Tag: Beyonce

  • អាល់ប៊ុមរបស់តារាចម្រៀង Beyoncé លក់ដាច់ច្រើនជាងក្នុងឆ្នាំ2017

    អាល់ប៊ុមរបស់តារាចម្រៀង Beyoncé លក់ដាច់ច្រើនជាងក្នុងឆ្នាំ2017

    បើតាមការចេញផ្សាយរបស់សារព័ត៌មាន Tvpool នៅថ្ងៃទី24 ខែវិច្ឆិកា ឆ្នាំ2017 បានឱ្យដឹងថា កំពូលតារាចម្រៀងស្រីសម្បុរស្រអែមស្រស់ Beyoncé បានគ្រងតំណែងជាតារាចម្រៀងស្រីលំដាប់ទី 1 ដែលលក់អាល់ប៊ុមចម្រៀងរបស់ខ្លួនបាន 105 លានដុល្លារសហរដ្ឋអាមេរិកក្នុងឆ្នាំ 2017 នេះ។ ចំណែកទស្សនាវដ្តី Forbes ដែលចេញផ្សាយក្នុងខែនេះក៏បានអះអាងដែរថា អាល់ប៊ុមចម្រៀងដែលមានឈ្មោះថា Lemonade របស់តារាចម្រៀងស្រីរូបនេះត្រូវបានលក់ដាច់ច្រើនជាងគេបង្អស់។

    ខាងក្រោមនេះគឺជាកំណត់ត្រាទឹកប្រាក់ដែលបានមកពីការលក់អាល់ប៊ុមចម្រៀងរបស់កំពូលតារាចម្រៀង 10 រូបក្នុងឆ្នាំ 2017 ដែលបានដកស្រង់ចេញពីទស្សនាវដ្តី Forbes៖

    1.Beyoncé 105 លានដុល្លារសហរដ្ឋអាមេរិក

    2.Adele 69 លានដុល្លារសហរដ្ឋអាមេរិក

    3.Taylor Swift 44 លានដុល្លារសហរដ្ឋអាមេរិក

    4.Celine Dion 42 លានដុល្លារសហរដ្ឋអាមេរិក

    5.Jennifer Lopez  38 លានដុល្លារសហរដ្ឋអាមេរិក

    6.Dolly Parton 37 លានដុល្លារសហរដ្ឋអាមេរិក

    7.Rihanna 36 លានដុល្លារសហរដ្ឋអាមេរិក

    8.Britney Spears 34 លានដុល្លារសហរដ្ឋអាមេរិក

    9.Katy Perry 33 លានដុល្លារសហរដ្ឋអាមេរិក

    10.Barbra Streisand 30 លានដុល្លារសហរដ្ឋអាមេរិក

  • ដឹងទេ? កាលពីឆ្នាំ 2016 តារាចម្រៀង Beyonce…!!

    ដឹងទេ? កាលពីឆ្នាំ 2016 តារាចម្រៀង Beyonce…!!

    បន្ថែមពីលើការផ្ដល់កំណើតដល់បុត្រភ្លោះកាលពីពេលថ្មីៗនេះហើយ នៅមានអាថ៌កំបាំងមួយទៀតដែលលោកអ្នកមិនបានដឹងពីតារាចម្រៀងស្រី Beyonce។

    កាលពីថ្ងៃម្សិលមិញនេះ តារាចម្រៀងស្រីមុខស្អាតសម្បុរស្រអែមរូបនេះបានក្លាយជាកំពូលតារានៅលើតារាងចម្រៀងទស្សនាវដ្តី Billboard ឆ្នាំ2016 ដែលមានលុយចំនួន 62.1 លានដុល្លារនៅក្នុងតារាង Money Maker ដែលបូកសរុបរៀងរាល់ចុងឆ្នាំ។ យ៉ាងណាមិញរឿងនេះ មិនមែនជារឿងដែលគួរឱ្យភ្ញាក់ផ្អើលធំសម្បើមចំពោះប្រជាប្រិយភាពរបស់នាង និងអ្នកគាំទ្រឡើយ ក៏ប៉ុន្តែតួលេខដែលនៅលើកំពូលតារាងនោះបានបង្កភាពអស្ចារ្យមួយសម្រាប់នាងគឺ នាងត្រូវបានដាក់ងារថាជា “រាជិនី B” មកពីពាក្យថា Queen Billboard នៅឆ្នាំ2016 ដែលរកចំណូលបានលើសពី 20 លានដុល្លារ ច្រើនជាងតារាចម្រៀង Guns N Roses ដែលស្ថិតក្នុងលំដាប់ថ្នាក់ទី2 បន្ទាប់ពីនាង។

    គួរំឭកផងដែរថា នៅខែមេសា ឆ្នាំ2016 ក្រុមការងារសិល្បៈកម្សាន្តបានអះអាងពីភាពជោគជ័យលើអាល់ប៊ុមចម្រៀង និងភាពយន្ដ Combo Lemonade ដែលទទួលបានជោគជ័យយ៉ាងរហ័សពីកម្មវិធីប្រគំតន្រ្តី Formation World Tour នៅក្នុងបរិវេណពហុកីឡដ្ឋាន ហើយកើបលុយបានចំនួន 161 លានដុល្លារក្នុងរយៈពេលតែមួយយប់។ ក៏ប៉ុន្តែ នាង និងស្វាមី Jay-Z មិនទាន់បានទទួលតំណែងណាមួយនៅក្នុងឆ្នាំ 2017 នៅឡើយទេ មានតែបន្ដការរង់ចាំតាមដានជាតទៅទៀត៕

  • កូនភ្លោះប្រុស-ស្រីរបស់ Beyonce កើតជំងឺខាន់លឿង

    កូនភ្លោះប្រុស-ស្រីរបស់ Beyonce កើតជំងឺខាន់លឿង

    ទន្ទឹមនឹងការអបអរសាទរចំពោះសមាជិកថ្មីភ្លោះប្រុស-ស្រី របស់កំពូលតារាចម្រៀងស្រី Beyonce និងកំពូលតារាចម្រៀងរ៉េប Jay Z នោះ ទារកទាំងពីរត្រូវបានគ្រូពេទ្យរក្សាទុកដើម្បីព្យាបាលនៅក្នុងមន្ទីពេទ្យសិននៅឡើយ ដោយសារតែពួកគេប្រសូតចេញមកមុនពេលកំណត់។

    សារព័ត៌មាន The Superstar Couple បានរាយការណ៍ឱ្យដឹងថា កូនភ្លោះរបស់ Beyonce បានចាប់ផ្តើមប្រសូតក្នុងរយៈពេលឆាប់ពេក និងដោយសារតែតារាចម្រៀងស្រីរូបនេះមិនសូវយកចិត្តទុកដាក់ចំពោះការថែរក្សាគភ៌ផងនោះ ទើបបណ្ដាលឱ្យកូនភ្លោះប្រុស-ស្រី របស់នាងកើតមកមិនគ្រប់ខែដូចទារកធម្មតា ហើយខណៈនេះ ទារកទាំងពីរត្រូវបានគ្រូពេទ្យយកទៅរក្សាទុកនៅក្រោមពន្លឺភ្លើង Blili នៅក្នុងបន្ទប់សង្គ្រោះរហូតដល់បានធូរស្បើយ និងរឹងប៉ឹងឡើងទើបប្រគល់ឱ្យទៅគ្រួសារតារាចម្រៀងសម្បុរស្រអែមស្រស់ Beyonce ចិញ្ចឹមវិញម្តង ។

    ការរក្សាទុកកូនភ្លោះតូចទាំងពីរនៅក្រោមពន្លឺភ្លើង Blili ជាវេជ្ជសាស្រ្តបឋមព្យាបាលមួយបែបក្នុងការលុបបំបាត់ចលនារបស់សារធាតុ Bilirubin មាននៅក្នុងគ្រាប់ឈាម ដែលធ្វើឱ្យកូនភ្លោះរបស់ Beyonce មានអាការខ្លួនលឿង រួមទាំងមានសភាពលឿងទាំងស្បែក និងគ្រាប់ភ្នែកទៀតផង និងសារធាតុលឿងនេះទៀតសោត គឺបណ្ដាលមកពីគ្រាប់ឈាមក្រហមចាស់ ត្រូវបានចូលមកជំនួសដោយគ្រាប់ឈាមថ្មីក្នុងបរិមាណច្រើនពេក ទើបជាមូលហេតុបណ្តាលឱ្យស្បែក ភ្នែក ប្ដូរសភាពទៅជាពណ៌លឿងខុសប្រក្រតី។

    គួរបញ្ជាក់ផងដែរថា ប្រសិនបើកូនភ្លោះរបស់ Beyonce មិនបានព្យាបាលនៅក្រោមពន្លឺភ្លើង Blili នេះទេនោះ ទារកអាចនឹងមានគ្រោះថ្នាក់ដល់ជីវិតមិនខាន៕

  • Beyoncé រៀបចំពិធី Baby Shower ដើម្បីត្រៀមទទួលកូនភ្លោះដែលជិតប្រសូត

    Beyoncé រៀបចំពិធី Baby Shower ដើម្បីត្រៀមទទួលកូនភ្លោះដែលជិតប្រសូត

    បន្ទាប់ពីបានបង្ហោះរូបភាពតាំងគភ៌របស់ខ្លួនកាលពីខែកុម្ភៈ នៅលើបណ្ដាញសង្គម អ៊ីនស្តាក្រាម (Instagram) ផ្ទាល់ខ្លួនហើយនោះ កំពូលតារាចម្រៀងស្រី Beyoncé ក៏បានបន្តបង្ហោះរូបភាពរបស់ខ្លួនថ្មីៗបន្តទៀត ព្រមទាំងរៀបចំពិធីជប់លៀង Baby Shower ដើម្បីត្រៀមទទួលកូនភ្លោះដែលកំពុងជិតប្រសូត ហើយពិធីនេះត្រូវបានរៀបចំតាមបែបបទរបស់ជនជាតិអាហ្រិ្វក ។

    តារាស្រីវ័យ ៣៥ឆ្នាំបានរៀបចំកម្មវិធីជប់លៀង Carter Push Party ក្នុងភូមិគ្រឹះផ្ទាល់ខ្លួន ជាលក្ខណៈក្រុមជនជាតិអាហ្វ្រិក ព្រមទាំងបង្ហាញរូបភាពបញ្ចេញក្បាលពោះដែលកំពុងតាំងគភ៌ជិតគ្រប់ខែ ជូនអ្នកគាំទ្រនៅលើបណ្ដាញអ៊ីនស្តាក្រាមរបស់នាង និងអ្វីដែលមិនអាចខ្វះបាននោះគឺ Jay Z ជាស្វាមីតារាចម្រៀងរ៉េប បានចូលមករាំច្រៀងជាមួយភរិយាយ៉ាងសប្បាយរីករាយ ថែមទាំងនៅមានអ្នកស្រី Tina Knowles LawSon ដែលជាម្ដាយបង្កើតរបស់ Beyoncé ចូលរួមថតឃ្លីបវីដេអូបង្ហោះដើម្បីបង្កឱ្យកម្មវិធីខាងលើកាន់តែមានភាពសប្បាយរីករាយ និងអធិកអធមឡើងទៀតផង៕

  • មិនធម្មតាមែន! មីក្រូហ្វូន Beyonce មួយដេញថ្លៃបានដល់តម្លៃ ១១០០០ដុល្លារ

    មិនធម្មតាមែន! មីក្រូហ្វូន Beyonce មួយដេញថ្លៃបានដល់តម្លៃ ១១០០០ដុល្លារ

    ពិតជាភ្ញាក់ផ្អើលណាស់នៅពេល Beyonce បញ្ចេញមីក្រូហ្វូនមួយដែលមានតម្លៃថ្លៃកប់ពពក ក្នុងការដេញថ្លៃ។ កាលពីថ្ងៃអង្គារ៍ តារាចម្រៀង Beyonce បានបង្ហាញមីក្រូនហ្វូនផ្ទាល់ខ្លួនរបស់នាង ដែលធ្លាប់សម្ដែងនៅលើឆាកតន្ដ្រី Formation World Tour និងកម្មវីធី Grammys ក្នុងតម្លៃថ្លៃបំផុតបានដល់ទៅ ១១០០០ ដុល្លារអាមេរិក។ នេះបើតាមការចេញផ្សាយរបស់ Daily Mail នៅថ្ងៃទី ០៣ ខែ​ឧសភា ឆ្នាំ២០១៧។

    ការដេញថ្លៃនេះត្រូវបានប្រារព្ធធ្វើឡើងនៅសប្ដាហ៍នេះ នៅអាគារ Wearable Art Gala ក្នុងទីក្រុង LA ដែលកម្មវិធីនេះជាគំនិតផ្ដួចផ្ដើមរបស់ម្ដាយតារាស្រី Beyonce លោកស្រី Tina Knowles-Lawson។ នៅទីបញ្ចប់ការដេញថ្លៃចុងក្រោយបានទៅលើ អ្នកស្រី CeCe Hendriks ហើយអ្នកស្រីបានបង្ហោះរូបនៅលើបណ្ដាញអ៊ីនស្ដារក្រាម (Instagram) ផ្ទាល់ខ្លួន ថែមទាំងពោលពាក្យថា “ជីវិតនាងខ្ញុំប្រៀបបានដូចមាសមួយដុំនេះ” ។

    គួរបញ្ជាក់ផងដែរថា ស្រ្ដីដែលទទួលជ័យជំនះក្នុងការដេញថ្លៃបានពោលទាំងចិត្តត្រេកអរ និងរំភើបថា “នាងសប្បាយចិត្តបំផុតនៅពេលបានទទួលមីក្រូហ្វូននេះ ពីព្រោះនាងធ្លាប់បានបាត់បង់ឱកាសទទួលបានវាម្ដងហើយ ខណៈដែលឃើញ Beyonce នៅឯ Coachella ។ នេះតាមការអះអាងប្រាប់គេទំព័រ TMZ ៕