Tag: Kim Jong-hyun

  • តារាឯកប្រុស Nadech Kugimiya និង Mario Maurer មុខសង្ហាដាច់គេនៅក្នុងចំណោមប្រុសស្អាត 100 នាក់

    តារាឯកប្រុស Nadech Kugimiya និង Mario Maurer មុខសង្ហាដាច់គេនៅក្នុងចំណោមប្រុសស្អាត 100 នាក់

    តាមរយៈសារព័ត៌មាន Teenee ដែលទើបចេញផ្សាយនៅពេលមុននេះបន្តិចបានឱ្យដឹងថា ចំណាត់ថ្នាក់រាល់ឆ្នាំចំពោះបុរស និងស្រ្តីដែលមានទម្រង់មុខស្រស់ស្អាត ស្រស់សង្ហាជាងគេនៅក្នុងចំណោមមនុស្សមុខស្អាតៗ 100 នាក់នៅលើពិភពលោក ដែលបានរៀបចំដោយ TC Candler ( The 100 Most Handsome Faces of 2017 ) នៅក្នុងនោះគេសង្កេតឃើញមានតារាថៃពីរដួង ដែលបានជាប់ចំណាត់ថ្នាក់គឺ តារាឯកប្រុស Nadech Kugimiya និងMario Maurer  ដែលលោក Nadech Kugimiya ស្ថិតនៅលំដាប់លេខរៀងទី 79 និងលោក Mario ស្ថិតនៅក្នុងលេខរៀងទី 58 ដែលអាចនិយាយបានថា តារាឯកប្រុសទាំងពីរដួងនេះ គឺពិតជាស្រស់សង្ហាដាច់គេនៅក្នុងចំណោមបុរសទូទាំងពិភពលោក។

    គួរបញ្ជាក់ផងដែរថា សម្រាប់តំណែងបុរសដែលស្រស់សង្ហាដាច់គេ​ លំដាប់លេខរៀងទី 1 គឺបានទៅលើតារាចម្រៀងកូរ៉េ Kim Tae Hyung ដែលជាសមាជិកចម្រៀងក្រុមបុរស BTS។ ហើយនៅក្នុងវីដេអូនេះបានបង្ហាញពីការចូលរួមរំលែកទុក្ខចំពោះតារាប្រុស Kim Jong Hyun ដែលមានទទួលមរណភាពដោយសារជំងឺបាក់ទឹកចិត្ត ហើយក៏បានក្លាយជាបុរសម្នាក់ដែលមានអ្នកគាំទ្រចងចាំច្រើនជាងគេនៅលើពិភពលោកផងដែរ។ ដើម្បីឱ្យកាន់តែជ្រាបច្បាស់បន្ថែមទៀត សូមទស្សនាវីដេអូខាងក្រោមនេះ៖

  • បាតុភូតចម្លែក “ព្រះច័ន្ទខៀវ” នាថ្ងៃបុណ្យសពរបស់ Kim Jong Hyun

    បាតុភូតចម្លែក “ព្រះច័ន្ទខៀវ” នាថ្ងៃបុណ្យសពរបស់ Kim Jong Hyun

    តាមរយៈសារព័ត៌មាន Teenee បានចេញផ្សាយនៅថ្ងៃទី 25 ខែធ្នូ ឆ្នាំ2017 បាចេញផ្សាយថា អ្នកគាំទ្រក្រុមច្រៀងប្រុស SHINEE នៅក្នុងប្រទេសជប៉ុនបានបង្ហោះរូបបាតុភូតសចម្លែក ព្រះច័ន្ទខៀវ ឬ Pearl Aqua  ដែលជាព័ណ៌តំណាងឱ្យក្រុម SHINEE ជាហេតុការណ៍បានកើតឡើងស្របពេលប្រារព្ធពិធីបុណ្យសពរបស់ Kim Jong Hyun ។

    នៅក្នុងថ្ងៃដែលលោកបានចាកចេញទៅ ព្រះច័ន្ទបានអណ្ដែតខ្លួននៅឱ្យឃើញនាពេលដែលព្រះអាទិត្យជិតអស្ដង្គត។ អ្នកលេងបណ្ដាញសង្គមដែលបានបង្ហោះរូបទាំងអស់នេះ បានប្រាប់ឱ្យដឹងថា « ខ្ញុំមិនសូវជាជឿលើរឿងកម្លាំងធម្មជាតិប៉ុន្មានទេ ក៏ប៉ុន្តែនៅពេលនេះ គឺខ្ញុំជឿជាក់ហើយ។ ខ្ញុំជឿថា ព្រះច័ន្ទនោះគឺជាដួងវិញ្ញាណរបស់  Kim Jong Hyun ដែលកំពុងតែចង់ប្រាប់យើងថា នៅទីបំផុតលោកមានសេរីភាពពីជំងឺបាក់ទឹកចិត្តហើយ ក្ដីឈឺចាប់ទាំងអស់បានរលាយចេញពីលោកហើយ។ លោកទៅកាន់សុគតិភពយ៉ាងស្ងប់សុខ #RIPJonghyun »៕

    ចង់ដឹងថា បាតុភូតចម្លែកនេះ មានរូបភាពបែបណានោះ សូមទស្សនារូបភាពទាងឡាយខាងក្រោម៖

  • សិល្បករកូរ៉េទាំងអស់ រំសាយការងារដើម្បីចូលរួមគោរពវិញ្ញាណក្ខន្ធ Kim Jong-hyun

    សិល្បករកូរ៉េទាំងអស់ រំសាយការងារដើម្បីចូលរួមគោរពវិញ្ញាណក្ខន្ធ Kim Jong-hyun

    តាមរយៈសារព័ត៌មាន koreaboo ចេញផ្សាយនៅថ្ងៃទី20 ខែធ្នូ ឆ្នាំ2017 បានឱ្យដឹងថា ចេញពីករណី Kim Jong-hyunតារាចម្រៀងប្រុសជាសមាជិកនៅក្នុងក្រុម SHINEE មានវ័យ 27 ឆ្នាំ បានធ្វើអត្តឃាតបញ្ចប់ជីវិតដោយខ្ទប់ដង្ហើមខ្លួនឯងជាមួយនឹងផ្សែងពុលមានសារធាតុ Carbon monoxide ហើយស្លាប់បាត់បង់ជីវិតនៅក្នុងផ្ទះសំណាក់មួយនៅក្នុងតំបន់ Cheongdam-dong នាទីក្រុងសេអ៊ូល ប្រទេសកូរ៉េខាងត្បូង ដែលបណ្ដាលឱ្យមានអ្នកគាំទ្រកូរ៉េ និងទូទាំងពិភពលោកមានការតក់ស្លុត និងសោកសៅដែលបានបាត់បង់មនុស្សជាទីស្រឡាញ់របស់ពួកគេ។

    នៅទីបំផុត ក្រុមគ្រួសាររបស់តារាប្រុសរូបនេះ និងខាងផលិតកម្ម SM Entertainment បានរៀបចំពិធីបុណ្យសពនៅក្នុងអគារ Asan Medical Center Funeral Hall ដើម្បីឱ្យតារាកូរ៉េទាំងអស់ទូទាំងប្រទេស បានចូលទៅគោរពវិញ្ញាណក្ខន្ធសម្ដែងក្ដីអាឡោះអាល័យដល់រូប Jong-hyun នាវិនាទីចុងក្រោយ។ នៅក្នុងនោះគេសង្កេតឃើញមានក្រុមចម្រៀងជាច្រើនដូចជា តារានៅក្នុងផលិតកម្ម SM Entertainment  , BoA ,Kangta, Super Junior, Girls’ Generation, f(x), EXO, Red Velvet, NCT, BTS, IU,  F.T Island, Epik High, Block B, VIXX ដែលបានចំណាយពេលកំដរពិធីបុណ្យទាំងមូលទៀតផង។

    សូមជម្រាបបន្ថែមថា ខាងផលិតកម្ម SM Entertainment ក៏បានរៀបចំកន្លែងថ្មីមួយទៀតសម្រាប់ទទួលអ្នកគាំទ្ររបស់តារាប្រុសខាងលើនេះដើម្បីចូលទៅគោរពសពនៅក្នុងថ្ងៃទី19-20 ខែធ្នូ ឆ្នាំ2017 ចាប់ពីវេលាម៉ោង 12.00-18.00  តាមពេលវេលានៅក្នុងប្រទេសកូរ៉េខាងត្បូង។ គួរបញ្ជាក់ផងដែរថា ចំពោះការបើកគម្របមឈូសគឺតម្រូវឱ្យសមាជិកនៅក្នុងក្រុម SHINEE មានចំនួន 4 រូបផ្សេងទៀតដូចជា  Lee Tae-min, Choi Min-ho, Onew, Key ជាអ្នកបើក នៅថ្ងៃទី21 ខែធ្នូ ឆ្នាំ 2017 វេលាម៉ោង 09.00 ព្រឹក តាមម៉ោងនៅប្រទេសកូរ៉េ។

    គួរកត់សម្គាល់ផងដែរថា នាវិនាទីចុងក្រោយនេះ សិល្បករកូរ៉េទាំងអស់បានប្រកាសរំសាយការងាររបស់ខ្លួនទាំងអស់ ដើម្បីចូលរួមគោរពវិញ្ញាណក្ខន្ធ Kim Jong-hyun ដែលដូចជាការរំលែកទុក្ខដល់ក្រុមគ្រួសារតារាប្រុសរូបនេះផងដែរ។ សូមទស្សនាទិដ្ឋភាពនៅក្នុងពិធីបុណ្យសពតាមរយៈវីដេអូខាងក្រោមនេះ៕