តារាចម្រៀងស្រី Sandara Park បានចូលខ្លួនមកបកស្រាយរឿងរ៉ាវស្នេហាពីអតីតកាលដែលជាស្នេហ៍គ្រាដំបូង នៅក្នុងកម្មវិធីសម្ភាសតារា “Get It Beauty” កាលពីថ្ងៃម្សិលមិញនេះ។ ជឿថា អ្នកគាំទ្រនាងមួយចំនួនសុទ្ធតែធ្លាប់ជួបប្រទះរឿងរ៉ាវស្នេហាប្រះឆា ឈឺចាប់ ដូចជារូបនាងដែរមិនខាន ហើយនៅក្នុងបទសម្ភាសនោះ នាងបានលើកឡើងថា នាងមានអារម្មណ៍ឈឺចាប់ ហូរទឹកភ្នែកឥតឈប់ឈរចំពោះស្នេហានៅគ្រាដំបូងនេះ។
តារាចម្រៀងវ័យ 27 ឆ្នាំរូបនេះបានពោលថា៖ “ខ្ញុំគិតថា ជីវិតរបស់ខ្ញុំនឹងធ្លាក់ទៅតាមការបែកបាក់សម្ព័ន្ធភាពស្នេហារបស់ខ្ញុំអ៊ីចឹងដែរ”។ មិនតែប៉ុណ្ណោះទេ នាងបានបន្ថែមទៀតថា នាងមិនអាចឈប់សម្រក់ទឹកភ្នែកបានឡើយ បន្ទាប់ពីប្រយុទ្ធជាមួយភាពឈឺចាប់ដែលបែកពីមិត្តប្រុសរបស់នាងថ្មីៗ តែមិនមែនជាការសម្ដែងទេ គឺជាការពិតដែលនិយាយចេញពីក្នុងដួងចិត្តថា “យើងត្រូវតែមានការតស៊ូដែលលំបាកនឹងទទួលយកឱ្យបាន ដោយសារតែការតស៊ូនេះហើយ ទើបខ្ញុំមិនអាចឈប់យំបានទេ បើទោះជាក្នុងពេលថតកម្មវិធីក៏ដោយ ខ្ញុំមិនអាចបញ្ឈប់ទឹកភ្នែកមិនឱ្យហូរនៅនឹងមុខទស្សនិកជនបានទេ”។
អតីតសមាជិកក្រុមចម្រៀងស្រី 2NE1 បានពោលបញ្ជាក់ជាចុងក្រោយថា “បន្ទាប់ពីខ្ញុំបានខ្ចប់អារម្មណ៍នេះទុកនៅក្នុងថតតុយ៉ាងជ្រៅហើយ ខ្ញុំបានសម្រេចចិត្តបំផ្លាញកាដូឈឺចាប់ដែលបានទទួលពីបុរសម្នាក់នោះចោលឱ្យអស់ ហើយទទួលយកកាដូថ្មីពីខ្លួនឯង គឺការសម្រាក ដើរលេងសប្បាយជាមួយអ្នកគាំទ្រ និងមិត្តភ័ក្តិ”៕
