Tag: Sharp

  • រ៉ូបូត​របស់​ណាសា ឆ្ពោះ​ទៅ​កាន់​ «ទន្លេ​ជីវិត» ក្រៅ​ភព​ផែនដី​

    រ៉ូបូត​របស់​ណាសា ឆ្ពោះ​ទៅ​កាន់​ «ទន្លេ​ជីវិត» ក្រៅ​ភព​ផែនដី​

    យាន​ Curiosity របស់​ទីភ្នាក់​ងារ​អវកាស​អាម៉េរិក​ (ណាសា) នឹង​ឆ្ពោះ​ទៅ​កាន់​តំបន់​មួយ​ដែល​មិន​ទាន់​ត្រូវ​បាន​ស្រាវ​ជ្រាវ​ ហើយ​អាច​លាក់​ភាវៈរស់​ក្រៅ​ភព​ផែនដី​។

    យោង​តាម​ណាសា​ នៅក្នុង​ឆ្នាំ​ទី 12 នៃ​បេសកកម្ម យាន​ស្រាវ​ជ្រាវ​លើ​ដី​ភព​អង្គារ​ Curiosity នឹង​ឆ្ពោះ​ចូល​ទៅ​ក្នុង​តំបន់​មួយ​ដែល​ក្រុម​អ្នក​វិទ្យា​សាស្ត្រ​ជឿ​ថា ជា​ផ្ទៃនៃ​ទន្លេ​បុរាណ​មួយ​ ដែល​ត្រូវ​បាន​រំពឹង​ថា មាន​ផ្ទុក​ភស្ដុតាង​ស្ដី​ពី​ភាវៈរស់​។ នោះ​គឺជា​តំបន់​មួយ​ដែល​មិន​ធ្លាប់​ត្រូវ​បាន​យាន​ណា​មួយ​ស្រាវ​ជ្រាវ​ពី​មុន​ ហើយ​ត្រូវ​បាន​ហៅ​ថា Gediz Vallis។

    Gediz Vallis មាន​រូប​រាង​ដូច​ទៅ​នឹង​សត្វ​ពស់​កំពុង​លូន​ឆ្លង​កាត់​ Mount Sharp ដែល​ជា​តំបន់​ភ្នំ​​ដ៏​គួរ​ឱ្យ​ចាប់​អារម្មណ៍​។ រាប់​ពាន់​លាន​ឆ្នាំ​មុន ភ្នំ​នៅ​ទីនេះ​ត្រូវ​បាន​គេ​ជឿ​ថា ជា​តំបន់​បៃតង និង​មាន​ទឹក​ច្រើន​។

    ណាសា​សង្ឃឹម​ថា Curiosity អាច​រក​ឃើញ​ភស្ដុតាង​ស្ដីពី​ភាវៈរស់​​ក្រៅ​ភព​ផែនដី​ ដែល​ធ្លាប់​មាន​នៅ​តំបន់​នេះ​ ឬអាច​ជួប​ប្រទះ​​អ្វី​មួយ​ដែល​នៅ​មាន​ជីវិត​។

  • ក្រុម​ហ៊ុន​មួយ​របស់​ហុងកុង ស្វែង​រក​ឱកាស​វិនិយោគ​នៅ​កម្ពុជា

    ក្រុម​ហ៊ុន​មួយ​របស់​ហុងកុង ស្វែង​រក​ឱកាស​វិនិយោគ​នៅ​កម្ពុជា

    (ភ្នំ​ពេញ) – នារសៀលថ្ងៃទី 26 ខែកុម្ភៈ ឆ្នាំ 2024 ឯកឧត្តមរដ្ឋលេខាធិការ ហេង ណន តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រី ក្រសួងសាធារណការ និងដឹកជញ្ជូន បានអញ្ជើញទទួលជួបសម្ដែងការគួរសមពីសំណាក់លោក Francois Shih អគ្គនាយកក្រុមហ៊ុន Sharpland Group។

    ក្នុង​ឱកាស​នេះក៏មានការអញ្ជើញចូលរួមពីថ្នាក់ដឹកនាំក្រសួង តំណាងក្រសួងព័ត៌មាន តំណាងក្រសួងមហាផ្ទៃ និងគណ:ប្រតិភូក្រុមហ៊ុន Sharpland Investment Holding, Ltd និងមន្ត្រីជំនាញពាក់ព័ន្ធមកពីអង្គភាពក្រោមឱវាទក្រសួងផងដែរ។

    យោង​តាម​ក្រសួង​សាធារណការ​ និ​ងដឹក​ជញ្ជូន​ ជំនួបនេះធ្វើឡើងក្នុងគោលបំណងដើម្បីស្វែងយល់ពីឱកាស ក៏ដូចជាសក្កានុពលវិនិយោគលើវិស័យដឹកជញ្ជូនតាមផ្លូវគោក ផ្លូវទឹក និងកំពង់ផែ និងស្នើសុំការគាំទ្រ និងអនុសាសន៍ណែនាំពីថ្នាក់ដឹកនាំក្រសួងលើគម្រោងរបស់ខ្លួនផងដែរ។

    ថ្លែងនាឱកាសនោះ ឯកឧត្តមរដ្ឋលេខាធិការ បានជម្រាបជូនអំពីគោលនយោបាយរបស់រាជរដ្ឋាភិបាល កម្ពុជា​ ដែលផ្ដោតជាសំខាន់លើវិស័យអាទិភាពសំខាន់ៗរួមមាន មនុស្ស ផ្លូវ ទឹក ភ្លើង និងបច្ចេកវិទ្យា ដែលជាគោលដៅគន្លឹះដើម្បីប្រែក្លាយកម្ពុជាឱ្យទៅជាប្រទេសមានចំណូលមធ្យមកម្រិតខ្ពស់នៅឆ្នាំ 2030 ខាងមុខ តាមគោលដៅដែលបានដាក់ចេញប្រកបដោយចីរភាព៕

  • Sharp បញ្ចេញស្មាតហ្វូនកាមេរ៉ាភ្លោះ និងមានអេក្រង់គ្មានគែមថ្មីសន្លាង

    Sharp បញ្ចេញស្មាតហ្វូនកាមេរ៉ាភ្លោះ និងមានអេក្រង់គ្មានគែមថ្មីសន្លាង

    ស្ងាត់ៗ Sharp ក្រុមហ៊ុនបច្ចេកវិទ្យារបស់ជប៉ុន បានដាក់បង្ហាញនូវស្មាតហ្វូនថ្មីមួយម៉ូដែល ដើម្បីជំនួសតំណែងទូរស័ព្ទ Aquos Crystal​ដែល​ចេញកាលពីឆ្នាំ 2015 កន្លងទៅ។ ស្មាតហ្វូនថ្មីនេះមានឈ្មោះថា Sharp Aquos S2 ដែលវាត្រូវបានក្រុមហ៊ុនដាក់បំពាក់នូវកាមេរ៉ាភ្លោះនិងផ្ទៃខាងមុខជាមួយនឹងអេក្រង់លាតស្មើ និងស្ទើរគ្មានគែមកោងព័ទ្ធកាមេរ៉ាមុខផ្នែកខាងលើ។

    Aquos S2 មានអេក្រង់ទំហំ 5.5 អ៊ីញ និងមានកម្រិត Aspect ratio 17:9 អាចបង្ហាញរូបភាពបាន 1080 x 2040 ភិកសែល ជា​ប្រភេទ​អេក្រង់IPS LCD ។ ទូរស័ព្ទនេះ ប្រើនូវបន្ទះឈីប Snapdragon 660 មានស៊ីភីយូ 8 គ្រាប់ដោយ 4 គ្រាប់រត់បានល្បឿន 2.2 GHz ប្រភេទ Kryo 260 និង 4គ្រាប់ទៀត រត់បានល្បឿន 1.8 GHz Kryo, Ram ទំហំ 6GB, ទំហំផ្ទុក 128GB និង GPU Adreno 512។ វាអាចប្រើស៊ីមកាតបាន 2 ឬបន្ថែម SD Card បានដល់ 256GB និងមានទំហំថ្ម 3020 mAh អាចសាកថ្មលឿន 4.0 ប្រើ USB C 3.1 ព្រមទាំង Support Bluetooth 5.0 ទៀតផង។ ចំពោះ កាមេរ៉ា Aquos S2 មានកាមេរ៉ាភ្លោះ មួយគ្រាប់ទំហំ 12MP ជាប្រភេទ PDAF មានកម្រិត Aperture f/1.8 អាចថតបាន ភ្លឺច្បាស់ល្អ និងមួយគ្រាប់ទៀត ទំហំ 8MP អាចថតរូបភាពដាច់ផ្ទៃខាងក្រោយបានស្អាតល្អ រីឯកាមេរ៉ាខាងមុខវិញ មានទំហំ 8MP មានកម្រិត Aperture f/2.0៕