Tag: CL

តាមរយៈសារព័ត៌មាន koreaboo ដែលចេញផ្សាយកាលពីពេលថ្មីៗនេះបានឱ្យដឹងថា កំពូលតារាចម្រៀងស្រីកញ្ញា CL ដែលជាអតីតសមាជិកក្រុមចម្រៀង 2NE1 បានយំខណៈដែលនាងកំពុងរៀនរាំបង្វិលខ្លួននៅលើបង្គោលដែក។

តារាចម្រៀង Kpop និងជាអតីតប្រធានក្រុមចម្រៀង 2NE1 ដ៏ល្បីល្បាញ កញ្ញា CL ដែលតែងតែពូកែអង្រួនឆាកតន្ត្រីជាមួយក្បាច់រាំដ៏ញ័រញាក់របស់នាង និងបានធ្វើឲ្យប្រិយមិត្តបង្ហាញនូវការគាំទ្រយ៉ាងច្រើនកុះករទាំងក្នុង និងក្រៅប្រទេសឱ្យស្លុងអារម្មណ៍ទៅតាមនោះ តាមពិតនាងមានការភ័យខ្លាចខ្លាំងណាស់ចំពោះក្បាច់រាំតោងបង្គោលដែក ដោយនៅក្នុងឃ្លីបវីដេអូមួយបានបង្ហាញអំពីរូបនាងកំពុងរៀនជំនាញថ្មីមួយទៀតគឺ បង្កើតក្បាច់រាំតោងបង្គោលដែក។

ជាមួយនឹងការផ្ដល់បទសម្ភាសក្នុងកម្មវិធី “Livin’s The Double Life” តារាស្រីរូបនេះត្រូវបានអ្នករៀបចំកម្មវិធីបង្កឱ្យមានភាពភ្ញាក់ផ្អើល ដោយស្នើឲ្យនាងរាំជាមួយបង្គោលដែកជាលើកដំបូងក្នុងជីវិត។ គួរបញ្ជាក់ផងដែរ ទាំងពិធីករ និងតារាកិត្តិយស ដំបូងឡើយមានការជឿជាក់ទៅកញ្ញា CL យ៉ាងខ្លាំង ដោយយល់ថា នាងអាចរាំបានដោយគ្មានបញ្ហាអ្វីទាំងអស់ ក៏ប៉ុន្ដែលទ្ធផលចុងក្រោយ នាងមិនអាចចាប់ដងបង្គោលដែកនោះបានសូម្បីតែបន្ដិច ហើយត្រូវបានអ្នកផលិតកម្មវិធីរាយការណ៍មកថា នាងថែមទាំងបានយំទៀតផង។  ក្រោយពីបរាជ័យក្នុងការព្យាយាមជាច្រើនលើកច្រើនសាររួចមក តារាចម្រៀងដែលធ្លាប់តែពោរពេញដោយទេពកោសល្យរូបនេះ បានអស់សំណើច និងមើលខ្លួនឯងទាំងបិទមាត់មិនជិតរកនិយាយអ្វីក៏មិនចេញទៀតផង៕

នៅល្ងាចថ្ងៃទី9 ខែធ្នូនេះ ក្រុមហ៊ុន Smart បានសហការជាមួយ HD&S Media Group ក្នុងការរៀបចំការប្រគំតន្រ្តីរបស់កំពូលតារាចម្រៀង CL នៅក្នុងបរិវេណកោះពេជ្រ ដែលមានការចូលរួមពីសំណាក់ក្រុមតារាចម្រៀងពន្លកថ្មី Original Song  ជាច្រើនដួង រួមមានកញ្ញា Nikki Nikki , Small World  Small Band , លោក P-Sand , កញ្ញា ADda , លោក ថេណា , Bros La , ក្រុម SWSB  និងក្រុម Mustaches Band ជាដើម ដែលធ្វើឱ្យអ្នកគាំទ្រអន្ទះសាចាំទស្សនារហូតដល់ទប់ចិត្តសឹងមិនបាន។

គួរបញ្ជាក់ផងដែរថា តាមរយៈហ្វេសប៊ុករបស់ក្រុមហ៊ុនស្មាតបានឱ្យុដឹងថា កំពូលតារាចម្រៀងប្រចាំប្រទេសកូរ៉េខាងត្បូង និងជាតារាចម្រៀងជាប់លំដាប់របស់អាមេរិក កញ្ញា CL បានធ្វើដំណើរមកដល់ប្រទេសកម្ពុជា កាលពីវេលាម៉ោង 11 យប់ម្សិលមិញនេះ ហើយគេសង្កេតឃើញមានការទទួលស្វាគមន៍យ៉ាងកក់ក្តៅពីសំណាក់អ្នកគាំទ្រជាច្រើន ដែលឈររង់ចាំនៅឯព្រលានយន្តហោះ ។ បើថ្វីត្បិតតែ តារាស្រីរូបនេះមិនមានពេលវេលារាក់ទាក់ជាមួយអ្នកគាំទ្រច្រើនក្ដី ក៏ប៉ុន្ដែ គេសង្កេតឃើញនាងមានទឹកមុខស្រស់ស្រាយ សប្បាយចិត្ត​ និងញញឹមញញែមមកកាន់អ្នកគាំទ្រ ដែលធ្វើឱ្យអ្នកគាំទ្រនាងមានអារម្មណ៍រំភើបជាមួយនឹងវត្តមានរបស់នាងជាខ្លាំង៕

ប្រភពរូបភាព៖ Smart Axiata

បើតាមការចេញផ្សាយរបស់សារព័ត៌មាន​ Koreaboo ដែលបានចេញផ្សាយនៅថ្ងៃទី4 ខែធ្នូ ឆ្នាំ2017 នេះ បានឱ្យដឹងថា ថ្មីៗនេះកំពូលតារាចម្រៀងស្រីKpop គឺនាង CL បានទម្លាយអារម្មណ៍ពិតរបស់ខ្លួន និងភាពលំបាកបំផុត ក្រោយពេលអតីតសមាជិករួមក្រុមចម្រៀង នាង Minzy បានចាកចេញពីក្រុមចម្រៀង 2NE1។ CL បានសម្រក់ទឹកភ្នែកយ៉ាងច្រើន ខណៈកំពុងផ្ដល់បទសម្ភាសនៅក្នុងកម្មវិធី ” Livin’ the Double Life” ។

នាងបានពោលថា «នាងខ្ញុំដឹង ខ្ញុំត្រូវតែគិតអំពីអ្នកគាំទ្រទាំងឡាយ ក៏ប៉ុន្ដែទំនុកច្រៀងនេះមានន័យសម្រាប់ Minzy ក្នុងការចាកចេញទៅដោយស្ងៀមស្ងាត់។ នាងខ្ញុំសង្ឃឹមថា នាងគួរតែរីករាយ ខណៈដែលនាងអាចឈរបានតែម្នាក់ឯង។​ហើយនាងខ្ញុំក៏សង្ឃឹមទៀតថា នាងនឹងបង្កើតចម្រៀងបានយ៉ាងល្អ និងមានទំនុកចិត្តខ្លាំង ពោលគឺដូចអ្វីដែលនាងខ្ញុំបានសរសេរនៅក្នុងបទចម្រៀងនេះសម្រាប់ Minzy ផងដែរ»។ CL បានសម្រក់ទឹកភ្នែករៀបរាប់អំពីបទចម្រៀងចុងក្រោយរបស់ក្រុម 2NE1 ដែលមានចំណងជើងថា “Good Bye” ត្រូវបានតែងសម្រាប់ Minzy។

គួរបញ្ជាក់ផងដែរថា CL នាងបានទម្លាយអារម្មណ៍របស់ខ្លួនចំពោះ Minzy ក្នុងនាមខ្លួននាងជាប្រធានដឹកនាំក្រុមចម្រៀងមួយនេះ នាងថា «វាជាការខកចិត្តមួយ។ នៅក្នុងកែវភ្នែករបស់ខ្ញុំ  វាពិតជាមានការលំបាកខ្លាំងណាស់ ខណៈដែលនាងខ្ញុំបានក្លាយជាអ្នកដឹកនាំវ័យក្មេងបំផុត។ ដូច្នេះខ្ញុំមានអារម្មណ៍ដូចវិកលចរិតចំពោះការទទួលខុសត្រូវ។ ខ្ញុំចង់ឱ្យវាបន្ដរហូតដល់ទីចុងបញ្ចប់បំផុត។ ខ្ញុំចង់ទទួលខុសត្រូវចំពោះក្រុមរហូត»។

ដើម្បីឱ្យកាន់តែជាក់ច្បាស់​ សូមទស្សនាវីដេអូខាងក្រោមនេះ៖

ដូចដែលគេហទំព័រ​ ឡារ៉ែន ធ្លាប់បានជម្រាបជូនប្រិយមិត្តអ្នកគាំទ្រកម្ពុជាទាំងអស់រួចហើយថា កំពូលតារាចម្រៀងកូរ៉េ កញ្ញា CL នឹងមកអង្រួនឆាកប្រគំតន្រ្តីខ្នាតយក្សក្នុងបរិវេណកោះពេជ្រដែលនឹងប្រារព្ធឡើងនៅថ្ងៃទី9 ខែធ្នូ ខាងមុខនេះ ដែលនាំមកជូនដោយក្រុមហ៊ុន Smart ។ ដូច្នេះប្រាកដណាស់ ច្បាស់ជាមានអ្នកគាំទ្រជាច្រើននាក់ទន្ទឹងរង់ចាំវត្តមានរបស់កំពូលតារាចម្រៀងរូបនេះ ហើយក៏ប្រាកដជាចង់ដឹងអំពីរបៀបផាត់ទម្រង់មុខឱ្យស្អាតដូចជាកញ្ញា CL ដែរមិនខាន។

គួរបញ្ជាក់ថា ការប្រគំតន្រី្ត Smart Mega Concert នេះក៏មានការចូលរួមពីក្រុមតារាចម្រៀង Original Song ជាច្រើនដួង រួមមានកញ្ញា Nikki Nikki , Small World  Small Band , លោក P-Sand , កញ្ញា ADda , លោក ថេណា , Bros La , ក្រុម SWSB  និងក្រុម Mustaches Band ….​ផងដែរ។

ដូច្នេះដើម្បីឱ្យកាន់តែជាក់ច្បាស់​ និងបានឃើញឱ្យច្បាស់អំពីរបៀបផាត់មុខឱ្យដូចតារាចម្រៀងរូបស្អាត CL នោះ សូមទស្សនាវីដេអូខាងក្រោមដូចតទៅ៖

https://www.youtube.com/watch?v=8PcE8txixIg

កាលពីថ្ងៃទី5 ខែកញ្ញា តារាចម្រៀង​ ​​C​L ជាអ​តីត​​​សមាជិក​ក្រុ​មចម្រៀងស្រី​ ​​​2​​​N​​​E​​​1 ​បា​ន​ធ្វើ​ឲ្យ​អ្ន​ក​ដែ​ល​ចូ​ល​រួ​មទស្សនានៅក្នុង​ក​ម្ម​វិ​ធីនាទីក្រុង ហុង​​​កុង ទាំងអស់ផ្តោ​ត​​​អា​រ​ម្ម​ណ៍យ៉ាងខ្លាំងទៅលើរូប​នា​ង​ ​ខ​ណៈ​ដែ​ល​តារាស្រីរូបនេះ​បានបង្ហាញម៉ូដអាវដែលមិនមានអាវទ្រនាប់ធ្វើឱ្យលេចចេញក្បាលសុដន់។ ​​​​នេះ​បើ​តា​ម​ប្រ​ភព​ព័​ត៌​មា​ន​ kenh14 ដែលបានចេញផ្សាយកាលពីប៉ុន្មានម៉ោងមុននេះ។​

ការបង្ហាញស្ទីលថ្មីរបស់នាង C​L លើកនេះ មើលទៅហាក់ដូចជាស្ត្រីមានវ័យចំណាស់ 40 ឆ្នាំប្លាយ សូម្បីតែការផាត់មុខ និងម៉ូដសក់របស់នាងនៅក្នុងថ្ងៃកម្មវិធីធំនោះក៏មើលទៅប្លែកដែរ។ គួរបញ្ជាក់ផងដែរថា ក្រៅពីការបង្ហាញឈុតព័ណ៌ស្លាបកំភេមនេះហើយ តារាស្រីរូបនេះបានតាំងចិត្តយ៉ាងមុតមាំក្នុងការប្រកាសប្រាប់ពីព័ត៌មានលម្អិតថា នាងបានក្លាយជាតារាចម្រៀងអាមេរិកាំងហើយ៕