បន្ទាប់ពីបានផ្ទុះឡើងនូវរឿងរ៉ាវដ៏រកាំរកូសនៅក្នុងសង្គមគ្រួសារអស់មួយរយៈពេលក្រោមការចោទប្រកាន់ថា មានវត្តមានអ្នកទី3ចូលជ្រៀតជ្រែកក្នុងរង្វង់គ្រួសារ រហូតបណ្តាលឱ្យលោក សុវណ្ណ មករា សម្រេចចិត្តប្រកាសជាសាធារណៈសុំលែងលះនៅតាមបណ្តាលហ្វេសប៊ុករួចមកនោះ ពេលនេះ ភាគីដែលជាភរិយា អ្នកនាង ឈិន សុធារី បានបង្ហាញពីភាពសោកសៅ ពោរពេញទៅដោយទុក្ខព្រួយជាខ្លាំង រិះគិតអ្វីលែងចេញទាំងអស់ ពោលគឺមានតែអង្គុយសម្ងំឃុំខ្លួនឯងនៅក្នុងផ្ទះដោយមានកូនប្រុសស្រីទាំង2នាក់ ជាអ្នកកំដរ ដោយមិនហ៊ានចេញក្រៅផ្ទះនោះឡើយ ដោយហេតុថា ហាក់មានការខ្មាសអៀនជាមួយមនុស្សដែលស្ថិតនៅជុំវិញខ្លួនជាខ្លាំង ។
ជាការបញ្ចេញនូវវិបត្តិទុក្ខព្រួយរបស់ខ្លួន ឈិន សុធារី បានសរសេររៀបរាប់យ៉ាងដូច្នេះថា ៖ « សួស្តីបងប្អូនទាំងអស់គ្នា ជាទីគោរពស្រលាញ់/😍រាប់អាន.នាងខ្ញុំសូមអរគុណដល់បងប្អូនទាំងអស់គ្នាដែលតែងតែស្រលាញ់គាំទ្រជាពិសេសបារម្ភនិងលើកទឹកចិត្តផ្តល់កំលាំងចិត្តជូនដល់ខ្ញុំ.នាងខ្ញុំគ្មានពាក្យអ្វីក្រៅពីពាក្យអរគុណ/🙏ដល់បងប្អូនទាំងអស់ទេ.នាងខ្ញុំសូមជម្រាបជូនថា.ខ្ញុំគ្មានពាក្យអ្វីនិយាយលើសពីនេះបាន ព្រោះពេលនេះខ្ញុំគិតអ្វីក៏មិនលិច គិតអ្វីមិនចេញធ្វើអ្វីក៏មិនកើត វិលវល់ស្មូគស្មាញ តឹងណែនពេញខួរក្បាល ថប់ដង្ហើមចង់ស្ទះបែកដើមទ្រូងទៅហើយ/😭រកលេខដាក់គ្មាទេ! នាងខ្ញុំសុំនៅស្ងប់ស្ងាត់មួយរយះពេលដើម្បីទុកពេលសំរាប់ខ្លួនឯងផង បើអាចនឹងមានឱកាសខ្ញុំនិងធ្វើការបកស្រាយ! សុំអភ័យទោសដល់បងៗសារពត័មានមួយចំនួនដែលខ្ញុំមិនបានធ្វើបទសំភាសន៍រឺក៏ផ្តល់ពត័មានអំពីរូបនាងខ្ញុំផ្ទាល់រឺមិនអាចលើកនិយាយបាន.ពេលនេះសូម្បីតែចេញក្រៅក៏ខ្ញុំមិនចង់ចេញទៅណាទេព្រោះខ្ញុំខ្មាស់គេមានតែការមើលមុខនិងសួរនាំដូច្នេះនាងខ្ញុំសម្រេចចិត្តឃុំខ្លួនឯងមួយរយះខ្លីនិងមើលថែកូនៗរបស់ខ្ញុំ តែបើឃើញខ្ញុំចេញក្រៅហៅនាងខ្ញុំផងនិយាយលេងតែរឿងសប្បាយៗដើម្បីអោយបានឆាប់ជា/😂😂😭សង្ឃឹមថាបងៗនិងយល់អារម្មណ៍មួយនេះ.សុំទុកពេលអោយខ្ញុំសិន/🙏😭 អរគុណម្តងហើយម្តងទៀត.ខ្ញុំចង់ប្រាប់ថា ខ្ញុំក៏ស្រលាញ់បងប្អូនទាំងអស់គ្នាដែរ!សូមអ្នកគាំទ្រនាងខ្ញុំទាំងអស់សុខភាពល្អនិងជួបតែសំណាងល្អ 🙏🙏🙏😍….» ។
ភ្ជាប់ជាមួយនឹងសារបង្ហាញពីក្ដីទុក្ខព្រួយខាងលើនេះ ក៏មានការជួយលើកទឹកចិត្តពីសំណាក់បណ្តាមិត្តភ័ក្តិជាច្រើននាក់ផងដែរ ដែលភាគច្រើននៅក្នុងនោះ សុទ្ធតែបានបង្ហាញពីការលើកទឹកទឹកចិត្តដែលជម្រុញឱ្យមានការតាំងចិត្ត ព្យាយាមក្រោកឈរ ធ្វើជាគោលជំហររបស់កូនសម្លាញ់ទាំង2របស់ខ្លួន ដែលមិនទាន់ក្ដីនៅឡើយនោះ ៕
