Tag: Lenovo

បន្ទាប់ពីបង្ហាញគំរូកុំព្យូទ័រអាចបត់មូរបាន 360 ដឺក្រេស្ថិតក្នុងត្រកូល ThinkPad លើអេក្រង់ Touch ប្រភេទ OLEDPanel ក្រុមហ៊ុនបច្ចេកវិទ្យារបស់ចិន Lenovo បានដើរទៅមុខមួយជំហានទៀតលើគំរូអេក្រង់ Tablet អាចបត់អេក្រង់ជា 2 បានក្នុងព្រឹត្តិការណ៍ Tech World ឆ្នាំ 2017 នេះ។

សមិទ្ធផល​ថ្មីនេះត្រូវបានក្រុមហ៊ុនឱ្យឈ្មោះថា Lenovo ​Folio ដែលវាជាគម្រោងនៃគំរូអេក្រង់Tablet នេះនាថ្ងៃអនាគតដែលវាអាចបត់ជា 2 បានដោយគ្មានបញ្ហា។ គំរូនៃឧបករណ៍មួយនេះមានអេក្រង់ទំហំ 5.5 អ៊ីញ និង 7.8 អ៊ីញ ដែលពួកវាប្រើនូវអេក្រង់ប្រភេទ​Flexible Touchscreen អាច​បង្ហាញ​រូបភាពកម្រិត 1440x1920px ប្រើ​ឈីប Snapdragon 800 ​ជាមួយ e-SIM និង​ដំណើរការ​ដោយ​ប្រព័ន្ធ Android 7.0។ យ៉ាងណាមិញ វាគ្រាន់តែស្ថិតក្នុងគម្រោងនាថ្ងៃអនាគតមួយប៉ុំណ្ណោះរបស់ក្រុមហ៊ុន ដោយពេលនេះ Lemovoមិនទាន់បានបញ្ជាក់ថា Tablet ប្រភេទនេះអាចមានវត្តមាននៅពេលណានៅឡើយទេ ប៉ុន្តែតាមការរំពឹងទុក Folio ​នឹង​ត្រូវ​ក្រុមហ៊ុន​បញ្ចូល​ក្នុង​សង្វាក់​ផលិតកម្ម​នៅ​ឆ្នាំ 2018 ខាង​មុខ​នេះ៕

ក្រុមហ៊ុនបច្ចេកវិទ្យារបស់ចិន Lenovo បានបង្ហើបពីគម្រោងកុំព្យូទ័រសម្រាប់ថ្ងៃអនាគតដែលអាចមូរបត់បានប្រភេទ 2 in 1 បំពាក់អេក្រង់ Touchscreen មានគែម និងកម្រាស់ស្ដើង និងបំពាក់ដោយបច្ចេកវិទ្យាឆ្លាតវៃជាច្រើនទៀត។

កុំព្យូទ័រមួយនេះត្រូវបានក្រុមហ៊ុនឱ្យដឹងថា វាស្ថិតក្នុងត្រកូល ThinkPad អាចបត់បាន 360 ដឺក្រេលើអេក្រង់ Touch ប្រភេទOLEDPanel ។ កុំព្យូទ័រនាពេលអនាគតនេះនឹងអាចធ្វើការបញ្ជាដោយប្រើសំឡេង និងការប្រើខ្មៅដៃសម្រាប់គូរវាសលើវាបាន ពេលយើងចង់បញ្ជាឱ្យធ្វើអ្វីមួយ។ ចំពោះការរចនារូបបែបនេះ Lenovo មិនបានភ្ជាប់ជាមួយ Touchpad ដោយគ្រាន់តែមាននូវប៊ូតុងចុច Mouse ឆ្វេង/ស្ដាំតែប៉ុណ្ណោះ ហើយរន្ធ Ethernet, USB និងរន្ធ HDMI ក៏អាចនឹងគ្មានដែរ។

យ៉ាងណាមិញក្រុមហ៊ុនមិនបានបង្ហើបប្រាប់ពីលក្ខណៈសម្បត្តិរបស់កុំព្យូទ័រមួយនេះលម្អិតបន្ថែមទេ ប៉ុន្តែលោក Teismann នាយករងជាន់ខ្ពស់នៃក្រុមហ៊ុន Lenovo បានបញ្ជាក់ថា ខ្លួននឹងបញ្ចេញនូវកុំព្យូទ័រ ThinkPad ប្រភេទ Special edition នៅក្នុងខែធ្នូ ចុងឆ្នាំនេះ ដើម្បីអបអរខួប 25 ឆ្នាំ នៃការបង្កើតម៉ាក ThinkPad ហើយកុំព្យូទ័រថ្មីនោះនឹងអាចមានបញ្ចូលនូវលក្ខណៈពិសេសមួយចំនួននៃកុំព្យូទ័រដែលគ្រោងសម្រាប់ថ្ងៃអនាគតនោះដែរ។

គួររំឭកដែរថា ក្រុមហ៊ុន Lenovo ត្រូវបានបង្កើតឡើងនៅទីក្រុងប៉េកាំងក្នុងឆ្នាំ 1984 ជាក្រុមហ៊ុន Legend និងត្រូវបានដាក់បញ្ចូលទៅក្នុងទីផ្សារសេរីនៃទីក្រុងហុងកុងក្នុងឆ្នាំ 1988។ ក្នុងនោះ Lenovo បានទិញអាជីវកម្មកុំព្យូទ័រយួរដៃពីក្រុមហ៊ុន IBM នៅក្នុងឆ្នាំ 2005 ហើយបានយល់ព្រមទទួលយកអាជីវកម្មម៉ាស៊ីន Server នៅឆ្នាំ 2014៕