Tag: Asus

  • ROG Swift PG248Q អេក្រង់កុំព្យូទ័រថ្មី ពិសេសបំផុតសម្រាប់អ្នកចូលចិត្តលេងហ្គេម

    ROG Swift PG248Q អេក្រង់កុំព្យូទ័រថ្មី ពិសេសបំផុតសម្រាប់អ្នកចូលចិត្តលេងហ្គេម

    កាលពីខែមុនក្រុមហ៊ុន Asus នៅកោះតៃវ៉ាន់បានធ្វើការបើកសម្ពោធនូវកុំព្យូទ័រ និងឧបករណ៍បច្ចេកវិទ្យា រួមបញ្ចូលទាំងអេក្រង់កុំព្យូទ័រថ្មីមួយដែលផ្ដោតជាពិសេសសម្រាប់កំពូលអ្នកលេងហ្គេម ម៉ូដែល ROG Swift PG248Q ទំហំ 24.5 អ៊ីញ មាន Aspect Ratio 16 : 9 អាចបង្ហាញរូបភាពកម្រិត Full HD 1920×1080 ភិកសេល។

    អេក្រង់មួយនេះត្រូវបានផលិតឡើងយ៉ាងប្រណីតបែប Gamer ជាមួយនឹងការបំពាក់បច្ចេកវិទ្យា NVIDIA® G-SYNC™ Technology ផ្តល់ជូននូវកម្រិតភាពច្បាស់ល្អឥតខ្ចោះ ជាពិសេសវាមានសមត្ថភាពទ្រទ្រង់ជាមួយនឹងបច្ចេកវិទ្យា NVIDIA® 3D LightBoostTM Technology ធ្វើឱ្យមានទំនុកចិត្តក្នុងការបញ្ជា និងលេងហ្គេមបែប 3D ដែលអាចដំណើរការបានយ៉ាងរលូន ខណៈមាន Overclock refresh rate ដល់ល្បឿន 180Hz ជាមួយនឹង Response time ត្រឹមតែ1ms។ ក្នុងនោះ វាក៏មានរន្ធតភ្ជាប់ជាច្រើន ដូចជាតាមរយៈរន្ធ HDMI ចំនួន 2 រន្ធUSB 3.0 ចំនួន 2 ដែលអាចប្រើសម្រាប់សាកថ្មទូរស័ព្ទ និងឧបករណ៍ដទៃទៀត៕

  • ASUS បើកសម្ពោធ Gaming Store ដំបូងគេបង្អស់នៅកម្ពុជា

    ASUS បើកសម្ពោធ Gaming Store ដំបូងគេបង្អស់នៅកម្ពុជា

    ក្រោយមានតម្រូវការខ្ពស់ជាមួយនឹងកុំព្យូទ័រសម្រាប់លេងហ្គេម និងការងារផ្នែករចនាប្លង់ កាត់តវីដេអូ ក្រុមហ៊ុន Asus បានសម្រេចបើកនូវហាង Gaming Store ដំបូងគេបង្អស់នៅកម្ពុជា ដើម្បីឱ្យអតិថិជនរបស់ខ្លួនអាចធ្វើការចុចប្រើសាកល្បង រាល់កុំព្យូទ័រស៊េរីថ្មីៗដែលមានលក់ក្នុងទីផ្សារ។

    ហាង Gaming Store នោះមានទីតាំងនៅក្នុងផ្សារទំនើប City Mall ជាន់ផ្ទាល់ដី ផ្តោតសំខាន់ទៅលើផលិតផលសម្រាប់ហ្គេម រួមមានដូចជា កុំព្យូទ័រយួរដៃ កុំព្យូទ័រលើតុ គ្រឿងផ្គុំ (Hardware) និងឧបករណ៍ចាំបាច់ជាច្រើនទៀត។

    លោក ឈុន ហ៊ុយ នាយកគ្រប់គ្រងហាង Gaming Store បានឱ្យដឹងថា ការបើកសម្ពោធហាងថ្មីនេះ ផ្ដោតសំខាន់លើក្រុមយុវវ័យដែលនិយមចូលចិត្តលេងហ្គេមតាមរយៈកុំព្យូទ័រ សិស្សនិស្សិត និងអ្នកដែលធ្វើការងារផ្នែករចនាប្លង់ ដែលត្រូវការកុំព្យូទ័រមានសមត្ថភាពខ្លាំង ដំណើរការរលូន ប្រើយូរមិនក្ដៅ ជាដើម។

     

    លោកថ្លែងថា៖«ខ្ញុំចង់អ្នកឱ្យប្រើប្រាស់ ទាំង Gamer ឬអ្នកប្រើប្រាស់ទូទៅ ទទួលបានបទពិសោធដ៏ល្អក្នុងការប្រើប្រាស់របស់ដែលមានគុណភាព និងសេវាកម្មល្អ។ នៅទីនេះ ពួកគាត់អាចប៉ះផ្ទាល់ និងសាកល្បងសមត្ថភាពផលិតផលមុននឹងសម្រេចចិត្តទិញ»។ លោកបន្តថា លក្ខណៈល្អមួយទៀតរបស់ហាងនេះ គឺអ្នកប្រើប្រាស់អាចចូលមកធ្វើការតេស្តសាកល្បងនៅហាងផ្ទាល់តែម្តងមុននឹងធ្វើការសម្រេចចិត្តទិញផលិតផលនានារបស់ ASUS យកទៅប្រើ ដែលនេះវាស្រដៀងនឹង Showroom របស់ក្រុមហ៊ុនលក់ទូរស័ព្ទមួយដូច្នោះដែរ។

     

    ក្នុងនោះ រាល់អតិថិជនទាំងអស់នឹងទទួលបានការប្រឹក្សាយោបល់ពីការទិញឱ្យចំតម្រូវការដែលគាត់ត្រូវការប្រើប្រាស់ មិនថាតែកុំព្យូទ័រយួរដៃ ឬកុំព្យូទ័រលើតុឡើយ៕

  • Asus បញ្ចេញកុំព្យូទ័រ Laptopថ្មី 4 ម៉ូដែល ទាំងឡូយទាំងខ្លាំង

    Asus បញ្ចេញកុំព្យូទ័រ Laptopថ្មី 4 ម៉ូដែល ទាំងឡូយទាំងខ្លាំង

    ក្នុងពិព័រណ៍បច្ចេកវិទ្យាកុំព្យូទ័រ Computex ក្រុមហ៊ុន Asus បានបញ្ចេញកំពូលកុំព្យូទ័រមានរាងស៊ិចស៊ី និងមានសមត្ថភាពខ្លាំង ចំនួន 4 ម៉ូដែល ដែល 3 ម៉ូដែលជាស៊េរី ZenBook ថ្មី និង 2 ទៀតជាស៊េរី VivoBook។

    ប្រធានក្រុមហ៊ុន Asus លោក Jonney Shih បានឱ្យដឹងថា ក្រៅពីកុំព្យូទ័រសម្រាប់អ្នកលេងហ្គេម និងអ្នករចនាហើយ ក្រុមហ៊ុនក៏នៅមានស៊េរីកុំព្យូទ័រជាច្រើនទៀតសម្រាប់តម្រូវចិត្តអ្នកប្រើប្រាស់ទូទៅ ដូចជាការងារការិយាល័យ ការសិក្សា និងការកម្សាន្តផ្សេងៗផងដែរ ដូចជាកុំព្យូទ័រ ZenBook Flip S ដែលលោកកំពុងកាន់ក្នុងដៃនេះ វាមានអេក្រង់ 13.3 អ៊ីញ មានកម្រាស់ស្ដើងត្រឹម 11 មិល្លីម៉ែត្រ ដែលវាស្ដើងជាង MacBook Air ដែលមានកម្រាស់ 17 មិល្លីម៉ែត្រ និងមានទម្ងន់ត្រឹមតែ 1.1 គីឡូក្រាមប៉ុណ្ណោះ។

    លោកបន្តថា Flip S បានបំពាក់មកជាមួយនូវ CPUCore i5 និង i7 ជំនាន់ទី 7 ប្រើ Hard Disk ប្រភេទ SSD ដល់ 1TB និងមាន RAM ទំហំ 16GB ប្រភេទ LPDDR3។ អេក្រង់ 13.3 អ៊ីញ របស់វាអាចបង្ហាញរូបភាពដល់កម្រិត 4K ហើយមានថាមពលថ្មកាន់បានយូររហូតដល់ 11.5 ម៉ោង សម្រាប់ Core i7 ហើយនឹងចេញលក់ក្នុងតម្លៃចាប់ពី 1,099 ដុល្លារអាមេរិក។

    សម្រាប់ម៉ូដែល ZenBook Pro UX550 វិញ មានអេក្រង់15.6 អ៊ីញអាចបង្ហាញរូបភាពកម្រិត 4K ដូចគ្នា និងមានបំពាក់ក្រាហ្វិកដាច់ GTX 1050 Ti ហើយប្រើ CPU i5 7300HQ និង i7-7700HQ។ ក្នុងនោះវាមានទំហំផ្ទុកទិន្នន័យដល់ 1TB ប្រភេទ SSD និងមាន RAM ទំហំ 4GB ប្រភេទ DDR4។ វាមានកម្លាំងថ្មអាចប្រើបានរហូតដល់ 14 ម៉ោង ភ្ជាប់មុខងារសាកថ្មឆាប់ពេញ ពី 0 ទៅ 60% ប្រើពេលត្រឹម 49នាទីប៉ុណ្ណោះ។ ZenBook Pro UX550 នឹងមានលក់លើទីផ្សារក្នុងតម្លៃចាប់ពី 1,299 ដុល្លារអាមេរិក។
    មួយទៀត គឺ ZenBook 3 Deluxe ដែលមានអេក្រង់ 14 អ៊ីញ អាចបង្ហាញរូបភាពត្រឹមកម្រិត 1080p មានកម្រាស់ 12.9 មីល្លម៉ែត្រ ប្រើ CPU i5 និង i7 មាន RAM ទំហំ 16GB ប្រភេទ LPDD3 និងមានអង្គផ្ទុកទិន្នន័យទំហំ 1TB ដូចគេដែរ។ វាក៏មានភ្ជាប់មកនូវរន្ធ Thunderbolt 3 ចំនួន 2 មានមុខងារស្គែនក្រយៅដៃ និងមានតម្លៃចាប់ពី 1,199ដុល្លារអាមេរិកឡើង។

    ហើយចុងក្រោយគេ សម្រាប់ម៉ូដែល VivoBook S មានតម្លៃធូរថ្លៃជាងគេ ក្នុងចំណោមកុំព្យូទ័រថ្មីទាំង 5 ម៉ូដែល ដែលវាមានតម្លៃចាប់ពី 499 ដុល្លារឡើង ដែលអាចទទួលបានលក្ខណៈសម្បត្តិគ្រាន់បើ គឺអាចមានអង្គប្រតិបត្តិការដល់ Core i7-7500U ហើយបំពាក់ក្រាហ្វិក GTX 940M។ សូមបញ្ជាក់ថា ចំពោះតម្លៃដែលបានជម្រាបខាងលើ គឺជាតម្លៃដែលលក់នៅលើទីផ្សារអន្តរជាតិ៕