2023 - La Reine Media

តាក់ស៊ីហោះស្វ័យប្រវត្តរបស់ចិន ចាប់ផ្ដើមជើងហោះហើរពាណិជ្ជកម្ម

January 2, 2024 by សឿន សំណាង

(ប្រទេសចិន) – EH216-S ដែលជាតាក់ស៊ីហោះអគ្គិសនីពីរកៅអី ដែលទទួលបានវិញ្ញាបនបត្រសុវត្ថិភាព ទើបតែសម្រេចបានជើងហោះហើរពាណិជ្ជកម្មដំបូងនៅក្នុងខេត្ត Anhui កាលពីថ្ងៃទី 28 ធ្នូ 2023។ យន្តហោះដ្រូនដំបូងគេលើពិភពលោកដែលទទួលបានវិញ្ញាបនបត្រស្ដីពីយានជំនិះអគ្គិសនីគ្មានមនុស្សបើកបរ ដែលហោះឡើង-ចុះចតត្រង់ បានទទួលជោគជ័យក្នុងជើងហោះហើរពាណិជ្ជកម្មដំបូងនៅក្នុងខេត្ត Anhui ភាគខាងកើតប្រទេសចិន កាលពីថ្ងៃទី 28 ធ្នូ 2023។ ត្រូវបានអភិវឌ្ឍដោយ EHang Holdings ដែលជាក្រុមហ៊ុនបច្ចេកវិទ្យាអាកាសចរណ៍ទីក្រុងរបស់ចិន យន្តហោះគ្មានមនុស្សបើកបរ (UAV) សម្រាប់ដឹកអ្នកដំណើរ EH216-S ត្រូវបាននាយកដ្ឋានអាកាសចរណ៍ស៊ីវិលចិន (CAAC) ទទួលស្គាល់ថាមានសុវត្ថិភាពក្នុងការហោះហើរ កាលពីខែតុលា 2023។ តាក់ស៊ីហោះដែលមានកៅអីចំនួនពីរ មានស្លាបកង្ហារចំនួន 16 បញ្ចប់ការហោះហើរបែបពាណិជ្ជកម្មមួយជើងៗចំណាយពេលពី 3 ទៅ 5 នាទី និងហោះលើកម្ពស់ប្រហែល 50 ម៉ែត្រ ក្នុងល្បឿន 36 គីឡូម៉ែត្រក្នុងមួយម៉ោង។ EH216-S ដំណើរការទាំងស្រុងដោយអគ្គិសនី និងភ្ជាប់ទំនាក់ទំនងជាមួយនឹងស្ថានីយគ្រប់គ្រងនៅលើដី ក៏ដូចជាដំណើរការប្រព័ន្ធតាមរយៈបណ្ដាញអ៊ីនធើណិតល្បឿនលឿន ដូច្នេះអាចដោះស្រាយបញ្ហាអាក្រក់បានទាន់ពេល។ តាក់ស៊ីហោះ EH216-S របស់ក្រុមហ៊ុនចិន … Read more

កត្តាជាច្រើនដែលនាំឱ្យគេសង្ឃឹមថា សេដ្ឋកិច្ចពិភពលោកក្នុងឆ្នាំ 2024 នឹងល្អប្រសើរជាងបច្ចុប្បន្ន

December 30, 2023 by សឿន សំណាង

សន្ទស្សន៍ភ្ញាក់ផ្អើលសេដ្ឋកិច្ចសកលរបស់ Citigroup បង្ហាញថា ទិន្នន័យជាក់ស្ដែងនានាក្នុងឆ្នាំ 2023 សុទ្ធតែខ្ពស់ជាងការព្យាករ ហើយនេះគឺជាមូលហេតុដែលគ្រប់គ្នាមានសុទិដ្ឋិនិយមចំពោះសេដ្ឋកិច្ចរបស់ឆ្នាំ 2024។ ទំព័រ Financial Times ថ្មីៗនេះបានចេញផ្សាយថា 2023 គឺជាឆ្នាំដ៏ប្រសើរមួយចំពោះសេដ្ឋកិច្ចពិភពលោក នៅពេលសន្ទស្សន៍ភ្ញាក់ផ្អើលសេដ្ឋកិច្ចសកលរបស់ Citigroup (Global’s Global Citigroup Economic Surprise Index) បង្ហាញថា ទិន្នន័យជាក់ស្ដែងនានាក្នុងឆ្នាំ 2023 សុទ្ធតែខ្ពស់ជាងការព្យាករ។ និន្នាការសេដ្ឋកិច្ចខាងលើនេះក៏ស្ដែងឱ្យឃើញនូវមូលហេតុជាច្រើនដែលគ្រប់គ្នាអាចជឿជាក់បានចំពោះសេដ្ឋកិច្ចក្នុងឆ្នាំ 2024។ ខាងក្រោមនេះគឺជាកត្តាមួយចំនួនដែលអាចជំរុញឱ្យសេដ្ឋកិច្ចក្នុងឆ្នាំ 2024 ល្អប្រសើរជាងឆ្នាំ 2023៖ ទីមួយ៖ សេដ្ឋកិច្ចពិភពលោកបានបង្ហាញនូវលទ្ធភាពងើបឡើងវិញដ៏គួរឱ្យចាប់អារម្មណ៍។ យោងតាមសន្ទស្សន៍សកលរបស់ Fitch Ratings នៅក្នុងត្រីមាសទីបីនៃឆ្នាំ 2023 ផលិតផលក្នុងស្រុកសរុប (GDP) របស់ពិភពលោក គឺខ្ពស់ជាង 9% បើធៀបនឹងដំណាក់កាលមុនវិបត្តិសុខភាពសកល។ ទីពីរ៖ អតិផរណាកំពុងថយចុះលឿន។ អតិផរណារបស់ពិភពលោកស្ថិតនៅក្នុងកម្រិត 8.9% កាលពីឆ្នាំ 2022 ហើយគ្រោងនឹងថយចុះ 5.1% នៅចុងឆ្នាំ 2024។ … Read more

នាយករដ្ឋមន្ត្រីថៃ ប្រកាសទ្រព្យសម្បត្តិជាសាធារណៈ

December 30, 2023December 30, 2023 by សឿន សំណាង

នាយករដ្ឋមន្ត្រីថៃ លោក Srettha ប្រកាសថា លោកមានទ្រព្យជិត 19 លានដុល្លារអាម៉េរិក ក្នុងនោះមានរថយន្តទំនើបមួយគ្រឿងដែលមានតម្លៃជាង 1.4 លានដុល្លារអាម៉េរិក និងនាឡិកាចំនួន 38 គ្រឿងផងដែរ។ អង្គភាពជាតិប្រឆាំងអំពើពុករលួយថៃ (NACC) កាលពីថ្ងៃទី 28 ធ្នូ បានឱ្យដឹងថា នាយករដ្ឋមន្ត្រី Srettha Thavisin និងជាអតីតអ្នកជំនួញផ្នែកអចលនទ្រព្យ មានទ្រព្យសម្បត្តិតម្លៃជិត 660 លានបាត (ជាង 18.9 លានដុល្លារអាម៉េរិក)។ ច្បាប់ប្រឆាំងអំពើពុករលួយរបស់ប្រទេសថៃ តម្រូវឱ្យមន្ត្រីរាជការប្រកាសទ្រព្យសម្បត្តិ និងបំណុលរបស់ខ្លួន និងភរិយា/ស្វាមី ក្នុងរង្វង់ 60 ថ្ងៃ រាប់ចាប់ពីថ្ងៃចូលកាន់តំណែង។ យោងតាម NACC នាយករដ្ឋមន្ត្រីថៃមានសាច់ប្រាក់សុទ្ធមួយលានបាត (ជាង 28,700 ដុល្លារអាម៉េរិក), ជិត 69 លានបាត (ជាង 1.9 លានដុល្លារ) ក្នុងធនាគារចំនួន 47 ស្ថាប័ន និងជាង 1.3 លានបាត … Read more

ស្ត្រីដំបូងគេលើពិភពលោកដែលមានទ្រព្យ 100 ពាន់លានដុល្លារអាម៉េរិក

December 29, 2023 by សឿន សំណាង

Francoise Bettencourt Meyers ដែលជាស្ត្រីមានទ្រព្យសម្បត្តិច្រើនជាងគេលើពិភពលោក ទើបតែបានក្លាយជាស្ត្រីដំបូងគេបង្អស់ដែលមានទ្រព្យ 100 ពាន់លានដុល្លារអាម៉េរិក។ យោងតាមបញ្ជីចំណាត់ថ្នាក់មហាសេដ្ឋី Bloomberg Billionaire’s Index គិតត្រឹមថ្ងៃទី 28 ធ្នូ 2023 អ្នកស្រី Francoise Bettencourt Meyers ដែលជាអ្នកស្នងមរតកក្រុមហ៊ុន L’Oreal បានក្លាយជាមហាសេដ្ឋិនីដំបូងគេលើពិភពលោក ដែលមានទ្រព្យ 100 ពាន់លានដុល្លារអាម៉េរិក។ បច្ចុប្បន្ន អ្នកស្រីគឺជាអ្នកមានជាងគេលំដាប់ទី 12 លើពិភពលោក និងនៅពីលើមហាសេដ្ឋីឥណ្ឌា លោក Mukesh Ambani ទៀតផង។ ចាប់ពីដើមឆ្នាំ ទ្រព្យសម្បត្តិរបស់អ្នកស្រីបានកើនបន្ថែម 28.6 ពាន់លានដុល្លារ ដោយសារតែភាគហ៊ុន L’Oreal កើនឡើង 35%។ ចំណែកបញ្ជីចំណាត់ថ្នាក់មហាសេដ្ឋីរបស់ Forbes ក៏បានឱ្យដឹងថា ទ្រព្យសម្បត្តិរបស់អ្នកស្រី Bettencourt Meyers កើនជិតដល់ 100 ពាន់លានដុល្លារ ពោលគឺ 99.6 ពាន់លានដុល្លារអាម៉េរិក។ L’Oreal … Read more

អ្នកវិនិយោគចិនខេត្តយុនណាន នឹងមកបង្កើតតំបន់សេដ្ឋកិច្ចពិសេសមួយនៅខេត្តសៀមរាប

December 29, 2023December 29, 2023 by សឿន សំណាង

ផ្ទៃដីប្រមាណ 1,000 ហិកតា នៅជុំវិញអាកាសយានដ្ឋានអន្តរជាតិខេត្តសៀមរាប នឹងត្រូវបានរៀបចំជាតំបន់សេដ្ឋកិច្ចពិសេស ដើម្បីទាក់ទាញអ្នកវិនិយោគចិននៅខេត្តយុនណានជាពិសេស មកបណ្ដាក់ទុនក្នុងវិស័យកសិ-ចំណីអាហារនៅកម្ពុជា។ នាព្រឹកថ្ងៃទី 29 ខែធ្នូ ឆ្នាំ 2023 នៅទីស្តីការក្រុមប្រឹក្សាអភិវឌ្ឍន៍កម្ពុជា (អ.ក.អ) ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា (គ.វ.ក.) បានដឹកនាំក្រុមការងារ ទទួលជួបគណៈប្រតិភូនៃមន្ទីរពាណិជ្ជកម្មខេត្តយុនណាននៃសាធារណរដ្ឋប្រជាមានិតចិន តំណាងដោយ លោក Ma Jun អគ្គនាយករង ដើម្បីពិភាក្សាការងារអំពីទិសដៅចំពោះមុខសម្រាប់ការងារពាក់ព័ន្ធនឹងការជំរុញ និងទាក់ទាញគម្រោងវិនិយោគនៅកម្ពុជា និងកិច្ចសហប្រតិបត្តិការសេដ្ឋកិច្ចឆ្លងកាត់ព្រំដែនក្រោមក្របខ័ណ្ឌមេគង្គ-ឡានឆាង និងមហាអនុតំបន់មេគង្គ។ នេះបើតាមការចេញផ្សាយរបស់ ក្រុមប្រឹក្សាអភិវឌ្ឍន៍កម្ពុជា។ នៅក្នុងជំនួបនេះ ភាគីកម្ពុជា បានបង្ហាញជំនឿចិត្តយ៉ាងមុតមាំថា ក្នុងឆ្នាំ 2024 ខាងមុខ តំណាង Yunnan Construction Group នឹងសហការជាមួយដៃគូរបស់ខ្លួន មកធ្វើអានុភាវូបនីយកម្មផ្ទៃដីប្រមាណ 1,000 ហិកតា នៅជុំវិញអាកាសយានដ្ឋានអន្តរជាតិខេត្តសៀមរាប ដើម្បីរៀបចំជាតំបន់សេដ្ឋកិច្ចពិសេស ក្នុងបំណងចងក្រងឧស្សាហកម្មលើវិស័យកសិ-ចំណីអាហារ នៃខេត្តយុនណាន មកបណ្តាក់ទុនវិនិយោគដើម្បីបំពេញតម្រូវការទីផ្សារចំណីអាហារនៅកម្ពុជា និងនៅក្នុងតំបន់។ យោងតាម ក.អ.ក ភាគីកម្ពុជា … Read more

រ៉ុក្កែតរបស់ SpaceX នាំយក «យានមហាសម្ងាត់» របស់អាម៉េរិក ឡើងទៅទីអវកាសខ្ពស់ជាងមុន

December 29, 2023 by សឿន សំណាង

យន្តហោះអវកាសដ៏អាថ៌កំបាំង X-37B ត្រូវបានបាញ់បង្ហោះតាមរ៉ុក្កែត Falcon Heavy ពី Florida ចាប់ផ្ដើមបេសកកម្មទី 7 នៅលើគន្លងតារាវិថីខ្ពស់ជាង បើធៀបនឹងបេសកកម្មមុនៗ។ យានអវកាសស្វ័យប្រវត្ត X-37B របស់កងទ័ពអាម៉េរិក ហោះទៅកាន់ទីអវកាសតាមរយៈរ៉ុក្កែត Falcon Heavy របស់ក្រុមហ៊ុនអាម៉េរិក SpaceX ពីមជ្ឈមណ្ឌលអវកាស Kennedy (KSC) របស់ទីភ្នាក់ងារអវកាសអាម៉េរិក (ណាសា – NASA) កាលពីវេលាម៉ោង 20 និង 07 នាទី ថ្ងៃទី 28 ធ្នូកន្លងទៅ ដែលត្រូវនឹងម៉ោង 07 និង 07 នាទី ថ្ងៃទី 29 ធ្នូ នៅកម្ពុជា ក្រោយពីបានពន្យារពេលច្រើនសប្ដាហ៍ ដោយសារអាកាសធាតុមិនល្អ។ ការបាញ់បង្ហោះកាលពីថ្ងៃទី 28 ធ្នូ គឺជាជើងហោះហើរទី 7 របស់ X-37B និងជាជើងហោះហើរដំបូងដែលធ្វើឡើងជាមួយនឹងរ៉ុក្កែត Falcon Heavy … Read more

រថយន្តអគ្គិសនីបង្កើតបានកំណត់ត្រាថ្មី៖ «បរឡើងដល់កម្ពស់ 6,500 ម៉ែត្រ»

December 29, 2023 by សឿន សំណាង

(ប្រទេសស៊ីលី) – រថយន្តអគ្គិសនី Terren ដែលប្រើប្រាស់ថាមពលព្រះអាទិត្យ បង្កើតបានប្រវត្តិសាស្ត្រថ្មី នៅពេលបរឡើងខ្នងភ្នំភ្លើងសកម្មខ្ពស់បំផុតលើពិភពលោក។ ក្រុម Peak Evolution ដែលមានគ្នា 3 នាក់ ធ្វើការនៅប្រទេសស្វ៊ីស បើកបររថយន្តដឹកទំនិញប្រើថាមពលព្រះអាទិត្យ Terren ឡើងខ្នងភ្នំភ្លើង Ojos del Salado នៅប្រទេសស៊ីលី ដែលជាភ្នំភ្លើងសកម្មខ្ពស់បំផុតលើពិភពលោក។ នេះគឺជាលើកដំបូងដែលរថយន្តអគ្គិសនីអាចបរឡើងដល់កម្ពស់ 6,500 ម៉ែត្រ ធៀបនឹងផ្ទៃទឹកសមុទ្រ។ យោងតាម Interesting Engineering ចុះផ្សាយកាលពីថ្ងៃទី 27 ធ្នូ នេះគឺជាជំហានថ្មីរបស់បច្ចេកវិទ្យាបៃតង។ រថយន្ត Terren សម្រាប់ប្រើប្រាស់ក្នុងដំណើរកម្សាន្តបែបផ្សងព្រេង គឺជារថយន្តដឹកទំនិញដែលត្រូវបានកែច្នៃពីរថយន្តម៉ូដែល Aebi VT450 Transporter របស់ក្រុមហ៊ុនស្វ៊ីស Aebi Schmidt។ សមាជិករបស់ក្រុម Peak Evolution បានអភិវឌ្ឍ Terren ឱ្យទៅជារថយន្តអគ្គិសនីពហុមុខងារ។ Terren បំពាក់ប្រព័ន្ធបើកបរកង់ក្រោយដើម្បីបង្កើនភាពបត់បែន និងប្រើប្រាស់ថ្មផ្ទុកអគ្គិសនី 90kWh ដែលអាចធ្វើដំណើរបាន 200 … Read more

ការនាំចេញរបស់កម្ពុជាទៅកាន់ទីផ្សារអាម៉េរិកសម្រេចបានជាង 8 ពាន់លានដុល្លារ ខណៈទីផ្សារចិនសម្រេចបាន 1.31 ពាន់លានដុល្លារ

December 28, 2023 by សឿន សំណាង

(ភ្នំពេញ) – ក្នុងរយៈពេល 11 ខែដំបូងនៃឆ្នាំ 2023 កម្ពុជាបាននាំចេញទំនិញទៅកាន់ទីផ្សារអន្តរជាតិក្នុងតម្លៃសរុបជាង 20.49 ពាន់លានដុល្លារអាម៉េរិក កើន 1.2% បើធៀបនឹងរយៈពេលដូចគ្នាក្នុងឆ្នាំកន្លង។ នេះបើតាម អគ្គនាយកដ្ឋានគយ និងរដ្ឋាករកម្ពុជា (GDCE)។ យោងតាមស្ថិតិរបស់ GDCE ការនាំទំនិញពីកម្ពុជាទៅកាន់ សហរដ្ឋអាមេរិក សម្រេចបាន 8.14 ពាន់លានដុល្លារ នៅក្នុង 11 ខែដំបូងនៃឆ្នាំ 2023 ដែលនេះប្រហែលនឹង 39.7% បើធៀបនឹងតម្លៃនាំចេញសរុប ប៉ុន្តែថយចុះ 0.9% បើធៀបនឹង 11 ខែដំបូងនៃឆ្នាំ 2022។ សហរដ្ឋអាម៉េរិក បច្ចុប្បន្នគឺជាទីផ្សារនាំចេញធំជាងគេរបស់កម្ពុជា។ ក្រៅពីទីផ្សារខាងលើ កម្ពុជាក៏នៅមានទីផ្សារនាំចេញធំៗមួយចំនួនផ្សេងទៀត ក្នុងនោះវៀតណាមជាទីផ្សារនាំចេញធំទីពីររបស់កម្ពុជា ដោយតម្លៃនៃការនាំចេញសម្រេចបាន 2.61 ពាន់លានដុល្លារអាម៉េរិក ខណៈដែលទីផ្សារចិនសម្រេចបាន 1.31 ពាន់លានដុល្លារ ជប៉ុនសម្រេចបាន 1.06 ពាន់លានដុល្លារ និងកាណាដាសម្រេចបានជាង 774 ពាន់លានដុល្លារ។ ជារួម តម្លៃនៃការនាំចេញទំនិញទៅកាន់ទីផ្សារធំៗចំនួនប្រាំខាងលើ … Read more

នាវាទេសចរណ៍ខ្នាតធំដែលធ្លាប់ទទួលបានជំនួយពីកម្ពុជាក្នុងសម័យកូវីដ បានត្រឡប់មកជាថ្មី

December 28, 2023 by សឿន សំណាង

(ខេត្តព្រះសីហនុ) – នាវាទេសចរណ៍ខ្នាតធំ Westerdam នាថ្ងៃទី 28 ធ្នូ 2023 នេះ ត្រូវបានអនុញ្ញាតឱ្យចូលចតនៅកំពង់ផែស្វយ័តក្រុងព្រះសីហនុ ដើម្បីឱ្យភ្ញៀវនៅលើនាវានេះឡើងមកកម្សាន្តនៅក្នុងខេត្តព្រះសីហនុ និងខេត្តកែប។ នេះបើតាមទំព័រ CPP។ នេះគឺជាការចូលចតជាលើកទីពីររបស់នាវាទេសចរណ៍ Westerdam នៅកំពង់ផែរបស់កម្ពុជា បន្ទាប់ពីការចូលចតលើកទីមួយកាលពីឆ្នាំ 2020 ជាពេលដែលពិភពលោកកំពុងប្រឈមនឹងវិបត្តិសុខភាព និងជាពេលដែលនាវានេះត្រូវបានប្រទេសជាច្រើនបដិសេធការស្នើសូមចូលចត។ ការចូលចតជាលើកទីពីរដែលធ្វើឡើងនៅថ្ងៃទី 28 ខែធ្នូ ឆ្នាំ 2023 របស់ Westerdam គឺមានភ្ញៀវទេសចរណ៍ជាងពីរពាន់នាក់។ ដំណើរចូលចតជាថ្មីនេះ ត្រូវបានក្រសួងទេសចរណ៍ សហការជាមួយរដ្ឋបាលខេត្តព្រះសីហនុ រៀបចំពិធីទទួល ក៏ដូចជារំលឹកខួបបីឆ្នាំនៃការស្នើសូមចូលចតរបស់នាវា Westerdam នៅកម្ពុជា។ យោងតាមឯកឧត្តម សុខ សូកេន រដ្ឋមន្ត្រីក្រសួងទេសចរណ៍ ក្នុងចំណោមភ្ញៀវជាងពីរពាន់នាក់នៅលើនាវានេះ មានភ្ញៀវប្រមាណ 500 នាក់បានឡើងមកទស្សនានៅរមណីយដ្ឋាននានាក្នុងខេត្តព្រះសីហនុ និងខេត្តកែប។ «តាមរយៈការចូលចតជាលើកទីពីររបស់នាវាទេសចរណ៍ Westerdam នេះ នឹងជួយទាក់ទាញនាវាទេសចរណ៍ខ្នាតធំមកកាន់កម្ពុជា នាឆ្នាំក្រោយបន្តបន្ទាប់ទៀត» រដ្ឋមន្ត្រីក្រសួងទេសចរណ៍សង្ឃឹមដូច្នេះ។ យោងតាមឯកឧត្ដមរដ្ឋមន្ត្រី នាវាទេសចរណ៍នេះនឹងចតនៅកម្ពុជាក្នុងរយៈពេលមួយថ្ងៃ ហើយគ្រោងនឹងចាកចេញពីកម្ពុជានៅវេលាម៉ោង 9 … Read more

តំបន់សេដ្ឋកិច្ចពិសេសកម្ពុជា – ជប៉ុន អាចនឹងបង្ហាញវត្តមាននៅកម្ពុជា នាពេលខាងមុខ

December 27, 2023 by សឿន សំណាង

តំបន់សេដ្ឋកិច្ចពិសេសកម្ពុជា – ជប៉ុន កំពុងត្រូវបាន កម្ពុជា និងជប៉ុន រៀបគម្រោងសិក្សា និងអាចត្រូវបានបង្កើតឡើងនាពេលខាងមុខ ដើម្បីលើកទឹកចិត្ត និងទាក់ទាញអ្នកវិនិយោគជប៉ុន មកបណ្ដាក់ទុនរកស៊ីនៅកម្ពុជាបន្ថែមទៀត។ កាលពីថ្ងៃទី 25 ធ្នូ 2023 នៅក្នុងកិច្ចប្រជុំមួយដែលដឹកនាំដោយឯកឧត្ដម ស៊ុន ចាន់ថុល ឧបនាយករដ្ឋមន្ត្រី អនុប្រធានទីមួយនៃក្រុមប្រឹក្សាអភិវឌ្ឍន៍កម្ពុជា និងគណៈប្រតិភូនៃប្រទេសជប៉ុន ដែលដឹកនាំដោយលោក Ueno Atsushi ឯកអគ្គរាជទូតជប៉ុនប្រចាំនៅកម្ពុជា បានពិភាក្សាគ្នាអំពីការងារភស្ដុភារកម្ម ហេដ្ឋារចនាសម្ព័ន្ធដឹកជញ្ជូន និងកំពង់ផែនៅកម្ពុជា។ ជំនួបខាងលើនេះ ពិភាក្សាគ្នាដោយផ្ដោតលើ «ការពង្រីកវិសាលភាពកំពង់ផេស្វយ័តក្រុងព្រះសីហនុ» និងគម្រោងសិក្សា រៀបចំបង្កើតតំបន់សេដ្ឋកិច្ចពិសេសកម្ពុជា-ជប៉ុន» (Cambodia-Japan Special Economic Zone) ដើម្បីប្រែក្លាយកំពង់ផែស្វយ័តក្រុងព្រះសីហនុឱ្យក្លាយជាកំពង់ផែតំបន់។ នេះបើតាម ក្រុមប្រឹក្សាអភិវឌ្ឍន៍កម្ពុជា ចេញផ្សាយកាលពីថ្ងៃទី 25 ធ្នូ 2023៕

របកគំហើញថ្មីស្ដីពី «បទពិសោធន៍ជិតស្លាប់»៖ ខួរក្បាលនៅតែដំណើរការបានរហូតដល់ 60 នាទី ក្រោយពីបេះដូងឈប់ដើរ

December 27, 2023 by សឿន សំណាង

ក្រុមអ្នកវិទ្យាសាស្ត្របានរកឃើញថា ខួរក្បាលរបស់មនុស្សនៅតែអាចដំណើរការបានរហូតដល់មួយម៉ោង ក្រោយពីបេះដូងរបស់ពួកគេលែងដើរ។ រលកសញ្ញាខួរក្បាល រួមនឹងការស្រមៃអំពីជីវិតរបស់អ្នកជំងឺ អាចបកស្រាយបាននូវអ្វីដែលហៅថា «បទពិសោធន៍ជិតស្លាប់»។ លទ្ធផលនៃការសិក្សាស្រាវជ្រាវកាលពីពេលថ្មីៗនេះបង្ហាញថា ក្នុងចំណោម 10 នាក់ដែលបានចូលរួមពិសោធន៍ គឺមានមនុស្ស 4 នាក់អាចរៀបរាប់ឡើងវិញនូវអ្វីដែលកើតឡើងនៅក្នុងអារម្មណ៍ បន្ទាប់ពីពួកគេបានជួបនឹងស្ថានភាពជិតស្លាប់។ ក្រុមអ្នកស្រាវជ្រាវឱ្យដឹងថា ជារៀងរាល់ឆ្នាំ មានមនុស្សពី 350,000 នាក់ ដល់ 750,000 នាក់នៅ សហរដ្ឋអាម៉េរិក ជួបករណីបេះដូងឈប់ដើរ ពោលគឺប្រហែលពី 1,000 ទៅ 2,000 នាក់/ថ្ងៃ ហើយអត្រានៃការរួចពីការស្លាប់គឺ 10% ដែលប្រហែលនឹងពី 100 ទៅ 200 នាក់។ ការសិក្សាស្រាវជ្រាវត្រូវបានធ្វើឡើងតាំងពីឆ្នាំ 2015 និងប្រកាសកាលពីដើមឆ្នាំ 2023 នៅលើទស្សនាវដ្ដី Resuscitation។ ក្នុងរយៈពេលប្រហែល 3 ឆ្នាំនៃការស្រាវជ្រាវ ក្រុមអ្នកវិទ្យាសាស្ត្របានធ្វើការតាមដានអ្នកជំងឺដែលជួបបញ្ហាបេះដូងឈប់ដើរចំនួន 567 ករណី ក្នុងនោះមាន 53 ករណីត្រូវបានសង្គ្រោះ ហើយក្នុងចំណោមនេះមាន 28 នាក់អាចឆ្លើយសំណួរសម្រាប់ការសិក្សាស្រាវជ្រាវ។ … Read more

កម្ពុជា មានសមត្ថភាពកិនកែច្នៃអង្ករបាន 1,200 តោនក្នុងមួយម៉ោង

December 26, 2023 by សឿន សំណាង

បច្ចុប្បន្ន កម្ពុជាមានរោងម៉ាស៊ីនខ្នាតមធ្យម និងធំចំនួន 240 ក្នុងនោះ រោងម៉ាស៊ីនចំនួន 130 មានសមត្ថភាពកិនកែច្នៃ និងឆ្លើយតបទៅតាមបទដ្ឋានស្តង់ដានាំចេញទៅទីផ្សារអន្តរជាតិ ហើយបច្ចុប្បន្នកំពុងទទួលបានចំណាប់អារម្មណ៍ពីទីផ្សារឥណ្ឌូណេស៊ី។ កាលពីថ្ងៃទី 22 ខែធ្នូ ឆ្នាំ 2023 ឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា បានចូលរួមអមដំណើរ ឯកឧត្តម Santo Darmosumarto ឯកអគ្គរដ្ឋទូតសាធារណៈរដ្ឋឥណ្ឌូនេស៊ីប្រចាំនៅកម្ពុជា នៅក្នុងដំណើរទស្សនកិច្ចរោងចក្រកិនស្រូវមួយចំនួនដែលជាសមាជិកសហព័ន្ធស្រូវអង្ករកម្ពុជា នៅស្រុកឧត្តុង ខេត្តកំពង់ស្ពឺ ដើម្បីពិនិត្យ និងឈ្វេងយល់អំពីសង្វាក់ផលិតកម្មកិនស្រូវ សមត្ថភាពកិនកែច្នៃ បទដ្ឋានស្ដង់ដារសុវត្ថិភាពចំណីអាហារ និងបច្ចេកវិទ្យាក្នុងរោងចក្រកិនស្រូវនៅកម្ពុជា។ នេះបើតាម សហព័ន្ធស្រូវអង្ករកម្ពុជា។ បច្ចុប្បន្ន ប្រទេសឥណ្ឌូនេស៊ី គឺជាទីផ្សារថ្មីសម្រាប់ការនាំចេញអង្កររបស់កម្ពុជា ក្នុងនោះ ថ្មីៗនេះ កម្ពុជាទើបតែបាននាំចេញអង្ករប្រមាណជា 15,000 តោន ទៅកាន់ទីផ្សារមួយនេះ។ យោងតាម សហព័ន្ធស្រូវអង្ករកម្ពុជា គិតមកដល់ពេលនេះ វិស័យស្រូវអង្ករកម្ពុជា មានរោងម៉ាស៊ីនខ្នាតមធ្យម និងធំចំនួន 240 ក្នុងនោះ មានរោងម៉ាស៊ីនចំនួន 130 ដែលមានសមត្ថភាពកិនកែច្នៃ និងឆ្លើយតបទៅតាមបទដ្ឋានស្តង់ដានាំចេញទៅទីផ្សារអន្តរជាតិ។ … Read more