Tag: ទេព បូព្រឹក្ស

ក្រោយផ្ទុះរឿងជះស្រាបៀរ នឹងគប់ កំប៉ុងស្រាបៀរទៅលើកញ្ញា ទេព បូព្រឹក្ស។ ហើយកាលពីថ្ងៃទី28 ខែធ្នូ ឆ្នាំ2018 កញ្ញា ក៏បាន ធ្វើសន្និសិទ្ធសារព័ត៌មានជុំវិញបញ្ហា ដោយព្រមទទួល សំណង់ 1ម៉ឺនដុល្លារ។​ ហើយថវិការដែលបានពីសំណងនេះយកទៅជួយសិល្បករកំពុងសម្រាកព្យាបាលជំងឺដូចជា លោកពូ សានម៉ៅ លោកពូ ក្ដឹប និងកីឡាករ អេ រដ្ឋា ។

យ៉ាងណាមិញ កញ្ញាក៏បានយកថវិកាទៅជួយដល់អង្កការ អាហ្វេស៊ីបកម្ពុជា ដែលមូលហេតុដោយសារតែកញ្ញា ឃើញនិងដឹងព័ត៌មានថា កុមារកំព្រាដែលរស់នៅក្នុងអង្គការនេះ គឺជា ជនរងគ្រោះដោយសារតែត្រូវជនអគតិមួយចំនួនចាប់រំលោភនូវសេពសន្ឋវៈ ពីឪពុកនិងបុគ្គលដទៃ ព្រមទាំងអ្នកខ្លះទៀតត្រូវបានបៀតបៀនកេរ្តិ៍ខ្មាស់និងរំលោភសិទ្ឋកុមារផងដែរ ទើបធ្វើឱ្យកញ្ញាមានចិត្តអាណិតអាសូររហូតបានមកដល់អង្គការនេះតែម្តង។

ហើយថ្មីៗនេះ គោរពតាមសន្សា បើទោះបីជាថវិកាបានពីសំណងមិនគ្រប់គ្រាន់ក្នុងការបរិច្ចាគសប្បុរសធម៌ក៏ដោយ កញ្ញាបានយកប្រាក់មួយចំនួនទៀត ប្រមាណជា 3 ពាន់ដុល្លារ បរិច្ចាគជូនមន្ទីរពេទ្យគន្ធបុប្ផា៕

ពិតជាភ្ញាក់ផ្អើលម្ដងទៀត ខណៈដែលតារាចម្រៀងស្រី ទេព បូព្រឹក្ស ត្រូវបានអ្នកលេងបណ្ដាញសង្គមហ្វេសប៊ុកផេចមួយ កាត់តរូបភាពរបស់កញ្ញាជាតារាសិចរបស់ជប៉ុន ថែមទាំងបានសរសេរសារបង្ហោះថា « កញ្ញា ទេព បូព្រឹក្យ បានមកថតកុន Sex ហើយ ហាហា មីតារាថោកទាប Share ឱ្យពួក Fan មីហ្នឹងបានឃើញផង » ។ អូហូ! ការបង្ហោះរូបភាពនិងសារបែបនេះ បានធ្វើឱ្យអ្នកគាំទ្រតារាចម្រៀងស្រី ទេព បូព្រឹក្ស និងអ្នកលេងបណ្ដាញសង្គមជាច្រើននាក់ទៀត ក្ដៅស្លឹកត្រចៀកជំនួសនាងខ្លាំងណាស់ ។

ហ្វេសប៊ុកផេចនោះត្រូវបានគេមើលឃើញឈ្មោះថា Mey Tøch ហើយភ្លាមៗស្រាប់តែផ្ទុះខម្មិន្តជេរម្ចាស់ហ្វេសប៊ុកផេចនោះយ៉ាងធ្ងន់ៗថា «កាត់ តpostអីចឹងអត់អាណិតម៉ែទេអីហាស សប្បាយចិត្តណាស់មែនធ្វើចឹង..?សប្បាយចិត្តមែនពេលគេជេរ…?តែខ្ញុំជឿថាម៉ែអ្នកឯងគាត់មិនសប្បាយចិត្តទេដែលមានកូនចរឹតថោកដូចអ្នកឯង បើមិនគិតពីកិតិ្តយសខ្លួនឯងគួរអាសូទ្រូងម៉ែខ្លួនឯងនៅផ្ទះអត់ដឹងខ្យល់អីត្រូវគេជេរដែលនោះ…គិតទៅមនុស្សដូចអ្នកឯងរស់នាំធ្ងន់ផែនដីទេ ដើម្បីល្បីទោះគេជេម៉ែក៏មិនខ្វល់..សូមសរសើរចេះរកកន្លែងថោកឃើញ..។ បើខ្ញុំមានកូនដូចអ្នកឯងវិញខ្ញុំផ្តាច់ខ្សែអង្រឹងឱ្យងាប់កុំឱ្យរស់នាំចង្អៀតផែនដី ម៉ាមនុស្សស្អីចឹង…»។

នៅមិនទាន់អស់ទេ ខ្លះទៀតបានតបតថា « គិតទៅខ្មែរពូកែលាបពណ៍គេម៉េស តិចទៀតខ្មែរមួយចំនួននិងឡប់ដោយសារភាពច្រណែនគេហើយ មានតែមនុស្សច្រណែនគេទេដែលអាចធ្វើចឹងទៅរួច …..ហើយរៀនកាត់តរូបឱ្យសមសិនទៅចាំហ៊ានយករូបគេមកផុស ។ ទោះគេបានថតរឿងសិចឬមិនបាន វាក៏ជារឿងរបស់គេ តិចច្រណែនគេយូរៗទៅតិចទៅលួចថតរឿងសិចបាត់ទៅ »។

ទាំងនោះសុទ្ធតែជាសម្ដីផ្ទុះកំហឹងពីបណ្ដាអ្នកលេងបណ្ដាញសង្គម និងអ្នកគាំទ្រតារាចម្រៀងស្រី ទេព បូព្រឹក្ស ដែលមានការមិនពេញចិត្តចំពោះទង្វើអសីលធម៌ក្នុងសង្គម ដែលបានបង្កឱ្យប៉ះពាល់ដល់កេរ្ត៍ឈ្មោះរបស់តារាចម្រៀងស្រីមួយនេះ៕

ទោះជារឿងរ៉ាវរបស់កញ្ញា ទេព​ បូព្រឹក្ស បានចប់ទៅហើយ តែកញ្ញានៅតែធ្វើចិត្តមិនទាន់បាន ព្រោះឃើញថានៅមានមនុស្សមួយចំនួនតូចបានយករឿងនេះទៅធ្វើជារឿងលេងសើចទៅវិញ។ នៅរាត្រីថ្ងៃម្សិលមិញនេះ តារាស្រីរូបនេះ បានបង្ហោះសារសោកសៅមួយឃ្លាថា « ខ្ញុំយល់ហើយ ហេតុអ្វីបានជាមនុស្សមួយចំនួនតូច នៅពេលដែលបាក់ទឹកចិត្តខ្លាំងរើសយកសេចក្តីស្លាប់ ហើយខ្ញុំក៏ស្គាល់ហើយ ដូចម្តេចដែលហៅថាជំងឺបាក់ទឹកចិត្ត និងស្រ្តេសនោះ ហើយខ្ញុំក៏រឹតតែយល់ច្បាស់នៅពាក្យថា មិនឲ្យតម្លៃមើលងាយប្រមាថយកទៅសើចលេងសប្បាយ»។

ការបង្ហោះសារបែបនេះ បានធ្វើឱ្យអ្នកគាំទ្រនាង កាន់តែព្រួយបារម្ភពីស្ថានភាពផ្លូវចិត្តរបស់នាង ដែលរងនូវការអាម៉ាស់ធំមួយ ខណៈក្នុងនាងនាមជាសិល្បករមានឈ្មោះបោះសំឡេងម្នាក់ប្រចាំទ្រនំផលិតកម្មធំ។ ការលើកឡើងរបស់អ្នកគាំទ្រនាងបានបង្ហាញថា នៅពេលកើតការណ៍កន្លងទៅនោះ នាងកើតមានជំងឺបាក់ទឹកចិត្តភ្លាមៗ និងបម្រុងសម្លាប់ខ្លួនផងដែរ តែជាសំណាងល្អ នាងមានក្រុមគ្រួសារ តារាសិល្បៈរៀមច្បងនិងអ្នកគាំទ្រជួយជ្រោមជ្រែង ផ្ដល់កម្លាំងចិត្តដល់រូបនាងយ៉ាងពេញទំហឹង។

មកទល់ពេលនេះ នៅមិនទាន់ប្រាកដបានថា ជំងឺបាក់ទឹកចិត្តដែលមាននៅក្នុងអារម្មណ៍ផ្លុវចិត្តរបស់តារាស្រីរូបនេះ កំពុងរុករានខ្លាំងប៉ុនណានោះទេ។ អ្នកគាំទ្រនាង បានចូលទៅខម្មិន្ដលើកទឹកចិត្តនាង និងចង់ឱ្យនាងតាំងជំហររឹងមាំលើវិថីសិល្បៈបន្ដទៀត៕

នៅពេលមុននេះបន្ដិច អ្នកនាង យុគ ចិន្តា ដែលមហាជនស្គាល់ថា តារាសិល្បៈរៀមច្បងដ៏គួរឱ្យគោរពស្រឡាញ់មួយដួងនោះ បានចេញសារនៅលើបណ្ដាញសង្គមហ្វេសប៊ុក និយាយពីរឿង​សិល្បៈ និងផ្ដល់កម្លាំងចិត្តដល់ ទេព បូព្រឹក្ស ។

អ្នកថា សិល្បៈជាជ្រុងមួយនៃផ្នែកចូលរួមជួយផ្សព្វផ្សាយលើកស្ទួយនៃអិរយៈធម៌វប្បធម៌ខ្មែរ នាងខ្ញុំយុគ ចិន្តា សូមចូលរួមផ្តល់កំលាំងចិត្តលើកទឹកចិត្តដល់កញ្ញាទេព បូព្រឹក្ស ទោះបីជានាងខ្ញុំមិនបានស្ថិតក្នុងហេតុការណ៌កើតឡើងក្នុងរឿងរ៉ាវនោះក៏ដោយ ប៉ុន្តែបន្ទាប់បានឃើញវីដេអូនោះហើយ នាងខ្ញុំពិតជាមានចិត្តអាណិតអាសូរនាងយ៉ាងខ្លាំង មើលហើយមើលទៀត ស្រក់ទឹកភ្នែកតាមនាង នៅពេលដែលនាងស្រែកទ្រហ៊ោយំ រកភាពយុត្តិធម៌សំរាប់ខ្លួន….តើយុត្តិធម៌មានឬទេសំរាប់តារាចំរៀងមួយរូបនេះ?

អ្នកនាងបន្ដទៀតថា ពាក្យចាស់ពោលថា ទះដៃតែម្ខាងប្រាកដជាមិនឰទេ ! ខ្ញុំទទួលស្គាល់ពាក្យនេះ តែនៅក្នុងហេតុការណ៌នៃរឿងរ៉ាវខ្វែងគំនិតគ្នា ឬមិនគោរពតាមកិច្ចសន្យាក្នុងការងារអ្វីក៏ដោយ គួរណាស់តែនិយាយគ្នាដោះស្រាយតាមសន្តិវិធីមិនមែនប្រើទង្វើដោយយកស្រាប៊ៀរជះលើរូបនាងនៅលើវេទិកាដែលនាងកុំពុងច្រៀងនោះទេ នៅទីនេះជាទីសាធារណៈមិនមែននៅក្នុងបន្ទប់ស្ងាត់ៗទេ មនុស្សម្នាក់ៗមានតំលៃគ្រប់ៗគ្នាមិនថាបុរសឬស្រ្តី ទោះបីអ្នកមានឬអ្នកក្រ យើងរស់នៅលើផែនដីតែមួយ ។
*មនុស្សយើងតែងតែមានកុំហុស
*មួយកុំហុសដោយអចេតនា
*មួយកុំហុសដោយចេតនា
ប៉ុន្តែបើសិនមានកុំហុសកើតឡើងហើយគួរណាស់ដោះស្រាយសិន កុំប្រើកំហឹងទាំងកំរោល

ចុងក្រោយនេះ ខ្ញុំសង្ឃឹមនឹងជឿជាក់ថារឿងរ៉ាវទាំងនេះនឹងដោះស្រាយដោយសន្តិវិធីនឹងមានភាពយុត្តិធម៌ទៅអោយភាគីទាំងពី។ ដោយក្តីស្រលាញ់នឹងផ្តល់កំលាំងចិត្តពីនាងខ្ញុំ យុគ ចិន្តា ៕

ហើយនៅក្នុងពេលថ្មីៗនេះ នៅលើបណ្តាញសង្គមហ្វេសប៊ុករបស់កញ្ញា ទេព បូព្រឹក្ស បានបង្ហោះសារនៅជុំវិញរឿងក្តីរបស់ខ្លួនថា «សូមគោរពនឹងជំរាបពុកម៉ែបងប្អូនទាំងអស់គ្នា នៅម៉ោង4ល្ងាចនេះ និងមានការធ្វើសន្និសីទធកាសែតមួយចំពោះរឿងរបស់នាងខ្ញុំ»។

សូមរំឭកដែរថា រឿងរ៉ាវរបស់កញ្ញា ទេព បូព្រឹក្ស ដែរត្រូវបានបុរសម្នាក់ជះស្រាបៀលើរូបនាង ខណៈពេលដែរនាងបានកំពុងតែច្រៀងនៅលើឆាកហើយដោយមិនបានដឹងខ្លួននោះ​គឺពុំទាន់បានដោះស្រាយគ្នាចប់សព្វគ្រប់នៅឡើយទេ។ ហើយនៅក្នុងពេលថ្មីៗនេះដែរ បើយោងទៅតាមពាក្យសម្តីរបស់ មេធាវីរបស់អ្នកនាង ទេព​ បូព្រឹក្ស បានប្រាប់ឱ្យដឹងថា បុរសដែរជាជនបង្ករនោះមានឈ្មោះ ឆេង រស្មី បានសារភាពប្រាប់ថា ខ្លួនបានជះស្រារបៀរទៅលើកញ្ញា ទេព បូព្រឹក្ស ពិតមែនដោយមូលហេតុគឺដោយសារតែពេលនះខ្លួនកំពុងតែស្រវឹង ហើយមិនមានស្មារតីនៅក្នុងខ្លួនឡើយ​៕

រឿងរ៉ាវរបស់តារាចម្រៀងស្រី កញ្ញា ទេព បូព្រឹក្ស ត្រូវបានបុរសម្នាក់ជះស្រាបៀដាក់លើរូបនាងក្នុងភោជនីយដ្ឋាន សមុទ្រ កាលពីយប់ថ្ងៃទី25 ខែ ធ្នូ ឆ្នាំ 2018 វេលាម៉ោង 10:30នាទីយប់នោះ សមត្ថកិច្ចកំពុងតែដោះស្រាយលើរឿងនេះ និងធ្វើការស៊ើបសួរទៅកាន់បុគ្គលិកភោជនីយដ្ឋាន សមុទ្រ។

យោងតាមរបាយការណ៍ ដែលបានបញ្ជាក់ថា កាលពីថ្ងៃទី20 ខែធ្នូ ឆ្នាំ2018 ក្រុមហ៊ុន ស្រាបៀរ Hite ដោយមានលោក គា វី អាយុ ប្រហែល 28 ឆ្នាំ ជាជនជាតិខ្មែរ មុខរបរជា ប្រធានផ្នែកទីផ្សារ នៃក្រុមហ៊ុន Hite បានទំនាក់ទំនងកញ្ញា ទេព បូព្រឹក្ស ជួលក្នុង តម្លៃ 900ដុល្លារអាមេរិក។ នាងត្រូវបាន ជួលឱ្យច្រៀងក្នុងរយៈពេល 1ម៉ោង ចំនួន6បទ ( ចាប់ពីម៉ោង 10:00នាទីយប់ ដល់ម៉ោង 11:០០នាទីយប់ ចប់កម្មពិធី)។ ក្នុងកម្មវិធីប្រម៉ូលសិន និងបញ្ចុះតម្លៃ 4 ថែម 1 របស់ស្រាបៀ Hite និងមានការ ចាប់រង្វាន់ របស់ស្រាបៀរ Hite នៅភោជនីយដ្ឋាន (សមុទ្រ) ដែលមានទីតាំង ផ្ទះលេខ72 តាមបណ្ដោយផ្លូវ លេខ118 ក្រុមទី50 ភូមិ13 សង្កាត់ទឹកល្អក់ទី1 ខណ្ឌ ទួលគោក រាជធានី ភ្នំពេញ ដែលត្រូវ រៀបចំឡើងនៅថ្ងៃទី25 ខែធ្នូ ឆ្នាំ2018 ក្នុងភោជនីយដ្ឋានសមុទ្រ។

គួររំឭកដែរថា នៅមុនពេលកើតហេតុ​ កញ្ញាបាននិយាយថា កញ្ញាត្រូវច្រៀងនិងសម្ដែងនៅក្នុងកម្មវិធី​ Hite X’mas Edition Party ដែលប្រព្រឹត្តទៅនាយប់ថ្ងៃអង្គារិ៍ ទី25 ខែធ្នូ ឆ្នាំ2018នេះ នៅភោជនីយដ្ធាន «សមុទ្រ» ដែលរៀបចំឡើងដោយក្រុមហ៊ុនស្រាបៀរហៃ Hite របស់ប្រទេសកូរ៉េ ហើយកញ្ញាមកដល់កន្លែងនេះត្រៀមច្រៀង6បទ រួចទៅច្រៀងមួយកន្លែងទៀត លុះនៅមុនពេលកើតហេតុបន្តិច កញ្ញាមកដល់ម៉ោង9:40នាទី ហើយម៉ោងដែលកញ្ញាត្រូវច្រៀងគឺម៉ោង10យប់ តែម្ចាស់ហាងខឹងមិននិយាយអី ហើយក៏ស្រាប់តែមានបុរសម្នាក់ ក៏គប់កំប៉ុងស្រាបៀរដាក់កញ្ញាតែម្តងខណៈពេលកំពុងច្រៀងនៅលើឆាក។

លុះមកដល់ថ្ងៃទី26 ខែធ្នូ ឆ្នាំ2018 វេលាម៉ោងប្រហែល 10៖00នាទីព្រឹក ទេព បូព្រឹក្សជាជនរងគ្រោះ ក៏បានមកដាក់ពាក្យបណ្ដឹង នៅប៉ុស្តិ៍នគរបាលរដ្ឋបាលទឹកល្អក់ទី1 តែម្ដង។ បច្ចុប្បន្នសមត្ថកិច្ចយើងកំពុងធ្វើការស្រាវជ្រាវបន្ត។ នេះបើយោងតាមរបាយការណ៍ របស់អធិការដ្ឋានខណ្ឌទួលគោក៕

ជាការកត់សម្គាល់ឃើញថា អ្នកគាំទ្រ និងតារាសិល្បៈចេញមតិប្រិតកម្មអន្ដរាគមន៍រកយុត្តិធម៌ឱ្យតារាចម្រៀង ទេព បូព្រឹក្ស ក្រោយកើតហេតុការណ៍ត្រូវបុរសម្នាក់ គប់នឹងកំប៉ុងស្រាបៀនៅចំពោះមុខភ្ញៀវជាច្រើនក្នុងហាង «សមុទ្រ» ខណៈពេលនាងកំពុងច្រៀងលើឆាក ដោយមិនដឹងមូលហេតុច្បាស់លាស់។ ស្របជាមួយគ្នានោះដែរ នៅលើបណ្ដាញសង្គមហ្វេសប៊ុក ត្រូវបានគេដឹងថា កញ្ញា បូព្រឹក្ស បានកើតទុក្ខមិនសុខចិត្ត ដោយបាន Live វីដេអូយំសស្រាក់ សុំអន្តរាគមន៍ពីមជ្ឈដ្ឋាននានា ដើម្បីរកយុតិ្តធម៌ និងលុបលាងការអាម៉ាស់របស់នាងវិញ។

ថ្មីៗនេះដែរ យាយខ្លា ដែលគេស្គាល់ថា ជាអ្នកលេងបណ្ដាញសង្គម និងនិយមសម្ដែងរឿងកំប្លែងខ្លីៗឱ្យមហាជនបានផ្ទុះសំណើចកម្សាន្ដនោះ ស្រាប់តែចេញបទចម្រៀងដោយខ្លួនឯង ដោយដាក់ចំណងជើងថា « សម្រួលឬមិនសម្រួល? បើមិនសម្រួលចេញ »​ ដើម្បីជាការលើកទឹកចិត្តដល់ កញ្ញា ទេព បូព្រឹក្ស ។ តារាលើបណ្ដាញសង្គមរូបនេះ រៀបរាប់ថា «ក្នុងនាមយាយខ្លាជាអ្នកសិល្បៈចម្រៀងមួយរូបនិងជាពលរដ្ឋខ្មែរម្នាក់ យាយមានការឈឺចាប់ និងអាណិតអាសូរចំពោះការប្រមាថមើលងាយមកលើតារាចម្រៀងខ្មែរអ្នកនាង ទេព បូព្រឹក្ស ដែលជាស្ត្រីខ្មែរមួយរូប កាលពីថ្មីៗពេលកន្លងទៅនេះ ។ ទង្វើនេះជាអំពើហឹង្សាប្រមាថដល់ស្ត្រី មិនស្គាល់ច្បាប់ទម្លាប់ និងមើលងាយអ្នកសិល្បៈខ្មែរយ៉ាងខ្លាំង ។ ដើម្បីរកយុត្តិធម៌ និងកុំឲ្យថ្ងៃក្រោយកើតមានបញ្ហាអសីលធម៌បែបនេះបន្តទៀត យាយខ្លាបានសរសេរបទចម្រៀងមួយបទថតភ្លាមៗតែម្តង»។

សូមជម្រាបផងដែរថា កញ្ញា ទេព បូព្រឹក្ស បានដាក់បណ្ដឹងប្ដឹងទារជំងឹចិត្តចំនួន10ម៉ឺនដុល្លារ ដោយកញ្ញាប្រកាសថាថវិកាដែលទទួលបាននឹងយកទៅជួយកុមារកំព្រា និងមណ្ឌលចាស់ជរាទាំងអស់។ ប៉ុន្តែគេមិនដឹងថាលទ្ធផលបណ្ដឹងរបស់នាងនឹងយ៉ាងណាទេ ដោយសារវីដេអូ និងរូបភាពក្នុងកាមេរ៉ានៅក្នុងហាងត្រូវបានបំផ្លាញដែលហាក់ដូចជាមានចេតនាបិទរឿង ហើយភាគីម្ចាស់ហាង និងអ្នកពាក់ព័ន្ធនៅមិនទាន់មានការទទួលខុសត្រូវកម្រិតណានៅឡើយ៕

បន្ទាប់ពីតារាចម្រៀងស្រី ទេព បូព្រឹក្ស ត្រូវបានសារព័ត៌មានលើបណ្ដាញសង្គមហ្វេសប៊ុកចុះផ្សាយពីនាង ដោយដាក់ចំណងជើងចាស់ដៃថា « នាង និងគូស្នេហ៍ G-Devith ស៊ីបាយបែបថតរឿងជប៉ុន » តារាស្រីរូបនេះ បានធ្វើការ Live Video តបតទៅកាន់គណនីហ្វេសប៊ុកបុរសម្នាក់ដែលបានស៊ែររូបនាង និងដាក់ចំណងជើងដោយពាក្យពេចន៍មិនពិរោះស្ដាប់ និងពន្លះសារព័ត៌មាននោះផងដែរ ។

យ៉ាងណាមិញ នៅថ្ងៃម្សិលមិញនេះ គេក៏បានមើលឃើញលោក G-Devith ធ្វើការ Live Video ចេញមុខបកស្រាយជំនួស ទេព បូព្រឹក្ស ផងដែរ។ តារាស្រីទម្រង់មុខសិចស៊ីរូបនេះ បានប្រកាសនៅលើបណ្ដាញសង្គមហ្វេសប៊ុក ខ្លួននិងដាក់ពាក្យបណ្ដឹង ផ្ដឹងចំពោះបុរសដែលជាម្ចាស់គណនីខាងលើនោះ។ នាងសរសេរថា « ខ្មែរស្រលាញ់ខ្មែរ ខ្មែរការពារខ្មែរ ទោះជាពួកខ្ញុំខឹងញ័រសាច់ប៉ិនណា ក៏ពួកខ្ញុំមិនទៅប្តឹងផ្តល់ដែរ ព្រោះខ្មែរដូចគ្នាបើមិនស្រលាញ់ការពារគ្នាមិចបានមនុស្សណាក៏ធ្វើខុសដែរសំខាន់កុំឱ្យមានជាលើកទី2 ។ អីចឹងខ្ញុំសំរេចចិត្តមិនប្តឹងទៅម្ចាស់ account enno vo ដែលមានឈ្មោះពិតថា ពូលប៉ូយ ដែលរស់នៅ ភូមិ: ភូមិថ្មី ឃុំ: ប្រឡាយ ស្រុក: ស្ទោង ខេត្ត: កំពង់ធំ។ អីចឹងបើមាន Web-site រឺសារពត៌មាន ឬនាក់ណា Post ទៀតក៏តាមនឹងចុះ ព្រោះអ្វីដែរយាយគឺពួកខ្ញុំនិយាយអស់ហើយ ។ អរគុណបងប្អូន »។

ជាមួយគ្នានោះដែរ ក៏មានការមិនពេញចិត្តពីមតិភាគច្រើន ធ្វើឱ្យតារាស្រីរូបនេះបានសម្រេចចិត្តលុបរូបភាពនេះពីបណ្ដាញសង្គមភ្លាមៗ។ បើទោះបីជាយ៉ាងនេះក្ដី ក៏នៅតែមានអ្នកលេងបណ្ដាញសង្គមមួយចំនួន បែរជានៅតែបង្ហោះរូបរបស់នាង ភ្ជាប់ជាមួយសារដៀល រិះគន់មិនឈប់ឈរ ធ្វើឱ្យលោក ម៉ៃ សុគន្ធ ដែលជាតារាល្បីពូកែខាងរិះគន់ និងមានរហ័សនាមថាជា មហាទើសមួយរូប ទ្រាំមិនបានចេញមុខតែម្ដង។

ជាក់ស្ដែង លោក ម៉ៃ សុគន្ធ បានធ្វើការស៊ែររូបអ្នករិះគន់កញ្ញា ទេព បូព្រឹក្ស ប៉ុន្មានសន្លឹករួមជាមួយនឹងសារសរសេរថា «ច្រណែនគេទេដឹង ចូលចិត្តណាស់អាវប្បធម៌ជាន់គេពន្លិច និងកេងចំនេញ។ ខុសទេបើគាត់ភិចនិចជាជីវិតឯកជន ហើយនៅតំបន់អាងទឹកទៀត ចង់ឱ្យគាត់ស្លៀកសារុងចងពុំមែនលើសហើយលោកអ្នកភ្លាវ»។ សារមួយនេះ បានធ្វើឱ្យមហាជនមានភាពចម្លែកចិត្តជាខ្លាំងព្រោះជាលើកទី 1 ហើយដែលតារាប្រុសរូបនេះ បញ្ចេញមតិគាំទ្រសិល្បករគ្នាឯង។ ជាពិសេសគឺអ្នកគាំទ្រកញ្ញា ទេព បូព្រឹក្ស បានបញ្ចេញអារម្មណ៍ពេញចិត្តពេញថ្លើមចំពោះសម្ដីរបស់លោក ម៉ៃ សុគន្ធ ស្ដូកតែម្ដង៕

តារាចម្រៀងស្រីនៅក្នុងផលិតកម្មរស្មីហង្សមាស កញ្ញា ទេព បូព្រឹក្ស និងគូស្នេហ៍ដែលគេស្គាល់ថា លោក ងួន ចាន់ដេវីត ឬ G-Devith តែងតែបង្ហោះសារ និងរូបភាពនៃសកម្មភាពផ្អែមល្ហែមជាមួយគ្នាកាន់តែខ្លាំងឡើងនៅក្នុងបណ្ដាញសង្គមហ្វេសប៊ុក រហូតធ្វើឱ្យអ្នកគាំទ្រស្ទើរតែលើសជាតិស្ករទៅហើយ។ ថ្មីៗនេះ នាងបានបង្ហោះរូបភាពជាច្រើនសន្លឹកទៀត ដែលគេមើលឃើញថា នាងកំពុងអង្គុយញ៉ាំអាហារជាមួយគូស្នេហ៍ក្នុងឈុតប៊ីគីនី បង្ហាញដើមទ្រូងចំៗតែម្ដង។

បានឃើញរូបភាពសិចស៊ីរបស់ ទេព បូព្រឹក្ស ភ្លាម ទំព័រសារព័ត៌មានលើបណ្ដាញសង្គមមួយបានចេញផ្សាយថា «នាង និងគូស្នេហ៍ G-Devith ស៊ីបាយបែបថតរឿងជប៉ុន» ព្រមទាំងមានគណនីហ្វេសប៊ុកមួយបានធ្វើការរិះគន់នាងខ្លាំងៗ មិនសំចៃមាត់ចំពោះភាពសិចស៊ីនោះផងដែរ។ ទោះបីជាយ៉ាងណា កាលពីយប់មិញនេះ កញ្ញា ទេព បូព្រឹក្ស បាន Live វីដេអូទាំងយប់តែម្តង ព្រោះតែមិនអាចទប់កំហឹងតទៅទៀតបាន ក្រោយពីមានបុរសម្នាក់បានយករូបភាពនៃជីវិតឯកជនរបស់នាងជាមួយគូស្នេហ៍ គឺលោក G-Devith ទៅបង្ហោះបន្ត ហើយប្រើពាក្យពេចន៍មិនសមរម្យដាក់នាងទៀតផង ទើបធ្វើឱ្យនាងតបទៅវិញទាំងក្ដៅក្រហាយ ផាំងៗដូចភ្នំភ្លើងផ្ទុះតែម្ដង។

តារាស្រីរូបនេះបានធ្វើការ Live វីដេអូ និងសរសេរសារថា «តោះចូលមើល Account បងប្រុសម្នាក់ដែលដៀលខ្ញុំកប់ៗមាត់ និងមើលពត៌មានដែលយករូបខ្ញុំទៅផូស្តហើយដាក់ចំណងជើងថា ស៊ីបាយបែបថតរឿងជប៉ុន»។

ដើម្បីឱ្យកាន់តែច្បាស់បន្ថែមទៀត សូមទស្សនាវីដេអូខាងក្រោមនេះ៖