Tag: សុខ ពិសី

បើតាមរយៈបណ្ដាញសង្គមហ្វេសប៊ុករបស់តារាចម្រៀងស្រីរូបស្រស់ផូរផង់កញ្ញា សុខ ពិសី ត្រូវបានគេដឹងថា ជាតារាចម្រៀងដ៏មានប្រជាប្រិយភាព ព្រមទាំងកំពុងទទួលបានការគាំទ្រយ៉ាងច្រើនលើសលប់ពីសំណាក់មិត្តៗយុវវ័យ។ ថ្មីៗនេះ MV នៃបទចម្រៀងថ្មីបែបមនោសញ្ចេតនារបស់នាងកំពុងតែធ្វើឱ្យមិត្តៗយុវវ័យពេញចិត្តយ៉ាងខ្លាំង ដែលបទនោះមានចំណងជើងថា៖ «បើស្រឡាញ់ ហេតុអ្វីបងមិនខ្វល់»​ ក្នុងនោះដែរ យើងគេឃើញមានហ្វ៊ែនៗរបស់កញ្ញា សុខ ពិសី ចែករំលែកតៗគ្នាជាច្រើននាក់ផងដែរ។

ជាក់ស្ដែង រាល់បទចម្រៀងរបស់តារាស្រីសាច់សខ្ចីរូនេះហាក់កំពុងតែកក្រើកពេញបណ្ដាញហ្វេសប៊ុក ខណៈដែល MV បទចម្រៀងថ្មីបែបមនោសញ្ចេតនារណ្ដំចិត្តយុវវ័យដែលមានចំណងជើងថា «បើស្រឡាញ់ ហេតុអ្វីបងមិនខ្វល់» បានចេញ Full MV មកហើយ ។ ជាងនេះទៅទៀត គ្រាន់តែ MV បទថ្មីរបស់កញ្ញា សុខ ពិសី ចេញផ្សាយលើបណ្ដាញសង្គមមិនទាន់បានប៉ុន្មានម៉ោងផង ស្រាប់តែមានអ្នកចូលទស្សនាយ៉ាងច្រើនសន្ធឹកសន្ធាប់ទៅហើយ។ ចំពោះបទថ្មីនេះដែរ មិនត្រឹមតែពីរោះនោះទេ សូម្បីអត្ថន័យសាច់រឿងក៏ចាក់ដោតបេះដូងអ្នកទស្សនាឱ្យសឹងស្រក់តែទឹកភ្នែកដោយមិនដឹងខ្លួនទៀតផង៕

ចង់ដឹងថា សាច់រឿងស្នេហាក្នុងបទចម្រៀង «បើស្រឡាញ់ ហេតុអ្វីបងមិនខ្វល់»​ មានភាពកម្សត់ និងសណ្ដំបេះដូង រំជួលអារម្មណ៍មិត្តយុវវ័យយ៉ាងណាខ្លះនោះ សូមទស្សនាវីដេអូខាងក្រោមនេះ៖

https://www.youtube.com/watch?v=beLvOHYq-O8

បទ «ចិត្ដមិនអស់ស្នេហ៍ តែខំបំភ្លេច» របស់កញ្ញា សុខ ពិសី ដែលមហាជនធ្លាប់តែស្ដាប់អស់រយៈពេល 4ឆ្នាំមកហើយ តែក្រោយពីបានចេញជាMV រយៈពេលមួយខែមកនេះ គេសង្កេតឃើញថា បទនេះមានសម្ទុះនៃការគាំទ្រច្រើនមែនទែន។

យើងជឿថា អ្នកគាំទ្ររបស់កញ្ញា សុខ ពិសី ជាច្រើនប្រាកដជានៅចាំបទ “«ចិត្ដមិនអស់ស្នេហ៍ តែខំបំភ្លេច”» នេះមិនខាន ព្រោះបទនេះបានចេញជា Audio ច្រើនឆ្នាំមកហើយ រហូតមានមហាជនជាច្រើនធ្លាប់បានយកបទនេះទៅច្រៀងត្រាប់តាមនៅក្នុងកម្មវិធីប្រឡងចម្រៀងផ្សេងៗជាច្រើនទៀតផង។

ប៉ុន្តែបន្ទាប់ពីបទចម្រៀងមួយនេះត្រូវបានផលិតចេញជា MV បានមួយខែមក គេសង្កេតឃើញមានអ្នកចូលមើលកាន់តែកើនច្រើនឡើង បញ្ជាក់ថា ការធ្វើ MV បទនេះទទួលបានការគាំទ្រច្រើនពីទស្សនិកជនដែលនិយមបទបែបមនោសញ្ចេតនា ខណៈការសម្ដែងរបស់កញ្ញា សុខ ពិសី ជាមួយអតីតហ្វ្រេសស៊ី ប៊យបានដាក់មនោសញ្ចេតនាចូលទៅក្នុងបទនោះយ៉ាងស៊ីជម្រៅ ធ្វើឱ្យអ្នកទស្សនា និងអ្នកគាំទ្ររបស់នាងជាច្រើនស្លុងអារម្មណ៍តាម និងមានការពេញចិត្ដជាខ្លាំងជាមួយសកម្មភាពសម្ដែងរបស់កញ្ញា សុខ ពិសី។

ជាមួយភាពសប្បាយរីករាយ និងការសាទររបស់ហ្វ៊ែនៗរបស់នាង មានមនុស្សជាច្រើនគាំទ្របទ «ចិត្ដមិនអស់ស្នេហ៍ តែខំបំភ្លេច»យើងជឿថា អារម្មណ៍របស់កញ្ញា សុខ ពិសី កាន់តែសប្បាយចិត្ដជាងហ្វ៊ែនៗរបស់ខ្លួនទៅទៀត ចំពោះអ្វីដែលជាការខំប្រឹងប្រែងរបស់នាង ហើយទទួលបានលទ្ធផលវិជ្ជមានល្អបែបនេះ។ ហើយវាក៏ស្របទៅនឹងអ្វីដែលនាងធ្លាប់ចង់បានដែរ នោះគឺចង់ឱ្យអ្នកគាំទ្រចាប់អារម្មណ៍ពីស្នាដៃ ក៏ដូចជាចម្រៀងរបស់នាងច្រើនជាងរឿងផ្ទាល់ខ្លួន៕

ប្រហែលជាមួយខែមុននេះមានសារព័ត៌មានក្នុងស្រុកជាច្រើនបានចុះផ្សាយយ៉ាងព្រោងព្រាតអំពីរឿងផ្ទាល់ខ្លួនរបស់តារាចម្រៀងសុខ ពិសី ថានាងបានសម្ងំសាងស្នេហ៍ជាមួយអ្នកគ្រប់គ្រងទូទៅរបស់ផលិតកម្មសាន់ដេ គឺលោក ឡាយ សុខចំរើន។
គ្រានោះមានមហាជនមួយចំនួនបានលើកឡើងថា វាមិនទាស់ខុសអ្វីទេដែលតារាចម្រៀងរូបនេះទៅសាងស្នេហ៍ជាមួយអ្នកគ្រប់គ្រងរបស់ខ្លួន ព្រោះអ្នកទាំងពីរមានសិទ្ធគ្រប់គ្រាន់ ខណៈពួកគេនៅអាចប្រើប្រាស់ជីវិតលីវបាននៅឡើយនោះ។

ទោះជាយ៉ាងណាសាមីខ្លួនកញ្ញាសុខ ពិសី ហាក់ពុំសប្បាយចិត្ដនឹងដំណឹងបែបនេះឡើយ ព្រោះកន្លងមកសារព័ត៌មានក្នុងស្រុកជាច្រើនតែងតែចាប់អារម្មណ៍ផ្សាយតែពីរឿងផ្ទាល់ខ្លួនរបស់នាង ដោយលើកឡើងថា នាងមានចំណងស្នេហ៍ជាមួយបុរសនេះ បុរសនោះ ជាដើម។ នាងបន្ដថា៖ «ខ្ញុំមិនចង់ឱ្យមហាជនចាប់អារម្មណ៍លើរឿងស្នេហារបស់ខ្ញុំពេកទេ ដោយសារតែរឿងទាំងនោះវាពុំមានអ្វីជាការពិតទេ ផ្ទុយទៅវិញខ្ញុំចង់ឱ្យមហាជនចាប់អារម្មណ៍មកលើការងារដែលខ្ញុំកំពុងតែខំប្រឹងវិញល្អជាង ដូចជាការបង្កើតបទចម្រៀងថ្មីៗ ឬការប្រឹងហ្វឹកហាត់ក្បាច់រាំថ្មីៗជាដើម »។

សុខ ពិសី បន្ដថា ការគាំទ្រទៅលើការងាររបស់តារាសិល្បៈជាកម្លាំងចិត្ដមួយដ៏ធំសម្រាប់នាង ក៏ដូចជាតារាសិល្បៈដទៃទៀតដែលគេកំពុងតែខំប្រឹងប្រែងបង្កើនសមត្ថភាពដើម្បីប្រកួតប្រជែងក្នុងទីផ្សារ  ពិសេសពួកគេត្រូវការឱ្យមានជាចាំបាច់ និងមិនអាចខ្វះបាន គឺការគាំទ្រពីមហាជន។

គួបញ្ជាក់ថា អ្វីដែលនាំឱ្យមានដំណឹងលេចឮជុំវិញចំណងស្នេហ៍រវាងកញ្ញា សុខ ពិសី និងអ្នកគ្រប់គ្រង ដោយសារតែកន្លងមកនាងពុំដែលស្និទ្ធស្នាលជាមួយបុរសណាម្នាក់ឡើយ តែក្រោយមកស្រាប់តែមានមហាជនមួយចំនួនបានឃើញលោកឡាយ សុខចំរើន ឧស្សាហ៍ជូននាងទៅផ្ទះ ទើបធ្វើឱ្យមានការសន្និដ្ឋានបែបនេះឡើង៕