Tag: Alexis Sanchez

  • Sanchez មិនប្រាប់ពីអនាគត ខណៈស៊ីលី និងអាល្លឺម៉ង់ ស្មើ 1-1

    Sanchez មិនប្រាប់ពីអនាគត ខណៈស៊ីលី និងអាល្លឺម៉ង់ ស្មើ 1-1

    ខ្សែបម្រើប្រយុទ្ធ Alexis Sanchez បានបដិសេធក្នុងការបញ្ជាក់ពីអនាគតរបស់គេនៅឯក្លិប Arsenal ក្រោយពីបានក្លាយជាកីឡាកររកគ្រាប់បាល់បានច្រើនជាងគេរបស់ក្រុមបាល់ទាត់ជម្រើសជាតិស៊ីលី នៅពេលក្រុមខ្លួនបានបញ្ចប់ក្នុងលទ្ធផលស្មើ 1-1 ជាមួយនឹងក្រុមជម្រើសជាតិអាល្លឺម៉ង់ កាលពីថ្ងៃព្រហស្បតិ៍ ម្សិលមិញក្នុងព្រឹត្តិការណ៍ Confederations Cup។

    តារាឆ្នើមរបស់ក្លិបកាំភ្លើងធំរូបនេះដែលត្រូវបានប្រកាសថា ជាកីឡាករឆ្នើមប្រចាំការប្រកួត បានក្លាយជាអ្នករកគ្រាប់បាល់បានច្រើនជាងគេរបស់ក្រុមស៊ីលី តាមរយៈការរកបានគ្រាប់បាល់ទី38របស់គេ ក្រោយពីដណ្តើមយកប្រៀបផ្សេងៗលើការប្រព្រឹត្តកំហុសរបស់ខ្សែការពារអាល្លឺម៉ង់ នៅដើមតង់ទី1។

    Sanchez មិនទាន់បានចុះហត្ថលេខាលើកុងត្រាថ្មីមួយនៅឡើយទេជាមួយនឹងក្លិប Arsenal និងបានព្រងើយកន្តើយទៅនឹងសំណួរមួយអំពីអនាគតរបស់គេក្នុងពេលរូបគេទទួលរង្វាន់ក្នុងនាមជាកីឡាករឆ្នើមប្រចាំការប្រកួតខាងលើ។ Sanchez បានឲ្យដឹងថា៖ «ខ្ញុំពិតជារីករាយណាស់ក្នុងការក្លាយជាអ្នកគ្រាប់បាល់បានច្រើនជាងគេរបស់ស៊ីលី នៅពេលនេះ។ ក្តីសុបិនរបស់យើងគឺការឈ្នះពានក្នុងយុទ្ធនាការនេះ ហើយយើងមានអារម្មណ៍ថា យើងនឹងមានឱកាសនោះ»។

    បើទោះបីបណ្តោយឲ្យមានគ្រាប់បាល់នាំមុខលើក្រុមខ្លួនក៏ដោយ តែក្រុមគ្មានបទពិសោធ និងក្មេងខ្ចីរបស់អាល្លឺម៉ង់បានធ្វើការវាយបកវិញ ខណៈដែលខ្សែប្រយុទ្ធ Lars Stindl បានរកគ្រាប់បាល់ទី2របស់គេក្នុងយុទ្ធនាការនេះ ដើម្បីជួយឲ្យក្រុមម្ចាស់ជើងឯកពិភពលោកមានគ្រាប់បាល់តាមស្មើវិញ នៅមុនពេលបញ្ចប់តង់ទី1។

    លទ្ធផលនេះ ធ្វើឲ្យក្រុមម្ចាស់ជើងឯកទ្វីបអាមេរិកខាងត្បូង ស៊ីលី ឈរនៅលើកំពូលតារាងនៃពូល B ដោយមានគ្រាប់បាល់ច្រើនជាងក្រុមអាល្លឺម៉ង់ ខណៈដែលក្រុមទាំងពីរមាន4ពិន្ទុដូចគ្នា ដោយនាំមុខ3ពិន្ទុលើក្រុមជម្រើសជាតិអូស្ត្រាលី និងកាមេរូន ដែលបានបញ្ចប់ក្នុងលទ្ធផលស្មើ 1-1 ដែរក្នុងការប្រកួតមុនហ្នឹង។ អាល្លឺម៉ង់ និងស៊ីលី ស្ថិតក្នុងទីតាំងដ៏រឹងមាំក្នុងការឈានទៅវគ្គពាក់កណ្តាលផ្តាច់ព្រ័ត្រ នៅសប្តាហ៍ក្រោយ៕
    ប្រភពពី៖ Sport24

  • Arsenal និង Man City ឈ្នះដូចគ្នាដើម្បីរក្សាការប្រជែងយកកៅអីកំពូលទាំងបួន

    Arsenal និង Man City ឈ្នះដូចគ្នាដើម្បីរក្សាការប្រជែងយកកៅអីកំពូលទាំងបួន

    Alexis Sanchez បានរក្សាក្តីសង្ឃឹមរបស់ Arsenal ក្នុងការប្រជែងយកកៅអីទៅលេងក្នុងក្របខ័ណ្ឌ Champions League នៅរដូវកាលក្រោយ ខណៈដែលគ្រាប់បាល់ស៊ុតបញ្ចូលទី២គ្រាប់របស់គេបានជួយឲ្យក្រុមកាំភ្លើងធំមួយនេះ យកឈ្នះលើក្រុម Sunderland ក្នុងលទ្ធផល ២-០ នាកីឡដ្ឋាន Emirates កាលពីថ្ងៃអង្គារ។ ខ្សែប្រយុទ្ធអន្តរជាតិស៊ីលីរូបនេះ បានក្លាយជាវីរបុរសម្តងទៀតសម្រាប់ក្រុមរបស់លោក Arsen Wenger ខណៈដែលពួកគេបានធានាថា ការប្រជែងរបស់ពួកគេជាមួយនឹងក្រុមហង្សក្រហម Liverpool សម្រាប់តំណែងលេខ៤ នឹងត្រូវបន្តរហូតដល់ថ្ងៃចុងក្រោយនៃរដូវកាលនេះ។

    ទោះបីជាយ៉ាងណា ក្រុម Arsenal ដែលកំពុងតែស្ថិតក្នុងចំណាត់ថ្នាក់លេខ៥ ពិតជាត្រូវការអព្ភូតហេតុក្នុងការឈ្នះកៅអីទៅលេងក្នុងក្របខ័ណ្ឌ Champions League ក្នុងរដូវកាលថ្មីជាលើកទី២០ជាប់ៗគ្នា។ ការដណ្តើមបានជ័យជម្នះជាលើកទី៦របស់ក្រុម Arsenal ពីការប្រកួត៧លើកចុងក្រោយរបស់ពួកគេ បានជួយឲ្យពួកគេដេញតាមពីក្រោយក្រុមហង្សក្រហម Liverpool ត្រឹមតែ១ពិន្ទុប៉ុណ្ណោះ ខណៈដែលនៅសល់ការប្រកួត១លើកទៀតមុននឹងបញ្ចប់រដូវកាលនេះ។ ស្របពេលជាមួយគ្នានេះដែរ គ្រាប់បាល់ស៊ុតបញ្ចូលទីពីសំណាក់កីឡាករ Gabriel Jesus, Kevin de Bruyne និង Yaya Toure បានជួយឲ្យក្រុម Manchester City ស្ថិតយ៉ាងប្រកៀកក្នុងការបញ្ចប់ក្នុងចំណាត់ថ្នាក់កំពូលទាំងបួន ក្រោយពីពួកគេបានយកឈ្នះលើក្រុម West Brom ក្នុងលទ្ធផល ៣-១ កាលពីថ្ងៃអង្គារ។ ខ្សែប្រយុទ្ធ Hal Robson-Kanu បានវាយបកបានមួយគ្រាប់វិញដើម្បីជួយឲ្យក្រុមភ្ញៀវ West Brom ជួបការរីករាយបន្តនៅកីឡដ្ឋាន Etihad។ បច្ចុប្បន្នក្រុមរបស់លោក Pep Guardiola ត្រូវការត្រឹមតែ១ពិន្ទុគត់នៅលើទឹកដីក្រុម Watford នៅថ្ងៃប្រកួតចុងក្រោយនៃរដូវកាលនេះដើម្បីឈ្នះកៅអីទៅកាន់ក្របខ័ណ្ឌ Champions League៕


    ប្រភពពី៖ The Sun

  • Sanchez ជួយឲ្យក្រុមកាំភ្លើងធំ Arsenal ស្ថិតក្នុងការប្រជែងតំណែងកំពូលទាំង៤

    Sanchez ជួយឲ្យក្រុមកាំភ្លើងធំ Arsenal ស្ថិតក្នុងការប្រជែងតំណែងកំពូលទាំង៤

    ខ្សែបម្រើប្រយុទ្ធ Alexis Sanchez បានធ្វើឲ្យក្រុមកាំភ្លើងធំ Arsenal ស្ថិតក្នុងការប្រជែងសម្រាប់តំណែងកំពូលទាំង៤នៅលើតារាងនៃក្របខ័ណ្ឌ Premier League តាមរយៈការដណ្តើមបានជ័យជម្នះជាលើកទី១របស់ពួកគេនៅលើទឹកដីក្រុម Southampton ក្នុងរយៈពេល១៤ឆ្នាំ ក្រោយពីកត់ត្រាជ័យជម្នះក្នុងលទ្ធផល ២-០ កាលពីថ្ងៃពុធម្សិលមិញ។

    ខ្សែបម្រើប្រយុទ្ធអន្តរជាតិសញ្ជាតិស៊ីលីវ័យ២៨ឆ្នាំរូបនេះ បានទម្លុះតំបន់ខ្សែបម្រើរបស់ក្រុម Southampton មុនពេលស៊ុតបាល់បំប៉ោងសំណាញ់ទីនៅនាទី ទី៣០។ គ្រាប់បាល់បញ្ចូលទីនេះ បានធ្វើឲ្យរូបគេក្លាយជាកីឡាកររបស់ក្រុម Arsenal ដំបូងគេដែលស៊ុតបាល់បញ្ចូលទីបាន២០គ្រាប់ក្នុងរដូវកាលមួយ បើគិតចាប់តាំងពីខ្សែប្រយុទ្ធ Robin van Persie រកគ្រាប់បាល់បញ្ចូលទីសរុបបានក្នុងចំនួននេះដូចគ្នាដែរកាលពី៥ឆ្នាំមុន។

    ខ្សែប្រយុទ្ធ Olivier Giroud បានចូលលេងក្នុងនាមជាកីឡាករបម្រុង ក្នុងតង់ទី២ ដើម្បីបំពេញការទទួលជ័យជម្នះរបស់ក្រុមតាមរយៈការតែតបាល់បញ្ចូលទីយ៉ាងល្អនៅនាទី ទី៨៣។ ការទទួលជ័យជម្នះនេះ មានន័យថា ក្រុមរបស់លោក Arsene Wenger ដេញតាមពីក្រោយក្រុមឈរលេខ៤ Manchester City តែ ៣ពិន្ទុប៉ុណ្ណោះ ក្រោយពីបានប្រកួតក្នុងចំនួនស្មើគ្នា និង៤ពិន្ទុតាមពីក្រោយក្រុមលេខ៣ គឺ Liverpool ខណៈដែលនៅសល់មួយប្រកួតទៀតក្នុងដៃ។ បច្ចុប្បន្នក្រុម Arsenal នឹងត្រូវធ្វើដំណើរទៅជួបក្រុម Stoke នៅថ្ងៃសៅរ៍នេះ មុនពេលបញ្ចប់យុទ្ធនាការលីករបស់ពួកគេជាមួយនឹងការប្រកួតលើទឹកដីខ្លួនឯងជាមួយនឹងក្រុម Sunderland និង Everton។

    លោក Wenger អ្នកចាត់ការទូទៅរបស់ក្រុម Arsenal បានឲ្យដឹងថា៖ «យើងបានផ្តោតអារម្មណ៍ ហើយខ្ញុំមានអារម្មណ៍ថា នៅពេលដែលយើងរងនូវការខកចិត្ត យើងបានស្ថិតនៅជាមួយគ្នា»។ គ្រូបង្វឹកសញ្ជាតិបារាំងរូបនេះបានបន្ថែមទៀតថា៖ «យើងបានការពារមិនឲ្យមានគ្រាប់បាល់ចូលទីរបស់យើងបានមួយប្រកួតទៀតហើយ និងខ្ញុំដឹងថា យើងអាចធ្វើដំណើរឆ្ពោះទៅមុខ និងរកគ្រាប់បាល់បញ្ចូលទីបានទៀត។ ក្រុមទាំងមូលពិតជាមានថាមពល មានការផ្តោតអារម្មណ៍ និងបានបង្ហាញពីការស្រេកឃ្លានដ៏គួរឲ្យជឿជាក់ក្នុងការឈ្នះការប្រកួតនេះ»៕

    https://www.youtube.com/watch?v=VembzbJU9Xo
    ប្រភពពី៖ Mirror

  • លោក Wenger កោតសរសើរ Sanchez ខណៈ Arsenal ទៅជួប Chelsea ក្នុងវគ្គផ្តាច់ព្រ័ត្រ

    លោក Wenger កោតសរសើរ Sanchez ខណៈ Arsenal ទៅជួប Chelsea ក្នុងវគ្គផ្តាច់ព្រ័ត្រ

    លោក Arsene Wenger ជឿ​ជាក់​ថា ស្មារតី​ប្រយុទ្ធ​ដែល​ស្ថិត​នៅ​ពី​ក្រោយ​ក្រុម Arsenal ក្នុង​ពេល​ពួក​គេ​ទទួល​ជ័យ​ជម្នះ​ក្នុង​លទ្ធ​ផល ២-១ លើ​ក្រុម Manchester City ក្នុង​ការ​ប្រកួត​ពាន FA Cup វគ្គ​ពាក់​កណ្តាល​ផ្តាច់​ព្រ័ត្រ បាន​កើត​ឡើង​ក្រោម​ជំនួយ​នៃ​ការ​បង្ហាញពី​ទម្រង់​លេង​យ៉ាង​​មុត​ស្រួច​របស់​ខ្សែ​បម្រើ​ប្រយុទ្ធ Alexis Sanchez​។

    គ្រូ​បង្វឹក​របស់​ក្រុម​​កាំ​ភ្លើង​ធំ​រូប​នេះ បាន​ដឹក​នាំ​ឲ្យ​ក្រុម​របស់​លោក​បង្ហាញ​ខ្លួន​ក្នុង​ការ​ប្រកួត​ពាន FA Cup វគ្គ​ផ្តាច់​ព្រ័ត្រ ជា​លើក​ទី​២០ ក្រោយ​ពី​ការ​បង្ហាញ​ពី​ទម្រង់​លេង​យ៉ាងល្អ​មួយ​​សំណាក់​ក្រុម​​មួយ ដែល​រង​នូវ​ការ​រិះ​គន់​ជា​​រឿយ​ៗ​សម្រាប់​ការ​ធ្លាក់​ចូល​ក្នុង​សម្ពាធ​។ ក្នុង​ពេល​ដេញ​តាម​ពី​ក្រោយ​គ្រាប់​បាល់​ក្នុង​តង់​ទី​២​របស់​ខ្សែ​ប្រយុទ្ធ Sergio Aguero ក្រុម​កាំ​ភ្លើង​ធំ Arsenal ហាក់​ស្ថិត​នៅ​ផ្លូវ​ឆ្ពោះ​ទៅកាន់​ការ​រង​បរា​ជ័យ​ដ៏ខក​ចិត្ត​មួយ​ផ្សេង​ទៀត​ទៅ​ហើយ ក្នុង​រដូវ​កាល​ដ៏​ត្រដាប​ត្រដួស​របស់​​ពួក​គេ ក្រោយ​ពី​​ស្ថិត​ក្រោម​ការ​​គ្រប់​គ្រង​​របស់​គូ​ប្រកួត​ខ្លួន​ស្ទើរ​តែ​ទាំង​ស្រុង​​។ ប៉ុន្តែ ក្រុម​មាន​មូល​ដ្ឋាន​នៅ​ទីក្រុង​ឡុងដ៍មួយ​នេះ បាន​បង្ហាញ​ពី​ស្មារតី​ប្រយុទ្ធ​​​ដ៏​មិន​នឹក​ស្មាន​ដល់ ខណៈ​ដែល​កីឡាករ Nacho Monreal បាន​រក​​គ្រាប់​បាល់​តាម​ស្មើ​ដើម្បី​បង្ខំ​ឲ្យ​ឈាន​ដល់​ការ​ប្រកួត​​នៅ​នាទី​បន្ថែម​១៥​នាទី​ពីរ​ដង នៅ​មុន​ពេល​ខ្សែ​ប្រយុទ្ធ​អន្តរ​ជាតិ​ស៊ី​លី Sanchez បាន​រក​គ្រាប់​បាល់​ឈ្នះ​​ជា​មួយ​នឹង​ការ​ស៊ុត​បាល់​បញ្ចូល​ទី​យ៉ាងល្អ​។ (more…)