វីរុស - La Reine Media

ជាង1.8លាននាក់ឆ្លងវីរុសCOVID-19 នៅទូទាំងពិភពលោក

April 13, 2020 by សឿន សំណាង

ពិភពលោកទាំងមូល មានករណីឆ្លងមេរោគជាង1.8លាននាក់ និងស្លាប់ជាង114,000នាក់ដោយសារ COVID-19 ក្នុងនោះសហរដ្ឋអាមេរិក និងអឺរ៉ុបបន្តជាសម្បុកមេរោគធំជាងគេបង្អស់។ ស្ថិតិរបស់សាកលវិទ្យាល័យ Johns Hopkins បានឱ្យដឹងថា មនុស្សចំនួន1,846,680នាក់បានឆ្លងរោគ និង114,090នាក់បានបាត់បង់ជីវិត ដោយសារតែវីរុសCOVID-19 នៅក្នុងប្រទេស និងដែនដីចំនួន210 ក្នុងពិភពលោក ដោយមានអ្នកជំងឺថ្មី78,825នាក់ និងអ្នកស្លាប់ថ្មី5,809នាក់។ អ្នកជំងឺដែលបានជាសះស្បើយមានចំនួន421,497នាក់។ សហរដ្ឋអាមេរិក៖ អ្នកជំងឺសរុប554,226នាក់ កើន29,323នាក់ធៀបនឹងម្សិលមិញ ក្នុងនោះអ្នកស្លាប់មានចំនួន21,994នាក់។ ប្រទេសនេះជាសម្បុកមេរោគធំជាងគេក្នុងពិភពលោក។ អេស្ប៉ាញ៖ អ្នកជំងឺថ្មី3,804នាក់ និងអ្នកស្លាប់ថ្មី603នាក់។ អ្នកជំងឺសរុប166,831នាក់ និងអ្នកស្លាប់សរុប17,209នាក់។ ប្រទេសនេះជាសម្បុកមេរោគធំជាងគេលំដាប់ទី2ក្នុងពិភពលោក និងលំដាប់ទី1នៅអឺរ៉ុប។ អ៊ីតាលី៖ អ្នកជំងឺថ្មី4,092នាក់ និងអ្នកស្លាប់ថ្មី431នាក់។ អ្នកជំងឺសរុប156,363នាក់ និងអ្នកស្លាប់សរុប19,899នាក់។ បារាំង៖ អ្នកជំងឺថ្មី2,937នាក់ និងអ្នកស្លាប់ថ្មី561នាក់។ អ្នកជំងឺសរុប132,591នាក់ និងអ្នកស្លាប់សរុប14,393នាក់។ បារាំងជាសម្បុកមេរោគធំជាងគេលំដាប់ទី4ក្នុងពិភពលោក។ អាល្លឺម៉ង់៖ អ្នកជំងឺថ្មី2,402នាក់ និងអ្នកស្លាប់ថ្មី3,022នាក់។ អ្នកជំងឺសរុបមានចំនួន127,854នាក់។ អង់គ្លេស៖ អ្នកជំងឺសរុប84,279នាក់ ក្នុងនោះមានអ្នកស្លាប់សរុប10,612នាក់។ អ្នកស្លាប់ថ្មី មានចំនួន737នាក់។ ប្រទេសនេះជាសម្បុកមេរោគធំជាងគេលំដាប់ទី5នៅអឺរ៉ុប។ ប្រទេសចិនមិនទាន់ប្រកាសតួលេខថ្មី ប៉ុន្តែស្ថិតិចុងក្រោយបង្ហាញថា អ្នកជំងឺសរុបមាន … Read more

អាមេរិកាំងបន្តចោទ WHO ថា “កាន់ជើងចិន” ព្រោះមិនអើពើដល់មតិតៃវ៉ាន់ ខណៈចិនចោទតៃវ៉ាន់ថាចង់បានឯករាជតាមរយៈ COVID-19

April 10, 2020 by សឿន សំណាង

សហរដ្ឋអាមេរិកបានចោទប្រកាន់ថា អង្គការសុខភាពពិភពលោក(WHO) បានមើលបញ្ហានយោបាយធំជាងបញ្ហាសុខភាពសាធារណៈ នៅពេលអង្គការនេះមិនបានយកចិត្តទុកដាក់ទៅលើការព្រមានដំបូងរបស់កោះតៃវ៉ាន់អំពីវីរុសCOVID-19។ សហរដ្ឋអាមេរិក “មានការព្រួយបារម្ភខ្លាំងណាស់អំពីបញ្ហាព័ត៌មានរបស់តៃវ៉ាន់ដែលត្រូវបានគេលាក់បាំងពីសហគមន៍សុខាភិបាលសកល។ ប្រការនេះត្រូវបានបង្ហាញដោយការប្រកាសកាលពីថ្ងៃទី14មករា របស់ WHO ថា មិនមានសញ្ញា COVID-19 ដែលឆ្លងពីមនុស្សទៅមនុស្ស” នេះបើតាមសម្ដីរបស់អ្នកនាំពាក្យក្រសួងការបរទេសសហរដ្ឋអាមេរិក កាលពីថ្ងៃទី9មេសា។ ក្រសួងការបរទេសអាមេរិកាំងយល់ថា WHO ធ្វើសកម្មភាពយឺតយ៉ាវខ្លាំងពេកក្នុងការប្រកាសព្រមានអំពី COVID-19 ព្រមទាំងការពារប្រទេសចិនដោយហួសហេតុ។ ទន្ទឹមនឹងនេះ អាមេរិកាំងក៏បានដាក់ជាសំណួរទាក់ទិននឹងមូលហេតុដែល WHO មិនយកចិត្តទុកដាក់លើការព្រមានកាលពីដំបូងរបស់កោះតៃវ៉ាន់ផងដែរ។ អ្នកនាំពាក្យរបស់ក្រសួងការបរទេសសហរដ្ឋអាមេរិកថ្លែងថា “WHO សាជាថ្មីម្ដងទៀត បានយកបញ្ហានយោបាយធំជាងបញ្ហាសុខាភិបាលសាធារណៈ”។ អ្នកនាំពាក្យរូបនេះក៏បានរិះគន់ WHO ផងដែរ ព្រោះតែបានបដិសេធតួនាទីជាអ្នកសង្កេតការណ៍របស់តៃវ៉ាន់នៅក្នុងអង្គការសុខភាពពិភពលោកតាំងពីឆ្នាំ2016។ “សកម្មភាពរបស់ WHO បានធ្វើឱ្យខាតបង់ពេលវេលា និងអាយុជីវិតមនុស្សយ៉ាងច្រើន”។ កោះតៃវ៉ាន់ ដែលជាដែនដីដែលទទួលបានជោគជ័យច្រើនក្នុងការទប់ស្កាត់COVID-19 ដោយមានអ្នកឆ្លងមេរោគត្រឹមតែ380នាក់ និងស្លាប់5នាក់បើទោះជាមានទីតាំងភូមិសាស្ត្រក្បែរប្រទេសចិន បានព្រមាន WHO កាលពីថ្ងៃទី31ធ្នូរ2019 អំពីលទ្ធភាពឆ្លងពីមនុស្សទៅមនុស្សរបស់វីរុសCOVID-19។ នេះបើតាមការឱ្យដឹងពីមន្ត្រីជាន់ខ្ពស់របស់តៃវ៉ាន់ Chen Chien-Jen។ លោក Chen Chien-Jen ដែលជាអ្នកជំនាញផ្នែកជំងឺឆ្លង ធ្លាប់បានប្រាប់សារព័ត៌មាន Financial Times ថា … Read more

តឹងរ៉ឹងបំផុតហើយ នៅតែទប់មិនឈ្នះ! 1ថ្ងៃ សិង្ហបុរីរកឃើញអ្នកឆ្លងវីរុសថ្មី 287នាក់ ជាចំនួនខ្ពស់បំផុតតាំងពីមានកូវីដ-19

April 10, 2020 by សឿន សំណាង

ប្រទេសសិង្ហបុរី បានអះអាងថា រកឃើញអ្នកឆ្លងមេរោគវីរុសកូរ៉ូណាប្រភេទថ្មី ឬកូវីដ-19 ថែមទៀត 287នាក់ កាលពីថ្ងៃព្រហស្បតិ៍(ទី9មេសា)ម្សិលមិញ គឺជាចំនួនអ្នកឆ្លងមេរោគប្រចាំថ្ងៃដែលខ្ពស់បំផុត រាប់ចាប់ពីមេរោគកូវីដ-19 ចាប់ផ្ដើមឆ្លងរាតត្បាតនៅក្នុងប្រទេសមួយនេះ ដែលបណ្ដាលឱ្យចំនួនអ្នកឆ្លងមេរោគកំណាចនេះកើនដល់ 1,910នាក់ បើទោះជាសិង្ហបុរីជាប្រទេសមួយក្នុងចំណោមប្រទេសដែលប្រើវិធានការបែបតឹងរ៉ឹងបំផុតក្នុងការទប់ទល់នឹងឆ្លងរាលដាលក៏ដោយ។ ក្នុងចំណោមអ្នកឆ្លងមេរោគថ្មីទាំងនោះ មានជាង 200នាក់ ពាក់ព័ន្ធនឹងការឆ្លងរាលដាលនៅក្នុងបន្ទប់ស្នាក់នៅរបស់ពលករចំណាកស្រុកបរទេស ដោយសិង្ហបុរី បានបង្ខាំងពលករចំនួនរាប់ពាន់ឱ្យនៅដាច់ដោយឡែកនៅតាមបន្ទប់ស្នាក់ផ្សេងៗ ក្រោយពីមនុស្សទាំងអស់នោះ មានការពាក់ព័ន្ធនឹងអ្នកឆ្លងមេរោគកូវីដ-19 ជាច្រើនករណី។ រហូតមកដល់ពេលនេះ មានអ្នកស្លាប់ដោយសារមេរោគកូវីដ-19 នេះរួចហើយ 6នាក់ ហើយអាជ្ញាធរក៏កំពុងតែស៊ើបអង្កេតករណីការស្លាប់របស់មនុស្សទី7 ដែលឆ្លងមេរោគនេះ តែក៏មានអាការជ្រៀតជ្រែកពីរោគផ្សេងៗទៀតផងដែរ។ តួលេខអ្នកឆ្លងមេរោគថ្មីក្នុងប្រទេសសិង្ហបុរី ក្នុងថ្ងៃព្រហស្បតិ៍(ទី9មេសា) កើនឡើងជាងទ្វេដងពីមួយថ្ងៃមុនហ្នឹង ដោយនៅថ្ងៃពុធ(ទី8មេសា) សិង្ហបុរីបានរាយការណ៍អំពីការរកឃើញអ្នកឆ្លងមេរោគថ្មីត្រឹមតែ 142នាក់ប៉ុណ្ណោះ។ សិង្ហបុរី ជាប្រទេសមួយ ដែលទទួលបានការកោតសរសើរ ក្នុងរឿងការចាត់វិធានការទប់ស្កាត់មេរោគវីរុសដ៏មានប្រសិទ្ធភាព ទាំងការត្រួតពិនិត្យលម្អិតពលរដ្ឋចំនួនដ៏ច្រើន រួមទាំងការតាមដានអ្នកដែលធ្លាប់ប៉ះពាល់ជិតស្និទ្ធជាមួយអ្នកជំងឺកូវីដ-19 ទៀតផង។ កាលពីអំឡុងចុងសប្ដាហ៍កន្លងទៅ រដ្ឋបាលសិង្ហបុរីបានបញ្ជាបិទសាលារៀនគ្រប់កន្លែង និងទីកន្លែងធ្វើការភាគច្រើន ព្រមទាំងបញ្ជាឱ្យប្រជាជនសម្ងំនៅតែក្នុងផ្ទះ ដើម្បីកាត់បន្ថយចំនួនអ្នកឆ្លងមេរោគវីរុសកូរ៉ូណាប្រភេទថ្មី ឬកូវីដ-19 តែយ៉ាងណាក៏ដោយ ទីបំផុត តួលេខអ្នកឆ្លងជំងឺ ក៏កើនឡើងខ្ពស់បំផុត លុបស្ថិតិកាលពីពេលកន្លងទៅ កាលពីថ្ងៃព្រហស្បតិ៍ម្សិលមិញ។ កាលពីពេលមុនហ្នឹង … Read more

ជិត95,000នាក់ស្លាប់ដោយសារ COVID-19 នៅទូទាំងពិភពលោក(សង្ខេប)

April 10, 2020 by សឿន សំណាង

នៅក្នុងពិភពលោកទាំងមូល មានមនុស្សជិត1.6លាននាក់បានឆ្លងមេរោគ និងជិត95,000នាក់បានស្លាប់ដោយសារឆ្លងវីរុសCOVID-19 ក្នុងនោះ សហរដ្ឋអាមេរិក និងអឺរ៉ុបគឺជាសម្បុកមេរោគធំជាងគេបង្អស់។ យោងតាមស្ថិតិរបស់សាកលវិទ្យាល័យ Johns Hopkins ពិភពលោកបច្ចុប្បន្ន មានមនុស្សចំនួន1,587,209នាក់បាន និងកំពុងផ្ទុកមេរោគ និង94,850នាក់បានបាត់បង់ជីវិតដោយសារវីរុសCOVID-19 ក្នុងនោះអ្នកឆ្លងមេរោគថ្មីក្នុងរយៈពេល24ម៉ោងកន្លងមកនេះមានចំនួន76,105នាក់ និងស្លាប់ថ្មី6,512នាក់បន្ថែមទៀត។ រីឯអ្នកដែលបានជាសះស្បើយមានចំនួន353,291នាក់។ សហរដ្ឋអាមេរិក៖ អ្នកជំងឺសរុប456,828នាក់ និងអ្នកស្លាប់សរុប16,294នាក់។ អ្នកផ្ទុកមេរោគថ្មី33,693នាក់ និងអ្នកស្លាប់ថ្មី1,904នាក់។ អេស្ប៉ាញ៖ អ្នកជំងឺសរុប152,446នាក់ និងអ្នកស្លាប់សរុប15,238នាក់។ អ្នកផ្ទុកមេរោគថ្មី4,226នាក់ និងអ្នកស្លាប់ថ្មី446នាក់។ អ៊ីតាលី៖ អ្នកជំងឺសរុប143,626នាក់ និងអ្នកស្លាប់សរុប18,279នាក់។ អ្នកផ្ទុកមេរោគថ្មី4,204នាក់ និងអ្នកស្លាប់ថ្មី610នាក់។ អាល្លឺម៉ង់៖ អ្នកជំងឺសរុប116,801នាក់ និងអ្នកស្លាប់សរុប2,451នាក់។ អ្នកផ្ទុកមេរោគថ្មី3,505នាក់ និងអ្នកស្លាប់ថ្មី102នាក់។ បារាំង៖ អ្នកផ្ទុកមេរោគសរុប118,781នាក់ និងអ្នកស្លាប់សរុប12,228នាក់។ អ្នកផ្ទុកមេរោគថ្មី5,831នាក់ និងអ្នកស្លាប់ថ្មី1,359នាក់។ អង់គ្លេស៖ អ្នកផ្ទុកមេរោគសរុប65,863នាក់ និងអ្នកស្លាប់សរុប7,992នាក់។ អ្នកស្លាប់ថ្មីមាន895នាក់។ នាយករដ្ឋមន្ត្រី Boris Johnson មានសុខភាពល្អឡើងវិញខ្លះៗហើយ។ ប្រទេសចិន៖ អ្នកបានឆ្លងមេរោគសរុប81,907នាក់ និងអ្នកស្លាប់សរុប3,336នាក់។ ចិនទើបតែបានរកឃើញអ្នកផ្ទុកមេរោគថ្មី85នាក់បន្ថែមទៀត ក្នុងនោះមាន38នាក់ជាករណីនាំចូល និង47នាក់ជាករណីមិនមានរោគសញ្ញា។ … Read more

COVID-19! នាវិកជាង400នាក់របស់នាវាផ្ទុកយន្តហោះចម្បាំងអាមេរិកាំង បានឆ្លងវីរុសកូរ៉ូណាប្រភេទថ្មី

April 9, 2020 by សឿន សំណាង

ក្រុមនាវិករបស់នាវាផ្ទុកយន្តហោះចម្បាំង USS Theodore Roosevelt ចំនួន416នាក់ វិជ្ជមានជាមួយវីរុសCOVID-19 គឺប្រមាណជាជាងពាក់កណ្ដាលនៃករណីឆ្លងវីរុសសរុបនៅក្នុងជួរកងទ័ពជើងទឹកសហរដ្ឋអាមេរិក។ កងទ័ពជើងទឹកអាមេរិកាំង កាលពីថ្ងៃទី8មេសា បានឱ្យដឹងថា នៅក្នុងជួរកងទ័ពជើងទឹកទាំងមូល មានអ្នកឆ្លងវីរុសCOVID-19 យ៉ាងតិច714ករណី។ ក្នុងនោះក្រុមនាវិកនៃនាវាផ្ទុកយន្តហោះ USS Theodore Roosevelt មានចំនួនជាងពាក់កណ្ដាល ពោលគឺមាន416ករណី។ USS Theodore Roosevelt បានរកឃើញអ្នកផ្ទុកមេរោគCOVID-19 ដំបូងចំនួន3ករណីកាលពីថ្ងៃទី25មីនា នាំឱ្យនាវានេះត្រូវផ្អាកដំណើរការ និងចូលចតក្នុងកំពង់ផែ Guam ដើម្បីធ្វើតេស្តរកមេរោគទៅលើបុគ្គលិកជិត5,000នាក់។ អ្នកនាំពាក្យមន្ទីរបញ្ចកោណ Jonathan Hoffman កាលពីសប្ដាហ៍មុនបានឱ្យដឹងថា បុគ្គលិកជាង2,300នាក់ក្នុងចំណោម2,700នាក់ត្រូវបានអនុញ្ញាតឱ្យចាកចេញពីនាវា ហើយពួកគេក៏បានឡើងលើកោះ Guam។ នាវាផ្ទុកយន្តហោះអាមេរិកាំងចំនួន4គ្រឿង រួមមាន នាវា Nimitz នាវា Ronald Reagan នាវា Carl Vinson និងនាវា Theodore Roosevelt រួមនឹងនាវាចម្បាំងមួយចំនួនទៀត សុទ្ធតែបានរាយការណ៍ថា មានករណីឆ្លងវីរុសCOVID-19។ មេបញ្ជាការរបស់នាវាផ្ទុកយន្តហោះ Theodore Roosevelt លោក … Read more

សហរដ្ឋអាមេរិក៖ អ្នកស្លាប់ថ្មីកើនជិត2,000នាក់ ខណៈអ្នកផ្ទុកCOVID-19សរុបកើនលើស420,000នាក់

April 9, 2020 by សឿន សំណាង

COVID-19! នៅសហរដ្ឋអាមេរិក អ្នកស្លាប់ថ្មីកើនជិត2,000នាក់ ខណៈអ្នកស្លាប់សរុប លើសពី14,000នាក់

តួលេខនៃអ្នកស្លាប់ដោយសារ COVID-19 នៅសហរដ្ឋអាមេរិកបន្តកើនឡើងខ្លាំង ដោយមានជិត2,000នាក់ក្នុង1ថ្ងៃ នៅក្នុងសប្ដាហ៍ដែលមន្ត្រីអាមេរិកាំងជឿថា រោគរាតត្បាតនេះអាចឡើងដល់ចំណុចកំពូល។ យោងតាមទិន្នន័យនៅលើគេហទំព័រ Worldometer គិតត្រឹមល្ងាចថ្ងៃទី8មេសា (ម៉ោងនៅសហរដ្ឋអាមេរិក) សហរដ្ឋអាមេរិកមានអ្នកស្លាប់ថ្មីចំនួន1,805ករណី ធ្វើឱ្យតួលេខសរុបនៃអ្នកស្លាប់ដោយសារ COVID-19 នៅប្រទេសនេះ ឡើងដល់14,646ករណី។ ក្នុងរយៈពេល24ម៉ោងកន្លងទៅ សហរដ្ឋអាមេរិក បានរកឃើញអ្នកផ្ទុកមេរោគCOVID-19 ចំនួន26,550នាក់បន្ថែមទៀត នាំឱ្យអ្នកឆ្លងមេរោគសរុបក្នុងប្រទេសនេះ កើនជិតដល់426,000នាក់។ សម្បុកមេរោគ New York កាលពីម្សិលមិញក៏មានអ្នកស្លាប់ច្រើនមិនធ្លាប់មានផងដែរ។ អភិបាលរដ្ឋ New York លោក Andrew Cuomo ឱ្យដឹងថា រដ្ឋនេះមានអ្នកស្លាប់779ករណីដោយសារCOVID-19 ក្នុងរយៈពេលតែ24ម៉ោងចុងក្រោយ ធ្វើឱ្យអ្នកស្លាប់សរុបក្នុងរដ្ឋនេះកើនជិតដល់6,300នាក់ ក្នុងនោះទីក្រុង New York មានដល់ទៅជាង5,600ករណី។ អភិបាលរដ្ឋ New York យល់ថា តូលេខនៃអ្នកស្លាប់នឹងបន្តកើនឡើង សូម្បីតែនៅក្នុងអំឡុងអ្នកឆ្លងមេរោគមានការថយចុះក៏ដោយ។ លោកបន្តថា ការបង្ខាំងទូទៅក្នុងសហគមន៍នឹងនៅតែជាវិធានការដ៏មានប្រសិទ្ធភាពដើម្បីទប់ស្កាត់ការឆ្លងរាលដាល។ លោកប្រធានាធិបតិអាមេរិកាំង Donald Trump មានបំណងបើកទ្វារសេដ្ឋកិច្ចឡើងវិញ ប៉ុន្តែទីប្រឹក្សារបស់លោកអំពាវនាវឱ្យលោក មានការប្រុងប្រយ័ត្ន ព្រោះថាការបើកទ្វារសេដ្ឋកិច្ចឆាប់ពេកនឹងអាចនាំឱ្យការឆ្លងរាលដាលផ្ទុះឡើងខ្លាំងបន្ថែមទៀត។ ក្រុមអ្នកជំនាញផ្នែកសុខាភិបាលអាមេរិកាំងបានព្រមានថា … Read more

ព្រះអង្គម្ចាស់នៃចក្រភពអង់គ្លេស ឆ្លងវីរុស COVID-19

October 9, 2024March 25, 2020 by វល័ក្ខ

ព្រះអង្គម្ចាស់ Charles ព្រះជន្ម71វស្សា បានឆ្លងមេរោគកូរ៉ូណា COVID-19 ប៉ុន្តែមានអាការរោគមិនធ្ងន់ធ្ងរនោះទេ។ ព្រះរាជដំណាក់ Clarence ដែលជាតំណាងរបស់ព្រះអង្គម្ចាស់ Charles ថ្ងៃនេះ បានប្រកាសថា ព្រះអង្គម្ចាស់ Charles “នៅមានព្រះរាជសុខភាពល្អនៅឡើយ បើទោះជាមានអាការរោគខ្លះៗក៏ដោយ។ ទ្រង់បានបំពេញរាជកិច្ចនៅឯដំណាក់របស់ទ្រង់ដូចធម្មតា”។ ព្រះនាង Camilla ដែលជាព្រះជាយារបស់ព្រះអង្គម្ចាស់ Charles “ត្រូវបានធ្វើតេស្តរកមេរោគហើយដែរ ដោយលទ្ធផលអវិជ្ជមាន”។ ព្រះអង្គម្ចាស់ Charles និងអ្នកម្នាង Camilla បច្ចុប្បន្នបង្ខាំងខ្លួនឯងនៅក្នុងដំណាក់នៅឯប្រទេស Scotland (Scotland ជាផ្នែកមួយនៃចក្រភពអង់គ្លេស)។ ព្រះរាជដំណាក់ Clarence បានឱ្យដឹងថា “មិនទាន់ដឹងទេថា ព្រះអង្គម្ចាស់ឆ្លងមេរោគពីអ្នកណានៅឡើយ តែទ្រង់បានចូលរួមពិធីជាច្រើននាពេលថ្មីៗនេះ”។ ប៉ុន្តែ ប្រភពពីរាជវាំងសុំមិនបញ្ចេញឈ្មោះ ឱ្យដឹងថា ព្រះអង្គម្ចាស់ Charles បានធ្វើតេស្តរកមេរោគនៅថ្ងៃទី23មីនា និងទទួលលទ្ធផលនៅថ្ងៃទី24មីនា។ ព្រះអង្គម្ចាស់ត្រូវបានគេជឿថា បានឆ្លងមេរោគចាប់ពីក្រោយថ្ងៃទី13មីនា។ ថ្មីៗនេះ ព្រះអង្គម្ចាស់ Charles បានយាងទៅជួបម្ចាស់ក្សត្រី Elizabeth II ដែលមានព្រះជន្ម93ព្រះវស្សា នៅថ្ងៃទី13មីនា។ បរមរាជវាំង … Read more

ជិត 5,000នាក់បន្ថែមទៀតហើយ ដែលបានឆ្លងវីរុសកូរ៉ូណា

February 14, 2020February 14, 2020 by សឿន សំណាង

គណៈកម្មការសុខាភិបាលខេត្ត Hubei ថ្ងៃនេះ បានប្រកាសថា មានអ្នកស្លាប់ថ្មីចំនួន 116នាក់ និង 4,823នាក់បន្ថែមទៀត បានឆ្លងមេរោគកូរ៉ូណា Covid-19។ ខេត្ត Hubei មានករណីស្លាប់បន្ថែមដោយសារមេរោគកូរ៉ូណា ចំនួន 116នាក់ ធ្វើឱ្យអ្នកស្លាប់នៅប្រទេសចិន (ដីគោក) ឡើងដល់ 1,485នាក់។ ខេត្តនេះក៏មានករណីឆ្លងថ្មីចំនួន 4,823នាក់បន្ថែមទៀត ធ្វើឱ្យករណីឆ្លងសរុបក្នុងខេត្តនេះ ឡើងដល់ 51,986នាក់ និងទូទាំងប្រទេសចិន(ដីគោក) ឡើងដល់ 64,627នាក់។ ខេត្ត Hubei មានអ្នកជំងឺ 36,719នាក់ចូលព្យាបាលក្នុងមន្ទីរពេទ្យ ក្នុងនោះមាន 1,685នាក់ កំពុងស្ថិតក្នុងស្ថានភាពគ្រោះថ្នាក់ និង 4,131នាក់ បានជាសះស្បើយពីជំងឺ។ គិតមកដល់ពេលនេះ ទូទាំងពិភពលោក មានករណីផ្ទុកមេរោគសរុបចំនួន 65,209នាក់ និងអ្នកស្លាប់មានចំនួន 1,489នាក់ និងអ្នកដែលបានជាសះស្បើយចំនួន 7,063នាក់។ ក្នុងចំណោមអ្នកស្លាប់សរុប គឺមាន 3ករណីស្លាប់នៅខាងក្រៅប្រទេសចិន(ដីគោគ) ក្នុងនោះ មានមួយករណីនៅហ្វីលីពីន មួយករណីនៅហុងកុង និងមួយករណីទៀតនៅជប៉ុន៕ ប្រភព៖ សារព័ត៌មានបរទេស

ពលរដ្ឋចិននាំគ្នារកទិញថ្នាំអេដស៍ ដើម្បីទុកទប់ទល់វីរុសកូរ៉ូណា! អ្នកឆ្លៀតឱកាសរកលុយ និងសប្បុរសជនក៏បង្ហាញខ្លួន

February 8, 2020 by សឿន សំណាង

ដោយសារតែមិនទាន់មានវិធីសាស្ត្រ ឬថ្នាំព្យាបាលពិសេស ពលរដ្ឋជាច្រើននៅប្រទេសចិន បាននាំគ្នាស្វែងរកទិញថ្នាំព្យាបាលជំងឺអេដស៍មកជំនួសបណ្ដោះអាសន្ន ដោយសង្ឃឹមថាពួកគេអាចឆ្លងផុតគ្រាលំបាក និងនៅមានជីវិតក្រោយការរាតត្បាតនៃអាសន្នរោគកូរ៉ូណានេះ។ បច្ចុប្បន្ន ក្នុងពិភពលោក មិនទាន់មានថ្នាំពិសេស និងមានប្រសិទ្ធភាពខ្ពស់សម្រាប់ព្យាបាលអ្នកជំងឺកូរ៉ូណានៅឡើយ បណ្ដាលឱ្យវីរុសនេះ សម្លាប់មនុស្សដល់ទៅ 724នាក់ គិតមកត្រឹមថ្ងៃទី8កុម្ភៈ ឆ្នាំ2020។ បើទោះបីជាមិនទាន់មានភ័ស្ដុតាងបង្ហាញពីលទ្ធផលនៃការពិសោធន៍ស៊ីជម្រៅក៏ដោយ ប៉ុន្តែ គណៈកម្មការសុខាភិបាលកណ្ដាលរបស់ចិន បានឱ្យដឹងថា ថ្នាំ lopinavir/ritonavir ដែលគេប្រើសម្រាប់ព្យាបាលជំងឺអេដស៍ ក៏អាចប្រើប្រាស់ដើម្បីព្យាបាលអ្នកមានផ្ទុកមេរោគកូរ៉ូណាផងដែរ ថ្វីបើមិនទាន់បានបកស្រាយអំពីយន្តការព្យាបាលនៃថ្នាំនេះ។ គ្រូពេទ្យចិនប្រើថ្នាំព្យាបាលអេដស៍ ដើម្បីព្យាបាលជំងឺរលាកសួតថ្មីកូរ៉ូណា ប្រការខាងលើនេះ បានធ្វើឱ្យមានការភ្ញាក់ផ្អើលខ្លាំង ពិសេសគឺចំពោះថ្នាំ Kaletra ឬហៅថា Aluvia។ នេះគឺជាថ្នាំ lopinavir/ritonavir ដែលត្រូវបានដាក់់លក់ក្រោមឈ្មោះ Kaletra និងជាថ្នាំប្រឆាំងមេរោគអេដស៍តែមួយប្រភេទគត់ដែលត្រូវបានដាក់លក់នៅប្រទេសចិន។ Devy អាយុ38ឆ្នាំ មកពីខេត្ត Shandong បានឱ្យដឹងថា គាត់គឺជាមនុស្សម្នាក់ក្នុងចំណោមរាប់រយនាក់ដែលបានព្យាយាមស្វែងរកជួបអ្នកមានផ្ទុកមេរោគអេដស៍ ដើម្បីសុំថ្នាំនេះ។ បើទោះបីជាថ្មីៗនេះ Devy មិនធ្លាប់បានទៅកាន់ខេត្ត Hubei ឬ ក្រុង Wuhan ដែលជាសម្បុកមេរោគកូរ៉ូណាក៏ដោយ ប៉ុន្តែគាត់នៅតែព្រួយបារម្ភខ្លាចឆ្លងជំងឺនេះ ព្រោះថា គាត់មានអាការក្ដៅខ្លួន … Read more

ឱសថការីកំលោះម្នាក់ដាច់ខ្យល់ស្លាប់ ដោយសារខំប្រឹងធ្វើការជាប់ៗគ្នា 10ថ្ងៃ តតាំងនឹងវិបត្តិមេរោគវីរុសវូហាន

February 6, 2020 by សឿន សំណាង

ឱសថការីកំលោះជនជាតិចិនម្នាក់ បានធ្លាក់ខ្លួនឈឺ និងស្លាប់បាត់បង់ជីវិតបន្ទាប់ពីធ្វើការយ៉ាងខ្លាំងក្លាជាប់ៗគ្នា 10ថ្ងៃ ក្នុងភារកិច្ចតស៊ូជាមួយមេរោគវីរុសកូរ៉ូណាប្រភេទថ្មីដែលឆ្លងរាលដាលយ៉ាងសាហាវនៅក្នុងប្រទេសចិន។ កាលពីថ្ងៃទី4 កុម្ភៈ ទីភ្នាក់ងារព័ត៌មាន វើលដ៍ អហ្វ បាហ្ស បានរាយការណ៍តាមរយៈសារព័ត៌មាន ដឹ ផេភើរ ថា ឱសថការីកំលោះជនជាតិចិនបានធ្លាក់ខ្លួនឈឺ និងបានស្លាប់ ក្រោយពីធ្វើការយ៉ាងខ្លាំងក្លាឥតឈប់សម្រាកជាប់ៗគ្នា 10ថ្ងៃ ក្នុងភារកិច្ចតស៊ូនឹងមេរោគវីរុសកូរ៉ូណាដ៏កាចសាហាវនោះ។ ឱសថការី សុង យីងជី អាយុទើបតែ 28ឆ្នាំ ជាអនុប្រធានផ្នែកឱសថស្ថាន មានចំណែករួមយ៉ាងខ្លាំងក្នុងការថែរក្សាព្យាបាលអ្នកឆ្លងមេរោគទាំងអស់ នៅឯមជ្ឈមណ្ឌលសុខភាពក្នុងអនុមណ្ឌលហ៊ឹងសាន មណ្ឌលហ៊ូណាន ភាគកណ្ដាលប្រទេសចិន ដែលនៅជាប់នឹងមណ្ឌលហ៊ូពេយ ដើមកំណើតនៃការឆ្លងរាលដាលនៃមេរោគវីរុសកូរ៉ូណាប្រភេទថ្មីពីទីក្រុងវូហាន។ ឱសថការី សុង យីង ជី មានតួនាទីទទួលខុសត្រូវក្នុងការចែកចាយវេជ្ជភណ្ឌទៅឱ្យមិត្តរួមការងារ បានខំប្រឹងធ្វើការយ៉ាងឥតឈប់សម្រាកជាប់ៗគ្នា 9យប់ 10ថ្ងៃ ក្នុងអំឡុងពេលដែលប្រទេសចិនកំពុងប្រយុទ្ធតស៊ូជាមួយមេរោគវីរុសកូរ៉ូណាប្រភេទថ្មី។ រហូតមកដល់ថ្ងៃទី3 កុម្ភៈ ឱសថការី សុង ធ្វើការរួចរាល់ក្នុងវេនពេលអធ្រាត្រ និងត្រឡប់ទៅបន្ទប់វិញដើម្បីគេងសម្រាក មុននឹងមិត្តរួមការងារប្រទះឃើញរូបគេបានដេកស្លាប់បាត់បង់ជីវិតនៅក្នុងបន្ទប់របស់គេ។ សន្និដ្ឋានថា គេអាចនឹងស្លាប់ដោយសារបេះដូងឈប់ដំណើរការមួយខណៈពេលភ្លាមៗ ដោយសារតែការធ្វើការងារយ៉ាងខ្លាំងឥតឈប់សម្រាកកាលពីពេលកន្លងមក។ ខណៈនេះ មន្ត្រីពាក់ព័ន្ធកំពុងស៊ើបអង្កេតរកមូលហេតុពិតប្រាកដនៃការស្លាប់នេះជាបន្ត៕ ប្រភព៖ សារព័ត៌មានបរទេស