សម្រស់ - La Reine Media

នាវេទេសចរណ៍មុជទឹកអគ្គិសនី-ម៉ាស៊ូតនេះ អាចធ្វើដំណើរបានជាង 11 ពាន់គីឡូម៉ែត្រ

April 1, 2024 by សឿន សំណាង

Deep Sea Dreamer ដែលជានាវាទេសចរណ៍កូនកាត់នាវាមុជទឹកប្រភេទប្រណិត ត្រូវបានគេរំពឹងថា នឹងនាំមកនូវបទពិសោធន៍ក្រោមផ្ទៃទឹកដ៏អស្ចារ្យសម្រាប់អតិថិជន។ នាវា Deep Sea Dreamer មានបណ្ដោយ 33 ម៉ែត្រ អាចបរលើផ្ទៃទឹក និងអាចមុជក្រោមទឹកជម្រៅរហូតដល់ 100 ម៉ែត្រ។ នាវានេះអាចដាក់មនុស្សបាន 6 នាក់ និងមានបង្អួចជាច្រើន អនុញ្ញាតឱ្យភ្ញៀវគយគន់សម្រស់ដ៏ស្រស់ស្អាតរបស់ជីវិតក្រោមផ្ទៃទឹកសមុទ្រ។ នាវានេះបំពាក់ប្រព័ន្ធរុញច្រានកូនកាត់ប្រេងម៉ាស៊ូត-អគ្គិសនី ក្នុងនោះរួមមានម៉ាស៊ីន Cummins ពីរគ្រឿង ម៉ូទ័រអគ្គិសនីមួយគ្រឿង និងប្រព័ន្ធកំណត់ទិសចំនួន 10 ផងដែរ។ បើសិនប្រើប្រាស់អគ្គិសនីទាំងស្រុង Deep Sea Dreamer អាចធ្វើដំណើរបាន 161 គីឡូម៉ែត្រ។ ល្បឿនអតិបរមារបស់វាគឺ 18.5 គីឡូម៉ែត្រ/ម៉ោង ខណៈដែលល្បឿនធម្មតាគឺ 11 គីឡូម៉ែត្រ/ម៉ោង។ នៅពេលមានថាមពលពេញលេញ នាវានេះអាចធ្វើដំណើរបាន 11,112 គីឡូម៉ែត្រ និងចតក្រោមផ្ទៃទឹករហូតដល់ 7 ថ្ងៃ។ តាមការគណនា ការផលិតនាវា Deep Sea Dreamer … Read more

ចម្លែក! នារីក្នុងកុលសម្ព័ន្ធស្បែកសស្រស់ស្អាតនៅប្រទេសចិន មិនរៀបការជាមួយជនជាតិដទៃ តើហេតុអ្វី?

August 18, 2023 by សឿន សំណាង

នៅពេលនិយាយដល់ជនជាតិស្បែកស យើងតែនឹកឃើញដល់ជនជាតិអាម៉េរិក ឬអឺរ៉ុប។ល។ ប៉ុន្តែ រឿងដែលចម្លែកគឺថា នៅប្រទេសចិន ជាដែនដីមួយក្នុងទ្វីបអាស៊ីបែរជាមានកុលសម្ព័ន្ធស្បែកសមួយដែលបង្ហាញវត្តមានរាប់ពាន់ឆ្នាំមកហើយ។ នារីៗនៅក្នុងកុលសម្ព័ន្ធនេះ មានសម្រស់ស្រស់ស្អាតជាងជនជាតិដទៃមួយចំនួន។ ជនជាតិស្បែកសខាងលើនេះមានឈ្មោះថា Tajik រស់នៅលើជួរភ្នំ Pamirs ជាទីដែលត្រូវបានចាត់ទុកថាជាដំបូលផ្ទះពិភពលោក។ យោងតាមស្ថិតិពីរដ្ឋាភិបាលចិន ជនជាតិ Tajik នេះ មានប្រហែលជាង 50,000 នាក់ប៉ុណ្ណោះ។ ក្រៅពីលើភ្នំ Pamirs ជនជាតិ Tajik ក៏រស់នៅប្រមូលផ្ដុំគ្នានៅស្រុកស្វយ័តជនជាតិ Tajik Tashkurgan, Kashgar (ឬ Kashi), តំបន់ស្វយ័ត Xinjiang។ ជនជាតិ Tajik បរិភោគគ្រាប់ធញ្ញជាតិច្រើនប្រភេទ រួមនឹងសាច់អាំង នំផេនខេក និងផលិតផលធ្វើពីទឹកដោះគោ បន្លែ។ល។ ហើយពួកគេក៏ចូលចិត្តផឹកតែផងដែរ។ សម្រស់របស់ជនជាតិស្បែកស Tajik នៅប្រទេសចិន មានចំណុចពិសេសរបស់ជនជាតិអឺរ៉ុប ដោយមានថ្កាសខ្ពស់ ស្បែកពណ៌អូលីវ (លឿងច្រើនជាងក្រហម) ភ្នែកធំ ក្រហូងភ្នែកជ្រៅ និងក្ដោងច្រមុះដ៏ទាក់ទាញ។ អំពីទំនៀមទម្លាប់ក្នុងគ្រួសារជនជាតិ Tajik ឪពុកម្ដាយចាស់ៗមានទំនោរលើកស្ទួយកូនប្រុសជាងកូនស្រី។ ដូច្នេះ … Read more

ដែនដីដែលមានស្រីស្អាតច្រើនជាងគេនៅប្រទេសចិន

July 3, 2023 by សឿន សំណាង

ស៊ីនជាំង ត្រូវបានចាត់ទុកថាជាដែនដីដែលសម្បូរស្រីស្អាតបំផុតនៅប្រទេសចិន ព្រោះតែភូមិសាស្ត្រពិសេស ទើបប្រជាជននៅទីនោះមានសម្រស់ស្រស់ស្អាតបែបចម្រុះជាតិសាសន៍។ ក្នុងចំណោមមនុស្សម្នា ស្ត្រីនៅតំបន់ស៊ីជាំងលេចធ្លោជាងគេដោយសារតែរូបរាង និងសម្រស់ដ៏ស្រស់ស្អាត។ ហេតុអ្វីប្រទេសចិនធំយ៉ាងនេះ ប៉ុន្តែស៊ីនជាំងបែរជាមានស្រីស្អាតច្រើនជាងគេទៅវិញ? ស៊ីនជាំងស្ថិតនៅលើតំបន់ច្រកផ្លូវទៅមករវាងអាស៊ី និងអឺរ៉ុប ជាតំបន់ប្រមូលផ្ដុំ និងទំនាក់ទំនងរបស់ជាតិសាសន៍ជាច្រើន។ ដូច្នេះ ហ្សែនរបស់ស្ត្រីនៅស៊ីនជាំងមានផ្ទុកចំណុចពិសេសនៃជាតិសាសន៍ជាច្រើន។ ពួកគេមានច្រមុះស្រួច ស្បែកសដូចជនជាតិអឺរ៉ុប និងមានភ្នែកធំៗ រោមភ្នែកវែងៗដូចជនជាតិអារ៉ាប់ និងមានសម្រស់ស្រស់សោភាដូចស្ត្រីឥណ្ឌា។ ជាមធ្យម ភ្នែករបស់ស្ត្រីនៅអាស៊ីមានប្រវែង 25.23 មម ប៉ុន្តែស្ត្រីនៅស៊ីនជាំងមានភ្នែកប្រវែង 31.8 មម វែងជាង 6 មម។ ក្ដោងច្រមុះរបស់ស្ត្រីនៅស៊ីនជាំងខ្ពស់ 6 អង្សា ធៀបនឹងស្ត្រីតំបន់ដទៃរបស់អាស៊ី ដែលនេះមានន័យថា ទោះជាដេកផ្អៀងយំ ក៏ទឹកភ្នែកមិនអាចហូរឆ្លងក្ដោងច្រមុះទៅម្ខាងទៀត។ ភាពខុសគ្នារវាងសីតុណ្ហភាពពេលយប់ និងពេលថ្ងៃនៅស៊ីនជាំងគឺមានខ្ពស់ខ្លាំង ធ្វើឱ្យបន្លឺផ្លែឈើមួយចំនួននៅតំបន់នេះមានជាតិស្ករ និងជីវជាតិខ្ពស់ជាងតំបន់ដទៃ។ បន្លែផ្លែឈើសម្បូរវីតាមីនគឺមានប្រយោជន៍ជួយពន្យារការវិវត្តទៅរកភាពចាស់របស់ស្បែក។ ក្រៅពីនេះ ស៊ីនជាំងក៏ជាតំបន់ដែលមានដាំផ្លែឈើល្បីៗដែលផ្អែម ឈ្ងុយឆ្ងាញ់ជាប់ចិត្ត។ ការបរិភោគផ្លែឈើទាំងនេះបានជួយឱ្យស្ត្រីនៅស៊ីនជាំងស្រស់ស្អាត និងក្មេងជាងវ័យ។ ស៊ីនជាំងក៏ជាតំបន់ល្បីល្បាញខាងរាំតាំងពីសម័យបុរាណ។ ការរាំជួយឱ្យស្ត្រីនៅទីនេះមានរាងកាយមាំមួន សុខភាពល្អ រូបសម្រស់ស្រស់ស្អាត៕

តិចនិកថែទាំសម្រស់សម្រាប់កំលោះៗ ត្រៀមថ្ងៃចូលរួមកម្មវិធី

June 10, 2019 by ធឿន មករា

មុនថ្ងៃកម្មវិធីចូលមកដល់ កំលោះៗក៏មិនត្រូវខកខានក្នុងការត្រៀមក្នុងការចូលរួមកម្មវិធីតូចធំដែរណា៎ តែរឿងសំខាន់ដែលអ្នកមិនអាចមើលរំលងបាន នោះគឺរឿងរូបសម្ផស្ស និងរឿងសុខភាពដែលត្រូវតែមើលថែទាំយ៉ាងមិនអាចបណ្តែតបណ្តោយបានឡើយ។ ថ្ងៃនេះ ឡារ៉ែន សូមយកចិត្តកំលោះៗម្តង ដោយនាំយកនូវតិចនិកក្នុងការមើលថែទាំសុខភាពមុនដល់ថ្ងៃកម្មវិធីចូលមកដល់មកជម្រាបជូន សម្រាប់បុរសៗណាដែលចង់បានសុខភាពរឹងមាំ ដើម្បីក្លាយជាបុរសរូបសង្ហានៅក្នុងកម្មវិធីពិសេសៗនោះ សូមតាមដានដូចតទៅ៖ 1ខែមុនដល់ថ្ងៃកម្មវិធី - អ្នកគួរព្យាយាមកាត់បន្ថយអាហារបែប Junk Food ឱ្យតិចជាងមុន។ – បើអ្នកជាមនុស្សដែលចូលចិត្តទទួលទានស្រា ឬ ប៊ីយែរ ក៏សូមឱ្យព្យាយាមទទួលទានឱ្យតិចជាងមុន។ 15ថ្ងៃមុនដល់ថ្ងៃកម្មវិធី – សាកល្បងកាត់បន្ថយការទទួលទានអាហារដែលទិញមកពីក្រៅផ្ទះ បើអាចទៅរួចអ្នកគួរធ្វើអាហារទទួលទានដោយខ្លួនឯង ឬក៏ត្រឡប់ទៅទទួលទានបាយនៅផ្ទះដែលជាស្នាដៃរបស់អ្នកម៉ាក់វិញប្រសើរជាង ព្រោះអាហារដែលចម្អិនដោយខ្លួនឯងអាចទុកចិត្តបានរឿងអនាម័យ ហើយថែមទាំងជួយឱ្យអ្នកនៅសល់ប្រាក់ទៀតផង។ – អ្នកគួរហ្វឹកហាត់ឱ្យមានទម្លាប់ក្នុងការលាងមុខឱ្យបានស្អាត យ៉ាងតិចបំផុត2ដងក្នុង1ថ្ងៃ។ – ក្រោយពេលងូតទឹករួច អ្នកគួរលាបឡូស្សិនបំប៉នស្បែក នឹងជួយធ្វើឱ្យស្បែករបស់អ្នកស្រស់បស់មានសំណើមឡើង។ – ហើយអ្នកគួរតែកោរពុកមាត់ ពុកចង្កាដោយកាំបិតកោរ ជំនួសប្រដាប់កោរពុកមាត់អគ្គិសនី ព្រោះកាំបិតកោរនឹងធ្វើឱ្យអ្នកកោរបានស្អាតល្អជាង ធ្វើឱ្យផ្ទៃមុខរបស់អ្នកមើលទៅឃើញស្អាតរលោងឡើង កុំភ្លេចថា នារីៗភាគច្រើនមិនចូលចិត្តបុរសដែលមានពុកមាត់ស្រមេមស្រមូមទេ។ 1អាទិត្យមុនដល់ថ្ងៃកម្មវិធី - នៅតែ1អាទិត្យទៀតទេដល់ថ្ងៃកម្មវិធីហើយ អ្នកគួរតែកាត់ ឬតម្រឹមសក់របស់អ្នកឱ្យបានស្អាតរៀបរយ។ – ក្នុងអំឡុងពេលនេះអ្នកគួរគេងសម្រាកឱ្យបានគ្រប់គ្រាន់ផង។ 1ថ្ងៃមុនដល់ថ្ងៃកម្មវិធី - អ្នកគួរកោរពុកមាត់ … Read more

ហេតុអ្វីបុរសៗត្រូវគិតពីការថែរក្សាសម្រស់?

September 5, 2018 by ធឿន មករា

ពេលខ្លះមនុស្សមួយចំនួន ក៏ដូចជាបុរសៗផ្ទាល់បានគិតថា វាហាក់ដូចជារឿងចម្លែកដែលបុរសៗត្រូវប្រើប្រាស់ផលិតផលថែរក្សាសម្រស់ស្បែក។ ទោះយ៉ាងណាសូមចាំថា គំនិតមួយដែលថាត្រូវតែរក្សាភាពស្រស់ស្អាតនោះមិនមែនសម្រាប់តែស្រីៗនោះទេ តែបុរសក៏ត្រូវការស្បែកដែលស្រស់ស្អាតដូចគ្នាដែរ។ មានអីទៅពិបាកគ្រាន់តែអនុវត្តតាមវិធីងាយៗមួយចំនួន នោះអ្នកពិតជាមានអារម្មណ៍ដឹងថា ស្បែកដែលធ្លាប់តែព្រលែងចោល និងស្បែកដែលមានតែការយកចិត្តថែទាំមានភាពខុសគ្នាយ៉ាងណាជាមិនខាន។ ថែរក្សាស្បែកជារឿងសំខាន់ : ជាធម្មតារន្ធញើសបុរសគឺធំជាងនារី នោះមានន័យថា ខ្លាញ់ និងការស្រូបយកក្អែលគឺកាន់តែងាយជាង។ នេះជាមូលហេតុដែលតម្រូវឱ្យបុរសៗទាំងឡាយសម្អាតស្បែករបស់ខ្លួនជារៀងរាល់ថ្ងៃ។ នៅពេលដែលអ្នកជ្រើសរើសផលិតផល ដើម្បីប្រើប្រាស់អ្នកគួរតែយកបែបធម្មជាតិ និងគ្មានក្លិនក្រអូបដូច្នេះអ្នកមិនចាំបាច់ភ័យថានឹងបំភាយក្លិនក្រអូបដូចមនុស្សស្រីនោះទេ។ សម្របខ្លួនប្រើម៉ាសបិទមុខ : ចង់បានមុខស្រស់ស្រាយ ប៉ុន្តែដូចជាមិនដាច់ចិត្តដើរទៅទិញ ព្រោះខ្មាសអ្នកលក់ផងខ្មាសស្រីៗដែលនៅទីនោះផងហើយក៏ដូចជាពិបាករកម៉ាសសម្រាប់បុរសៗទៀតមែនទេ? កុំបារម្ភ អ្នកមិនទាន់អស់ផ្លូវទេនៅមានជម្រើសដ៏ឆ្លាតវៃមួយទៀតគឺម៉ាស់បិទមុខបែបធម្មជាតិ។ ងាយណាស់មិនចាំបាច់ទៅទិញមិនចាំបាច់ទៅហាងនាំតែមានអ្នកឃើញនោះទេ ធ្វើខ្លួនឯងក្នុងបន្ទប់ មើលទូរទស្សន៍បណ្តើរ ស្តាប់ចម្រៀងបណ្តើរក៏បាន ឬគេងលក់តែម្តងក៏មិនអីដែរ។ ឡារ៉ែន ធ្លាប់បានជម្រាបច្រើនមកហើយពីរបៀបធ្វើម៉ាសបិទមុខ តែបើចង់សាកល្បង ទឹកឃ្មុំ ម្សៅតែជប៉ុន និងទឹកយកមកលាយចូលគ្នាយកមកបិទមុខម្តងមើលក៏បានដែរ។ ទុកចោល15នាទី រួចលាងសម្អាតចេញនោះ ធូលីដី និងជាតិកខ្វក់ផ្សេងៗក៏នឹងត្រូវបានសម្អាតចេញពីផ្ទៃមុខរបស់អ្នកយ៉ាងមានប្រសិទ្ធភាពជាមិនខាន។ ខាត់ស្បែកជារឿងដែលត្រូវធ្វើបន្ទាប់ : ស្បែកបុរសត្រូវការការសម្អាតជាខ្លាំង ហើយការដុសខាត់ស្បែកថ្នមៗ នឹងជួយសម្អាតស្បែក និងកម្ចាត់កោសិកាចាស់ៗចេញយ៉ាងល្អ។ ស្ករត្នោតជាមួយនឹងប្រេងល្ង2-3តំណក់ យកមកដុសលើស្បែកថ្នមៗ រួចលាងសម្អាតចេញនោះអ្នកនឹងមានអារម្មណ៍ថាស្បែកមានសំណើមជាងមុន។ កោររោមជារឿងគេចមិនផុត : ការកោររោមគឺជាកត្តាមួយដែលធ្វើឱ្យស្បែករមាស់ ដូច្នេះបន្ទាប់ពីកោររោមមុខរួច … Read more

វីតាមីន7ប្រភេទ ជួយឱ្យសម្រស់កាន់តែស្រស់ស្អាត

September 5, 2018August 31, 2018 by ធឿន មករា

ផ្ទៃមុខស្រស់ស្អាតតែម្យ៉ាងមិនគ្រប់គ្រាន់ទេតែស្បែកក៏ត្រូវតែស្អាតដូចគ្នាដែរ ហើយមានវិធីច្រើនណាស់ ដើម្បីឱ្យស្បែកស្អាត ដែលក្នុងនោះមានទាំងការថែសម្រស់តាមរយៈការប្រើប្រាស់ផលិតផល ការជំនួយស្បែកតាមបែបធម្មជាតិដូចជា ការខាត់ ឬការទទួលទានជាដើម។ លេខនេះ ឡារ៉ែន សូមណែនាំអ្នកឱ្យងាកមកថែរក្សាសម្រស់តាមរយៈការដាក់បញ្ចូលវីតាមីនវិញម្តងហើយវីតាមីនទាំង7មុខនោះមានដូចជា៖ 1. វីតាមីន A : និយាយដល់វីតាមីន A ធ្វើឱ្យគិតដល់ភាពភ្លឺថ្លានៃភ្នែក ប៉ុន្តែអ្នកដឹងទេថាក្រៅពីភ្នែកហើយនោះវាក៏ជួយថែរក្សាស្បែកផងដែរ។ បើអ្នកជាមនុស្សម្នាក់ក្នុងចំណោមអ្នកផ្សេងទៀតដែលមានស្បែកស្ងួតនោះ វីតាមីន A ពិតជាក្លាយជាមិត្តដែលយល់ចិត្តអ្នកបំផុតក្នុងការជួយកម្ចាត់សភាពស្បែកស្ងួត ជួយស្តារ និងជួសជុលជាលិកាស្បែកធ្វើឱ្យស្បែករលោងមានសំណើម និងស្រស់ស្រាយ។ 2. វីតាមីន B Complex : មិនថាវាជា វីតាមីន B1, B2, B3, B5, B6, B7, B9, ឬជា B12 នោះទេគឺសុទ្ធតែមានគុណប្រយោជន៍សម្រាប់សម្រស់ និងសុខភាពរបស់យើងគ្រប់គ្នា។ ស្បែក សក់ ក្រចក ឈាម ភ្នែក… សុទ្ធតែទទួលបានប្រយោជន៍ជាច្រើនពីវីតាមីនទាំងប៉ុន្មានខាងលើនេះ។ អាហារដែលសម្បូរទៅដោយប្រភពវីតាមីន B ទាំងអស់នេះ ដូចជាបន្លែស្លឹកបៃតង រុក្ខជាតិពពួកសណ្តែក និងគ្រាប់សណ្តែកផ្សេងៗ … Read more

ទង្វើ4យ៉ាង សម្រាប់អ្នកគ្រប់គ្នាដែលចង់បានសម្រស់ស្រស់ស្អាត

June 12, 2018July 13, 2017 by វល័ក្ខ

ខាងក្រោមនេះគឺជា រឿងជាក់ស្តែង4យ៉ាង ដែលអាចជួយឱ្យអ្នកទទួលបាននូវស្បែកដែលមានភាពភ្លឺរលោងស្រស់ស្អាត និងមានសុខភាពល្អ ដូច្នេះសម្រាប់ប្រិយមិត្តអ្នកអានណាដែលចង់បានសម្រស់ស្រស់ស្អាតបែបធម្មជាតិពិតៗនោះ សូមយកវាទៅអនុវត្តឱ្យបានជាប់លាប់ជាប្រចាំ។ ទឹក ធ្វើវាឱ្យក្លាយជាទម្លាប់ក្នុងការទទួលទានទឹកឱ្យបានយ៉ាងតិច8កែវក្នុងមួយថ្ងៃ។ នៅពេលដែលចំនួននៃការបញ្ចេញ និងការបញ្ចូលជាតិទឹកទៅក្នុងរាងកាយមានភាពមិនស្មើគ្នានោះបញ្ហាផ្សេងៗងាយនឹងកើតឡើងជាទីបំផុត។ រាងកាយយើងត្រូវការទឹក ដើម្បីបំពេញនូវមុខងារផ្សេងៗជាច្រើន ដែលក្នុងនោះរួមមានដូចជាការំលាយអាហារ ការដកដង្ហើម ការស្រូបយកសារធាតុផ្សេងៗ ការធ្វើចលនានៃចរន្តឈាម ការបញ្ចូនសារធាតុចិញ្ចឹម និងការរក្សាសីតុណ្ហភាពក្នុងរាងកាយជាដើម។ នៅពេលដែលជាតិទឹកមានកម្រិតទាប ខូរក្បាល និងបញ្ចូនសញ្ញាប្រាប់ពីការស្រេកទឹក។ ទឹកជាអ្នកផ្តល់ថាមពល និងកាត់បន្ថយភាពហត់នឿយឱ្យអ្នក។ នៅពេលដែលរាងកាយខ្វះជាតិទឹក និងហត់នឿយ ផ្ទៃមុខរបស់អ្នកនឹងមានសភាពស្រអាប់ ហើយអ្នកត្រូវចាំថាផ្ទៃមុខរបស់អ្នកជាកញ្ចក់ឆ្លុះពីសុខភាពអ្នកដូចគ្នាដែរ ដូច្នេះអ្នកត្រូវព្យាបាលវាដោយការទទួលទានសារធាតុចិញ្ចឹម និងទឹកឱ្យបានគ្រប់គ្រាន់។ ដោយសារតែទឹកអាចជួយសម្រួលដល់ការរំលាយអាហារ វាក៏អាចជួយឱ្យផ្ទៃមុខរបស់អ្នកមើលទៅស្រស់ស្រាយ និងចៀសផុតពីការកើតមុនផងដែរ។ ដំណេក គ្រាន់តែអ្នកមិនបានគេង ផ្ទៃមុខរបស់អ្នកក៏បង្ហាញចេញឱ្យអ្នកផ្សេងបានដឹងភ្លាមតែម្តង។ នៅពេលបញ្ហានេះកើតឡើង ដំណោះស្រាយគឺមិនមែនការលាបបន្ថែមគ្រឿងសម្អាងឱ្យឡើងក្រាស់ ដើម្បីបិទបាំងនោះទេ។ នៅពេលគេងគឺជាពេលដែលស្បែកដំណើរការជួសជុល ស្ថាបនាធ្វើឱ្យស្បែកមានតុល្យភាពឡើងវិញ បង្កើតស្រទាប់កោសិកាស្បែកថ្មី ហើយវាក៏ជាពេលដែលការផ្លាស់ប្តូរនៃអ័រម៉ូន និងមេតាប៉ូលិក ព្រមទាំងធ្វើសកម្មភាពផងដែរ។ ប្រសិនបើអ្នកគេងមិនគ្រប់គ្រាន់ទេនោះ ផលរំខាននឹងចូលមកបង្អាក់ដំណើរការអស់ទាំងនេះ។ 7 ឬ8ម៉ោង គឺជាពេលវេលាចាំបាច់សម្រាប់ការសម្រាក ដែលចាត់ទុកថាគ្រប់គ្រាន់ ឬអាចលើសពីនេះបន្តិចក៏បាន ប៉ុន្តែមិនត្រូវឱ្យច្រើនខ្លាំងពេកទេ។ ហាត់ប្រាណ អ្នកចាំបាច់ត្រូវតែហាត់ប្រាណយ៉ាងតិចណាស់30នាទីក្នុងមួយថ្ងៃ។ ប្រសិនបើអ្នកមានបញ្ហាស្បែកមុខមានមុន … Read more