Tag: រឿន ស៊ីណាត

មានការភ្ញាក់ផ្អើលយ៉ាងខ្លាំងបន្ទាប់ពី បវរកញ្ញារបស់កម្ពុជា កញ្ញា រឿន ស៊ីណាត ដែលមិនសូវជាអាចនិយាយភាសាអង់គ្លេសបានល្អនោះស្រាប់តែបវរកញ្ញាចក្រវាលរបស់អូស្ដ្រាលី បានធ្វើការ Live វីដេអូ និយាយពីបវរកញ្ញារបស់កម្ពុជា ជាហេតុធ្វើឱ្យមហាជនខ្មែរជាច្រើនមិនពេញចឹត្តយ៉ាងខ្លាំងថែមទាំងបានរិះគនចំៗ ទៅលើបវរកញ្ញាអូស្ដា្រលីនោះវិញ។

ជាក់ស្ដែងក្រោយកើតមានរឿងហេតុនេះ បវរកញ្ញាអាមេរិក នាង Sarah Rose Summer បានធ្វើការផ្ញើសារមកកញ្ញា រឿន ស៊ីណាត ភ្លាមៗ និងបានធ្វើការបកស្រាយផងដែរ។ សំណេរសាររបស់បវរកញ្ញាអូស្ដ្រាលី បានសរសេរថា « សួស្ដី! ខ្ញុំពិតជាសូមទោស។ ខ្ញុំបានដឹងថា វីដេអូខ្លីបត្រូវបានគេកាត់ចោល ហើយការបែកធ្លាយរូបភាពបានផ្ទុយទៅនឹងកិច្ចពិភាក្សា របស់យើង។ តើអ្នកបានទស្សនាការឡាយទាំងស្រុងរបស់ Valeria ដែរឬទេ? ខ្ញុំមិនបានកើតចិត្តស្អប់អ្វីនោះទេ ហើយយើង សុំសរសើរ Nat។ យើងកំពុងពិភាក្សាថាតើវាលំបាកដើម្បីឱ្យពួកយើងនិយាយភាសាតែមួយ។ ខ្ញុំមិនអាចស្រម៉ៃទេ។ យើងបានពិភាក្សាថាតើមានចំណេះដឹង ប៉ុន្មានដែលបានទទួលពីពេលវេលារបស់យើងនៅឯកម្មវិធី miss universe តាមរយៈការពិតថាពិភពលោករបស់យើងតូចឬធំ។

ខ្ញុំគិតពីរឿងនេះជាច្រើនលើក ខ្ញុំមិនអាចស្រម៉ៃថាតើវាលំបាកប៉ុន្មាន​​ក្នុងការនិយាយភាសា បរទេសដូចអ្នកដទៃ។ ខ្ញុំក៏បានសង្កត់ធ្ងន់ផងដែរថាតើយើងត្រូវប្រើប្រាស់ Google Translate​ នៅលើទូរស័ព្ទដៃរបស់យើង​។ ទោះជាយ៉ាងណា ខ្ញុំបានប្រាប់ Nat ពីគោលបំណងធ្វើដំណើរទៅកាន់ប្រទេសកម្ពុជា បន្ទាប់ពីការប្រកួតប្រជែងក្នុង​ខែនេះ។ ចំណេះដឹងគឺជាអ្វីៗទាំងអស់ ហើយខ្ញុំសង្ឃឹមថាអ្នកនឹងយល់ពីទឹកចិត្តរបស់ខ្ញុំ ខណៈស្ថានភាពរបស់ខ្ញុំមិនដូចទៅនឹង អ្វីដែលមនុស្សគ្រប់គ្នាគិត និងនិយាយនោះទេ៕

ពិតជាមិនមែនរឿងធម្មតាឡើយ ទម្រាំតែក្តាប់បានឱកាសមួយៗនោះ ខណៈ កញ្ញា រឿន ស៊ីណាត ដែលជាជយលាភី បរវកញ្ញាឯកកម្ពុជាចំណាត់ថ្នាក់លេខ1 ក្នុងឆ្នាំ2017 ហាក់កំពុងសម្ងំ ហាត់ពត់លន់ដុំសមត្ថភាព របស់ខ្លួនបន្ថែមទៀត ដើម្បីទៅបញ្ចេញសមត្ថភាពលើឆាកអន្តរជាតិ គឺនាងនឹងត្រៀមខ្លួនធ្វើជាបវរកញ្ញា តំណាងឱ្យប្រទេសកម្ពុជា ក្នុងកម្មវិធីប្រកួតសម្រស់ លំដាក់ថ្នាក់ពិភពលោក «Miss Universe 2018»។ យ៉ាងណាមិញ ថ្មីៗនេះ ស្រាប់តែធ្លាយដំណឹងមកថា នាងបានបង្ហាញវត្តមានក្នុងកម្មវិធីប្រកួត «Miss Universe 2018» ហើយ។

កន្លងមកកញ្ញា រឿន ស៊ីណាត ធ្លាប់ប្រាប់អ្នកសារព័ត៌មានថា ខណៈនេះ នាងកំពុងតែត្រៀមខ្លួនទៅប្រកួត Miss Universe…ខណៈបច្ចុប្បន្ននេះ មានខាងផលិតកម្មច្រើន ដែលទាក់ទងមកឱ្យនាងទៅថត MV និងថតស្ពតផងដែរ ដូចជាខាង ផលិតកម្មសាន់ដេ និងផលិតកម្ម ហង្សមាស ប៉ុន្តែមិនអាចទទួលបាន ដោយសារតែនាងវរល់នឹងត្រៀមខ្លួន ក្នុងការហាត់រៀនបន្ថែម ដើម្បីចេញទៅប្រកួត «Miss universe» ប៉ុន្តែបើត្រឡប់មកពីប្រកួតវិញ អាចនឹងទទួលបាន។

គួរបញ្ជាក់ថា ត្រូវបានមហាជនដឹងថា នាងពិតជាមានរូបសម្រស់ស្រស់ស្អាតបែបធម្មជាតិ និងពោលពេញដោយសមត្ថភាពផ្នែកដើរម៉ូត ដោយនាង គឺជាបវរកញ្ញាឯក លេខ1 របស់ប្រទេសកម្ពុជា ក្នុងកម្មវិធី «Miss Cambodia 2017» ខណៈនៅប៉ុន្មានខែខាងមុខនេះ នាងនឹងតំណាងឲ្យប្រទេសកម្ពុជា ចេញទៅប្រកួត «Miss Universe» នៅលើឆាកអន្តរជាតិ៕