ​សំខាន់​លោក​បាន​ថត​សម្តែង​ជាមួយ​តួ​ចម្រៀង​ល្បី​ៗ​នៅ​ទីនោះ​ ​ពិសេស​បទចម្រៀង​ខេម​ ​ដែល​និយាយ​ពី​ការ​នឹកស្រុក​ពលករ​កូរ៉េ​ពេល​ភ្ជុំ​។​ ​លោក​រំពឹង​ថា​ ​បទចម្រៀង​ទាំងអស់​ពិតជា​ទទួល​បានការ​ចាប់អារម្មណ៍​ច្រើន​ពីសំណាក់​អ្នកគាំទ្រ​ក្រោយពេល​ចេញ​រូបរាង​ពិតប្រាកដ​ហើយ​កុំ​ភ្លេច​ទៅ​ចូលរួម​រាប់​បាត​ដាក់បិណ្ឌ​ទាំងអស់គ្នា​៕​
    ​

    ​
    ​

  • តារា​កម្ពុជា​ច្រើន​ដួង​ចូលរួម​គាំទ្រ​ការប្រកួត​បាល់ទាត់​មិត្តភាព​តារា​កម្ពុជា​-​ថៃ​ ​ទាំង​ភ្លៀង​ដើម្បី​មន្ទីរពេទ្យ​គន្ធបុប្ផា​

    តារា​កម្ពុជា​ច្រើន​ដួង​ចូលរួម​គាំទ្រ​ការប្រកួត​បាល់ទាត់​មិត្តភាព​តារា​កម្ពុជា​-​ថៃ​ ​ទាំង​ភ្លៀង​ដើម្បី​មន្ទីរពេទ្យ​គន្ធបុប្ផា​

    ​ការប្រកួត​បាល់ទាត់​មិត្តភាព​តារា​កម្ពុជា​-​ថៃ​ ​នៅ​ថ្ងៃទី២៩​ ​សីហា​ ​ឆ្នាំ២០១៩​ ​ក្នុង​ស្ដា​ត​អូឡាំពិក​ដែល​ពោរពេញ​ដោយ​តំណក់ទឹកភ្លៀង​បាន​បញ្ចប់​យ៉ាង​ជោគជ័យ​នោះ​ ​គេ​មិនសូវ​ឃើញ​អ្នកទិញ​សំបុត្រ​ចូល​ទស្សនា​ដូច​ការ​រំពឹង​ទុក​ប៉ុន្មាន​ទេ​ ​ដោយសារតែ​ភ្លៀង​វាយលុក​ទីលាន​ប្រកួត​នៅ​ស្ដា​ត​អូឡាំពិក​ ​តាំងពី​មុន​ដំណើរការ​។​ ​នៅក្នុង​ព្រឹត្តិ​ការណ៍​ទាំងមូល​ឃើញ​តែ​វត្តមាន​ភ្ញៀវ​កិត្តិយស​ដែល​ចូលរួម​បរិច្ចាគ​ ​និង​ក្រុម​សិល្បករ​សិល្ប​ការិនី​ដែល​ស្ម័គ្រចិត្ត​ជួយ​កម្មវិធី​ប៉ុណ្ណោះ​។​ ​ក្នុង​វេទិកា​ក្រោម​ដំបូល​ដែល​មានតែ​កៅអី​ប៉ុន្មាន​ជួរ​ ​គឺ​សម្រាប់​តែ​ភ្ញៀវ​ ​និង​អ្នកឧបត្ថម្ភ​កម្មវិធី​ប៉ុណ្ណោះ​ ​ដោយក្រុម​សិល្បករ​សិល្ប​ការិនី​ ​បើ​ទោះជា​មិន​ទទួលភ្ញៀវ​ ​ហើយ​ត្រូវ​អង្គុយ​ក៏​អង្គុយ​ក្រោម​ដំណក់ទឹក​ភ្លៀង​។​ ​
    ​
    ​សិល្បករ​សិល្ប​ការិនី​ ​ដែល​បាន​បង្ហាញខ្លួន​ជា​ក្រុមការងារ​នៅក្នុង​ថ្ងៃ​នោះ​ ​មាន២ក្រុម​ ​គឺ​ក្រុម​ធ្លាប់​បាន​សម្ដែង​ជាមួយ​ផលិតកម្ម​មហាហង្ស​ ​ដែល​ជា​ក្រុមការងារ​ ​និង​ក្រុម​សិល្បៈ​ស្ម័គ្រចិត្ត​របស់​គ្រួសារ​តារា​កម្ពុជា​។​ ​សិល្ប​ករែល​ចូលរួម​ដង្ហែ​រក្បួ​ននៅ​ក្នុង​ថ្ងៃ​នោះ​រួមមាន​លោក​ ​បញ្ញា​ ​សិទ្ធិ​ ​តារាចម្រៀង​ ​លោក​ ​ស៊ិន​ ​សុ​ធារិ​ទ្ធ​ ​តារា​សម្ដែង​​ ​លោក​ ​រុន​ ​ណា​កូ​ ​តារា​សម្ដែង​ ​កញ្ញា​ ​ពេជ្រ​ ​ចរណៃ​ ​តារា​សម្ដែង​​ ​លោក​ ​ឆា​លី​ ​តារា​សម្ដែង​​ ​លោក​ ​វង​ ​សច្ចៈ​វិជ្ជា​ ​តារា​សម្ដែង​ ​លោក​ ​រ៉ា​ ​យ៉ា​ឌីន​ ​តារាចម្រៀង​, ​លោក​ ​ឆេង​ ​វង្ស​ ​តារា​ក្បាច់​គុណ​​ ​កញ្ញា​ ​អៃ​ ​សុគន្ធ​ពិដោរ​ ​បេក្ខភាព​ ​Miss​ ​Global​ ​Cambodia​ ​2019​​ ​កញ្ញា​ ​កែវ​ ​រតនា​ ​តារា​ម៉ូដែល​,​ ​លោក​ ​ឃីម​ ​រតនៈ​ ​តារា​សម្ដែង​​ ​លោក​ ​ហាក់​ ​ធៀ​មុ​ន្នី​ ​ពិធីករ​​ ​អ្នកនាង​ ​សាង​ ​សុរិយា​ ​តារា​សម្ដែង​ ​កញ្ញា​ ​អ៊ុ​ក​ ​ដា​រ៉េ​ត​ ​តារាចម្រៀង​​ ​កញ្ញា​ ​មុត​ ​សុ​វណ្ណា​រិទ្ធ​ ​តារា​សម្ដែង​​ ​អ្នកនាង​ ​យីវ​ ​ម៉ូ​នី​កា​ ​តារា​សម្ដែង​​ ​លោក​ ​វណ្ណា​ឌី​ ​តារា​សម្ដែង​ ​កញ្ញា​ ​សេង​ ​រ៉ា​នី​ ​តារា​សម្ដែង​​ ​លោក​ ​មាស​ ​សៀវ​ប៉ាយ​ ​តារា​សម្ដែង​​ ​និង​តារា​ចាស់​ក្មេង​ជាច្រើន​រូប​ទៀត​។​
    ​
    ​អ្វី​ដែលគេ​គួរ​សរសើរ​ ​គឺ​តារា​សិល្បៈ​ហែរ​ក្បែន​ ​ដែលគេ​តម្រូវ​ឱ្យ​ហាត់​សម​មុន​ពិធី​ ​និង​ដង្ហែ​រក្បួ​នប្រ​ណាំង​នឹង​ភ្លៀង​ ​ខណៈ​ដែល​ពួកគេ​ម្នា​ក់ៗ​គឺ​សុទ្ធតែ​ជាតា​រា​អាជីព​ ​ហើយ​តស៊ូ​ទទឹក​ខ្លួន​ជោគ​តាំងពី​ថ្ងៃ​ម៉ោង២​ ​នៅ​បន្ត​ជាមួយ​កម្មវិធី​រហូតដល់​ចប់​ ​ទាំង​សំលៀកបំពាក់​សើម​ជោគ​គ្មាន​សល់​។​ ​សិល្បករ​ភាគច្រើន​ត្រូវ​គេ​ឃើញ​ឈរ​ចាត់ចែង​ការងារ​លែង​គិត​ពី​ភ្លៀង​ ​ប៉ុន្តែ​ម្នា​ក់ៗ​ ​បែរជា​សប្បាយរីករាយ​ ​និង​បង្ហាញ​ស្នាមញញឹម​លើកទឹកចិត្ត​ដល់​កីឡាករ​កម្ពុជា​ ​រហូតដល់​ចប់​ពិធីជប់លៀង​អបអរ​កីឡាករ​ម៉ោង​ប្រមាណ​ជា១២យប់​ ​បើ​ទោះជា​ការ​បង្ហាញខ្លួន​របស់​ពួកគេ​ ​ក្រៅពី​មិនបាន​ប្រាក់កម្រៃ​ ​គឺ​ត្រូវ​ចំណាយ​ការ​រ៉ាប់រ៉ង​ផ្ទាល់ខ្លួន​មួយចំនួន​។​ ​ការ​លះបង់​របស់​សិល្បករ​សិល្ប​ការិនី​ខ្មែរ​ទាំងនេះ​ ​គឺជា​គំ​រួមួ​យ​ ​ដែល​មិន​អាច​កាត់ថ្លៃ​បាន​ជាពិសេស​សម្រាប់​វត្តមាន​សិល្បករ​ដែល​មិនមែន​ជា​ក្រុមការងារ​របស់​មហាហង្ស​ ​ដែល​ជា​អ្នក​រៀបចំ​កម្មវិធី​នោះ​៕​


    ​

  • ភ្នំ​ពេញ​ក្រោ​ន​ ​ព្រះ​ខ័ន​រាជ​ស្វាយរៀង​ ​បឹង​កេត​ ​និង​វិសាខា​ ​ត្រូវ​តតាំងគ្នា​នៅ​វគ្គ​ពាក់កណ្តាល​ផ្តាច់ព្រ័ត្រ​ ​HUN​ ​SEN​ ​CUP​

    ភ្នំ​ពេញ​ក្រោ​ន​ ​ព្រះ​ខ័ន​រាជ​ស្វាយរៀង​ ​បឹង​កេត​ ​និង​វិសាខា​ ​ត្រូវ​តតាំងគ្នា​នៅ​វគ្គ​ពាក់កណ្តាល​ផ្តាច់ព្រ័ត្រ​ ​HUN​ ​SEN​ ​CUP​

    ​ការប្រកួត​ដណ្ដើម​ពានរង្វាន់​សម្ដេច​ហ៊ុន​ ​សែន​ ​ឬ​ ​Hun​ ​Sen​ ​Cup​ ​ឆ្នាំ2019​ ​បាន​ឈាន​មកដល់​វគ្គ​ពាក់កណ្ដាល​ផ្ដាច់ព្រ័ត្រ​ផ្លូវការ​ហើយដោយ​មានការ​ប្រកួត​ចំនួន​ ​4គូ​នៅ​លើ​ទីលាន​ចំនួន​ ​4ផ្សេងគ្នា​ដែរ​។​
    ​
    ​ក្នុង​នោះ​ ​ក្រុម​ដែល​បាន​ឡើង​ទៅ​វគ្គ​ពាក់កណ្តាល​ផ្តាច់ព្រ័ត្រ​នេះ​មាន​ដូចជា​ ​ភ្នំ​ពេញ​ក្រោ​ន​ ​ព្រះ​ខ័ន​រាជ​ស្វាយរៀង​ ​បឹង​កេត​ ​និង​វិសាខា​។​ ​ក្រុម​ទាំង4នេះ​នឹង​ត្រូវ​ចាប់ឆ្នោត​រើស​គូប្រកួត​ក្នុង​វគ្គ​ ​4ក្រុម​ចុងក្រោយ​នៅពេល​ខាងមុខ​ ​ឯ​ការប្រកួត​នឹង​ធ្វើឡើង​ចំនួន​ ​2ជើង​តាម​រូបមន្ត​ប្ដូរ​ទឹកដី​ ​ដូច​វគ្គ​ ​8ក្រុម​ចុងក្រោយ​ដែរ​៕​


    ​