Tag: ម៉ុក អានីត

ក្រោយពីកញ្ញា ម៉ុក អានីត និងលោក​ ខេវិន ទទួលបានការអនុញ្ញាតិពីព្រះរាជអាជ្ញានិងយោបល់មេធារីដើម្បីចេញមុខបកស្រាយជុំវិញរឿងបទបរិហារកេរ្ត៏នឹងបង្ខូចកេរ្ត៏ឈ្មោះ ថ្មីនេះៗ តារាចម្រៀងទាំងពីរដួងនេះ បានចេញវីដេអូនៅលើបណ្ដាញទំនាក់ទំនងសង្គមហ្វេស លាតត្រដាងការពិតពីបុរសជាប្រធានសមាគមខ្មែរនៅកាណាដាលោក ឃុន ដេវិត ឱ្យបងប្អូនប្រជាពលរដ្ឋខ្មែរបានជ្រាបដឹងពីដំណើរហេតុដែលបានកើតឡើង ។

ក្រោយពេលផ្ទុះរឿងបរិហាកេរ្ដិ៍ខ្មាសរបស់កញ្ញា ម៉ុក អានីត ដែលត្រូវបានលោក ឃុន ដេវិត ឬមានឈ្មោះ ទន់ ពូន បានបង្ហោះនៅលើបណ្ដាញហ្វេសប៊ុករួចមក តារាស្រីរូបនេះ បានដាក់ពាក្យបណ្ដឹងនៅកាន់សមត្ថិកិច្ច និងផ្ដល់សិទ្ធិជូនមេធាវីដើម្បីដោះស្រាយរឿងនោះទៅតាមនិតិវិធីច្បាប់។ យ៉ាងណាមិញ លោក ខេវិន បានសង្កត់ធ្ងន់នៅលើហ្វេសប៊ុកផ្ទាល់ខ្លួនថា​ « នេះឬលោកប្រធានសមាគមល្បីក្នុងFacebook? សរសេលើអត្ថបទ Account របស់ខ្លួនឯងអសិលធម៌បែបនឹង អត្តអន់ជាងសត្វឆ្កែតិឆ្ឆានទៅទៀត ហើយអួតលើកតម្កើនខ្លួនឯងខ្ពស់ពេកហើយនេះទទួលយកអត់បានទេ តើឪពុកម្ដាយលោកឯងបានប្រដៅលោកឯងអត់???បានជាមើលងាយមនុស្សីដល់ថ្នាក់និង។ នេះសរបញ្ចក់ឱ្យឃើញពីចរិកដ៏ថោកទាបបំផុតខ្វះសុជិវៈធម៌គ្មានការអប់រំគ្មានម៉ែឪប្រដៅ ចាស់ហើយនៅភ្លីភ្លើទៀត ក្រែងតាកណ្ដុលធ្លាក់ឯងកើតពីមនុស្សស្រីដែរ ឬក៏កើតដូចស៊ិនអូខុង អត់មានម៉ែមានឪនឹងគេ បានជាហ៊ានប្រមាថមនុស្សីដល់ថ្នាក់នឹង កុំលាបពណ៏គេយកឈ្មោះប្រធានសមាគមន៏គេល្អពិតប្រកដជួយសង្គមទៅជាន់ឈ្លីធ្វើឱ្យមហាជនគេច្រឡំព្រោះតាកណ្ដុលធ្លាក់ទឹកឯងសោះ »។

លោក បន្ដបញ្ជាក់បន្ថែមទៀតថា « ប្រធានសមាគមល្អពិតប្រាកដ គេបើកសមាគមដើម្បីជួយខ្មែរលើកតម្កើនជាតិនឹងពូជសាសន៍ខ្លួនឯង មិនមែនដូចតាឯងបោះឆ្នោតមា្នក់ឯង ជាប់ម្នាក់ឯង ចាត់តាំងខ្លួនឯង ស៊ីញ៉េម្នាក់ ហើយសម្មត់ថាខ្លួនជាប្រធានសង្គមខ្មែរកាដាណា ជាឈ្លើងជាចៃសង្គមទើបត្រឹមត្រូវជាង ត្រៀមខ្លួនឱ្យហើយទៅ ឈប់អោយគេអង្វរអោយពួកខ្ញុំដកពាក្យបណ្ដឹងទៀតទៅ No way No way
ចាស់ចំណាស់ហ្នឹងហ៊ាន Selfie ខ្លួនឯងហើយសរសេរពាក្យភាសាបាតផ្សារ posted ឱ្យគេមើលខ្លាចគេគិតថាខ្លួនឯងមិនមែនឆ្កែ ជួយ Share ឱ្យតានឹងល្បីនឹងពីភពលោកបានឃើញទង្វើដ៏លាមកថោបទាបបំផុតរបស់តាហ្នឹង(The Guy very crook man) »។

ខាងក្រោមនេះ គឺជាវីដេអូបកស្រាយផ្ទាល់របស់កញ្ញា ម៉ុក អានីត និងលោក ខេវិន ដែលបានលាតត្រដាងរឿងពិតជូនមហាជនបានជ្រាបដឹង ដើម្បីឱ្យកាន់តែជាក់ច្បាស់ សូមទស្សនាវីដេអូខាងក្រោមនេះ៖

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងស្រី ម៉ុក អានីត នៅពេលថ្មីៗនេះ បានឱ្យដឹងថា មានប្រភពមួយទម្លាយថាប្រធានសមាគមខ្មែរកាណាដាលោក ឃុន ដេវីត ពេលនេះត្រូវបានសមត្ថកិច្ចឃាត់ខ្លួនពាក់ព័ន្ធនិងបណ្តឹង របស់តារាចម្រៀងផលិតកម្មប៊ិកមែន កញ្ញា ម៉ុក អានីត។

បើយោងតាមសាមីខ្លួនកញ្ញា ម៉ុក អានីត បានសរសេរបញ្ជាក់ នៅលើហ្វេសប៊ុកថា «ខ្ញុំ ម៉ុក អានីត និងលោក ខេវិន កំពង់រងចាំសុំអនុញ្ញាតិយោបល់ពីប៉ូលិស និងចង្អុលបង្ហាញពីព្រះរាជអាជ្ញា ជុំវិញរឿងករណីនេះ ដើម្បីសុំការបកស្រាយទៅមហាជន ព្រោះជនល្មើសត្រូវបានចាប់ខ្លួនព្រឹកម្សិលមិញហើយ»។ ដោយឡែក លោក ខេវិន ក៏បានបញ្ជាក់បន្ថែមនៅលើហ្វេសប៊ុកយ៉ាងដូច្នោះថា « សួស្ដីបងប្អូនក្នុង Facebook ទាំងអស់គ្នាពួកខ្ញុំទាំងពីរទើបទទួលបានការអនុញ្ញាតិពីព្រះរាជអាជ្ញានិងយោបល់មេធារី ដើម្បីចេញមុខបកស្រាយជុំវិញរឿងបទបរិហារកេរ្ត៏នឹងបង្ខូចកេរ្ត៏ឈ្មោះ ខ្ញុំបាទខេវិន នឹង ម៉ុក អានីត ពីសំណាក់ឈ្លើងសង្គម ទន់ ពូន ហៅ ឃុន ដេវិត ពួកខ្ញុំនិង Live ក្នុងពេលឆាប់ៗនេះសូមបងប្អូនជួយSharesអោយបានច្រើនជូនជាព័ត៏មាន សូមអរគុណ»។

គួរបញ្ជាក់ផងដែរថា នាពេលនេះ គណនីហ្វេសប៊ុករបស់លោក ឃុន ដេវីត បានអះអាងថា គណនីនេះត្រូវបានជនអណាមិកបន្លំហែកចូលប្រើប្រាស់ ក៏ប៉ុន្ដែមុនពេលធ្វើការប្រកាសខ្លួនបែបនេះ លោក ឃុន ដេវីត ក៏ធ្លាប់បានបង្ហោះសាររៀបរាប់អះអាងពាក់ព័ន្ធជាមួយករណីកញ្ញា ម៉ុក អានីត និងលោក ខេវិន ក្រោយផ្ទុះព័ត៌មានឡើងថា « តាំងនាមសហគមន៍ខ្មែរ Canada, រីករាយដែលបានធានាកូនខ្មែរ 34នាក់ មករស់នៅលើដី Canada មានអនាគតល្អ តែគួរឲ្យសោកស្ដាយ ចុងក្រោយនេះប៉ះក្រពើ 2 ដែលបានមកដល់ហើយរត់គេចបាត់ ថែមទាំងប្រឌិតរឿងភរ ចោទថា ខ្ញុំបង្ខំនាង ម៉ុក អានីត ឲ្យមក..ការពិតអា ខេវិន បោកឲ្យខ្ញុំយកមក.. ខ្លួនឯងពោះធំ 5ខែហើយ។ មេធាវី សួ ថា ? បើប្រាកដបង្ខំឲ្យមក.. ម៉េចក៏ភើ្លមកអីចឹង? មេចមិន block Facebooks, ម៉េចមិនប្ដឹងទូតថា នាងមកនេះគឺដើម្បីឲ្យគេ…? ឥឡូវ វាប្ដឹងខ្ញុំឡើងតុលាការ។ មកពីវាបានសិទ្ធិនៅបណ្ដាះអាសន្ន។ កុំអាលអរពេលតុលាការឃើញថាភរ បំពានលើ sponsor គឺដឹងថា យ៉ាងម៉េចហើយ ឲ្យវាសប្បាយសិនចុះ ស៊ីលុយរាល់ខែ 1000ដុល្លារ បាន lawyer free, ទៅពេទ្យ free ហើយលួចធ្វើការយកលុយសុទ្ធទៀត»៕

បន្ទាប់ពីចេញមុខបកស្រាយនៅលើគណនីហ្វេសប៊ុកពាក់ព័ន្ធជាមួយរឿង លោក ឃុន ដេវីត បានបោកប្រាស់តារាចម្រៀងស្រី ម៉ុក អានីត ឱ្យទៅច្រៀងនៅប្រទេស កាណាដា និងបានកេងប្រវ័ញ្ញកម្លាំងពលកម្មរបស់នាង និងមិត្តភក្ដ មិនត្រឹមតែប៉ុណ្ណោះទេ ក៏បានបង្ខាំងកញ្ញា ម៉ុក អានីត ទុករួមភេទ រហូតធ្វើឲ្យនាងមានផ្ទៃពោះ 5 ខែទៀតផងនោះ អតីតតារាចម្រៀងស្រីនៅផលិតកម្ម រ៉ុក រូបនេះនៅតែមិនទាន់អស់ចិត្តជាមួយនឹងបណ្ដាអ្នកសារព័ត៌មានមួយថែមទៀត ដែលបានចេញផ្សាយពីរូបនាង និងមានការសុំបញ្ជាក់ពី រង្វង់ក្រហមដែលបានគូរលើរូបនាង តើជាសញ្ញាអ្វី ? មានសេចក្ដីដូចម្ដេច ?

តារាស្រីរូបនេះ បានសរសេរសារនៅលើហ្វេសប៊ុករបស់ខ្លួនថា «ខ្ញុំនឹងសុំឱ្យនាយកនិពន្ធPage dailyreport.media បំភ្លឺរឿងករៈណីបន្ថែមមួយទៀត ហេតុអីយករូបនាងខ្ញុំទៅគូរសញ្ញាក្រហមដើម្បីបញ្ចាក់ពីអ្វី??? នាងខ្ញុំជាជនល្មើស ជាឧក្រិតជន ជនសង្ស័យ ឬរូបនឹងបានស្លាប់បាត់បង់ជីវិតហើយ នេះជាការប្រមាថថ្មីមួយទៀត មកលើរូបនាងខ្ញុំ។ ឋិតក្នុងពេលប៉ូលិសកំពុងសួរចម្លើយជនល្មើស តាមការណែនាំរបស់សម្ថតកិច្ច លោកឱ្យនាងខ្ញុំដាក់ពាក្យប្ដឹងមួយទៀត ដើម្បីមានការស៊ើបអង្កេតទៅ Page dailyreport media ថាតើនរណាជាអ្នកផ្ដល់ពត៏មាននឹងរូបថតគូសសញ្ញាក្រហមបន្ថែមលើរូបនាងខ្ញុំ សូមបងប្អូនជួយShares ដើម្បីអោយម្ចាស់Page បកស្រាយបំភ្លឺ ។ ចង់ប្រាប់ថាកុំកេញចំណេញប្រយោជន៏នៅពេលដែលនាងខ្ញុំកំពុងមានបញ្ហា។ មួយនៅក្នុងទ្រុងហើយតើមានប៉ុន្មានអ្នកទៀតនៅពីក្រោយករៈណីនេះ »។

ម្យ៉ាងវិញទៀត លោក ខេវិន រ៉ុក ដែលត្រូវជាអតីតមិត្តរួមទ្រនំ និងគេបានដឹងថាជាប់ពាក់ព័ន្ធករណីទៅច្រៀងនៅកាណាដាជាមួយបញ្ហាតារាស្រីខាងលើនេះ ក៏បានរៀបរាប់សុំការបញ្ជាក់ផងដែរថា « គូររង្វង់ក្រហមនឹងមានន័យយ៉ាងមិចអស់លោក??? គាត់ឆបោកគេឬ ជនសង្ស័យ??? បើមិនជួយចូកចែកុំបន្ថែមព្រោះតែមហិឆ្ឆិតាខ្លួនឯង រៀនប្រើខួរខ្លះទៅ គេគ្មានកិត្តិយស ឬមិនស្មើយើង ប្រហែល ម៉ុក អានីត គេមិនសូវស្គាល់ហើយ » ។

យ៉ាងណាមិញ ខាងស្ថាប័នសារព័ត៌មានខាងលើនេះបានអះអាងដូច្នេះថា « ផ្អែកលើការបកស្រាយពី រស់ ម៉ូនីកា ក្រោយប្រតិកម្មព័ត៌មានមួយ ដោយបានផ្ញើរូបមកកាន់ Dailyreport កាលពីយប់ថ្ងៃទី​28 ខែមីនា ចង់ជម្រះមន្ទីលសង្ស័យ ប៉ុន្តែ​អ្នកនាង រស់ ម៉ូនីកា បានគូសរង្វង់ក្រហមដើម្បីបញ្ជាក់ថា មួយណា ម៉ុក អានីត និងមួយណា រស់ ម៉ូនីកា តែប៉ុណ្ណោះ រួច​ក៏បានផ្ញើមកកាន់ស្ថាប័នយើងខ្ញុំ។ ការគូសរង្វង់ក្រហមពីម្ចាស់ដើម រស់ ម៉ូនីកា នេះ មិនមែន​សំដៅទៅលើថា កញ្ញាជា​ជនសង្ស័យ ឬឧក្រិដជន ឬប្រមាថជីវិត ដូចការលើកឡើងនោះទេ ។ សុំកញ្ញា ម៉ុក អានីត ទទួល នូវ​ការស្រាយបញ្ជាក់ពីស្ថាប័នយើងខ្ញុំ »៕

ថ្មីៗនេះ នៅលើបណ្ដាញទំនាក់ទំនងសង្គមហ្វេសប៊ុក​ កំពុងតែមានភាពភ្ញាក់ផ្អើលយ៉ាងខ្លាំង ខណៈដែលព័ត៌មានសុះសាយអំពីអតីតតារាចម្រៀងស្រីនៅផលិតកម្ម រ៉ុក កញ្ញា ម៉ុក​ អានីត ត្រូវបានគេទម្លាយថា រូបនាង និងលោក ខេវិន រ៉ុក ត្រូវបានលោក លោក ឃុន ដេវីត បានបោកប្រាស់ឱ្យទៅច្រៀងនៅប្រទេស កាណាដា ហើយតាមពិតបុរសរូបនេះក៏បានកេងប្រវ័ញ្ញកម្លាំងពលកម្មរបស់ពួកគ មិនត្រឹមតែប៉ុណ្ណោះទេ លោកបានបង្ខាំងកញ្ញា ម៉ុក អានីត ទុករួមភេទ រហូតធ្វើឲ្យនាងមានផ្ទៃពោះ ៥ខែទៀតផង។ ហើយថែមទាំងមានការចេញផ្សាយទៀតថា ដោយការទ្រាំនឹងភាពឈឺចាប់មិនបាន ម៉ុក អានីត បានដាក់ពាក្យបណ្តឹងទៅតុលាការកាណាដាពីបទបង្ខាំងមនុស្សខុសច្បាប់ទុកបម្រើផ្លូវភេទផងដែរ។

ពាក់ព័ន្ធករណីធ្លាយព័ត៌មានបែបនេះមក តារាចម្រៀងស្រីខាងលើនេះបានចេញមុខប្រតិកម្ម និងឆ្លើយតបប្រាប់មហាជនជាសារនៅលើហ្វេសប៊ុកនាងថា « លោកជាអ្នកសារពត៏បែបណា? មានវិជ្ជាជីវៈពិតប្រកដអត់? បានរៀនសូត្រចំណេះដឹងទូទៅដល់កម្រិតណាដែរ ហេតុអីបានជាហ៊ានយកសំណេរបស់តាចាស់វិកលចរិកសរសេរជាភាសាសត្វតិឆ្ឆានបែបនេះ យកមកចុះផ្សាយដោយគ្មានការពិចារណាហេតុផលនឹងគ្មានមូលដ្ឋានច្បាស់លាស់អ៊ីចឹង តើពួកលោកឯងមានខួរក្បាលជាមនុស្ស ឬជាសត្វធាតុ???

នេះជាកិត្តិយសរបស់មនុស្សស្រីណាលោក ឬក៏ពួកលោកឯងគ្មានម្ដាយប្រពន្ធកូនជាស្រីទេ បើគ្រាន់តែពួកលោកចង់ឱ្យព័ត៌មាន ឬ page របស់ពួកលោកគេចូល Views ច្រើនដើម្បីជាប្រយោជន៏ផ្ទាល់ខ្លួនពួកលោក សូមគិតឡើងវិញ ពួកលោកកំពុងធ្វើឱ្យតម្លៃស្រ្តីរបស់ជាតិសាស្រ្តខ្លួនឯងធ្លាក់ចុះដោយមិនដឹងខ្លួន ពួកលោកឯងមានបានសួរខ្ញុំមួយមាត់ទេ តាចាស់ម្នាក់នេះ នាងខ្ញុំមិនដែលបានជួបមុខផ្ទាល់សូម្បីតែ1នាទី ហើយពួកខ្ញុំក៏បានប្ដឹងមែន ប្ដឹងពីបទបរិហាកេរ្ត៏ យករូបពួកខ្ញុំទៅ Post សរសេរផ្ដេសផ្ដាស់គ្មានការអនុញ្ញាតិពីខ្ញុំសោះ។ ច្បាប់គឺច្បាប់ណាលោកមិនមែនស្រេចតែពួកអស់លោកសរសេរតាមតែចិត្តទេ។ ពួកលោកស្គាល់និយមន័យ ប្រធាននិងសមាគមឬនៅ???

បើប្រធានសមាគមខ្មែរនៅកាណាដាជាមនុស្សធន់នឹង លោកជឿទេ ជាតាចាស់ម្នាក់សរសេរអង់គ្លេសមិនច្បាស់ បារាំងក៏មិនត្រូវ រឺឯភាសាខ្មែរខ្លួនឯងយកមកសរសេរសុទ្ធតែភាសាអសីលធម៌ អវិជ្ជា គ្មានខួរក្បាលជាមនុស្សទាល់តែសោះ ហើយតាំងខ្លួនឯងថាជាប្រធានសមាគមខ្មែរនៅកាដាណាទៀត ធ្វើឱ្យសង្គមខ្មែរធ្លាក់ចុះ ធ្វើឱ្យជាតិសាស្រ្តដ៏ទៃគេមើលងាយសាស្រ្តខ្លួនឯង។ តើប្រជាពលរដ្ឋខ្មែរនៅកាណាដាគ្មានមនុស្សចេះដឹងទេឬយ៉ាងណា បានយកមនុស្សធន់នឹងជាប្រធានសមាគមខ្មែរ បើតាមខ្ញុំដឹងតាចាស់ម្នាក់នេះអត់ការងារធ្វើហើយដេកឱ្យរដ្ឋចិញ្ចឹម(ស៊ីលុយរដ្ឋ)យូរហើយ »។

នាងបានបន្ដបញ្ជាក់ពីអត្តសញ្ញាណ​បុរសចំណាស់ ឃុន ដេវីត ទៀតថា « ចាត់តាំងខ្លួនឯង បោះត្រាខ្លួនឯង ស៊ីញ៉េម្នាក់ឯង គ្មានរណាម្នាក់គេទទួលស្គាល់ទេ (បើតាមប្រជាពលរដ្ឋនៅទីក្រុង Montreal ប្រាប់ខ្ញុំផ្ទាល់មាត់) បោកប្រាស់និយាយកុហុសបំផុសពត៌មានមិនពិតចេះតែសរសេរតាមនឹងឃើញទាំងដឹងថាខ្លួនបំពានលើច្បាប់។ រឿងនេះវាអយុត្តិធម៌ណាស់សម្រាប់មនុស្សស្រីដូចនាងខ្ញុំ ហើយចាំមើលតើច្បាប់នៅកាណាដាយ៉ាងមិចវិញ។
សូមផ្ដាំទៅលោកជានាយកនិពន្ធពត៌មាន មេត្តាកែសំរួលអត្ថបទលោកឡើងវិញតាមការគួរ បើមិនដូឆ្នេះទេ ពួកខ្ញុំនឹងវិធានការតាមច្បាប់»៕