Tag: ឆាយ វិរៈយុទ្ធ

មួយរយៈចុងក្រោយនេះ គេសង្កេតឃើញកំពូលតារាចម្រៀងឯកប្រុសនៅក្នុងផលិតកម្មសាន់ដេ លោក ឆាយ វិរៈយុទ្ធ បង្ហាញពីភាពស្និទ្ធស្នាលផ្អែមល្ហែម យកចិត្តទុកដាក់ចំពោះភរិយាលោកជាខ្លាំង ជាពិសេសជាងនេះទៅទៀត លោកបានដកឃ្លាពីសិល្បៈមួយរយៈ ដោយកាលពីវិស្សមកាលចុងឆ្នាំកន្លងទៅ លោកបាននាំភរិយាសំណព្វចិត្តធ្វើដំណើរកម្សាន្ដទៅកាន់ប្រទេសជប៉ុន ហើយបានបង្ហោះរូបភាពជាច្រើនសន្លឹកឱ្យមហាជនបានមើលឃើញពីសកម្មភាពស្វ៊ីតៗ ថែមទៀតផង ( សង្ស័យទៅ Honey Moon ហើយមើលទៅ កាលហ្នុង..)។

ប្រភពស្និទស្នាលនឹងគ្រួសាររបស់តារាចម្រៀងប្រុសរូបនេះ បានបង្ហើបដំណឹងល្អមួយប្រាប់អ្នកសារព័ត៌មាន ឡារ៉ែនថា ភរិយាបណ្ដូលចិត្តរបស់លោក ឆាយ វិរៈយុទ្ធពេលនេះកំពុងឃ្លានម្ជូរណាស់ ពោលគឺកំពុងតែតាំងគភ៌ហ្នឹងឯង។ ការទម្លាយដំណឹងល្អនេះ ពិតជាធ្វើឱ្យមហាជនអ្នកគាំទ្រមានក្ដីរំភើបជំនួសលោកពិតមែន ព្រោះកន្លងមកលោកធ្លាប់បង្ហើបប្រាប់ថា លោកចង់បានបុត្រស្នងត្រកូល ហើយកាន់តែឆាប់ គឺកាន់តែល្អ តែពេលនេះឆាយ វិរៈយុទ្ធ ពិតបានសមដូចក្ដីប្រាថ្នាហើយ នៅតែមិនទាន់ដឹងថាជាប្រុស ឬក៏ស្រីតែប៉ុណ្ណឹងឯង។

គួរបញ្ជាក់ផងដែរថា បន្ទាប់ពីបានសាងស្ពានរួមមេត្រីជាមួយភរិយាអស់រយៈពេលមួយឆ្នាំរួចមក តារាប្រុសសំឡេងខ្លាំងរូបនេះបានតាំងក្ដីរំពឹងទុកថា លោកចង់បានបុត្រច្រើន ហើយបើពិតជាមានដំណឹងល្អសម្រាប់លោកមែននោះ លោកពិតជាប្រាថ្នាចង់បានបុត្រភ្លោះខ្លាំងណាស់ ។

មើលទៅ ឆាយ វិរៈយុទ្ធ ហាក់ដូចជាស្រឡាញ់ក្មេងៗខ្លាំងណាស់ ដូច្នេះអ្នកគាំទ្រទាំងឡាយសូមជូនពរឱ្យលោក បានបុត្រភ្លោះសមដូចប្រាថ្នាតែម្ដងទៅចុះ…(សាធុ!)៕

តាមរយៈបណ្ដាញទំនាក់ទំនងសង្គមហ្វេសប៊ុកនៅពេលថ្មីនេះៗ​ បានឱ្យដឹងថា ទោះបីជាបទរបស់ លោក ឆាយ វិរៈយុទ្ធ «ដឹកឆ្កែទៅលេងស្រុក» ដែលចេញមកក្រោយ បទ របស់ កញ្ញា សុគន្ធកញ្ញា អាគីឆ្កែខ្ញុំ តែមជ្ឈដ្ឋានមហាជននៅតែជឿជាក់ថាបទនេះពេលចេញជាផ្លូវការនឹងមានការគាំទ្រខ្លាំងមែនទែនទូទាំងពិភពលោក មិនចាញ់គ្នានោះឡើយ ។

ដោយសង្កេតឃើញថា សម្រាប់បទចម្រៀងសម្រាប់រាំកម្សាន្ដឆ្នាំនេះ ភាគច្រើនមានចំណងជើងនិង អត្ថន័យទាក់ទងនឹងឆ្កែទាំងអស់ ហើយបទនីៗមួយរៀបរាប់ពីឆ្កែខុសៗគ្នា តាមពិតទៅបទទាំងនេះមានគោលដៅ ដើម្បីអបអរសាទរ ចូលឆ្នាំថ្មីប្រពៃណីជាតិ ដែលជាឆ្នាំ «ច » គឺតំណាងឱ្យសត្វឆ្កែ ទើបមានការចេញបទចម្រៀងទាក់ទងនឹងសត្វឆ្កែបែបនេះ។

ជាការពិតណាស់ ម្ដងនេះ លោក ឆាយ វីរៈយុទ្ធ លោកបានបង្ហាញឱ្យអ្នកគាំទ្រឃើញនិង រង់ចាំនៅភាពភ្ញាក់ផ្អើលថ្មីមួយ ដោយលោកបានបង្ហោះរូបសកម្មភាពសកម្មភាពថតបទថ្មី នៅក្នុងបណ្តាញសង្គមរបស់លោក ឆាយ វីរៈយុទ្ធ ផ្ទាល់តែម្តង ហើយឃើញលោកដឹកឆ្កែដើរលេង ហាក់បីដូចជាធ្វើមិនដឹងខ្លួន គ្រាន់តែឃើញរូបនេះផ្ទះសំណើចទៅហើយ អ្នកគាំទ្ររង់ចាំ និង ធានាថាអស្ចារ្យជាមួយបទថ្មីមួយរបស់លោក ឆាយ វីរៈយុទ្ធ ឆ្នាំនេះ៕

តាមរយៈបណ្ដាញទំនាក់ទំនងសង្គមហ្វេសប៊ុករបស់អ្នកនាង សែ ចាន់ឌី ភរិយារបស់តារាចម្រៀងប្រចាំផលិតកម្មសាន់ដេលោក ឆាយ វិរៈយុទ្ធ នៅថ្ងៃទី19 ខែកុម្ភៈ ឆ្នាំ2018 នេះបានឱ្យដឹងថា នេះគឺជាលើកដំបូងហើយដែលស្វាមីបានដឹកដៃអ្នកនាងធ្វើដំណើរទៅកម្សាន្ដនៅបរទេស ក្រោយពីបានចាប់ដៃគ្នាភ្ជាប់ស្ពានមេត្រីអស់រយៈពេលជិត 1ឆ្នាំរួចមក។

កន្លងមកគេកត់សម្គាល់ឃើញថា ប្ដីប្រពន្ធមួយគូនេះមានភាពផ្អែមល្ហែមនឹងគ្នាខ្លាំងណាស់ ហើយតែងនាំគ្នាធ្វើដំណើរទៅកម្សាន្ដនៅតាមតំបន់រមណីយដ្ឋានធម្មជាតិនានានៅក្នុងប្រទេសកម្ពុជា។ តែដោយឡែករូបភាពដែលបានបង្ហោះនៅលើហ្វេសប៊ុករបស់ភរិយាលោក ឆាយ វិរៈយុទ្ធ នាពេលថ្មីៗនេះបានស្ដែងឱ្យឃើញថា អ្នកទាំងពីរបានធ្វើដំណើរទៅកម្សាន្ដ និងក្រេបច័ន្ទទឺកឃ្មុំនៅតំបន់ភ្នំហ្វ៊ូជិ ប្រទេសជប៉ុន។ អ្នកនាង សែ ចាន់ឌី បានរៀបរាប់ថា «ក្នុង​ខែ​កុម្ភៈ​នេះ​​មិន​មាន​​​ផ្កា​សា​គូរ៉ា​រីក​ច្រើន​ទេ ​ប៉ុន្តែ​វា​មាន​ព្រិល​ធ្លាក់​ ខ្ញុំ​ចង់​ទៅ​មើល​វា​ ការ​ពិត​ ខ្ញុំ ​និង​បង​ យើង​រវល់​ដូច​គ្នា​ តែយើង​ចង់ទៅ ​ទាល់​តែ​ឆ្លៀត​ តាំង​ពី​រៀប​ការ​ជិត​មួយ​ឆ្នាំ​មកហើយ ​មិន​ទាន់​បាន​ទៅ​ណា​មួយ​ដង​ផង​» ។

គួររំឭកផងដែរថា កន្លងមកលោក ឆាយ វិរៈយុទ្ធ ធ្លាប់បានបង្ហើបប្រាប់ពីបំណងប្រាថ្នាចង់បានបុត្រស្នងត្រកូលឱ្យបានឆាប់ តែរហូតមកទល់ពេលនេះ ភរិយានៅមិនទាន់បានបង្ហាញអាការថា ឃ្លានម្ជូរនៅឡើយទេ តែយ៉ាងណាក៏ដោយ ឆាយ វីរៈយុទ្ធ រំពឹងថា ភរិយា​នឹងមាន​បុត្រនាពេលឆាប់ៗខាងមុខនេះតាមបំណងប្រាថ្នារបស់ពួកគេទាំងពីរមិនខាន ហើយប្រសិនបើមានដំណឹងល្អពិតមែននោះ លោករំពឹងចង់ទទួលបានបុត្រភ្លោះតែម្ដង ក៏កាន់តែសប្បាយចិត្តទៅទៀត៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងប្រុសប្រចាំផលិតកម្មសាន់ដេ គឺលោក ឆាយ វិរៈយុទ្ធ ​បានបង្ហោះរូបភាពជាច្រើនសន្លឹក និងបង្ហាញពីក្ដីស្រឡាញ់ដ៏រំជួលចិត្តចំពោះភរិយា​របស់លោក កាលពីថ្ងៃទី14 ខែកុម្ភៈ ឆ្នាំ2018 ម្សិលមិញនេះ។

តារាចម្រៀងប្រុសដែលទើបតែដូរមកជិះថយន្ដទំនើប Chevrolet ម៉ាកTrailblazer តម្លៃជិត 7ម៉ឺនដុល្លារូបនេះ បានធ្វើឱ្យមហាជនកាន់តែភ្ញាក់ផ្អើលខ្លាំងថែមទៀត ដោយការបង្ហាញពីភាពស្មោះស្ម័គ្រចំពោះស្នេហានៅចំពោះមុខភរិយា ដោយបានសច្ចាថា «ខ្ញុំប្តេជ្ញាចិត្តក្នុងការបើកបរដោយសុវតិ្ថភាពជាមួយរថយន្ត Chevrolet ដើម្បីសង្គមជាតិ គ្រួសារ និងមនុស្សជាទីស្រឡាញ់ Happy Valentine’s Day»។

គួរបញ្ជាក់ផងដែរថា កន្លងមកលោកចង់បានបុត្រស្នងត្រកូលឱ្យបានឆាប់ តែរហូតមកទល់ពេលនេះ ភរិយានៅមិនទាន់បានបង្ហាញអាការថា ឃ្លានម្ជូរនៅឡើយទេ តែយ៉ាងណាក៏ដោយ ឆាយ វីរៈយុទ្ធ រំពឹងថា ភរិយា​នឹងមាន​បុត្រនាពេលឆាប់ៗខាងមុខនេះតាមបំណងប្រាថ្នារបស់ពួកគេទាំងពីរ ហើយប្រសិនបើមានដំណឹងល្អពិតមែននោះ លោករំពឹងចង់ទទួលបានបុត្រភ្លោះតែម្ដង ក៏កាន់តែសប្បាយចិត្តទៅទៀត៕

តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី5 ខែកុម្ភៈ ឆ្នាំ 2018 នេះបានឱ្យដឹងថា តារាចម្រៀងប្រុសប្រចាំទ្រនំសាន់ដេ គឺលោក ឆាយ វិរៈយុទ្ធ បានបង្ហោះរូបភាពជាច្រើនសន្លឹក ដែលអមជាមួយរថយន្ដប្រណីតថ្មីសន្លាងពណ៌ខ្មៅ ដោយលោកបានចោទជាសំណួរទៅកាន់ប្រិយមិត្តអ្នកគាំទ្រថា «ប្រិយមិត្ត! អាចទាយបានទេនៅខាងក្រោយខ្នងខ្ញុំនេះជារថយន្តម៉ាកអ្វី?»។

ជាក់ស្តែងកាលពីពេលថ្មីៗនេះ តារាចម្រៀងរូបនេះមានភាពមមាញឹកជាមួយការសម្ដែងតន្ត្រីតាមខេត្តច្រើន ហើយស្របពេលកំពុងតែឡើងកូដនេះ គេបានដឹងថា រថយន្តប្រណីតដែលតារាប្រុសកំពុងតែសម្ញែងដាក់អ្នកគាំទ្រនៅលើហ្វេសប៊ុកនោះ គឺជារថយន្ដម៉ាក Chevrolet ដែលមានតម្លៃរាប់ម៉ឺនដុល្លារឯណោះ។ សូមជម្រាបជូនបន្ថែមថា បន្ទាប់ពីតារាចម្រៀងប្រុសរូបនេះបានរៀបអាពាហ៍ពិពាហ៍រួចមក គេសង្កេតឃើញថាលោកហាក់ដូចជាកាក់កបណាស់នឹងរបរបន្ថែមនៅផ្ទះ ក្រៅពីអាជីពជាតារាចម្រៀង ពោលគឺការរកស៊ីបានរីកដុះដាលចម្រុងចម្រើនឥតឈប់ឈរតែម្តង៕