Tag: Song Joong Ki

  • គូស្នេហ៍ Song Song ទៅក្រេបច័ន្ទទឹកឃ្មុំនៅប្រទេស​​ អេស្ប៉ាញ

    គូស្នេហ៍ Song Song ទៅក្រេបច័ន្ទទឹកឃ្មុំនៅប្រទេស​​ អេស្ប៉ាញ

    យោងតាមសារព័ត៌មាន PBE Media ដែលបានចេញផ្សាយនៅថ្ងៃទី25 ខែវិច្ឆិកា ឆ្នាំ2017នេះ បានឱ្យដឹងថា​ គូស្នេហ៍ Song Song គឺ  Song Joong Ki និង Song HyeKyo ដែលទើបតែរៀបអាពាហ៍ពិពាហ៍ហើយថ្មីថ្មោង ខណៈនេះអ្នកទាំងពីរបានធ្វើដំណើរទៅក្រេបច័ន្ទទឹកឃ្មុំ ឬភាសាពេញនិយមហៅថា Honeymoon នៅប្រទេស អេស្ប៉ាញ។

    អ្នកនាង Song HyeKyo បានបង្ហោះរូបភាពអគារមួយសន្លឹកនៅលើបណ្ដាញទំនាក់ទំនងសង្គមអ៊ីនស្ដាក្រាមរបស់អ្នកនាងផ្ទាល់ ដែលបានបង្ហាញអំពីទឹតាំងនៃដំណើរក្រេបច័ន្ទទឹកឃ្មុំនៅប្រទេស អេស្ប៉ាញ។ អគារមួយនោះត្រូវបានគេស្គាល់ថា ជាសណ្ឋាគារលំដាប់ផ្កាយ5 ដែលមានរចនាបទក្បូរក្បាច់ស្ថាបត្យកម្មបែបវប្បធម៌បុរាណរបស់ទ្វីបអឺរ៉ុបមួយនៅក្នុងទីក្រុង Cordova ប្រទេសអេស្ប៉ាញ ។

    គួរបញ្ជាក់ផងដែរថា នៅពេលវិលត្រូវមកពីប្រទេស អេស្ប៉ាញ វិញ តារាល្បីទាំងពីរដួងនេះត្រូវបានគេបង្ហើបឱ្យដឹងដែរថា ពួកគេគ្រោងនឹងរើទៅរស់នៅក្នុងវីឡាប្រណីតមួយនៅក្នុងទីក្រុងសេអ៊ូល ដែលមានតម្លៃ 11.98 លានដុល្លារអាមេរិក៕

  • ទស្សនាទិដ្ឋភាពរៀបអាពាហ៍ពិពាហ៍របស់  Song Joong Ki និង Song HyeKyo

    ទស្សនាទិដ្ឋភាពរៀបអាពាហ៍ពិពាហ៍របស់  Song Joong Ki និង Song HyeKyo

    នៅរាត្រីពិធីបុណ្យ Halloween នៅប្រទេសកូរ៉េ គឺជាថ្ងៃរៀបមង្គលការដ៏ភ្ញាក់ផ្អើលជាងគេនៅក្នុងទីក្រុងសេអ៊ូល គឺជាពិធីរៀបអាពាហ៍ពិពាហ៍របស់គូស្វាមី-ភរិយា Song Joong Ki និង Song HyeKyo ដែលបានកាន់ដៃគ្នាដើរចូលទៅក្នុងព្រះវិហារកាតូលិកកាលព្រឹកថ្ងៃម្សិលមិញ ព្រមទាំងទទួលភ្ញៀវកិត្តិយសនៅក្នុងបរិវេណសណ្ឋាគារ Shilla Hotel Seoul ទៀតផង។

    តាមរយៈបណ្តាញសារព័ត៌មានកូរ៉េ Koreaboo បានចេញផ្សាយឱ្យដឹងថា កូនក្រមុំ និងកូនកំលោះ រួមជាមួយភ្ញៀវកិត្តិយសទាំងអស់បានសម្រក់ទឹកភ្នែក ខណៈដែលអ្នកភ្លេងប្រគំតន្ត្រីបទមនោសញ្ចេតនា ដែលបកស្រាយដោយតារាចម្រៀង Ok Joo Hyun ដែលជាមិត្ដជិតស្និទ្ធរបស់ Song HyeKyo តាមរយៈបទចម្រៀងដែលមានចំណងជើងថា “A Whole New World” បានធ្វើឱ្យពិធីទាំងមូលរំជើបរំជួល រំភើបដល់ថ្នាក់ស្រក់ទឹកភ្នែកជំនួសគូស្នេហ៍មួយគូនេះ។

    ដើម្បីឱ្យកាន់តែជាក់ច្បាស់សូមទស្សនារូបភាពទាំងឡាយ នៅក្នុងពិធីមង្គលការរបស់  Song Joong Ki និង Song HyeKyo ខាងក្រោម៖

  • Song Joong Ki និង Song Hye Kyo បង្ហាញធៀបការហើយ

    Song Joong Ki និង Song Hye Kyo បង្ហាញធៀបការហើយ

    នៅថ្ងៃទី14 ខែតុលា ឆ្នាំ2017 សារព័ត៌មាន kenh14 បានចេញផ្សាយឱ្យដឹងថា នៅលើបណ្ដាញទំនាក់ទំនងសង្គមរបស់កូរ៉េ អ្នកគាំទ្រគូស្នេហ៍ថ្មោងថ្មីរវាង Song Joong Ki និង Song Hye Kyo បានបង្ហោះរូបភាពមួយសន្លឹកដែលបង្ហាញអំពីធៀបអាពាហ៍ពិពាហ៍(សំបុត្រការ)របស់តារាទាំងពីរដួងនេះ ដោយនៅលើធៀបការនេះមានឈ្មោះរបស់អ្នកទាំងពីរផងដែរ។

    យ៉ាងណាមិញ នៅលើរូបភាពមួយសន្លឹកនេះ អ្នកគាំទ្របានអះអាងយ៉ាងដូច្នេះថា “នេះគឺជាធៀបការដ៏ប្រណីតរបស់ Song Joong Ki និង Song Hye Kyo” ។ គួរបញ្ជាក់ផងដែរថា ថ្ងៃកំណត់នៃការរៀបអាពាហ៍ពិពាហ៍របស់តារាពីរដួងខាងលើនេះ គ្រោងនឹងប្រពឹត្តទៅនៅថ្ងៃទី31 ខែតុលា ឆ្នាំ2107 ពោលគឺចំថ្ងៃបុណ្យ Halloween ជាថ្ងៃបុណ្យបរទេសតែម្ដងនៅក្នុងបរិវេណសណ្ឋាគារ Shilla Hotel Seoul ដែលធ្លាប់មានតារាកូរ៉េជាច្រើនគូរួចមកហើយបានមករៀបចំពិធីមង្គលការនៅទីនេះ ដូចជា Jang Dong Gun, Go So Young, Kwon Sang Woo, Son Tae Young, Jeon Ji Hyun និងប្តីរបស់នាង Choi Jun Hyuk, Hwang Jung Eum និង Lee Young Don ជាដើម៕

  • Song Joong Ki ដឹកដៃ ហាន់ ជីអ៊ុន ទៅថត Pre Wedding នៅអាមេរិក

    Song Joong Ki ដឹកដៃ ហាន់ ជីអ៊ុន ទៅថត Pre Wedding នៅអាមេរិក

    នៅថ្ងៃទី7 ខែកញ្ញា ឆ្នាំ 2017 សារព័ត៌មានកូរ៉េបានចេញផ្សាយឱ្យដឹងថា តារាសម្ដែង Song Joong Ki និង Song HyeKyo (ហៅ ហាន់ ជីអ៊ុន) បានធ្វើដំណើរទៅកាន់សហរដ្ឋអាមេរិកក្នុងការថតកម្រងរូបថតត្រៀមអាពាហ៍ពិពាហ៍នៅព្រលានយន្ដហោះ និងក្នុងទីក្រុង Los Angeles។

    គួររំឭកផងដែរថា កាលពីថ្ងៃទី3 ខែកញ្ញា​ ឆ្នាំ2017  គូស្នេហ៍មួយគូនេះបានហោះហើរទៅកាន់ទីក្រុង San Francisco  នៃរដ្ឋ California ម្ដងរួចមកហើយដើម្បីប្រកាសទីតាំង និងកាលបរិច្ឆេទថ្ងៃរៀបការនៅក្នុងអំឡុងខែតុលាខាងមុខនេះ។ បើតាមប្រភពស្និទ្ធជាមួយតារាពីរដួងនេះបានប្រាប់សារព័ត៌មានកូរ៉េថា ពួកគេទាំងពីរបានធ្វើដំណើរជាមួយក្រុមផាត់មុខ និងជាងថតរូបល្បីឈ្មោះ Hong Jang Hyun។

    គួរបញ្ជាក់ផងដែរថា អ្នកជំនាញថតរូបល្បីឈ្មោះលំដាប់អន្តរជាតិ Hong Jang Hyun ធ្លាប់បានថតរូបឱ្យគូស្នេហ៍តារាពីរគូរួចមកហើយគឺ  Bae Yong Joon ជាមួយ Park Soo Jin និងគូ Lee Hyori ជាមួយ Lee Sang Soon៕

  • នាង Kim Ji Won បដិសេធមិនធ្លាប់មានស្នេហាជាមួយក្រុមការងារថតកុន

    នាង Kim Ji Won បដិសេធមិនធ្លាប់មានស្នេហាជាមួយក្រុមការងារថតកុន

    ក្នុងនាមជាតារាសម្ដែងស្រីនៅក្នុងរឿង Descendants of The Sun នាង Kim Ji Won បានរៀបរាប់ពីស្នេហាផ្អែមល្ហែមរវាង Song Joong Ki និង Song HyeKyo ខណៈដែលនាងបានរួមការងារថតរឿងភាគទូរទស្សន៍មួយនេះជាមួយគ្នាដែរ។

     

    ស្របពេលដែល Song Joong Ki និង Song HyeKyo កំពុងតែជិតដល់ថ្ងៃរៀបអាពាហ៍ពិពាហ៍ហើយនោះ តារាស្រីរូបនេះ បានរៀបរាប់ពីរឿងរ៉ាវរបស់តួឯកទាំង2ដួងនេះថា “នាងខ្ញុំបានដឹងដំណឹងមួយនេះពីព័ត៌មានចេញផ្សាយ”។ នាង Ji Won បានបន្តទៀតថា “នាងខ្ញុំគិតថា ពួកគេប្រហែលជាទទួលបានសារ និងការសម្ដែងសេចក្ដីត្រេកអរយ៉ាងសប្បាយរីករាយច្រើនណាស់មើលទៅ ដូច្នេះហើយខ្ញុំក៏មិនបានទាក់ទងទៅពួកគេទៀតឡើយ ក៏ប៉ុន្ដែតាមការពិតទៅ នាងខ្ញុំមានអារម្មណ៍រីករាយជាមួយពួកគេខ្លាំងណាស់ ការដែលបានជួបមនុស្សដែលខ្លួនស្រឡាញ់ពេញចិត្ត និងចំណាយពេលវេលាដែលមាននៅជាមួយគ្នា ធ្វើអ្វីដែលល្អជាច្រើននោះ ។ នាងខ្ញុំមានអារម្មណ៍ថា ច្រណែនខ្លាំងណាស់…”។

    តារាស្រីវ័យ 24 ឆ្នាំរូបនេះបានបន្ថែមទៀតថា “នាងខ្ញុំជាតារាសម្ដែងវ័យក្មេងបំផុតនៅក្នុងរឿងខាងលើ និងកំពុងតែស្ថិតនៅក្នុងការទទួលខុសត្រូវចំពោះតួនាទីខ្លួនឯង ទើបខ្ញុំមិនបានចាប់អារម្មណ៍ និងសង្កេតពួកគេពីការចាប់ផ្ដើមមានទំនាក់ទនងគ្នានៅពេលថតរឿង”។

    ជាចុងក្រោយនាងបានបញ្ជាក់ថា “ខ្ញុំនៅតែមិនដែលធ្លាប់គិតពីមុនមកសោះថា នឹងត្រូវលង់ស្រឡាញ់នរណាម្នាក់នៅក្នុងក្រុមការងារថតកុន តែខ្ញុំគិតថា ជួនកាលវាក៏មិនអាចដូចការគិតបែបនេះរហូតដែរ”៕

     

     

  • Song Joong Ki និង Song HyeKyo រៀបចំពិធីភ្ជាប់ពាក្យយ៉ាងស្ងាត់ៗ

    Song Joong Ki និង Song HyeKyo រៀបចំពិធីភ្ជាប់ពាក្យយ៉ាងស្ងាត់ៗ

    សារព័ត៌មានកម្សាន្តល្បីឈ្មោះរបស់កូរ៉េមួយបានចេញផ្សាយថា តារាសម្ដែងប្រុស Song Joong Ki និងគូស្នេហ៍ Song HyeKyo បានរៀបចំពិធីភ្ជាប់ពាក្យយ៉ាងស្ងាត់ៗមួយនៅក្នុងភោជនីយដ្ឋានជប៉ុនដែលមានការជ្រោមជ្រែងពីមិត្តភ័ក្ដិ និងបុគ្គលិករួមក្រុមហ៊ុនរបស់ពួកគេ។

    ប្រភពព័ត៌មានដែលបានទម្លាយចេញនោះ គឺបុគ្គលិករបស់ភោជនីយដ្ឋានជប៉ុនមួយនោះដែលបានអះអាងថា គូស្នេហ៍ដ៏ផ្អែមល្ហែមមួយគូនេះបានរៀបចំពិធីភ្ជាប់ពាក្យដ៏ធំមួយ តែស្ងាត់ស្ងៀមបំផុតនៅទីនោះ។ “មានភ្ញៀវចូលរួមប្រហែលជា 30 នាក់ប៉ុណ្ណោះដែលសុទ្ធតែជាបុគ្គលិកក្រុមហ៊ុន ហើយពួកគេបានរៀបចំពិធីភ្ជាប់ពាក្យនៅក្នុងពិធីជប់លៀងនោះតែម្ដង” បុគ្គលិករបស់ភោជនីយដ្ឋានជប៉ុនមួយនោះបញ្ជាក់បន្ថែម។

    គូស្នេហ៍មួយគូនេះបានក្លាយជាទីចាប់អារម្មណ៍ចង់ដឹង ចង់ឮរបស់ប្រិយមិត្តទស្សនិកជនជាច្រើននាក់ ហើយពូកគេប្រៀបដូចជាបុប្ផាដែលកំពុងក្រពុំពេញសម្រស់មានក្លិនក្រអូបក្នុងការទាក់ទាញអ្នកគាំទ្រឱ្យកាន់តែស្រឡាញ់ពួកគេខ្លាំងឡើងដូច្នោះដែរ។ បុគ្គលិករបស់ភោជនីយដ្ឋានជប៉ុននោះ ក៏បានបន្ថែមទៀតផងដែរថា “នៅពេលដែលតួប្រុសជូនបាច់ផ្កាទៅគូស្នេហ៍ អ្នករាល់គ្នាហាក់បីដូចជារំភើប និងចូលរួមសប្បាយរីករាយជំនួសតួស្រីទៀតផង។  វ៉ាវ….ពិតជារូមែនទិកមែន!”៕

  • មិនគួរឱ្យជឿសោះ Song Joong Ki ប្រកាសរៀបការជាមួយ Song Hye Kyo !!

    មិនគួរឱ្យជឿសោះ Song Joong Ki ប្រកាសរៀបការជាមួយ Song Hye Kyo !!

    នេះគឺជារឿងដែលមិននឹកស្មានដល់ទាល់តែសោះ ព្រោះទើបតែលេចឡើងនូវព័ត៌មានស្នេហាលួចលាក់ក្រៅពិភពសិល្បៈសោះ ស្រាប់តែថ្មីនេះៗ តារាឯកប្រុស Song Joong Ki ប្រកាសសុំរៀបការជាមួយតារាឯកស្រី Song Hye Kyo ឱ្យដូចនៅក្នុងសាច់រឿង Descendants of the Sun ដែលអ្នកទាំងពីរបានសម្ដែងជាគូស្នេហ៍ឆ្លងឧបសគ្គលំបាកជាមួយគ្នា និងកាន់តែធ្វើឱ្យអ្នកគាំទ្រលង់ស្នេហ៍លើអ្នកទាំងពីរទ្វេដងថែមទៀត។

    បើទោះបីជាមានការបដិសេធពីខាងអ្នកគ្រប់គ្រងតារាពីរដួងនេះកាលពីពេលកន្លងមក និងព្រមទាំងបានអះអាងថាគ្មានទំនាក់ទំនងស្នេហ៍ក្រៅសិល្បៈ ឬនៅលើកោះបាលី ប្រទេសឥណ្ឌូនេស៊ីតែពីរនាក់ស្ងាត់ៗក៏ដោយ ក៏កាលពីថ្ងៃម្សិលមិញនេះ ខាងផលិតកម្មដដែល គឺ Blossom Entertainment និង United Artists Agency (UAA) បានចេញមកថ្លែងជាសាធារណៈហើយថា “សួស្តី! យើងខ្ញុំគឺជា Blossom Entertainment និង UAA…ជាដំបូងនេះ យើងខ្ញុំសូមអរគុណចំពោះអ្នកគាំទ្រគ្រប់រូបជាជនជាតិកូរ៉េ និងបណ្ដាអ្នកគាំទ្រអន្ដរជាតិដែលបានចាប់អារម្មណ៍លើទំនាក់ទំនងស្នេហារបស់ Song Hye Kyo និង Song Joong Ki  និងសូមឱ្យអ្នកទាំងអស់យល់ថា ការរៀបមង្គលការនេះជាក្ដីរំភើប និងជាការភ្ញាក់ផ្អើលដ៏អស្ចារ្យមួយសម្រាប់យើង”។

    Generated by IJG JPEG Library

    គួរបញ្ជាក់ផងដែរថា ខាងអ្នកគ្រប់គ្រងតារាទាំងពីរដួងខាងលើនេះ បានប្រកាសបញ្ជាក់ទៀតថា អ្នកទាំងពីរនឹងចូលពិធីអាពាហ៍ពិពាហ៍នៅអំឡុងខែតុលា ខាងមុខនេះ ដែលការរៀបមង្គលការនេះជាការស្ម័គ្រចិត្តរបស់អ្នកទាំងពីរ និងមានការយល់ព្រមពីក្រុមគ្រួសាររបស់ពួកគេផងដែរ ហើយយើងចង់ឱ្យអ្នកគាំទ្រទាំងអស់បានជូនពរជ័យដល់ពួកគេចាប់តាំងពីពេលនេះតទៅ ព្រោះថា ពិធីរៀបអាពាហ៍ពិពាហ៍នេះគ្រោងនឹងធ្វើឡើងយ៉ាងអធិកអាធម៕

  • ធ្លាយភ័ស្តុតាង Song Joong Ki និង Song Hyekyo នៅកោះបាលីជាមួយគ្នា

    ធ្លាយភ័ស្តុតាង Song Joong Ki និង Song Hyekyo នៅកោះបាលីជាមួយគ្នា

    ប្រព័ន្ធព័ត៌មាន MBC បានធ្វើបទសម្ភាសជាមួយអង្គរក្សរបស់តារាស្រី Song HyeKyoនៅលើកោះបាលី ដែលមានឈ្មោះថា Airbnb ដោយអះអាងថា លោកមានភ័ស្តុតាងដែលបង្ហាញថា តារាស្រី Song HyeKyo ពិតជាបានស្នាក់នៅលើកោះបាលីជាមួយតារាប្រុសរូបសង្ហា Song Joong Ki ពិតប្រាកដមែន ។

    ការដែលបានដឹងថា Airbnb ជាអង្គរក្សការពាររបស់តារាស្រី Song HyeKyo គឺដោយសារតែនាងបានបង្ហោះរូបជាមួយគ្នានៅលើបណ្ដាញសង្គមអ៊ីនស្ដាក្រាម របស់នាង ដោយមាន Kim Woo ri មិត្តភ័ក្ដិស្និទ្ធរបស់តារាស្រីរូបនេះ ជាអ្នកថតរូបឱ្យផងដែរ ។

    គួរបញ្ជាក់ផងដែរថា រូបភាពដែលអះអាងថា Song Hyekyo ពិតជាបាននៅលើកោះបាលីជាមួយ Song Joong Ki មែននេះ ត្រូវបានយកមកបង្ហាញនៅលើកញ្ចក់ទូរទស្សន៍ MBC ហើយ Airbnb ថែមទាំងបានយកឃ្លីបវីដេអូមកបើកបង្ហាញនៅខណៈនោះផងដែរ ដូច្នោះហើយទើបបើទោះបីជា គូស្នេហ៍នៅក្នុងរឿង Descendants of the Sun លោក Song Joong Ki និងតារាឯកស្រី Song Hyekyo បានប្រកែកថា មិនបានបណ្ដើរគ្នាត្រសងនៅលើកោះបាលីនៃប្រទេសឥណ្ឌូនេស៊ីយ៉ាងណាក៏ដោយ ក៏សារព័ត៌មាន Koreabooបានបញ្ជាក់ថា គូស្នេហ៍ក្នុងរឿងមួយគូនេះកំពុងមានទំនាក់ទំនងស្នេហាក្រៅសិល្បៈ ពិតប្រាកដមែនហើយ៕

  • ប្រទះឃើញ Song Joong Ki និង Song Hyekyo បណ្ដើរគ្នាលើកោះបាលី

    ប្រទះឃើញ Song Joong Ki និង Song Hyekyo បណ្ដើរគ្នាលើកោះបាលី

    គូស្នេហ៍នៅក្នុងរឿង Descendants of the Sun គឺលោក Song Joong Ki និងតារាឯកស្រី Song Hyekyo ត្រូវបានគេប្រទះឃើញបណ្ដើរគ្នាត្រសងនៅលើកោះបាលី នៃប្រទេសឥណ្ឌូនេស៊ី ធ្វើឱ្យមានការសង្ស័យឡើងថា គូស្នេហ៍ក្នុងរឿងមួយគូនេះកំពុងមានទំនាក់ទំនងស្នេហ៍ក្រៅសិល្បៈ ក៏ប៉ុន្ដែដំណឹងលេចឮនេះត្រូវបានអ្នកគ្រប់គ្រងតារាប្រុស Song Joong Ki បដិសេធថាមិនមែនជាការពិតឡើយ។


    ជុំវិញបញ្ហានេះ សារព័ត៌មានមួយបានចេញផ្សាយថា កាលដែលទៅកោះបាលីនោះ គឺជាដំណើររៀងៗខ្លួន មិនបានពាក់ព័ន្ធគ្នាទេ ដោយតារាប្រុស Song Joong Ki មានវត្តមាននៅលើកោះបាលី ជាលក្ខណៈដំណើរកម្សាន្ដវិស្សមកាលនៅថ្ងៃទី8 ដល់13 ខែមិថុនា ឆ្នាំ2017 ហើយលោកបានត្រឡប់មកប្រទេសកំណើតវិញហើយកាលពីថ្ងៃទី15 ព្រមទាំងបានបង្ហាញខ្លួននៅក្នុងកម្មវិធីសម្ភោធបើកដំណើរការថតខ្សែភាពយន្ដរឿង” Battleship Island ” ទៀតផង។

    ទន្ទឹមគ្នានោះដែរ អ្នកគ្រប់គ្រងតារាស្រី Song Hyekyo បានអះអាងថា នាងបានទៅដល់កោះបាលី នៅថ្ងៃទី16 ខែមិថុនា ឆ្នាំ2017 បន្ទាប់មកក៏វិលត្រឡប់មកកូរ៉េវិញភ្លាមៗ។ ក៏ប៉ុន្ដែយ៉ាងក៏ដោយ អ្នកគ្រប់គ្រងរបស់ផលិតកម្ម Blossom Entainment បានបដិសេធថា Song Joong Ki ទៅកោះបាលីជាមួយមិត្តភ័ក្តិរបស់គេដើម្បីចូលរួមផ្សព្វផ្សាយខ្សែភាពយន្ដថ្មីរបស់លោក គឺជាមានដំណើរកម្សាន្តជាលក្ខណៈផ្ទាល់ខ្លួន គេគ្មានគម្រោងណាត់ជួបជាមួយតារាស្រី Song Hyekyoឡើយ ៕