កាលពីរាត្រីយប់មិញនេះ មហាជនអ្នកគាំទ្របានភ្ញាក់ផ្អើលជាខ្លាំង ខណៈដែលបេក្ខជន ចាប សក្កណា និងបេក្ខនារី លីន សោម៉ា ដែលធ្លាប់ជាបេក្ខភាពមានសំឡេងល្អ និងអាចប្រើប្រាស់សំឡេងរហូតដល់តុងខ្ពស់ ហើយលេចធ្លោជាងគេនោះ បានចាកចេញពីកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី 3 ទាំងសម្រក់ទឹកភ្នែក។
ជាក់ស្ដែងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី 3 វគ្គ Live Show បានឈានដល់សប្ដាហ៍ពាក់កណ្តាលផ្តាច់ព្រ័ត្រ ហើយនៅក្នុងនោះតម្រូវឱ្យមានត្រឹមបេក្ខភាពចំនួន 4 រូបប៉ុណ្ណោះដែលអាចបន្ដដំណើរទៅកាន់វគ្គផ្ដាច់ព្រាត់បាន។ ជាមួយគ្នានោះដែរ ក្នុងសប្តាហ៍នេះនៅមានបេក្ខជនទាំងអស់ 6រូប ដែលបានប្រកួតប្រជែងដោយបកស្រាយបទចម្រៀងលើវិញ្ញាសារ « ចម្រៀងធ្លាប់ស្ដាប់ តែមិនធ្លាបើច្រៀងពីមុនមក »។
សូមជម្រាបដែរថា ជាលទ្ធផលយ៉ាងសុគ្រិតពីការបោះឆ្នោតផ្ញើសារគាំទ្រពីសំណាក់មហាជន បេក្ខភាព លីន សោម៉ា និង ចាប សក្ខណា ទទួលបានសារតិចជាងគេ ហើយត្រូវបានចាកចេញពីកម្មវិធីមិនអាចបន្តទៅដណ្តើមពាន Cambodian Idol នៅសប្តាហ៍ក្រោយបានឡើយ។ យ៉ាងណាមិញបេក្ខជនចំនួន4 រូបដែលនឹងត្រូវប្រកួតប្រជែង នៅវគ្គផ្តាច់ព្រ័ត្រមាន លោក សៀក ញញឹម, កញ្ញា ឈៀង សុវណ្ណារី, លោក គ្រី ថៃពៅ និងកញ្ញា ចែម ស្រីល័ក្ខ៕
