Tag: Jonghyun

  • CCTV បង្ហាញសកម្មភាពចុងក្រោយរបស់ Jonghyun មុនពេលធ្វើអត្តឃាត

    CCTV បង្ហាញសកម្មភាពចុងក្រោយរបស់ Jonghyun មុនពេលធ្វើអត្តឃាត

    បើតាមរយៈសារព័ត៌មាន koreaboo ដែលបានចេញផ្សាយនៅព្រឹកថ្ងៃទី 20 ខែធ្នូ ឆ្នាំ 2017 មុននេះបន្ដិចបានឱ្យដឹងថា សារព័ត៌មាន CCTV បានទម្លាយរូបភាពវីដេអូពីកាមេរ៉ាសុវត្ថិភាពដែលបានពីប្រព័ន្ធផ្សព្វផ្សាយរបស់ប្រទេសកូរ៉េ ដែលស្ដែងឱ្យឃើញពីសកម្មភាពចុងក្រោយរបស់តារាប្រុស Jonghyun មុនពេលធ្វើអត្តឃាត។ នៅក្នុងខ្សែវីដេអូនោះ លោក Jonghyun ត្រូវបានគេសង្កេតឃើញលោកកំពុងដើរក្នុងហាងលក់ទំនិញមួយ ហើយវីដេអូនេះត្រូវបានចាក់ផ្សាយតាមកញ្ចក់ទូរទស្សន៍កូរ៉េ និងបណ្ដាញសារព័ត៌មានអនឡាញ។

    បើយោងតាមសម្ដីរបស់ម្ចាស់ហាងលក់ទំនិញបានបញ្ជាក់ឱ្យដឹងថា លោកឃើញតារាប្រុសរូបនេះទិញបារីមួយកញ្ចប់ សូដាមួយដប និងនំកញ្ចប់មួយចំនួន និងបានបញ្ជាក់ប្រាប់ថា លោកស្នាក់នៅអគារក្បែរនេះ។ ចំណែកឯសន្តិសុខដែលយាមនៅខាងក្រៅអគារស្នាក់នៅរបស់តារាប្រុសខាងលើនេះ ក៏បានបញ្ជាក់ប្រាប់ដែរថា លោកបានជួបនឹងតារាប្រុសរូបនេះ ហើយបាននិយាយគ្នាខ្លះដែរ។ លោកថា «បន្ទាប់ពីលោក Jonghyun បានចតរថយន្ដនៅចំណត B1 ជាន់ទី 1 រួចមក គាត់បានមកឈរយ៉ាងយូរនៅមុខហាងលក់ទំនិញ។ បន្ទាប់ពីបានធ្វើការ  checking in រួច គាត់ក៏បានដើរសំដៅទៅរថយន្ដគាត់វិញ ហើយបើកចេញទៅតាមផ្លូវខាងស្ដាំដៃ បើក​ចុះ​បើកឡើង និងរោទិ៍ម៉ាស៊ីនរថយន្ដ​ខ្លាំង​ៗ​។ ក្រោយមកគាត់​បាន​ជាន់​ហ្វ្រាំងអូស​កង់ពេញ​មួយ​ទំហឹង​ លាន់សំឡេងខ្ទរពេញអគារ ហើយមួយ​សន្ទុះ​ក្រោយ​មកទៀតក៏​ស្ងាត់ទៅ​វិញ រួច​រថយន្ដ​របស់​គាត់​ក៏​បើក​ចូល​មក​កន្លែង​ចត​វិញ»៕

    ដើម្បីឱ្យកាន់តែជាក់ច្បាស់សូមទស្សនាវីដេអូខាងក្រោមនេះ៖

  • ក្រុមគ្រួសារ និងមិត្តស្រីបានអះអាងថា ខំព្យាយាមសង្គ្រោះ Jonghyun មុនពេលធ្វើអត្តឃាត

    ក្រុមគ្រួសារ និងមិត្តស្រីបានអះអាងថា ខំព្យាយាមសង្គ្រោះ Jonghyun មុនពេលធ្វើអត្តឃាត

    បើតាមគេហទំព័រព័ត៌មាន Koreaboo ដែលបានចេញផ្សាយមុននេះបន្ដិចបានឱ្យដឹងថា សមាជិកក្រុមចម្រៀង SHINeeទាំងអស់បានរំឭកថា ពួកគេមានភាពសប្បាយរីករាយបំផុតកាលពីសប្ដាហ៍មុនជាមួយតារាប្រុស​ Jonghyun មុនពេលលោកទទួលមរណភាពយ៉ាងនឹកស្មានមិនដល់នោះ។

    បើយោងតាមការអះអាងរបស់អ្នកគ្រប់គ្រងផ្នែក Dear Cloud’s  Agency បានអះអាងថា តារាចម្រៀងប្រុស  Jonghyun បានទុកលិខិតមួយច្បាប់មុនពេលលោកបានសម្ដែងការប្រគំតន្ត្រីចម្រៀងទោលរបស់លោក ដោយបានសរសេរបញ្ជាក់ប្រាប់អំពីក្រុមគ្រួសាររបស់លោក។ អ្នកគ្រប់គ្រងរូបនេះបានលើកឡើងថា «Jonghyun បានផ្ញើលិខិតមួយច្បាប់មកកាន់ពួកយើងកាលពីប៉ុន្មានថ្ងៃកន្លងទៅមុនការប្រគំតន្ត្រីរបស់លោក។ យើងមិនដឹងថា នឹងមានរឿងកើតឡើងដូច្នេះទេ យើងបានត្រឹមតែចូលរួមការប្រគំតន្ត្រីរបស់លោក ដើម្បីប្រាប់ក្រុមគ្រួសាររបស់គាត់អំពីរឿងនេះ។ ក្រុមគ្រួសារតារារូបនេះដឹងថា Jonghyun ឈឺចាប់ខ្លាំងណាស់ ទើបខំព្យាយាមលួងលោមលោកបន្ថែមទៀត បន្ទាប់មកពួកយើងក៏ព្យាយាមទាក់ទងជាមួយ Jonghyun ជាប់ជានិច្ចដើម្បីជួយជាកម្លាំងចិត្តដល់គាត់ តែក្រោយមកក៏ទទួលដំណឹងដ៏រន្ធត់នេះតែម្ដង»។

    គួរបញ្ជាក់ផងដែរថា អ្នកគ្រប់គ្រងតារារូបនេះបានបញ្ជាក់ប្រាប់អ្នកសារព័ត៌មានថា «Jonghyun បាននិយាយពាក្យចុងក្រោយដោយបានលាបងស្រីរបស់លោក និងមិត្តស្រីរបស់លោក កញ្ញា Nine Muses មុនពេលលោកធ្វើអត្តឃាត។ មិត្តស្រីរបស់លោកបានព្យាយាមទូរស័ព្ទហៅប៉ូលិសឱ្យជួយស្វែងរករូបលោក តែវាយឺតពេលបាត់ទៅហើយ។ គាត់ទទួលមរណភាពបាត់ទៅហើយ»៕

  • តារាថៃ-កូរ៉េ Nichkhun ចូលរួមរំលែកទុក្ខសពលោក Jonghyun

    តារាថៃ-កូរ៉េ Nichkhun ចូលរួមរំលែកទុក្ខសពលោក Jonghyun

    តាមរយៈសារព័ត៌មាន Teenee ដែលបានចេញផ្សាយនាពេលមុននេះបន្ដិចបានឱ្យដឹងថា សមាជិកក្រុមចម្រៀង 2PM ដែលជាតារាចម្រៀងតារាថៃ-កូរ៉េ គឺលោក Nichkhun បានបង្ហោះសារដ៏ក្រៀមក្រំមួយនៅលើបណ្ដាញទំនាក់ទំនងសង្គមធ្វីតធើរ។

    ចេញពីករណីតារាចម្រៀង Kim Jonghyun អាយុ 27 ឆ្នាំ ដែលបានធ្វើអត្តឃាតបញ្ចប់ជីវិតរបស់ខ្លូនដោយការរុំខ្លួននឹងផ្សែងពុលនៅក្នុងផ្ទះសំណាក់ ក្នុងតំបន់ Cheongdam-dong ទីក្រុងស៊េអូល ប្រទេសកូរ៉េនោះ  ដំណឹងនេះបានធ្វើឱ្យមានការភ្ញាក់ផ្អើលយ៉ាងខ្លាំងចំពោះអ្នកគាំទ្រនៅក្នុងប្រទេសកូរ៉េ និងបណ្ដាប្រទេសនានានៅលើពិភពលោក។ ទីបំផុត តារាចម្រៀង Nichkhun ដែលជាសមាជិកក្រុមចម្រៀង  2PM បានចូលរួមរំលែកទុក្ខយ៉ាងក្រៀមក្រំពីប្រទេសថៃ​ ដោយបង្ហោះរូបភាពក្នុងឈុតសម្លៀកបំពាក់ ស-ខ្មៅ និងបូកាន់ទុក្ខជាមួយរូបថត Jonghyun ថែមទាំងបានសរសេរបញ្ជាក់លើធ្វីតធើរថា «​Rest in Peace» ទៀតផង៕