Tag: Mario Maurer

តាមរយៈសារព័ត៌មាន Khaosod បានចេញផ្សាយនៅថ្ងៃទី 19 ខែមករា ឆ្នាំ2018 បានចេញផ្សាយថា ក្រោយពីតារាសម្ដែងឯកប្រុស Mario Maurer បានបើករថយន្ដប្រណីតរបស់ខ្លួនប្រជែងមុខរថយន្ដតាក់ស៊ីបណ្ដាលឱ្យមានជម្លោះជេរគ្នាទៅវិញទៅមក រហូតដល់អ្នកបើកតាក់ស៊ីក្ដៅស្លឹកត្រចៀកខ្លាំង ក៏ទាញចម្ពាមកៅស៊ូ មកបាញ់កញ្ចក់រថយន្ដរបស់តារាសម្ដែងប្រុសរូបនេះ បែកខ្ចាយហើយនោះ ព័ត៌មាននេះ បានវាយប្រហារប្រជាប្រិយភាពរបស់តារាសម្ដែងរូបនេះយ៉ាងខ្លាំងក្លា រហូតដល់លោកបានផ្ដល់បទសម្ភាសន៍ជាមួយអ្នកសារព័ត៌មានជាសាធារណៈ និងអះអាងលែងបើករថយន្ដប្រជែងគ្នានៅតាមដងផ្លូវទៀតហើយ។

នៅក្នុងកម្មវិធី The New King Power Rangnam តារាសម្ដែងេកប្រុសខាងលើ បានបកស្រាយរឿងកន្លងទៅនេះ ប្រាប់អ្នកសារព័ត៌មានថា « ខ្ញុំមិនចង់និយាយអ្វីច្រើនជាងនេះទេ បញ្ហានោះមានការទាស់ស្ដីច្រើនខ្លះដែរ តែខ្ញុំក៏ព្រមទទួលស្គាល់ថាខ្លួនជាអ្នកខុសផងដែរ ដែលបានបើកឡានប្រជែងមុខគាត់​ ទើបបានជាខ្ញុំសុំទោសបងប្រុសអ្នករត់តាក់ស៊ីហើយដែរ។ គាត់ក៏បានសុំទោសមកកាន់ខ្ញុំវិញ ហើយខ្ញុំជាអ្នកទទួលខុសត្រូវសងថ្លៃខូចខាត ដើម្បីឱ្យគ្រប់យ៉ាងចប់ទៅបានយ៉ាងងាយស្រួល»។

យ៉ាងណាក៏ដោយ លោក Mario ក៏បានបន្ដប្រាប់បញ្ចាក់បន្ថែមថា « ខ្ញុំមិនបានគិតថា រឿងនេះបានក្លាយជារឿងធំយ៉ាងដូច្នោះឡើយ តាមការពិតទៅនៅថ្ងៃកើតហេតុ ខ្ញុំក៏មានអារម្មណ៍ខឹងខ្លាំងផងដែរ តែខ្ញុំបានរំងាប់អារម្មណ៍វិញ ហើយមិនចង់បំផ្លាញអ្វី ឬប្រើហឹង្សាដាក់បងប្រុសនោះឡើយ។ ហេតុផលដែលធ្វើខឹងបែបខណៈនោះគឺ ម្នាក់ៗខឹងរៀងខ្លួន និងចង់ឈ្នះចាញ់រៀងខ្លួន តែយ៉ាងណាមិញ ខ្ញុំក៏បានប្រាប់ប៉ូលិសឱ្យបញ្ចប់រឿងក្ដីមួយនោះ ព្រមទាំងបង់ឱ្យប៉ូលិសម្នាក់ 1000 បាត និងសងថ្លៃជំងឺចិត្ត ព្រមទាំងសំណងជួសជុលរថយន្ដផងដែរ»៕

តាមរយៈសារព័ត៌មាន Teenee ដែលចេញផ្សាយនៅថ្ងៃទី9 ខែមករា ឆ្នាំ 2018 នេះ បានឱ្យដឹងថា តារាសម្ដែងឯកប្រុស Mario Maurer បានបើករថយន្ដប្រណីតរបស់ខ្លួនប្រជែងមុខរថយន្ដតាក់ស៊ីបណ្ដាលឱ្យមានជម្លោះជេរគ្នាទៅវិញទៅមក រហូតដល់អ្នកបើកតាក់ស៊ីក្ដៅស្លឹកត្រចៀកខ្លាំង ក៏ទាញចម្ពាមកៅស៊ូ មកបាញ់កញ្ចក់រថយន្ដរបស់តារាសម្ដែងប្រុសរូបនេះ បែកខ្ចាយ។ មន្ត្រីប៉ូលិសបានឃាត់ខ្លួនតារាឯកប្រុសរូបនេះ និងអ្នកបើករថយន្ដតាក់ស៊ីនៅក្នុងស្នងការដ្ឋាន ដើម្បីធ្វើការសាកសួរដំណើររឿង។

អ្នកបើករថយន្ដតាក់ស៊ីបានប្រាប់មន្ត្រីប៉ូលិសថា មុនពេលកើតហេតុ លោកបានបើករថយន្ដតាមបណ្ដោយផ្លូវ ផ្រៈរ៉ាម 6 រួចបត់ស្ដាំ លុះមកដល់ផ្លូវបំបែកក៏ត្រូវរថយន្ដរបស់តារាសម្ដែងប្រុស Mario Maurer បើកវ៉ាប្រជែងកាត់មុខរថយន្ដលោក ថែមទាំងបើកកញ្ចក់មកជេរស្ដីបន្ទោសលោកទាំងសម្ដីមិនសមរម្យទៀតផង។ មុនពេលដែលបានជេរតបគ្នាទៅវិញទៅមក លោក និងតារាប្រុសរូបនេះ បានបើករថយន្ដមកចតម្ដុំហួសភ្លើងស្ដុបផ្លូវបំបែកប្រៈទូណាម  គិតថាបម្រុងនឹងចុះមកនិយាយសម្របសម្រួលគ្នា តែផ្ទុយទៅវិញ លោកទ្រាំនឹងសម្ដីរបស់តារាប្រុសរូបនេះមិនបាន ក៏ទាញចម្ពាមកៅស៊ូ និងគ្រាប់ដុំថ្មពីក្នុងរថយន្ដ ហើយបាញ់បំបែកកញ្ចក់រថយន្ដខ្លួនឯងខាងឆ្វេង និងធ្លាយទៅបំបែកកញ្ចក់រថយន្ដតារាប្រុសរូបនេះខាងស្ដាំ បណ្ដាលឱ្យកញ្ចក់រថយន្ដទាំងពីរគ្រឿងបែកខ្ចាយក្នុងពេលតែមួយតែម្ដង។

ចំណែកឯតារាសម្ដែងវ័យ 29 ឆ្នាំរូបនេះបាននិយាយថា លោកសូមមិនផ្ដល់សម្ភាសន៍អ្វីទាំងអស់ ពាក់ព័ន្ធជាមួយករណីដែលបានពោលខាងលើនេះ លោកសូមបញ្ចប់ និងមិនចង់ឱ្យមានរឿងកាន់តែធំជាងនេះតទៅទៀតទេ។ គួរបញ្ជាក់ផងដែរថា មន្ដ្រីបូលិសបានសម្រេចឱ្យតារាសម្ដែងប្រុសខាងលើនេះ សងថ្លៃការខូចខាត និងសងថ្លៃជំងឺចិត្តចំពោះការបង្កហេតុមិនល្អទៅលើអ្នកបើករថយន្ដតាក់ស៊ីក្នុងប្រាក់សំណងសមរម្យមួយ ដើម្បីបញ្ចប់រឿងត្រឹមហ្នឹង៕

បន្ទាប់ពីផ្ទុះបទចម្រៀងរបស់ ឡាំយ៉ៃ ហៃថងខាំ ដែលមានចំណងជើងថា “ผู้สาวขาเลาะ”( ភូសាវខាឡក់) ស្រាប់តែ តារាសម្ដែងប្រុស Mario Maurer ទទួលបានការទាក់ទងឱ្យសម្ដែងក្នុងបទចម្រៀង និងរឿងរបស់តារាស្រី ឡាំយ៉ៃ ដោយសម្តែងជាតួឯកជាមួយគ្នាទៀតផង ក៏ប៉ុន្ដែជាអកុសលមិនទាន់ដឹងអីផងត្រូវបានតារាឯកប្រុសរូបនេះបដិសេធមុនបាត់ទៅហើយ។

មុននេះបន្ដិច មានព័ត៌មានមួយបានចេញផ្សាយថា ក្រុមហ៊ុនផលិតភាពយន្តដ៏ធំមួយគឺ សហមង្គលហ្វ៊ីមល៍ ត្រៀមថតខ្សែភាពយន្ដរឿង “ผู้สาวขาเลาะ”( ភូសាវខាឡក់) ដោយមានតារាឯកស្រីគឺជាតារាចម្រៀងម្ចាស់បទនោះផ្ទាល់តែម្ដង ហើយគ្រោងឱ្យសម្ដែងជាមួយតារាឯកប្រុស Mario Maurer ទៀតផង។ តែយ៉ាងណាមិញនៅទីបំផុត កាលពីថ្ងៃទី25 ខែកក្កដា ឆ្នាំ2017 តារាឯកប្រុសរូបនេះបានឆ្លើយតបទៅវិញថា «ទទួលបានការទាក់ទងឱ្យសម្តែងភាពយន្ដរឿងនេះពិតប្រាកដមែន ក៏ប៉ុន្ដែតារាងការងារពេញអស់ហើយ ច្រើនពេក ទើបត្រូវឡើងទៅនិយាយជាមួយហ៊ា ចៀង ជាម្ចាស់ផលិតកម្មដោយផ្ទាល់ថា មិនអាចទទួលការងារនេះបានទេ ព្រោះបើទទួលទៀតពិតជាទៅមិនរួចទេ ទើបហ៊ា ចៀង បានប្រាប់មកវិញថា ចង់ឱ្យសាកល្បងអានសាច់រឿងនេះបន្ដិច ខ្ញុំក៏បានសាកល្បងអានអត្ថបទ និងព្យាយាមរកពេលទំនេរ តែពុំមានឱកាសសោះ ទើបមានតែរង់ចាំពេលក្រោយ»។

គួរបញ្ជាក់ផងដែរថា ការឆ្លើយតបបែបនេះហាក់បីដូចជាបំបាក់អំនួតតារាស្រី ឡាំយ៉ៃ ហៃថងខាំ បន្តិចដែរ ព្រោះថា បច្ចុប្បន្ននេះនាងកំពុងតែឡើងកូដខ្លាំងមែនទែន ហើយអ្នកណាៗក៏ចង់សម្តែងក្នុងខ្សែភាពយន្តជាមួយនាងដែរ ព្រោះនាងល្បីល្បាញរហូតដល់ថ្នាក់គ្រាន់តែជាបទដំបូងរបស់នាងសោះ ស្រាប់តែមានការទិញយកទៅផលិតជាខ្សែភាពយន្ដខ្នាតធំទៅហើយ៕