លោកសៅ សុខា៖ ធ្វើកងទ័ពត្រូវ មាន ស្បៀងនិង អាវុធ ឯបាល់ទាត់ ត្រូវមានធនធាន កីឡាករ និង សម្ភារៈ

នេះគឺជាជំនួបប្រកួតដ៍អស្ចារ្យមួយសម្រាប់លីកកំពូលកម្ពុជា ដែលអ្នកស្នេហាវិស័យកីឡាបាល់ទាត់ រង់ចាំទស្សនាយ៉ាងអន្ទះសារ ហើយអាចនឹងមានអ្នកគាំទ្រច្រើន ទាំងបឹងកេត និង ភ្នំពេញក្រោន ។ ខណៈដែលការប្រកួតនេះ នឹងចាប់ផ្ដើមប្រកួតនាម៉ោង៦ល្ងាច នេះ លើទីលាន RSN (ក្លឹបភ្នំពេញក្រោន)។ បើតាមមន្ត្រីសហព័ន្ធបាល់ទាត់កម្ពុជាបានឱ្យដឹងថា៖ ការប្រកួតរវាងបឹងកេត និង ភ្នំពេញក្រោននេះ ដើម្បី​ដណ្តើម​ឈរ​លេខ​រៀង​ទី​៣​ក្នុង​សប្តាហ៍​ទី​៩​នៃ​ពានរង្វាន់​ក្របខណ្ឌ​មិត្ត​ហ្វូ​ន​ខេ​ម​បូ​ឌា​ន​លី​ក​ប្រចាំឆ្នាំ​២០១៧​។ ការជួបគ្នា​រវាង​ក្រុម​ទាំងពីរ នឹង​ក្លាយជា​ការប្រកួត​មួយ​ដ៏​តានតឹង និង​ស្វិតស្វាញ​បំផុត ព្រោះ​បឹងកេត​ត្រូវការ​ឈ្នះ​ភ្នំពេញ​ក្រោ​ន ដើម្បី​បង្កើន​ឱកាស​ប្រជែង​ឈរ​ក្នុង​តំបន់ Top2 ដែលមាន​ក្រុម​ក្រសួងការពារជាតិ និង​ស្វាយរៀង​។ ជាមួយនឹងការប្រកួតនេះដែល កីឡាករកែវ សុខង៉ន សមាជិកមួយរូបរបស់ក្រុមភ្នំពេញក្រោនបាននិយាយថា៖ «វាជាជំនួបនៃក្រុមខ្លាំងទាំង ២ ដែលជាក្លឹបដ៏ជោគជ័យ និងឈានមុខនៅក្នុងប្រទេស ហើយវាពិតជាការប្រកួតដ៏ធំសម្រាប់អ្នកគាំទ្រនៃក្លឹបទាំងពីរ គឺដូចគ្នាទៅនឹងជំនួបរបស់ក្រុមធំៗនៅបណ្តាលីគនានាលើពិភពលោកនេះដែរ ។» ខ្សែប្រយុទ្ធដែលធ្លាប់បានចូលរួមលេងទាំងក្នុងក្លឹបភ្នំពេញក្រោន និងបឹងកេត រូបនេះបានបន្តថា៖ «ថ្ងៃអាទិត្យខាងមុខគឺជាថ្ងៃខួបកំណើតរបស់ខ្ញុំ ដូច្នេះខ្ញុំចង់ជូនចំណងដៃដ៏ល្អមួយសម្រាប់អ្នកគាំទ្រទាំងអស់នោះគឺ ជ័យជម្នះ! ខ្ញុំជឿជាក់ថា នឹងមានមនុស្សជាច្រើនចូលរួមទស្សនាការប្រកួតនេះ ។» ជាងនេះទៅទៀត រូបគេក៏បានបង្ហាញនូវការប្តេជ្ញាចិត្តថានឹងព្យាយាមឲ្យអស់ពីលទ្ធភាពដើម្បីសម្រេចគោលដៅដ៏ធំមួយនោះគឺ ការជួយឲ្យក្លឹបភ្នំពេញក្រោនដែលកំពុងឈរនៅលំដាប់ទី៤ នៃតារាងចំណាត់ថ្នាក់ បានឈ្នះទាំងពានលីគកំពូល រួមទាំងពានសម្តេចហ៊ុន សែន ផងដែរនារដូវកាលនេះ ។ … Read more

ក្នុងដំណើរមកបំពេញទស្សនកិច្ចពេញមួយថ្ងៃនៅក្លឹបបាល់ទាត់ភ្នំពេញក្រោននោះ អតីតគ្រូបង្វឹកក្រុមជម្រើសជាតិថៃ លោក Winfried Schaferចូលរួមចែករំលែកបទពិសោធន៍ក៏ដូចជាផ្តល់អនុសាសន៍ខ្លះៗពាក់ព័ន្ធទៅលើការរៀបចំក្រុម ព្រមទាំងបច្ចេកទេសលើការបង្វឹកកីឡាករផងដែរកាលពីពេលថ្មីៗកន្លងទៅនេះ ។ លោក Winfried Schafer ធ្លាប់បានដឹកនាំក្រុមជម្រើសជាតិកាមេរ៉ូនលើកពាន African National Cup ២០០២ មុននឹងប្តូរមកដឹកនាំក្រុមជម្រើសជាតិថៃវិញនាឆ្នាំ២០០៣ (រហូតដល់ឆ្នាំ២០០៦) ។ បន្ទាប់មកលោកបានដឹកនាំក្រុម Al-Ahli FC នៅសហរដ្ឋអារ៉ាប់រួមឲ្យបានឈ្នះតំណែងជើងឯកលីគកំពូលនៃដែលដីអារ៉ាប់ដ៏រុងរឿងមួយនេះ ។ គ្រូបង្វឹកជនជាតិអាល្លឺម៉ង់ដ៏វ័យ ៦៧ឆ្នាំរូបនេះពោរពេញទៅដោយបទពិសោធន៍ដ៏សម្បូរបែបក្នុងពិភពបាល់ទាត់ទាំងក្នុងប្រទេសកំណើតរបស់ខ្លួនក៏ដូចជានៅក្នុងតំបន់អាស៊ីនិងអាហ្វ្រិកថែមទៀតផង។ គួបញ្ជាក់ផងដែរថា៖ ក្នុងពេលប្រកបអាជីពជាកីឡាករបាល់ទាត់ លោកបានបង្ហាញខ្លួននៅលើទីលានជាង ៤០០លើកក្នុងព្រឹត្តិការណ៍ German Bundesliga ក្នុងពេលលេងឲ្យក្លឹប Borussia Munchengladbach ក្រោយមកលោកបានប្តូរមកប្រកបអាជីពជាគ្រូបង្វឹកវិញដោយបានបង្ហាត់នៅបណ្តាក្លឹបមួយចំនួននៅក្នុងប្រទេសអាល្លឺម៉ង់ដ៏, សហរដ្ឋអារ៉ាប់អេមីរ៉េត, អាហ្សែបៃ៊ហ្សង់ និងធ្លាប់ជាគ្រូបង្វឹករបស់ក្រុមបាល់ទាត់ជម្រើសជាតិកាមេរ៉ូន, ថៃ និងចាម៉ៃកា ជាដើម ៕

លោក សៅ សុខា ប្រធានកីឡាបាល់ទាត់កម្ពុជា ដែលបានដឹកនាំ វិស័យបាល់ទាត់ តាំងពីមិនទាន់មានអ្វីសោះ រហូតដល់មានឈ្មោះល្បីដល់អន្តរជាតិ បានបង្ហាញពីអារម្មណ៍ដែលដឹកនាំវិស័យកីឡាបាល់ទាត់មួយ រយៈពេល១០ឆ្នាំ គឺមានការពិបាកខ្លាំងជាងការដឹកនាំកងទ័ពទូទាំងប្រទេសទៀត ព្រោះអ្វីៗកើតចេញពីបាល់ទាត់ គឺសុទ្ធតែមានលក្ខណៈស្ដង់ដារ ។ ការលើកឡើងបែបនេះ បានធ្វើឡើងក្នុងមហាសន្និបាតបូកសរុបការងារឆ្នាំ២០១៦ និងលើកទិសដៅឆ្នាំ២០១៧ របស់គណៈកម្មាធិការជាតិអូឡាំពិកកម្ពុជា កាលពីចុងខែមិនាកន្លងទៅ ។ ការដឹកនាំកងទ័ព ត្រូវការត្រឹមស្បៀង និងអាវុធ គឺអាចប្រយុទ្ធប្រឆាំងជាមួយសត្រូវបាន ប៉ុន្ដែការដឹកនាំបាល់ទាត់អ្វីៗក៏ត្រូវមានលក្ខណៈស្ដង់ដាដែរ មិនថាហេដ្ឋារចនាសម្ព័ន្ធ ធនធានកីឡាករ គ្រូបង្វឹក សម្ភារៈ ឬប្រព័ន្ធដឹកនាំនោះទេ ។ ដោយហេតុនេះក្នុងនាមជាអ្នកមិនទាន់មានបទពិសោធន៍ក្នុងវិស័យកីឡាបាល់ទាត់ ការចាប់ផ្ដើមដំបូងឯកឧត្តម បានអនុវត្តបណ្ដើរ និងរៀនបណ្ដើរ ដើម្បីជំរុញវិស័យបាល់ទាត់កម្ពុជាឲ្យមានភាពរីកចម្រើន រហូតមកទល់បច្ចុប្បន្ន ។ ប៉ុន្ដែយ៉ាងណាបាល់ទាត់កម្ពុជា មិនទាន់ដល់គោលដៅខ្លួនចង់បាននោះទេ ដូច្នេះសហព័ន្ធបាននឹងកំពុងអនុវត្តផែនការអភិវឌ្ឍន៍ថ្នាលយុវជនបន្ដ តាមរយៈការបង្កើតគម្រោងបើកសាលាបាល់ទាត់ទូទាំងប្រទេស ដើម្បីស្វែងរកអ្នកមានសមត្ថភាព និងទេពកោសល្យ ឆ្ពោះទៅស៊ីហ្គេម ឆ្នាំ២០២៣ នៅពេលកម្ពុជាធ្វើជាម្ចាស់ផ្ទះ ៕