Tim Cook

លោក Donald Trump រំឭកដល់ការសន្យារបស់នាយក Apple

by

លោកប្រធានាធិបតីសហរដ្ឋអាមេរិក Donald Trump បានថ្លែងរំឭកម្ដងទៀតអំពីការសន្យារបស់នាយកប្រតិបតិ្តក្រុមហ៊ុន Apple គឺលោក Tim Cook ដែលថា នឹងសាងសង់ “រោងចក្រធំៗចំនួន 3” នៅសហរដ្ឋអាមេរិកនៅក្នុងបទសម្ភាសជាមួយកាសែត The Wall Street Journal។ លោក Trump បានប្រាប់ថា៖ «ខ្ញុំបាននិយាយទៅកាន់លោក Cook ហើយគាត់បានសន្យាថា នឹងធ្វើឱ្យខ្ញុំនូវគម្រោងធំៗ 3»។ នេះមិនមែនជាលើកទីមួយទេដែលលោក Trump បាននិយាយថា គាត់បាននិយាយជាមួយ Cook អំពីការបង្កើតរោងចក្រផលិតកម្មធំមួយក្នុងទឹកដីសហរដ្ឋអាមេរិក។ ខណៈកាលពីក្នុងអំឡុងយុទ្ធនាការរកសំឡេងឆ្នោតរបស់លោក លោក Trump បានហៅ CEO របស់ក្រុមហ៊ុន Apple ជាច្រើនដងដើម្បីឱ្យមកបង្កើតរោងចក្រនៅលើទឹកដីកំណើតវិញ។ គិតមកដល់ពេលនេះក្រុមហ៊ុន Apple បានបដិសេធមិនធ្វើអត្ថាធិប្បាយអ្វីទាំងអស់ចំពោះដំណើរនៃការបង្កើតរោងចក្រក្នុងទឹកដីសហរដ្ឋអាមេរិកនេះ បើទោះបីជាលោកនាយកប្រតិបត្តិ Tim Cook ធ្លាប់បានឆ្លើយប្រាប់ទៅពិធីករលោក Jim Cramer នៅក្នុងបទសម្ភាស Mad Money របស់ប៉ុស្តិ៍ CNBC កាលពីថ្ងៃទី03 ខែឧសភា … Read more

Tim Cook ៖ នាឡិកា Apple Watch នឹងមានសមត្ថភាពតាមដានកម្រិតជាតិស្ករក្នុងឈាម

by

ក្រោយជោគជ័យលើទីផ្សារនាឡិកាឆ្លាតវៃ ក្រុមហ៊ុន Apple កំពុងសម្ងំអភិវឌ្ឍកម្មវិធីថ្មីមួយទៀតដែលអាចត្រួតពិនិត្យជាតិស្ករដែលមានក្នុងឈាម ដើម្បីងាយស្រួលក្នុងការតាមដាន ការរៀបចំរបបអាហារ ថាតើមុខម្ហូបណាខ្លះអាចបង្កផលប៉ះពាល់ ហើយតើការហាត់ប្រាណរបៀបណាមានប្រសិទ្ធភាព អាចកាត់បន្ថយ ឬទប់ស្កាត់វាបាន។ តាមការចុះផ្សាយលើគេហទំព័រ CNBC កាលពីថ្ងៃទី18 ខែឧសភា ឆ្នាំ2017 បានឱ្យដឹងថា ក្រុមវិស្វកររបស់ Apple ចង់ផ្ដោតខ្លាំងទៅលើការការពារជំងឺទឹកនោមផ្អែម ដែលបច្ចេកវិទ្យាមួយនេះវាមានការលំបាកក្នុងការបង្កើត ប៉ុន្តែក្រុមនេះចង់ធ្វើវាឱ្យលេចមុខឡើង ដើម្បីផ្ដល់ជូនអ្នកប្រើប្រាស់នាឡិកា Apple Watch តាមរយៈការតាមដានជាតិគ្លុយកូសដោយមិនចាំបាច់ពិនិត្យឈាម។ ប្រភពបានបន្ថែមទៀតថា មុខងារមួយនេះត្រូវបានគេប្រទះឃើញលោក Tim Cook នាយកប្រតិបត្តិ Apple កំពុងពាក់ជាប់នឹងដៃ ដែលគេជឿជាក់ថា វាបានចេញជារូបរាងហើយ ប៉ុន្តែស្ថិតក្នុងការសាកល្បង។ ដំណឹងមួយនេះ ត្រូវបាននាយកប្រតិបត្តិរបស់ Apple រូបនេះ ធ្លាប់បានបង្ហើបប្រាប់ទៅដល់ក្រុមនិសិ្សតក្នុងអំឡុងពេលទទួលសញ្ញាបត្រកិត្តិយសនៅសាកលវិទ្យាល័យ Glasgow ថា រូបលោកបានពាក់ឧបករណ៍តាមដានជាតិគ្លុយកូសនេះជាច្រើនថ្ងៃមកហើយ។ លទ្ធផលដែលទទួលបាន គឺវាល្អប្រសើរ ព្រោះលោកអាចយល់ដឹងថា តើជាតិស្ករនៅក្នុងឈាមមានប្រតិកម្មយ៉ាងណាជាមួយអាហារដែលបានបរិភោគ។ ចំពោះដំណឹងដ៏ល្អមួយនេះ ប្រសិនបើ Apple ធ្វើតេស្ដបានជោគជ័យ វានឹងផ្តល់ផលប្រយោជន៍ដល់អ្នកជំងឺទឹកនោមផ្អែមរាប់លាននាក់ឱ្យអាចគ្រប់គ្រងកម្រិតជាតិស្កររបស់ពួកគេ ហើយអ្នកមិនកើតជំងឺនេះក៏អាចគ្រប់គ្រងសុខភាពមិនឱ្យឈានទៅដល់ការកើតជំងឺបានដែរ ព្រមជាមួយនឹងការចេះបែងចែកប្រភេទអាហារ ដែលចាំបាច់ចំពោះសុខភាពទៀតផង៕ … Read more

សម្ដី Donald Trump ចាប់ផ្ដើមមានឥទ្ធិពលលើ Apple

by

សម្ដីរបស់លោកប្រធានាធិបតី Donald Trump ចាប់ផ្ដើមមានឥទ្ធិពលទៅលើក្រុមហ៊ុន Apple ហើយ បន្ទាប់ពីបានស្នើឱ្យក្រុមហ៊ុនមួយនេះផ្លាស់ប្ដូររោងចក្រផលិតទូរស័ព្ទ iPhone មកទឹកដីអាមេរិកវិញ តាំងពីពេលមុនឡើងកាន់តំណែង។ ឆ្លើយតបនឹងសំណើមួយនេះ នាយកប្រតិបត្តិ Apple លោក Tim Cook បានឆ្លើយប្រាប់ទៅពិធីករលោក Jim Cramer នៅក្នុងបទសម្ភាស Mad Money របស់ប៉ុស្តិ៍ CNBC កាលពីថ្ងៃទី 03 ខែឧសភា ឆ្នាំ 2017 នេះថា ក្រុមហ៊ុនលោកបានត្រៀមខ្លួននឹងធ្វើការវិនិយោគដ៏ធំមួយសម្រាប់ពលរដ្ឋអាមេរិក ដើម្បីតបនឹងការស្នើសុំរបស់លោកប្រធានាធិបតី។ ទឹកប្រាក់ មួយពាន់លានដុល្លារ នឹងត្រូវបានត្រៀមសម្រាប់ការសាងសង់រោងចក្រ និងសម្ភារជាច្រើនទៀត ដើម្បីបម្រើដល់ចង្វាក់ផលិតកម្មទូរស័ព្ទ iPhone។ នាយកប្រតិបត្តិរូបនេះថ្លែងថា «ការផ្លាស់ប្ដូរនេះ វាប្រៀបដូចទឹករលកក្នុងបឹង ដែលមិនដែលបោកបក់ ប៉ុន្តែពេលវាចាប់ផ្ដើម គឺខ្លាំងតែម្ដង។ លោកបន្តថា ក្រោយការសាងសង់បានបញ្ចប់ នៅតំបន់នោះអាចនឹងបង្កើតការងារផ្សេងទៀត ពិសេសបណ្តុំសេវាឧស្សាហកម្ម ដែលបង្កើតឡើងជុំវិញកន្លែងការងារនេះតែម្តង និងវាជាវិធីដែល Apple ចង់សងគុណត្រឡប់ទៅសង្គមវិញ តាមរយៈការបង្កើតការងារ និងការប្រើប្រាស់ថាមពលកកើតឡើងវិញ»។ យ៉ាងណាមិញ … Read more