Tag: Xiaomi

CEO របស់ Xiaomi បង្ហើបឱ្យដឹងតម្លៃរបស់រថយន្តអគ្គិសនីដែលជិតបង្ហាញខ្លួន
អគ្គនាយកប្រតិបត្តិរបស់ក្រុមហ៊ុនចិន Xiaomi នាថ្ងៃនេះ បានឱ្យដឹងថា គោលដៅរបស់លោកសម្រាប់រថយន្តអគ្គិសនីដំបូងរបស់ក្រុមហ៊ុន គឺវានឹងជា «រថយន្តស្អាតបំផុត ងាយស្រួលបើកបរបំផុត និងឆ្លាតវៃបំផុត» ហើយមានតម្លៃក្រោម 69,424 ដុល្លារអាម៉េរិក។
នៅថ្ងៃទី 28 ខាងមុខ Xiaomi នឹងប្រកាសតម្លៃជាផ្លូវការ ហើយក៏ចាប់ផ្ដើមទទួលការបញ្ជាទិញសម្រាប់រថយន្តអគ្គិសនី SU7។
លោក Lei Jun ដែលជា CEO របស់ Xiaomi បានអួតថា SU7 មានបច្ចេកវិទ្យាដែលអាចបង្កើនល្បឿនបានល្អជាងរថយន្តអគ្គិសនី Tesla របស់អាម៉េរិក និង Porsche របស់អាល្លឺម៉ង់ទៅទៀត។
March 25, 2024
ក្រុមហ៊ុនទូរស័ព្ទចិន បង្ហាញរថយន្តអគ្គិសនី SU7 EV រត់បានឆ្ងាយជាងរាល់រថយន្តអគ្គិសនីបច្ចុប្បន្ន
ក្រុមហ៊ុនចិន Xiaomi បានធ្វើឱ្យមានចំណាប់អារម្មណ៍ខ្លាំងនៅក្នុងព្រឹត្តិការណ៍ Mobile World Congress នៅ Barcelona គ្រាដែលតាំងបង្ហាញ SU7 ដែលជារថយន្តអគ្គិសនីដំបូងរបស់ខ្លួន។ នេះគឺជាលើកដំបូងហើយដែល SU7 ត្រូវបានបង្ហាញដោយផ្ទាល់ បន្ទាប់ពីត្រូវបានប្រកាសព័ត៌មានជាលើកដំបូងនៅប្រទេសចិន កាលពីចុងឆ្នាំមុន។
SU7 គឺជាម៉ូដែលសេដានកីឡា ដែលមានពណ៌ខៀវខ្ចីដ៏ទាក់ទាញ។ រថយន្តនេះបើប្រាស់ម៉ូទ័រអគ្គិសនីរបស់ Xiaomi និងអាចបង្កើនល្បឿនពី 0 ទៅ 100 គីឡូម៉ែត្រ/ម៉ោង ដោយប្រើពេលតែ 2.78 វិនាទី។
Xiaomi SU7 នឹងបំពាក់ថ្មផ្ទុកថាមពល 101 kWh ដែលអាចធ្វើដំណើរបានជាង 800 គីឡូម៉ែត្រ ឆ្ងាយជាងច្រើនបើធៀបនឹងបណ្ដារថយន្តអគ្គិសនីនាបច្ចុប្បន្ន។ រថយន្តនេះក៏មានបំពាក់មុខងារបញ្ចូលថាមពលលឿន ដែលអាចធ្វើដំណើរបាន 500 គីឡូម៉ែត្រ ក្រោយពីសាកថ្មបាន 15 នាទី។
អំពីបច្ចេកវិទ្យាវិញ SU7 ត្រូវបានបំពាក់ប្រព័ន្ធអង្គញាណដែលអនុញ្ញាតឱ្យវាបើកបរដោយស្វ័យប្រវត្ត រួមនឹងអេក្រង់កម្សាន្ត 16 អ៊ិញ និងអេក្រង់បង្ហាញព័ត៌មានសម្រាប់អ្នកបើកបរ ក៏ដូចជាប្រព័ន្ធបញ្ជាដែលអាចបង្វិលបានផងដែរ។
យោងតាម Absolute Geeks បើទោះ Xiaomi មិនទាន់បង្ហើបឱ្យដឹងអំពីតម្លៃ ឬថ្ងៃដាក់លក់ជាផ្លូវការ ប៉ុន្តែពួកគេកំពុងឆ្ពោះទៅរកគោលដៅក្លាយជាអ្នកផលិតរថយន្តនៅក្នុង top 5 របស់ពិភពលោក។ ប្រការនេះមានន័យថា Xiaomi SU7 អាចត្រូវបាននាំចេញទៅលក់ក្នុងទីផ្សារបរទេស បើទោះតម្លៃរបស់វាទំនងជាខ្ពស់៕

February 27, 2024
Xiaomi នឹងផលិតរថយន្តអគ្គិសនីដំបូងក្នុងទ្រង់ទ្រាយធំនៅក្នុងខែកុម្ភៈនេះ
ម៉ូដែលដំបូងរបស់ Xiaomi EV គឺ SU7 នឹងឈានចូលដល់ដំណាក់កាលផលិតឆាប់ៗខាងមុខ។
យោងតាមសេចក្ដីប្រកាស Xiaomi EV មានគម្រោងផលិតរថយន្តអគ្គិសនីឱ្យបានប្រហែល 2,000 គ្រឿងនៅក្នុងខែមីនា និងបង្ហើយការបង្កើនបរិមាណនៅពាក់កណ្ដាលឆ្នាំ 2024 ដែលក្នុងនោះ ពួកគេនឹងផលិតបានជាង 10,000 គ្រឿងនៅក្នុងខែកក្កដាឆ្នាំនេះ។
ក្រុមហ៊ុនចិន Xiaomi បានប្រកាសជាផ្លូវការកាលពីខែមីនាឆ្នាំ 2021 ថា ពួកគេនឹងចូលរួមផលិតរថយន្ត ដោយបញ្ជាក់ថា ពួកគេនឹងវិនិយោគ 10 ពាន់លានយុនសម្រាប់ដំណាក់កាលដំបូងនៃសកម្មភាពជំនួញផ្នែករថយន្ត ហើយគ្រោងនឹងវិនិយោគ 10 ពាន់លានដុល្លារអាម៉េរិក នៅក្នុងរយៈពេល 10 ឆ្នាំខាងមុខ។
ក្រុមហ៊ុនខាងលើបានបង្ហាញរថយន្តអគ្គិសនី SU7 របស់ខ្លួនកាលពីថ្ងៃទី 28 ធ្នូ 2023 និងបានឱ្យដឹងថា ក្រុមហ៊ុនសង្ឃឹមថា នឹងក្លាយជាមួយក្នុងចំណោមអ្នកផលិតរថយន្តលំដាប់ពិភពលោក នៅក្នុងរយៈពេលពី 15 ទៅ 20 ឆ្នាំទៀត។
Xiaomi មិនទាន់ប្រកាសព័ត៌មានស្ដីពីតម្លៃរបស់ SU7 ក៏ដូចជាពេលវេលាបង្ហាញរថយន្តនេះជាផ្លូវការ។ ប៉ុន្តែ បើយោងតាម CnEVPost កំណែខ្ពស់បំផុតរបស់ Xiaomi SU7 នឹងមានតម្លៃ 50,320 ដុល្លារអាម៉េរិក៕
February 8, 2024
ក្រុមហ៊ុន Xiaomi ផលិតស្មាតហ្វូន 5G តម្លៃធូរថ្លៃជាងគេបំផុត តែ 285ដុល្លារ
ក្រុមហ៊ុន Xiaomi បានផលិតចេញនូវស្មាតហ្វូនម៉ូដែល Redmi K30 (5G) ដែលមានបំពាក់នូវប្រព័ន្ធ 5G តែតម្លៃត្រឹមតែ 285ដុល្លារប៉ុណ្ណោះ (ឬ 1999 យន់) ដែលនេះជាតម្លៃលក់រាយនៅប្រទេសចិន និងបានចេញលក់កាលពីខែមករាកន្លងមក។
Redmi K30 បានចេញលក់លើទីផ្សារហើយ តម្លៃនេះអាចជាប់ក្នុងបញ្ជីស្មាតហ្វូន 5G ដែលមានតម្លៃធូរថ្លៃជាងគេបំផុតមួយ នាពេលបច្ចុប្បន្ន។
ចំពោះលក្ខណសម្បតិ្តរបស់ K30 នេះវិញ គឺបំពាក់កាមេរ៉ាក្រោយ 4គ្រាប់ ប្រើបន្ទះឈីប Snapdragon 765G មាន 5G, មានថ្មទំហំ 4500 mAh, តែប្រើអេក្រង់រាងអន់បន្តិចគឺ LCD ដែលមាន Refresh Rate 120Hz។
មួយវិញទៀត ក្រុមហ៊ុនក៏គ្រោងនឹងបញ្ចេញ ស្មាតហ្វូនម៉ូដែល Redmi K30i ជាសិស្សប្អូនចេញមកមួយទៀត ហើយដាក់តម្លៃកាន់តែទាបជាងសិស្សបងផងដែរ។ បើសិន Redmi K30i អាចចេញលក់នោះ គេរំពឹងថា នឹងលក់រាយក្នុងតម្លៃត្រឹមតែ 255ដុល្លារប៉ុណ្ណោះ(1799 យន)។ បើដូចនេះ កំណត់ត្រាថ្មី នឹងអាចធ្វើឱ្យវាក្លាយជាទូរស័ព្ទ 5G ដែលមានតម្លៃធូរថ្លៃជាងគេបំផុត ប្រចាំឆ្នាំ2020នេះ៕
April 29, 2020
សូមស្វាគមន៍វត្តមានរបស់កំពូលស្មាតហ្វូន Redmi Note 9S : Power To Win
ភាពស្រស់ស្អាតទាក់ទាញចិត្តយុវវ័យ កម្លាំងម៉ាស៊ីនខ្លាំងក្លា កាមេរ៉ា4គ្រាប់ដ៏ទាក់ទាញ និងបទពិសោធន៍នៃការប្រើប្រាស់ដែលគ្មានគូប្រៀប។
ភ្នំពេញ, កម្ពុជា ថ្ងៃទី 4 ខែមេសា ឆ្នាំ 2020– នៅថ្ងៃនេះ Xiaomi ដែលជាក្រុមហ៊ុនបច្ចេកវិទ្យានាំមុខគេរបស់ពិភពលោក បានបង្ហាញវត្តមានរបស់កំពូលស្មាតហ្វូន Redmi Note 9S ដែលជាស្មាតហ្វូនថ្នាក់កណ្តាលស៊េរីថ្មីប៉ុន្តែសមត្ថភាពវិញខ្លាំងក្លាមិនធម្មតានោះទេ។ ស្មាតហ្វូនត្រកូល Redmi Noteនេះផ្តល់នូវបទពិសោធន៍នៃការប្រើប្រាស់ដែលមិនគួរអោយជឿនោះទេសម្រាប់អ្នកប្រើប្រាស់ជាច្រើននៅជុំវិញពិភពលោក ហើយអ្វីដែលពិសេសនោះស្មាតហ្វូនស៊េរីថ្មីនេះក៏មានភ្ជាប់ជាមួយនឹងបន្ទះឈីបខ្លាំងក្លា ការឌីស្សាញរូបរាងយ៉ាងទាក់ទាញលេចធ្លោរ កាមេរ៉ា 4 គ្រាប់សមត្ថភាពខ្លាំងក្លា និងជាពិសេសនោះគឺថាមពលថ្មប្រើប្រាស់បានយូរតែម្តង។
លោក Peaker Gao ប្រធានគ្រប់គ្រងរបស់ក្រុមហ៊ុន Xiaomi ប្រចាំប្រទេសកម្ពុជា បានបញ្ជាក់ថា “Redmi Note គឺជាស្មាតហ្វូនមួយនៅក្នុងចំណោមថ្នាក់ស៊េរីដែលមានការគាំទ្រពេញនិយមប្រើប្រាស់បំផុតរបស់ក្រុមហ៊ុនបច្ចេកវិទ្យា Xiaomi ហើយរហូតមកទល់ពេលនេះ នៅលើពិភពលោកមានអ្នកប្រើប្រាស់ស្មាតហ្វូន Redmi Note9S ចំនួន 110 លាននាក់ ដែល “S” គឺមានន័យថា Special (ពិសេស) ហើយនៅថ្ងៃទី 6 ខែមេសានេះគឺជាខួប 10 ឆ្នាំបស់ក្រុមហ៊ុន Xiaomi យើងក៏ធ្វើការអភិវឌ្ឍនូវម៉ូឌែលដ៏ពិសេសនេះ សម្រាប់អ្នកគាំទ្រ Mi របស់យើងគ្រប់គ្នា។ ស្មាតហ្វូន Redmi Note 9S មានសមត្ថភាពខ្លាំងក្លាអស្ចារ្យបំផុតក្នុងការប្រើប្រាស់ ហើយបើនិយាយអំពីតម្លៃវិញពិតជាសក្តិសមឥតខ្ចោះសម្រាប់មនុស្សគ្រប់គ្នាតែម្តង”។
លោក Peaker Gao បន្ថែមថា “នៅក្នុងពេលវេលាដ៏លំបាកនៃកូរ៉ូណាវីរុសនេះ យើងគឺជារលកនៃសមុទ្រតែមួយ យើងជាស្លឹកឈើនៃដើមឈើតែមួយ យើងជាផ្កានៅក្នុងសួនច្បារតែមួយ។ យើងនៅជាមួយគ្នាជានិច្ច។ ក្រុមហ៊ុនបច្ចេកវិទ្យា Xiaomi ប្រទេសកម្ពុជានឹងធ្វើការបរិច្ចាក និងព្យាយាមក្នុងការផ្តល់នូវសម្ភារៈដែលចាំបាច់សម្រាប់ការទ្រទ្រង់ទៅលើការរស់នៅប្រចាំថ្ងៃ។ ជីវិតរបស់យើងគ្រប់គ្នាប្រហែលជាមានការប៉ះពាល់ដោយសារតែកូរ៉ូណាវីរុសនេះ ប៉ុន្តែយើងមិនដែលចុះចាញ់នោះទេ។ នៅក្នុងវប្បធម៌របស់ក្រុមហ៊ុន Xiaomi នោះ យើងតែងតែជឿជាក់ថាអ្វីមួយដែលអស្ចារ្យនឹងកើតឡើងជាក់ជាមិនខាន”។
សមត្ថភាពខ្លាំងក្លាជាមួយនឹងបន្ទះឈីបដ៏មានអនុភាព និងថាមពលថ្មប្រើប្រាស់បានយូរ
ស្មាតហ្វូនស៊េរីថ្មីនេះភ្ជាប់ជាមួយនឹងបន្ទះឈីប Qualcomm Snapdragon 720G ដ៏មានអនុភាពខ្លាំងក្លាដែលមានអង្គគណនា octa-core CPU ជាមួយនឹងល្បឿននាឡិកាដល់ទៅ 2.3GHz ក្រាហ្វិកកាតខ្លាំង Adreno 618 GPU និងបច្ចេកវិទ្យា 8nm ថែមទៀតផង។ ស្មាតហ្វូន Redmi Note 9S ផ្តល់នូវបទពិសោធន៍នៃការប្រើប្រាស់ដែលមិនធ្លាប់មានពីមុនមកនោះទេជាមួយនឹងបច្ចេកវិទ្យា AI កម្រិតខ្ពស់របស់វា និងការពង្រឹងទៅលើប្រសិទ្ធិភាពនៃការប្រើប្រាស់ដ៏ខ្លាំងក្លាបំផុត។
នៅក្នុងនាមជាស្មាតហ្វូនមួយនៅក្នុងត្រកូល Redmi Note ដែលមានភ្ជាប់ជាមួយនឹងម៉ូទ័ររំញ័រ Z-axis នោះវាជួយក្នុងការបង្កើនទៅលើល្បឿននៃការឆ្លើយតបល្អប្រសើរជាងមុនបើធៀបជាមួយនឹងម៉ូទ័រធម្មតានោះ។ ថាមពលថ្មទំហំ 5020mAh របស់ស្មាតហ្វូននេះធ្វើអោយអ្នកប្រើប្រាស់ជាច្រើនរីករាយជាមួយនឹងការប្រើប្រាស់បានពេញមួយថ្ងៃទោះបីជាប្រើប្រាស់នូវកម្មវិធីធំៗក៏ដោយ។ នៅពេលដែលធ្វើការបញ្ចូលថ្មនោះ ស្មាតហ្វូននេះ ប្រើប្រាស់នូវបច្ចេកវិទ្យាបញ្ចូលថាមពល 18W fast charging និងដុំឆ្នាំងសាក 22.5W charger ។
ការឌីស្សាញរូបរាងល្អឥតខ្ចោះ និងការបង្ហាញដ៏អស្ចារ្យនៅលើអេក្រង់ធំទូលាយក្នុងការប្រើប្រាស់
ជាមួយនឹងការឌីស្សាញរូបរាងថ្មីទាក់ទាញ អេក្រង់ពេញគែមយ៉ាងស្រស់ស្អាតទាក់ទាញចិត្តបំផុតនោះ ស្មាតហ្វូន Redmi Note 9S នេះភ្ជាប់ជាមួយនឹងកាមេរ៉ាខាងក្រោយ 4 គ្រាប់ដែលមានរូបរាងជាការ៉េ និងប្រព័ន្ធស្កេនក្រយ៉ៅដៃនៅចំហៀងជាមួយនឹងប៊ូតុង Power ដែលពិតជាដំណើរការលឿនមែនទែនក្នុងការដោះសោរប្រើប្រាស់នោះ។
ជាមួយនឹងការបំពាក់នូវអេក្រង់ធំដែលមានទំហំ 6.67 អ៊ីង FHD+ DotDisplay និងកាមេរ៉ាក្រោមអេក្រង់ដំបូងបំផុតរបស់ក្រុមហ៊ុន Xiaomi នោះ ស្មាតហ្វូននេះ ពិតជាមានរូបរាងប្រណិត និងការឌីស្សាញល្អឯកជាមួយនឹងអេក្រង់ដែលមានទំហំដល់ទៅ 91% បើធៀបជាមួយនឹងតួខ្លួនរបស់វានោះ។ អេក្រង់នេះ ក៏មានការបញ្ជាក់វិញ្ញាបនបត្រពី TÜV Rheinland ដែលធ្វើការធានាថាកាត់បន្ថយទៅលើពន្លឺពណ៌ខៀវដែលធ្វើអោយភ្នែករបស់អ្នកទស្សនានៅលើអេក្រង់នេះបានយូរ និងមិនមានការរោយភ្នែកអ្វីនោះទេ។ ទន្ទឹមនឹងនេះផងដែរ ស្មាតហ្វូនេះមាន 3 ពណ៌សម្រាប់ធ្វើការជ្រើសរើសថែមទៀតផងនោះគឺពណ៌ប្រផេះ (Interstellar Grey) ពណ៌ខៀវ (Aurora Blue) និងពណ៌ស (Glacier White)។
Redmi Note 9S គឺជាកំពូលស្មាតហ្វូនមួយរបស់ក្រុមហ៊ុន Xiaomi ដែលមានការអភិវឌ្ឍយ៉ាងល្អឥតខ្ចោះដើម្បីផ្តល់នូវភាពពិតចិត្តសម្រាប់អ្នកប្រើប្រាស់។ កាន់តែពិសេសជាងនេះទៀតនោះ វាក៏មានភ្ជាប់ជាមួយនឹងប្រព័ន្ធការពារការកំពប់ទឹកពីលើ និងកញ្ចក់ Corning Gorilla Glass 5 សម្រាប់ការពារទាំងផ្នែកខាងមុខ និងផ្នែកខាងក្រោយរបស់ស្មាតហ្វូននេះថែមទៀតផង។
ការថតរូបភាព និងវីដេអូជាមួយនឹងភាពច្នៃប្រឌិតខ្ពស់បំផុតនៃកាមេរ៉ា4គ្រាប់ដ៏អស្ចារ្យ
ស្មាតហ្វូន Redmi Note 9S នេះមានភ្ជាប់ជាមួយនឹងកាមេរ៉ា4គ្រាប់ដ៏អស្ចារ្យនៅផ្នែកខាងក្រោយរបស់វាជាមួយនឹងកាមេរ៉ាគោលទំហំ 48MP 1/2” sensor ដែលអាចផ្តិតរូបភាពបានកម្រិតខ្ពស់បំផុត។ វាក៏មានភ្ជាប់ជាមួយនឹងកាមេរ៉ា 8MP ultra-wide-angle ដែលអនុញ្ញាតអោយលោកអ្នកអាចធ្វើការផ្តិតរូបភាពជាក្រុមបានកាន់តែធំទូលាយ ខណៈពេលដែលកាមេរ៉ា 5MP macro lens និង 2MP depth sensor អាចជំនួយក្នុងការថតរូបភាពបានកាន់តែស្រស់ស្អាតគ្រប់កាលៈទេសៈតែម្តង។
បើនិយាយអំពីកាមេរ៉ាខាងមុខវិញនោះ ស្មាតហ្វូន Redmi Note 9S នេះមានកាមេរ៉ាដែលមានទំហំ 16MP ដែលជាកាមេរ៉ា Selfie បង្កប់នៅក្រោមអេក្រង់ដែលពិតជាអស្ចារ្យមែនទែនក្នុងការប្រើប្រាស់។ ទោះបីជាគែម Bezels ខាងមុខរបស់វាតូចយ៉ាងណាក៏ដោយនោះ វាមិនធ្វើអោយប៉ះពាល់ដល់គុណភាពកាមេរ៉ានោះទេ។
តម្លៃ និងកាលបរិច្ឆេទនៃការដាក់លក់
ស្មាតហ្វូន Redmi Note 9S នឹងដាក់លក់ជាផ្លូវការនៅក្នុងប្រទេសកម្ពុជាចាប់ពីថ្ងៃទី8ខែមេសានេះជាមួយនឹង ៣ ពណ៌សម្រាប់ធ្វើការជ្រើសរើសនោះគឺ ពណ៌ប្រផេះ (Interstellar Grey) ពណ៌ខៀវ (Aurora Blue) និងពណ៌ស (Glacier White) ដែលមានតម្លៃ 209 USD សម្រាប់ទំហំ 4GB+64GB និងតម្លៃ 249 USD សម្រាប់ទំហំ 6GB+128GB អតិថិជនអាចស្វែងរកស្មាតហ្វូននេះនៅ Mi Stores ទាំង4 សាខានៅភ្នំពេញ, ហាង នីកា, Tech Zone…និងហាងលក់ទូរសព្ទទំនើបទូទាំងប្រទេស ឬក៏អាចចូលទៅកាន់គេហទំព័រដៃគូរសហការទិញតាមonline រួមមាន Smile Shop, Tinhtinh Online Shop, La Rue… ។ សំរាប់លោកលោកស្រីដែលមានបំណងយកទូរស័ព្ទ Xiaomi ទៅលក់រាយបន្តអាចទំនាក់ទំនង លោក សុខ ចន្ធី 070704888 (ភ្នំពេញ) លោកTouch Bunry 093333879 (កំពង់ចាម ត្បូងឃ្មុំ កំពង់ធំ សៀមរាប, បាត់ដំបង, បន្ទាយមានជ័យ, ប៉ៃលិន ពោធិសាត់ កំពង់ឆ្នាំង កំពង់ស្ពឺ, តាកែវ ព្រៃវែង ស្វាយរៀង ), KTH 085/016 884412 (រតនគិរី, មណ្ឌលគិរី ស្ទឹងត្រែង ក្រចេះ កណ្តាល កែប កំពត កោះកុង) និង វិចិត្រសុខា 0877744444 (ឧត្តរមានជ័យ ព្រះវិហារ)។
អំពីក្រុមហ៊ុន Xiaomi
ក្រុមហ៊ុន Xiaomi បង្កើតឡើងនៅក្នុងខែមេសា ឆ្នាំ 2010 ហើយវាក៏ស្ថិតនៅក្នុងបញ្ជីនៃក្រុមប្រឹក្សាភិបាលភាគហ៊ុនរបស់ហុងកុងផងដែនៅថ្ងៃទី 9 ខែកក្កដា ឆ្នាំ 2018 (1810.HK) ។ ក្រុមហ៊ុន Xiaomi គឺជាក្រុមហ៊ុនអ៊ីនធឺណិតដែលមានស្មាតហ្វូន និង Hardware ឆ្លាតវៃដែលអាចធ្វើការតភ្ជាប់ជាមួយនឹងឧបករណ៍ IoT ជាស្នូលរបស់ខ្លួន។
ជាមួយនឹងចក្ខុវិស័យនៃការក្លាយជាមិត្តភក្តិជាមួយនឹងអ្នកប្រើប្រាស់របស់ខ្លួន និងការក្លាយខ្លួនជាក្រុមហ៊ុនមួយដែលស្ថិតនៅក្នុងបេះដូងរបស់អ្នកប្រើប្រាស់ជាច្រើនោះ ក្រុមហ៊ុន Xiaomi ប្តេជ្ញាចិត្តនៅក្នុងការផ្តល់នូវភាពច្នៃប្រឌិតកាន់តែអស្ចារ្យបន្ថែមទៀតជាមយនឹងការផ្តោតទៅលើគុណភាព និងប្រសិទ្ធិភាពនៃការប្រើប្រាស់។ ក្រុមហ៊ុននេះខិតខំប្រឹងប្រែងក្នុងការបង្កើតនូវផលិតផលជាច្រើនដ៏អស្ចារ្យជាមួយនឹងតម្លៃដ៏ល្អបំផុតដែលអនុញ្ញាតអោយអ្នកគ្រប់គ្នារីករាយជាមួយនឹងជីវិតកាន់តែប្រសើរជាងមុនតាមរយៈនូវបច្ចេកវិទ្យាច្នៃប្រឌិតដ៏អស្ចារ្យទាំងនេះ។
Xiaomi បច្ចុប្បន្ននេះគឺជាក្រុមហ៊ុនម៉ាកយីហោស្មាតហ្វូនធំបំផុតចំណាត់ថ្នាក់ទី4របស់ពិភពលោក និងជាក្រុមហ៊ុនដែលនាំមុខគេទៅលើឧបករណ៍ IoT របស់ពិភពលោកថែមទៀតជាមួយនឹងឧបករណ៍ឆ្លាតវៃច្រើនជាង 213 លាន (មិនរាប់បញ្ចូលនូវស្មាតហ្វូន និងកុំព្យូទ័រយួរដៃ) ដែលធ្វើការតភ្ជាប់គ្នានោះ។ ពេលនេះ ផលិតផលជាច្រើនរបស់ក្រុមហ៊ុនបច្ចេកវិទ្យា Xiaomi គឺមានវត្តមាននៅក្នុងប្រទេសជាង 90 និងតំបន់ជាច្រើនទៀតនៅជុំវិញពិភពលោក និងកំពុងតែនាំមុខគេថែមទៀតនៅលើទីផ្សារ។
នៅក្នុងខែកក្កដា ឆ្នាំ 2019 នេះ ក្រុមហ៊ុននេះក៏ស្ថិតនៅក្នុងបញ្ជីរបស់ Fortune Global 500 ជាលើកដំបូងបំផុតនៅក្នុងចំណាត់ថ្នាក់ទី 468 និងជាប់ចំណាត់ថ្នាក់ទី7នៃក្រុមហ៊ុនអ៊ីនធឺណិតថែមទៀតផង។ ក្រុមហ៊ុន Xiaomi គឺជាក្រុមហ៊ុនវ័យក្មេងជាងគេបំផុតនៅក្នុងចំណោមបញ្ជី Fortune Global 500 នៅក្នុងឆ្នាំ 2019 ៕
April 4, 2020
កុំព្យូទ័រស៊េរីថ្មីរបស់ Xiaomi ស្អាត ហើយខ្លាំងទៀត
ម្សិលមិញនេះ ក្រុមហ៊ុនបច្ចេកវិទ្យាដ៏ធំមួយរបស់ចិន Xioami បានបញ្ចេញនូវកុំព្យូទ័រយួរដៃ Mi Notebook Pro មានរូបរាងស្អាត និងមានសមត្ថភាពដំណើរការខ្លាំង ដើម្បីប្រជែងជាមួយនឹងស៊េរីកុំព្យូទ័ររបស់ Apple។
កុំព្យូទ័រនេះមានរាងស្ដើង តួខ្លួនរចនាឡើងពីលោហៈម៉ាញ៉េស្យូម អាល់ឡយ (Magnesium alloy) មានទម្ងន់ស្រាល ត្រឹមតែ 1.95 គីឡូក្រាម លើអេក្រង់ទំហំ 15.6 អ៊ីញ។ វាត្រូវបានក្រុមហ៊ុនបំពាក់ជាមួយនឹងបន្ទះឈីបមានសមត្ថភាពខ្ពស់ Intel Core i7 និងមាន RAM 8GB/16GB ទំហំផ្ទុក 256 GB ប្រភេទ SSD មានក្រាហ្វិក NVIDIA GeForce MX150 និងភ្ជាប់នូវរន្ធ Port សរុបចំនួន 7។ Mi Notebook Pro ក៏មានប្រើនូវទ្រនាប់ស្គែនក្រយៅដៃ Fingerprint នៅបរិវេណ Touch Pad និងមានប្រើនូវប្រព័ន្ធត្រជាក់ Symmetrical Cooling សម្រាប់ជួយកាត់បន្ថយកម្ដៅ ទោះជាប្រើយូរក៏គ្មានបញ្ហាកម្ដៅដែរ។
កុំព្យូទ័រនេះ ភ្ជាប់ជាមួយបាស់បំពងសំឡេងមកពីក្រុមហ៊ុន Harman និងបច្ចេកវិទ្យាសំឡេង Dolby panoramic sound។ កុំព្យូទ័រយួរដៃមួយនេះត្រូវបាន Xiaomi ចាប់ផ្តើមលក់នៅក្នុងតម្លៃ CNY 5,600 (ប្រមាណ $860) សម្រាប់ប្រភេទ Core i5 ចំណែកប្រភេទ Core i7 មានតម្លៃ CNY 6,400 (ប្រមាណ $980)៕
Video៖ https://youtu.be/NXy63RHhlYA
September 12, 2017
Nokia និង Xiaomi ចុះហត្ថលេខាលើកិច្ចព្រមព្រៀងរួមគ្នាមួយ
ក្រុមហ៊ុន Nokia និង Xiaomi Technology របស់ចិនបានចុះហត្ថលេខាលើកិច្ចព្រមព្រៀងរួមមួយ កាលពីថ្ងៃពុធម្សិលមិញ ដោយក្រុមហ៊ុនទាំង 2 នឹងធ្វើការផ្លាស់ប្ដូរគ្នាទៅវិញទៅមកនូវបច្ចេកវិទ្យាថ្មីៗដែលខ្លួនមាន។
Nokia នឹងផ្តល់ឧបករណ៍ហេដ្ឋារចនាសម្ព័ន្ធបណ្តាញអ៊ិនធើណេត ខណៈក្រុមហ៊ុន Xiaomi នឹងផ្ដល់ត្រឡប់មកវិញនូវបន្ទះឈីបដែលជាបច្ចេកវិទ្យាថ្មីដែលក្រុមហ៊ុនទើបបង្កើតបានសម្រាប់ប្រើលើស្មាតហ្វូនរបស់ Nokia។ លោក Rajeev Suri នាយកប្រតិបត្តិក្រុមហ៊ុន Nokia បានថ្លែងថា៖ «ក្រុមហ៊ុន Xiaomi គឺជាក្រុមហ៊ុនផលិតស្មាតហ្វូនឈានមុខគេមួយក្នុងពិភពលោក ហើយយើងរីករាយដែលបានឈានដល់កិច្ចព្រមព្រៀងជាមួយក្រុមហ៊ុននេះ»។
សម្រាប់បន្ទះឈីបដែល Xiaomi ទើបដាក់ចេញនេះមានឈ្មោះថា Surge S1 ប្រភេទ Octa-Core SoC អមជាមួយស៊ីភីយូ 8 គ្រាប់ ដោយបួនគ្រាប់រត់បានល្បឿន 2.2GHz និងបួនគ្រាប់ទៀតរត់បានល្បឿន 1.4GHz។ បន្ទះឈីបនេះ វាមិនមែនខ្លាំងណាស់ណាទេ ប៉ុន្តែវាជាដំណាក់កាលដំបូងរបស់ Xiaomi ដែលអាចបង្កើតបន្ទះឈីបខ្លួនឯងឡើងបានសម្រាប់ប្រកួតប្រជែងជាមួយនឹងក្រុមហ៊ុន Qualcomm និង MediaTek៕
July 6, 2017