Tag: Angelina Jolie

  • Angelina Jolie កំពុងព្យាយាមបញ្ចប់រឿងលែងលះជាមួយ Brad Pitt ឱ្យលឿនបំផុត

    Angelina Jolie កំពុងព្យាយាមបញ្ចប់រឿងលែងលះជាមួយ Brad Pitt ឱ្យលឿនបំផុត

    តាមរយៈសារព័តមាន TMZ នៅពេលថ្មីៗនេះបានឱ្យដឹងថា មេធាវីថ្មីរបស់កំពូលតារាសម្ដែងស្រីបបូរមាត់ស្រស់ Angelina Jolie ទើបតែដាក់ឯកសារស្របច្បាប់ស្នើឱ្យចៅក្រមចេញដីកាលែងលះរបស់នាងចុងក្រោយនៅឆ្នាំនេះ។ អ្នកនាង Angelina Jolie ហាក់បីដូចជាមានជំងឺធុញទ្រាន់នឹងរង់ចាំការលះលែងជាមួយលោក Brad Pitt  ហើយក៏កំពុងសុំឱ្យចៅក្រមប្រញាប់ចេញដីការលែងលះបញ្ចប់អាពាហ៍ពិពាហ៍របស់នាង និងដោះស្រាយបញ្ហាការគ្រប់គ្រងកូនៗក្នុងបន្ទុកដល់អ្នកនាង។

    មេធាវីថ្មីរបស់អ្នកនាង បានសរសេរបញ្ជាក់ក្នុងឯកសារបណ្ដឹងថា លោក Brad Pitt មិនត្រូវចិញ្ចឹមកូនទេ ពោលគឺ «សិទ្ធទាមទារចិញ្ចឹមកូន» ចាប់តាំងពីពេលដែលពួកគេបានសម្រេចចិត្តបែកគ្នាកាលពី 2ឆ្នាំមុន។ លោកបន្ដថា លោក Brad Pitt មិនទទួលស្គាល់ការចរចាលើរឿងសិទ្ធិទាមទារចិញ្ចឹមកូននេះឡើយ តែ Jolie ចង់ឱ្យចៅក្រមចេញដីកាគាំទ្រនាងជាផ្លូវការ ចំពោះការមានប្រតិកម្មប្រឆាំងនឹងលោក Brad ជាអតីតស្វាមី។

    គួរបញ្ជាក់ផងដែរថា នាង Jolie គ្រោង​នឹង​យក​កូន​ចិញ្ចឹម​ម្នាក់​ទៀត នៅ​ពេល​ដែល​នាង​ថត និងផ្សព្វ​​ផ្សាយ​ខ្សែ​ភាពយន្ត​ថ្មី រឿង Maleficent 2 រួច​រាល់ ហើយ​វា​ក៏​ដល់​ពេល​វេលាដែល​នាង និងBrad ត្រូវតែចប់​សព្វ​គ្រប់​ដែរ។ យ៉ាងណាមិញ រឿងរ៉ាវនីមួយៗមិនទាន់បានបញ្ចប់ស្រួលបួលផង ស្រាប់មានលេចរឿងភ្ញាក់ផ្អើលមួយទៀតឡើង គឺនាងបាន​លុប​ចោល​ការ​សម្ដែង​របស់​នាង ក្នុង​រឿង​ថ្មី ​”Come Away” ដែល​ជា​រឿងរ៉ាវ​ពីពេល​មុន​របស់​រឿង “Peter Pan” និង ​”Alice in Wonderland”។ តារា​សម្ដែង​ស្រី​រូប​នេះ បាន​ទាក់ទង​ទៅ​ផលិតករ​ដើម្បី​ប្រាប់​ពួកគេ​ថា នាង​បាន​លុប​ចោល​គម្រោង​ថត​រឿង​ថ្មី​នោះ​ហើយ ដែល​បង្កឱ្យ​​គ្រប់គ្នា​មាន​ការ​ភ្ញាក់ផ្អើល​ជា​ខ្លាំងចំពោះការសម្រេចចិត្តរបស់នាង៕

  • អ្នកស្រី អ៊ឺង លួង បង្ហាញភាពស្និទ្ធស្នាលដ៏គួរឱ្យភ្ញាក់ផ្អើលជាមួយអ្នកនាង Angelina Jolie នៅលើកម្រាលព្រំក្រហម

    អ្នកស្រី អ៊ឺង លួង បង្ហាញភាពស្និទ្ធស្នាលដ៏គួរឱ្យភ្ញាក់ផ្អើលជាមួយអ្នកនាង Angelina Jolie នៅលើកម្រាលព្រំក្រហម

    បើតាមការចេញផ្សាយរបស់សារព័ត៌មាននៃចក្រភពអង់គ្លេស Daily Mail នៅថ្ងៃទី19 ខែកុម្ភៈ ឆ្នាំ2018 នេះបានឱ្យដឹងថា អ្នកនិពន្ធជនជាតិខ្មែររស់នៅលើទឹកដីសហរដ្ឋអាមេរិក និងជាសកម្មជនសិទ្ធិមនុស្សពិភពលោក គឺអ្នកស្រី  អ៊ឺង លួង បានបណ្ដើរគ្នាជាមួយកំពូលតារាសម្ដែង Angelina Jolie ដោយបង្ហាញពីភាពស្និទ្ធស្នាលបំផុតរបស់អ្នកទាំងពីរនៅលើកម្រាលព្រំក្រហម ក្នុងការទទួលពានរង្វាន់ភាពយន្ដប្រើប្រាស់ភាសាបរទេសបានល្អបំផុត នៅក្នុងកម្មវិធីមហោស្រពភាពយន្ដ BAFTAs 2018 ។

    អ្នកនិពន្ធរឿង “ដំបូងខ្មែរក្រហមសម្លាប់ប៉ារបស់ខ្ញុំ” រូបនេះ បានបង្ហាញកាយវិការផ្អៀងផ្អងកៀកកើយគ្នាជាមួយអ្នកនាង  Angelina Jolie នៅចំពោះមុខពន្លឺភ្លើងកាមេរ៉ារបស់បណ្ដាអ្នកសារព័ត៌មានអន្ដរជាតិ។ ហើយកាន់តែគួរឱ្យភ្ញាក់ផ្អើលជាងនោះទៀតនោះគឺ តារាស្រីជាម្ចាស់ពានរង្វាន់អូស្កាដ៏ច្រើនរង្វាន់រូបនេះបានប្រឡែងលេងសើចជាមួយអ្នកស្រី អ៊ឺង លួង ដោយបានបញ្ចេញកាយវិការដូចជាមនុស្សស្និទ្ធស្នាលនឹងគ្នាយូរណាស់មកហើយ ដោយមិនចាប់អារម្មណ៍ពីក្រសែភ្នែករបស់ភ្ញៀវកិត្តិយស និងទស្សនិកជនឡើយ។

    គួរបញ្ជាក់ផងដែរថា អ្នកទាំងពីរបានបណ្ដើរគ្នាយ៉ាងត្រសងនៅក្នុងកម្មវិធីទាំងមូល ព្រមទាំងឡើងទទួលពានរង្វាន់រួមគ្នាទៀតផង ធ្វើឱ្យតារាល្បីៗ និងភ្ញៀវកិត្តិយសដែលចូលរួមនៅក្នុងកម្មវិធីទាំងមូល មានការចាប់អារម្មណ៍ខ្លាំងចំពោះទំនាក់ទំនងដ៏សែនល្អរបស់អ្នកទាំងពីរនេះ៕

     

  • នោះ!!…​Angelina Jolie កំពុងមានទំនាក់ទំនងស្នេហាថ្មីជាមួយតារាចម្រៀងកម្ពុជា

    នោះ!!…​Angelina Jolie កំពុងមានទំនាក់ទំនងស្នេហាថ្មីជាមួយតារាចម្រៀងកម្ពុជា

    តាមរយៈសារព័ត៌មាន Teenee បានចេញផ្សាយនៅថ្ងៃទី 19 ខែមករា ឆ្នាំ 2018 នេះបានឱ្យដឹងថា បន្ទាប់ពីបានចែកផ្លូវជាមួយអតីតស្វាមី លោក Brad Pitt មិនទាន់បានយូរប៉ុន្មានផង តារាសម្ដែងស្រីល្បីឈ្មោះ Angelina Jolie ស្រាប់តែលេចឮដំណឹងមកថា នៅទីបំផុតមានបុរសថ្មីវ័យក្មេងជាង បានយកឈ្នះចិត្តរបស់អ្នកនាងហើយ។

    ព័ត៌មានដែលបានទម្លាយចេញមកជាសាធារណៈមួយនេះ គឺបានចេញផ្សាយពីសំណាក់សារព័ត៌មានកម្សាន្ដដ៏ធំមួយនៅសហរដ្ឋអាមេរិក បានចេញផ្សាយថា អ្នកនាង Angelina Jolie កំពុងមានទំនាក់ទំនងស្នេហាថ្មីជាមួយតារាចម្រៀងកម្ពុជា ដែលមានឈ្មោះថា PraCh Ly ជាតារាចម្រៀងរ៉េបជនជាតិកម្ពុជា ហើយក៏ជាមិត្តស្និទ្ធស្នាលជាមួយអ្នកនិពន្ធរឿង និងជាសកម្មជនសិទ្ធិមនុស្ស លោកស្រី អ៊ឹង លួង។ កន្លងមក តារាស្រីល្បីឈ្មោះរូបនេះ បានប្រាស្រ័យទាក់ទងគ្នាយ៉ាងល្អប្រសើរជាមួយអ្នកទាំងពីរខ្លាំងណាស់ រហូតដល់បានបង្កើតទំនាក់ទំនងផ្អែមល្ហែមជាមួយតារាចម្រៀង​ប្រុសខាងលើនេះ។

    គួរបញ្ជាក់ផងដែរថា កាលពីថ្ងៃទៅថ្វាយបង្គំព្រះពុទ្ធ និងធ្វើបុណ្យនៅក្នុងអារាមខ្មែរមួយក្នុង​ទីក្រុង​ Long Beach រដ្ឋ​ California សហរដ្ឋអាមេរិកជាមួយកូនទាំង 5 នាក់ រួមទាំងវត្តមានលោកស្រី អ៊ឹង លួង នោះ សាព័ត៌មានដដែលបានទម្លាយបន្ថែមឱ្យដឹងថា នៅថ្ងៃនោះ អ្នកនាង Angelina Jolie បណ្ដើរគ្នាជាមួយលោក PraCh Ly ហើយលោកក៏ជាអ្នកក្លាយជាមនុស្សសំខាន់របស់អ្នកនាងចាប់តាំងពីថ្ងៃនោះមក ជាពិសេស លោកមានភាពស្និទ្ធ និងត្រូវចិត្តត្រូវថ្លើមគ្នាខ្លាំងបំផុតជាមួយកូនប្រុសចិញ្ចឹមជនជាតិខ្មែរគឺ Maddox៕

  • Angelina Jolie ស្អាតដាច់គេ ខណៈបង្ហាញម៉ូដក្នុងកម្មវិធី  Critics’ Choice Awards 2018

    Angelina Jolie ស្អាតដាច់គេ ខណៈបង្ហាញម៉ូដក្នុងកម្មវិធី  Critics’ Choice Awards 2018

    តាមរយៈសារព័ត៌មាន kenh 14 បានចេញផ្សាយនៅថ្ងៃទី 13 ខែមករា ឆ្នាំ 2018 បានឱ្យដឹងថា នៅក្នុងកម្មវិធី Critics’ Choice Awards 2018 ដែលបានរៀបចំឡើងនៅក្នុងបរិវេណអគារ Santa Monica ក្នុងរដ្ឋ California សហរដ្ឋអាមរិក គេសង្កេតឃើញមានតារាហូលីវូដជាច្រើនដួងបានបង្ហាញខ្លួន រួមជាមួយឈុតរ៉ូបប្លែកៗក្នុងការបង្អួតសម្រស់គ្នា។ ភាពលេចធ្លោ និងមានការចាប់អារម្មណ៍ខ្លាំងជាគេងនៅក្នុងឆ្នាំ 2018 នេះ គឺបានទៅលើអ្នកនាង Angelina Jolie  ,  Gal Gadot  និង Kate Bosworth ជាដើម។

    បើទោះបីជាអ្នកនាង Angelina Jolie  មិនសូវជាមានសាច់ឈាមដូចជាតារាៗដទៃទៀត ក៏ប៉ុន្ដែ ការរៀបចំខ្លួន និងការរចនាម៉ូដស្រាប់ខ្លួនអ្នកនាងផ្ទាល់ បានធ្វើឱ្យទាក់ភ្នែកមហាជនជាច្រើនអ្នក មកចាប់អារម្មណ៍ចំពោះរ៉ូបរាត្រីស្រមោលសមួយនេះ។ ដើម្បីឱ្យកាន់តែជាក់ច្បាស់បន្ថែមទៀតផងនោះ សូមប្រិយមិត្តទាំងអស់គ្នាទស្សនារូបភាពទាំងឡាយខាងក្រោមនេះ៖

  • Angelina Jolie បណ្ដើរកូនចិញ្ចឹមជាតិវៀតណាមឡើងទទួលរង្វាន់

    Angelina Jolie បណ្ដើរកូនចិញ្ចឹមជាតិវៀតណាមឡើងទទួលរង្វាន់

    តាមរយៈសារព័ត៌មាន Mthai ដែលបានចេញផ្សាយនៅថ្ងៃទី10 ខែមករា ឆ្នាំ2018 បានឱ្យដឹងថា អ្នកនាង Angelina Jolie បានបង្ហាញវត្តមានជាថ្មីម្ដងទៀតនៅក្នុងកម្មវិធីប្រគល់ពានរង្វាន់ដ៏ធំសម្បើមមួយប្រចាំឆ្នាំ ព្រមទាំងបានបណ្ដើរកូនប្រុសចិញ្ចឹមជនជាតិវៀតណាមឈ្មោះ PaxThien នៅលើកម្រាលព្រំក្រហមក្នុងកម្មវិធី Golden Globes ជំនាន់ទី 75 ដែលអ្នកនាងបានឈ្នះពានរង្វាន់រឿងហូលីវូដនិយាយភាសាបរទេសល្អបំផុត និងជាភាពយន្ដស្ដីអំពីសិទ្ធិមនុស្ស រឿង “First They Killed My Father”។

    អ្នកនាង Angelina Jolie  បាននិយាយប្រាប់អ្នកសារព័ត៌មានថា «ខ្ញុំមានឱកាសបានធ្វើការងារជាមួយពួកគាត់ ( ជំនួយការផលិតជនជាតិកម្ពុជា ) ហើយកូនៗរបស់ខ្ញុំពីរនាក់ទៀតក៏បានចូលរួមនៅក្នុងការងារថតខ្សែភាពយន្ដនេះដែរ ហើយជាផ្លូវការ អ្នកទាំងអស់គ្នាក៏មានចំណែកបានជួយគាំទ្រខ្សែភាពយន្ដនេះដូចគ្នាដែរ។ ការពិតទៅ ខ្ញុំគ្មានសមត្ថភាពជាម្ដាយ ដែលមិនបានចែករំលែកបទពិសោធនៅក្នុងជីវិតដើម្បីកសាងសេចក្ដីសុខជូនកូនៗបាននោះទេ នោះគឺមកពីខ្ញុំបានជ្រើសរើសពួកគាត់( កូនៗ) ឱ្យមានការពាក់ព័ន្ធជាមួយការងារនេះ ។ ខ្ញុំមានគំនិតមួយចង់បង្ហាញឱ្យពួកគាត់បានឃើញពីបទពិសោធនៃសិល្បៈនេះ ហើយអ្វីដែលសំខាន់ជាងនោះគឺ ភាពពិតប្រាកដ»៕

  • បែកធ្លាយដំណឹង Angelina Jolie ត្រឡប់ជានានឹង Bradd Pitt វិញ

    បែកធ្លាយដំណឹង Angelina Jolie ត្រឡប់ជានានឹង Bradd Pitt វិញ

    មួយរយៈក្រោយនេះ គេសង្កេតឃើញកំពូលតារាស្រីហូលីវូដ អ្នកនាង Angelina Jolie  និងអតីតស្វាមី Brad Pitt កំពុងតែត្រឡប់មកស្និទ្ធស្នាលផ្អែមល្ហែមគ្នាវិញនៅក្នុងអំឡុងពេលពិធីបុណ្យ Christmas ដែលជាថ្ងៃឈប់សម្រាក ព្រមទាំងមានឱកាសបានផ្សះផ្សាជាមួយកូនៗជាទីស្រឡាញ់ទៀតផង។

    តាមរយៈសារព័ត៌មាន Radar បានចេញផ្សាយនៅពេលថ្មីៗនេះ បានឱ្យដឹងថា មានប្រភពមួយប្រាប់ថា នៅក្នុងអំឡុងថ្ងៃឈប់សម្រាកនេះបានធ្វើឱ្យតារាឯកប្រុស Bradd Pitt កាន់តែបង្កើតមនោសញ្ចេតនាជាមួយក្រុមគ្រួសារ ជាពិសេស គឺកូនៗរបស់លោកតែម្ដង។ លោកតែងតែនឹកគិតពិចារណាអំពីកំហុសឆ្គងរបស់ខ្លួនដែលបានធ្វើជ្រុលជ្រួសទៅលើក្រុមគ្រួសារ ហើយលោកតែងតែលើកតម្កើងកូនៗរបស់លោកដូចជា ព្រះអង្គម្ចាស់ និងព្រះនាងតូចជានិច្ច ចំណែកឯ Angelina Jolie វិញក៏មិនដែលមានបញ្ហាអ្វីចំពោះអតីតស្វាមីលោក Brad Pitt ឬរារាំងលោក ខណៈដែលលោកចង់ជួបកូនៗនោះដែរ»។

    ប្រភពដែលស្និទ្ធនឹងក្រុមគ្រួសាររបស់ Angelina Jolie  បានបង្ហើបឱ្យដឹងទៀតថា «ខ្សែភាពយន្តខ្នាតធំមួយដែលទទួលបានពានរង្វាន់ អូស្ការ សម្រាប់ភាពយន្ដហូលីវូដដែលប្រើប្រាស់ភាសាបរទេសបានល្អ របស់អ្នកនាង Angelina Jolie គឺរឿង First They Killed My Father ក៏មានការជួយជ្រោមជ្រែងពីអតីតស្វាមី និងក្រុមហ៊ុន Plan B

    គួរបញ្ជាក់ផងដែរថា កន្លងមក Brad Pitt និងកូនៗចាប់ផ្តើមមានភាពស្និទ្ធស្នាលឡើងវិញក្រោយពី Angelina ព្រមបើកភ្លើងខៀវឲ្យលោកមកជួបមុខកូនៗ ដែលធ្វើឲ្យមជ្ឈដ្ឋាននានាយល់ថា អតីតគូស្វាមីភរិយានេះ អាចនឹងត្រឡប់មកជានាគ្នាវិញ ហើយក៏មានការបកស្រាយជាច្រើនដែលយល់ឃើញផ្ទុយគ្នាដែរថា Pitt ចង់ត្រឡប់មកជួបជុំគ្រួសារវិញ តែអាស្រ័យលើការសម្រេចចិត្តរបស់ Angelina  ឯខ្លះទៀតថា លោកមិនចង់ផ្សះផ្សាទេ បន្ទាប់ពីរងការឈឺចាប់ខ្លាំងកន្លងមក ទោះបីអតីតភរិយាបានសោកស្តាយកំហុសដែលប្តឹងសុំលែងលះនោះក៏ដោយ៕

     

  • Angelina Jolie នាំកូនៗទៅវត្តធ្វើបុណ្យ រំឭកដល់ថ្ងៃកំណើតកូនប្រុសចិញ្ចឹមជនជាតិវៀតណាម

    Angelina Jolie នាំកូនៗទៅវត្តធ្វើបុណ្យ រំឭកដល់ថ្ងៃកំណើតកូនប្រុសចិញ្ចឹមជនជាតិវៀតណាម

    តាមរយៈសារព័ត៌មាន Mthai នៅថ្ងៃទី3 ខែធ្នូ ឆ្នាំ2017 នេះ បានចេញផ្សាយឱ្យដឹងថា កំពូលតារាសម្ដែងស្រី Angelina Jolie បាននាំកូនៗទាំង 5 នាក់ រួមជាមួយនឹងមិត្តភ័ក្ដិជំនិតរបស់អ្នកនាងដែលជាអ្នកនិពន្ធរឿង “ដំបូងខ្មែរក្រហមសម្លាប់ប៉ារបស់ខ្ញុំ” គឺ អ្នកស្រី អ៊ឺង លួង ទៅថ្វាយបង្គំព្រះពុទ្ធ និងធ្វើបុណ្យនៅក្នុងអារាមខ្មែរមួយក្នុង​ទីក្រុង​ Long Beach រដ្ឋ​ California សហរដ្ឋអាមេរិក។

    បើតាមការបង្ហោះរូបជាច្រើនសន្លឹកនៅលើបណ្ដាញសង្គមអ៊ីនស្ដាក្រាមរបស់អ្នកនាងដែលមានឈ្មោះថា @angelina.jolie គេសង្កេតឃើញមានវត្តមានកូនៗទាំងអស់ និងអ្នកនាង Angelina Jolie បានទៅធ្វើបុណ្យ ថ្វាយបង្គំព្រះ អុជធូបទាំងអស់គ្នា លើកលែងតែកូនប្រុសចិញ្ចឹមជនជាតិវៀតណាម ( Pax )ម្នាក់ ដែលអវត្តមានមិនបានចូលរួមសាងកុសលជាមួយគ្នា។ គួរបញ្ជាក់បន្ថែមថា នៅក្នុងថ្ងៃធ្វើបុណ្យនេះផងដែរ គឺក្នុងគោលបំណងរំឭកដល់ថ្ងៃកំណើតរបស់ Pax Thien ដែលបានរំលងកាលពីថ្ងៃពុធ ទី 29 ខែវិច្ឆិកា សប្ដាហ៍មុននេះផងដែរ។

    ដើម្បីឱ្យកាន់តែជាក់ច្បាស់ សូមទស្សនារូបភាពទាំងឡាយខាងក្រោមនេះ៖

  • នារីម្នាក់កែសម្ផស្ស 50 ដង ប្រាថ្នាមានសម្រស់ដូច Angelina Jolie

    នារីម្នាក់កែសម្ផស្ស 50 ដង ប្រាថ្នាមានសម្រស់ដូច Angelina Jolie

    បើតាមការចេញផ្សាយរបស់សារព័ត៌មាន The Mirror កាលពីថ្ងៃទី30 ខែវិច្ឆិកា ឆ្នាំ2017 បានឱ្យដឹងថា នារីជនជាតិអ៊ីរ៉ង់ម្នាក់បានធ្វើការវះកាត់កែសម្ផស្សចំនួន 50 ដង ហើយបានសម្រកទម្ងន់នៅត្រឹម 40 គីឡូក្រាម ដើម្បីសម្រេចបំណងប្រាថ្នាដែលចង់មានរូបសម្ផស្សដូចកំពូលតារាសម្ដែងស្រីល្បីឈ្មោះ Angelina Jolie ។

    នារីម្នាក់នេះត្រូវបានគេស្គាល់ឈ្មោះថា Sahar Tamarah  មានអាយុ 19 ឆ្នាំ ជាជនជាតិអ៊ឺរ៉ង់ មកពីទីក្រុងតេអេរ៉ង់  បានសម្រេចចិត្តធ្វើការវះកាត់កែសម្ផស្សផ្ទៃមុខ ដោយឆ្លងកាត់មុខកាំបិតរបស់គ្រូពេទ្យចំនួន 50 ដងរួចមកហើយក្នុងរយៈពេលតែប៉ុន្មានខែប៉ុណ្ណោះ ដើម្បីឱ្យមានទម្រង់ផ្ទៃមុខរបស់ខ្លួនដូចកំពូលតារាល្បីឈ្មោះ Angelina Jolie។ នារីរូបនេះត្រូវស៊ូទ្រាំបង្អត់អាហារដើម្បីសម្រកទម្ងន់ខ្លួនឯងឱ្យនៅសល់ត្រឹមតែ 40 គីឡូ ដែលអាចឱ្យអ្នកឯទៀតចាប់អារម្មណ៍បែរមកតាមមើលនាងដែលមានរូបរាងដូចគ្នាបេះបិទទៅនឹងតារាស្រីល្បីឈ្មោះ Angelina Jolie ។

    គួរបញ្ជាក់ផងដែរថា រឿងមួយនេះបានក្លាយទៅជាប្រធានបទក្ដៅនៅលើសង្គមអនឡាញយើងនេះ ហើយថែមទាំងមានអ្នកលេងបណ្ដាញសង្គមជាច្រើននាក់បាននិយាយថា នារីជនជាតិអ៊ីរ៉ង់រូបនេះចាប់ផ្ដើមមានរូបរាងដូច  Angelina Jolie ហើយ គ្រាន់តែនៅមានទម្រង់មុខផតចូលក្នុងខ្លាំងបន្តិចប៉ុណ្ណោះ៕

    Nemibakhshamet..!❤️

    A post shared by سحرتبر..!👾✌🏻 (@sahartabar_official) on

    Nemibakhshamet..!❤️

    A post shared by سحرتبر..!👾✌🏻 (@sahartabar_official) on

  • Angelina Jolie និងGwyneth Paltrow ធ្លាប់រងការរំលោភបំពានផ្លូវភេទជាទម្ងន់

    Angelina Jolie និងGwyneth Paltrow ធ្លាប់រងការរំលោភបំពានផ្លូវភេទជាទម្ងន់

    នៅថ្ងៃទី11 ខែតុលា ឆ្នាំ2017 សារព័ត៌មាន BBC បានចេញផ្សាយឱ្យដឹងថា អ្នកនាង Angelina Jolie និងអ្នកនាង Gwyneth Paltrow ដែលជាតារាសម្ដែងល្បីប្រចាំហូលីវូដ បានចេញមកសារភាពថា ពួកអ្នកនាង និងស្ត្រីជាច្រើនរូបទៀតសុទ្ធតែធ្លាប់រងការបំពានផ្លូវភេទយ៉ាងធ្ងន់ធ្ងរពីអ្នកផលិតកម្មវិធីម្នាក់ដែលមានឈ្មោះថា Harvey Weinstein។

    អ្នកនាង Angelina Jolie បានហែកស្បែកមុខបុរសចំណាស់ម្នាក់នេះថា “នាងខ្ញុំធ្លាប់មានបទពិសោធអាក្រក់ៗជាមួយនឹងអ្នកផលិតកម្មវិធី Harvey Weinstein នៅអំឡុងពេលដែលនាងខ្ញុំនៅជាយុវវ័យនៅឡើយ ទើបនាងខ្ញុំបានសម្រេចចិត្តមិនបន្ដធ្វើការងារជាមួយនឹងគាត់ទៀត ព្រមទាំងបានដាស់តឿនដល់អ្នកផ្សេងៗទៀត មិនឱ្យចូលរួមការងារជាមួយបុរសចំណាស់ម្នាក់នេះ។ ការធ្វើបែបនេះដាក់ស្ត្រីភេទ គឺជារឿងរំលោភបំពានសុទ្ធសាធ នឹងមិនអាចលើកលែងទោសឱ្យបានឡើយ”។

    យ៉ាងណាមិញ មិនមែនមានតែតារាស្រី Angelina Jolie តែម្នាក់នោះទេដែលបានចេញមកបកស្រាយរឿងរបស់អ្នកផលិតកម្មវិធីរោគចិត្តមួយនេះ តែនៅមានអ្នកនាង Gwyneth Paltrow ដែលបានរៀបរាប់ដោយមិនលាក់បាំងប្រាប់អ្នកសារព័ត៌មាន BBC ថា “នៅពេលនោះនាងខ្ញុំនៅក្មេងពេក ហើយទើបតែបានចុះកិច្ចសន្យាជាមួយគាត់ នៅពេលនោះនាងខ្ញុំមានអារម្មណ៍ភ័យខ្លាចណាស់។ ខណៈនោះ នាងខ្ញុំក៏បានប្រាប់ដល់ Brad Pitt ផងដែរ ព្រោះពួកយើងនៅទាក់ទងគ្នានៅឡើយ ។ ហើយគាត់បានចេញមុខការពារនាងខ្ញុំពី Harvey Weinstein ដែរ។ ទោះយ៉ាងនោះក៏ដោយ ក្រោយកើតហេតុ នាងខ្ញុំបានគិតថា គាត់គង់តែនឹងបណ្ដេញខ្ញុំចេញដូចតែគ្នាទេ”។

    គួរបញ្ជាក់ផងដែរថា បើទោះមានការអះអាងពីនារីរងគ្រោះដោយការរំលោភបំពានផ្លូវភេទជាច្រើននាក់ដោយសារលោក Harvey Weinstein ក៏ដោយ ក៏ប៉ុន្ដែរហូតមកទល់ពេលនេះ បុរសចំណាស់រូបនេះនៅតែអះអាងប្រាប់អ្នកសារព័ត៌មានថា លោកត្រូវបានគេចោទទាំងបំពាន និងប្រឌិតរឿងដើម្បីបំផ្លាញកេរ្តិ៍ឈ្មោះរបស់លោក៕

     

  • Angelina Jolie រួមការងារពិសេសមួយ ជាមួយអ្នកដឹកនាំរឿងចិន

    Angelina Jolie រួមការងារពិសេសមួយ ជាមួយអ្នកដឹកនាំរឿងចិន

    ក្រោយពីទទួលបានជោគជ័យចំពោះស្នាដៃជាច្រើនកន្លងទៅថ្មីនេះៗ សម្រាប់ខ្សែភាពយន្ដដ៏វិសេសវិសាល និងមានគុណភាពជាខ្សែភាពយន្ដល្អដាច់គេដូចជារឿង “Human Flow” នេះរួចមក អ្នកដឹកនាំរឿង និងជាសិល្បករអាជីពលំដាប់អន្ដរជាតិលោក អាយ វ៉ឺយ វ៉ឺយ ក៏បានអញ្ចើញអ្នកនាង Angelina Jolie មកចូលរួមសហការធ្វើការងារក្នុងរឿងថ្មីរបស់លោក ដែលជារឿងដ៏អស្ចារ្យបំផុតមួយសម្រាប់វិស័យភាពយន្ដក្នុងឆ្នាំ 2017 នេះ។

    ស្ត្រីដែលជាសកម្មជនរបស់អង្គការ UNHCR និងជាវិរនារីសម្រាប់ជនភៀស អ្នកនាង Angelina Jolie គ្រោងនឹងទៅនាំយកខ្សែភាពយន្ដខ្នាតយក្សមួយនេះនៅបណ្ដាប្រទេសចំនួន 23  ហើយអ្នកនាងក៏បានបញ្ជាក់ផងដែរថា អ្នកនាងនឹងជួយដល់អ្នកដឹកនាំរឿងជនជាតិចិនដ៏ឆ្នើមរូបនេះឱ្យចូលទៅកាន់ទីផ្សារភាពយន្ដហូលីវូដ ព្រមទាំងនាំយករឿង  “Human Flow” នេះទៅដាក់បញ្ជាំងនៅទីនោះជាមួយគ្នាផងដែរនៅថ្ងៃទី21 ខែធ្នូ ឆ្នាំ2017 ខាងមុខនេះ។

    ចង់ដឹងថា តើរឿងដែលបរិយាយអំពីសិទ្ធិមនុស្ស និងក្ដីសោកសង្រេងចំពោះមនុស្សជាតិមួយនេះ មានព័ណ៌សម្បុរ និងសាច់រឿងបែបណានោះ សូមទស្សនាវីដេអូខាងក្រោមនេះ៖