Tag: UNESCO

  • កម្មករ-កម្មការិនីនឹងមានឱកាសទទួលបានចំណេះដឹងជាមូលដ្ឋានស្របតាមតម្រូវការសង្គម

    កម្មករ-កម្មការិនីនឹងមានឱកាសទទួលបានចំណេះដឹងជាមូលដ្ឋានស្របតាមតម្រូវការសង្គម

    កម្មករ-កម្មការិនីនៅតាមបណ្តារោងចក្រសហគ្រាសនានាក្នុងប្រទេសកម្ពុជាអាចនឹងទទួលបានការបណ្តុះបណ្តាលជាមួយកម្មវិធីអក្ខរកម្ម ក្រោមគំនិតផ្តួចផ្តើមរបស់ក្រសួងអប់រំ យុវជន និងកីឡា អង្គការ UNESCO និងអង្គការស៊ីប៉ា។

    ស្ថាប័នសំខាន់ៗទាំង ៣ ខាងលើនឹងធ្វើការជជែកពិភាក្សា និងធ្វើសិក្ខាសាលាជាមួយនឹងមន្ត្រីមកពីនាយកដ្ឋានជំនាញរបស់ក្រសួងអប់រំ អង្គការក្រៅរដ្ឋាភិបាល គ្រូអក្ខរកម្ម និងបុគ្គលិកមកពីរោងចក្រចំនួន ២៤ ទៀតនៅក្នុងរាជធានីភ្នំពេញ និងបណ្តាខេត្តមួយចំនួន។

    ការបង្កើតសិក្ខាសាលានេះ គឺដើម្បីធ្វើការពិភាក្សាឆ្លើយតបជាមួយនឹងបញ្ហាដែលបានមើលឃើញថា ប្រជាជនកម្ពុជាមួយចំនួនកំពុងធ្វើការបំផ្លាស់ទីពីតំបន់ដាច់ស្រយាល និងជនបទមកធ្វើការងារនៅទីក្រុងភ្នំពេញ ក្នុងវិស័យឧស្សាហកម្មកាត់ដេរ ដែលភាគច្រើននៃពួកគេមិនទទួលបានការអប់រំជាមូលដ្ឋានគ្រប់គ្រាន់នៅឡើយ។

    យោងតាមរបាយការណ៍របស់អង្គការស៊ីប៉ាបានរកឃើញថា ពលករវ័យក្មេងដែលភាគច្រើនជាស្រ្តីចំនួន ៩០% ដែលមានអាយុក្រោម ២៤ឆ្នាំ បានចូលប្រឡូកក្នុងពិភពការងារជាលើកដំបូង ដោយមិនទាន់បានបញ្ចប់កម្រិតបឋមសិក្សា ឬការអប់រំជាមូលដ្ឋានឡើយ។

    កម្មវិធីអក្ខរកម្មសម្រាប់កម្មករ-កម្មការិនីនៅតាមរោងចក្រនេះ នឹងត្រូវបានគេរំពឹងថា អាចឆ្លើយតបបានយ៉ាងមានប្រសិទ្ធភាពលើការជំរុញឱ្យយុវជន ជាពិសេសស្រ្តីក្មេងៗដែលកំពុងធ្វើការងារនៅតាមបណ្តារោងចក្រសហគ្រាសឱ្យទទួលបានចំណេះដឹងអក្ខរកម្មជាមូលដ្ឋានដើម្បីផ្តល់ឱកាសឱ្យពួកគេបានស្វែងយល់ពីសិទ្ធិជាមូលដ្ឋាន និងដើម្បីជាគ្រឹះនៃការអភិវឌ្ឍជីវិតការងារ៕

  • UNESCO ប្រកាសបើកការប្រកួតពានង្វាន់សម្រាប់កម្មវិធីអក្ខរកម្មអន្តរជាតិ

    UNESCO ប្រកាសបើកការប្រកួតពានង្វាន់សម្រាប់កម្មវិធីអក្ខរកម្មអន្តរជាតិ

    ជារៀងរាល់ឆ្នាំ អង្គការ UNESCO បានប្រកាសដាក់ឱ្យមានការប្រកួតប្រជែងយកពានរង្វាន់ UNESCO សម្រាប់កម្មវិធីអក្ខរកម្មអន្តរជាតិ (ILP) ដើម្បីជំរុញឱ្យមានការបង្កើតគំនិតថ្មីសម្រាប់អនុវត្តឱ្យកាន់ប្រសើរឡើងលើការអប់រំឱ្យមានការចេះអាន និងចេះសរសេរក្នុងសង្គម។


    ដោយឡែក នៅឆ្នាំ 2017 នេះ កម្មវិធីពានរង្វាន់ ILP របស់ UNESCO បានប្រកាសឱ្យប្រជាជននៅលើពិភពលោកដាក់ពាក្យដើម្បីប្រកួតប្រជែងពានរង្វាន់ធំៗចំនួន 2 នៅក្នុងនោះមាន ទី១គឺពានរង្វាន់ UNESCO King Sejong Literacy Prize ដែលជាកម្មវិធីគាំទ្រដោយរដ្ឋាភិបាលនៃសាធារណរដ្ឋកូរ៉េខាងត្បូង និងទី២ គឺពានរង្វាន់ UNESCO Confucius Prize For Literacy ដែលគាំទ្រដោយរដ្ឋាភិបាលនៃសាធារណរដ្ឋប្រជាមានិតចិន។

    កម្មវិធី UNESCO King Sejong Literacy Prize ជាកម្មវិធីដែលត្រូវបានបង្កើតឡើងដើម្បីជំរុញឱ្យមានការផ្សព្វផ្សាយពីការអភិវឌ្ឍ និងការប្រើប្រាស់ភាសាដើមក្នុងការអប់រំ និងការបណ្តុះបណ្តាល។ ចំណែកឯកម្មវិធី UNESCO Confucius Prize For Literacy ជាកម្មវីធីដែលត្រូវបានបង្កើតឡើងដើម្បីជំរុញឱ្យមានការផ្សព្វផ្សាយពីការអប់រំជនវ័យកណ្តាលនៅក្នុងតំបន់ជនបទ និងយុវជននៅក្រៅសាលាដែលភាគច្រើនជាក្មេងស្រី និងស្ត្រីវ័យចំណាស់។

    កម្មវិធីនេះនឹងផុតកំណត់សម្រាប់ការដាក់ពាក្យនៅថ្ងៃទី ៣១ ខែឧសភា ឆ្នាំ២០១៧ ហើយអ្នកដែលអាចដាក់ពាក្យបានគឺ បុគ្គលឯកជន ស្ថាប័ន និងអង្គការដែលធ្វើការលើការអប់រំអក្ខរភាព។ រាល់ការដាក់ពាក្យគឺត្រូវផ្ញើទៅកាន់តំណភ្ជាប់ wwwiunesco.org/ilp/account៕