Tag: ករុណា ពេជ្រ

ជំនន់ទឹកភ្លៀងកំពុងតែវាយលុកក្នុងបណ្ដាខេត្តជាច្រើននៅក្នុងប្រទេសកម្ពុជា បណ្ដាលឱ្យទទួលរងការលិចលង់យ៉ាងខ្លាំង ខណៈមានគ្រួសារជាច្រើនកំពុងតែជួបនូវការលំបាក បន្ទាប់ពីផ្ទះសំបែងត្រូវបានជន់លិចដោយសារទឹកឡើងខ្លាំង។ យ៉ាងណាមិញបញ្ហានេះក៏មានសប្បុរសជន និងអ្នកសិល្បៈជាច្រើនបានចូលរួមផ្ដល់ជាអំណោយ និងចុះទៅចែកជូននៅតាមតំបន់ដែលរងគ្រោះទៀតផង។

ក្នុងនោះ តារាចម្រៀងប្រចាំផលិតកម្មថោន លោក ករុណា ពេជ្រ ក៏បានដឹកនាំក្រុមតារាច​ម្រៀងក្នុងផលិតកម្ម និងក្រុមការងារនាំយកអំណោយចុះទៅចែកជូនដល់ប្រជាពលរដ្ឋរងគ្រោះផងដែរ។ ​ជានិច្ច​​កាល តារាចម្រៀងរូបនេះមិនដែល​រំលង​ការងារ​មនុស្សធម៌ក្នុងការ​ចុះជួយ​ដល់​បងប្អូន​ក្រីក្រ ចាស់ជរា និង​ជនពិការឡើយ​។ ជាក់ស្តែង​តាមរយៈ​វីដេអូ​ឃ្លី​ប ដែល​រៀបរាប់​ពី​ទុក្ខលំបាករបស់ប្រជាពលរដ្ឋ​ដែលរងគ្រោះ​ដោយ​ទឹកជំនន់នោះ ករុណា ពេជ្រ បាន​សម្តែងពី​ក្តី​អាណិត ចំពោះ​បងប្អូន​ដែលផ្ទះសំបែងត្រូវ​ជន់​លិច និងមិនបាន​យក​សម្ភារមកជា​មួយ គ្មាន​ទាំងចំណីអាហារ សម្លៀកបំពាក់ និង​សម្ភារប្រើប្រាស់ផ្ទាល់ខ្លួនទៀតផង។

នៅលើគណនីហ្វេសប៊ុករបសខ្លួន លោក ករុណា ពេជ្រ​ បានឱ្យដឹងថា «ថ្ងៃនេះ ខ្ញុំបាទ ករុណា ពេជ្រ បានដឹកនាំតារាចម្រៀងប្រចាំផលិតកម្ម ថោន ដូចជា អ្នកនាង កាតុ លោក សុគន្ធ ថេរាយុ និង កញ្ញា ឈិត សុវណ្ណបញ្ញា ចូលរួមធ្វើវិភាគទាន និងបាននាំយកនូវអំណោយ និងថវិកាមួយចំនួនរបស់បណ្តាក្រុមហ៊ុន និងសប្បុរសជនទាំងក្នុង និងក្រៅប្រទេសទៅជូនដល់អ្នកដែលរងគ្រោះដោយសារទឹកជំនន់ នៅភូមិរំលោង សង្កាត់កណ្តោលដុំ ក្រុងច្បារមន ខេត្តកំពង់ស្ពឺចំនួន 197គ្រួសារ និងឃុំតាំងស្យា ស្រុកភ្នំស្រួច ខេត្តកំពង់ស្ពឺ ចំនួន 148 គ្រួសារ សរុប ទាំងអស់ 345 គ្រួសារ ដែលក្នុងមួយគ្រួសារនឹងទទួលបាន មី 1កេស អង្ករ 20គីឡូក្រាម ទឹកត្រី 1យួរ ឃីត 1កញ្ចប់ រួមទាំងថវិកា 20,000រៀលទៀតផង»៕

ប៉ុន្មានម៉ោងមុននេះបន្ដិចលោក ករុណា ពេជ្រ បានបង្ហោះរូបភាពជាច្រើនសន្លឹកនៅក្នុងបណ្ដាញសង្គមហ្វេសប៊ុក ដែលគេមើលឃើញថា លោកកំពុងតែស្ថិតនៅលើគ្រែអ្នកជំងឺត្រៀមស្គែនខួរក្បាល ដែលធ្វើឱ្យមហាជនអ្នកគាំទ្រមានការភ្ញាក់ផ្អើល និងបារម្ភពីលោកខ្លាំងមែនទែន។

នៅពីលើរូបភាពជាច្រើនសន្លឹកនោះ លោកបានបញ្ជាក់ថា «មួយរយះនេះ គិតហួស គិតច្រើនពេកហើយ មានតែចូលពិនិត្យសុខភាព និងថតខួរក្បាលឱ្យច្បាស់ម្តងថា គួរទៅមុខ ឬទៅក្រោយ..!!! មិនគួរគ្រប់រឿងមកបុកចូលពេលតែមួយ ដូចខ្វះពេលបុក….!!! »។ ខណៈដែលបានឃើញពីស្ថានភាពរបស់តារាប្រុសរូបនេះអ៊ីចឹងហើយនោះ មានអ្នកគាំទ្រជាច្រើនបានសម្ដែងក្ដីបារម្ភចំពោះលោកយ៉ាងខ្លាំង ខ្លះបានប្រាប់ថា «ពេជ្រ អើយ កុំគិតច្រើនពេក អ្វីគួរកើត វានឹងកើតហើយ! ស៊ូៗណា» ហើយខ្លះទៀតបានជូនពរថា «សូមឱ្យឆាប់ប្រសើរឡើងវិញណា»។

សូមជម្រាបបន្ថែមថា មួយរយៈចុងក្រោយនេះ គេមើលឃើញ ករុណា ពេជ្រ ពិតជាមានបញ្ហាដែលត្រូវដោះស្រាយជាច្រើនណាស់ ជាក់ស្ដែងលោកត្រូវកង្វល់ចិត្តក្នុងការថែរក្សា និងព្យាបាលឪពុកដែលមានជំងឺរ៉ាំរ៉ៃ សម្រាកព្យាបាលនៅក្នុងមន្ទីរពេទ្យ។ ខណៈនេះ នៅមិនទាន់មានការបញ្ជាក់ពីស្ថានភាពជំងឺរបស់ឪពុកលោកច្បាស់នៅឡើយទេ ដឹងត្រឹមថា ឪពុកលោកមានអាការប្រសើឡើងជាងមុនហើយប៉ុណ្ណោះ៕

កន្លងមក​លោក ករុណា ពេជ្រ បានប្រកាស​លក់​ផ្ទះ​វីឡា​ដែលមាន​ទីតាំងនៅ​ជិត​វត្ត​សំរោង​អណ្តែត​​ជាវីឡាទោល ដើម្បីប្រមូលថវិកាព្យាបាលជំងឺឪពុកដែលកំពុងធ្ងន់ធ្ងរ ក៏ប៉ុន្តែមកដល់​ពេលនេះ​លោក​មិនទាន់​លក់ដាច់​នៅឡើយ ហើយអ្វីដែលធ្វើឱ្យសាធារណជន​ចាប់អារម្មណ៍​ថ្មីៗ​នេះ គឺ​តារាចម្រៀង​រូបនេះ​បាន​ប្រកាស​លក់​ផ្ទះចំនួន​ 2កន្លែង និង​ដី​ 2​កន្លែង​បន្ថែមទៀត។​

លោក ករុណា ពេជ្រ បានប្រកាសនៅលើហ្វេសប៊ុករបស់ខ្លួនថា «ហ៊ឺ ….ពេលមានលុយ គិតតែសន្សំលុយទិញ និងបង់រំលស់ផ្ទះ ព្រោះអត់មានជំនាញរកស៊ីដូចគេ ក៏ប៉ុន្តែដល់ពេលឥឡូវ ត្រូវការលុយ មានតែប្រកាសលក់ផ្ទះវិញហើយ… ហួសពីស្តាយ តែមិនដឹងធ្វើម៉េច…»។ លោកបន្ដថា «ខ្ញុំមានបំណងចង់លក់ផ្ទះ និងដីមួយចំនួន :

1- វីឡាទោល EO,E1,E2 ផ្ទះកែង មានទីធ្លាធំទូលាយ មានទីតាំងក្នុងបុរីពិភពថ្មីសំរោងអណ្តែត2 ទំហំដី 18.40m – 33.40 m ជិតផ្សារបឹងបៃតង ហើយចំណាយពេលតែ 5នាទីដល់ផ្សារទំនើប AEON II និងផ្សារ Makro។

2- ផ្ទះល្វែង Shop House EO,E1,E2 បុរីថៃឈុនគ្រី ផ្លូវបេតុង ជួរខាងមុខ អាចរកស៊ីបាន សល់តែ 3ខែរួចរាល់ (លក់តាមតម្លៃក្រុមហ៊ុនបច្ចុប្បន្ន ) ទំហំ 5mគុណ15m សល់មុខ 4 m ក្រោយ1.5 m ចុះពីផ្លូវធំឧកញ៉ាម៉ុងរិទ្ធី 200 m ហើយចំណាយពេលតែ 5នាទីដល់ផ្សារទំនើប AEON II និងផ្សារ Makro។

3- ដីប្លង់វីឡា 20mគុណ30m ជាប់នឹងរបងបុរីពិភពថ្មីបឹងឈូក ចុះពីផ្លូវ 2011ប្រហែល 200 m ចំណាយពេលតែ 3 នាទី ពីផ្សារឈូកមាស តំបន់អភិវឌ្ឍន៍ខ្លាំង។

4- ផ្ទះវីឡាភ្លោះខ្នាតធំ EO,E1,E2 ទ្វារ  ទូតាំង និងទូដាក់ខោអាវធ្វើពីឈើប្រណីតគ្រប់បន្ទប់ ទំហំដី 9.8m គុណ 21m ក្នុងបុរីពិភពថ្មីសំរោងអណ្តែត1 ជិតផ្សារបឹងបៃតង ហើយចំណាយពេលតែ 5 នាទី ដល់ផ្សារទំនើប AEON II និង ផ្សារ Makro។

5- ផ្ទះវីឡាកូនកាត់ EO,E1,E2 ក្នុងបុរីប៉េងហួតវ៉េងស្រេង ទំហំផ្ទះ 4.9m គុណ 12m សល់មុខ 4m

6- ដីធ្វើរោងចក្រ ឬសិប្បកម្ម ចាក់ដីហើយស្អាត នៅតំបន់ទីប្រជុំជនបាក់ដឹង ទីរួមស្រុកឧដុង្គ ទំហំ 2.3ហិកតា លើផ្លូវ 129 (ទំហំផ្លូវ 40m) ចុះពីផ្លូវជាតិ51 ប្រហែល 2 km។

គួរបញ្ជាក់ផងដែរថា ឪពុក​របស់​តា​រា​ចម្រៀង ករុណា ពេជ្រ បាន​ធ្លាក់ខ្លួន​ឈឺ​រហូតដល់ដំណាក់កាលបាត់បង់​ការចងចាំ​ ហើយលោក​បាន​បញ្ជូនទៅ​ព្យាបាល​នៅ​មន្ទីរពេទ្យល្បី​មួយ​នៅ​ក្រុងភ្នំពេញ។ ក្រោយមក​លោក​ក៏​សម្រេចចិត្ត​ប​ញ្ជូ​ន​ទៅ​ព្យាបាល​នៅ​ប្រទេស​វៀតណាម តែ​ស្ថានភាព​ជំងឺ​នៅតែ​ធ្ងន់ធ្ងរ​ដដែល ធ្វើឱ្យ​លោក​មានការ​សោកស្តាយ​ជាខ្លាំង ។ ពេលនេះ​ករុណា ពេជ្រ បា​ននាំឪពុកមក​ព្យាបាល​នៅមន្ទីរពេទ្យក្នុង​ទីក្រុង​ភ្នំពេញ​វិញហើយ៕

កន្លងទៅដូចលោកអ្នកបានជ្រាបហើយថា លោក ករុណា ពេជ្រ ជាតារាចម្រៀង និងមានតំណែងធំនៅក្នុងផលិតកម្មថោន បានដាក់ប្រកាសលក់ផ្ទះវីឡាទោលតាមរយៈបណ្ដាញទំនាក់ទំនងសង្គមហ្វេសប៊ុករបស់ខ្លួន ដើម្បីយកប្រាក់បន្ថែមព្យាបាលជំងឺរបស់ឪពុក។ រហូតមកទល់ពេលថ្មីៗកន្លងទៅនេះ គេឃើញតារាចម្រៀងស្រីនៅក្នុងផលិតកម្មថោនម្នាក់ទៀតគឺ កញ្ញា ស៊ុន ស្រីពេជ្រ ក៏បានដាក់ប្រកាសលក់ផ្ទះដើម្បីមើលជំងឺប្អូន និងឪពុកដូចគ្នា ដែលហេតុការណ៍ផ្ទួនគ្នាមួយនេះ បានធ្វើឱ្យមហាជនមានការភ្ញាក់ផ្អើលជាខ្លាំង និងមានក្ដីស្រងេះស្រងោចចិត្ត អាណិតចំពោះក្ដីលំបាករបស់អាយដូលក្នុងដួងចិត្តពួកគេជាខ្លាំង។

កន្លងទៅលោក ករុណា ពេជ្រ បានប្រកាសលក់វីឡាទោលថា «កូនមកដល់ផ្ទះវិញហើយប៉ា…ផ្ទះធំពេក ហើយប៉ាឈឺទៀត…កូននឹងនាំប៉ាទៅព្យាបាលបន្តនៅក្រៅប្រទេសឆាប់ៗនេះ…។ កុំឱ្យសៅហ្មង ខ្ញុំសូមប្រកាសលក់ផ្ទះវីឡាទោល ហើយកែងផ្លូវខាងមុខតែម្តង…ដែលមានទីតាំងនៅបុរីពិភពថ្មី សំរោងអណ្តែត3 ផ្ទះលេខ 2 ( E0,E1,E2 )  ផ្លូវA…ទល់មុខសួនច្បារធំ2 មានទីធ្លាធំទូលាយនៅមុខផ្ទះ….ចំណាយពេលតែ 5នាទីដល់ផ្សារ Makro និងផ្សារទំនើប AEON II។ ទំហំដី : ទទឹងមុខ 18,40 m រីកទទឹងក្រោយ 19,40m និងបណ្តោយ 33,40 m»។ លោកបានបញ្ជាក់ដែរថា ប្រសិនបើប្រិយមិត្តមានចំណាប់អារម្មណ៍ អាចទំនាក់ទំនងមកកាន់ Inbox ហ្វេសប៊ុករបស់លោកផ្ទាល់តែម្ដង។

រីឯកញ្ញា ស៊ុន ស្រីពេជ្រ វិញក៏បានប្រកាសលក់ផ្ទះរបស់ខ្លួននៅលើបណ្ដាញទំនាក់ទំនងសង្គមហ្វេសប៊ុកថា «ហ៊ឺម៍…តាំងពីដាក់ប្រកាសលក់ផ្ទះពីរខែមកនេះលុយតម្កល់មើលជំងឺប្អូនជាង 50000$ ក៏អស់ ហើយឥឡូវចូលដល់ខ្ចីលុយគេមើលទៀត អាណិតម៉ែមុខឡើងខ្មៅ ហើយស្គមព្រោះពិបាកចិត្ត ឯពុកវិញម្ង៉ៃកាត់ម្ង៉ៃកោរ អូនអើយតើពេលណាទើបផ្ទះយើងលក់ដាច់នឹងឆាប់បាននាំអូនវះកាត់ ឆាប់បានជាទៅអូន ឱ្យគេមើល គេថាផ្ទះហ្នឹងរង់ចាំម្ចាស់ថ្មីម្តងខែ3 ម្តងខែ4 តែឥឡូវចូលដល់ខែ5ហើយ អស់សង្ឃឹមណាស់ ឱលោកម្ចាស់ផ្ទះថ្មីឆាប់ទិញផ្ទះខ្ញុំផង ដើម្បីប្អូនប្រុសខ្ញុំបានជាសូមអង្វរទេវតាកុំដាក់ទោសទណ្ឌដល់គ្រួសារខ្ញុំអី សូមមេត្តាជួយShareផង ដើម្បីផ្ទះខ្ញុំឆាប់លក់ដាច់ អរគុណពុកម៉ែបងប្អូនទុកជាមុន»(អូខេ ចាំបេលជួយស៊ែរ…)។

គួរបញ្ជាក់ផងដែរថា លោកឪពុក តារាស្រីរូបនេះ លោកមានវ័យ72ឆ្នាំហើយ និងមានជំងឺលើសឈាមជាង 2ឆ្នាំមកហើយដែរ ហើយក៏ខកខានក្នុងការចេញទៅសម្តែងកំប្លែងជាយូរឆ្នាំមកហើយដែរ។ តារាកំប្លែងជើងចាស់នាយ សង់ ស៊ីស មានកូនសរុបចំនួន 8នាក់ (ស្រី5នាក់) ក្នុងនោះមានកូន 3នាក់ជាសិល្បករ គឺនាយ សង់ សេត កញ្ញា ស៊ុន ស្រីពេជ្រ និងអ្នកនាង កាឆយ។ បច្ចុប្បន្នតារាកំប្លែងរូបនេះ ស្នាក់នៅផ្ទះរួមជាមូយកូនស្រី ស៊ុន ស្រីពេជ្រ នាភូមិ សុពណ៌ សង្កាត់គោករការ ខណ្ឌព្រែកព្នៅ រាជធានីភ្នំពេញ៕

ខណៈនេះ ឪពុករបស់តារាចម្រៀងប្រចាំផលិតកម្មថោន លោក ករុណា ពេជ្រ កំពុងសម្រាកព្យាបាលជំងឺនៅឯប្រទេសវៀតណាម ហើយលោកក៏បានបង្ហើបប្រាប់ពីស្ថានភាពជំងឺរបស់លោកឪពុកផងដែរ។ ក្រោយពីបានបញ្ជូនទៅព្យាបាលនៅមន្ទីរពេទ្យប្រទេសវៀតណាម ឪពុកលោក ករុណា ពេជ្រ មានសភាពល្អប្រសើរជាងមុនបន្ដិចហើយ តែនៅមិនទាន់ដឹងខ្លួននៅឡើយទេ ។ តារាចម្រៀងរូបនេះនៅតែបន្ដប្រកាសលក់ផ្ទះវីឡាទោលរបស់ខ្លួន ដើម្បីយកប្រាក់ទៅព្យាបាលឪពុកបន្ថែមទៀត។

លោក ករុណា ពេជ្រ បានរៀបរាប់ថា «ប៉ាអើយ ឥឡូវនេះកូននាំអ៊ំមកលេងប៉ាហើយ…ហ៊ឺ…បងប្អូននៅសល់តែពីរនាក់ ឥឡូវប្អូនឈឺទៀត…»។ លោកបន្ដថា «ខ្ញុំសូមប្រកាសលក់ផ្ទះវីឡាទោល នៅកែងផ្លូវខាងមុខតែម្តង មានទីតាំងនៅបុរីពិភពថ្មីសំរោងអណ្តែត3 ផ្ទះលេខ 2 ( E0,E1,E2 ) , ផ្លូវ A…ទល់មុខសួនច្បារធំ 2 មានទីធ្លាធំទូលាយខាងមុខផ្ទះ  ចំណាយពេលតែ 5នាទីដល់ផ្សារ Makro និងផ្សារទំនើប AEON II ទំហំដី : ទទឹងមុខ 18,40 m រីកទទឹងក្រោយ 19,40m និងបណ្តោយ 33,40 m តម្លៃបងប្អូនអាចសួរក្នុង inbox បាន…»។

គួរបញ្ជាក់ផងដែរ លោក ករុណា ពេជ្រ បានទម្លាយសារនៅក្នុងចិត្តយ៉ាងក្ដុកក្ដួលឱ្យមហាជនបានដឹង នៅពេលដែលឪពុកកំពុងតែសម្រាកព្យាបាលលោករៀបរាប់ថា «បណ្តាំដែលចេញពីមាត់របស់ប៉ា 3ចំណុចដែលប៉ាផ្តាំកូនមុនពេលពីរអាទិត្យនៃការធ្លាក់ខ្លួនឈឺរបស់ប៉ា កូននឹងចងចាំ ហើយប្រឹងអនុវត្តវាឱ្យល្អ ប្រឹងធ្វើឱ្យវាមានតម្លៃ លុះដល់ដំណាក់កាលចុងក្រោយ…!!!! អ្វីដែលប៉ាផ្តាំនៅពេលនោះ កូនខំទប់ទឹកភ្នែកមិនឱ្យស្រក់ ហើយនិយាយលួងប៉ាថា អ្វីដែលប៉ាបារម្ភនោះ សូមប៉ាកុំភ័យ ហើយនិយាយបន្លប់ប៉ាមកជាសប្បាយៗវិញ ហើយក្នុងចិត្តឆ្ងល់ថា ហេតុអ្វីសុខៗប៉ានិយាយផ្តាំអ៊ីចឹងជាមួយកូន?។ តែអ្វីៗមិននឹកស្មានដល់ថា បន្ទាប់ពីនោះមកតែ 2អាទិត្យសោះ ប៉ាទៅជាធ្លាក់ខ្លួនមានជំងឺអ៊ីចឹងសោះ ស្រណោះសម្តីប៉ាផ្តាំកូនណាស់ ប៉ា»។

លោកបានបន្ដរៀបរាប់ទៀតថា «បណ្តាំទាំង 3នោះ ឥឡូវនេះកូនយកបណ្តាំ 1 ក្នុងចំណោមបណ្តាំទាំង 3 របស់ប៉ាមកខំប្រឹងធ្វើតាមសម្តីប៉ាហើយ។ ហើយកូននឹងខំប្រឹងព្យាយាមធ្វើដោយឧត្តមគតិ ប្រឹងដោយគ្មានការសោកស្តាយ និងដោយគ្មានការនឿយហត់ទេប៉ា..ទោះបីពេលនេះប៉ាមិនទាន់ដឹងអ្វីក៏ដោយ…ក៏កូននៅតែសង្ឃឹមថា ថ្ងៃណាមួយពេលប៉ាដឹងខ្លួនឡើងវិញប៉ានឹងញញឹមជាមួយលទ្ធផលដែលប៉ាបានផ្តាំកូន…»៕

ប៉ុន្មានម៉ោងមុននេះបន្ដិច តារាចម្រៀងប្រុសប្រចាំផលិតកម្មថោន លោក ករុណា ពេជ្រ  បានបង្ហោះរូបភាពជាច្រើនសន្លឹកដែលបង្ហាញឱ្យឃើញថា ស្ថានភាពជំងឺរបស់ឪពុកលោកហាក់ដូចជាកាន់តែធ្ងន់ធ្ងរខ្លាំងហើយ រហូតដល់រូបលោកត្រូវប្រកាសដាក់លក់ផ្ទះវីឡាប្រណីតមួយ ដើម្បីយកប្រាក់ទៅព្យាបាលជំងឺឪពុករបស់លោក​នៅប្រទេសក្រៅជាប​ន្ដទៀត។

លោក ករុណា ពេជ្រ បានរៀបរាប់ថា «កូនមកដល់ផ្ទះវិញហើយប៉ា…ផ្ទះធំពេក ហើយប៉ាឈឺទៀត…កូននឹងនាំប៉ាទៅព្យាបាលបន្តនៅក្រៅប្រទេសឆាប់ៗនេះ…។ កុំឱ្យសៅហ្មង ខ្ញុំសូមប្រកាសលក់ផ្ទះវីឡាទោល ហើយកែងផ្លូវខាងមុខតែម្តង…ដែលមានទីតាំងនៅបុរីពិភពថ្មី សំរោងអណ្តែត3 ផ្ទះលេខ 2 ( E0,E1,E2 )  ផ្លូវA…ទល់មុខសួនច្បារធំ2 មានទីធ្លាធំទូលាយនៅមុខផ្ទះ….ចំណាយពេលតែ 5នាទីដល់ផ្សារ Makro និងផ្សារទំនើបAEON II។ ទំហំដី : ទទឹងមុខ 18,40 m រីកទទឹងក្រោយ 19,40m និងបណ្តោយ 33,40 m»។ លោកបានបញ្ជាក់ដែរថា ប្រសិនបើប្រិយមិត្តមានចំណាប់អារម្មណ៍ អាចទំនាក់ទំនងមកកាន់ Inbox ហ្វេសប៊ុករបស់លោកផ្ទាល់តែម្ដង។

គួរំឭកផងដែរថា កន្លងមកស្ថានភាពជំងឺរបស់ឪពុកលោកបានធូរស្បើយ និងបានដឹងខ្លួនមកវិញម្ដងហើយ អាចនិយាយបាន កម្រើកខ្លួនបានខ្លះហើយ ទើបបានជាតារាប្រុសរូបនេះនាំលោកឪពុកមកធ្វើលំហាត់ប្រាណនៅមុខផ្ទះជារៀងរាល់ព្រឹក តែមកដល់ពេលនេះវិញ ស្ថានភាពជំងឺហាក់ដូចជាមិនទាន់ធូរស្បើយនៅឡើយទេ ទើបធ្វើឱ្យតារាប្រុសរូបនេះ សម្រេចចិត្តនាំឪពុកទៅបន្ដព្យាបាលនៅឯបរទេសតែម្ដង៕

តាមរយៈបណ្ដាញទំនាក់ទំនងសង្គមហ្វេសប៊ុករបស់លោក ករុណា ពេជ្រ នៅពេលថ្មីៗនេះ បានបង្ហោះសារសោកស្ដាយ ដែលលោកមិនបាននៅរួមពិធីសូត្រមន្ដលើករាសី និងផ្ដុំធាតុជូនឪពុករបស់លោក នៅពេលដែលកន្លងមក តារាប្រុសរូបបានយកចិត្តទុកដាក់ថែទាំជំងឺរបស់ឪពុកមិនដាច់ពីមួយជំហ៊ាន ទាំងនៅក្នុងមន្ទីពេទ្យ និងមកថែរក្សាជំងឺនៅផ្ទះក្ដី។

លោក ករុណា ពេជ្រ បានបង្ហោះសារសោកស្ដាយថា « ថ្ងៃនេះ កូន និងបងប្អូន កូនក្មួយរបស់ប៉ា បានរៀបពិធីសូត្រមន្ត លើករាសីនិងផ្គុំធាតុជូនប៉ាហើយ…. តែកូនមិនបាននៅចប់កម្មវិធី តែកូនបានត្រឹមតែអុជធូប បួងសួង គោរពអញ្ជើញទេវតា វត្ថុសក្កិសិទ្ធ គ្រប់ទិសទី កុងម៉ា ជីដូន ជីតា ញាតិការ 7 សណ្តាន ចូលរួម ដឹងឮ ដើម្បីបើកពិធីនេះ តែប៉ុណ្ណោះ។ ហើយកូននឹងសង្ឃឹមថា ប៉ា នឹងឆាប់ជាដឹងខ្លួន បានឃើញពីដំណើរជីវិតកូនបន្តទៀត ណា…. កូនទៅសៀមរាបហើយណា ប៉ា..។ អរគុណ សេចក្តីស្រលាញ់ អ៊ុំ បងប្អូន ក្មួយ និង ចែ ទាំងអស់ ដែលបានចូលរួម និង បន្តពិធីនេះ..»។

គួររំឭកផងដែរថា តារាប្រុសកត្តញ្ញូចំពោះឪពុករូបនេះ កន្លងមកបានបង្ហោះរូបភាពឱ្យឃើញពីសកម្មភាពដែលលោកបានមើលថែទាំឪពុកយ៉ាងកក់ក្ដៅ និងជាពិសេស លោកបាននាំឪពុកលោក ធ្វើលំហាត់ប្រាណរាល់ពេលព្រឹកព្រលឹមថែមទៀតផងដែរ៕

ថ្មីនេះៗ បន្ទាប់ពីលេចឮឡើងនូវព័ត៌មានថា មាស សុខសោភា តារាចម្រៀងស្រីប្រចាំផលិតកម្មថោន បានដោះដៃពីទ្រនំ ចាស់ ហើយទៅចុះកុងត្រាថ្មីជាមួយផលិតកម្មហង្សមាសនោះ ភ្លាមៗស្រាប់តែអ្នកគ្រប់គ្រងផលិតកម្មថោនលោក ករុណា ពេជ្រ បានចេញមកលោតច្រឡោតតោតតូង(ដូចម៉ុងសាយ) និងពន្លះអ្នកសារព័ត៌មានញ៉ែតៗម៉ារយៗនៅលើបណ្ដាញទំនាក់ទំនងសង្គមហ្វេសប៊ុករបស់ខ្លួនតែម្ដង។

តារាប្រុសមានតំណែងធំនៅក្នុងផលិតកម្មរូបនេះ បានរៀបរាប់នៅលើហ្វេសប៊ុករបស់ខ្លួនថា  «សូមសរសើរ…នេះបានចំជាសារព័ត៌មានផស់គេមែន មានជំនាញពិតប្រាកដ…សម្ភាសអ្នកណា ដាក់ឈ្មោះអ្នកហ្នឹង អ៊ីចឹងបានឡូយ…សារព័ត៌មានដែលអត់ជំនាញ និងអត់ច្បាស់ការ គឺតែងតែសរសេរថា តាមពាក្យចចាមអារ៉ាម  តាមប្រភពស្និទ្ធ  តាមរយៈបុគ្គលិកដែលមានតួនាទីធំ…ល និងល។ សម័យនេះហើយនៅសល់សារព័ត៌មានអ៊ីចឹងទៀតឬ…hmmmmmmmmm…»។ លោកបានបញ្ជាក់នៅខាងក្រោមសារព័ត៌មានមួយថា «បងប្រុសកញ្ញា មាស សុខសោភា បានបញ្ជាក់ហើយថា ប្អូនស្រីគាត់អត់បានទៅណាទេ»(ឮ?!)។

សូមជម្រាបបន្ថែមថា លោក មាស សុខរតនៈ បងប្រុសបង្កើតមាស សុខសោភា បានច្រានចោលដំណឹងនេះដោយបកស្រាយប្រាប់​អ្នកសារព័ត៌មានថា «ខ្ញុំ ​និង​ប្អូន​ស្រី​បាន​​ផុត​កុង​ត្រា​នៅ​ថោន​​មែន​ ហើយ​មិន​​ចាំ​បាច់​ចុះ​កុង​ត្រា​តទៀត​ក៏​បាន​ដែរ​​ ព្រោះ​យើង​ធ្វើ​ការ​​​​នៅ​ថោន​ដោយ​ក្ដី​ស្រឡាញ់​ពេញ​បេះ​ដូង​ ដូច្នេះ​កុង​ត្រា​​​មិន​សំខាន់​ទេ។ បើ​សិន​ជា​យើង​ធ្វើ​ការនៅ​​កន្លែង​ណា​មួយ​ដែលផ្ដល់​ស្នាម​ញញឹម​ និង​ភាព​រីករាយ​ដល់​យើង​ហើយនោះ មាន​រឿង​អ្វី​ដែលយើង​ត្រូវ​ដើរ​ចេញ?!​»៕ ​

បន្ទាប់ពីលោកឪពុករបស់តារាចម្រៀង ករុណា ពេជ្រ បានចូលសម្រាកព្យាបាលនៅក្នុងមន្ទីរពេទ្យជប៉ុនសាន់រ៉ាយភ្នំពេញ អស់រយៈពេលជាច្រើនថ្ងៃ និងមានការយកចិត្តទុកដាក់ជាខ្លាំងពីសំណាក់លោកគ្រូពេទ្យ-អ្នកគ្រូពេទ្យនៅទីនោះមួយរយៈមក ខណៈនេះស្ថានភាពជំងឺរបស់លោកឪពុកមានសភាពធូរស្បើយ និងអាចចេញមកខាងក្រៅមន្ទីរពេទ្យបានហើយ។

តាមរយៈរូបភាពជាច្រើនសន្លឹកដែលបានបង្ហោះនៅលើគណនីហ្វេសប៊ុករបស់តារាប្រុសរូបនេះ នៅថ្ងៃទី7 ខែកុម្ភៈ ឆ្នាំ 2018 នេះ​ បានបង្ហាញឱ្យឃើញពីភាពកត្តញ្ញូដឹងគុណចំពោះលោកឪពុក ដោយការយកចិត្តទុកដាក់មើលថែជំងឺទាំងក្នុងមន្ទីរពេទ្យ និងខាងក្រៅផងដែរ។ លោក ករុណា ពេជ្រ បានរៀបរាប់ពីលើរូបភាពឪពុកដែលកំពុងអង្គុយនៅលើរទេះរុញថា «អរុណសួស្តី …ហាត់ប្រាណពេលព្រឹកព្រលឹមជាមួយប៉ាខ្ញុំអត់..??»។

តារាប្រុសរូបនេះក៏បានបញ្ជាក់ផងដែរថា លោកសូមអរគុណចំពោះលោកគ្រូពេទ្យ-អ្នកគ្រូពេទ្យ ដែលបានជួយសម្រួលគ្រប់បែបយ៉ាង និងយកចិត្តទុកដាក់ដល់ស្ថានភាពជំងឺឪពុករបស់លោក៕

តាមរយៈបណ្ដាញទំនាក់ទំនងសង្គមហ្វេសប៊ុករបស់តារាចម្រៀងប្រចាំផលិតកម្មថោនលោក ករុណា ពេជ្រ នៅថ្ងៃទី5 ខែកុម្ភៈ ឆ្នាំ2018នេះ បានបង្ហោះរូបភាពមួយសន្លឹក ដែលស្ដែងឱ្យឃើញពីក្រុមហ៊ុនទូរស័ព្ទក្នុងស្រុកមួយបានសរសេរអក្សរខុសបច្ចេកទេស ដែលគេមើលឃើញហើយគួរឱ្យចង់សើចយ៉ាងខ្លាំង។

ដោយឡែកតាមរយៈរូបភាពនោះ និងសារនៅលើហ្វេសប៊ុកតារាប្រុសរូបនេះបានសរសេរថា​ «លាហើយសៀមរាប …..ក្រុមហ៊ុន Metfone សរសេរអក្សរខុសបច្ចេកទេសហើយ ហាហាហា…ក្រឡាន ឈ្ងុយឆ្ងាញ់ មិនមែន ក្រឡាន ឆ្ងុយឆ្ងាញ់ ទេ ហាហាហា..»។

គួរកត់សម្គាល់ផងដែរថា ដោយសារតែមានភាពមមាញឹកច្រើនជាមួយការងារនៅក្នុងខេត្តសៀមរាប ក្នុងការគ្រប់គ្រងជំនួញផ្សាររាត្រីកុងតឺន័រ ទើបធ្វើឱ្យតារាប្រុសរូបនេះឡើងចុះខេត្តសៀមរាប និងវិលមកភ្នំពេញវិញញឹកញាប់ ដើម្បីមើលថែរក្សាលោកឪពុកដែលកំពុងសម្រាកព្យាបាលនៅក្នុងមន្ទីរពេទ្យ ដែលខណៈនេះ លោកបានដឹងខ្លួនវិញហើយ៕