Tag: Wing

កម្ពុជានឹងខ្ចីលុយជាងពីរពាន់លានដុល្លារអាម៉េរិកទៀត ដើម្បីអភិវឌ្ឍប្រទេសក្នុងឆ្នាំ 2024
កម្ពុជា មានគម្រោងខ្ចីលុយ 1,700 លាន SDR (Special Drawing Rights) របស់ IMF ដែលស្មើនឹងជាង 2.2 ពាន់លានដុល្លារអាម៉េរិក ឬប្រមាណជិត 9,3 ទ្រីលានរៀល ដើម្បីអភិវឌ្ឍវិស័យជាអាទិភាពមួយចំនួននៅក្នុងឆ្នាំ 2024។
យោងតាមសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ 2024 កម្ចីខាងលើនេះ នឹងត្រូវបានប្រើប្រាស់សម្រាប់ការអភិវឌ្ឍវិស័យសំខាន់ៗមួយចំនួន រួមមានជាអាទិ៍ វិស័យថាមពលចំនួនមួយគម្រោង, វិស័យធារាសាស្ត្រចំនួនបីគម្រោង, វិស័យហេដ្ឋារចនាសម្ព័ន្ធរូបវន្តចំនួន 16 គម្រោង, វិស័យអប់រំនិងបណ្តុះបណ្តាលវិជ្ជាជីវៈចំនួនពីរគម្រោង រួមនឹង កម្មវិធីជំរុញពាណិជ្ជកម្ម និងការប្រកួតប្រជែងផងដែរ។
គិតត្រឹមត្រីមាសទីបី ឆ្នាំ 2023 កម្ពុជាមានបំណុលសាធារណៈក្រៅប្រទេស ចំនួនជាង 10.74 ពាន់លានដុល្លារអាម៉េរិក ស្មើនឹង 34% នៃផលិតផលក្នុងស្រុកសរុប។
ស្ថានភាពបំណុលសាធារណៈបច្ចុប្បន្នរបស់កម្ពុជា នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាននៅឡើយ។ នេះបើតាមក្រសួងហិរញ្ញវត្ថុកម្ពុជា៕
November 3, 2023
ធនាគារ វីង សម្ពោធសាខាខេត្តព្រះសីហនុ
ធនាគារ វីង បើកសាខាថ្មីបំផុតរបស់ខ្លួននៅ ខេត្តព្រះសីហនុ ខណៈពេលដែលខេត្តមួយនេះកំពុងប្រែក្លាយខ្លួនទៅជាតំបន់សេដ្ឋកិច្ចពិសេសគំរូពហុបំណង។
ធនាគារ វីង (ខេមបូឌា) ម.ក បានសម្ពោធសាខាខេត្តព្រះសីហនុជាផ្លូវការក្រោមវត្តមានដ៏ខ្ពង់ខ្ពស់របស់ ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យធនាគារជាតិនៃកម្ពុជា ឯកឧត្តម ម៉ាង ស៊ីណេត អភិបាលរងនៃគណៈអភិបាលខេត្តព្រះសីហនុ ព្រមទាំង អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប ក៏ដូចជាឥស្សរជនកិត្តិយសជាច្រើនរូបទៀត។
ឯកឧត្តម ម៉ាង ស៊ីណេត អភិបាលរងនៃគណៈអភិបាលខេត្តព្រះសីហនុបានមានប្រសាសន៍ថា៖ “យើងខ្ញុំជឿជាក់ថា វត្តមាន សាខា ធនាគារ វីង នៅទីក្រុងព្រះសីហនុ នឹងជួយជំរុញសកម្មភាពពាណិជ្ជកម្ម និងសេដ្ឋកិច្ចខេត្តព្រះសីហនុឲ្យកាន់តែរីកចំរើនថែមមួយកំរិតទៀត។ លើសពីនេះទៀត តាមរយៈសេវាកម្មរបស់ ធនាគារ វីង នឹងជួយសម្រួលដល់ដំណើរការសេវាកម្មហិរញ្ញវត្ថុដល់ប្រជាពលរដ្ឋ និង ក្រុមហ៊ុនអាជីវកម្ម សាជីវកម្មនានាឲ្យពួកគេអាចប្រតិបត្តិការហិរញ្ញវត្ថុរបស់ពួកគេកាន់តែលឿន និងមានប្រសិទ្ធភាពខ្ពស់”។
ក្នុងរយៈពេល១៤ ឆ្នាំ នៃការផ្ដល់សេវាកម្មនៅប្រទេសកម្ពុជា ធនាគារ វីង បានប្រែក្លាយខ្លួនពីការចាប់ផ្តើមដ៏សាមញ្ញមួយរហូតបានធ្វើប្រតិបត្តិការទ្រង់ទ្រាយធំ ដោយផ្តល់ជូននូវផលិតផល និងសេវាកម្មហិរញ្ញវត្ថុជាច្រើនប្រភេទដើម្បីលើកកម្ពស់ជីវភាពប្រជាជនកម្ពុជាទូទាំងប្រទេសទាំងតាមរយៈសេវាកម្មដោយផ្ទាល់ និងតាមប្រព័ន្ធឌីជីថល។
ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យធនាគារជាតិនៃកម្ពុជាបានមានប្រសាសន៍ថា៖ “តាងនាមឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា និងរូបខ្ញុំផ្ទាល់ ខ្ញុំសូមចូលរួមអបអរសាទរនិងវាយតម្លៃខ្ពស់ដល់ការខិតខំប្រឹងប្រែងរបស់ថ្នាក់ដឹកនាំរបស់ធនាគារ វីង (ខេមបូឌា) ម.ក ជាពិសេសការប្តេជ្ញាគាំទ្ររបស់ភាគទុនិកក្នុងការពង្រើកបណ្តាញប្រតិបត្តិការអាជីវកម្មរបស់ខ្លួនក្នុងព្រះរាជាណាចក្រកម្ពុជា។ ខ្ញុំសង្ឃឹមយ៉ាងមុតមាំថា ធនាគារ វីង (ខេមបូឌា) ម.ក នឹងនាំមកនូវបច្ចេកវិទ្យាទំនើបៗ និងលិតផលសេវាហិរញ្ញវត្ថុថ្មីៗឲ្យកាន់តែសម្បូរបែប ស្របតាមនវានុវត្ដថ្មីៗនៃបច្ចេកវិទ្យាហិរញ្ញវត្ថុ ដើម្បីបំពេញសេចក្ដីត្រូវការរបស់អតិថិជនបច្ចុប្បន្ន ក៏ដូចជានាពេលអនាគត និងបន្ដគាំទ្រដល់ការអភិវឌ្ឍវិស័យធនាគារនៅកម្ពុជាបន្ថែមទៀត”។
ទោះបីជាបានជួបប្រទះបញ្ហាប្រឈមនានាជាច្រើន ក៏ដូចជាបញ្ហាបង្កឡើងដោយជំងឺរាតត្បាតជាសកលនាពេលថ្មីៗនេះក៏ដោយ ធនាគារ វីង តែងតែបង្ហាញពីឆន្ទៈក្នុងការផ្តល់សេវាកម្មប្រកបភាពងាយស្រួលដល់អតិថិជនរបស់ខ្លួន។ បន្ទាប់ពីការប្រកាសអាជ្ញាប័ណ្ណធនាគារពាណិជ្ជកាលពីខែ មេសាឆ្នាំមុននេះ ធនាគារ វីង បានបើកដំណើរការសាខាថ្មីចំនួនពីរនៅក្នុងរាជធានីភ្នំពេញ គឺសាខាវិមានឯករាជ្យ និងសាខាសែនសុខ កាលពីខែមីនា ឆ្នាំ២០២២ កន្លងទៅនេះ។
អ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុបបានមានប្រសាសន៍ថា៖ “តាមរយៈការបើកនូវ ធនាគារ វីង សាខាខេត្តព្រះសីហនុនេះ ខ្ញុំមានមោទនភាពហើយអាចនិយាយបានថា ធនាគារ វីង កំពុងពង្រឹងការអនុវត្ដតាមបាវចនារបស់ខ្លួនដែលជា “ធនាគារសម្រាប់ប្រជាជនកម្ពុជាគ្រប់រូប។ ធនាគារ វីង តែងតែខិតខំលើកកម្ពស់បរិយាបន្នហិរញ្ញវត្ថុ និងអក្ខរកម្មហិរញ្ញវត្ថុនៅប្រទេសកម្ពុជា។ ខ្ញុំជឿជាក់ថា យើងត្រៀមខ្លួនជាស្រេចដើម្បីបោះជំហានទៅមុខបន្ថែមទៀតដើម្បីគាំទ្រសហគមន៍របស់យើង”។
លោក ហាន ប៉េងក្វាង អគ្គនាយកនៃធនាគារ វីង បានមានប្រសាសន៍ថា៖ “ចក្ខុវិស័យរបស់យើងគឺធ្វើឲ្យប្រសើរឡើងនូវជីវភាពប្រចាំថ្ងៃរបស់ប្រជាជនកម្ពុជាតាមរយៈការផ្ដល់ភាពនូវងាយស្រួលក្នុងការទទួល សេវា និងផលិតផលហិរញ្ញវត្ថុនានា។ តាមរយៈការបើកសាខានេះ យើងសង្ឃឹមថានឹងរួមចំណែកកាន់តែច្រើនថែមទៀតក្នុងការអភិវឌ្ឍសហគមន៍យើង។ ប្រជាជននៅខេត្តព្រះសីហនុ ឥឡូវនេះអាចទទួលបានសេវាហិរញ្ញវត្ថុទាំងសម្រាប់តម្រូវការគ្រួសារ និងប្រតិបត្តិការអាជីវកម្ម”។
ការបើកដំណើរការសាខាខេត្តព្រះសីហនុ គឺជាព្រឹត្តិការណ៍ដ៏សំខាន់មួយ ខណៈដែលធនាគារ វីង ក៏កំពុងតែអបអរសាទរដល់ខួបលើកទី ១៤ នៃប្រតិបត្តិការរបស់ខ្លួនផងដែរ។
ជាងនេះទៅទៀត ធនាគារ វីង ក៏បានដាក់ឲ្យដំណើរការ Wing Bank Digital Mastercard World ដែលជាប័ណ្ណឥណពន្ធផលិតពីលោហៈសុទ្ធ និងគ្មានលេខដំបូងគេបង្អស់នៅប្រទេសកម្ពុជា។ ម្ចាស់ប័ណ្ណនឹងមានសិទ្ធិទទួលបានបទពិសោធន៍ប្រើប្រាស់កាតពិសេស ជាមួយការផ្តល់ជូនពិសេសៗនៅជុំវិញពិភពលោកជាច្រើនទាំងពីធនាគារ វីង និង MasterCard។ មានតែអតិថិជនពិសេសៗមួយចំនួនប៉ុណ្ណោះ ដែលត្រូវបានអញ្ជើញធ្វើជាម្ចាស់កាតដែលមានកំណត់នេះ៕

August 18, 2022
ធនាគារ វីង ធ្វើការកែលម្អ Wing Bank App ដើម្បីធ្វើឲ្យការប្រើប្រាស់កាន់តែងាយស្រួល
កំណែ Wing Bank App ថ្មីធ្វើឲ្យការប្រើប្រាស់កាន់តែមានភាពងាយស្រួល និងមានរូបរាងថ្មីសន្លាង និងយ៉ាងស្រស់ស្អាត។
ធនាគារ វីង (ខេមបូឌា) ម.ក បានដាក់ឲ្យដំណើរការ Wing Bank App ថ្មីដើម្បីផ្តល់ជូនអតិថិជននូវការប្រើប្រាស់កាន់តែរលូន និងមានមុខងារថ្មីៗជាច្រើនទៀត។ អតិថិជនអាចទាញយក Wing Bank App កំណែចុងក្រោយបំផុតពី App Store Google Play Store និង Huawei AppGallery បានយ៉ាងងាយស្រួល។
លោក ហាន ប៉េងក្វាង អគ្គនាយកនៃធនាគារវីង បានមានប្រសាសន៍ថា៖ “ការកែលម្អ Wing Bank App ចុងក្រោយនេះ គឺជាផ្នែកមួយនៃបេសកកម្មរបស់ធនាគារ វីង ដើម្បីផ្តល់ជូនអត្ថប្រយោជន៍ និងភាពងាយស្រួលល្អបំផុតកាន់តែច្រើនថែមទៀតទៅដល់អតិថិជន។ Wing Bank App ផ្ដល់នូវភាពងាយស្រួលក្នុងការប្រើប្រាស់ជាងពេលណាទំាងអស់ ព្រមទាំងភ្ជាប់មកជាមួយមុខងារជាច្រើនដើម្បីធ្វើឲ្យជីវិតរបស់អតិថិជនកាន់តែងាយស្រួល និងប្រសើរឡើង។ អ្នកដែលមិនទាន់មាន Wing Bank App នឹងមិនទទួលបានអត្ថប្រយោជន៍ និងភាពងាយស្រួលទាំងនេះនោះទេ។ យើងខ្ញុំ បានធ្វើការផ្លាស់ប្ដូរជាច្រើនតាមរយៈការជួយឲ្យអតិថិជនកាន់តែមានភាពងាយស្រួលលើការទូទាត់ចំណាយ ការសន្សំ វិនិយោគ និងគ្រប់គ្រងហិរញ្ញវត្ថុដែលធ្វើឲ្យការប្រើប្រាស់កាន់តែរលូន។”
ធនាគារ វីង មានប្រព័ន្ធអេកូទូទាត់ឌីជីថលធំជាងគេ ហេតុនេះហើយ Wing Bank App របស់ធនាគារ វីង ផ្តល់ឲ្យអ្នកប្រើប្រាស់នូវជម្រើសដ៏សំបូរបែប ភាពបត់បែនខ្ពស់ និងភាពងាយស្រួលលើសគេ។
អតិថិជនដែលប្រើប្រាស់ Wing Bank App ចុងក្រោយបំផុត នឹងទទួលបានពិសោធន៍ការប្រើប្រាស់ដែលគ្មានការរំខាន។ អតិថិជន អាចគ្រប់គ្រងគណនីយ៉ាងងាយស្រួល អាចទាញយកនិងចែករំលែកបង្កាន់ដៃប្រតិបត្តិការ ថែមទាំងរបាយការណ៍គណនីជាទម្រង់ PDF ឬ Excel ទៅតាមពេលវេលាដែលអាចកំណត់បាន គ្រប់គ្រងការកំណត់លើកាត ធ្វើការទូទាត់តាម QR កូដ ជាប្រាក់ដុល្លារ និងប្រាក់រៀលកាន់តែរហ័ស ហើយកាន់តែពិសេសជាងនេះទៅទៀត អតិថិជនអាចប្រើប្រាស់មុខងារទាំងនេះបានដោយចុចតែពីរឬបីដងលើស្មាតហ្វូនរបស់ពួកគេតែប៉ុណ្ណោះ។
Wing Bank App អនុញ្ញាតឲ្យអតិថិជនទូទាត់វិក្កយបត្រ ទិញគ្រឿងទេស សំបុត្រឡានក្រុង បង់ថ្លៃទឹកភ្លើង និងធ្វើប្រតិបត្តិការផ្សេងៗទៀតជាច្រើនទៀតបានយ៉ាងងាយស្រួល។ អតិថិជនក៏អាចស្នើសុំកម្ចីរហ័ស បើកគណនីបញ្ញើកាលកំណត់ ផ្ទេរប្រាក់ក្នុងស្រុក និងក្រៅស្រុក និងធ្វើការទូទាត់ជូនម្ចាស់អាជីវកម្មណាមួយក៏បានតាមរយៈ “KHQR”។
កាន់តែពិសេស ចាប់ពីពេលនេះរហូតដល់ខែវិច្ឆិកា ឆ្នាំ ២០២២ អតិថិជនដែលបើកគណនីធនាគារ វីង ព្រមទាំងដាក់ប្រាក់ នឹងមានឱកាសឈ្នះរង្វាន់ធំៗជាច្រើនពីកម្មវិធី “ដាក់ប្រាក់កាន់តែច្រើន ឈ្នះកាន់តែធំ”។
កម្មវិធី “ដាក់ប្រាក់កាន់តែច្រើន ឈ្នះកាន់ធំតែ” មានការចាប់រង្វាន់សរុប ៦ ជុំ។ អតិថិជនអាចចូលរួមដោយគ្រាន់តែបើកគណនីធនាគារ វីង ហើយដាក់ប្រាក់សន្សំតែប៉ុណ្ណោះ។
ដោយដាក់ប្រាក់ត្រឹមតែ ៥០០ ដុល្លារអាមេរិក ឬ ២ លានរៀលនោះ អតិថិជននឹងមានឱកាសឈ្នះម៉ូតូ Honda Dream ជារៀងរាល់ថ្ងៃ។
អតិថិជនដែលដាក់ប្រាក់ត្រឹមតែ ៥០០០ ដុល្លារអាមេរិក ឬ ២០ លានរៀល មានឱកាសឈ្នះរថយន្ត Ford Wildtrak pickup រៀងរាល់ខែ។ អតិថិជនដែលដាក់ប្រាក់ត្រឹមតែ ៥០០០០ ដុល្លារអាមេរិក ឬ ២០០ លានរៀល នឹងមានឱកាសឈ្នះរថយន្ត Lexus LX600 SUV ដ៏ប្រណិតនៅចុងឆ្នាំនេះ។
ការចាប់រង្វាន់លើកទី ២ នឹងត្រូវធ្វើឡើងនៅថ្ងៃទី ១៣ ខែសីហា៕
August 1, 2022
វីងម៉លពង្រីកសេវាកម្មដល់បីខេត្តបន្ថែមទៀត
ស្របពេលដែលតម្រូវការទីផ្សារកំពុងកើនឡើង វីងម៉លបានពង្រីកសេវាកម្មរបស់ខ្លួនទៅកាន់ខេត្តបាត់ដំបង ខេត្តព្រះសីហនុ និងខេត្តកំពង់ចាម ដោយអនុញ្ញាតឱ្យអតិថិជនអាចបញ្ជាទិញអាហារ គ្រឿងទេស និងទំនិញប្រើប្រាស់ពីទូរស័ព្ទរបស់ពួកគេ។ អតិថិជនទាំងអស់ដែលស្ថិតនៅខេត្តទាំងនេះ ឥឡូវនេះអាចធ្វើការកុម្ម៉ងទិញពីហាងជាច្រើន ជាមួយការដឹកជញ្ជូនយ៉ាងឆាប់រហ័ស និងមិនអស់ថ្លៃសេវា។
លោក ហាសហ៊ីម អាលកាហ្វ ដែលជានាយកគ្រប់គ្រងទូទាត់ អាជីវកម្មអេឡិចត្រូនិកនៃវីង បានមានប្រសាសន៍ថា៖“ការបើកដំណើរការនៅក្នុងខេត្តថ្មីទាំងបីនេះ បានឆ្លុះបញ្ចាំងពីការប្តេជ្ញាចិត្តរបស់យើងក្នុងការផ្តល់ភាពងាយស្រួលក្នុងការទទួលបានទំនិញ និងផលិតផលជាច្រើនប្រភេទជារៀងរាល់ថ្ងៃទៅដល់ប្រជាជនកម្ពុជាគ្រប់រូប។ អ្វីដែលពួកគេត្រូវការ គឺមាននៅក្នុងកម្មវិធីស្មាតហ្វូន ក្នុងទូរស័ព្ទរបស់ពួកគេប៉ុណ្ណោះ”
ដើម្បីធ្វើការកុម្ម៉ង់ អតិថិជនគ្រាន់តែចូលទៅក្នុងកម្មវិធីស្មាតហ្វូនវីង រួចចុចពាក្យ “វីងម៉ល” បន្ទាប់មកពួកគេអាចស្វែងរកទំនិញ និងបញ្ជាទិញពីហាងរាប់ពាន់។
បន្ទាប់ពីធ្វើការបញ្ជាទិញរួច អតិថិជននឹងអាចទទួលបានអាហារ ឬផលិតផលដែលខ្លួនចូលចិត្ត ហើយវានឹងត្រូវបានដឹកជញ្ជូនទៅដល់ទីតាំងរបស់ពួកគេតែម្តង។ ដើម្បីជួយដល់សហគមន៍ វីងម៉លផ្តល់ជូនប្រូម៉ូកូដបញ្ចុះតម្លៃរហូតដល់ទៅចំនួន ៥០០០០ ព្រមទាំងផ្តល់ការដឹកជញ្ជូនដោយឥតគិតថ្លៃដល់អតិថិជនទៀតផង។
លោក ហាសហ៊ីម អាលកាហ្វ បានបញ្ជាក់បន្ថែមទៀតថា៖“ដោយសារការទិញទំនិញតាមអ៊ីនធឺណេតជានិន្នាការថ្មីនៅកម្ពុជា យើងបានកំពុងព្យាយាមអភិវឌ្ឍន៍សេវាដឹកជញ្ជូនប្រកបដោយ ភាពងាយស្រួល រលូន និងមានសុវត្ថិភាពសម្រាប់សហគមន៍យើង។ យើងបានសហការជាមួយហាងដៃគូក្នុងតំបន់ជាច្រើន ដើម្បីធានាថា វីងម៉ល ជាបណ្តុំផលិតផលដ៏សំបូរបែប និងអាចផ្តល់ឱកាសរកប្រាក់ចំណូល ដល់អ្នកដឹកជញ្ជូនរបស់ពួកយើងរាប់រយនាក់”
ចាប់តាំងពីបើកដំណើរការមក វីងម៉លបានដាក់បញ្ចូលនូវហាងកំពុងពេញនិយមជាច្រើននៅរាជធានីភ្នំពេញ ខេត្តសៀមរាប ខេត្តបាត់ដំបង ខេត្តព្រះសីហនុ និងខេត្តកំពង់ចាម ដែលហាងទាំងនោះមានលក់អាហារគ្រប់ប្រភេទ ភេសជ្ជៈ គ្រឿងទេស សម្លៀកបំពាក់ គ្រឿងអេឡិចត្រូនិក របស់របរទារក ផលិតផលសម្រស់និង សុខភាព ព្រមទាំងផលិតផលជាច្រើនផ្សេងទៀត។
ជាមួយនឹង វីងម៉ល អតិថិជនអាចតាមដានការបញ្ជាទិញរបស់ពួកគេនៅលើទូរស័ព្ទស្មាតហ្វូន និងអាចទូទាត់ប្រាក់បានយ៉ាងងាយស្រួលជាមួយកម្មវិធីស្មាតហ្វូនវីងដោយមិនចាំបាច់កាន់សាច់ប្រាក់នោះឡើយ។
សម្រាប់អតិថិជនដែលមិនទាន់មានកម្មវិធីស្មាតហ្វូនវីង ពួកគេអាចទាញយកកម្មវិធីស្មាតហ្វូនវីង និងចុះឈ្មោះគណនីដោយខ្លួនឯងបានយ៉ាងឆាប់រហ័ស។
ដើម្បីទទួលបានព័ត៌មានថ្មីៗពីការញ្ចុះតម្លៃ និងការផ្តល់ជូនប្រចាំថ្ងៃ អតិថិជននៅក្នុងខេត្តបាត់ដំបងអាចចុះឈ្មោះប្រើប្រាស់បណ្តាញ Telegram របស់ WingMall Battambang តាមរយៈតំណភ្ជាប់ https://t.me/WingMallBTB ។ សម្រាប់អតិថិជននៅខេត្តព្រះសីហនុអាចប្រើតំណ https://t.me/WingMallSHV ហើយអ្នកដែលស្ថិតនៅខេត្តកំពង់ចាមអាចចូលទៅក្នុងតំណ https://t.me/WingMallKPC ។
សម្រាប់អាជីវករដែលកំពុងស្វែងរកបណ្តាញលក់ផលិតផលដើម្បីបម្រើសហគមន៍ ពួកគេអាចទាក់ទង វីងម៉ល តាមរយៈលេខ៖ +(855) – 078 311 311៕
ចំណង់ជើងរូបថត៖ ឥឡូវនេះ អតិថិជនរស់នៅខេត្តបាត់ដំបង ខេត្តកំពង់ចាម និងខេត្តព្រះសីហនុ អាចធ្វើការបញ្ជាទិញទំនិញតាមរយៈកម្មវិធីស្មាតហ្វូនវីងព្រមទាំងទទួលបានសេវាដឹកជញ្ជូនដោយឥតគិតថ្លៃ។
December 6, 2021
វីង(Wing) និង សម័្ពន្ធសមាគមសហគ្រាសធុនតូច និងមធ្យមកម្ពុជា ចុះអនុស្សរណៈនៃការយោគយល់គ្នាសម្រាប់ដំណោះស្រាយថ្មីក្នុងការទូទាត់ប្រាក់
ភ្នំពេញ ថ្ងៃទី20 ខែធ្នូ ឆ្នាំ2020៖ ធនាគារឯកទេសវីង(Wing) ដែលជាអ្នកផ្តល់សេវាធនាគារចល័តឈានមុខគេនៅកម្ពុជា រួមនិងសម័្ពន្ធសមាគមសហគ្រាសធុនតូច និងមធ្យមកម្ពុជា បានចុះអនុស្សរណៈនៃការយោគយល់គ្នាអំពីកិច្ចព្រមព្រៀងភាពជាដៃគូថ្មី ដើម្បីផ្តល់នូវមធ្យោបាយក្នុងការគ្រប់គ្រងហិរញ្ញវត្ថុកាន់តែប្រសើរឡើង ដល់សមាជិកខ្លួន តាមរយៈដំណោះស្រាយហិរញ្ញវត្ថុឌីជីថលរបស់វីង។
តាមរយៈភាពជាដៃគូនេះ សមាជិករបស់សម័្ពន្ធសមាគមសហគ្រាសធុនតូច និងមធ្យមកម្ពុជា នឹងអាចទទួលបានបទពិសោធន៍ជាមួយផលិតផល និងសេវាកម្មរបស់វីងដែលប្រកបទៅដោយភាពច្នៃប្រឌិត ហើយត្រូវបានរៀបចំឡើងជាពិសេសសម្រាប់អតិថិជនសហគ្រាសខ្នាតមីក្រូ តូចនិងមធ្យម ព្រមទាំងអតិថិជនសហគ្រាសខ្នាតតូច និងមធ្យម ដោយផ្តល់ជូនពួកគេនូវភាពងាយស្រួលក្នុងការគ្រប់គ្រងអាជីវកម្មប្រចាំថ្ងៃ ទាំងតាមប្រព័ន្ធអ៊ីនធឺណិតនិងក្រៅប្រព័ន្ធអ៊ីនធឺណិត តាមរយៈការប្រើប្រាស់ប្រព័ន្ធអេកូឡូស៊ីដ៏រឹងមាំ និងបណ្តាញភ្នាក់ងារវីងជាង ៧.៥០០កន្លែងទូទាំងប្រទេស។
ឧកញ៉ា តែ តាំងប៉ ប្រធានសម័្ពន្ធសមាគមសហគ្រាសធុនតូច និងមធ្យមកម្ពុជា បានមានប្រសាសន៏ថា៖ “ខ្ញុំជឿជាក់ថាភាពជាដៃគូនេះនឹងនាំមកនូវបច្ចេកវិទ្យាឈានមុខគេនៃសេវាកម្មហិរញ្ញវត្ថុឌីជីថលរបស់វីង ដែលផ្តល់អត្ថប្រយោជន៍យ៉ាងច្រើនដល់សមាជិក ដើម្បីពង្រីកអាជីវកម្មរបស់ពួកគេ និងធ្វើសមាហរណកម្មនៅក្នុងតំបន់ ខណៈពេលដែលប្រទេសកម្ពុជា ក៏ដូចជាប្រទេសជាច្រើនទៀត កំពុងឆ្ពោះទៅរកសេដ្ឋកិច្ចឌីជីថលនាពេលដ៏ឆាប់ខាងមុខនេះ”។
ដោយត្រូវបានបង្កើតឡើងក្នុងឆ្នាំ2010 សម័្ពន្ធសមាគមសហគ្រាសធុនតូច និងមធ្យមកម្ពុជា គឺជាបណ្តុំនៃអាជីវកម្មធុនតូច មធ្យមនៅកម្ពុជា មានសមាជិកជាង300 ដែលជាម្ចាស់នៃក្រុមហ៊ុនជំនួញផ្សេងៗជាច្រើននៅទូទាំងប្រទេសកម្ពុជា។ សហព័ន្ធនេះត្រូវបានបង្កើតឡើងក្នុងគោលបំណងជំរុញកំណើនសហគ្រាសធុនតូច និងមធ្យមនៅកម្ពុជា តាមរយៈការធ្វើសមាហរណកម្មទីផ្សារក្នុងតំបន់ ក៏ដូចជាទីផ្សារសកល។
លោក ម៉ានូ រ៉ាចាន់ អគ្គនាយកនៃធនាគារឯកទេសវីង (ខេមបូឌា) លីមីតធីត បានមានប្រសាសន៍ថា៖ “សហគ្រាសធុនតូច និងមធ្យម បានរួមចំណែកយ៉ាងសំខាន់ចំពោះភាពរឹងមាំ និងស្ថេរភាពនៃសេដ្ឋកិច្ចរបស់កម្ពុជា។ យើងបានយល់ដឹងយ៉ាងច្បាស់នូវបញ្ហាប្រឈមរបស់សហគ្រាសខ្នាតមីក្រូ តូចនិងមធ្យម ក៏ដូចជាសហគ្រាសធុនតូច និងមធ្យមដែលកំពុងតែជួបប្រទះ ចំពោះការគ្រប់គ្រងហិរញ្ញវត្ថុរបស់ពួកគេ ហេតុដូចច្នេះហើយ យើងបានផ្តួចផ្តើមគំនិតថ្មីៗដែលជាដំណោះស្រាយដ៏ល្អក្នុងការដោះបន្ទុកទាំងនេះ ដើម្បីឲ្យពួកគេអាចផ្តោតលើការពង្រីកអាជីវកម្មជាងមុន”។
វីង(Wing) បានផ្តល់ជូននូវផលិតផល និងសេវាកម្មប្រកបដោយភាពច្នៃប្រឌិត ដែលមានប្រសិទ្ធផល និងប្រសិទ្ធភាព ក្នុងការគ្រប់គ្រងប្រតិបត្តិការអាជីវកម្មរបស់សហគ្រាសធុនតូច និងមធ្យម ប្រកបដោយភាពងាយស្រួល និងមានការធានា។ ផលិតផលនិងសេវាកម្មទាំងនេះ រួមមាន៖ សេវាកម្មបើកប្រាក់បៀវត្សដែលមានភាពងាយស្រួល និងរហ័ស សេវាទូទាត់វិក្កយបត្រ សេវាទូទាត់ចំណាយតាមអនឡាយ ជាមួយនឹងដំណោះស្រាយនៃការទូទាត់ផ្សេងៗទៀត តាមរយៈកម្មវិធីស្មាតហ្វូនវីង ដែលបានផ្តល់ឱ្យពួកគេនូវជម្រើសហិរញ្ញវត្ថុកាន់តែអស្ចារ្យជាងមុន។
ក្នុងនាមជាក្រុមហ៊ុនផ្តល់សេវាធនាគារចល័តឈានមុខគេមួយនៅកម្ពុជា ឥឡូវនេះ វីងគឺជាស្លាកយីហោមួយដែលត្រូវបានទទួលស្គាល់ និងទុកចិត្តបំផុត ក្នុងការផ្តល់ជូនសេវាកម្មទូទាត់ប្រាក់តាមទូរស័ព្ទចល័ត និងអេឡិចត្រូនិច ហើយបានចាប់ដៃគូជាមួយពាណិជ្ជករជាង 4ម៉ឺនក្រុមហ៊ុន និងបានសហការជាមួយ Mastercard, Western Union, MoneyGram, Wechat, និង Alipay ជាដើម៕
March 20, 2020