Tag: សុខភាព

ឥណ្ឌាបង្ខាំងមនុស្ស 1.3ពាន់លាននាក់ ព្រោះតែ COVID-19
នាយករដ្ឋមន្ត្រីឥណ្ឌា លោក Narendra Modi បានឱ្យដឹងថា រដ្ឋាភិបាលនឹងដាក់បម្រាមគោចរទូទាំងប្រទេស ចាប់ពីពាក់កណ្ដាលអធ្រាត្រនេះ ដើម្បីទប់ស្កាត់ការឆ្លងរាលដាលនៃវីរុស COVID-19។
“ចាប់ពីម៉ោង 00:00:00នាទីយប់នេះ ប្រទេសទាំងមូលនឹងត្រូវបានបិទទាំងស្រុង ដើម្បីទប់ស្កាត់ប្រជាជនមិនឱ្យចេញក្រៅផ្ទះ” នេះជាការថ្លែងសាររបស់នាយករដ្ឋមន្ត្រីឥណ្ឌា លោក Modi នៅលើកញ្ចក់ទូរទស្សន៍នាថ្ងៃនេះ។ លោកបន្ថែមថា បទបញ្ជានេះនឹងមានសុពលភាពរយៈពេល21ថ្ងៃ។
លោក Modi បញ្ជាក់ថា “ដើម្បីសង្គ្រោះប្រទេសឥណ្ឌា និងពលរដ្ឋទាំងអស់ គ្រប់ផ្លូវទាំងអស់ ក៏ដូចជាតំបន់ទីប្រជុំជន នឹងត្រូវដាក់ឱ្យស្ថិតក្រោមការបង្ខាំង”។
គិតមកដល់បច្ចុប្បន្ន ប្រទេសឥណ្ឌបានរកឃើញអ្នកផ្ទុកវីរុសកូរ៉ូណា COVID-19 ចំនួនជាង500នាក់ ក្នុងនោះមានអ្នកស្លាប់ចំនួន10នាក់៕
March 24, 2020
COVID-19! អាជ្ញាធរវៀតណាម បិទភោជនីយដ្ឋាន អាហារដ្ឋាន…នៅទីក្រុងហូជីមិញ ខណៈស្ថានភាពធ្ងន់ធ្ងរនឹងអាចកើតឡើងនៅ2សប្ដាហ៍ខាងមុខ
បណ្ដាភោជនីយដ្ឋានដែលអាចទទូលភ្ញៀវបានចាប់ពី30នាក់ឡើងទៅ រួមនឹងកន្លែងហាត់ប្រាណ ហាងស្ប៉ា ហាងអ៊ុតសក់ជាដើម ត្រូវបានបញ្ជាឱ្យផ្អាក់ដំណើរការបណ្ដោះអាសន្នចាប់ពីម៉ោង18ល្ងាចថ្ងៃទី24មីនានេះ ដើម្បីទប់ស្កាត់ការឆ្លងរាលដាលនៃវីរុស COVID-19។
អាជីវកម្មទាំងឡាយខាងលើត្រូវបានបញ្ជាឱ្យផ្អាកដំណើរការរហូតដល់ថ្ងៃទី31មីនា ដោយយោងតាមបទបញ្ជារបស់អនុប្រធានអចិន្ត្រៃយ៍នៃគណៈកម្មធិការប្រជាជននៃទីក្រុងហូជីមិញ លោក Le Thanh Liem។ បទបញ្ជានេះ ត្រូវបានធ្វើឡើងនៅក្នុងគ្រាដែលទីក្រុងហូជីមិញ និងទូទាំងប្រទេសនឹងត្រូវឆ្លងកាត់ដំណាក់កាលធ្ងន់ធ្ងរបំផុតនៃវិបត្តិសុខភាព COVID-19 ដែលនឹងអាចកើតឡើងនៅ2សប្ដាហ៍ខាងមុខ រាប់ចាប់ពីថ្ងៃនេះ។
មុននេះ ចាប់ពីថ្ងៃទី15មីនា អាជ្ញាធរទីក្រុងហូជីមិញ បានស្នើឱ្យមជ្ឈមណ្ឌលកម្សាន្តចំនួន180កន្លែង រួមមានបារ និងការ៉ាអូខេចំនួនជិត500កន្លែង ហាងម៉ាស្សា រោងកុន និងហ្គេមអនឡាញក៏ត្រូវបានបិទ។
រហូតដល់ល្ងាចនេះ ទីក្រុងហូជីមិញ បានរកឃើញអ្នកផ្ទុកមេរោគ COVID-19 ចំនួន30ករណី។ មនុស្សចំនួន1,526នាក់ដែលបានទាក់ទងជាមួយអ្នកជំងឺថ្មី កំពុងត្រូវបានតាមដានខុសភាព។ 8ករណីកំពុងរង់ចាំលទ្ធផលនៃការធ្វើតេស្ត។ 8,476ករណី ស្ថិតក្រោមការតាមដាន ក្នុងតំបន់បង្ខាំងរបស់អាជ្ញាធរទីក្រុង។ 541ករណីកំពុងត្រូវបានតាមដាន់ក្នុងតំបន់បង្ខាំងដោយឡែករបស់ស្រុក-ខណ្ឌ និង1,093ករណីកំពុងស្ថិតក្នុងការបង្ខាំង និងតាមដាននៅក្នុងផ្ទះ។
គិតមកដល់ពេលនេះ វៀតណាមបានរកឃើញអ្នកផ្ទុកមេរោគកូរ៉ូណា COVID-19 ចំនួន 123ករណី ក្នុងនោះមាន17ករណីបានជាសះស្បើយ។
នៅទូទាំងពិភពលោក គិតត្រឹមយប់នេះ មានអ្នកឆ្លងមេរោគកូរ៉ូណា សរុប 395.579នាក់ ក្នុងនោះមាន103.732ករណីបានជាសះស្បើយ 17.234នាក់បានបាត់បង់ជីវិត និង12.190នាក់កំពុងស្ថិតក្នុងស្ថានភាពគ្រោះថ្នាក់ដល់ជីវិត៕
ប្រភព៖ សារព័ត៌មានបរទេស
March 24, 2020
កុំជ្រួលច្របល់! អ្នកនាំពាក្យរាជរដ្ឋាភិបាលថា «គ្មានការបិទទីក្រុងភ្នំពេញនោះទេ»
អង្គភាពអ្នកនាំពាក្យរាជរដ្ឋាភិបាល បានចេញសេចក្តីប្រកាស ច្រានចោលទាំងស្រុងនូវសារជាសំឡេងដែលលាក់ប្រភព និងចែកចាយតាមបណ្តាញសង្គមថា រាជរដ្ឋាភិបាលគ្រោងបិទរាជធានីភ្នំពេញ ដើម្បីទប់ស្កាត់ការឆ្លងរីករាលដាលវីរុស Covid-19។
នៅក្នុងសេចក្តីប្រកាសដដែលនេះបានឱ្យដឹងថា អង្គភាពអ្នកនាំពាក្យសូមជម្រាបជូនសាធារណជន មេត្តាជ្រាបថា រាជរដ្ឋាភិបាលបង្កើតគណៈកម្មការជាតិប្រយុទ្ធនឹងជំងឺរលាកសួតថ្មី ដែលបង្កឡើងដោយវីរុស Covid-19 ដែលមានសម្តេចតេជោ ហ៊ុន សែន នាយករដ្ឋមន្ត្រីជាប្រធាន ក៏ដូចជាឥស្សរជនជាន់ខ្ពស់នៃរាជរដ្ឋាភិបាលជាច្រើនរូបជាអនុប្រធាន រួមទាំងឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលជាអនុប្រធានប្រចាំការ បានដាក់ចេញនូវវិធានការយ៉ាងម៉ឹងម៉ាត់ជាទីបំផុត និងជាបន្តបន្ទាប់ដើម្បីប្រយុទ្ធប្រឆាំងការឆ្លងរីករាលដាលវីរុស Covid-19។
អង្គភាពអ្នកនាំពាក្យ បានបំភ្លឺប្រាប់ប្រជាពលរដ្ឋថាកុំឱ្យមានការភ្ញាក់ផ្អើលស្លន់ស្លោ ដែលនាំឱ្យមានចលាចលផ្នែកសន្តិសុខ សណ្តាប់ធ្នាប់សង្គម និងជាពិសេសធ្វើឱ្យទំនិញឡើងថ្លៃហួសហេតុដោយមិនសមហេតុផល៕
March 24, 2020
ដំណឹងល្អ! ថ្ងៃនេះនៅខេត្តត្បូងឃ្មុំមានអ្នកជំងឺ2នាក់ត្រូវបានព្យាបាលជា និងឱ្យត្រឡប់ទៅផ្ទះវិញ
តាមសេចក្តីប្រកាសព័ត៌មាន របស់មន្ទីរសុខាភិបាលខេត្តត្បូងឃ្មុំនៅមុននេះបន្តិច បានឱ្យដឹងថា មានប្រជាពលរដ្ឋខ្មែរ2រូបទៀតហើយ ដែលបានជាសះស្បើយពីមេរោគ Covid-19។
នៅក្នុងសេចក្តីប្រកាសព័ត៌មានរបស់រដ្ឋបាលខេត្តត្បូងឃ្មុំ បានបញ្ជាក់ថា ក្រុមគ្រូពេទ្យជំនាញបានយកសំណាកវិភាគរបស់អ្នកផ្ទុកមេរោគ Covid-19 ចំនួន 4រូប នៅក្នុងខេត្តត្បូងឃ្មុំមកធ្វើការពិសោធន៍នៅវិទ្យាស្ថានជាតិប៉ាស្ទ័រ។ ជាលទ្ធផល គិតត្រឹមថ្ងៃទី24 ខែមីនា ឆ្នាំ2020នេះ មានអ្នកជំងឺចំនួន 02រូបដែលទទួលបានលទ្ធផលអវិជ្ជមាន (មិនមានផ្ទុកមេរោគ) ជាមួយនឹងវីរុស Covid-19 និងបានជាសះស្បើយ។
អ្នកដែលបានជាសះស្បើយនោះ ទី1 ឈ្មោះ ជិ សំ (សាន់) ភេទប្រុស អាយុ56ឆ្នាំ រស់នៅភូមិពោធិឥន្ទ ឃុំកោងកាង ស្រុកពញាក្រែក។ ចំណែកឯអ្នកទី2 ឈ្មោះ អុស្មាន សូកូត ភេទប្រុស អាយុ53ឆ្នាំ រស់នៅភូមិទ្រាទី2 ឃុំទ្រា ស្រុកក្រូចឆ្មារ។
គួរបញ្ជាក់ថា ការពិសោធន៍អ្នកជំងឺទាំងពីររូបខាងលើនេះ ទទួលបានលទ្ធផលអវិជ្ជមានដូចគ្នាចំនួនពីរលើក ។ បច្ចុប្បន្ននេះ ក្រុមគ្រូពេទ្យជំនាញ បានអនុញ្ញាតឱ្យពួកគាត់វិលត្រល់ទៅគេហដ្ឋានវិញហើយ៕
March 24, 2020
COVID-19! វៀតណាមផលិតបន្ទប់សម្លាប់មេរោគទូទាំងរាងកាយ សម្រាប់ប្រើក្នុងមន្ទីរពេទ្យ ដែលវាមានតម្លៃ…
បន្ទប់សម្លាប់មេរោគ ដែលប្រើប្រាស់កម្ដៅ និងបាញ់ផ្សែងថ្នាំសម្លាប់មេរោគទូទាំងរាងកាយ ដោយប្រើពេលត្រឹមតែ30វិនាទី ត្រូវបានមន្ទីរពេទ្យមួយចំនួនដាក់ឱ្យប្រើប្រាស់។
វិទ្យាស្ថានវេជ្ជសាស្ត្រជនជាតិភាគតិចទីក្រុងហូជីមិញ ប្រើប្រាស់បន្ទប់សម្លាប់មេរោគ ចាប់ពីថ្ងៃទី22មីនា ឆ្នាំ2020។ វិទ្យាស្ថាននេះ ទទួលពិនិត្យអ្នកជំងឺប្រហែល1,000នាក់ក្នុង1ថ្ងៃៗ ពិសេសគឺមនុស្សចាស់។ អ្នកដែលមកពិនិត្យជំងឺនៅទីនេះ ត្រូវបានណែនាំឱ្យលាងដៃនឹងអាល់កុល រួចចូលទៅក្នុងបន្ទប់សម្លាប់មេរោគ មុនពេលឈាមចូលក្នុងបរិវេណមន្ទីរពេទ្យ។ បុគ្គលិកពេទ្យទាំងអស់ក៏ត្រូវតម្រូវឱ្យធ្វើដូច្នេះ នៅមុន និងក្រោយការពិនិត្យអ្នកជំងឺ។
ថ្ងៃទី23មីនា មន្ទីរពេទ្យអន្តរជាតិ DNA ក៏បានដាក់ឱ្យប្រើបន្ទប់សម្លាប់មេរោគចល័ត ដែលមានសមត្ថភាពសម្លាប់មេរោគឱ្យមនុស្សចំនួន1,000នាក់ក្នុងមួយថ្ងៃៗ។ សកម្មភាពនេះ ត្រូវបានធ្វើឡើងទន្ទឹមនឹងការបាញ់ថ្នាំសម្លាប់មេរោគទូទាំងមន្ទីរពេទ្យ វាស់កម្ដៅខ្លួន លាងដៃដោយអាល់កុល ពាក់ម៉ាស់ និងឈុតការពារមេរោគទាំងអ្នកជំងឺ និងគ្រូពេទ្យ។ល។
សារធាតុសម្លាប់មេរោគ ដែលប្រើនៅក្នុងបន្ទប់សម្លាប់មេរោគចល័តនេះ គឺធាតុរាវ anolyte ដែលត្រូវបានអនុញ្ញាតឱ្យប្រើដោយក្រសួងសុខាភិបាលវៀតណាម និងអន្តរជាតិ ក្នុងការសម្លាប់មេរោគនានា ដូចជា បាក់តេរី វីរុស ផ្សិត សម្រាប់លាងដៃ សម្លាប់មេរោគលើឧបករណ៍សុខាភិបាល។ល។ សារធាតុ anolyte មិនប៉ះពាល់ដល់សុខភាព ឬស្បែក និងកោសិកាមនុស្សនោះទេ។ ទឹកអំបិលអ៊ីយ៉ុងក្នុងបន្ទប់សម្លាប់មេរោគនេះ ក៏អាចសម្លាប់មេរោគក្នុងច្រមុះ និងបំពង់កបានដែរ។
បន្ទប់សម្លាប់មេរោគមួយចំនួន ត្រូវបានដាក់នៅទីតាំងនៃកិច្ចប្រជុំនានា នៅឯទីក្រុងហាណូយ ហើយពេលខាងមុខ វានឹងត្រូវដាក់នៅតាមមន្ទីរពេទ្យនានាក្នុងប្រទេសវៀតណាម។
បន្ទប់សម្លាប់មេរោគនេះ ត្រូវបានបង្កើតឡើងដោយមជ្ឈមណ្ឌលអភិវឌ្ឍវិទ្យាសាស្ត្រ និងបច្ចេកវិទ្យា ស្ថិតក្រោមសម្ព័ន្ធយុវជនក្រុងហូជីមិញ(Ho Chi Minh City Youth Union) សហការជាមួយមហាវិទ្យាពហុបច្ចេកទេសហូជីមិញ។ បន្ទប់សម្លាប់មេរោគនេះ មានបំពាក់ឧបរកណ៍ចាប់រូបភាពមនុស្ស អំពូលភ្លើងផ្ដល់សញ្ញា ប្រព័ន្ធបាញ់ចំហាយថ្នាំសម្លាប់មេរោគស្វយប្រវត្ត មិនធ្វើឱ្យសើម អាចសម្លាប់មេរោគទូទាំងរាងកាយ ដោយប្រើពេលតែ30វិនាទីប៉ុណ្ណោះ។ បន្ទប់សម្លាប់មេរោគនេះ ក៏មានកង់ និងអាចដោះចេញ ងាយដឹកជញ្ជូន ព្រមទាំងមានផ្លូវសម្រាប់ជនពិការជើងដែលប្រើរទេះផងដែរ។ បន្ទប់នេះក៏នឹងឈប់បាញ់ចំហាយថ្នាំដោយខ្លួនឯង បើសិនគ្មានអ្នកប្រើប្រាស់។
លោក Doan Ngoc Hai ប្រធានមន្ទីរសុខភាពការងារ និងបរិស្ថាន របស់ក្រសួងសុខាភិបាលបានឱ្យដឹងថា វៀតណាមបានដាក់ឱ្យប្រើប្រាស់វិធានការសម្លាប់មេរោគផ្សេងៗជាច្រើនដើម្បីទប់ស្កាត់វីរុស COVID-19 ដូចជាការលាងដៃនឹងអាល់កុល ជូតសម្លាប់មេរោគកន្លែងដែលប៉ះពាល់ច្រើនជាដើម ប៉ុន្តែ នៅលើរាងកាយមនុស្ស ដូចជាផ្ទៃមុខ ក ខោអាវជាដើម ក៏អាចមានជាប់មេរោគ។
ដោយមើលឃើញភាពជាក់ស្ដែងខាងលើ វិទ្យាស្ថានសុខភាពការងារ និងបរិស្ថាន សហការជាមួយមហាវិទ្យាល័យពហុបច្ចេកទេសហាណូយ ក៏បានបង្កើតប្រព័ន្ធសម្លាប់មេរោគទូទាំងរាងកាយនេះដែរ។ ប្រព័ន្ធសម្លាប់មេរោគនេះ មាន2បន្ទប់ គឺ1ជាបន្ទប់ស្ងួត និង1ទៀតជាបន្ទប់សើម។ បន្ទប់ស្ងួត សម្លាប់មេរោគដោយប្រើកម្ដៅ និងអូហ្សូន ខណៈបន្ទប់សើម គឺប្រើប្រាស់សារធាតុរាវដែលមានសមត្ថភាពក្នុងការសម្លាប់មេរោគ។
ប្រសិទ្ធភាពរបស់បន្ទប់ស្ងួត អាចសម្លាប់មេរោគបាន70% ចំណែកបន្ទប់សើមវិញ អាចសម្លាប់មេរោគរហូតដល់99.99%។ បន្ទប់សម្លាប់មេរោគនេះ មានតម្លៃប្រហែលពី 65-70លានឌុង (2,790-3,000ដុល្លារអាមេរិក)៕

ប្រភព៖ សារព័ត៌មានបរទេស
March 24, 2020
វិធានការ 7យ៉ាង ការពារ និងទប់ស្កាត់នៃការរីករាលដាលវីរុសកូរ៉ូណាថ្មី
1. លាងដៃដោយប្រើសាប៊ូនឹងទឹកស្អាតអោយបានញឹកញាប់
2. ជៀសវាងកុំយកម្រាមដៃប៉ះភ្នែក ច្រមុះ និងមាត់
3. ពេលក្អក ឬកណ្តាស់ ត្រូវខ្ទប់មាត់ និងច្រមុះដោយប្រើកន្សែង ក្រមា កែងដៃ ឬក្រដាសអនាម័យ
4. គួរជៀសវាងនៅក្នុងចំណោមមនុស្សច្រើន
5. ត្រូវស្នាក់នៅក្នុងផ្ទះ ទោះបីជាអ្នកមានអារម្មណ៍មិនស្រួលខ្លួន ក្អក ឬឈឺក្បាលបន្តិចបន្តួចក៏ដោយ
6. បើអ្នកឈឺក្បាល ក្អក ឬពិបាកដកដង្ហើម ត្រូវស្វែងរកការព្យាបាល ឬទូរស័ព្ទទៅកាន់លេខ 115 ជាមុនសិន
7. ស្វែងរកព័ត៌មាន Update ចុងក្រោយពី គេហទំព័រ ឬ Page ក្រសួងសុខាភិបាល និងព័ត៌មានពិតពី App ក្រសួងព័ត៌មាន
សូមចូលរួមការពារការចម្លងវីរុសកូវីដ19 នៅក្នុងសហគមន៍រៀងៗខ្លួន៕
ប្រភព៖ ក្រសួងព័ត៌មាន – Ministry of Information
March 24, 2020
ប្រជាពលរដ្ឋខ្មែរ 2រូបបានជាសះស្បើយពីជំងឺកូវីដ19 ក្នុងចំណោមប្រជាពលរដ្ឋខ្មែរ 4រូបនៅខេត្តត្បូងឃ្មុំ
បើយោងតាមសេចក្តីប្រកាសព័ត៌មានរបស់រដ្ឋបាលខេត្តត្បូងឃ្មុំនៅថ្ងៃទី24 ខែមិនាឆ្នាំ2020 នេះថា ប្រជាពលរដ្ឋខ្មែរ 2រូបបានជាសះស្បើយពីជំងឺកូវីដ19 ក្នុងចំណោមប្រជាពលរដ្ឋខ្មែរ4រូបនៅខេត្តត្បូងឃ្មុំ។
March 24, 2020
WHO ប្រកាសថា “COVID-19” កំពុងបង្កើនល្បឿនការឆ្លងរាតត្បាតយ៉ាងធំ
អង្គការសុខភាពពិភពលោក ឬ WHO បានប្រកាសដាស់តឿនថា ស្ថានការណ៍ការឆ្លងរាតត្បាតដ៏ធំរបស់វីរុសកូរ៉ូណាប្រភេទថ្មី ឬកូវីដ-19 កំពុងតែបង្កើនល្បឿនខ្លាំងឡើង ក្រោយពីមានការអះអាងអំពីអ្នកឆ្លងមេរោគនេះទូទាំងពិភពលោក រួចហើយចំនួនជាង 300,000នាក់។
ចាប់តាំងពីមានរបាយការណ៍ រកឃើញការឆ្លងរាលដាលរបស់កូវីដ-19 ជាលើកដំបូងមក ចំនួនអ្នកឆ្លងមេរោគបានកើនឡើងជិត 100,000នាក់ក្នុងរយៈពេល 67ថ្ងៃ និង 11ថ្ងៃក្រោយពីនោះ បានកើនឡើងទៅជា 200,000នាក់ និងត្រឹមតែ 4ថ្ងៃបន្ទាប់មកទៀត ចំនួនអ្នកឆ្លងមេរោគ បានកើនឡើងធ្លុះដល់ 300,000នាក់។
លោក ធីដ្រូស អាត់ហាណម គីប្រ៊ីយេស៊ុស ប្រធានអង្គការសុខភាពពិភពលោក បានថ្លែងថា នៅតែមានភាពអាចទៅរួចជានិច្ច ក្នុងការផ្លាស់ប្ដូរសញ្ញាទាំងនោះ ដោយលោកបានសំណូមពរឱ្យប្រទេសនានា ត្រូវតែធ្វើការត្រួតពិនិត្យយ៉ាងតឹងរ៉ឹងបំផុត ដើម្បីអះអាងពីអ្នកឆ្លងមេរោគ រួមទាំងការតាមដានអ្នកដែលអាចនឹងឆ្លងមេរោគតាមរយៈការមានទំនាក់ទំនងជាមួយអ្នកដទៃ។
“រឿងសំខាន់បំផុត ដែលយើងអាចធ្វើបានក្នុងខណៈពេលនេះ គឺត្រូវដឹងក្នុងចិត្តជាប់ជានិច្ចថា យើងមិនអាចយកឈ្នះការប្រកួតបាល់ទាត់ដោយគ្រាន់តែលេងបែបទប់ទល់បាននោះទេ តែយើងត្រូវធ្វើជាអ្នកវាយលុកឱ្យបានទៀតផង” លោកគីប្រ៊ីយេស៊ុសថ្លែង។
ប្រធានអង្គការសុខភាពពិភពលោក ថែមទាំងបានសំណូមពរឱ្យមនុស្សម្នាទាំងអស់ ស្ថិតនៅតែក្នុងផ្ទះ ប្រតិបត្តិតាមវិធានការ រក្សាចម្ងាយរវាងគ្នានឹងគ្នានៅក្នុងទីសាធារណៈ ព្រោះវាមានភាពសំខាន់ខ្លាំងណាស់ក្នុងការជួយបន្ថយល្បឿននៃការចម្លងរាតត្បាតរបស់វីរុស តែយ៉ាងណាក៏ដោយ លោកបានបញ្ជាក់ថា វិធានការគ្រប់យ៉ាងទាំងនេះ គ្រាន់តែជាវិធានការការពារប៉ុណ្ណោះ វាមិនបានជួយឱ្យយើងឈ្នះទេ។
លោកថ្លែងថា “បើត្រូវការឈ្នះ យើងចាំបាច់ត្រូវតែវាយប្រយុទ្ធវីរុសកំណាចនេះដោយតិចនិកដែលខ្លាំងក្លា និងចំមុខសញ្ញា។ យើងត្រូវត្រួតពិនិត្យអ្នកដែលសង្ស័យថា នឹងឆ្លងមេរោគក្នុងគ្រប់ករណី ត្រូវដំណើរការវិធានការបង្ខាំងខ្លួននៅដោយឡែកពីអ្នកដទៃ និងមើលថែទាំអ្នកជំងឺដែលបានទទួលការអះអាងហើយគ្រប់ករណី រួមទាំងតាមដាន និងបង្ខាំងបរិវេណអ្នកដែលជិតស្និទ្ធ និងប៉ះពាល់ជាមួយអ្នកជំងឺគ្រប់គ្នា”៕
ប្រភព៖ សារព័ត៌មានបរទេស
March 24, 2020
ពន្លឺភ្លើងនៅខាងចុងផ្លូវ…ក្ដីសង្ឃឹមនៅឆ្ងាយ! ចំនួនស្លាប់ដោយកូវីដ-19 នៅអ៊ីតាលីថយចុះ, ឆ្លងមេរោគថ្មីកើនតិច
AFP- អ៊ីតាលី កាលពីថ្ងៃចន្ទ(ទី23មីនា) បានរាយការណ៍អំពីតួលេខអ្នកស្លាប់ដោយសារវីរុសកូរ៉ូណាប្រភេទថ្មី ឬកូវីដ-19 ប្រចាំថ្ងៃ បានធ្លាក់ចុះជាថ្ងៃទី2 ជាប់ៗគ្នា តែយ៉ាងណាក្ដី វាបានសម្លាប់ជីវិតមនុស្សនៅក្នុងប្រទេសមួយនេះរួចទៅហើយជាង 6,000នាក់ ក្នុងរយៈពេលត្រឹមតែ 1ខែគត់ប៉ុណ្ណោះ។
នៅពេលនេះ អ៊ីតាលីបានរកឃើញតួលេខអ្នកស្លាប់ប្រចាំថ្ងៃ បានធ្លាក់ចុះពីលំដាប់ខ្ពស់បំផុតក្នុងពិភពលោក 793នាក់ កាលពីថ្ងៃសៅរ៍(ទី21មីនា) មកនៅសល់ត្រឹម 651នាក់ នៅថ្ងៃអាទិត្យ(ទី22មីនា) និងចុងក្រោយបំផុត នៅសល់ 601នាក់ប៉ុណ្ណោះកាលពីថ្ងៃចន្ទ(ទី23មីនា)។
ចំណែកតួលេខអ្នកឆ្លងមេរោគថ្មីប្រចាំថ្ងៃ ក៏បានធ្លាក់ចុះពីលំដាប់ខ្ពស់បំផុត 6,557 កាលពីថ្ងៃសៅរ៍(ទី21មីនា) នៅសល់ 4,789នាក់ កាលពីថ្ងៃចន្ទ(ទី23មីនា) ដែលអាចនិយាយបានថា ជាថ្ងៃដែលមានអ្នកឆ្លងមេរោគថ្មី តិចបំផុតក្នុងជុំ 5ថ្ងៃ។
លោក ជូលេអូ កាល់លេរ៉ា ប្រធានផ្នែកសាធារណសុខាភិបាលរបស់តំបន់ ឡមបាឌៀរ ដែលជាមូលដ្ឋានរបស់ទីក្រុងមីឡាន បានបង្ហាញខ្លួនតាមរយៈស្ថានីយទូរទស្សន៍ដោយស្នាមញញឹមជាលើកដំបូងក្នុងជុំជាច្រើនសប្ដាហ៍កន្លងមក ដោយលោកបានថ្លែងថា “យើងនៅមិនទាន់អាចប្រកាសជ័យជម្នះបានទេ តែវាមានពន្លឺភ្លើងនៅខាងចុងផ្លូវហើយ…”
យ៉ាងណាក៏ដោយ លោក ស៊ីលវីអូ ប្រ៊ូសាហ្វើរ៉ូ នាយកស្ថាប័នសាធារណសុខាភិបាលរបស់អ៊ីតាលី ដេលមើលទៅហាក់ដូចជាមានឥរិយាបថប្រយ័ត្នប្រយែងខ្លាំងជាង បានថ្លែងថា “វាជាចំនួនដែលជាសញ្ញាវិជ្ជមាន តែខ្ញុំសុំមិនបញ្ជាក់ច្បាស់លាស់ថា វាមានសញ្ញាថយចុះទេ”។
ប្រជាជនអ៊ីតាលីបានរើបម្រះស្វែងរកពន្លឺនៃក្ដីសង្ឃឹមមកជាយូរហើយ ក្រោយពីរស់នៅក្រោមសភាវបិទប្រទេសអស់ជាច្រើនសប្ដាហ៍រួចមក ដែលសូម្បីតែការរត់ហាត់ប្រាណនៅក្នុងសួនច្បារសាធារណៈ ក៏ត្រូវបានហាមឃាត់ដែរ។
តាមពីក្រោយតួលេខដ៏គួរឱ្យភ្ញាក់ផ្អើលកាលពីថ្ងៃសៅរ៍(ទី21មីនា) លោកនាយករដ្ឋមន្ត្រី ជូសិបប៉េ ខន់តេ ចាំបាច់ត្រូវតែបញ្ចេញវិធានការដើម្បីកម្រិតសកម្មភាពផ្សេងៗបន្ថែមទៀត ក្នុងនោះរួមមានទាំង ការបញ្ជាបិទរោងចក្រនានាដែលមិនមានភាពចាំបាច់ផងដែរ។
លោក ខន់តេ បានចេញមកប្រកាសតាមបណ្ដាញសង្គមហ្វេសប៊ុក ឱ្យផ្អាកដំណើរការកិច្ចការបែបពាណិជ្ជកម្មទូទាំងប្រទេស លើកលែងតែមុខជំនួញដែលមានភាពចាំបាច់ដល់ការរស់នៅ ឬពាក់ព័ន្ធនឹងការការពារការឆ្លងរាលដាលរបស់មេរោគវីរុសកូរ៉ូណាប្រភេទថ្មីតែប៉ុណ្ណោះ។
លោកនាយករដ្ឋមន្ត្រីនៃប្រទេសអ៊ីតាលី បានថ្លែងថា ស៊ូភើរម៉ាឃិត និងឱសថស្ថាន នៅតែបើកផ្ដល់សេវាកម្ម ក្នុងខណៈដែលធនាគារ និងផ្នែកដឹកជញ្ជូនដែលសំខាន់ៗ ក៏នឹងនៅតែដំណើរការជាបន្ត ចំណែកមុខជំនួញផ្សេងៗទៀត ដែលមិនមានភាពចាំបាច់ក្នុងខណៈពេលនេះ នឹងត្រូវបញ្ជាហាមឃាត់មិនឱ្យដំណើរការទាំងអស់។
រហូតមកដល់ថ្ងៃនេះ(ទី24មីនា) តួលេខអ្នកឆ្លងមេរោគស្ថិតនៅក្នុងចំនួន 63,927នាក់ ក្នុងនោះមានអ្នកស្លាប់ 6,077នាក់៕
ប្រភព៖ សារព័ត៌មានបរទេស
March 24, 2020
ក្រសួងទេសចរណ៍៖ សេចក្ដីណែនាំ ស្តីពីការត្រៀមបម្រុងទីកន្លែងទុកសម្រាប់ព្យាបាលអ្នកជំងឺកូវីដ19
អនុវត្តតាមបទបញ្ជាដ៏ខ្ពងខ្ពស់របស់ សម្តេចអគ្គមហាសេនាបតីតេជា ហ៊ុន សែន នាយករដ្ឋមន្ត្រីនៃព្រះរាជាណាចត្រកម្ពុជា កាលពីថ្ងៃទី ២៣ ខែមីនា ឆ្នាំ២០២០ ស្តីពីការត្រៀមបំរុងទីកន្លែងទុកសម្រាប់ព្យាបាលអ្នកជំងឺកូរីដ១៩ ក្រសួងទេសចរណ៍សូមធ្វើការណែនាំដល់ លោក លោកស្រីប្រធានមន្ទីរទេសចរណ៍រាជធានី ខេត្ត សហការជិតស្ទិទ្ធជាមួយរដ្ឋបាលរាជធានី ខេត្ត មន្ទីរសុខាភិបាលរាជធានី ខេត្ត មន្ទីរអង្គភាពពាក់ព័ន្ធ និងម្ចាស់អាជីវកម្មសណ្ឋាគារ ផ្ទះសំណាក់ ដើម្បីពិនិត្យលទ្ធភាពក្នុងការរៀបចំសណ្ឋាគារ ឬផ្ទះសំណាក់មួយចំនួនដែលបានផ្អាក ឬបិទអាជីវកម្ម ធ្វើជាទីតាំងសម្រាប់ព្យាបាលអ្នកជំងឺកូវីដ១៩។
ទទួលបានសេចក្តីណែនាំនេះ សូម លោក លោកស្រីប្រធានមន្ទីរ ចាត់ចែងអនុវត្តតាមសមត្ថកិច្ចរបស់ខ្លួនឲ្យមានប្រសិទ្ធភាពខ្ពស់៕
ខាងក្រោមនេះជាសេចក្តីណែនាំរបស់ក្រសួងទេសចរណ៍៖
March 24, 2020