Tag: សុគន្ធ នីសា

ម្សិលមិញនេះដែរ កើតហេតុការណ៍មួយភ្ញាក់ផ្អើលពេញបណ្ដាញសង្គមហ្វេសប៊ុក ដែលលេចព័ត៌មានថា ដេរប្រដាប់ភេទឱ្យដូចក្រមុំ 700ដុល្លារ ដល់ចេញវិក័យបត្រមកតម្លៃ 28000 ដុល្លារអាម៉េរិក និងមានការលើកឡើងថា ម្ចាស់​កែសម្ជស្សឌែរម៉ូគ្លីនិកត្រូវបានចាប់ខ្លួន ។

សុគន្ធ នីសា បានសរសេរនៅលើគណនីហ្វេសប៊ុកផ្ទាល់ខ្លួនរបស់កញ្ញាថា «​ខ្ញុំ​ស្គា​ល់​គា​ត់​​យូ​រហើ​យ​​ ហើយ​ក៏​តែ​ង​តែ​ទ​ទួ​ល​សាវ៉ា​​កម្ម​ថែ​រ​ក្សា​ស​ម្ផ​ស្ស​នៅ​ទី​នោះ​ជា​ប្រចាំ​​​ ​ខ្ញុំ​តែ​ង​តែ​ទ​រ​ទួ​ល​បា​ន​នៅ​ភា​ព​ក​ក់​ក្តៅ​ពី​ក្រុ​មកា​រ​ងា​រ​រ​ប​ស់​គា​ត់​​​ ​ដូ​​ច្នេះខ្ញុំ​​​មិ​ន​ជឿ​ថា​ប​ងស្រី​ដា​ណេ​​​ ​គា​ត់​ធ្វើ​បែប​នេះ​ឡើ​យ​​ ​ខ្ញុំ​ជឿ​ជា​ក់​លើប​ង​ស្រី​​​ ​គា​ត់​មិ​ន​រ​ក​ស៊ី​ស្មោ​ក​គ្រោ​ក​ចឹ​ង​ទេ​​​ ​ខ្ញុំ​ជឿ​ជា​ក់​លើប​​​ង​ស្រី​ដា​ណេ​» ។​

ចំណែកឯតារាចម្រៀង សុគន្ធ ថេរ៉ាយុ ក៏បានចេញសារគាំទ្រនាយិកាគ្លីនិកដែលថា « អ្នកស្គាល់គាត់ច្បាស់ទើបដឹងថាគាត់ជាមនុស្សយ៉ាងម៉េច​ គាត់មិនមែនជាមនុស្សរកស៊ីស្មោគគ្រោកដូចដែរអ្នកមួយចំនួនបានលាបពណ៌គាត់ទេ​ សូមអ្នកទាំងអស់គ្នាកុំទាន់វិនិច្ឆ័យទៅលើមនុស្សដែលអ្នកមិនទាន់បានស្គាល់គាត់ច្បាស់​ ខ្ញុំស្គាល់គាត់​ ខ្ញុំដឹងថាគាត់ជាមនុស្សល្អ​ បង​DC Dermo » ។

សូមជម្រាបបញ្ជាក់ផងដែរថា បើតាមប្រភពច្បាស់ការ បានបញ្ជាក់ថា នាថ្ងៃដដែលនោះ ម្ចាស់កែសម្ជស្សខាងលើមិនត្រូវបានចាប់ខ្លួនអីនោះទេ គ្រាន់តែចូលខ្លួនសួរនាំ តែប៉ុណ្ណោះ នឹងឱ្យអ្នកស្រី ដាណេ វិលត្រលប់ទៅកាន់គេហដ្ឋានជាប្រក្រតី ។ ខាងប្រភពគ្លីនិកនោះ បានបង្ហើបថា ខាងសមត្ថកិច្ចបានអញ្ជើញគ្រូពេទ្យនៅឌែរម៉ូគ្លិនិក ហៅសាកសួរ ដើម្បីស្វែងរកចម្លើយពិត ហើយក៏គ្មានការចាប់ខ្លួន ឬវៃខ្នោះម្ចាស់ហាង​កែសម្ជស្សឌែរម៉ូគ្លីនិក នោះទេ ៕

ថ្មីៗនេះ តារាចម្រៀងស្រីស្រគត់ស្រគំប្រចាំទ្រនំរស្មីហង្សមាស អ្នកនាង សុគន្ធ នីសា បានបង្ហាញអារម្មណ៍សង្វេគរបស់ក្រុមកម្មករ ចុះកាយសំរាមក្នុងលូទឹកស្អុយ ដែលមានការកកស្ទះ ដោយមហាជនជាច្រើនខ្ទើមរអើម និងមិនឱ្យតម្លៃការងារនោះ។ អ្នកនាងបានសរសេរយ៉ាងអន្លាយប្រកបដោយអត្ថន័យជ្រាលជ្រៅនៅលើបណ្ដាញសង្គមហ្វេសប៊ុក បន្ទាប់ពីបានទស្សនាវីដេអូបទយការណ៍ពី ក្រុមកម្មករស្អាតលួទឹកស្អុយ ហើយជាមួយគ្នានេះមានទស្សនិកជនជាច្រើន បានបង្ហាញចំណាប់អារម្មណ៍គាំទ្រ និងបញ្ចេញមតិបំផុសដូចគ្នា នឹង សុគន្ធ នីសា ផងដែរ។

អ្នកនាង សុគន្ធ នីសា បានរៀបរាប់ថា «មើលវីដេអូនេះហើយមានអារម្មណ៍ថា អាណិតពួកគាត់ ជីវិតពួកគាត់ពិតជាអស្ចារ្យណាស់ ការងារដែលគ្រប់គ្នាខ្ពើមរអើម តែពួកគាត់ធ្វើជិត៣០ឆ្នាំហើយ។ តាមពិតទៅយើងគ្រាន់តែកាន់សំរាមមួយកញ្ចប់ ឬថង់មួយទៅដាក់ក្នុងធុងសំរាមក៏មិនជារឿងពិបាកដែរ»។

តារាស្រីរម្យទំរូបនេះ បានបន្តថា «ពួកយើងទាំងអស់គ្នា មានការងារធ្វើ និងរស់នៅក្នុងបរិស្ថានដ៏ល្អណាស់ យើងក៏អាចចាប់ផ្តើមពីខ្លួនយើង ជួយថែរក្សាឬសម្អាតបរិស្ថានជុំវិញខ្លួន ក៏ដូចជាជួយពួកគាត់ដែរ ព្រោះការងារពួកគាត់ គឺជាជីវិតមួយបែប ដែលយើងមិនធ្លាប់គិតដល់ ហើយជីវិតបែបនេះ នឹងមិនសូវជាពិបាកប៉ុន្មានទេ ប្រសិនបើយើងគ្រប់គ្នាចូលរួមចំណែកប្រព្រឹត្ត និងទទួលខុសត្រូវរៀងៗខ្លួនចំពោះសំរាម និងកាកសំណល់ផ្សេងៗ ឲ្យមានរបៀបត្រឹមត្រូវ»។

អ្នកចម្រៀងសំឡេងមនោសញ្ចេតនារូបនេះនិយាយថា «បើសិនអាចបែបនេះ គឺនឹងជួយសម្រាលដល់ការងារគាត់ ហើយបានបរិស្ថានស្អាតទាំងអស់គ្នា។សង្ឃឹមថា មើលរូបភាពមួយនេះហើយ យើងទាំងអស់គ្នានឹងបង្អង់គិតមុននឹងចោលសំរាមថា សំរាមវាត្រូវតែនៅកន្លែងសម្រាប់ដាក់សំរាម ប្រសិនបើយើងខ្លួនឯង មិនបានដាក់វាឲ្យត្រូវកន្លែងទេ នោះប្រាកដជាតម្រូវឲ្យអ្នកផ្សេង ទៅតាមរើសសំរាមរបស់យើង ដែលធ្លាក់ប៉ើងគ្រប់កន្លែងនោះ ដល់ក្នុងលូឲ្យយើងហើយ»។

តារាចម្រៀងមុខស្រទន់ ដែលទទួលបានការគាំទ្រ និងមានប្រជាប្រិយភាពលើទីផ្សាចម្រៀង មានរយៈពេលជាច្រើនហើយនោះ អ្នកនាង សុគន្ធ នីសា បញ្ជាក់បន្ថែមថា «សន្យាចូលរួមទាំងអស់គ្នាណា នាងខ្ញុំក៏សន្យាដែរថា នឹងថែរក្សាសណ្តាប់ធ្នាប់ កុំចោលសំរាមផ្តេសផ្តាស ដើម្បីមនុស្សគ្រប់គ្នា ក្នុងសង្គមយើង»៕

នៅលើបណ្ដាញទំនាក់ទំនងហ្វេសប៊ុកបានធ្វើឱ្យមហាជនទូទៅដឹងថា ពិតជាគួរឱ្យអាណិតអាសូរណាស់ដែលបុគ្គលិកក្នុងក្រុមហ៊ុនរស្មីហង្សមាសម្នាក់ដែលមានឈ្មោះ រក្សា សុខៗស្រាប់តែធ្លាក់ខ្លួនឈឺដោយជំងឺដាច់សរសៃឈាមខួរក្បាល និងបច្ចុប្បន្នកំពុងត្រូវបានសង្គ្រោះព្យាបាលនៅក្នុងបន្ទប់វះកាត់ខួរក្បាលនៅមន្ទីរពេទ្យរុស្ស៊ី។ អ្វីដែលគួរឱ្យអកុសលនោះគឺបុរសម្នាក់នេះមានតែ2នាក់ម្តាយ និងកូន ហើយម្តាយក៏ចាស់ជរាទៀត និងពេលនេះកំពុងខ្វះខាតលទ្ធភាពក្នុងការវះកាត់ព្យាបាល។

ភ្លាមៗនេះ នៅថ្ងៃម្សិលមិញតារាចម្រៀងស្រី អ្នកនាង សុគន្ធ នីសា បានចេញមុខដោយផ្ទាល់ក្នុងការអំពាវនាវរកជំនួយសប្បុរសធម៌ពីសំណាក់មហាជនទាំងឡាយ ដោយអ្នកនាងបានរៀបរាប់ថា  «ប្អូនប្រុស​ រក្សា​ ហេតុអីបានជាភ្លាមៗបែបនេះ​ ទើបតែឃើញប្អូនថ្ងៃមុនសោះ​ ពិតជាអាណិតប្អូនខ្លោចចិត្ត​ មិនដឹងថាប្អូនមានជំងឺបែបនេះ​ នៅពេលធ្វើការប្អូនមិនចេះមាត់​ក​ ស្លូតបូត​ តែងតែញញឹម​ និងតែងតែជួយថតរូបឱ្យបង​ ពេលនេះប្អូនធ្លាក់ខ្លួនឈឺជាទម្ងន់ភ្លាមៗបែបនេះ​ បង និងក្រុមការងារគ្មានអ្វីធ្វើបានក្រៅពីធ្វើការរៃអង្គាសថវិកាខ្លះដើម្បីជួយប្អូនបណ្តោះអាសន្ន​ ព្រោះជំងឺប្អូនត្រូវការរយ:ពេលព្យាបាល​ 6ខែទៀត​»។

តារាចម្រៀងស្រីល្បីឈ្មោះរូបនេះបានបន្ដទៀតថា «ប្អូនមានតែពីរនាក់​ម្តាយ និងកូន​ ដែលកន្លងមកបងមិនដែលដឹងពីស្ថានភាពគ្រួសារប្អូនទេ​ ហើយនៅពេលនេះប្អូនធ្លាក់ខ្លួនឈឺ​ ហើយត្រូវការចំណាយថវិកាច្រើន​ ដូច្នេះហើយបងគ្មានអ្វីជួយក្រៅពី​សុំជំនួយពីបងប្អូនប្រជាពលរដ្ឋទាំងអស់ដែលមានសទ្ធា​ ក្រែងលោ​​បានជួយសម្រាលប្អូនបានខ្លះ​ ហើយសង្ឃឹមថា ពុកម៉ែបងប្អូនទាំងអស់នឹងជួយប្អូនតាមសទ្ធា​ ទោះតិចក្តី​ ច្រើនក្តី​ ស្ថានភាពប្អូនពេលនេះទោះជា​ 100 ​៛​ ក៏មានតម្លៃសម្រាប់ប្អូនដែរ​ បងសូមជូនពរ​ឱ្យប្អូនបានសុខសប្បាយ​ ហើយសូមអភ័យទោស​ដល់បងប្អូនទាំងអស់គ្នា​ដែលនាងខ្ញុំរំខាន​»។

គួរបញ្ជាក់ផងដែរថា ប្រសិនបើបងប្អូនប្រិយមិត្តអ្នកគាំទ្រទាំងអស់មានបំណង និងមានសទ្ធាទានឧបត្ថម្ភដល់ប្អូនប្រុស រក្សា សូមទាក់ទងលេខក្រុមគ្រួសារគាត់ផ្ទាល់ 092 368 123. 092 479 779 ។ សូមអរគុណ!៕

តាមរយៈបណ្ដាញទំនាក់ទំនងហ្វេសប៊ុកនៅពេលថ្មីៗនេះ​គេមើលឃើញថា តារាចម្រៀងខ្មែរជាច្រើនដួងបានបំផុតគំនិតយុវជនយុវតីខ្មែរឱ្យស្រឡាញ់វប្បធម៌ ប្រពៃណីខ្មែរ ដែលជាដួងព្រលឹងអត្តសញ្ញាណជាតិ និងអភិរក្សអ្វីដែលខ្មែរមានពីបុរាណកាល។ ក៏ដូចគ្នានោះ តារាចម្រៀងស្រីល្បីឈ្មោះ អ្នកនាង សុគន្ធ នីសា ក៏បានចូលរួមជាមួយការជំរុញទឹកចិត្តឱ្យស្រឡាញ់ពីវប្បធម៌ខ្មែរផងដែរ។

មួយរយៈកាលចុងក្រោយនេះ គេសង្កេតឃើញប្អូនយុវវ័យជំនាន់ក្រោយពុំសូវជាអើពើចំពោះវិស័យសិល្បៈសម័យបុរាណខ្មែរ ដែលកំពុងតែវិវឌ្ឍន៍ទៅរកការបំភ្លេចម្ដងបន្ដិចៗ ខណៈទីផ្សារចម្រៀងនិងវប្បធម៌បរទេសមួយចំនួន កំពុងបញ្ជ្រៀតចូលវាយលុកលើសង្គមខ្មែរនាពេលបច្ចុប្បន្ន។ ជាហេតុមួយនាំឱ្យកូនខ្មែរ ជាអ្នកស្នេហាវប្បធម៌ ជាតិសាសន៍របស់ខ្លួន បង្ហាញក្តីព្រួយបារម្ភយ៉ាងខ្លាំង។

ជាការពិតណាស់ ថ្មីនេះមានការកំផុសស្មារតីតារាចម្រៀងហង្សមាស អ្នកនាង សុគន្ធ និសា នៅលើបណ្តាញសង្គមហ្វេសប៊ុក របស់នាង បានបង្ហោះភ្ជាបរូបភាពជាច្រើន សន្លឹក ព្រមជាមួយការសរសេរបង្ហាញ ពីគំនិតរបស់ខ្លួន ដែលតែងតែនៅជិត និងបារម្ភជានិច្ច ចំពោះតម្លៃវប្បធម៌ជាតិខ្មែរ។ ពិសេស នាងក៏បានអំពាវនាវ ឲ្យមានការចូលរួមគាំទ្រ និងអភិរក្សផងដែរ។

អ្នកនាង សុគន្ធ និសា បានបញ្ជាក់ថា «ដើម្បីវប្បធម៌ ក៏ដើម្បីខ្លួនខ្ញុំ វប្បធម៌នៅរស់ខ្ញុំក៏រស់ ព្រោះវប្បធម៌ គឺជាព្រលឹងខ្ញុំ និងជាព្រលឹងខ្មែរដូចគ្នា ខ្ញុំជួយថែខ្លួន ខ្ញុំដោយការសម្តែង អ្នកក៏ត្រូវថែខ្លួនអ្នកដោយការគាំទ្រផងដែរ។ សូមជួយគាំទ្រទាំងអស់គ្នា សិល្បៈវប្បធម៌ ល្ខោនបាសាក់ របស់ជាតិយើងគាំទ្រ ទាំងអស់គ្នាណា!»៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី 7 ខែមីនា ឆ្នាំ 2018 នេះ​បានឱ្យដឹងថា នាថ្ងៃម្សិលមិញនេះ សិល្បករ សិល្បការនីជាច្រើន បានបង្ហាញវត្តមានដើម្បីអបអរទិវាវប្បធម៌ជាតិលើកទី 20 នៅបរិវេណទឹកដីកោះពេជ្រ ដោយសង្កេតឃើញថា សិល្បករខ្មែរទាំងអស់តុបតែងខ្លួនដោយគ្រងសម្លៀកបំពាក់ប្រពៃណីយ៉ាងស្រស់ស្អាតសមសួនជាបុរសខ្មែរ នារីខ្មែរ ។ ដោយឡែកក្នុងនោះ ឈុតសម្លៀកបំពាក់របស់កំពូលតារាចម្រៀងលោក ណុប បាយ៉ារិទ្ធ និងអ្នកនាង សុគន្ធ នីសា មានសម្រស់លេចធ្លោជាងគេ ព្រោះថា មួយឈុតនោះជាការរចនាម៉ូដដោយលោក ណុប បាយ៉ារិទ្ធ ផ្ទាល់តែម្ដង។

លោក ណុប បាយ៉ារិទ្ធ បានបង្ហើបថា « យប់ម៉ិញទំរាំធ្វើអាវមួយនេះរួច ដល់ម៉ោង3ភ្លឺ តែខ្ញំនៅតែស្រលាញ់នឹងមិនបោះបង់ចោលនូវការព្យាយាមរបស់ខ្ញំជាដាច់ខាត ហនុមាន អ្នកបានធ្វើដំណើរទៅជាមួយខ្ញុំនូវក្នុងការសម្តែងនៃពិធីអបអរសាទរ ទិវាវប្បធម៌ជាតិទូទាំងប្រទេសលើកទី20 និងការទទួលទានអាហារមិត្តភាពរួមគ្នា នៅទីក្រុងកោះពេជ្រ ដែលរៀបចំដោយក្រសួងវប្បធម៌និងវិចិត្រសិល្បៈ ក្រោមការអញ្ជើញជាអធិបតីដ៍ខ្ពង់ខ្ពស់ពីថ្នាក់ដឹកនាំជាន់ខ្ពស់នៃរាជរដ្ឋាភិបាល គឺសម្តេចតេជោហ៊ុនសែន និងសម្តេចកិតិព្រឹត្តបណ្ឌឹតប៊ុនរ៉ានីហ៊ុនសែន រួមជាមួយនិងសិល្បៈករសិល្បៈការិនីជាច្រើនជំនាន់ »។

នៅក្នុងនោះផងដែរ ក៏មានការស្ញើចសរសើរពីសំណាក់ប្រធានសមាគមន៍សិល្បករខ្មែរ គឺអ្នកនាង ចន ច័ន្ទលក្ខិណា បានពោលពាក្យសរសើរថា « ប្អូនបងពូកែគូរ និងច្នៃម៉ូត តាំងពីជាង 10 ឆ្នាំមុន គំនិតបែបនេះពិតជាអស្ចារ្យ មែន មិនសរសើរមិនបាន Bayyareth Nop »។

ចង់ដឹងថា ឈុតរបស់កំពូលតារាចម្រៀងទាំងពីរស្រស់ស្អាតដល់ម្រិតណានោះ សូមទស្សនារូបភាពទាំងឡាយខាងក្រោមនេះ៖

នៅថ្ងៃទី7 ខែធ្នូ ឆ្នាំ2017 នេះ តាមរយៈបណ្ដាញសង្គមហ្វេសប៊ុករបស់តារាស្រីប្រចាំផលិតកម្មរស្មីហង្សមាស អ្នកនាង សុគន្ធ នីសា ដែលទើបតែបានរៀបអាពាហ៍ពិពាហ៍ហើយថ្មីៗនេះ បានឱ្យដឹងថា អ្នកនាងបានបង្ហោះសារដែលស្ដែងពីការអរគុណ និងជាការសំណូមពរដល់បណ្ដាអ្នកសារព័ត៌មាន ដែលចេញផ្សាយពីរូបអ្នកនាងកន្លងមក ក្នុងន័យលើកតម្កើងជ្រុល និងហួសពីសមត្ថភាពអ្នកនាង ក្នុងការរៀបចំពីមង្គលការយ៉ាងអធិកអធមកាលពីថ្ងៃទី1 ខែធ្នូកន្លងទៅនៅក្នុងបរិវេណសណ្ឋាគារ សូហ្វីតែល។

សារដំបូងរបស់តារាស្រីរូបនេះបានរៀបរាប់យ៉ាងរាក់ទាក់ជាមួយប្រិយមិត្តអ្នកគាំទ្រ និងអ្នកសារព័ត៌មានយ៉ាងដូច្នោះថា « ជម្រាបសួរបងប្អូនទាំងអស់ និងបងៗអ្នកសារព័ត៌មាន ខ្ញុំអរគុណណាស់ដែលបានចុះផ្សាយពីអាពាហ៍ពិពាហ៍យើងខ្ញុំ អរគុណណាស់ដែលចុះលើកតម្កើងខ្ញុំ ប៉ុន្តែខ្ញុំមិនចង់ឱ្យបងប្អូនទាំងអស់យល់ច្រទ្បំទេ»។ បន្ទាប់មកទៀតអ្នកនាងបានសង្កត់ធ្ងន់ទៅលើអ្នកសារព័ត៌មានយ៉ាងក្ដៅគគុកថា «មង្គលការរបស់ខ្ញុំនេះគឺ រៀបចំសន្សំសំចៃណាស់ មិនចង់ចំណាយលុយកាក់ច្រើនទេ ព្រោះក្រុមគ្រួសារខ្ញុំទាំងពីរក៏មិនមែនជាអ្នកមានទ្រព្យស្តុកស្តម្ភអីដែរ តម្លៃចិញ្ចៀនក៏មិនថ្លៃអីណាស់ណាទេ ហើយចំពោះការចំណាយភាគច្រើនដូចជាសម្អាងការ ដេគ័រ នំខេក រ៉ូបកាត់នំ គឺសុទ្ធតែបងៗដែលពួកគាត់ស្រទ្បាញ់រាប់អានខ្ញុំ ពួកគាត់បានជួយឧបត្ថម្ភដល់យើងខ្ញុំច្រើន»។

ជាចុងក្រោយតារារូបឆោមស្រស់សោភារូបនេះបានអំពាវនាវចំពោះអ្នកសារព័ត៌មានដែលបានលើកតម្កើងរូបនាងថា អ៊ីចឹងសូមបងៗសារព័ត៌មានមេត្តាកុំសរសេរអ្វីដែលឱ្យលើសតម្លៃអី ព្រោះមនុស្សនាងខ្ញុំមិនចូលចិត្តចំណាយប្រាក់ឱ្យខ្ជះខ្ជាយទ្បើយ តែយ៉ាងណាក៏នៅតែអរគុណសារពត៌មានគ្រប់ផ្នែកដែលលើកតម្កើងនាងខ្ញុំ ហើយក៏សូមអរគុណពុកម៉ែបងប្អូនទាំងអស់ដែលស្រទ្បាញ់ចូលចិត្តនាងខ្ញុំផងដែរ៕

នៅថ្ងៃទី5 ខែធ្នូ ឆ្នាំ2017នេះ បន្ទាប់ពីបានបញ្ចប់ពិធីរៀបអាពាហ៍ពិពាហ៍រួចមក តារាស្រី សុគន្ធ នីសា បានចេញសារនៅលើបណ្ដាញសង្គមឱ្យដឹងថា ដោយបានទទួលការប្រសិទ្ធពរជ័យពីការចូលរួមយ៉ាងអធិកអធមពីសំណាក់ភ្ញៀវកិត្តិយស យើងខ្ញុំពិតជាសប្បាយរីករាយ ត្រេកអរយ៉ាងខ្លាំង និងសូមថ្លែងអំណរគុណជាអនេកចំពោះការចូលរួមប្រកបដោយក្តីស្រឡាញ់រាប់អានយើងខ្ញុំទាំងពីរនាក់នេះ ទៅដល់ភ្ញៀវកិត្តិយសទាំងឡាយដូចជា ឯកឧត្តម លោកជំទាវ លោកឧកញ៉ា អ្នកឧកញ៉ា អស់លោកលោកស្រី អ្នកនាងកញ្ញា រៀមច្បងសិល្បករជំនាន់មុន ថ្នាក់ដឹកនាំក្នុងវិស័យសិល្បៈ មិត្តសិល្បករ និងបងប្អូនជំនាន់ក្រោយនៃក្រុមសិល្បករ បងប្អូនសាច់ញាតិ អុំពូ មាមីង ទាំងខាងប្រុសទាំងខាងស្រី ក្នុងវត្តមានដ៏ខ្ពង់ខ្ពស់ប្រកបដោយកិត្តិយសចំពោះយើងខ្ញុំទាំងពីរក្នុងឱកាសនេះ។

តារាស្រីរូបនេះ បានបន្តបញ្ជាក់បន្ថែមថា ព្រមជាមួយគ្នានេះដែរយើងខ្ញុំទាំងពីរនាក់ក៏ដូចជាក្រុមគ្រួសារទាំងសងខាងសូមអភ័យទោសចំពោះរាល់កំហុសឆ្គង និងកង្វះខាតនានា ព្រោះការទទួលមិនបានដិតដល់ដោយប្រការណាមួយ ហើយសង្ឃឹមថា ភ្ញៀវកិត្តិយសទាំងអស់មេត្តាខន្តី និងអធ្យាស្រ័យដោយសេចក្តីរាប់អានដ៏ជ្រាលជ្រៅមកកាន់គ្រួសារយើងខ្ញុំទាំងពីរ។ គួរបញ្ជាក់ផងដែរថា ប្រភពដែលសារព័ត៌មានឡារ៉ែនទទួលបានត្រូវបានបង្ហើបឱ្យដឹងថា តារាស្រីឆោមស្រស់រូបនេះ គ្រោងនឹងធ្វើដំណើរកម្សាន្ដក្រេបចន្ទទឹកឃ្មុំ ឬ Honey Moon នៅលើកោះម៉ាល់ឌីវ ដែលមានសម្រស់​​​ផ្ទៃសមុទ្រ​​ពណ៌​​ខៀវ​ស្រងាត់​​ដាច់កន្ទុយភ្នែក ចំណែកស្វាមីអ្នកនាងក៏ចង់បន្ដទៅជប់លៀង និងកាត់ចំណងដៃនៅរដ្ឋឡូវែល សហរដ្ឋអាមេរិក ហើយពួកគេថែមទាំងមានគម្រោងយកបុត្រភ្លាមៗតែម្ដងទៀតផង៕

នៅថ្ងៃទី1 ខែធ្នូ ឆ្នាំ 2017 នេះ ប្រធានសមាគមសិល្បករខ្មែរ និងជាតារាសម្ដែងល្បីឈ្មោះ អ្នកនាង ចន ច័ន្ទលក្ខិណា បានបង្ហោះសារសុំទោសចំពោះតារាស្រី សុគន្ធ នីសា ដែលខកខានមិនបានមកចូលរួមពិធីរៀបអាពាហ៍ពិពាហ៍របស់នាង ដោយសារតែមានធុរៈសំខាន់នៅប្រទេសថៃ។

តាមរយៈបណ្ដាញសង្គមហ្វេសប៊ុករបស់អ្នកនាង ចន ច័ន្ទលក្ខិណា បានបង្ហោះរូបថតបន្ដនៅក្នុងពិធីកាត់សក់លើកសិរីមង្គលរបស់ នីសា ព្រមទាំងអមដោយសារដ៏មានន័យថា « Congratulations អូន SreyToch Pit Pit​ (គណនី សុគន្ធ នីសា) បងសុំទោសអូនដែលបងមិនបានចូលរួម ព្រោះបងត្រូវទៅមើលការងារនៅប្រទេសថៃ បងពិតជាចង់ចូលរួមណាស់ តែការងារបងចាំបាច់ខ្លាំងណាស់។ បងសូមជូនពរអូនឱ្យជួបប្រទះតែសេចក្តីសុខ សុភមង្គល និង ឆាប់មានបុត្រណា៎។ អូនស្អាតទាំង 2 នាក់អ៊ីចឹង កូនមកដឹងតែស្អាតហ្ម៎ង !!! Love u » ៕

កំពូលតារាចម្រៀងសំឡេងផ្អែម និងមានទឹកដមប្រកបដោយមនោសញ្ចេតនាកញ្ញា សុគន្ធ នីសា ត្រូវបានគេបង្ហើបឱ្យដឹងថា នឹងចូលរោងការនៅថ្ងៃទី1 ខែធ្នូ ឆ្នាំ2017នេះ នៅក្នុងបរិវេណសណ្ឋាគារលំដាប់ផ្កាប្រាំ សូហ្វីតែល ភូគីត្រា ជាមួយនឹងអនាគតស្វាមីលោក សាំបា ដែលជាអាណិកជន​ខ្មែរ​រស់​នៅ​អាមេរិក​ ដែលនៅក្នុងនោះ​ក៏នឹងមានវត្តមានភ្ញៀវកិត្តិយសដែលជាមន្ត្រីរាជការ អ្នកមានមុខមាត់ក្នុងសង្គម អ្នកជំនួញធំៗ​ ជាពិសេសគឺ អ្នកសិល្បៈ ដែលសរុបទាំងអស់មិនក្រោម 1000 នាក់ឡើយ។

នៅក្នុងនោះត្រូវបានគេដឹងថា តារាស្រីរូបនេះត្រៀមចំណាយថវិកាជាច្រើនម៉ឺនដុល្លារក្នុងការតុបតែងលម្អនៅក្នុងបរិវេណកន្លែងទទួលភ្ញៀវរបស់នាង ដែលរាប់ចាប់តាំងពីផ្លូវចូលរោង ផ្លូវដើរអមសងខាងដោយរបងផ្កាស្រស់ ក្លោងទ្វារ​ ក៏ដូចជាការតុងតែងនៅលើឆាកក្នុងការត្រៀមស្វាគមន៍កូនកំលោះ-កូនក្រមុំផងដែរ។ ជាមួយគ្នានេះ គេក៏បានដឹងដែរថា កញ្ញា សុគន្ធ នីសា បានត្រៀមចំណាយលុយជាច្រើនម៉ឺនដុល្លារទៀតសម្រាប់ទិញលំនៅដ្ឋានដ៏ស្រស់ស្អាតមួយទៀត ដែលមានទីតាំងនៅក្នុងបុរីដ៏ធំមួយក្នុងរាជធានីភ្នំពេញ។

គួររំឭកផងដែរថា ជិតដល់ថ្ងៃរៀបការ កញ្ញា សុគន្ធ នីសា បានជំពប់នឹងព័ត៌មានអាស្រូវជាច្រើន ដែលក្នុងនោះសុទ្ធតែបានលើកឡើងពីភាពរង្គោះរង្គើរវាងស្នេហារបស់នាង និងអតីតសង្សារចាស់ជាកវីនិពន្ធដ៏ល្បីឈ្មោះដែលបានបាក់បែកគ្នាហើយ គឺលោក សុខ ជំនោរ។ ស្របគ្នានោះដែរ គេក៏បានដឹងថា លោក សុខ ជំនោរ ជាអតីតគូស្នេហ៍ដ៏ស្អិតល្មួតរបស់នាងដែលធ្លាប់បានរួមរស់ជាមួយគ្នានៅក្រោមដំបូលផ្ទះតែមួយរាប់ឆ្នាំនោះ ក៏នឹងរៀបមង្គលការផងដែរ ដោយលោក សុខ ជំនោរ នឹងចូលរោងការមុននាង 4 ថ្ងៃ៕

មុននេះបន្ដិច តារាចម្រៀងស្រីនៅផលិតកម្ម រស្មីហង្សមាស កញ្ញា សុគន្ធ នីសា បានចេញសារនៅក្នុងចិត្ត ស្ដែងបង្ហាញពីអារម្មណ៍ Drama បន្ដិចនៅលើបណ្ដាញទំនាក់ទំនងសង្គម Instagram ក៏ស្របពេលគ្នានោះដែល ស្រាប់តែតារាចម្រៀងនៅផលិតកម្ម ថោន ឬ​ទីក្រុង ភាពយន្ដ លោក សុគន្ធ ថេរ៉ាយុ ក៏បានចេញសារ និងពាក្យពេចន៍ដូចគ្នាទៅនឹងតារាស្រី សុគន្ធ ថេរ៉ាយុ នៅលើបណ្ដាញសង្គម ហ្វេសប៊ុក របស់ខ្លួន។

អ្នកទាំងពីរបានសរសេរសារព្រមគ្នាថា «មិនតូចចិត្តនឹងវាសនាខ្លួនឯង មិនច្រណែននឹងសុភមង្គលគេ ព្រោះមនុស្សយើងសំណាងមិនដូចគ្នា ទ្រាំទទួលអ្វីដែលជាវាសនាយើងទៅ សប្បាយ សប្បាយ »។

ការបញ្ចេញសារដូចគ្នានេះ បណ្ដាលឱ្យមហាជនអ្នកគាំទ្រងឿងឆ្ងល់ថា គឺជាអ្វីឱ្យពិតប្រាកដទៅ ជាឆាកល្ខោន Drama copy អ្នកណាចម្លងតាមអ្នកណា អ្នកណាម្ចាស់ដើម ឬមួយក៏ជាការលេងហ្គេមទេ…… តើជាអ្វីឱ្យពិតប្រាកដទៅ? ៕

កាន់តែជាក់ច្បាស់សូមទស្សនារូបភាពទាំងឡាយនេះ៖