Tag: ស្មាតហ្វូន

  • Sharp បញ្ចេញស្មាតហ្វូនកាមេរ៉ាភ្លោះ និងមានអេក្រង់គ្មានគែមថ្មីសន្លាង

    Sharp បញ្ចេញស្មាតហ្វូនកាមេរ៉ាភ្លោះ និងមានអេក្រង់គ្មានគែមថ្មីសន្លាង

    ស្ងាត់ៗ Sharp ក្រុមហ៊ុនបច្ចេកវិទ្យារបស់ជប៉ុន បានដាក់បង្ហាញនូវស្មាតហ្វូនថ្មីមួយម៉ូដែល ដើម្បីជំនួសតំណែងទូរស័ព្ទ Aquos Crystal​ដែល​ចេញកាលពីឆ្នាំ 2015 កន្លងទៅ។ ស្មាតហ្វូនថ្មីនេះមានឈ្មោះថា Sharp Aquos S2 ដែលវាត្រូវបានក្រុមហ៊ុនដាក់បំពាក់នូវកាមេរ៉ាភ្លោះនិងផ្ទៃខាងមុខជាមួយនឹងអេក្រង់លាតស្មើ និងស្ទើរគ្មានគែមកោងព័ទ្ធកាមេរ៉ាមុខផ្នែកខាងលើ។

    Aquos S2 មានអេក្រង់ទំហំ 5.5 អ៊ីញ និងមានកម្រិត Aspect ratio 17:9 អាចបង្ហាញរូបភាពបាន 1080 x 2040 ភិកសែល ជា​ប្រភេទ​អេក្រង់IPS LCD ។ ទូរស័ព្ទនេះ ប្រើនូវបន្ទះឈីប Snapdragon 660 មានស៊ីភីយូ 8 គ្រាប់ដោយ 4 គ្រាប់រត់បានល្បឿន 2.2 GHz ប្រភេទ Kryo 260 និង 4គ្រាប់ទៀត រត់បានល្បឿន 1.8 GHz Kryo, Ram ទំហំ 6GB, ទំហំផ្ទុក 128GB និង GPU Adreno 512។ វាអាចប្រើស៊ីមកាតបាន 2 ឬបន្ថែម SD Card បានដល់ 256GB និងមានទំហំថ្ម 3020 mAh អាចសាកថ្មលឿន 4.0 ប្រើ USB C 3.1 ព្រមទាំង Support Bluetooth 5.0 ទៀតផង។ ចំពោះ កាមេរ៉ា Aquos S2 មានកាមេរ៉ាភ្លោះ មួយគ្រាប់ទំហំ 12MP ជាប្រភេទ PDAF មានកម្រិត Aperture f/1.8 អាចថតបាន ភ្លឺច្បាស់ល្អ និងមួយគ្រាប់ទៀត ទំហំ 8MP អាចថតរូបភាពដាច់ផ្ទៃខាងក្រោយបានស្អាតល្អ រីឯកាមេរ៉ាខាងមុខវិញ មានទំហំ 8MP មានកម្រិត Aperture f/2.0៕

  • LG នឹងបង្ហាញស្មាតហ្វូនថ្មីស្ទើរគ្មានគែម និងថ្មមានថាមពលខ្លាំង

    LG នឹងបង្ហាញស្មាតហ្វូនថ្មីស្ទើរគ្មានគែម និងថ្មមានថាមពលខ្លាំង

    ក្រោយដាក់ចេញនូវទូរស័ព្ទ LG G6 ជាមួយការប្រើប្រាស់នូវបន្ទះឈីប Snapdragon 821 និងជាស្មាតហ្វូនដែលស្ទើរតែគ្មានគែមជាលើកដំបូងហើយនោះ ថ្មីៗនេះមានលេចឮដំណឹងមកថា ក្រុមហ៊ុននឹងត្រៀមបង្ហាញខ្លួនស្មាតហ្វូនថ្មីមួយទៀតដែលមានរាងកាន់តែស្រស់ស្អាត ហើយមានការរចនាផ្ទៃខាងមុខស្ទើរតែគ្មានសល់គែម និងមានថាមពលថ្មធំខ្លាំងរហូតដល់ទៅ 5500 mAh។

    តាមប្រភពដែលបានចុះផ្សាយ បានឱ្យដឹងថា ក្រុមហ៊ុន LG នឹងធ្វើឱ្យអ្នកគាំទ្រមានការភ្ញាក់ផ្អើលជាមួយនឹងស្មាតហ្វូនស៊េរីថ្មី ដែលវានឹងក្លាយជាស្មាតហ្វូនដ៏អស្ចារ្យបំផុតសម្រាប់ឆ្នាំ 2017នេះ និងក៏ជាស្មាតហ្វូនដំបូងរបស់ខ្លួនដែលប្រើបន្ទះឈីប Snapdragon 835។ ទូរស័ព្ទថ្មីនោះ ត្រូវបានគេបង្ហើបឱ្យដឹងថាជា LG V30 ត្រូវបានរចនាឡើងដោយក្រុម DBS Designing ដែលមានរាងលំនាំដូច LG G6 ប៉ុន្តែវាមានទំហំអេក្រង់លាតសន្ធឹងពេញផ្ទៃខាងមុខនៅសល់គែមកាន់តែស្តើងបំផុត ដូចនឹង Galaxy S8 ដែរ។

    ទូរស័ព្ទ V30 នឹងត្រូវបំពាក់ជាមួយនឹងអេក្រង់ទំហំ 5.8 អ៊ីញ ប្រភេទ OLED Display មាន Aspect ratio 18:9 កម្រិតបង្ហាញ QHD ហើយនៅតែរក្សាកូនអេក្រង់តូចមួយនៅផ្នែកខាងលើដដែល។ ក្នុងនោះ វានឹងបំពាក់នូវកាមេរ៉ាភ្លោះ ដោយខាងក្រោយអាចមានទំហំ 13MP ហើយខាងមុខមានទំហំ 8.0MP ហើយមាន Ram ទំហំ 6GB ជាមួយអង្គផ្ទុកទិន្នន័យក្នុងម៉ាស៊ីនស្រាប់ 128GB។ LG V30 នឹងភ្ជាប់មកជាមួយនូវប្រព័ន្ធប្រតិបត្តិការ Android O ជាមួយមុខងារ Daydream និងបច្ចេកវិទ្យាការពារជ្រាបទឹកផងដែរ។ យ៉ាងណាមិញ ព័ត៌មាននេះ នៅមិនទាន់ដឹងថ្ងៃច្បាស់លាស់នៅឡើយទេ ប៉ុន្តែក៏នៅមិនយូរទៀតដែរ៕

  • ស្មាតហ្វូនអេក្រង់ 4K HDR ដំបូងគេក្នុងពិភពលោក មកដល់ទីផ្សារខ្មែរហើយ

    ស្មាតហ្វូនអេក្រង់ 4K HDR ដំបូងគេក្នុងពិភពលោក មកដល់ទីផ្សារខ្មែរហើយ

    ទូរស័ព្ទស្មាតហ្វូនបំពាក់អេក្រង់ 4K ជាមួយនឹងបច្ចេកវិទ្យា HDR ដំបូងគេក្នុងពិភពលោករបស់ក្រុមហ៊ុន Sony បានបង្ហាញវត្តមានក្នុងទីផ្សារកម្ពុជា ហើយកាលពីល្ងាចថ្ងៃម្សិលមិញបានធ្វើការសម្ពោធជាផ្លូវការជាមួយនឹងតម្លៃប្រមាណ 699 ដុល្លារ។

    ទូរស័ព្ទXperia XZ Premiumនេះ ជាស៊េរីកំពូលរបស់ក្រុមហ៊ុនដែលមានបំពាក់បច្ចេកវិទ្យាចុងក្រោយ ទាំងអេក្រង់ កាមេរ៉ា សមត្ថភាពដំណើរការ និងថាមពលថ្ម។ XZ Premiumនៅតែរក្សារចនាបទដូចគ្នាទៅនឹង Xperia XZ ដែរ ប៉ុន្តែមានសមត្ថភាពកាមេរ៉ាខ្លាំងដែលវាអាចថតរូបយឺតៗ (Slow-motion960fps) បានល្អលើសទូរស័ព្ទដទៃដល់ទៅ4ដង ដែលគ្មានស្មាតហ្វូនណាមួយអាចធ្វើបានឡើយ។ វាក៏មានមុខងារទប់រំញ័រ Steady-shot 5 Axis និងប្រើ Motion Eye Camera ដែលមានតែមួយគត់ពី Sony។

    ការមកដល់ថ្មីនេះ វាប្រើនូវអេក្រង់ប្រភេទ Trilluminos Display ទំហំ 5.5 អ៊ីញ ដែលវាអាចបង្ហាញរូបភាពបានដល់ទំហំ 4K និងមានភ្ជាប់នូវបច្ចេកវិទ្យាបង្កើនពណ៌-ពន្លឺ HDR និងXreality ដំបូងគេ អាចបង្ហាញរូបភាពបានច្បាស់ល្អមែនទែន បើប្រៀបធៀបនឹងអេក្រង់ Full HD ឬQuad HD។

    តាមការបញ្ជាក់ពីអ្នកតំណាងក្រុមហ៊ុន Sony បានឱ្យដឹងថា ទូរស័ព្ទនេះ បានបំពាក់ស៊ិនស័រ CMOS ថ្មីមាន 3 ស្រទាប់ជាប់គ្នាហើយក៏មានបំពាក់ RAM ដាច់ដោយឡែកមួយទំហំ 1GB សម្រាប់ផ្ទុក និងគណនារូបភាពបានលឿនជាងមុន ដែលមិនពឹងផ្អែកលើ RAM របស់ទូរស័ព្ទឡើយ។ លោកបន្តថាទូរស័ព្ទនេះ មានកាមេរ៉ាក្រោយទំហំ 19 MPមានកម្រិត Aperture F2.0 ទំហំ 1/2.3 អ៊ីញ អាចថតវីដេអូ 4K បានទំហំ 60fps និងវីដេអូ Full HD បាន 240fps។

    សម្រាប់សមត្ថភាពម៉ាស៊ីន ត្រូវបាន Sony បំពាក់នូវឈីប Snapdragon 835 ជំនាន់ចុងក្រោយក្នុងឆ្នាំ 2017ជាមួយនឹង CPU ចំនួន 8 គ្រាប់ មានល្បឿន 2.45 Ghzនិងមាន GPU Adreno 540។ ក្នុងនោះ វាក៏មាន RAM ទំហំ 4GB និង Memory ក្នុងម៉ាស៊ីន ទំហំ 64GBថាមពលថ្ម 3200 mAhអាចប្រើប្រាស់បានពេញមួយថ្ងៃ និងមានបច្ចេកវិទ្យាសាកថ្មរហ័ស QuicK-charge 3.0 ផងដែរ៕

     

  • ស្មាតហ្វូន 2 ម៉ូដែល របស់ Sony ត្រៀមចេញលក់នៅកម្ពុជា

    ស្មាតហ្វូន 2 ម៉ូដែល របស់ Sony ត្រៀមចេញលក់នៅកម្ពុជា

    ក្រោយពីស្ងាត់ស្ងៀមក្នុងទីផ្សារស្មាតហ្វូនកម្ពុជាអស់មួយរយៈ ថ្មីៗនេះ ក្រុមហ៊ុន Sony បាននិងកំពុងធ្វើការយ៉ាងសកម្មដើម្បីស្ដារប្រជាប្រិយភាពឡើងវិញ ដោយបានដាក់ចេញនូវទូរស័ព្ទស៊េរីថ្មី ទាន់សភាពការណ៍ បន្ទាន់ៗគ្នា ដូចនឹងទីផ្សារនៅឯបរទេសដែរ ដែលនៅក្នុងនោះមានស្មាតហ្វូនស៊េរីថ្មីចុងក្រោយ 2 ម៉ូដែល ដែលនឹងត្រៀមបង្ហាញខ្លួននៅចុងខែឧសភានេះ។

    តាមការចុះផ្សាយលើគណនីគេហទំព័រ Facebook ផ្លូវការរបស់ក្រុមហ៊ុន Xperia – Sony Smartphone by 8G Plus Communications Co.,Ltd ដែលជាក្រុមហ៊ុនទទួលចែកចាយស្របច្បាប់នូវផលិតទូរស័ព្ទ Sony ក្នុងទីផ្សារកម្ពុជានោះ បានឱ្យដឹងថា ស្មាតហ្វូនដំបូងគេលើពិភពលោកដែលមានគុណភាពឣេក្រង់ HDR កម្រិត 4K (3840 x 2160 Pixels) និងទូរស័ព្ទថ្នាក់កណ្ដាលមួយទៀតនឹងត្រូវដាក់បង្ហាញជាផ្លូវការនៅចុងខែឧសភា ឆ្នាំ 2017 ខាងមុខនេះ។

    ទូរស័ព្ទដែលក្រុមហ៊ុនត្រៀមបើកសម្ពោធដាក់លក់ជាផ្លូវការនោះមាន ទូរស័ព្ទ Sony Xperia XZ Premium ដែលមានតម្លៃប្រមាណជា 699ដុល្លារ និង Xperia XA1 Ultra ដែលមានតម្លៃប្រហាក់ប្រហែល 399ដុល្លារ។ សម្រាប់ទូរស័ព្ទ Xperia XZ Premium មានបំពាក់មុខងារថតរូប Slow Motion ក្នុងកម្រិត 960fps មានសមត្ថភាពខ្លាំងដែលមិនមានស្មាតហ្វូនណាអាចធ្វើបានដូច ដែលជាផ្នែកមួយរបស់កាមេរ៉ា Motion Eye ពីក្រុមហ៊ុន Sony ដែលមានតែនៅលើ Xperia XZ និង Xperia XZ Premium ប៉ុណ្ណោះ។

    ដោយឡែកទូរស័ព្ទ XA1 Ultra ដែលមានទំហំ 6 អ៊ីង Full HD នឹងមានបំពាក់ដោយកាមេរ៉ាមុខទំហំ 16 MP និងមានកម្រិត Aperture f2.0 ហើយខាងក្រោយមានទំហំ 23 MP ដូចគ្នានឹងទៅនឹងទូរស័ព្ទ Xperia XZ ដែរ។

    ការត្រៀមបង្ហាញខ្លួននេះ ប្រិយមិត្តដែលនិយមប្រើ Sony Xperia ក៏អាចធ្វើការ Pre-Order ទុកមុន ចាប់ពីថ្ងៃនេះតទៅ ហើយនឹងអាចទទួលបានទូរស័ព្ទនៅដើមខែមិថុនា ឆ្នាំ 2017 ខាងមុខឆាប់ៗនេះ៕