Ltd - La Reine Media

ជប៉ុនពន្យារពេលបញ្ជូនយានអវកាសទៅចុះចតលើឋានព្រះចន្ទ

ព្រឹកថ្ងៃទី 28 សីហានេះ Mitsubishi Heavy Industries Ltd (MHI) ដែលជាក្រុមហ៊ុនបុត្រសម្ព័ន្ធរបស់ Mitsubishi បានប្រកាសពន្យារពេលការបាញ់បង្ហោះរ៉ុក្កែត H2A ដែលនាំយានអវកាសរបស់ប្រទេសជប៉ុនទៅចុះចតលើឋានព្រះចន្ទ ដោយសារតែមានខ្យល់ខ្លាំងនៅទីតាំងបាញ់បង្ហោះ។

តាមផែនការដំបូង នៅម៉ោង 9 និង 26 នាទីព្រឹកថ្ងៃនេះ (ម៉ោងក្នុងស្រុក) រ៉ុក្កែត H2A ដែលផលិតដោយជប៉ុន នឹងហោះឡើងពីមជ្ឈមណ្ឌលអវកាស Tanegashima ដែលស្ថិតនៅលើកោះ Tanegashima ក្នុងខេត្ត Kagoshima ភាគនិរតីប្រទេសជប៉ុន។

រ៉ុក្កែតនេះនាំយកយានចុះចតលើឋានព្រះចន្ទ SLIM ដែលអភិវឌ្ឍដោយទីភ្នាក់ងារអវកាសជប៉ុន (JAXA)។ យាន SLIM នឹងធ្វើតេស្តបច្ចេកវិទ្យាចុះចតនៅលើឋានព្រះចន្ទ។ តាមគម្រោង SLIM នឹងហោះដល់គន្លងគោចរជុំវិញព្រះចន្ទ បន្ទាប់ពីចាកចេញពីប្រព័ន្ធទម្របានប្រហែលពី 3 ទៅ 4 ខែ ហើយអាចចុះចតលើឋានព្រះចន្ទនៅ 4 ឬ 6 ខែទៀត។ ផ្កាយរណប XRISM ដែលសហការផលិតដោយទីភ្នាក់ងារអវកាសជប៉ុនចាសា (JAXA), ណាសារបស់អាម៉េរិក និងអ៊ីសារបស់អឺរ៉ុប និងមានជំនាញខាងថតរូបកាំរស្មី X ក៏នឹងហោះហើរតាមរ៉ុក្កែតខាងលើ ដើម្បីស្រាវជ្រាវលើការវិវត្តរបស់ចក្រវាល។

ស្ថានីយចុះចត SLIM ដែលមានរ៉ូបូតស្វ័យប្រវត្តមួយគ្រឿងមានទំហំប៉ុនបាតដៃ និងអាចផ្លាស់ប្ដូររូបរាង នឹងមានតួនាទីស្វែងយល់អំពីដំណើរការកកើតរបស់ព្រះចន្ទ។

កាលពីខែវិច្ឆិកា 2022 ជប៉ុនបានប្រឹងប្រែងបញ្ជូនយាន Omotenashi ដែលហោះជាមួយនឹងយាន Artemis 1 របស់ណាសា ដើម្បីចុះចតលើឋានព្រះចន្ទ ប៉ុន្តែបានដាច់ទំនាក់ទំនង និងបរាជ័យ។ កាលពីខែមេសា 2023 ក្រុមហ៊ុនជប៉ុន Ispace ក៏បានបរាជ័យក្នុងមហិច្ឆតាក្លាយជាក្រុមហ៊ុនឯកជនដំបូងគេដែលនាំយានទៅចុះចតលើឋានព្រះចន្ទផងដែរ។

មូលហេតុនៃការបរាជ័យក្នុងបេសកកម្មអវកាសរបស់ជប៉ុននាពេលកន្លងត្រូវបានគេជឿថា កើតឡើងដោយសារបញ្ហារ៉ុក្កែត ក្នុងនោះមានជាអាទិ៍ រ៉ុក្កែត Epsilon បរាជ័យកាលពីខែតុលា 2022 និង រ៉ុក្កែត H3 បរាជ័យកាលពីខែមីនា 2023។ ការសាកល្បងរ៉ុក្កែត Epsilon S កាលពីខែកន្លង ក៏បានបញ្ចប់ដោយហេតុការណ៍ផ្ទុះ បន្ទាប់ពីការបញ្ឆេះម៉ាស៊ីនបាន 50 វិនាទី៕

August 28, 2023

សាកសពកប៉ាល់ Titanic នឹងទៅជាយ៉ាង បើសិនបូមទឹកអស់ពីជុំវិញ?

ថ្មីៗនេះ គម្រោងមួយបានប្រើប្រាស់បច្ចេកវិទ្យាស្កេន 3D ដ៏ទំនើប ដើម្បីបង្ហាញឡើងវិញនូវរូបភាពសាកសពកប៉ាល់ដែលបានលិចកាលពីប្រហែល 111 ឆ្នាំមុន យ៉ាងលំអិតបំផុត។

បច្ចេកវិទ្យាខាងលើ មិនត្រឹមតែបង្ហាញរូបភាពដ៏ស្រស់ស្អាត និងភាពអស្ចារ្យរបស់កប៉ាល់មួយកាលពីអតីតកាល ប៉ុន្តែក៏ជួយឱ្យអ្នកស្រាវជ្រាវដឹងអំពីអាថ៌កំបាំងស្ដីពីគ្រោះថ្នាក់កាលពីឆ្នាំ 1912 ផងដែរ។

គម្រោងខាងលើនេះត្រូវបានអនុវត្តកាលពីរដូវក្ដៅឆ្នាំ 2022 ដោយក្រុមហ៊ុនបង្កើតផែនទីបាតសមុទ្រ Magellan Ltd. និងផលិតកម្មភាពយន្តឯកសារ Atlantic Production។ ពួកគេប្រើប្រាស់កាមេរ៉ាបញ្ជាពីចម្ងាយដើម្បីស្វែងយល់ពីគំនរបាក់បែករបស់សាកសពកប៉ាល់ Titanic ក្នុងជម្រៅប្រហែល 4,000 ម៉ែត្រ នៅបាតមហាសមុទ្រអាត្លង់ទិក ដែលមានចម្ងាយប្រហែល 450 គីឡូម៉ែត្រពីឆ្នេរសមុទ្រ Newfoundland និង Labrador របស់ប្រទេសកាណាដា។

ក្រោយការថតនៅបាតសមុទ្រជាង 200 ម៉ោង ពួកគេក៏ប្រមូលបានរូបភាពចំនួន 700,000 រូប និងបានកាត់តចូលគ្នាដើម្បីបង្កើតបានជារូបភាព 3D ដ៏លំអិតដំបូងស្ដីពីសាកសពកប៉ាល់ Titanic។

Titanic នៅតែជានិមិត្តរូបរបស់មហាគ្រោះថ្នាក់នៅលើសមុទ្ររបស់មនុស្សជាតិ។ ដោយសារមានបច្ចេកវិទ្យាស្កេន 3D យើងអាចមើលឃើញសាកសពកប៉ាល់នេះបានយ៉ាងច្បាស់ និងប្រកបដោយភាពរស់រវើកជាងពេលណាៗទាំងអស់៕

July 1, 2023

GAC បង្ហាញយានប្រភេទគូ «រថយន្ត និងដ្រោន» eVTOL Gove

ក្រុមហ៊ុនផលិតរថយន្តមួយចំនួនកំពុងតែអភិវឌ្ឍ និងផលិតយានប្រភេទថ្មីៗនៅក្នុងវិស័យរថយន្ត និងយន្តហោះអគ្គិសនី (eVTOL) ក្នុងនោះក៏មានក្រុមហ៊ុន GAC Group ផងដែរ។

នៅក្នុងព្រឹត្តិការណ៍ទិវាបច្ចេកវិទ្យានាថ្ងៃនេះ GAC បានបង្ហាញយានដំណើរការដោយអគ្គិសនីប្រភេទ eVTOL មួយដែលត្រូវបានដាក់ឈ្មោះថា Gove។ GAC ឱ្យដឹងថា ពួកគេបានទទួលជោគជ័យក្នុងជើងហោះហើរដំបូង។

Gove គឺជាយានមួយគូ ក្នុងនោះដ្រោន និងគ្រោងខាងក្រោមអាចផ្ដាច់ចេញពីគ្នា ហើយពួកវាអាចភ្ជាប់នឹងគ្នាពេលបរលើដី និងផ្ដាច់ខ្លួនពេលហោះលើអាកាស។

Gove បំពាក់ប្រព័ន្ធបើកបរស្វ័យប្រវត្ត ADiGO-Pilot របស់ GAC និងមានប្រព័ន្ធហោះហើរដែលមានស្លាបចក្រសម្រាប់ហោះ និងស្លាបចក្រសម្រាប់បង្ការ ការពារសុវត្ថិភាព។ GAC ឱ្យដឹងដូច្នេះ។

Gove មានរូបរាងដូចទៅនឹងយានប្រភេទ eVTOL ដែលត្រូវបានជនជាតិចិនមួយក្រុមបង្ហាញកាលពីចុងឆ្នាំកន្លង។

GAC (Guangzhou Automobile Group Co., Ltd.) គឺជាក្រុមហ៊ុនរដ្ឋចិន ដែលមានទីស្នាក់ការកណ្ដាលនៅទីក្រុង Guangzhou ប្រទេសចិន។

June 27, 2023

ក្រុមហ៊ុន MCLS SYNERGY Co., Ltd បានប្រារព្ធពិធីសម្ពោធម៉ូតូអគ្គិសនី THADA ជាផ្លូវការនៅក្នុងប្រទេសកម្ពុជា

បន្ទាប់ពីសម្លឹងឃើញពីការហក់ឡើងខ្លាំងនៃតម្លៃប្រេងឥន្ធនៈ និងផលប៉ះពាល់ដល់បរិស្ថាន និងជាពិសេសបានសង្កេតឃើញថាតម្រូវការម៉ូតូអគ្គិសនីនៅក្នុងប្រទេសកម្ពុជាមានការកើនឡើងគួរឱ្យកត់សម្គាល់ផងនោះ ទើបក្រុមហ៊ុន MCLS SYNERGY Co., Ltd សម្រេចចិត្តនាំយកម៉ូតូអគ្គិសនីម៉ាក THADA ចូលមកកាន់ទីផ្សារកម្ពុជា និង បានបើកសម្ពោធម៉ូតូរបស់ក្រុមហ៊ុននេះជាផ្លូវការកាលពីថ្ងៃព្រហស្បតិ៍ទី18 ខែតុលា នៅឯអគាររបស់ក្រុមហ៊ុន MCLS SYNERGY Co., Ltd ផ្ទះលេខ៣៣៨ មហាវិថីសហព័ន្ធ រុស្សី សង្កាត់កាកាប ខ័ណ្ឌពោធិ៍សែនជ័យ ទីក្រុងភ្នំពេញ ប្រទេសកម្ពុជា ផ្ទាល់តែម្តង។

នៅក្នុងពិធីបើកសម្ពោធម៉ូតូអគ្គិសនីម៉ាក THADA ជាផ្លូវការនេះ មានការអញ្ជើញចូលរួមជាអធិបតីភាពពីសំណាក់ឯកឧត្តមអ៊ាង សុផល្លែត អនុរដ្ឋលេខាធិការក្រសួងបរិស្ថាន និងមានការចូលរួមពីភ្ញៀវកត្តិយសជាច្រើនទៀតផងដែរ។

អ្នកស្រី Puth Thalida នាយិកាប្រតិបត្តិក្រុមហ៊ុន MCLS SYNERGY Co., Ltd មានប្រសាសន៍ថា ការនាំយកម៉ូតូអគ្កិសនីម៉ាក THADA មកកាន់ទីផ្សារប្រទេសកម្ពុជាគឺដើម្បីផ្តល់ភាពងាយស្រួលទៅដល់អតិថិជន និងជាការសន្សំសំចៃបានច្រើនពីការចំណាយដ៏ច្រើនលើសលប់ទៅលើប្រេងឥន្ធនៈរបស់ប្រជាជនកម្ពុជាយើង ជាពិសេស សិស្សនិស្សិត បងៗស្ត្រីមេផ្ទះ និងជាពិសេសវាជាជម្រើសដ៏ល្អបំផុតរបស់ប្រជាជនដែលមានប្រាក់ចំណូលទាប និងមធ្យម។

គួរបញ្ជាក់ផងដែរថា កាលពីថ្ងៃសុក្រ ទី19 ខែតុលា ក្រុមការងាររបស់ម៉ូតូអគ្គិសនី THADA មកពីប្រទេសម៉ាឡេស៊ី និងក្រុមការងារប្រចាំនៅប្រទេសកម្ពុជាបាននាំយកអំណោយទៅចែកជូនដល់សិស្សក្រីក្រនៅព្រះវិហារ Masjid Al Alsheemនៅភូមិព្រែកតាពៅ ក្រុងតាខ្មៅ ខេត្តកណ្តាល៕