Tag: Fan Bingbing

តាមរយៈសារព័ត៌មាន Mthai បានចេញផ្សាយនៅថ្ងៃទី2 ខែមករា ឆ្នាំ 2019 នេះបានឱ្យដឹងថា ខណៈនេះតារាសម្ដែងស្រី Fan Bingbing បានបង្ហាញភស្ដុតាង ដែលបញ្ជាក់ថា Fan ChengCheng គឹជាប្អូនប្រុសបង្កើតរបស់ខ្លួន និងឯកសារបណ្ដឹងអ្នកសារព័តមានចិន។

ដោយឡែកនៅពេលថ្មីៗនេះ តារាសម្ដែងស្រីដ៏ល្បីរបស់ប្រទេសចិនរូបនេះ បានដាក់ពាក្យបណ្ដឹងទៅតុលាការ ប្ដឹងអ្នកកាសែតចិនមួយរូបដែលបានសរសេរ និងទម្លាយព័ត៌មានអាស្រូវនេះ ដែលមានឈ្មោះ វាំង ធានហ្វើយ ឱ្យសងជំងឺចិត្ត 6 ម៉ឺនយ័ន និងចេញមុខសុំទោសរូបនាងជាសាធារណៈផងដែរ។ Fan Bingbing បានផ្ដល់បទសម្ភាសន៍ឱ្យអ្នកសារព័ត៌មានចិនថា Fan ChengCheng គឺជាកូនពៅរបស់ម្ដាយខ្លួន និងសឹងតែមិនរស់ទៀតផង ដោយសារតែបិះនិងរលូត​ ក៏ប៉ុន្ដែ ទម្រាំតែធំចម្រើនវ័យបានដូចសព្វថ្ងៃនេះ នាងខំធ្វើការប្រលូកចូលសិល្បៈ ដើម្បីឧបត្ថម្ភក្រុមគ្រួសារ រួមទាំងម្ដាយយ៉ាងលំបាកវេទនា។

សូមជម្រាបផងដែរថា Fan Bingbing បានបង្ហាញឯកសារដែលអាចបញ្ជាក់បានថា សំបុត្រឯកសារពេទ្យ និងភស្ដុតាងមួយចំនួនទៀត គឺអាចឱ្យដឹងថា Fan Bingbing គឺជាបងស្រី ក៏ដូចជាម្ដាយទី 2 របស់ Fan ChengCheng និងជាអ្នកទំនុកបម្រុងក្រុមគ្រួសាររបស់នាង៕

តាមរយៈសារព័ត៌មាន BBC ដែលចេញផ្សាយមុននេះបន្ដិចបានឱ្យដឹងថា ខណៈនេះកំពុងតែកើតមានការជ្រួលច្របល់នៅក្នុងចង្កោមអ្នកគាំទ្រកំពូលតារាសម្ដែងស្រី Fan Bingbing វ័យ 36ឆ្នាំ ដែលត្រូវអ្នកលេងបណ្ដាញសង្គមជាច្រើនបង្ហើបប្រាប់ពីការនឹកសង្ស័យថា នាងបានបាត់ខ្លួនអស់រយៈពេលជាងមួយខែមកហើយ ដោយរាប់ចាប់ពីពេលដែលនាងបានទៅសួរសុខទុក្ខក្មេងៗនៅក្នុងមន្ទីរពេទ្យកុមារ កាលពីថ្ងៃទី1 ខែកក្កដា​ កន្លងមក។

តែនៅពេលថ្មីៗនេះ មានព័ត៌មានមួយដែលរាយការណ៍ដោយពិធីករទូរទស្សន៍ចិន លោក Sui Ying Yuan ថា កំពូលតារាស្រីរូបនេះបានគេចវេះពន្ធ ទើបជាហេតុធ្វើឱ្យមន្ដ្រីខាងពន្ធដាររបស់ប្រទេសចិនធ្វើការស៊ើបអង្កេតលើរូបនាង និងប្រកាសឱ្យផ្អាកការងាររបស់នាងមួយចំនួន ចាប់តាំងពីចុងខែឧសភាមកម្ល៉េះ។ ចំណែកឯខាងក្រុមហ៊ុនដែលជាអ្នកគ្រប់គ្រងការសម្ដែងរបស់តារាស្រីរូបនោះបានធ្វើការបដិសេធថា Fan Bingbing មិនដែលចុះកិច្ចសន្យាណាមួយដែលធ្វើឱ្យដល់ថ្នាក់គេចវេះពីការបង់ពន្ធឡើយ ហើយខាងក្រុមហ៊ុនរីករាយសហការជាមួយសមត្ថកិច្ចគ្រប់ផ្នែកដើម្បីដោះស្រាយរឿងនេះ ហើយមានការខកចិត្តយ៉ាងខ្លាំងចំពោះព័ត៌មានដែលបានចេញផ្សាយលឿនបែបនេះ។

គួរបញ្ជាក់ផងដែរថា បើតាមសារព័ត៌មាន The Economic Observer ដែលបានចេញផ្សាយកាលពីថ្ងៃទី26 ខែកក្កដាកន្លងទៅបានរាយការណ៍ថា ក្រុមការងាររបស់តារាឯកស្រី Fan Bingbing ត្រូវបានសមត្ថកិច្ចចាប់ខ្លួនបញ្ជូនទៅសួរចម្លើយ។ រីឯប្អូនប្រុសរបស់តារាស្រីរូបនេះ កំពុងត្រូវបានអាជ្ញាធរហាមឃាត់មិនឱ្យធ្វើដំណើរចេញក្រៅប្រទេស និងសារព័ត៌មានមួយទៀតបានអះអាងថា ក្រុមគ្រួសាររបស់នាងបានបដិសេធមិនទទួលការសម្ភាស និងផ្ដល់ចម្លើយណាមួយជូនអ្នកគាំទ្រ និងអ្នកសារព័ត៌មានឡើយ៕

តាមរយៈសារព័ត៌មាន Teenee នៅថ្ងៃទី13 ខែធ្នូ ឆ្នាំ2017នេះ បានចេញផ្សាយឱ្យដឹងថា លោក Fan Chengchengមានវ័យ 19ឆ្នាំ ត្រូវជាប្អូនប្រុសរបស់តារាឯកស្រីប្រចាំប្រទេសចិន  និងជាតារាសម្ដែងលំដាប់ជួរមុខគេ នាង Fan BingBing នោះ ឥឡូវនេះកំពុងតែហ្វឹកហាត់ក្បាច់រាំនៅក្នុងប្រទេសកូរ៉េខាងត្បូង ហើយកំពុងតែរៀបចំគម្រោងបើកឆាកបង្ហាញខ្លួននៅក្នុងពិភពសិល្បៈកូរ៉េនាពេលឆាប់ៗនេះ។

តារាសម្ដែងស្រី Fan BingBing អាចចាត់ទុកថា គឺជាតារាលំដាប់លេខ1 នៅក្នុងចំណោមតារាសម្ដែងរបស់ប្រទេសចិន ដែលមានសម្រស់ស្រស់ស្អាតជាងគេបំផុត ហើយមនុស្សជាច្រើនក៏បានផ្ដល់ចំណាប់អារម្មណ៍ទៅលើរូបរាង រូបសម្រស់របស់ប្អូនប្រុសនាងផងដែរ។ គួរបញ្ជាក់ផងដែរថា ចំពោះព័ត៌មានបន្ថែមដែលបញ្ជាក់ពីការបើកបង្ហាញខ្លួនរបស់តារាចម្រៀង លោក Fan Chengcheng នៅក្នុងពិភពសិល្បៈកូរ៉េត្រូវបានលាក់ទុកជាការសម្ងាត់៕

នៅថ្ងៃទី2 ខែតុលា ឆ្នាំ2017 នេះ សារព័ត៌មាន kenh14 ដែលបានចេញផ្សាយមុននេះបន្ដិច បានឱ្យដឹងថា បន្ទាប់ពីបានរង់ចាំការចូលរួមកម្មវិធីបង្ហាញម៉ូដ  Fashion Week តារាស្រីចិនកំពូលសម្រស់ Fan Bingbing ដែលអ្នកគាំទ្រឱ្យរហស្សនាមថា ជារាជិនីសម្រស់ នោះបានបង្ហាញវត្តមានក្នុងឈុតសម្លៀកបំពាក់ពណ៌ស ហើយមុខមាត់មិនសូវមានការ Make-up ប៉ុន្មានទេ។

រូបថតប៉ុន្មានស្លឹកដែលបានថតដោយ អ្នកជំនាញថតរូបអាជីពដ៏ល្បីល្បាញជនជាតិបរទេសម្នាក់ បានប្រាប់អ្នកសារព័ត៌មានឱ្យដឹងថា រូបថតរបស់តារាស្រីរូបនេះគ្រប់សន្លឹកទាំងអស់ មិនចាំបាច់កែកុននៅក្នុងកម្មវិធី Photoshop ទេ ព្រោះនាងមានសម្រស់ស្រស់ស្អាតបែបធម្មជាតិស្រាប់ទៅហើយ ហើយលោកអ្នកថែមទាំងមិនអាចរកឱ្យឃើញនូវចំណុចដែលថាមិនស្អាត ឬទើសទាស់ចិត្តត្រង់ណាមួយបាននោះឡើយ ព្រោះនាងគឺជា រាជិនីសម្រស់ ពិតៗតែម្ដង៕

ឃើញហើយភ្ញាក់ផ្អើលមែនទែន ដែលសា្វមីស្រឡាញ់ភរិយាខ្លាំង និងជាអ្នកគាំទ្រតារាសម្ដែងស្រី Fan Bingbing ផងដែរនោះបានសម្រេចចិត្តកែសម្ផស្សភរិយារបស់ខ្លួនឱ្យមានសម្រស់ស្រស់ស្អាតដូចកំពូលតារាលំដាប់អន្ដរជាតិរូបនោះយ៉ាងបេះបិទ ហើយបានធ្វើឱ្យមជ្ឍដ្ឋានមហាជនចាប់អារម្មណ៍យ៉ាងខ្លាំងចំពោះព័ត៌មាននេះ។

អ្នកនាង ហឺ ឈើងស៊ឺ ជាភរិយារបស់លោកគ្រូពេទ្រជំនាញកែសម្ភស្សម្នាក់ដែលមិនបានបញ្ចេញឈ្មោះ មានបំណងប្រាថ្នាដំបូងរបស់អ្នកនាងដែលអាចនិយាយបានថា មិនមែនធម្មតាឡើយ គឺនាងចង់បានរូបសម្ភស្សនិងទម្រង់មុខដូចតារាសម្ដែង Fan Bingbing ដែលជាតារាស្រីពេញនិយមល្បីល្បាញលើពិភពលោក។ ស្វាមីរបស់នាង ហឺ ឈើងស៊ឺ បានចំណាយទុនបើកគ្លីនិកកែសម្ភស្សមួយដែលទទួលបានកេរ្ដិ៍ឈ្មោះល្បីល្បាញបំផុត  ហើយនាងបានស្ម័គ្រចិត្តស្ថិតក្រោមផ្លែកាំបិតដ៏សមុតស្រួចតាមរយៈស្នាដៃរបស់ស្វាមីអស់រយៈពេល 8 ឆ្នាំ ដែលបានព្យាយាមកែសម្ភស្សជាច្រើនលើក ទើបបានសម្រេចដូចបំណង គឺមានមុខមាត់ដូចតារាឯកស្រីស្រស់ Fan Bingbing បេះបិទតែម្ដង។

គួរបញ្ជាក់ផងដែរ ការទទួលបាននូវបទពិសោធដ៏ជោគជ័យនេះ បានធ្វើពិភពលោកទាំងមូលស្ងប់ស្ងែង និងកោតសរសើរស្នាដៃរបស់លោកគ្រូពេទ្យខាងលើនេះយ៉ាងខ្លាំង៕

អ្នកនាង ហឺ ឈើងស៊ឺ

Fan Bingbing