កីឡាករខ្សែប្រយុទ្ធ ចាន់ វឌ្ឍនាកា នឹងត្រូវបង្ហាញខ្លួនជាលើកដំបូងនៅកម្ពុជា ក្នុងឆ្នាំ២០១៩ ក្នុងជំនួបជាមួយនឹងក្រុមខេត្តសៀមរាប ក្នុងពានរង្វាន់ HUN SEN CUP 2019 នេះបើតាមការបញ្ជាក់របស់លោក ហៅ សុជាតិ គ្រូបង្វឹកក្រុមបាល់ទាត់បឹងកេត ។
ក្នុងវគ្គ១៦ក្រុមថ្នាក់ជាតិ ពានរង្វាន់សម្តេចអគ្គមហាសេនាបតីតេជោ ហ៊ុនសែន ឆ្នាំ២០១៩នេះ ក្រុមបាល់ទាត់បឹងកេត ត្រូវជូបជាមួយនឹងក្រុមខេត្តសៀមរាបចំនួន២ជើង ដើម្បីដណ្តើមកៅអីទៅវគ្គបន្ត ក្នុងពានរង្វាន់មួយនេះ។
គួរបញ្ជាក់ផងដែរថា កីឡាកររូបនេះទើបតែចូលជាមួយនឹង ក្រុមបាល់ទាត់បឹងកេតសារជាថ្មី ក្នុងជើងទី២ និង ពានរង្វាន់ HUN SEN 2019 នេះ ក្រោយពីបានបញ្ចប់កុងត្រាជាមួយនឹងក្លិប PKNS FC ដែលប្រកបអាជីពនៅលីគកំពូលម៉ាឡេស៊ី៕
ដោយ៖ ឃូរ៉ា
ប្រភព៖ BKFC