តាមរយៈបណ្ដាញទំនាក់ទំនងសង្គមអ៊ីនស្ដាក្រាមរបស់ពិធីការិនីល្បីឈ្មោះ គង់ សុជាតិ នៅថ្ងៃទី20 ខែកុម្ភៈ ឆ្នាំ2018 នេះបានបង្ហោះរូបភាពជាច្រើនសន្លឹកដែលស្ដែងឱ្យឃើញពីភាពផ្អែមល្ហែមរវាងអ្នកនាង និងស្វាមីនាថ្ងៃសម្រាកលម្ហែកាយនៅលើឆ្នេរឯករាជ្យនៃទឹកដីខេត្តព្រះសីហនុ។
បន្ទាប់ពីបានសម្រាកព្យាបាលខ្លួននៅប្រទេសថៃ កាលពីប៉ុន្មានសប្ដាហ៍កន្លងមក គេសង្កេតឃើញថា អ្នកនាង គង់ សុជាតិ មានសភាពធូរស្បើយឡើងវិញច្រើន ព្រមទាំងទទួលបានការថ្នាក់ថ្នម និងយកចិត្តទុកដាក់យ៉ាងកក់ក្ដៅពីលោក ជា វិបុល ដែលជាឧត្តមស្វាមី(ច្រណែនណាស់លោកអ៊ើយ!)។ ទោះជាមមាញឹកយ៉ាងណា ក៏ស្វាមីអ្នកនាង គង់ សុជាតិ នៅតែកំដរភរិយាមកកម្សាន្ដ សម្រាកលម្ហែនាឆ្នេរសមុទ្រ ដើម្បីស្រូបយកខ្យល់អាកាសបរិសុទ្ធដើម្បីបំប៉នសុខភាពដែរ។ ពិធីការិនីសម្រស់មិនផ្លាស់ប្ដូររូបនេះ បានរៀបរាប់នៅលើអ៊ីនស្ដាក្រាមរបស់ខ្លួនថា «អរុណសួស្តីបងប្អូនមិត្តភ័ក្តិទាំងអស់គ្នា ពីឆ្នេរសមុទ្រដ៏ស្រស់ស្អាត និងខ្យល់អាកាសដ៏ត្រជាក់នាពេលព្រឹកព្រលឹម #bolcheattrip»។
ចង់ដឹងថា តើអ្នកនាង គង់ សុជាតិ និងលោក ជា វិបុល ផ្អែមល្ហែមនឹងគ្នាគួរឱ្យច្រណែនដល់កម្រិតណានោះ សូមទស្សនារូបភាពទាំងឡាយខាងក្រោមនេះចុះ(ហ៊ឺស!)៖
