Tag: Song Joong Ki និង Song HyeKyo

នៅថ្ងៃទី9 ខែវិច្ឆិកា ឆ្នាំ2017 បើតាមសារព័ត៌មាន Naver បានចេញផ្សាយឱ្យដឹងថា នៅលើបណ្ដាញទំនាក់ទំនងសង្គមអ៊ីនស្ដាក្រាមរបស់តារាស្រី​ Song HyeKyo បានបង្ហោះរូបភាពជាច្រើនសន្លឹក ដែលបង្ហាញពីកាដូក្រោយថ្ងៃរៀបអាពាហ៍ពិពាហ៍របស់នាង និង Song Joong Ki ។

នៅក្នុងបន្ទប់គូស្នេហ៍  Song Joong Ki និង Song HyeKyo ដែលទើបតែរៀបមង្គលការហើយថ្មីៗ ពួកគេទាំងពីរបានបង្ហាញរូបភាពផ្អែមល្ហែម និងកាដូពិសេសៗដែលបានទទួលក្រោយពេលរៀបអាពាហ៍ពិពាហ៍រួចគឺ គ្រឿងអលង្ការមាសដែលមានតម្លៃថ្លៃ ដែលរួមមានចិញ្ចៀនគូស្នេហ៍ និងកងដៃមាសជាច្រើនខ្សែ។ បើតាមជំនឿនៃប្រទេស កូរ៉េ និងចិន ការទទួលកាដូជាគ្រឿងមាសក្រោយថ្ងៃមង្គលការនេះ ត្រូវបានគេជឿថា ស្វាមីភរិយាថ្មោងថ្មីនឹងមានកូនប្រុស ព្រោះពណ៌មាសជាតំណាងឱ្យស្ដេចនាគមាស និងភាពរីកចម្រើនរុងរឿងនៅក្នុងក្រុមគ្រួសារផងដែរ។

គួររំឭកផងដែរថា អាពាហ៍ពិពាហ៍របស់ Song Joong Ki និង Song HyeKyo បានចំណាយប្រាក់សរុបទាំងអស់ជាង   200លានវ៉ុន ឬប្រហែលជា180,000ដុល្លារ៕

Song HyeKyo បានធ្វើឱ្យនារីជាច្រើនច្រណែននឹងនាងជាខ្លាំង កាលដែលត្រូវបានតារាប្រុសរូបសង្ហា Song Joong Ki ប្រញាប់ចង់រៀបអាពាហ៍ពិពាហ៍ជាមួយនាង ដូច្នោះហើយបានជាអ្នកទាំងពីរធ្វើការផ្ដល់បទសម្ភាសអំពីមូលហេតុនៃការសម្រេចចិត្តភ្លាមៗ ដោយមិនខ្លាចធ្លាក់ប្រជាប្រិយភាពរបស់ខ្លួនឡើយ។

Song Joong Ki បានអះអាងទៅលើហេតុផលថា “មិនថាលឿន ឬយឺតនោះទេ យ៉ាងណាក៏ដោយក៏មុន និងក្រោយត្រូវតែរៀបការដូចតែគ្នាទេ ហើយរឿងខ្លះក៏វាមានសារៈសំខាន់ខ្លាំងជាងភាពល្បីល្បាញដែរ នេះគឺជាហេតុផលសំខាន់មួយសម្រាប់ខ្ញុំ គឺ Song HyeKyo តែម្នាក់ប៉ុណ្ណោះដែលខ្ញុំមានអារម្មណ៍ថា ប្រសើរលើសអ្វីទាំងអស់ ប្រសិនបើបានរស់នៅជាមួយនាងរហូតទៅ”។

ការឆ្លើយតបបែបនេះ ពិតជាពេញចិត្តនារីទាំងឡាយៗខ្លាំងណាស់ ហើយលោកក៏បានបញ្ជាក់ទៀតថា  រឿងមួយនៅក្នុងចំណោមរបៀបរបបជីវិតរបស់លោកក៏គឺ តារារៀមច្បងមួយចំនួនបានធ្វើជាគំរូដល់តារាកូរ៉េជាច្រើននាក់ទៀតដែលមានក្រុមគ្រួសារដ៏គួរឱ្យស្ញប់ស្ញែងខ្លាំងណាស់។

គួររំឭកផងដែរថា តារាប្រុស Song Joong Ki ធ្លាប់បានផ្ដល់បទសម្ភាសនៅក្នុងប្រទេសថៃថា “ខ្ញុំធ្លាប់គិតតាំងពីក្មេងមកថា ប្រហែលជាមិនរៀបការនៅពេលអាយុច្រើនទេ ព្រោះអ៊ីចឹងហើយទើបការរៀបការនៅពេលអាយុ30ស្តើង ត្រូវបានចាត់ទុកថាជាគំនិតមួយដែលខ្ញុំធ្លាប់បានគិតទុកផងដែរ”៕