Tag: នី រតនា

ថ្ងៃពិសេសរបស់តារាចម្រៀងប្រចាំផលិតកម្មហង្សមាស លោកនី រតនា និងភរិយា បានដល់តាមពេលាកំណត់ហើយ ដែលនៅលើបណ្ដាញសង្គមលោកបានបង្ហោះរូបភាពជាច្រើនសន្លឹក និងមានឈុតក្រហមចាំង កំពុងសំពះកុងម៉ាថែមទៀតផង រហូតធ្វើឱ្យអ្នកគាំទ្រជាមួយច្រើននាក់ភ្ញាក់ផ្អើល ផ្ញើសារជូនពរលោក និងចូលរួមអបអរចំពោះដំណើរជីវិតគូរបស់លោកផងដែរ។

មិនត្រឹមតែស្លៀកឈុតបុរាណខ្មែរស្រស់ស្អាតទាំងកូនក្រមុំ និងកូនកំលោះនោះទេ សូម្បីតែឈុតបែបប្រពៃណីជនជាតិចិនក៏ស្រស់ស្អាត និងស្រស់សង្ហាទៀតផង។ គ្រាន់តែបង្ហោះរូបភាពនិងវីដេអូភ្លាម គេមើលឃើញថា អ្នកគាំទ្រជាច្រើន ក៏បាននាំគ្នាស៊ែរ ក៏ដូចជាធ្វើការខំមិន នៅលើបណ្តាញសង្គមរបស់លោកព្រោងព្រាត ខណៈពិធីមង្គលរបស់តារារូបនេះកំពុងតែប្រព្រឹត្តឡើងបណ្តើរៗហើយ៕

តារាចម្រៀងវ័យក្មេងសំឡេងផ្អែម និងមានទឹកដមប្រកបដោយមនោសញ្ចេតនា លោក នី រតនា ត្រូវបានគេបង្ហើបឱ្យដឹងថា នឹងចូលរោងការនៅថ្ងៃទី18 ខែមករា ឆ្នាំ2019 ខាងមុខនេះ ដោយគ្រោងធ្វើនៅគេហដ្ឋានខាងស្រី ដែលជាកូនអ្នកមានទ្រព្យធនផងដែរ។ នៅក្នុងនោះ​ ក៏នឹងមានវត្តមានភ្ញៀវកិត្តិយសដែលជាមន្ត្រីរាជការ អ្នកមានមុខមាត់ក្នុងសង្គម អ្នកជំនួញធំៗ​ ជាពិសេស គឺអ្នកសិល្បៈដែលសរុបទាំងអស់មិនក្រោម 1,000នាក់ឡើយ។

តាមការបង្ហើបឱ្យដឹងដដែលនោះ គេដឹងថា សម្រាប់​ថ្លៃ​បណ្ណាការវិញ ក៏ នី រតនា ជូន​ដល់​ខាង​ស្រី​ច្រើន​គួរសម​ដែរ ប៉ុន្ដែមិនបានបញ្ជាក់ថា ប៉ុន្មានឡើយ។ ពេលនេះ​ដែរ នី រតនា ក៏បាន​រៀបចំ​ខ្លះៗ​ហើយ​សម្រាប់​ពិធីមង្គលការ​របស់លោក​ដែលមាន​ដូចជា ​ការថត​រូប Pre wedding  ​កក់​ហាង និង​សម្អាងការ​ជាដើម។

គួររំឭកផងដែរថា ​ក្រោយពេលបានបង្កាត់ភ្លើង​ស្នេហ៍​អស់​រយៈពេល​ប្រមាណជា​ 3ឆ្នាំរួចមក ​លោក នី រតនា បានសម្រេច​ចិត្ត​រៀបចំ​ពិធី​ភ្ជាប់ពាក្យជា​ផ្លូវការ ​កាលពី​ថ្ងៃទី​27 ខែមេសា ឆ្នាំ​2018 កន្លងមក​ជាមួយ​អនាគត​ភរិយា កញ្ញា ហេង សុវណ្ណ​ភក្តិ​ណា​ និងបច្ចុប្បន្ន​គូស្នេហ៍​​ទាំងពីរ​កំពុងតែត្រៀមលក្ខណៈជាស្រេចក្នុងធ្វើជាកូនកំលោះស្រស់សង្ហា កូនក្រមុំដ៏ស្រស់សោភានាថ្ងៃរៀប​អាពាហ៍ពិពាហ៍នាប៉ុន្មានខែខាងមុខនេះហើយ៕

ប្រមាណជាចុងឆ្នាំ 2018 នេះ តារាចម្រៀងប្រចាំផលិតកម្មហង្សមាស និងជាអតីតម្ចាស់ពាន Cambodian Idol គឺ លោក នី រតនា និងមានគម្រោងចូលរោងការចាប់ៗហើយ លោកបានដឹកដៃគូដណ្ដឹងរូបស្រស់របស់លោក ក៏បានធ្វើដំណើរកម្សាន្ដនៅឯប្រទេសថៃយ៉ាងរ៉ូមែនទិក។ ក្នុងនោះលោកក៏បានថតរូបស្អាតៗបែបស្និទ្ធស្នាលគ្នាជាច្រើន បង្ហោះឱ្យអ្នកគាំទ្របានឃើញក្នុងប​ណ្ដាញសង្គមហ្វេសប៊ុក និងអ៊ីនស្ដាក្រាម ដែលធ្វើឱ្យគ្រប់គ្នានឹកច្រណែនយ៉ាងខ្លាំងតែម្ដង។

ជាក់ស្តែងថ្មីៗនេះ បន្ទាប់ពីទម្លាយពីរូបថត Pre-Wedding ជាច្រើនសន្លឹក តារាចម្រៀងប្រុសរូបនេះ ត្រូវបានគណនីហ្វេសប៊ុកឈ្មោះ R & T Pre Wedding Trailer ទម្លាយវីដេអូខ្លី Pre-Wedding របស់លោក និងអនាគតភរិយា យ៉ាផ្អែមល្ហែម ធ្វើឱ្យមហាជនពិតជាចាប់អារម្មណ៍ខ្លាំង ព្រោះតែទាំងទេសភាព បច្ចេកទេសថត និងលោក នី រតនា ជាមួយអនាគតភរិយា ពិតជាស្អាតទាំងអស់តែម្តង។

ដើម្បីឱ្យកាន់តែជាក់ច្បាស់ថា ស្រស់ស្អាតប៉ុណ្ណានោះ សូមទស្សនាវីដេអូខាងក្រោមនេះ ៖

ប៉ុន្មានម៉ោងមុននេះបន្ដិច តារាចម្រៀងសំឡេងផ្អែម លោក នី រតនា បានបង្ហោះរូបភាពទាំងនៅក្នុងបណ្ដាញសង្គមហ្វេសប៊ុក និងអ៊ីនស្ដាក្រាមរបស់លោកដែលស្ដែងឱ្យឃើញថា លោកបានចូលរួមសម្ដែងក្នុងរឿងភាគបុរាណដ៏ល្បីមួយ ដែលនឹងចាក់បញ្ចាំងនៅក្នុងពេលឆាប់ៗនេះ។

រូបភាពគូជាមួយតារាស្រី យ៉ែម ស្រីពេជ្រ ដែលជាតួស្រីម្នាក់នៅក្នុងរឿងភាគបុរាណ «កូនពស់កេងកង​» នោះ លោក នី រតនា បានរៀបរាប់ថា «អរុណសួស្ដីបងប្អូនទាំងអស់គ្នា សុខសប្បាយជាទេ?? ហើយមាននឹកខ្ញុំអត់ហ្នឹង?? ថ្ងៃនេះខ្ញុំទំនេរក៏ឆ្លៀតមកខេត្តកំពត ចាក់ផ្កាទុកលក់ ក្រែងលោបានលុយខ្លះធ្វើដំណើរទៅភ្នំពេញវិញ » ។ គ្រាន់តែបង្ហោះរូបភាពប៉ុន្មានសន្លឹកនេះភ្លាម អ្នកគាំទ្រលោកភ្ញាក់ផ្អើលគ្រប់ៗគ្នា ហើយនាំគ្នានឹកស្មានមិនដល់ថា លោកក៏បានសម្ដែងរឿងល្បីមួយនេះផងដែរ។

គួរបញ្ជាក់ផងដែរថា លោក នី រតនា បន្ទាប់ពីបានភ្ជាប់ពាក្យជាមួយគូដណ្ដឹងស្រស់សោភាបានប៉ុន្មានខែមក គេសង្កេតឃើញថា លោកនិយមបង្ហាញភាពផ្អែមល្ហែមដូចស្ករតាំងម៉ែ និងរៀបរាប់ Status ទ្រឹស្តីស្នេហាប្លែកៗដូចជា «ពាក្យថាស្រឡាញ់ មិនស្មើនឹងទង្វើដែលបង្ហាញថាស្រឡាញ់នោះទេ ដូច្នេះជីវិតគូ គឺត្រូវតែរៀនឱ្យចេះផ្សំគ្រឿងជីវិត ភ្លក្សឱ្យត្រូវរសជាតិជីវិតគូ ដាច់ខាតកុំឱ្យប្រៃពេក កុំឱ្យផ្អែមពេក កុំឱ្យសាបពេក និងកុំឱ្យហឹរពេក ទើបជីវិតគូស្ថិតស្ថេរយូរអង្វែង»។ តើមានអ្នកគាំទ្រប៉ុន្មាននាក់ ដែលមិនច្រណែនគូដណ្ដឹងរបស់លោក?៕

អរុណសួស្ដីបងប្អូនទាំងអស់គ្នា សុខសប្បាយជាទេ?? ហេីយមាននឹកខ្ញុំអត់នុង??😂 ថ្ងៃនេះខ្ញុំទំនេរក៏ឆ្លៀតមកខេត្តកំពត ចាក់ផ្កាទុកលក់ក្រែង ល បានលុយខ្លះធ្វេីដំណេីរទៅភ្នំពេញវិញ😁😁😁😁

A post shared by NY Ratana HM 🇰🇭 (@nyratanahm) on Jun 26, 2018 at 8:05pm PDT

ហៃយ៉ូយ៉ា! គ្រាន់តែកំលោះសង្ហា សំឡេងផ្អែមក្រអួនក្រអៅ នី រតនា ភ្ជាប់ពាក្យជាមួយស្រីស្អាត ហេង សុវណ្ណភក្ដិណា ជាថៅកែស្រីគ្រឿងសម្អាងល្បីឈ្មោះភ្លាម ស្រាប់តែអ្នកគាំទ្រនារីៗទាំងឡាយនាំគ្នាអាឡោះអាល័យ នឹកស្ដាយកំលោះរូបស្រស់សង្ហាម្នាក់នេះតែម្ដង  ព្រោះបន្ទាប់ពីបានភ្ជាប់ពាក្យរួចរាល់ហើយ គេមើលឃើញថា ប្រជាប្រិយភាពរបស់តារាចម្រៀងប្រុសប្រចាំផលិតកម្មរស្មីហង្សមាសរូបនេះកាន់តែឡើងខ្ពស់ជាងមុន រួមទាំងគូដណ្ដឹងផងដែរ រហូតនៅពេលថ្មីៗនេះ អ្នកទាំងពីរថែមទាំងឧស្សាហ៍បង្ហាញមុខសាសងគ្នាផ្អែមល្ហែមតាមរយៈការ Live Video លក់ផលិតផលនៅលើបណ្ដាញទំនាក់ទំនងសង្គមហ្វេសប៊ុកទៀតផង។

ទន្ទឹមនឹងការចាប់អារម្មណ៍ពីរឿងរ៉ាវស្នេហាអូនបងរបស់លោក នី រតនា ជាមួយគូស្នេហ៍ពីសំណាក់អ្នកគាំទ្រនោះ ស្រាប់តែនៅប៉ុន្មានម៉ោងមុននេះបន្ដិច គេបានឃើញម្ចាស់ពានកម្មវិធី Cambodian Idol រដូវកាលទី 1 បង្ហោះសារស្វ៊ីតៗ ជាងទឹកឃ្មុំខែចេត្រទៅទៀតថា «ដំណើរជីវិតប្ដីប្រពន្ធ មិនមែនមួយថ្ងៃ មួយខែ ឬក៏មួយឆ្នាំនោះទេ គឺមួយជីវិត! មួយជីវិតដែលយើងត្រូវរួមដំណើរជាមួយគ្នា មិនថាមានទុក្ខ ឬក៏សុខនោះទេ ទោះបីជាមានរឿងអ្វីកើតឡើងក៏ដោយ គឺមិនត្រូវបោះបង់គ្នាឡើយ! ដូច្នេះការជ្រើសរើសគូជីវិត គឺត្រូវតែមើលលើចិត្តគំនិត និងចរិតមារយាទ មិនមែនមើលលើទ្រព្យសម្បត្តិគេទេ» (ឱ លោកអ៊ើយលោក!! ផ្អែមអីផ្អែមយ៉ាងនេះ មិនអាណិតបេលខ្លះទេហ្អី? ហាសៗហា…)។

ក្រឡេកទៅមើលខាងគូស្នេហ៍របស់លោកវិញម្ដង៖ ឆ្លើយតបនឹងសារដ៏ផ្អែមត្រជាក់ស្អំបេះដូងនោះ ស្រីស្អាតជាគូស្នេហ៍បានតបសារវិញថា «How to keep the relationship strong? You love me and I love you that’s all» មានន័យថា “តើធ្វើដូចម្ដេចដើម្បីរក្សាចំណងស្នេហ៍ឱ្យបានរឹងមាំ? គឺបងស្រឡាញ់អូន ហើយអូនស្រឡាញ់បង តែប៉ុណ្ណឹង”។ (ពិតមិនអាណិត ពិតមិនអាសូរអ្នកនៅ Single សោះហ្ន៎…ហ្អ៎កនារីៗយើង ឆាប់ៗរកគូស្នេហ៍ទៅ!)៕

ពិតជាគួរឱ្យភ្ញាក់ផ្អើលបំផុត នៅថ្ងៃម្សិលមិញនេះ ខណៈដែលលោក នី រតនា បានភ្ជាប់ពាក្យជាមួយគូដណ្ដឹងជា​កូនស្រី​អ្នកជំនួញ​ខាង​ផលិតផល​គ្រឿងសម្អាង​ម្នាក់​ក្នុង​ទីក្រុង​ភ្នំពេញ បានធ្វើឱ្យអ្នកគាំទ្រគ្រប់រូបអបអរសាទររូបលោកយ៉ាងភ្លូកទឹកភ្លូកដី។ តែលោកអ្នកពិតជាមិនទាន់ច្បាស់ទេថា តើលោក នី រតនា មានភរិយា ឬបានភ្ជាប់ពាក្យជាមួយនារីណាម្នាក់ហើយឬនៅនោះទេ។

បើតាមប្រភពសិ្នទ្ធស្នាលនឹងឪពុកក្មេករបស់លោក នី រតនា បានបង្ហើបប្រាប់ឱ្យដឹងថា តារាចម្រៀងរូបនេះ បានភ្ជាប់ពាក្យជាកញ្ញា ហេង សុវណ្ណភក្ដិណា ជាកូនស្រីបង្កើតរបស់លោកហេង សុវណ្ណ គឺជាម្ចាស់ក្រុមហ៊ុន មង្គលសុវណ្ណ ត្រេឌីង និងជាអគ្គនាយកស្ថានីយវិទ្យុ មង្គលសុវណ្ណ ដែលជាប្រព័ន្ធផ្សព្វផ្សាយដ៏ធំមួយគ្របដណ្ដប់ទូទាំងបណ្ដាខេត្តនៅក្នុងប្រទេសកម្ពុជា។ មិនតែប៉ុណ្ណោះ លោកក៏ជាអ្នកជំនួញម្នាក់ដែលបាននាំចូលនូវផលិតផលថែរក្សាសុខភាព ថែរក្សាសម្ផស្ស និង ជីសរីរាង្គ អាក្រូសូល ផងដែរ។

គួរកត់សម្គាល់ផងដែរថា ដោយសារមានបទពិសោធ និងទទួលបានជោគជ័យនៅក្នុងការរកស៊ីជំនួញធំៗ ឪពុកក្មេក នី រតនា ពង្រីកហាងនាំចូលផលិតផលថែរក្សាសម្ផស្សម៉ាក WOMEA ពីប្រទេសជប៉ុន មកចរាចរក្នុងទីផ្សារនៅក្នុងប្រទេសកម្ពុជា ដោយយករូប នី រតនា និងកូនស្រីបង្កើត ជាអ្នកតំណាង និងផ្សព្វផ្សាយពីផលិតផលផ្ទាល់តែម្ដង។ ជាក់ស្ដែងនៅព្រឹកថ្ងៃភ្ជាប់ពាក្យកូនស្រី ហេង សុវណ្ណភក្ដិណា និងតារាចម្រៀងប្រុស នី រតនា នាព្រឹកថ្ងៃម្សិលមិញនេះ លោក ហេង សុវណ្ណ បានសរសេរសារនៅលើហ្វេសប៊ុកផ្ទាល់ខ្លួនថា «ខ្ញុំបាទ សូមគោរពថ្លែងអំណរគុណ និងសូមអរគុណយ៉ាងជ្រាលជ្រៅបំផុត ជូនចំពោះវត្តមានរបស់ឯកឧត្តម លោកឧកញ៉ា លោកជំទាវ លោក លោកស្រី មិត្តរួមមហាវិទ្យាល័យ មិត្តរួមវិទ្យាល័យ សហការីរួមការងារ និងបង ប្អូន ក្មួយៗ ទាំងអស់ ដែលបានអញ្ជើញចូលរួមក្នុងពិធីភ្ជាប់ពាក្យកូនស្រីរបស់ខ្ញុំបាទនៅព្រឹកថ្ងៃទី27 ខែមេសា ឆ្នាំ2018។

ខ្ញុំបាទ ក៏សូមអភ័យទោស ចំពោះការបម្រើមិនបានគ្រប់ជ្រុងជ្រោយក្នុងកម្មវិធី។ សូមគោរពជូនពរ ឯកឧត្តម លោកឧកញ៉ា លោកជំទាវ លោក លោកស្រី មិត្តរួមមហាវិទ្យាល័យ មិត្តរួមវិទ្យាល័យ បង ប្អូន និងក្មួយៗទាំងអស់ សូមជួបតែសេចក្តីសុខ រកទទួលទានមានបាន ជោគជ័យក្នុងការងារ និងមានសុភមង្គលក្នុងគ្រួសារ»៕

ថ្ងៃជា​ពេលាល្អបានមកដល់ហើយ គឺនៅថ្ងៃសុក្រ ទី27 ខែមេសា ឆ្នាំ2018 នេះឯង…តារាចម្រៀង និងជា​ម្ចាស់​ពានរង្វាន់ Cambodian Idol រ​ដូ​វ​កាល​ទី1 គឹលោកនី រតនា បានចូលរោងជ័យកាន់ដៃ​កូនស្រី​អ្នកជំនួញ​ខាង​ផលិតផល​គ្រឿងសម្អាង​ម្នាក់​ក្នុង​ទីក្រុង​ភ្នំពេញ ដើម្បីភ្ជាប់ពាក្យនឹងគ្នាជាគូដណ្ដឹង ដែលមានការផ្សំផ្គុំពីសំណាក់មាតាបិតាទាំងសងខាង ឱ្យចៅមហា និងមហាជនបានដឹង និងទទួលស្គាល់ថា អ្នកទាំងពីរជាគូគាប់នឹងគ្នាពិតមែនហោង…។

បើរូបភាពដែលអណ្ដែតនៅលើបណ្ដាញទំនាក់ទំនងសង្គមហ្វេសប៊ុក បានមើលឃើញថា មានតារាប្រុសស្រីនៅក្នុងទ្រនំរស្មីហង្សមាសជាច្រើននាក់ដូចជា កញ្ញា សួស វីសា កញ្ញា ឈីន តរនៈ កញ្ញា វី ឌីណែត កញ្ញា ប៉ាច គីមមួយ លោក សយ រតៈ លោក ឃុន វុត្ថា លោក នួន សុធារ័ក្ស ជាដើម បានចូលរួមអបអរនៅក្នុងកម្មពិធីពរជ័យមង្គលរបស់លោក នី រតនា និងកញ្ញា លាង សុវណ្ណភក្ដិណា ។ ចង់ដឹងសម្រស់ នី រតនា និងគូដណ្ដឹងមានសម្រស់ស្រស់ស្អាតបែបណានោះ សូមទស្សនារូបភាពខាងក្រោមនេះ៖

​តារាចម្រៀង និងជា​ម្ចាស់​ពានរង្វាន់ Cambodian Idol រ​ដូ​វ​កាល​ទី1 គឹលោកនី រតនាបានរកឃើញនារីនៅក្នុងសុបិនពិតប្រាកដហើយ នាងជា​កូនស្រី​អ្នកជំនួញ​ខាង​ផលិតផល​គ្រឿងសម្អាង​ម្នាក់​ក្នុង​ទីក្រុង​ភ្នំពេញ ជាអនាគតគូដណ្ដឹងរបស់តារាចម្រៀងប្រុសរូបនេះផងដែរ។ ថ្ងៃជា​ពេលាល្អបានរកឃើញហើយ​ នៅសល់តែមួយថ្ងៃទៀតទេ តារាប្រុសរូបនេះនឹងដល់ថ្ងៃដែលត្រូវភ្ជាប់ពាក្យហើយ គឺនៅថ្ងៃសុក្រ ទី27 ខែមេសា ឆ្នាំ2018 ស្អែកនេះឯង។

តារាចម្រៀងសំឡេងផ្អែមរូបនេះ ស្ម័គ្រចិត្ត​សាង​អនាគត​រួមគ្នាជាមួយនារីរូបស្រស់សោភាជា​កូនស្រី​របស់​អ្នកជំនួញ​នាំចូល​ផលិតផលគ្រឿង​សម្អាង ​ម៉ាក WOMEA ដែល នី រតនាធ្វើជា​អ្នកតំណាង​ឱ្យនោះ។ អ្នកទាំងពីរមានវ័យស្រករៗគ្នា ហើយ​ចាស់ទុំដែលបានដឹងឮទាំងសងខាង បានរកថ្ងៃជាពេលាល្អដើម្បីភ្ជាប់ពាក្យរួចហើយ តែគេនៅមិនទាន់ដឹងថា លោកនី រតនានឹងមានគម្រោងរៀបការនៅពេលណាឱ្យច្បាស់លាស់នៅឡើយទេ តែទោះជាយ៉ាងណាក្តី បន្ទាប់ពីបានឃើញបែបនេះហើយ អ្នកគាំទ្រជាច្រើនបានសម្តែងក្តីរំភើបរីករាយ ហើយថែមទាំងជូនពរលោក និងអនាគតគូដណ្តឹងទៀតផង៕

តាមរយៈបណ្ដាញទំនាក់ទំនងសង្គម ហ្វេសប៊ុក និងអ៊ីនស្ដាក្រាម នៅពេលថ្មីៗនេះ មហាជនអ្នកគាំទ្រតារាចម្រៀងសម្បុរស្រអែម និងជាកូនស្រីតារាចម្រៀងជើងចាស់ ហួរ ឡាវី បានបង្កភាពភ្ញាក់ផ្អើលនិង អូសទាញចំណាប់អារម្មណ៍ពីអ្នកគាំទ្រខ្លួនមែនទែន គឺកញ្ញា វី ឌីណែត ដែលបានចាប់ដៃគូចម្រៀងជាមួយលោក នី រតនា ។

តារាស្រីប្រចាំផលិតកម្មរស្មីហង្សមាស កញ្ញា វី ឌីណែត ទទួលបានការគាំទ្រគួរសមក្រោយចូលជ្រកក្រោមម្លប់ត្រឈឹងត្រឈៃនៃទ្រនំធំមួយនេះ ដែលកាលពីដំបូងឡើយនាងតែងបង្ហាញវត្តមានញឹកញាប់ជាមួយតារាចម្រៀងស្រីល្បីឈ្មោះកញ្ញា ឱក សុគន្ធកញ្ញា លុះក្រោយមកនាងបានចេញបទចម្រៀងផ្ទាល់ខ្លួន ក៏លែងឃើញនាងដើរតាម ឱក សុគន្ធកញ្ញា ទៀត។

តែមួយរយៈក្រោយមកនេះ វី ឌីណែត ឧស្សាហ៍លេចមុខជាមួយតារាចម្រៀងម្ចាស់ពាន Cambodian idol រដូវកាលទី1 លោក នី រតនា រហូតកើតមានជាការសង្ស័យថា អ្នកទាំងពីរមានទំនាក់ទំនងក្រៅឆាក តែដំណឹងនោះធ្លាប់ត្រូវបានលោក នី រតនា បដិសេធម្តងរួចមកហើយ។ កាន់តែពិសេសជាងនេះទៅទៀត មហាជនលោកចង់ឲ្យអ្នកទាំងពីរចាប់ដៃគ្នា ច្រៀង និងសម្តែងឲ្យបានច្រើនព្រោះថា នី រតនា និង វី ឌីណែត ជាដៃគូសាកសមបំផុត ទាំងការច្រៀង រាំ និងសម្តែង។

គួរបញ្ជាក់ផងដែរ រហូតមកទល់ពេលថ្មីនេះ វត្តមានអ្នកទាំងពីររមែងមានតាមបណ្ដាការប្រគំតន្ត្រីធំៗ ដែលជាហេតុឱ្យអ្នកទាំងពីរទីផ្សារសិល្បៈខ្ពស់៕

ស្របពេលដែលកំពុងតែសម្ដែងរឿងភាគថ្មីរបស់ស្ថានីយទូរទស្សន៍ហង្សមាស លោក នី រតនា ជាម្ចាស់ពានកម្មវិធីប្រឡងចម្រៀងលំដាប់ថ្នាក់ពិភពលោក Cambodia Idol រដូវកាលទី1 កំពុងតែទទួលបានប្រជាប្រិយភាពខ្លាំង និងធ្វើឱ្យអ្នកគាំទ្រអន្ទះសារង់ចាំទស្សនាពីសមត្ថភាពសម្ដែងរឿងលើកដំបូងរបស់លោក ខណៈដែលលោកទទួលបានតំណែងជាតួឯកប្រុស។ ហើយរឿងភាគនេះ តារាចម្រៀងប្រចាំផលិតកម្មរស្មីហង្សមាសរូបនេះបានរំពឹងទុក និងជឿជាក់យ៉ាងមុតមាំថា លោកនឹងទទួលបានការស្រឡាញ់ និងគាំទ្រខ្លាំងពីសំណាក់មហាជនទាំងអស់ ដែលជាកម្លាំងជំរុញចិត្តមួយសម្រាប់បន្ដបោះជំហាននៅក្នុងវីថីសិល្បៈមួយនេះ។

ស្របគ្នានោះដែរ ក៏មានព័ត៌មានខ្សឹបខ្សៀវមួយលេចចេញពីក្រុមការងារសិល្បៈថា តួឯកប្រុសនៅក្នុងរឿង “រាជបុត្រកង្កែប” រូបនេះកំពុងកើតជំងឺតួឯក និងបដិសេធមិនព្រមថតតួរាយរងឡើយ ខណៈពេលខ្លួនកំពុងតែឡើងកូដខ្លាំងនេះ។  ជុំវិញបញ្ហាខាងលើនេះ លោក នី រតនា បានប្រាប់អ្នកសារព័ត៌មានថា រូបលោកមិនបានកើតជំងឺតួឯកដូចគេថានោះទេ ពោលគឺរឿងអ្វីក៏ដោយ ឱ្យតែក្រុមហ៊ុន​ដាក់ឱ្យថត​គឺត្រូវតែថត ព្រោះនោះជាការងារ។ តារាប្រុសរូបសង្ហាម្នាក់នេះ បានបន្ដថា «អូហ៍! អត់ទេបង ខ្ញុំមិនធ្លាប់គិតទាល់សោះថា ទាល់តែធ្វើតួឯកបានថតនោះ តួអីក៏ខ្ញុំ​ថតបានដែរ មិនប្រកាន់ទេ»។

ជាចុងក្រោយ ម្ចាស់បទល្បី “នារីក្នុងសុបិនបង គឺជាអូន” រូបនេះបានបញ្ជាក់បន្ថែមថា «និយាយទៅ ខ្ញុំជាតារាចម្រៀងមានកុងត្រាជាមួយផលិតកម្មហង្សមាស អ៊ីចឹងហើយបើខាងផលិតកម្មគាត់ដាក់ការងារអីឱ្យយើងធ្វើ គឺត្រូវធ្វើតាមហ្នឹងដែរ។ ខ្ញុំលេងជាតួអីក៏បានដែរ ឱ្យតែខាងហង្សមាសដាក់ឱ្យ។ ចំពោះរឿងដែល​ខ្ញុំកំពុង​តែថតរាល់​ថ្ងៃនេះ ​ខ្ញុំថតបាន 50 % ហើយ ខ្ញុំសង្ឃឹមថា រឿងនោះនឹងបន្ថែមកេរ្ដិ៍ឈ្មោះ និងប្រជាប្រិយភាពដល់រូបខ្ញុំទៀតមិនខាន ព្រោះថា សាច់រឿងល្អ រួមទាំងអ្នកដឹកនាំរឿងក៏ពូកែទៀតផង» ៕