Tag: Taylor Swift

Taylor Swift ក្លាយជាមហាសេដ្ឋិនីថ្មី និងល្បីឈ្មោះជាងគេក្នុងឆ្នាំនេះ
តារាចម្រៀង Taylor Swift មានឈ្មោះក្នុងបញ្ជីចំណាត់ថ្នាក់មហាសេដ្ឋីរបស់ Forbes សម្រាប់ឆ្នាំ 2024 នេះ។
កាលពីថ្ងៃទី 2 មេសា ទស្សនាវដ្ដី Forbes បានប្រកាសបញ្ជីឈ្មោះស្ដីពីក្រុមអ្នកមានជាងគេលើពិភពលោក សម្រាប់ឆ្នាំ 2024។ Forbes ឱ្យដឹងថា ពិភពលោកបច្ចុប្បន្នមានមហាសេដ្ឋីថ្មីចំនួន 265 នាក់បន្ថែមទៀត ដោយសារទីផ្សារមូលបត្រកាលពីឆ្នាំកន្លង។ ពួកគេមកពីប្រទេសចំនួន 32 និងមានទ្រព្យសរុប 510 ពាន់លានដុល្លារអាម៉េរិក។
មហាសេដ្ឋិនីដែលល្បីឈ្មោះជាងគេក្នុងឆ្នាំនេះ គឺតារាចម្រៀងស្រីអាម៉េរិក Taylor Swift។ ដំណើរសម្ដែងជុំវិញពិភពលោក Eras Tour របស់នាង បានក្លាយជាដំណើរសម្ដែងដំបូងលើពិភពលោក ដែលរកចំណូលបាន 1,000 លានដុល្លារ។
បច្ចុប្បន្ន Taylor Swift មានទ្រព្យប្រមាណ 1.1 ពាន់លានដុល្លារអាម៉េរិក។ Swift ក៏ជាអ្នកចម្រៀងដំបូងគេដែលរកបានទ្រព្យពាន់លានដុល្លារ ដោយសារតែការនិពន្ធ និងការសម្ដែង។
April 5, 2024
សេដ្ឋកិច្ចសិង្ហបុរី ទទួលបានរាប់រយលានដុល្លារពីការប្រគំតន្ត្រី Taylor Swift
ការសម្ដែង និងច្រៀងរបស់តារាចម្រៀង Taylor Swift ត្រូវបានរំពឹងថា នឹងនាំមកនូវផលប្រយោជន៍ផ្នែកសេដ្ឋកិច្ចជិត 400 លានដុល្លារអាម៉េរិក សម្រាប់សិង្ហបុរី នៅពេលសេវាកម្មជាច្រើនផ្ទុះការពេញនិយម។
នាថ្ងៃទី 04 មីនា រដ្ឋមន្ត្រីក្រសួងវប្បធម៌ សហគមន៍ និងយុវជនសិង្ហបុរី Edwin Tong បានថ្លែងចំពោះមុខសភាប្រទេសនេះថា សេដ្ឋកិច្ចនឹងទទួលផលធំពីការប្រគំតន្ត្រីរបស់តារាចម្រៀងស្រី Taylor Swift នៅទីនេះ។ «ខ្ញុំអាចធានាបានថា ផលប្រយោជន៍ផ្នែកសេដ្ឋកិច្ចសម្រាប់សិង្ហបុរីគឺពិតជាធំណាស់ ហើយលើសពីទឹកប្រាក់ដែលបានចំណាយសម្រាប់ Taylor Swift មកសម្ដែងនៅទីនេះ» លោកថ្លែងដូច្នេះ។
លោករដ្ឋមន្ត្រីក៏មិនភ្លេចលើឡើងអំពីផលប្រយោជន៍ផ្ទាល់ផ្នែកសេដ្ឋកិច្ច ដែលរួមមាន ចំនួនភ្ញៀវទេសចរណ៍ ប្រាក់ចំណូលពីសំបុត្រយន្តហោះ សំបុត្រចូលទស្សនាការសម្ដែង កន្លែងស្នាក់នៅ ក៏ដូចជាប្រាក់ចំណូលដែលបានពីសេវាកម្សាន្ត ការទិញដូរទំនិញ និងការហូបចុកនៅសិង្ហបុរីជាដើម។ មន្ត្រីនៅធានាគារ Maybank ឱ្យដឹងថា ប្រមាណ 70% នៃភ្ញៀវដែលមកទស្សនាការសម្ដែងនេះគឺជាជនបរទេស។
កាលពីខែកន្លង Strait Times ចេញផ្សាយថា អ្នកសេដ្ឋកិច្ចប៉ាន់ស្មានថា ការប្រគំតន្ត្រីរបស់ Taylor Swift នាំមកនូវប្រាក់ចំណូលពី 350 ដល់ 500 លានដុល្លារសិង្ហបុរី (ពី 260 ដល់ 371.9 លានដុល្លារអាម៉េរិក) សម្រាប់សេដ្ឋកិច្ចសិង្ហបុរី។
តួលេខពីក្រុមហ៊ុនទិន្នន័យសណ្ឋាគារ Smith Travel Research ឱ្យដឹងថា បន្ទាប់ពី Swift បានប្រកាសកាលបរិច្ឆេទសម្ដែងភ្លាម ចំនួនភ្ញៀវដែលបានកក់បន្ទប់សណ្ឋាគារនានានៅសិង្ហបុរី ក្នុងខែមីនា 2024 បានកើន 10%។
លើទំព័រ CNBC ក្រុមហ៊ុនអាកាសចរណ៍ Singapore Airlines និង Scoot ឱ្យដឹងថា តម្រូវការហោះហើរទៅកាន់សិង្ហបុរី ក្នុងខែមីនា កើនឡើងខ្ពស់ខ្លាំង ពិសេសអ្នកដំណើរពីតំបន់អាស៊ីអាគ្នេយ៍។ Jetstar Asia ក៏បង្ហើបឱ្យដឹងដែរថា តម្រូវការហោះហើរកើន 20% ចំពោះបណ្ដាជើងហោះហើរពីបាងកក ម៉ានីល និងហ្សាការតា ទៅកាន់សិង្ហបុរី។
ដំណើរសម្ដែងរបស់ Taylor swift នៅសិង្ហបុរី នឹងអូសបន្លាយពេល 6 ថ្ងៃ ចាប់ពីថ្ងៃទី 02 ដល់ទី 09 ខែមីនា ឆ្នាំ 2024។ សំបុត្រទាំង 300,000 សន្លឹកសម្រាប់ទស្សនាការសម្ដែង 6 យប់ ត្រូវបានលក់អស់គ្មានសល់។ តម្លៃសំបុត្រពិសេស (VIP) គឺជាង 900 ដុល្លារអាម៉េរិក។
Eras Tour របស់ Taylor បានចាប់ផ្ដើមពីខែមីនាឆ្នាំ 2023 ហើយគ្រោងនឹងបញ្ចប់នៅក្នុងខែធ្នូឆ្នាំ 2024 ក្នុងនោះមានការសម្ដែងចំនួន 151 យប់។ ក្នុងការសម្ដែងមួយយប់ មានទស្សនិកជនប្រហែល 72,000 នាក់ ដែលគ្រោងនឹងរកបានចំណូល 17 លានដុល្លារអាម៉េរិក៕
March 4, 2024
សិង្ហបុរី បង្ហើបឱ្យដឹងពីវិធីអញ្ជើញ Taylor Swift មកបើកខនសឺតផ្ដាច់មុខនៅអាស៊ីអាគ្នេយ៍
សិង្ហបុរីចំណាយប្រាក់យ៉ាងច្រើនដើម្បីបញ្ចុះបញ្ចូលកំពូលតារាចម្រៀង Taylor Swift មកបើកខនសឺននៅប្រទេសនេះ ដែលក្លាយជាទីសំចតតែមួយគត់របស់នាងនៅតំបន់អាស៊ីអាគ្នេយ៍។
«ដំណើរសម្ដែងនេះអាចនាំមកនូវផលប្រយោជន៍ច្រើនដល់សេដ្ឋកិច្ចសិង្ហបុរី…។ នេះគឺជាអ្វីដែលបានកើតឡើងនៅតាមបណ្ដាទីក្រុងដែល Taylor Swift ធ្លាប់បានទៅសម្ដែង» ក្រសួងវប្បធម៌ និងទេសចរណ៍សិង្ហបុរី ប្រកាលកាលពីថ្ងៃទី 20 កុម្ភៈដូច្នេះ។
ក្រសួងនេះបានឱ្យដឹងថា បានធ្វើការជាមួយ AEG Presents ដែលជាស្ថាប័នប្រារព្ធកម្មវិធី Eras Tour របស់ Taylor Swift ដើម្បីបញ្ចុះបញ្ចូលតារាចម្រៀងនេះមកសម្ដែងនៅសិង្ហបុរី។ ក្រសួងនេះបានឱ្យដឹងថា បានចំណាយប្រាក់ឧបត្ថម្ភសម្រាប់ Taylor Swift ប៉ុន្តែមិនបានបង្ហើបឱ្យដឹងអំពីតួលេខជាក់លាក់។
កាលពីសប្ដាហ៍កន្លង នាយករដ្ឋមន្ត្រីថៃ លោក Srettha Thavisin បានថ្លែងនៅក្នុងវេទិកាជំនួញថា សិង្ហបុរីបានចំណាយប្រាក់សម្រាប់ Taylor 100 លានបាត (ជាង 2.7 លានដុល្លារអាម៉េរិក) សម្រាប់ការសម្ដែងមួយយប់នៅប្រទេសនេះ អមនឹងលក្ខខណ្ឌ «សិង្ហបុរីត្រូវតែជាទីសំចតតែមួយគត់របស់តារាចម្រៀងស្រីរូបនេះនៅអាស៊ីអាគ្នេយ៍»។ ក៏ប៉ុន្តែ រដ្ឋាភិបាលសិង្ហបុរីមិនទាន់មានការអធិប្បាយអ្វីនៅឡើយ ទាក់ទងនឹងការលើកឡើងរបស់នាយករដ្ឋមន្ត្រីថៃ។
ដំណើរសម្ដែងរបស់ Taylor swift នៅសិង្ហបុរី នឹងអូសបន្លាយពេល 6 ថ្ងៃ ចាប់ពីថ្ងៃទី 02 ដល់ទី 09 ខែមីនា ឆ្នាំ 2024។ សំបុត្រទាំង 300,000 សន្លឹកសម្រាប់ទស្សនាការសម្ដែង 6 យប់ ត្រូវបានលក់អស់គ្មានសល់។ តម្លៃសំបុត្រពិសេស (VIP) គឺជាង 900 ដុល្លារអាម៉េរិក។
Eras Tour របស់ Taylor បានចាប់ផ្ដើមពីខែមីនាឆ្នាំ 2023 ហើយគ្រោងនឹងបញ្ចប់នៅក្នុងខែធ្នូឆ្នាំ 2024 ក្នុងនោះមានការសម្ដែងចំនួន 151 យប់។ ក្នុងការសម្ដែងមួយយប់ មានទស្សនិកជនប្រហែល 72,000 នាក់ ដែលគ្រោងនឹងរកបានចំណូល 17 លានដុល្លារអាម៉េរិក៕
February 21, 2024
Taylor Swift ចំណាយជាង 50 លានដុល្លារសម្រាប់ជាអំណោយជូនក្រុមការងារ
កំពូលតារាចម្រៀងប៉ប់ Taylor Swift បានចំណាយប្រាក់ចំនួន 55 លានដុល្លារ សម្រាប់ជារង្វាន់ជូនក្រុមការងារបើកឡាន អ្នករៀបចំអាហារហូបចុច អ្នកដំឡើងឆាក និងក្រុមអ្នករាំជាដើម ដែលធ្វើការនៅក្នុងដំណើរសំដែង Eras Tour របស់នាងនៅសហរដ្ឋអាម៉េរិក។
យោងតាមប្រភពព័ត៌មាននានាដែលបានប្រាប់ទំព័រ People កំពូលតារាចម្រៀងស្រី Taylor Swift ថ្មីៗនេះបានប្រគល់ប្រាក់រង្វាន់ជូនដល់បុគ្គលិកទាំងអស់ដែលបម្រើការនៅក្នុងដំណើរសំដែងជុំវិញសហរដ្ឋអាម៉េរិករបស់នាងនៅក្នុងរយៈពេល 5 ខែកន្លង។
ទំព័រ TMZ ក៏បានផ្សាយថា កំពូលតារាចម្រៀងវ័យ 33 ឆ្នាំរូបនេះ បានផ្ដល់រង្វាន់ជូនដល់អ្នកបើកបររថយន្តម្នាក់ៗ 100,000 ដុល្លារ។ អ្នកបើកបររថយន្តដឹកសម្ភារៈសម្រាប់ការសម្ដែងរបស់ Taylor Swift មានប្រហែល 50 នាក់ ដែលនេះមានន័យថា គ្រាន់តែអ្នកបើកបររថយន្តមួយមុខ Taylor ត្រូវចំណាយប្រាក់អស់ 5 លានដុល្លារបាត់ទៅហើយ។
ទិន្នន័យរបស់ Pollstar បង្ហាញថា Eras Tour រកប្រាក់ពីការលក់សំបុត្របាន 300.8 លានដុល្លារអាម៉េរិក រាប់ចាប់តាំងពីខែមីនារហូតដល់បច្ចុប្បន្ន។ តម្លៃជាមធ្យមរបស់សំបុត្រចូលទស្សនាខន់ស៊ើតរបស់ Taylor Swift គឺ 253 ដុល្លារ។ បន្ទាប់ពីការសម្ដែងនៅក្នុង 22 ទីតាំងបានបញ្ចប់ Eras Tour លក់សំបុត្របានជាងមួយលានសន្លឹក។
តាមគម្រោង Taylor Swift នឹងបញ្ចប់រដូវកាលសម្ដែងរបស់ខ្លួននៅសហរដ្ឋអាម៉េរិកត្រឹមពាក់កណ្ដាលខែសីហានេះ។ ចាប់ពីចុងខែនេះ Taylor Swift នឹងចាប់ផ្ដើមដំណើរសម្ដែងរបស់ខ្លួននៅអាម៉េរិកឡាទីន បន្ទាប់មកគឺនៅអាស៊ី អឺរ៉ុប និងអូស្ត្រាលីនាឆ្នាំក្រោយ។
កម្មវិធីដំណើរសម្ដែង Eras Tour របស់ Taylor Swift ត្រូវបានគេព្យាករថា នឹងជាព្រឹត្តិការណ៍សម្ដែងដែលរកបានប្រាក់ចំណូលច្រើនជាងគេបង្អស់នៅគ្រប់សម័យកាល។
យោងតាមស្ថិតិរបស់ទស្សនាវដ្ដី Forbes ដែលបានចុះផ្សាយកាលពីខែមិថុនា 2023 Taylor Swift គឺជាអ្នកចម្រៀងរកស៊ីមានបានដោយខ្លួនឯងមានទ្រព្យច្រើនជាងគេលំដាប់ទីពីរក្នុងវិស័យចម្រៀង បន្ទាប់ពី Rihanna។ នាងក៏ជាប់ចំណាត់ថ្នាក់ទី 34 នៅក្នុងតារាងចំណាត់ថ្នាក់ស្ដីពី «ស្ត្រីរកស៊ីមានបានដោយខ្លួនឯងដែលមានទ្រព្យច្រើនបំផុតនៅសហរដ្ឋអាម៉េរិក»។ ទ្រព្យសរុបរបស់ Taylor Swift ត្រូវបានគណនាឃើញថា មានរហូតដល់ 740 លានដុល្លារអាម៉េរិក៕
August 4, 2023
Taylor Swift ដុតនំ Cake ជូនជាកាដូដល់ Selena Gomez មិត្តសំណព្វចិត្ត
តាមរយៈសារព័ត៌មាន Daily Mail ដែលចេញផ្សាយនៅថ្ងៃទី23 ខែកក្កដា ឆ្នាំ2018 នេះបានឱ្យដឹងថា កាលពីថ្ងៃអាទិត្យម្សិលមិញនេះ ត្រូវជាថ្ងៃកំណើតរបស់តារាចម្រៀងស្រី Selena Gomez ដែលមានវ័យ 26ឆ្នាំហើយ នៅក្នុងពេលនោះតារាចម្រៀងស្រីដែលជាមិត្តសម្លាញ់សំណព្វចិត្តជាងគេរបស់នាង គឺតារាស្រី Taylor Swift បានដុតនំ Cake ដោយផ្ទាល់ដៃដើម្បីជូនជាកាដូលើកទឹកចិត្តដល់ Selena ស្របពេលដែល Selena កំពុងមានរឿងអាស្រូវខូចចិត្តជាច្រើនពាក់ព័ន្ធនឹង JB ( Justin Bieber ) ។
បើទោះបីជាតារាចម្រៀងស្រី Taylor Swift កំពុងមានភាពមមាញឹកក្នុងការប្រគំតន្ត្រីទេសចរណ៍ទូទាំងពិភពលោកយ៉ាងណាក៏ដោយ ក៏តារាស្រីរូបនេះនៅតែឆ្លៀតពេលវេលាផ្ទាល់ខ្លួន លើកទឹកចិត្តមិត្តសម្លាញ់របស់នាង និងបង្ហោះរូបភាពនៅលើ IG យ៉ាងផ្អែមល្ហែមជាមួយនឹង Selena Gomez ផងដែរ។ ក្នុងថ្ងៃកំណើតរបស់ Gomez អតីតមិត្តប្រុសរបស់នាង លោក Weekend ក៏បានជូនបាច់ផ្កាជាពិសេសមកកាន់នាងផងដែរ ដើម្បីសម្ដែងការលើកទឹកចិត្ត បើទោះបីជាអ្នកទាំងពីរបានចែកផ្លូវគ្នារួចហើយយ៉ាងណាក៏ដោយ។
សូមជម្រាបបន្ថែមថា អ្នកគាំទ្រ Selena Gomez ជាពិសេស Fan Club របស់នាងផ្ទាល់បានបង្ហោះរូបភាពកាលពីនាងនៅវ័យកុមារជាច្រើនសន្លឹកយ៉ាងឃ្ជូតៗ នៅលើ IG ដែលធ្វើឱ្យតារាស្រីរូបនេះកាន់តែមានកម្លាំងចិត្តបន្ថែមឡើងទៀតនៅក្នុងថ្ងៃកំណើត។ គួររំឭកដែរថា Selena ធ្លាប់មានប្រវត្តិវះកាត់ប្តូរក្រលៀន និងលើរាងកាយនៅមានបន្សល់ស្នាមដេរកាលពីគ្រាវះកាត់នោះយ៉ាងច្បាស់ គឺមានប្រវែងជិតមួយចង្អាមឯណោះ និងវាបានបង្ហាញឱ្យឃើញយ៉ាងច្បាស់នៅពេលណាដែលនាងស្លៀកពាក់សិចស៊ីខ្លីៗម្ដងៗ៕
July 23, 2018
Katy Perry និង Taylor Swift បង្កើតទំនាក់ទំនងស្និទ្ធស្នាលឡើងវិញហើយ
តាមរយៈសារព័ត៌មាន Teenee ដែលបានចេញផ្សាយនៅថ្ងៃទី27 ខែធ្នូ ឆ្នាំ2017 នេះ បានឱ្យដឹងថា ព័ត៌មានមួយនេះ បានធ្វើឱ្យមានការភ្ញាក់ផ្អើលចំពោះអ្នកគាំទ្ររបស់តារាចម្រៀងស្រី Katy Perry និង Taylor Swift យ៉ាងខ្លាំង ដោយសារអ្នកទាំងពីរបានបង្ហាញរូបភាពឱបថើបគ្នា ប្រលែងគ្នាលេងល្អូកល្អិន បង្កើតស្នាមញញឹមរីករាយជាមួយគ្នាឡើងវិញហើយ។
បើតាមការចេញផ្សាយរបស់សារព័ត៌មាន E!Newsបានអះអាងថា មិនត្រឹមតែសាងមេត្រីភាពនឹងគ្នាទេ ប៉ុន្ដែនាង Katy Perry បានបញ្ចេញបទចម្រៀងថ្មីរបស់នាងមានចំណងជើងថា End Game ដែលបានបង្ហាញឱ្យឃើញថា អ្នកទាំងពីរមិនមែនសត្រូវនឹងគ្នាដូចមុនទៀតទេ។
កាលពីសបា្តហ៍មុន Katy Perry មិនបានបញ្ជាក់ឱ្យច្បាស់ពីវីដេអូបទចម្រៀង End Game ទៅកាន់ Taylor Swift ឡើយ ក៏ប៉ុន្ដែអ្នកគាំទ្រនាង បានអះអាងថា អ្នកទាំងពីរពិតជាបានត្រូវគ្នាវិញហើយ មិនមានសង្គ្រាមពាក្យសម្ដី និងបទចម្រៀងឌឺដងដាក់គ្នាដូចមុនទៀតទេ។ គួររំឭកផងដែរថា មុនពេលផ្សះផ្សាគ្នាវិញ តារាស្រី Katy Perry បានពោលពាក្យសុំទោសទៅ Taylor Swift ថា “ខ្ញុំត្រៀមខ្លួនរួចជាស្រេចក្នុងការអត់ឱន និងសូមទោសនូវអ្វីដែលខ្ញុំបានធ្វើ ហើយខ្ញុំរំពឹងទុកថា នាង (Taylor ) ក៏នឹងធ្វើដូចដែលខ្ញុំបានធ្វើនេះដែរ នេះជាក្ដីសង្ឃឹមដែលខ្ញុំចង់បានពីនាងវិញ ។ ខ្ញុំគិតថា នាងជាតារាចម្រៀងស្រីដ៏ល្អបំផុត ប្រសិនបើពួកយើងទាំងពីរអាចសម្របសម្រួលគ្នាក្នុងនាមជានារីដូចគ្នានោះ រាល់ជម្លោះរំខានទាំងឡាយ អាចនឹងប្រសើរឡើងវិញ ព្រោះអ្នករាល់គ្នាគិតថា យ៉ាងណាក៏ដោយ ក៏ពួកយើងអាចដោះស្រាយវាបានដែរ” ៕

December 27, 2017
Old Taylor is Dead?! Taylor បែកសាច់ឡើងគ្រហើៗ ធ្វើឱ្យអ្នកគាំទ្រស្រឡាំងកាំង
តាមរយៈសារព័ត៌មាន Mthai ដែលបានចេញផ្សាយនៅថ្ងៃទី14 ខែធ្នូ ឆ្នាំ2017នេះ បានឱ្យដឹងថា មនុស្សជាច្រើនបានភ្ញាក់ផ្អើលចំពោះការវិលត្រឡប់មកវិញរបស់តារាស្រី Taylor Swift បន្ទាប់ពីនាងបានបញ្ចេញអាល់ប៊ុមចម្រៀងដែលមានចំណងជើងថា Reputation កាលពីដើមខែវិច្ឆិកាកន្លងទៅនេះ តារាស្រីរូបនេះបានវិលមកវិញជាមួយនឹងរូបរាងដែលប្លែកភ្នែកបំផុត ពីនារីសុភាពរម្យទម ក្លាយជានារីចម្រៀងរ៉ុកឃើរ៍។
ខណៈដែលនាងបានបាត់មុខពីសិល្បៈមួយរយៈនោះ មានដំណឹងលេចឮមកថា នាងកំពុងតែសម្ងំស៊ីស្មៅខ្ចី គឺលោក Joe Alwyn ជាតារាសម្ដែងវ័យក្មេងជនជាតិអង់គ្លេស ដែលជាសង្សារថ្មីរបស់នាង។ ដោយឡែកនៅថ្ងៃប្រគំតន្រ្តីរបស់ស្ថានីយវិទ្យុល្បី 102.7 KIIS FM’s Jingle Ball 2017 កន្លងទៅថ្មីៗនេះ ក្រុមការងារ Z100’s Jingle Ball 2017 និងអ្នកគាំទ្រជាច្រើននាក់ បានសង្កេតឃើញភាពផ្លាស់ប្ដូរដ៏សឹងតែមិនគួរឱ្យជឿរបស់តារាស្រី Taylor Swift ដែលបែកសាច់ភ្លៅ ត្រគាក និងគូទរីកធំយ៉ាងខ្លាំងដែលខុសពីមុនឆ្ងាយ។ អ្នកខ្លះបានរិះគន់ថា Taylor Swift ពីមុនស្លាប់បាត់ហើយ ព្រោះតែនាងសម្ងំស៊ីស្មៅខ្ចីនៅអង់គ្លេសច្រើនពេក៕
December 14, 2017
Taylor Swift បង្ហាញស្ទីលអាក្រាតកាយទាំងស្រុងនៅក្នុងបទទើបចេញថ្មី
នៅពេលថ្មីៗនេះ គ្រាន់តែចាប់ផ្ដើមបទចម្រៀងថ្មី Taylor Swift បានធ្វើឱ្យមជ្ឈដ្ឋានមហាជនភ្ញាក់ផ្អើលយ៉ាងខ្លាំងតាមរយៈស្ទីលអាក្រាតកាយនៅក្នុងបទ “Ready For It?” ដែលត្រូវបានអ្នកគាំទ្ររិះគន់នាងនៅក្នុង Youtubeថា ពួកគេខកចិត្តដោយសារតែគំនិតនៃការបង្កើតថ្មីមួយនេះវាខ្លាំងពេក ហើយភាពច្របូកច្របល់ និងបង្ហាញភាពពិសពុលកាន់តែខ្លាំងឡើងទៀតផង។
ជាក់ស្ដែងនៅក្នុងបទចម្រៀងមួយបទនេះនាង Taylor Swift បានលេងស្ទីលអាក្រាតកាយ អណ្ដែតនៅលើលម្ហ ទាំងរាងកាយនាងត្រូវបានគ្រប់គ្រងដោយថាមពលវិទ្យាសាស្ត្រ ត្រឹមវិនាទីខ្លីៗតែប៉ុណ្ណោះ ក៏ប៉ុន្ដែរូបអាក្រាតបែបនេះ បែរមានរហូតដល់ទៅច្រើនប្លង់ទៅវិញ។ យ៉ាងណាមិញ គួរកត់សម្គាល់ដែលថា បទចម្រៀងនេះ គឺមិនមានប្លង់ថ្មី និងគំនិតថ្មីឡើយ ។ តារាស្រីរូបនេះក៏ត្រូវបានអ្នកគាំទ្ររិះគន់បន្ថែមថា ប្រើប្រាស់ប្លង់ដដែលៗ គឺ ប្លង់ដេកដួល ដែលមានសឹងតែគ្រប់បទ ប្រហែលនាងចង់បង្ហាញពីអត្តសញ្ញាណរបស់នាងក៏មិនដឹង?។
គួរបញ្ជាក់ផងដែរថា បទ “Ready For It?” ត្រូវបានបង្ហោះនៅលើ Youtube នៅថ្ងៃទី26 ខែតុលា ឆ្នាំ2017 ថ្មីៗនេះ រហូតមកទល់ពេលនេះ ម៉ោងនេះ មានអ្នកចូលទស្សនាកើនឡើងដល់ 16,485,053 ហើយ តែជាអកុសលមានអ្នកបោះឆ្នោតមិនចូលចិត្តរហូតដល់ទៅ 74 ពាន់នាក់ឯណោះ៕
October 28, 2017
Kesha បង្ហោះសារអបអរមិត្តសំណព្វចិត្ត Taylor Swift ដែលឈ្នះក្តី
តារាចម្រៀងល្បីឈ្មោះនាង Kesha ដែលគ្រប់គ្នាស្គាល់ថា ជាមិត្តភ័ក្តិកម្សត់កម្ររបស់ Taylor Swift កំពូលតារាចម្រៀងដ៏ល្បីរបស់អាមេរិកនោះ បានបង្ហោះសារមួយអបអរជាមួយពាក្យមួយឃ្លាថា «ខ្ញុំគាំទ្រអ្នកជានិច្ច» នៅលើបណ្តាញសង្គមTwitter បន្ទាប់ពីតុលាការបានច្រានចោលពាក្យចោទប្រកាន់របស់DJមួយរូបដែលបានប្តឹងទាមទារសំណងដល់ទៅជាង៣លានដុល្លារអាមេរិកពីនាង Taylor Swift នោះ។
កាលពីសប្តាហ៍មុននេះតុលាការទីក្រុង Denver នៃរដ្ឋខូឡូរ៉ាដូ សហរដ្ឋអាមេរិកបានច្រានចោលរឿងក្តីដែលនាង Taylor ត្រូវបានអតីត DJ ក្នុងវិទ្យុ KYGO ប្តឹងទាមទារសំណងជាង3លានដុល្លារដោយចោទនាងថា បានផ្សព្វផ្សាយព័ត៌មានអំពី DJ ម្នាក់នេះថាបានចាប់កំប៉េះគូទនាងនៅក្នុងការចាប់ដៃស្វាគមន៍គ្នាក្នុងមជ្ឈមណ្ឌល Pepsi ក្នុងទីក្រុង Denver កាលពីខែឧសភាឆ្នាំ២០១៣ដែលនាំឲ្យលោកត្រូវបាត់បង់ការងារ និងបិទវិទ្យុរបស់ខ្លួនដោយសារតែរឿងអាស្រូវនេះរីកសាយភាយ។
ជុំវិញលទ្ធផលនេះនាង Kesha អាយុ 27ឆ្នាំដែលជាមិត្តនាង Taylor បានបង្ហោះសារថាខ្ញុំតែងតែគាំទ្រអ្នកហើយជាពិសេសគឺខ្ញុំសូមកោតសរសើរចំពោះការប្រឈមមុខដោយឥតមានការភ័យខ្លាចដែលធ្វើឱ្យការពិតបានទទួលជ័យជម្នះ។ ដោយឡែកការប្តឹងបកពីនាង Taylor Swift ទាមទារប្រាក់ 3លានដុល្លារពី DJ ខាងលើនេះវិញនឹងដំណើរការក្នុងពេលឆាប់ៗនេះដែរ។ សុំបញ្ជាក់ដែរថាកាលពីមុននាងធ្លាប់ទាមទារប្រាក់ជំងឺចិត្តតែ1លានដុល្លារប៉ុណ្ណោះ៕
August 15, 2017
Taylor Swift ត្រៀមខ្លួនឡើងតុលាការ ករណីបណ្ដឹងបៀតបៀនកេរ្តិ៍ខ្មាស
អាចនិយាយបានថា ជាបណ្ដឹងដែលយូរឆ្នាំណាស់ហើយ បើគិតមកដល់ថ្ងៃនេះ គឺមានរយៈពេល 4 ឆ្នាំទៅហើយដែលតារាស្រី Taylor Swift បានដាក់ពាក្យបណ្ដឹងទៅតុលាការចំពោះករណីដែលឌីជេល្បីឈ្មោះលោក David Mueller បានបៀតបៀនកេរ្តិ័ខ្មាសនាង ដោយយកដៃលូកចាប់ច្របាច់គូទនាងពីក្រោយ ខណៈដែលកំពុងឈរថតរូបនៅលើការប្រគំតន្ត្រីជាមួយគ្នា ហើយការប្តឹងផ្ដល់នេះមិនមាននរណាយោគយល់នរណាឡើយ គឺចង់បានឈ្នះរៀងខ្លួន។
កាលពីខែមិថុនា ឆ្នាំ2013 ឌីជេ David Mueller ត្រូវតារាស្រី Taylor ស្នើសុំឱ្យថៅកែក្រុមហ៊ុនបណ្តេញលោកចេញពីក្រុមហ៊ុន និងបង់ប្រាក់សងជំងឺចិត្តចំនួនជាង 3 លានដុល្លារ ហើយព្រមទាំងស្នើសុំឱ្យប៉ូលិសចាត់វិធានការតាមផ្លូវច្បាប់ទៀតផង។ តែទីបំផុត នៅថ្ងៃទី8 ខែសីហា ឆ្នាំ 2017 នាងនៅតែបន្ដដំណើរការពាក្យបណ្ដឹងនោះជាមួយចៅក្រម ដោយបន្ថយការទាមទារប្រាក់សំណងមកនៅត្រឹមតែជាង 1 លានដុល្លារប៉ុណ្ណោះ។
យ៉ាងណាក៏ដោយ តារាស្រីរូបនេះមិនដែលបានជួបជាមួយមន្ត្រីប៉ូលិសឡើយ ចាប់តាំងពីនាងបានដាក់ពាក្យបណ្ដឹងដំបូង ក្រោយថ្ងៃកើតហេតុរួចមក ដោយសារតែនាងព្យាយាមដំណើរការរឿងនេះដោយប្រយ័ត្នប្រយែងដោយខ្លួនឯងផ្ទាល់ ខណៈដែលមេធាវីរបស់នាងបានពោលថា នាងខូចចិត្តខ្លាំងណាស់ដែលត្រូវឌីជេ David Mueller ចោទប្រកាន់នាងថា នាងជាអ្នកតាក់តែងរឿងប្រឌិតឡើង លោកមិនបានធ្វើដូចនាងចោទប្រកាន់ទេ។
គួរបញ្ជាក់បន្ថែមដែរពីសម្ដីមេធាវីរបស់ Taylor Swift ដែលធ្លាប់បាននិយាយថា កូនក្តីខ្ញុំអាចមានការយល់ច្រឡំក៏ថាបានដែរ ព្រោះអាចមានអ្នកចម្រៀងស្រីដ៏ទៃ ជាអ្នកប៉ះទង្គិចនឹងគូថរបស់នាងក៏អាចទៅរួចដែរ៕
August 10, 2017