Tag: Ed Sheeran

  • តារាចម្រៀងល្បីឈ្មោះ Ed Sheeran បង្ហាញមុខមិត្តស្រីជាសាធារណៈ

    តារាចម្រៀងល្បីឈ្មោះ Ed Sheeran បង្ហាញមុខមិត្តស្រីជាសាធារណៈ

    ដោយយោងតាមសារព័ត៌មាន Khaosod នៅថ្ងៃទី​22 ខែមករា ឆ្នាំ 2018 នេះបានឱ្យដឹងថា តារាចម្រៀងល្បីឈ្មោះ Ed Sheeran ដែលជាម្ចាស់បទ “Shape of you”​ វ័យ26ឆ្នាំ បានប្រកាសដំណឹងល្អមួយថា ខណៈនេះលោកកំពុងតែមានទំនាក់ទំនងស្នេហាយ៉ាងផ្អែមល្ហែមជាមួយមិត្តស្រី កញ្ញា Cherry Seaborn មានវ័យ 25 ឆ្នាំ ដែលជាអ្នកប្រឹក្សាយោបល់ល្បីឈ្មោះជនជាតិអង់គ្លេស។

    បើតាមការបង្ហោះរូបនៅលើបណ្ដាញអ៊ីនស្ដាក្រាមរបស់តារាចម្រៀងប្រុសជនជាតិអង់គ្លេសរូបនេះ កាលពីថ្ងៃទី20 ក៏បានឱ្យដឹងផងដែរថា លោកមានភាពស្និទ្ធស្នាល និងមិនបានលាក់លៀមពីទំនាក់ទំនងស្នេហាមួយនេះពីភ្នែកមហាជនឡើយ។ លោកបានបន្ថែមពាក្យពេចន៍នៅលើរូបភាពមិត្តស្រីថា «ខ្ញុំមានគូដណ្ដឹងសម្រាប់ខ្លួនឯងហើយ ពួកយើងបានទាក់ទងគ្នាតាំងពីមុនចូលឆ្នាំថ្មីនេះមកម្ល៉េះ។ ពួកយើងមានសេចក្ដីសុខ និងស្រឡាញ់គ្នាខ្លាំងណាស់ សូម្បីតែសត្វឆ្មារបស់ពួកយើងក៏វាមានសេចក្ដីសុខដូចគ្នា»។

    គួរបញ្ជាក់ផងដែរថា ប្រភពសារព័ត៌មានបរទេសក៏បានបង្ហើបបញ្ជាក់បន្ថែមដែរថា អ្នកទាំងពីរបានស្គាល់គ្នា តាំងពីសម័យនៅរៀនមកម្ល៉េះ ប៉ុន្ដែសម្ព័ន្ធភាពរបស់អ្នកទាំងពីរត្រូវបានស្ងប់ស្ងាត់មួយរយៈវិញ ដោយសារតែខាងស្រីត្រូវទៅរៀនបន្ដនៅមហាវិទ្យាល័យក្នុងសហរដ្ឋអាមេរិក។ ហើយពួកគេបានត្រឡប់មកជួបគ្នា និងចាប់ផ្ដើមមើលចិត្តថ្លើមគ្នាឡើងវិញនៅក្នុងអំឡុងឆ្នាំ 2015 រហូតមកដល់បច្ចុប្បន្ននេះតែម្ដង៕

  • ម្ចាស់បទចម្រៀង « shape of you » ទទួលគ្រឿងរាជឥស្សរិយាភរណ៍ជាន់ខ្ពស់ MBE

    ម្ចាស់បទចម្រៀង « shape of you » ទទួលគ្រឿងរាជឥស្សរិយាភរណ៍ជាន់ខ្ពស់ MBE

    តាមរយៈគេហទំព័រសារព័ត៌មាន Teenee បានចេញផ្សាយនៅថ្ងៃទី14 ខែធ្នូ ឆ្នាំ2017 នេះបានឱ្យដឹងថា កំពូលសិល្បករចម្រៀងល្បីឈ្មោះលោក​ Ed Sheeran ដែលជាម្ចាស់បទចម្រៀង «shape of you» បានចូលទៅទទួលព្រះរាជទានគ្រឿងរាជឥស្សរិយាភរណ៍ជាន់ខ្ពស់ MBE (Member of the Most Excellent Order of the British Empire) ពី សម្ដេចព្រះមហាក្សត្រា Charles ជាព្រះរាជានៃរាជាណាចក្រ វេលស៍ នៅក្នុងបរិវេណព្រះបរមរាជវាំង Buckingham នៅពេលថ្មីៗនេះ។

    កំពូលតារាចម្រៀងវ័យ 26 ឆ្នាំរូបនេះ បានទទួលព្រះរាជប្រទានរង្វាន់នេះក្នុងនាមជា អ្នកដែលសាងគុណប្រយោជន៍ និងកេរ្តិ៍ឈ្មោះល្បីល្បាញដល់សហរាជអាណាចក្រ ដោយរយៈពេលកន្លងមកមានតារាសម្ដែង តារាចម្រៀងល្បីៗឈ្មោះជាច្រើនធ្លាប់បានទទួលការប្រទានព្រះរាជរង្វាន់នេះរួចមកហើយ មានដូចជា លោក David Beckham និងលោក JK Rowling ជាដើម។

    គួរបញ្ជាក់ផងដែរថា សម្រាប់គ្រឿងរាជឥស្សរិយាភរណ៍ថ្នាក់ MBE ឬ Member of the Most Excellent Order of the British Empire នេះ គឹជាគ្រឿងឥស្សរិយាភរណ៍សម្រាប់មន្ត្រីដែលមានអំណាចរបស់ប្រជាធិបតីភាពក្រោមរដ្ឋធម្មនុញ្ញចក្រភពអង់គ្លេស ហើយអ្នកដែលស័ក្ដិសមបានទទួលត្រូវមានចំណែកពាក់ព័ន្ធជាមួយផ្នែកសិល្បៈ និងវិទ្យសាស្ត្រ ដែលបានធ្វើការជាមួយសប្បុររសធម៌ និងសុខុមាលភាព ឬបានបម្រើការងារសាធារណៈក្រៅរាជកិច្ចទៀតផង៕

  • តារាចម្រៀង Ed Sheeran រងការរិះគន់ខ្លាំងដោយសារឈុតក្នុងរឿង Game of Thrones

    តារាចម្រៀង Ed Sheeran រងការរិះគន់ខ្លាំងដោយសារឈុតក្នុងរឿង Game of Thrones

    បើទោះបីជារឿងភាគល្បី Game of Thrones បានទទួលការគាំទ្រយ៉ាងខ្លាំង ខណៈកំពុងចាក់បញ្ចាំងនៅលើកញ្ចក់ទូរទស្សន៍ ព្រមទាំងមានទស្សនិកជនរាប់លាននាក់កំពុងតែជក់ចិត្តដិតអារម្មណ័ក្នុងការទស្សនារឿងនេះមែន  តែទីបំផុតតារាចម្រៀងប្រុស Ed Sheeran បានក្លាយជាជនរងគ្រោះយ៉ាងចំៗពីអ្នកគាំទ្រ បើទោះបីជាលោកទើបតែបានបើកឆាកបង្ហាញខ្លួនលើកដំបូងជាមួយតារាស្រី Maisie Williams ក៏ដោយ។ នេះបើតាមសារព័ត៌មាន Daily Mail បានចេញផ្សាយ។

    តារាចម្រៀងប្រុសវ័យ 26 ឆ្នាំរូបនេះ ត្រូវបានអ្នកលេងបណ្ដាញសង្គម និងជាអ្នកគាំទ្ររាល់បទចម្រៀងរបស់លោក រិះគន់យ៉ាងខ្លាំងៗចំពោះការមិនឆ្លើយសារតបទៅកាន់អ្នកគាំទ្រទាំងអស់នៅលើបណ្ដាញសង្គមធ្វីធើរ ជាបណ្ដាញសង្គមដែលជនជាតិអាមេរិកនិយមប្រើប្រាស់។ ដោយឡែកក្នុងការឆ្លើយតបទៅកាន់បណ្ដាអ្នកគាំទ្ររបស់លោកទាំងអស់វិញ ម្ចាស់បទល្បី Shape of you រូបនេះបានសរសេរនៅលើធ្វីធើរផ្ទាល់របស់លោកថា​ “ខ្ញុំមិនបានប្រើធ្វីធើរយូរណាស់ហើយ គួរតែតាមដានខ្ញុំ​នៅលើអ៊ីនស្ដាក្រាមដែលមានឈ្មោះ @teddysphotosជំនួសវិញ”។

    ទន្ទឹមនឹងនោះ នៅព្រឹកថ្ងៃនេះ ធ្វីធើររបស់តារាប្រុសរូបនេះបានប្រែមកមានសកម្មភាពដូចដើមវិញ និងអ្វីដែលនឹកស្មានមិនដល់ជាងនោះទៅទៀតគឺ មិនដឹងថាលោកពិតជាបានបោះបង់ចោលដូចសម្ដីលោកពោលមែនឬមិនមែនទៀតផង? ក៏ប៉ុន្ដែគេកត់សម្គាល់ឃើញមិនមានកំណែថ្មីណាមួយនៃការប្រើប្រាស់ធ្វីធើរដូចមុនពិតមែន គ្រាន់តែមានពាក្យចុងក្រោយដែលលោកធ្លាប់បាននិយាយនៅលើ ធ្វីធើរគឺ “ប្រសិនបើអ្នកបានអានសារនេះហើយលុបចោលដោយខ្លួនអ្នកផង វាគ្មានអ្វីសំខាន់ឡើយ ទោះជាអ្នកជានរណាក៏ដោយ គួរតែសង្ស័យខ្លួនឯងថា ហេតុអ្វីអ្នកគិតបែបដូច្នោះ”៕

  • ម្ចាស់បទ «Shape of You» ប្រកាសរៀបចំការប្រគំតន្ត្រីធំមួយនៅប្រទេសថៃ

    ម្ចាស់បទ «Shape of You» ប្រកាសរៀបចំការប្រគំតន្ត្រីធំមួយនៅប្រទេសថៃ

    ខាងគណៈកម្មការរៀបចំព្រឹត្តិការណ៍ AEG Presents និង BEC-Tero Entertainmentបាន ប្រកាសតារាង World Tour Concert របស់តារាចម្រៀង និងជាអ្នកនិពន្ធទំនុកច្រៀងល្បីល្បាញទូទាំងពិភពលោកតាមរយៈបទ «Shape of You» គឺកំពូលតារាចម្រៀង Ed Sheeran ដែលនឹងធ្វើដំណើរមកកាន់ប្រទេសថៃ ដើម្បីរៀបចំការប្រគំតន្ត្រីខ្នាតធំ ដែលនេះជាលើកដំបូងបង្អស់មិនធ្លាប់មានពីមុនមកនៅក្នុងប្រទេសថៃ។ នៅក្នុងនោះ មានទីក្រុងមួយចំនួននៅតំបន់អាស៊ី ដែលកំពូលតារាចម្រៀងរូបនេះបានបញ្ជប់បេសកកម្មប្រគំតន្រ្តីទេសចរណ៍រួចហើយ ដូចជា តៃប៉ិ អូសាកា សេអ៊ូល តូក្យូ ហុងកុង ម៉ានីល ហ្សាការតា សិង្ហបុរី កួឡាឡាំពួ ប៊ុមបៃ និង ឌុយបៃ។

    មហាព្រិត្តិការណ៍លំដាប់អន្តរជាតិប្រចាំឆ្នាំបែបនេះ និងប្រព្រឹត្តទៅនៅថ្ងៃទី16 ខែវិច្ឆកា ឆ្នាំ2017 នៅក្នុងតំបន់មឿងថងថានី ប្រទេសថៃ លោក Ed Sheeran គឺជាសិល្បករដែលមកពីទីក្រុង Suffolk ហើយជាសិល្បករដែលបានបំបែកស្ថិតិការប្រគំតន្រ្តីកាលពីឆ្នាំ 2015 ក្នុងការសម្ដែងនៅ Wembley Stadium ដែលមានអ្នកចូលរួមទស្សនាច្រើនបំផុតរហូតដល់ 240,000នាក់ ក្នុងរយៈពេល 3យប់ជាប់ៗគ្នា និងកាន់តែអស្ចារ្យទៅទៀតនោះ លក្ខណៈការសម្ដែងរបស់លោក គឺមានការប្រើប្រាស់ឧបករណ៍តន្ត្រីតែ Loop Pedal និងហ្គីតារ មួយដើមប៉ុណ្ណោះ ដែលវាជាឯកលក្ខណៈពិសេសមួយជំរុញឱ្យការលក់សំបុត្រចូលទស្សនាទាំង 3 រាត្រីគ្មានសល់មួយកន្លែងណាឡើយ។

    ការសម្ដែងផ្ទាល់ដែលមានអ្នកគាំទ្រពាសពេញពិភពលោករង់ចាំទស្សនាព្រឹត្តិការណ៍ប្រគំតន្រ្តី Ed Sheeran Tour 2017 នេះ កំពុងតែពុះកញ្ជ្រោលយ៉ាងខ្លាំង ព្រោះនេះគឺជាការបង្ហាញខ្លួនយ៉ាងពិសេសក្នុងការលេងឧបករណ៍តន្រ្តីដោយផ្ទាល់ជាពិសេសចំពោះបទ ” Shape of You ” តែម្ដង។  សម្រាប់តម្លៃសំបុត្រដែលលក់នៅក្នុងប្រទេសថៃ មានចាប់ពីតម្លៃ 1,800 បាត ដែលចាប់ផ្ដើមលក់នៅថ្ងៃទី1 ខែកក្កដា ឆ្នាំ2017 តទៅនៅគ្រប់សាខាលក់សំបុត្ររបស់ thaiticketmajorឬចូលទៅទិញនៅក្នុងគេហទំព័រផ្ទាល់តាមរយៈ www.thaiticketmajor.co ក៏បាន ។

    គួរបញ្ជាក់បន្ថែមថា បទចម្រៀង ” Shape of You ” គឺជាបទចម្រៀងដំបូងបង្អស់ដែលបំបែកកំណត់ត្រាប្រវត្តិសាស្ត្រ ហើយអាចឡើងទៅឈរលើលេខរៀងទី 1 ក្នុងតារាង BillBoard Hot 100 និងនៅលើការផ្សាយរបស់ Spotifyក្នុងរយៈពេលមួយថ្ងៃ និងក្នុងមួយសប្ដាហ៍ ។ គួររំឭកបន្ដិចដែរថា កាលពីថ្ងៃទី6 ខែមិថុនា ឆ្នាំ2017 បទសម្ភាសរបស់ Ed Sheeranជាមួយសារព័ត៌មាន BBC អំពីការតាក់តែងនិពន្ធបទនេះ គឺ «ជាការពិតណាស់ខ្ញុំចង់សរសេរបទនេះឡើង សម្រាប់បុរសពីរនាក់ផ្សេងគ្នា ដែលមានឈ្មោះថា Steve Mac និង Johnny McDaid ហើយពួកយើងសរសេរបទនេះឡើង គឺសំដៅលើនារីម្នាក់ដែលមានរាងសិចស៊ី គឺ Rihanna»៕