Tag: Truth Social

  • ទ្រព្យរបស់​លោក​ Trump កើន​ឡើង​ទ្វេដង​ក្នុង​មួយ​ថ្ងៃ

    ទ្រព្យរបស់​លោក​ Trump កើន​ឡើង​ទ្វេដង​ក្នុង​មួយ​ថ្ងៃ

    ករណី Trump Media សម្រេច​បាន​កិច្ច​ព្រម​ព្រៀង​ច្របាច់​បញ្ចូល​គ្នា​ជាមួយ​នឹង​ក្រុម​ហ៊ុន​ដទៃ​មួយ​ផ្សេង​ទៀត ដើម្បី​ឡើង​ផ្សារ​ហ៊ុន បាន​ជួយ​ឱ្យ​អតីត​ប្រធានាធិបតី​អាម៉េរិក ជា​លើក​ដំបូង មាន​ឈ្មោះ​ក្នុង​ top 500 នៃ​អ្នក​មាន​ជាង​គេ​លើ​ពិភពលោក​។

    កាល​ពី​ថ្ងៃទី 25 មីនា Trump Media ដែល​ជា​ក្រុម​ហ៊ុន​ប្រព័ន្ធ​ផ្សព្វ​ផ្សាយ​របស់​លោក​ Donald Trump បាន​ប្រកាស​ថា សម្រេច​បាន​កិច្ច​ព្រមព្រៀង​ច្របាច់​បញ្ចូល​គ្នា​ជាមួយ​នឹង​ Digital World Acquisition Corp។ ក្រុម​ហ៊ុន​ថ្មី​នឹង​មាន​ឈ្មោះ​ថា Trump Media & Technology Group នឹង​គ្រប់​គ្រង​បណ្ដាញ​សង្គម Truth Social ដែល​បង្កើត​ឡើងដោយ​លោក Trump កាល​ពី​ប៉ុន្មាន​ឆ្នាំ​មុន​។ ភាគ​ហ៊ុន​របស់​ពួក​គេ​ចាប់​ផ្ដើម​ដាក់​ឱ្យ​ជួញដូរ​ចាប់​ពី​ថ្ងៃទី 26 មីនា 2024​។

    ព័ត៌មាន​ខាងលើ​បាន​ជួយ​ឱ្យ​ភាគ​ហ៊ុន Digital World កើន 35% កាល​ពី​ថ្ងៃទី 25 មីនា​។ បើ​គិត​ទៅ​តាម​តម្លៃ​បច្ចុប្បន្ន ភាគ​ហ៊ុន​របស់​លោក​ Trump នៅ​ក្នុង​ក្រុម​ហ៊ុន​ថ្មី​ នឹង​មាន​តម្លៃ​ 4 ពាន់​លាន​ដុល្លារ​អាម៉េរិក​។

    ប្រការ​នេះ​ ជួយ​ឱ្យ​លោក​ Trump មាន​ឈ្មោះក្នុង​បញ្ជី​ស្ដី​ពី​អ្នក​មាន​ជាង​គេ​ទាំង​ 500 នាក់​ នៅ​លើ​ពិភពលោក​ របស់​ Bloomberg។ Bloomberg គណនា​ឃើញ​ថា ទ្រព្យ​របស់​លោក​ Trump បាន​កើន​ឡើង​ 4 ពាន់​លាន​ដុល្លារ​បន្ថែម​ទៀត​នៅ​ក្នុង​ថ្ងៃទី 25 មីនា​។ បច្ចុប្បន្ន អតីត​ប្រធានាធិបតី​អាម៉េរិក​រូប​នេះ មាន​ទ្រព្យ​ចំនួន 6.5 ពាន់​លាន​ដុល្លារ​។

  • បណ្ដាញ​សង្គម​របស់​​លោក​ Donald Trump ឈរ​លំដាប់​លើ​គេ​ក្នុង App Store

    បណ្ដាញ​សង្គម​របស់​​លោក​ Donald Trump ឈរ​លំដាប់​លើ​គេ​ក្នុង App Store

    Truth Social បាន​ក្លាយជា​កម្មវិធី​ទូរស័ព្ទ​ដែល​ត្រូវបាន​ទាញយក​ច្រើនជាងគេបង្អស់​នៅក្នុង​មួយថ្ងៃ នៅលើ App Store ប៉ុន្តែ អ្នកប្រើប្រាស់​មួយចំនួន​យល់ថា នៅមាន​ចំណុចខ្សោយ​ច្រើន។

    បន្ទាប់ពី​បានបង្ហាញ​វត្តមាន​នៅលើ​ផ្សារ​កម្មវិធី​សម្រាប់​ឧបករណ៍ iPhone និង iPad កាលពី​ថ្ងៃទី ២១ កុម្ភៈ បណ្ដាញ​សង្គម Truth Social ក៏បាន​លោត​ឡើង​ឈរលើ​កំពូល​តារាង​ក្នុង​បញ្ជី​កម្មវិធី​ទូរស័ព្ទ​មិន​គិតថ្លៃ​នៅ សហរដ្ឋ​អាម៉េរិក ដែលជា​ទីផ្សារ​ដំបូង​របស់​បណ្ដាញ​សង្គម​នេះ។ Truth Social បានធ្វើ​បច្ចុប្បន្នភាព​ដល់​កំណែ ១.០.។

    ក៏ប៉ុន្តែ អ្នកប្រើប្រាស់ដំបូងៗ របស់ Truth Social ភាគច្រើន​មាន​អារម្មណ៍​ថា មិនទាន់​ពេញចិត្ត។ «ខ្ញុំ​បានទទួល​សារ​ប្រាប់ថា​មាន​កំហុសឆ្គង​ច្រើន​នៅពេល​ព្យាយាម​បញ្ចូល​ព័ត៌មាន​លម្អិត និង​បញ្ជាក់​អាសយដ្ឋាន​អ៊ី​មេ​ល នៅពេល​ចូលរួម​ក្នុង Truthsayers នៅលើ Truth Social» និពន្ធ​នាយិកា​របស់ Business Insider បញ្ចេញមតិ។ «ខ្ញុំ​ត្រូវធ្វើ​រហូតដល់ ៥ ដង ទើប​អាចបង្កើត​បាន​គណនី​មួយ»។

    យ៉ាងនេះ​ក្ដី អ្នកស្រី​ត្រូវ​ចូលទៅ​កាន់​បញ្ជី​រង់ចាំ ជា​កន្លែង​ដែលមាន​ជិត ១.៦ សែន​គណនី​ផ្សេងទៀត កំពុង​រង់ចាំ។ ក្រោយ​រយៈពេល​ជាង ២ ម៉ោង អ្នកស្រី​នៅតែ​មិនទាន់​អាច​ចូលទៅក្នុង​កម្មវិធី​នេះ​បាន​ទៀត។

    សារព័ត៌មាន Techcrunch ក៏បាន​ជួប និង​រាយការណ៍​អំពី​បញ្ហា​ដូចខាងលើ​នេះដែរ។ អ្នកលេង​បណ្ដាញ​សង្គម​មួយចំនួន​រកឃើញថា នៅពេល​ប្រើប្រាស់​កម្មវិធី​រុករក ដូចជា Chrome ឬ Safari ជាដើម គេហទំព័រ Truth Social តម្រូវ​ឱ្យប្រើ http ជំនួស​ឱ្យ https។

    Truth Social ត្រូវបាន​បង្កើតឡើង​ដោយយោង​ទៅតាម Twitter។ លោក Trump ត្រូវបាន​ហាម​ចូល​ប្រើប្រាស់​បណ្ដាញ​សង្គម​ជាច្រើន​កាលពីដើមឆ្នាំ ២០២១ ដោយ​លោក​ត្រូវ​រង​ការចោទប្រកាន់ថា បាន​ញុះញង់​ឱ្យមាន​អំពើហិង្សា បន្ទាប់ពី​កើតមាន​ហេតុការណ៍​វឹកវរ​នៅ Capitol Hill។ មុនពេល​ត្រូវ Twitter បិទ​ខ្ទប់​គណនី លោក Donald Trump ប្រើប្រាស់​បណ្ដាញ​សង្គម​នេះ​ដើម្បី​បញ្ចេញមតិ ឬ​រិះគន់​គូប្រជែង។ គណនី Twitter កាលណោះ​របស់លោក Trump មាន​អ្នកតាមដាន​ជាង ៨៩ លាន​នាក់។

    បណ្ដាញ​សង្គម Truth Social របស់លោក Trump ត្រូវបាន​អភិវឌ្ឍ​ដោយ​ក្រុមហ៊ុន Trump Media&Technology Group (TMTG) និង​ត្រូវបាន​ប្រកាស​កាលពី​ចុងឆ្នាំ ២០២១៕