Tag: Top-Scorers

  • U-17របស់បាទី នឹងសាកបច្ចកទេសបាល់ជាមួយនឹង U-16ភ្នំពេញក្រោន ចុងសប្ដាហ៍នេះ

    U-17របស់បាទី នឹងសាកបច្ចកទេសបាល់ជាមួយនឹង U-16ភ្នំពេញក្រោន ចុងសប្ដាហ៍នេះ

    នេះជាការប្រកួតមិត្តភាព និងស្រស់បច្ចេកទេសគ្នា ទៅវិញទៅមក មុននឹងក្រុម U-17បាទី ដែលសហព័ន្ធកីឡាបាល់ទាត់កម្ពុជា ចេញទៅចូលរួមប្រកួតពានរង្វាន់យុវជនប្រចាំតំបន់អាស៊ីអាគ្នេយ៍ AFF U-18 Championship 2017 នាខែកញ្ញាខាងមុខ។

    បើតាមមន្ត្រីសហព័ន្ធបាល់ទាត់កម្ពុជាបានឱ្យដឹងថា​៖ ក្រុមយុវជនក្រោមអាយុ ១៦ឆ្នាំនៃក្លឹបភ្នំពេញក្រោន នឹងត្រូវបើកទ្វាកីឡដ្ឋាន RSN ទទួលក្រុមយុវជនសាលាបាល់ទាត់ជាតិបាទីក្រោមអាយុ ១៧ឆ្នាំ នៅក្នុងជំនួបមិត្តភាពកម្ដៅសាច់ដុំ នាវេលាម៉ោង ៨៖៣០នាទីព្រឹកថ្ងៃទី៣០ ខែមេសាចុងសប្ដាហ៍នេះ ដែលដឹកនាំដោយគ្រូបង្វឹកជនជាតិជប៉ុនរៀងៗខ្លួន ក្នុងនោះលោក Jun Hirabayashi ជាគ្រូបង្វឹកក្រុមម្ចាស់ផ្ទះ U-16ភ្នំពេញក្រោន ខណៈក្រុម U-17បាទី ដឹកនាំដោយលោក Inoue Kazunori ៕

  • ខ្សែប្រយុទ្ធ របស់ណាហ្គា Autheire Kipson នៅបន្ត ជាអ្នកស៊ុតបញ្ជូលទីច្រើនជាង គេក្នុង តារាង Top-Scorers

    ខ្សែប្រយុទ្ធ របស់ណាហ្គា Autheire Kipson នៅបន្ត ជាអ្នកស៊ុតបញ្ជូលទីច្រើនជាង គេក្នុង តារាង Top-Scorers

    ដូវកាលថ្មីនេះ ក្នុងព្រឹត្តិការណ៍បាល់ទាត់ លីកកំពូលរបស់កម្ពុជា កីឡាករក្នុងស្រុកហាក់មិនសូវរកបានគ្រាប់បាល់ ដើម្បីប្រជែងស្បែកជើងមាសឡើយ មានតែកីឡាករបរទេសប៉ុណ្ណោះ គឺ ខ្សែប្រយុទ្ធរបស់ក្រុមណាហ្គាវើលកីឡាករ Autheire Kipson បាននឹងកំពុងបន្ដឈរកំពូលតារាងអ្នកស៊ុតបញ្ចូលទីច្រើនជាងគេ(Top-Scorers) ចំនួន ១០គ្រាប់ ។ ខណៈ ឃួន ឡាបូរ៉ាវី របស់បឹងកេតម្នាក់គត់ ដែលកំពុងមានគ្រាប់បាល់ខ្ពស់ជាងគេក្នុងនាមកីឡាករខ្មែរ ដោយមានរកបាន ៤គ្រាប់ក្នុងដៃ ។

    កីឡាករសញ្ជាតិរ្វ៉ាន់ដារូបនេះ រក្សានូវកៅអីកំពូលតារាង Top-Scorers របស់ខ្លួនជាមួយនឹង ១០គ្រាប់ក្នុងដៃ ហើយតាមពីក្រោយកីឡាករ Choe Myong Ho របស់ក្រសួងការពារជាតិរកបាន ៨គ្រាប់ និងកីឡាករ Shane Booysen របស់ភ្នំពេញក្រោន រកបាន ៧គ្រាប់ ។

    ឯកីឡាករ Michael Osei Tutu មកពីក្រុមស៊ីម៉ាក់, កីឡាករ Silva Maycon មកពីក្រុមបឹងកេត, កីឡាករ Baldwin Afanwi មកពីក្រុមប៉ូលិស និងកីឡាករ Dzarma Bata មកពីក្រុម Cambodian Tiger គឺសុទ្ធតែរកបាន ៦គ្រាប់ស្មើគ្នា បើគិតត្រឹមសប្ដាហ៍ទី៨ នៃលីគកំពូលកម្ពុជា រដូវកាលថ្មីនេះ ។

    គួបញ្ជាក់ផងដែរថា​៖ ខ្សែប្រយុទ្ធរបស់ក្រុមណាហ្គាវើលកីឡាករ Autheire Kipson សញ្ជាតិរ្វ៉ាន់ដា នៅបន្ត ឈរនៅក្នុងកំពូល តារាង Top-Scorers នេះគឺ ស្របពេលក្រុមខ្លួនបានខ្ទាតចេញពីកៅអី ៤ក្រុមឈរកំពូលតារាង(Top-4)ជាបណ្ដោះ អាសន្ន មកឈរចំណាត់ថ្នាក់លេខ៥ និងមាន ១២ពិន្ទុ ក្រោយចាញ់ក្រុមបឹងកេត ២-១ នៅក្នុងជំនួបលីគកំពូលកម្ពុជា សប្ដាហ៍ទី៨ កាលពីចុងសប្ដាហ៍កន្លងទៅ ៕