Tag: Fashion

ថៃ រៀបគម្រោងផ្ដល់ទិដ្ឋាការពិសេសរយៈពេល 90 ថ្ងៃ ដល់អ្នកចង់រៀនក្បាច់គុន
រាជរដ្ឋាភិបាលថៃ មានផែនការផ្ដល់ទិដ្ឋាការពិសេស 90 ថ្ងៃ ដល់ភ្ញៀវបរទេសដែលចង់រៀនក្បាច់គុនបុរាណមួយថៃ (Muay Thai) នៅប្រទេសនេះ។
ក្នុងសារដែលបង្ហោះលើបណ្ដាញសង្គម X (អតីត Twitter) កាលពីថ្ងៃទី 14 មករា 2024 នាយករដ្ឋមន្ត្រីថៃ លោក Srettha Thavisin បានឱ្យដឹងថា ប្រទេសនេះត្រៀមខ្លួនរួចហើយនៅក្នុងការផ្ដល់ទិដ្ឋាការ 90 ថ្ងៃជាពិសេស ជំនួសឱ្យស្ដង់ដា 60 ថ្ងៃ សម្រាប់ភ្ញៀវទេសចរណ៍ដែលមានបំណងរៀនក្បាច់គុនថៃ។
នាយករដ្ឋមន្ត្រីថៃក៏បានលើកឡើងថា ទិដ្ឋាការពិសេសនេះក៏នឹងផ្ដល់ជូនពលរដ្ឋបរទេសដែលចង់មករៀនរបាំបុរាណ តន្ត្រី ឬរៀនធ្វើម្ហូបថៃ ជាវិស័យដែលត្រូវបានរៀបរាប់នៅក្នុងចំណោម 5F នៃ «អំណាចទន់» របស់ប្រទេសថៃ ដែលរួមមាន អាហារ (Food), ភាពយន្ត (Film), ម៉ូដែល (Fashion), ក្បាច់គុន (Fight) និងពិធីបុណ្យ (Festival)។
យោងតាមក្រសួងទេសចរណ៍ និងកីឡាថៃ តម្លៃទីផ្សាររបស់ទេសចរណ៍ថៃដែលទាក់ទងនឹងកីឡារបស់ប្រទេសនេះនៅក្នុងឆ្នាំ 2018 គឺប្រមាណ 120 ពាន់លានបាត (3.4 ពាន់លានដុល្លារអាម៉េរិក) ហើយកំពុងកើនឡើងជាមធ្យម 5% ជារៀងរាល់ឆ្នាំ៕
January 16, 2024
Celine Dion បញ្ចេញស្ទីលកន្ធែកជើងនៅទីក្រុងបារីស
ម្ចាស់បទ My heart will go on ពិតជាមិនធម្មតាមែន ព្រោះទើបតែបានទទួលការសរសើឥតឈប់ឈរកាលពីការសម្ដែងនៅក្នុងរាត្រី Billboard Music Awards 2017 ថ្មីនេះៗ ដោយតារាចម្រៀង Celine Dion ត្រូវបានអញ្ចើញឱ្យទៅសម្ដែងជាពិសេសនៅទីក្រុងបារីស ប្រទេសបារាំង។
តារាចម្រៀងស្រីវ័យ 49 ឆ្នាំរូបនេះ បានបង្ហាញវត្តមានយ៉ាងមានទំនុកចិត្តនៅលើកម្រាលព្រំក្រហមរបស់កម្មវិធីបង្ហាញម៉ូដ Giambattista Valli សម្រាប់គម្រោង Paris Fashion Week នៅទីក្រុងបារីស ប្រទេសបារាំង។ នៅថ្ងៃដំបូងនេះ តារាស្រីជើងចាស់មានសម្រស់ស្រស់សោភារូបនេះ បានបញ្ចេញស្ទីលបង្ហាញម៉ូដដោយបង្ហាញស្ទីលកន្ធែកជើងពេញទំហឹងដ៏គួរឱ្យអស់សំណើច ក៏ប៉ុន្ដែនេះជាសមត្ថភាពពិសេសមួយដែលលោកស្រីចង់បញ្ចេញជាយូរណាស់ហើយ តែកម្រមានឱកាស។
គួរបញ្ជាក់ផងដែរថា ការបញ្ចេញស្ទីលចម្លែកបែបដូច្នោះ បានធ្វើឱ្យតារាបង្ហាញម៉ូដនានារំភើបចិត្តយ៉ាងខ្លាំងពេលដែលបានឃើញ ព្រមទាំងមានអ្នកប្រមាញ់រូបថតជាច្រើននាក់បានតម្រង់កាណុងកាមេរ៉ាមករកលោកស្រីតែម្នាក់គត់នៅពេលបង្ហាញវត្តមាន មិនត្រឹមតែប៉ុណ្ណោះទេ លោកស្រីបានបន្ដទៅបង្ហាញម៉ូដនៅក្នុងកម្មវិធីមួយទៀតដែលមានឈ្មោះថា Christian Dior Haute Couture ជាកម្មវិធីប្រគំតន្រ្តីដែលតម្រូវឱ្យអ្នកចូលរួមត្រូវស្លៀកសម្លៀកបំពាក់ឈុតពណ៌លឿងទៀតផង៕
July 5, 2017
ទស្សនាព្រឹត្ដិការណ៍ដើរបង្ហាញម៉ូដដ៏អស្ចារ្យកាលពីយប់មិញ
កម្មវិធីនិទាឃរដូវ ឬរដូវក្ដៅត្រូវបានប្រារព្ធធ្វើឡើងកាលពីយប់មិញ នៅក្នុងក្រុមហ៊ុនAUDI PHNOM PENH។កម្មវិធីនេះត្រូវបានរៀបចំឡើងដោយ Fashion Lab Magazine ដោយមានការចូលរួមពីភ្ញៀវជាតិ និងអន្ដរជាតិជាច្រើន។
កម្មវិធីដើរបង្ហាញម៉ូដលំដាប់អន្ដរជាតិមួយនេះបានធ្វើឡើងរយៈ 2ថ្ងៃចាប់ពីរាត្រីថ្ងៃទី 23-24 ខែមិថុនា ឆ្នាំ2017។ ទោះជាកម្មវិធីនេះត្រូវបានរៀបចំឡើងនៅក្នុងប្រទេសកម្ពុជាពិតមែន ប៉ុន្ដែក្រោមការរៀបចំពីសំណាក់អ្នកជំនាញបានធ្វើឱ្យភ្ញៀវកិត្ដិយសដែលបានចូលរួមទស្សនាការដើរបង្ហាញម៉ូដ សម្លៀកបំពាក់ហាក់មានអារម្មណ៍ថា ខ្លួនកំពុងតែស្ថិតក្នុងពិភពបង្ហាញម៉ូដដ៏អស្ចារ្យមួយនៅឯបរទេស។
បច្ចុប្បន្នម៉ូដ គឺជាការផ្លាស់ប្ដូរ ស្រមោលរូបភាព ពណ៌ និងរចនាបទចម្លែកៗក្រោមគំនិតច្នៃប្រឌិតដ៏អស្ចារ្យពីអ្នករចនាម៉ូដទាំងនោះ។ តាមរយៈកម្មវិធីនេះយើងអាចមើលឃើញម៉ូដជាច្រើនដូចជា៖ Huawei, Ambre Men, Don Protasio, Queen Vitoria, A.N.D Rattanak, Christine Gauthier ជាដើម៕

June 24, 2017
ម៉ូដក្រចកដ៏ស្រស់ស្រាយសម្រាប់ដំណើរកម្សាន្ត
អ្នកណាថាការដើរកម្សាន្តត្រូវត្រៀមតែរបស់របរប្រើប្រាស់ និងនំចំណីនោះ! រូបសម្រស់ និងការត្រៀមជាស្រេចរបស់រូបរាងកាយរបស់អ្នកក៏សំខាន់ណាស់ដែរ បើអ្នកបានត្រៀមរូបសម្រស់របស់អ្នកយ៉ាងស្រស់ស្អាត និងហ្មត់ចត់នោះ អ្នកនឹងធ្វើដំណើរកម្សាន្តទៅគ្រប់ទីកន្លែងដោយភាពជឿជាក់ និងមានទំនុកចិត្តបំផុត។
ដូច្នេះសូមសម្អិតសម្អាងពណ៌ក្រចករបស់អ្នកឱ្យមើលទៅស្រស់ស្អាតសប្បាយចិត្តត្រូវជាមួយនឹងពណ៌នៃធម្មជាតិត្រជាក់ភ្នែក ដើម្បីផ្តល់ឱ្យអ្នកនូវអារម្មណ៍ធូរស្រាលក្នុងដំណើរកម្សាន្តរបស់អ្នកលើកនេះ។ ទំព័រម៉ូដក្រចកដែលបង្ហាញជូននៅក្នុងលេខនេះនឹងជួយអ្នកក្នុងការត្រៀមជាស្រេចក្នុងការតុបតែងខ្លួនដ៏ស្រស់ស្អាតសម្រាប់ដំណើរកម្សាន្តរបស់អ្នក ដូច្នេះសូមរីករាយជាមួយនឹងម៉ូដក្រចកដ៏ស្រស់ស្រាយសម្រាប់ដំណើរកម្សាន្តរបស់អ្នកជាមួយមនុស្សជាទីស្រឡាញ់ដូចតទៅ៕
May 6, 2017