Tag: Colin Huang

មហាសេដ្ឋីរូបណាដែលមានទ្រព្យច្រើនជាងគេនៅប្រទេសចិន ក្នុងឆ្នាំ 2023?
ក្នុងបញ្ជីចំណាត់ថ្នាក់មហាសេដ្ឋីកំពូលៗនៅប្រទេសចិន ដែលគិតត្រឹមថ្ងៃទី 11 ធ្នូ ឆ្នាំ 2023 របស់ទស្សនាវដ្ដី Forbes មានមហាសេដ្ឋីបច្ចេកវិទ្យាចំនួន 5 រូប និង 3 រូបក្នុងវិស័យរថយន្ត។
នៅក្នុងឆ្នាំ 2023 នេះ មហាសេដ្ឋីដែលធ្លាប់ជាអ្នកមានជាងគេនៅប្រទេសចិន គឺលោក Jack Ma បានស្ថិតក្នុងចំណាត់ថ្នាក់ទី 6 ដោយមានទ្រព្យសរុប 24.4 ពាន់លានដុល្លារអាម៉េរិក។
លោក Ma ដែលធ្លាប់ជាគ្រូបង្រៀនភាសាអង់គ្លេស បច្ចុប្បន្នមានអាយុ 58 ឆ្នាំ។ លោកគឺជាសហស្ថាបនិកនៃក្រុមហ៊ុន Alibaba ដែលបច្ចុប្បន្នគឺជាមួយក្នុងចំណោមក្រុមហ៊ុនគ្រប់គ្រងផ្សារអនឡាញធំជាងគេនៅប្រទេសចិន។
លោក Ma បានលាឈប់ពីតំណែងនាយកប្រតិបត្តិរបស់ Alibaba កាលពីឆ្នាំ 2019។ ក្រោយការរស់នៅឯបរទេសប្រហែលមួយឆ្នាំ លោកក៏ត្រលប់ទៅកាន់ប្រទេសចិន កាលពីខែមីនា 2023 ក្នុងពេល Alibaba បង្ហើបឱ្យដឹងអំពីគម្រោងបំបែកខ្លួនជា 6 ក្រុមហ៊ុន។ លោក Ma មានភាគហ៊ុនចំនួន 3.9% នៅក្នុង Alibaba និងភាគហ៊ុននៅក្នុងបណ្ដាក្រុមហ៊ុនកម្សាន្តមួយចំនួន មានដូចជា Beijing Enlight Media និង Huayi Brothers ជាដើម។
ក្រុមហ៊ុន Alibaba បានចាប់ផ្ដើមធ្លាក់ដុនដាប បន្ទាប់ពីលោក Ma បាននិយាយរិះគន់គោលនយោបាយខ្លះរបស់រដ្ឋាភិបាលចិន ដែលដឹកនាំដោយប្រធានាធិបតី Xi Jinping។
លោក Zhong Shanshan
ចំណែកមហាសេដ្ឋីដែលមានទ្រព្យច្រើនជាងគេនៅប្រទេសចិន ប្រចាំឆ្នាំ 2023 គឺលោក Zhong Shanshan។ លោកគឺជាស្ថាបនិកនៃក្រុមហ៊ុនផលិតទឹកសុទ្ធ Nongfu Spring។ លោក Shanshan កើតឆ្នាំ 1954 នៅទីក្រុង Hangzhou ខេត្ត Zhejiang ប្រទេសចិន និងបានឈប់រៀនពេលមានអាយុ 12 ឆ្នាំ ព្រោះតែបញ្ហាគ្រួសារ។ ពេញមួយទសវត្សរ៍ក្រោយមក លោកធ្វើជាកម្មករសំណង់ និងសិក្សារហូតដល់បានចូលរៀននៅមហាវិទ្យាល័យ ក្រោយពីប្រឡងធ្លាក់ពីរលើក។
ចំណាត់ថ្នាក់ទីពីរក្នុងបញ្ជីនេះ គឺមហាសេដ្ឋី Colin Huang អាយុ 43 ឆ្នាំ ដោយមានទ្រព្យ 49 ពាន់លានដុល្លារអាម៉េរិក។ លោកគឺជាស្ថាបនិករបស់ PDD Holdings ដែលនៅពីក្រោយផ្សារអនឡាញ Pinduoduo។
ចំណាត់ថ្នាក់ទីបី បានទៅលើ Zhang Yiming អាយុ 40 ឆ្នាំ ជាស្ថាបនិករបស់ ByteDance ដែលជាក្រុមហ៊ុនមេរបស់ TikTok។ លោក Yiming មានទ្រព្យ 43.4 ពាន់លានដុល្លារអាម៉េរិក។
ចំណាត់ថ្នាក់ទីបួន បានទៅលើ Ma Huateng (Pony Ma) អាយុ 51 ឆ្នាំ ជាប្រធានក្រុមហ៊ុនអ៊ីនធើណិតចិន Tencent Holdings។
ខាងក្រោមនេះគឺជាមហាសេដ្ឋីដែលមានឈ្មោះក្នុងបញ្ជីចំណាត់ថ្នាក់មហាសេដ្ឋី 10 រូបនៅប្រទេស របស់ Forbes ៖
5 – William Ding
- ទ្រព្យ៖ 33.1 ពាន់លានដុល្លារអាម៉េរិក
- វិស័យជំនួញ៖ បច្ចេកវិទ្យា
7 – Robin Zeng
- ទ្រព្យ៖ 24.1 ពាន់លានដុល្លារអាម៉េរិក
- វិស័យ៖ រថយន្ត
8 – He Xiangjian និងគ្រួសារ
- ទ្រព្យ៖ 21.2 ពាន់លានដុល្លារអាម៉េរិក
- វិស័យ៖ ផលិតសម្ភារៈប្រើប្រាស់ក្នុងផ្ទះ
9 – Wang Chuanfu
- ទ្រព្យ៖ 15.1 ពាន់លានដុល្លារអាម៉េរិក
- វិស័យ៖ រថយន្ត
10 – Eric Li
- ទ្រព្យ៖ 15.1 ពាន់លានដុល្លារអាម៉េរិក
- វិស័យ៖ រថយន្ត
December 13, 2023
អតីតបុគ្គលិកក្រុមហ៊ុន Google ក្លាយជាអ្នករកប្រាក់បានច្រើនជាងគេក្នុងពិភពលោក
កាលពីថ្ងៃទី20មេសា មហាសេដ្ឋីមកពីទីក្រុងសៀងហៃនៃប្រទេសចិន ឈ្មោះ Colin Huang បានក្លាយជាអ្នកដែលរកបានប្រាក់ច្រើនជាងបង្អស់ក្នុងពិភពលោក ជាមួយនឹងទំហំទំទឹកប្រាក់ឡើងដល់2.9ពាន់លានដុល្លារអាមេរិក។
តម្លៃមូលបត្ររបស់ Pinduoduo បានកើនឡើង12.7% ដោយមានតម្លៃ50,11ដុល្លារ/ហ៊ុន នៅលើផ្សារហ៊ុន Nasdaq កាលពីថ្ងៃទី20មេសា បន្ទាប់ពីព័ត៌មានស្ដីអំពីការវិនិយោគទៅលើ Gome ដែលជាផ្សារលក់រាយអនឡាយធំជាងគេបង្អស់មួយនៅប្រទេសចិន ត្រូវបានប្រកាស។ ប្រការនេះបានជួយឱ្យ Colin Huang រកបានប្រាក់ 2.9ពាន់លានដុល្លារបន្ថែមទៀត ដោយប្រើពេលតែ1ថ្ងៃប៉ុណ្ណោះ។
ក្រុមហ៊ុន Gome ដែលមានការិយាល័យកណ្ដាលនៅទីក្រុងប៉េកាំងប្រទេសចិន កាលពីថ្ងៃទី19មេសា បានឱ្យដឹងថា ក្រុមហ៊ុន Pinduoduo នឹងទិញមូលបត្រមួយចំនួនធំ តម្លៃ 200លានដុល្លារពីក្រុមហ៊ុន Gome ដែលមូលបត្រទាំងនេះអាចនឹងត្រូវបានប្ដូរទៅជា 5.6% នៃភាគហ៊ុនរបស់ Gome។ 1ថ្ងៃគត់ បន្ទាប់ពីដំណឹងខាងលើត្រូវបានប្រកាស តម្លៃមូលបត្ររបស់ក្រុមហ៊ុន Gome នៅផ្សារហ៊ុនហុងកុង បានឡើងថ្លៃ16%។
ក្រុមហ៊ុន Pinduoduo ត្រូវបានបង្កើតឡើងកាលពីឆ្នាំ2015 និងបានរីកចម្រើនយ៉ាងខ្លាំងក្លា ហើយក៏បានក្លាយជាអាជីវកម្មលក់រាយនៅលើអនឡាញធំបំផុតមួយនៅប្រទេសចិន ជាមួយនឹងតម្លៃទុនសរុបនាបច្ចុប្បន្ន ឡើងដល់58ពាន់លានដុល្លារអាមេរិក។
យោងតាមទស្សនាវដ្ដី Forbes មហាសេដ្ឋី Huang ដែលបច្ចុប្បន្នមានអាយុ40ឆ្នាំ កំពុងកាន់កាប់ទ្រព្យសម្បត្តិប្រមាណជា26.4ពាន់លានដុល្លារអាមេរិក ជាអ្នកមានជាងគេលំដាប់ទី3នៅប្រទេសចិន(ដីគោក) និងកំពុងឈរលំដាប់លេខរៀងទី35 នៅលើតារាងចំណាត់ថ្នាក់ទូទាំងពិភពលោក។
ប៉ុន្តែ ភាពអស្ចារ្យនេះមិនទាន់ធ្វើឱ្យ Huang អាចលោតរំលងអតីតថៅកែរបស់ខ្លួន គឺលោក Larry Page (សហស្ថាបនិករបស់ Google ដែលមានទ្រព្យ 55.9ពាន់លានដុល្លារ និង Sergey Brin មានទ្រព្យ 53.9ពាន់លានដុល្លារ) នៅឡើយ។ ទោះជាយ៉ាងនេះក្ដី Huang សម្រេចបានពាក់កណ្ដាលផ្លូវហើយ ខណៈបានលោតរំលងអតីតនាយកប្រតិបត្តិរបស់ Google គឺលោក Eric Schmidt ដែលបច្ចុប្បន្នមានទ្រព្យ 14.2ពាន់លានដុល្លារ។
អតីតបុគ្គលិកក្រុមហ៊ុន Google ក្លាយជាអ្នករកប្រាក់បានច្រើនជាងគេក្នុងពិភពលោក
ក្រុមហ៊ុន Gome ត្រូវបានបង្កើតឡើងកាលពីឆ្នាំ1987។ ចាប់ពីឆ្នាំ2007 មកដល់ពេលនេះ តម្លៃមូលបត្ររបស់ក្រុមហ៊ុននេះ បានថយចុះដល់ទៅ95% ធ្វើឱ្យតម្លៃទុនក្នុងទីផ្សារនៅសល់ត្រឹម 2.4ពាន់លានដុល្លារ។ លោក Wong Kwong Yu ដែលជាស្ថាបនិករបស់ Gome បច្ចុប្បន្ន ត្រូវជាប់ពន្ធនាគារក្រោមបទចោទពុករលួយ និងកេងបន្លំក្នុងការរកស៊ី។
ប្រទេសចិន គឺជាប្រភពនៃមហាសេដ្ឋីធំជាងគេលំដាប់ទី2នៅក្នុងពិភពលោក បន្ទាប់ពីសហរដ្ឋអាមេរិក។ បើទោះជាស្ថិតក្នុងស្ថានភាពវិបត្តិសុខភាព ប៉ុន្តែប្រទេសចិននៅតែមានសមាជិកថ្មីម្នាក់ទៀត បានឡើងដល់លំដាប់មហាសេដ្ឋីកំពូលៗរបស់ពិភពលោក៕
ប្រភព៖ Forbes
April 25, 2020

Tag: Colin Huang

មហាសេដ្ឋី​​រូប​ណា​ដែល​មាន​ទ្រព្យ​ច្រើន​ជាង​គេនៅ​ប្រទេស​ចិន​ ​ក្នុង​ឆ្នាំ 2023​?

អតីត​បុគ្គលិក​ក្រុមហ៊ុន Google ក្លាយ​ជា​អ្នក​រក​ប្រាក់​បាន​ច្រើន​ជាង​គេ​ក្នុង​ពិភពលោក​

មហាសេដ្ឋីរូបណាដែលមានទ្រព្យច្រើនជាងគេនៅប្រទេសចិន ក្នុងឆ្នាំ 2023?

អតីតបុគ្គលិកក្រុមហ៊ុន Google ក្លាយជាអ្នករកប្រាក់បានច្រើនជាងគេក្នុងពិភពលោក