Tag: សុវត្ថិ មុនីវណ្ណ

កាលពីពេលថ្មីៗនេះ នៅលើបណ្ដាញសង្គមហ្វេសប៊ុកគេសង្កេតឃើញថា តារាចម្រៀងប្រុស សុវត្ថិ មុនីវណ្ណ ដែលជាតារាពន្លកថ្មីនៅក្នុងផលិតកម្មរស្មីហង្សមាស កំពុងតែរាយមន្ដស្នេហ៍របស់ខ្លួនដាក់អ្នកគាំទ្រស្រីៗខ្លាំងមែនទែន រហូតដល់ការបង្ហាញវត្តមាននៅតាមឆាកតន្ត្រីនីមួយៗ គេសង្កេតឃើញមានអ្នកគាំទ្រដែលភាគច្រើនស្រីៗនាំគ្នាមកចោមរោមលោកដូចជាស្រមោចរោមស្កអ៊ីចឹង។

បើទោះបីជាទើបតែចូលប្រឡូកក្នុងវិស័យសិល្បៈមិនទាន់បានប៉ុន្មានក៏ដោយ តែក៏កូនប្រុសច្បងលោក ព្រាប សុវត្ថិ រូបនេះហាក់បីដូចជាសម្បូរទីផ្សារចម្រៀងកាន់តែច្រើនឡើងៗ រហូតដល់អាចនិយាយបានថា ច្រើនជាងតារាល្បីៗមួយចំនួនទៅទៀត។  មិនត្រឹមតែប៉ុណ្ណោះ នៅពេលថ្មីៗនេះស្រាប់តែលេចឮដំណឹងថា លោក សុវត្ថិ មុនីវណ្ណ មិនត្រឹមតែមានការចាប់អារម្មណ៍ពីអ្នកគាំទ្រស្រីៗនោះទេ សូម្បីតែតារាស្រីៗជាច្រើនដួងទៀត ក៏ចាប់អារម្មណ៍ចំពោះរូបលោកដែរ និងថែមទាំងប៉ុនប៉ងបំណងចាប់ជាដៃគូចម្រៀងនៅលើឆាកជាមួយលោកទៀតផង។

ជាក់ស្ដែងនៅក្នុងនោះដែរ តារាសម្តែងស្រីវ័យក្មេងកញ្ញា នូណា បានបង្ហោះរូបភាពនៅលើអ៊ីនស្ដាក្រាមរបស់ខ្លួន ដែលអមដោយរូបលោក  សុវត្ថិ មុនីវណ្ណ ផងនោះបានអះអាងថា «មកដល់ឆាប់ៗ» បានបណ្ដាលឱ្យផ្ទុះការសង្ស័យនៅលើអ៊ីនស្ដាក្រាមរបស់នាង ដោយមានការលើកឡើងថា  «សង្ស័យតែអ្នកទាំងពីរមានទំនាក់ទំនងក្រៅឆាកទេដឹង បានជាស្និទ្ធស្នាលគ្នាខ្លាំងម្ល៉េះ»។ តែបើតាមការសង្កេតមើលអត្ថន័យនៃសាររបស់នាងវិញ ហាក់ដូចជាមិនមានពាក់ព័ន្ធនឹងរឿងស្នេហាក្រៅឆាកនោះទេ ទំនងជាអ្នកទាំងពីរបានថត MV ឬក៏បានច្រៀង និងសម្ដែងរួមគ្នាតែប៉ុណ្ណឹងឯង។

គួរបញ្ជាក់ផងដែរថា ការសង្ស័យនេះ នៅតែមិនទាន់មានការស្រាយបញ្ជាក់ពីសាមីខ្លួននៅឡើយ នាងទំនងជាចង់ឱ្យអ្នកគាំទ្រមានការភ្ញាក់ផ្អើលសិន។ សារព័ត៌មានឡារ៉ែន និងព្យាយាមសុំការបំភ្លឺបន្ថែមទៀតពីតារាស្រី នូ ណា និងលោក សុវត្ថិ មុនីវណ្ណ ជុំវិញការលើកឡើងរបស់អ្នកគាំទ្របែបនេះ៕

ដូចដែលប្រិយមិត្តជាច្រើនបានដឹងហើយថា បន្ទាប់ពីកូនប្រុសរបស់កំពូលតារាចម្រៀងលោក ព្រាប សុវត្ថិ បានឈានជើងចូលជ្រកទ្រនំហង្សមាសជាមួយឪពុកមិនទាន់បានប៉ុន្មានផង មួយរយៈចុងក្រោយនេះ គេកត់សម្គាល់ឃើញថា ប្រជាប្រិយភាពរបស់ពួកគេកាន់តែល្បី និងមានអ្នកស្គាល់ពួកគេកាន់តែច្រើនឡើងហើយ។​ ដោយឡែកថ្មីៗនេះ ក៏​ស្រា​ប់​តែ​លេចធ្លា​យ​ត​ម្លៃ​ខ្លួ​ន​ឡើ​ង​ឆា​ករបស់​តា​រា​ចម្រៀ​ង​វ័​យ​ក្មេ​ង​ដែលជាកូ​នប្រុសរបស់​លោ​ក​ ព្រាប​ ​សុ​វ​ត្ថិ​ ​ដោ​យ​មួ​យ​ក​ម្ម​វិ​ធី​ត​ម្លៃ​ខ្លួ​ន​ឡើ​ងខ្ពស់​ជិ​ត​ស្មើនឹងតម្លៃខ្លួនរបស់ឪពុកដែរ។​​​

ជាក់ស្តែងកូនប្រុសទាំងពីររបស់លោក ព្រាប សុវត្ថិ សព្វថ្ងៃនេះកំពុងមានភាពមមាញឹកយ៉ាងខ្លាំងក្នុងវិស័យសិល្បៈ ដោយបានចេញច្រៀងនៅលើឆាកប្រគំតន្រ្តីធំៗ តាមបណ្តាខេត្តស្ទើរតែរៀងរាល់ថ្ងៃ។ ហើយអ្វីដែលធ្វើឱ្យគេចាប់អារម្មណ៍កាន់ខ្លាំងនោះ គឺតម្លៃខ្លួនកូនប្រុសរបស់លោក ព្រាប សុវត្ថិ ពិតជាមិនធម្មតាឡើយ ពោលគឺស៊ីថ្លៃមិនចាញ់តារាប្រុស-ស្រីល្បីៗនានាប្រចាំផលិតកម្មរស្មីហង្សមាសប៉ុន្មានឡើយ។

បើតាមប្រភពអ្នករៀបចំកម្មវិធីដែលសុំមិនបញ្ចេញឈ្មោះ បានទម្លាយឱ្យដឹងថា រាល់ពេលឡើងឆាកតន្រ្តីម្តងៗ កូនប្រុសទាំង2 គឺ សុវត្ថិ មុនីវណ្ណ និងសុវត្ថិ មុនីនាគ ត្រូវបានលោក ព្រាប សុវត្ថិ ជាឪពុកទារតម្លៃខ្លួនពីម្ចាស់កម្មវិធី ដល់ទៅជិត 4 ពាន់ដុល្លារអាមេរិកឯណោះ ដោយមិនរាប់បញ្ចូលទាំងកូនពៅរបស់លោកម្នាក់ទៀតនោះផង។  ប្រភពដដែលនោះក៏បានបង្ហើបឱ្យដឹងបន្ថែមទៀតដែរថា ប្រសិនបើមានការអញ្ជើញតែកូនប្រុសម្នាក់ដូចជា សុវត្ថិ មុនីវណ្ណ ឬក៏សុវត្ថិ មុនីនាគ ហើយឱ្យមានការសម្រួលតម្លៃខ្លួននោះ ក៏មិនបានដែរ ដាច់ខាតត្រូវតែអញ្ជើញទាំងពីរនាក់បងប្អូន ដែលមានការកំណត់កញ្ចប់តម្លៃដូចពោលខាងលើ(អ៊ឺហ៊ឺ!)។

សូមជម្រាបឱ្យដឹងថា នេះគឺជាតម្លៃខ្លួនដ៏ខ្ពស់មួយ ដែលមានតែតារាល្បីៗប្រឡូកសិល្បៈយូរឆ្នាំប៉ុណ្ណោះ ទើបអាចទទួលបានតម្លៃខ្លួនក្នុងចំនួននេះបាន ក៏ប៉ុន្តែកូនប្រុសរបស់លោក ព្រាប សុវត្ថិ ទើបតែចូលខ្លួនបានប៉ុន្មានខែប៉ុណ្ណោះក៏មានតម្លៃខ្លួនខ្ពស់បែបនេះទៅហើយ៕

តាមរយៈបណ្ដាញទំនាក់ទំនងសង្គមហ្វេសប៊ុកថ្មី!នេះ គេមើលឃើញថា ក្រោយពីចេញបទ « ក្បាច់កង្កែប» របស់កូនប្រុសទាំងបីរបស់កំពូលតារាចម្រៀង លោក ព្រាប សុវត្ថិ ដែលកំពុងតែទាញបានប្រជាប្រិយភាពផងនោះ ស្រាប់តែថ្មីនេះទទួលរងការរិះគន់យ៉ាងចាស់ដៃពីសំណាក់មហាជន ថាបទថ្មី របស់លោក សុវត្ថិ មុនីវណ្ណ លួចចម្លងស្ទាយពីគេមក។ ទន្ទឹមជាមួយបទចម្រៀងដែលកំពុងពេញនិយមខ្លាំងជាពិសេសស្រទាប់យុវវ័យបទ « ស្រលាញ់អូន​ស្លៀកខោរហែក» ស្រាប់តែតារាពន្លកថ្មី សុវត្ថិ មុនីវណ្ណបានចេញបទស្រដៀងហ្នឹងដែរបទ « ស្រលាញ់អូន​ស្លៀកខោរឹប» ធ្វើឲ្យមហាជនមួយចំនួនរិះគន់យ៉ាងចាស់ដៃថាកាឡៃពីគេ នេះជាលើកទីពីរហើយដែល​កូន​ប្រុសច្បងលោកព្រាប សុវត្ថិភាពរងការរិះគន់។

ជាមួយនេះ អ្នកលេងបណ្ដាញទំនាក់ទំនងសង្គមបានរិះគ​ន់ចំពោះបទ « ស្រលាញ់អូន​ស្លៀកខោរឹប» របស់លោក សុវត្ថិ មុនីវណ្ណ ថា « ចំណងជើង​ស្រដៀង​ បទ​ភ្លេង​ក៏ស្រដៀងទៀត​មិនចេះនិពន្ធ​ឲ្យ​ប្លែក​សោះ? គេល្បីតាមគេកប់ »។ ខ្លះទៀតថា « ចម្លងភ្លេងសឹងតែទាំងអស់តែបានកាឡៃយោង​ ហើយច្រៀងស្រដៀងគ្នាទៀត​ ឥឡូវមិនដឹងគិតយ៉ាងម៉េចទេ​ កូនខ្មែរចម្លងបទគ្នាឯងប្រៀបដូច​ ខ្មែរសម្លាប់គ្នាឯងអីចឹង »។ ចំពោះការប្រតិកម្មខាងលើនេះ នៅមិនទាន់មានការបកស្រាយច្បាស់ការណ៍ណាមួយចេញពីផលិតកម្មរស្មីហង្សមាស និងលោក សុវត្ថិ មុនីវណ្ណ នៅឡើយទេ។

តើប្រិយមិត្តទាំងអស់គ្នាយល់យ៉ាងណារវាងបទទាំងពីរខាងលើនេះ មានភាពស្រដៀង និងប្រហាក់ប្រហែលគ្នាយ៉ាងនោះ សូមស្ដាប់ និងទស្សនាវីដេអូខាងក្រោមនេះ៖

https://www.youtube.com/watch?v=fAq4vmLRGVg

កន្លងមក តាមរយៈបណ្ដាញទំនាក់ទំនងសង្គមហ្វេសប៊ុក តារាចម្រៀងប្រុសវ័យក្មេង សុវត្ថិ មុនីវណ្ណ ធ្លាប់បានបង្ហាញទេពកោសល្យនៃការលេងឧបករណ៍ហ្គីតារនៅក្នុងវីដេអូខ្លីមួយដែលបានធ្វើឱ្យតារាប្រុសរូបនេះឡើងប្រជាប្រិយភាពយ៉ាងខ្លាំង និងមានអ្នកគាំទ្រជាសុភាពនារីជាច្រើនបានលង់មន្ដស្នេហ៍ចំពោះការបង្ហាញសមត្ថភាពនៅគ្រានេះ។

ដោយឡែកនៅពេលថ្មីៗនេះ នៅលើបណ្ដាញសង្គមអ៊ីនស្ដាក្រាមរបស់លោក លោកក៏បានបង្ហាញពីសមត្ថភាពថ្មីមួយទៀតជូនប្រិយមិត្តអ្នកគាំទ្របានទស្សនាកម្សាន្ដ នោះគឺការបង្ហាញសមត្ថភាពលេងព្យ៉ាណូវិញម្ដង។ ដោយលោកបានលើកបទចម្រៀងជាភាសាអង់គ្លេសមកបកស្រាយ ដែលធ្វើឱ្យអ្នកគាំទ្រកាន់តែលង់នឹងសំឡេងរបស់លោកខ្លាំងឡើងទៀត ពោលគឺ តារាប្រុសរូបនេះមានសំឡេងដូចតារាចម្រៀងបរទេស Justin Biberអ៊ីចឹង (វ៉ាវ!)។

គួររំឭកផងដែរថា កាលពេលធ្វើសន្និសីទសាព័ត៌មានស្វាគមន៍កំពូលតារាចម្រៀងថ្មីប្រចាំផលិតកម្មរស្មីហង្សមាសកន្លងទៅនោះ កូនប្រុសច្បងរបស់លោក ព្រាប សុវត្ថិរូបនេះ បានបញ្ជាក់ប្រាប់ថា លោកមានគម្រោងបង្ហាញស្នាដៃនិពន្ធបទចម្រៀងថ្មីជូនប្រិយមិត្តអ្នកគាំទ្រទាំងអស់បានស្ដាប់កម្សាន្ដ ព្រោះលោកមានសមត្ថភាពលេងឧបករណ៍តន្ត្រី ហើយលោកគ្រោងនឹងសហការជាមួយលោកគ្រូភ្លេងជំនាញៗប្រចាំផលិតកម្មផងដែរ។ លោកសង្ឃឹមថា ប្រិយមិត្តទាំងអស់នឹងទន្ទឹងរង់ចាំគាំទ្រស្នាដៃរបស់លោកជាមិនខាន៕

Testing piano 🎹

A post shared by @ sovathmonivann on Feb 28, 2018 at 5:18am PST

A post shared by @sovathmonivann on Nov 25, 2016 at 5:54am PST

តាមការកត់សម្គាល់ គេសង្កេតឃើញថា កូនប្រុសកំពូលតារាចម្រៀង ព្រាប សុវត្ថិ ទាំង 3នាក់ដែលមាន សុវត្ថិ មុនីវណ្ណ សុវត្ថិ មុនីនាគ និងសុវត្ថិ សិរីវុឌ្ឍ ទើបចូលប្រឡូកនៅក្នុងពិភពសិល្បៈចម្រៀងមិនទាន់បានប៉ុន្មានខែផង ស្រាប់តែកំណើននៃអ្នកស្រឡាញ់គាំទ្រមានកាន់តែច្រើនឡើងៗយ៉ាងសន្ធឹកសន្ធាប់។ បទចម្រៀងនិពន្ធថ្មីរបស់ពួកគេ ដែលមានការសម្រិតសម្រាំងដោយគ្រូភ្លេងជំនាញៗនៅក្នុងផលិតកម្មរស្មីហង្សមាសនោះ ក៏ទទួលបានការទស្សនារាប់លាននាក់ផងដែរ ហាក់បីដូចជាមានប្រជាប្រិយភាពខ្លាំងជាងតារារៀមច្បងរួមទ្រនំតែមួយទៅទៀត។

ដោយឡែក និយាយពីការបង្ហាញវត្តមានសម្ដែងតាមការប្រគំតន្រ្តីធំៗតាមបណ្ដាខេត្ត-ក្រុង អ្នកទាំង 3រូបនេះ ក៏ទទួលបានសំឡេងហ៊ោកញ្ច្រៀវលាន់រំពងពេញឆាក និងផ្អើលឈូឆរសុំថតរូបជាមួយពួកគេ​ពីសំណាក់អ្នកគាំទ្រផងដែរ។ រហូតដល់ថ្មីៗនេះ ការបង្ហាញពីក្ដីស្រឡាញ់ចំពោះតារាទាំងបីដួងនេះ នៅតែមានមិនចេះដាច់ ដោយនៅក្នុងនោះមានភាពភ្ញាក់ផ្អើលមួយទៀត ដោយសារតែអ្នកគាំទ្រម្នាក់បានចំណាយពេលផ្ទាល់ខ្លួន គូររូបគំនូររបស់តារារូបសង្ហាទាំងបីដួងនេះជារូបភាពអេឡិចត្រូនិក រួចបង្ហោះនៅលើបណ្ដាញទំនាក់ទំនងសង្គមអ៊ីនស្ដាក្រាម ដែលធ្វើឱ្យមានការកោតសសើរពីគំនិតច្នៃប្រឌិត និងភាពស្រស់ស្អាតនៃរូបភាពនោះទៀតផង។

ដើម្បីឱ្យកាន់តែច្បាស់ សូមទស្សនារូបភាពទាំងឡាយខាងក្រោមនេះ៖

#sovathNG #Ssv

A post shared by Sovath NextGeneration Fan (@sovathnextgeneration) on Feb 19, 2018 at 5:11pm PST

#sovathNG #sovathfamily

A post shared by Sovath NextGeneration Fan (@sovathnextgeneration) on Feb 19, 2018 at 5:11pm PST

#sovathNG #Smv

A post shared by Sovath NextGeneration Fan (@sovathnextgeneration) on Feb 19, 2018 at 5:08pm PST

តាមរយៈបណ្ដាញទំនាក់ទំនងសង្គមអ៊ីនស្ដាក្រាមរបស់តារាចម្រៀងថ្មីវ័យក្មេងប្រចាំផលិតកម្ម រស្មីហង្សមាស លោកសុវត្ថិ មុនីវណ្ណ នៅថ្ងៃទី5 ខែកុម្ភៈ ឆ្នាំ2018នេះ បានបង្ហោះរូបភាពមួយសន្លឹកដែលអ្នកគាំទ្ររបស់តារាចម្រៀងរូបនេះបានផ្ញើរូបភាពស្នាមសាក់ឈ្មោះរបស់សុវត្ថិ មុនីវណ្ណមកកាន់រូបលោកផ្ទាល់ ដែលស្ដែងឱ្យឃើញពីទំហំនៃទឹកចិត្តស្រឡាញ់ចំពោះរូបលោកខ្លាំងដល់កម្រិតណា។

លោក សុវត្ថិ មុនីវណ្ណ បានបញ្ជាក់នៅលើអ៊ីនស្ដាក្រាមរបស់លោកថា «sovathmonivann ខ្ញុំពិតជាអរគុណខ្លាំងណាស់ចំពោះការគាំទ្រ និងស្រឡាញ់មកលើរូបខ្ញុំ#imreallysuprisedandappreciate #tattoo#tattoofromfan»។ យ៉ាងណាមិញគួរបញ្ជាក់ផងដែរថា តាមរយៈ Comment នៅខាងក្រោមរូបភាពនេះគេបានសង្កេតឃើញថា ស្នាមសាក់ដែលបង្ហាញពីសេចក្ដីស្រឡាញ់មួយរបស់អ្នកគាំទ្រនោះ គឺជាស្នាកសាក់នៅលើដៃរបស់មនុស្សស្រីដែលមានគណនីអ៊ីនស្ដាក្រាមឈ្មោះថា “dhiidiinet” ឬមានឈ្មោះពិតថា ធីឌីនេត។

សូមជម្រាបបន្ថែមថា តាមរយៈរូបស្នាមសាក់មួយនេះមើលទៅពិតជាមិនធម្មតាមែន ដែលសុវត្ថិ មុនីវណ្ណទើបតែហក់ចូលសិល្បៈមិនទាន់បានប៉ុន្មានផង ក៏ស្រាប់តែមានហ្វ៊ែនហ៊ានលះបង់ដោយការសាក់ឈ្មោះអាយដលរបស់ខ្លួននៅលើដៃបែបនេះទៅហើយ។ ដើម្បីឱ្យកាន់តែជាក់ច្បាស់សូមទស្សនារូបភាពខាងក្រោមនេះ៖

ខ្ញុំពិតជាអរគុណខ្លាំងណាស់ ចំពោះការគាំទ្រ និង ស្រលាញ់មកលើរូបខ្ញុំ 🙏❤ #imreallysuprisedandappreciate #tattoo #tattoofromfan

A post shared by @ sovathmonivann on Feb 3, 2018 at 3:26am PST

See you guys on live concert really soon #thanks you for your support ❤️🙏🏻

A post shared by @ sovathmonivann on Jan 18, 2018 at 6:06am PST

Thanks you 🙏🏻 for your everything #fans❤️

A post shared by @ sovathmonivann on Jan 13, 2018 at 3:39am PST

A post shared by @sovathmonivann on Jan 7, 2018 at 9:04pm PST

ក្រឡែកមកមើលបទចម្រៀងរបស់កំពូលតារាចម្រៀង  ព្រាប សុវត្ថិ ដែលមានចំណងជើងថា  “លោកឪពុក” ដែលបានរៀបរាប់ពីប្រវត្តិនៃការតស៊ូរបស់ឪពុកជាកម្មករសំណង់ម្នាក់ ប្រឹងប្រែរកប្រាក់ដើម្បីផ្គត់ផ្គង់ជីវភាពគ្រួសារ និងការសិក្សារបស់កូន។បទចម្រៀងនេះដែរ ត្រូវបានដឹកនាំសម្ដែងដោយលោក សុខ ជំនោរ ដោយសង្កេតឃើញថា សាច់រឿងទាំងមូលហាក់បីដូចជានិយាយរៀបរាប់ពីរឿងរ៉ាវរបស់លោកឪពុករបស់ព្រាប សុវត្ថិ ផងដែរ។

ហើយក្នុងនោះដែរ តួអង្គដែលសម្ដែងជា ព្រាប សុវត្ថិ ពីកុមារភាព ត្រូវបានគេសង្កេតឃើញថា មុខស្រដៀងគ្នាទៅនឹងតារាចម្រៀងរូបនេះខ្លាំងណាស់ ​មហាជនបានចាប់អារម្មណ៍និងទម្លាយឱ្យដឹងដែរថា គឺជាកូនប្រុសច្បងរបស់លោក ព្រាប សុវត្ថិ គឺ សុវត្ថិ មុនីវណ្ណ ជាអ្នកសម្ដែងក្នុងបទចម្រៀងនេះ។ យ៉ាងណាមិញ បើទោះបីជា សុវត្ថិ មុនីវណ្ណ ទើបតែមានការចុះកុងត្រាថ្មីៗ ក្លាយជាតារាចម្រៀងប្រចាំផលិតកម្មរស្មីហង្សមាសហើយនោះ តែតាមធាតុពិត លោកធ្លាប់បានបង្ហាញមុខ និងសម្ដែងរួមជាមួយឪពុករបស់លោក តាមរយៈបទចម្រៀងខាងលើនេះទៅហើយ ដោយគ្រាន់តែគ្រានេះ មិនសូវជាការចាប់អារម្មណ៍តែប៉ុណ្ណោះ។ ដើម្បីឱ្យកាន់តែជាក់ច្បាស់បន្ថែម សូមទស្សនាវីដអូចម្រៀងខាងក្រោមនេះ៖