Tag: Kim Soo Hyun

  • រឿង “Real” រងការរិះគន់ថា ជារឿងដែលយ៉ាប់បំផុតក្នុងប្រវត្តិសាស្ត្រភាពយន្ដកូរ៉េ

    រឿង “Real” រងការរិះគន់ថា ជារឿងដែលយ៉ាប់បំផុតក្នុងប្រវត្តិសាស្ត្រភាពយន្ដកូរ៉េ

    ខ្សែភាពយន្ដ “Real” ជារឿងថ្មីដែលសម្ដែងដោយតួឯកប្រុស Kim Soo Hyun និងតារាឯកស្រី Sulli បានរងនូវពាក្យរិះគន់ជាច្រើនចំពោះខ្សែភាពយន្តដែលទើបតែដាក់បញ្ចាំងកាលពីថ្ងៃទី28 ខែមិថុនា ឆ្នាំ2017 បន្ទាប់ពីបានឆ្លើយតបចំពោះការរង់ចាំទស្សនារបស់ទស្សនិកជនជាយូររួចមក ដោយសារតែចង់ឃើញការសម្ដែងរបស់់តារាឯកប្រុស ដែលខកខានក្នុងការបង្ហាញខ្លួនជាច្រើនឆ្នាំមកហើយ។

    គួរបញ្ជាក់ផងដែរថា រឿងនេះដែរ បានទទួលនូវការចាប់អារម្មណ៍តាំងពីចាប់ផ្ដើមបើកសម្ពោធការថតមកម្ល៉េះ ហើយក៏បានទម្លាយពីព័ត៌មានអាក្រាតកាយរបស់ Sulli ក្នុងពេលជាមួយគ្នាដែរ ក៏ប៉ុន្ដែខណៈនេះបែរជាកំពុងទទួលរងនូវពាក្យរិះគន់យ៉ាងពេញទំហឹងពីបណ្ដាអ្នកគាំទ្រនៅលើបណ្ដាញសង្គមថា ជារឿងដែលយ៉ាប់បំផុតនៅក្នុងប្រវត្តិសាស្ត្រឧស្សាហកម្មភាពយន្ដកូរ៉េខាងត្បូង។

    តាមរយៈគេហទំព័រល្បីប្រចាំប្រទេសកូរ៉េ Naver Movie បានឱ្យដឹងថារឿង “Real” ទទួលបានការបោះឆ្នោតគាំទ្រត្រឹមតែ 4.85 តែប៉ុណ្ណោះ បើគិតពិន្ទុពេញ10 ពីអ្នកគាំទ្រ រហូតដល់មានអ្នកលេងបណ្ដាញសង្គមម្នាក់បានពោលថា “អ្នកដែលមើលភាពយន្ដរឿងនេះយល់ ស័ក្ដិសមទទួលបានពានរង្វាន់ណូបែល” និងរងនូវពាក្យរិះគន់មួយទៀតថា “ខ្ញុំអាចមានសមត្ថភាពថតរឿងនេះបានល្អជាងដោយប្រើត្រឹមកាមេរ៉ា iPhone” និងកាន់តែធ្ងន់ធ្ងរជាងនេះទៅទៀតគឺ “ខ្ញុំឈប់ជក់បារី 5 ឆ្នាំហើយ តែពេលមើលរឿងនេះហើយ ធ្វើឱ្យខ្ញុំចង់ជក់បារីឡើងវិញ”៕

  • Kim Soo Hyun ៖ “រឿង Real មានឈុតឆាកពិសេសច្រើន មិនគួររំលងឡើយ”

    Kim Soo Hyun ៖ “រឿង Real មានឈុតឆាកពិសេសច្រើន មិនគួររំលងឡើយ”

    បន្ទាប់ពីទទួលបានការគាំទ្រយ៉ាងច្រើនចំពោះខ្សែភាពយន្ដខ្នាតធំរបស់កូរ៉េខាងត្បូងគឺរឿង “Real” រួចមក តារាឯកប្រុសនៅក្នុងរឿងនេះបាននិយាយពាក្យខ្លះៗផ្ដាំផ្ញើដល់អ្នកគាំទ្ររូបលោកឱ្យទៅទស្សនារឿងនេះទាំងអស់គ្នា ព្រោះថារឿង Real មានឈុតឆាកពិសេសៗច្រើន ដែលមិនគួរខកខានក្នុងការទស្សនាឡើយ។

    រឿង Real ត្រូវបានសម្ដែងដោយលោក Kim Soo Hyun ជាតួឯកប្រុស និងតួឯកស្រី Sulli ជានារីសិចស៊ីពង្វក់អារម្មណ៍តួប្រុស ហើយរឿងនេះផងដែរត្រូវបានអនុញ្ញាតឱ្យតែមនុស្សដែលមានវ័យ 19 ឆ្នាំឡើងទៅប៉ុណ្ណោះទើបអាចចូលទស្សនាបាន។ តារាឯកប្រុសរូបនេះបានផ្ដល់បទសម្ភាសជាមួយអ្នកសារព័ត៌មាន ស្របពេលដែលមានការផ្សព្វផ្សាយរឿងចុងក្រោយមួយទៀតដែលមានចំណងជើងថា “Kukmin Ilbo”។  លោកបានថ្លែងថា “ដំបូងឡើយដែលខ្ញុំបានឃើញអត្ថបទរឿង Real ខ្ញុំមានអារម្មណ៍មានសម្ពាធ និងភ័យខ្លាចណាស់ តែទោះជាយ៉ាងណាក៏ដោយ តួសម្ដែងរឿងនេះទទួលបានសិទ្ធិសម្រេចម៉្យាង ដែលសឹងតែជាមន្ដស្នេហ៍មួយបានសម្ដែងចេញទៅជូនមហាជន ទើបធ្វើឱ្យខ្ញុំមិនអាចបដិសេធបាន ព្រោះមានឈុតឆាកពិសេសៗច្រើន មិនគួររំលងឡើយ” ។

    លោកបានបន្ដថ្លែងទៀតថា “ខ្ញុំគិតថា លទ្ធផលដែលហុចឱ្យនេះគឺជារឿងធម្មជាតិ ខ្ញុំបានជួបឧបសគ្គក្នុងភាពត្រឹមត្រូវមួយ ហើយបានគិតថា រឿង Real មានបរិយាកាសមួយដែលចាប់ផ្ដើមចាក់ចូលក្នុងបេះដូងខ្ញុំ ខ្ញុំចង់ឱ្យអ្នកគ្រប់គ្នាទស្សនាយ៉ាងសប្បាយចិត្តអស់ពីបេះដូង និងមានឈុតឆាកច្រើនទៀតដែលរំភើប ព្រឺសម្បុរ” ។

    ជាចុងក្រោយតារាប្រុសវ័យ 29 ឆ្នាំរូបនេះបានថ្លែងបញ្ចប់ថា “ខ្សែភាពយន្ដរឿងនេះ ត្រូវបានសម្លឹងឃើញថា ជារឿងមើលទៅអាសអាភាស ទើបធ្វើឱ្យខ្ញុំមានអារម្មណ៍វិលវល់ និងច្របូកច្របល់អស់ តែតាមពិតទៅផលសម្រេចចេញមក រឿង Real មួយនេះ គឺជាគម្រោងរឿងដែលខ្ញុំស្រឡាញ់បំផុត ព្រោះខ្ញុំបានបញ្ចេញការសម្ដែងអស់ពីសមត្ថភាពហើយ”៕