ភ្ញៀវទេសចរជនជាតិចិនម្នាក់ដែលបានសម្រាកព្យាបាលនៅមន្ទីរពេទ្យមួយនៅប្រទេសបារាំង បានបាត់បង់ជីវិត ដោយសារឆ្លងមេរោគកូរ៉ូណា (COVID-19) នេះបើតាមអាជ្ញាធរបារាំង។ នេះក៏ជាករណីស្លាប់់ដោយសារវីរុសកូរ៉ូណាដំបូងបង្អស់នៅបារាំង និងនៅអឺរ៉ុប។
>ទ្វីបអាហ្វ្រិកមានអ្នកផ្ទុកមេរោគកូរ៉ូណា COVID-19 ករណីដំបូង
រដ្ឋមន្ត្រីក្រសួងសុខាភិបាលបារាំងលោកស្រី Agnes Buzyn ក្នុងថ្ងៃទី15កុម្ភៈនេះ បានឱ្យដឹងថា ភ្ញៀវទេសចរមកពីប្រទេសចិនម្នាក់ ដែលបានស្លាប់នោះ គឺជាបុរសវ័យ80ឆ្នាំ។ ប៉ុន្តែ លោកស្រីមិនបានបង្ហើបឱ្យដឹងអំពីអត្តសញ្ញាណនៃអ្នកជំងឺនេះទេ។ បុរសចំណាស់នេះ បានស្លាប់ដោយសារផ្ទុកវីរុសកូរ៉ូណា COVID-19។
លោកស្រី Agnes Buzyn បានបញ្ជាក់ថា ភ្ញៀវទេសចរខាងលើ ត្រូវបានដាក់ឱ្យនៅដាច់ដោយឡែក នៅឯមន្ទីរពេទ្យ Bichat-Claude Bernard ភាគខាងជើងទីក្រុងប៉ារីស ចាប់តាំងពីបានធ្លាក់ខ្លួនឈឺកាលពីថ្ងៃទី25មករា។ បុរសនេះបានចាកចេញពីខេត្ត Hubei ប្រទេសចិន ដែលជាសម្បុកមេរោគកូរ៉ូណា ឆ្ពោះទៅកាន់បារាំង កាលពិ9ថ្ងៃមុន៕
ប្រភព៖ សារព័ត៌មានបរទេស
គិតមកដល់ថ្ងៃទី15កុម្ភៈនេះ វីរុសកូរ៉ូណា COVID-19 បានឆ្លងទៅកាន់មនុស្សជាង 67,100នាក់ និងបានសម្លាប់មនុស្ស 1,526នាក់៕
ក្រុមអ្នកវិទ្យាសាស្ត្រនៅឯ RML បានថតរូបភាពកោសិកាមានមេរោគកូរ៉ូណា ដែលបានមកពីអ្នកជំងឺជនជាតិអាមេរិកម្នាក់ ដោយប្រើកែវពង្រីកពីរប្រភេទ គឺមីក្រូទស្សន៍អេឡិចត្រុងប្រភេទស្កេន(Scanning electron microscope) និងមីក្រូទស្សន៍អេឡិចត្រុងប្រភេទបញ្ជូនរូបភាព(transmitted electron microscope) បន្ទាប់មក អ្នកវិទ្យាសាស្ត្របានបន្ថែមពណ៌ទៅលើរូបភាពទាំងនោះ។
ករណីដែលបានកើតឡើងខាងលើ គឺដោយសារវីរុសកូរ៉ូណាប្រភេទ SARS អាចឆ្លងតាមរយៈលាមក និងកាកសំណល់ដែលមិនទាន់បានសម្លាប់មេរោគ។ វេជ្ជបណ្ឌិត Amesh Adalja អ្នកឯកទេសផ្នែកជំងឺឆ្លងនៃមជ្ឈមណ្ឌលសន្តិសុខផ្នែកសុខភាព Jonhs Hopkins ក្នុងតំបន់ Baltimore បានថ្លែងថា បំពង់លូបង្ហូរកាតសំណល់ ត្រូវបានគេរៀបចំដាក់ឱ្យដាច់ដោយឡែកពីកន្លែងរស់នៅ ប៉ុន្តែ បើសិនវាបែក ឬធ្លុះ វានឹងអាចជួយឱ្យមេរោគចេញមកខាងក្រៅបាន ប្រការនេះ ធ្វើឱ្យពលរដ្ឋដែលនៅក្បែរកន្លែងមានលូធ្លាយ ត្រូវប្រឈមទៅនឹងហានិភ័យនៃការឆ្លងមេរោគ។ នេះបើតាមសារព័ត៌មាន Live Science។
ក៏ប៉ុន្ដែ វេជ្ជបណ្ឌិត Amesh Adalja បានសង្កត់ធ្ងន់ថា បើទោះមេរោគកូរ៉ូណា Covid-19 អាចឆ្លងតាមរយៈបំពង់លូ តែនេះក៏មិនមែនជាការឆ្លងធម្មតានោះដែរ។ របៀបឆ្លងទូទៅបំផុតរបស់មេរោគនេះ គឺតាមរយៈកម្ទេចទឹកមាត់ កម្ទេចស្លេស្ម ដែលខ្ទាតចេញនៅពេលអ្នកជំងឺកណ្ដាស់ ឬក្អក។ ការពិនិត្យបឋមទៅលើបំពង់លូក្នុងអគារ Hong Mei House បង្ហាញថា ប្រព័ន្ធបំពង់លូនេះ ត្រូវបានរៀបចំយ៉ាងល្អ។
បណ្ដាផលិតផលនេះ សុទ្ធតែបានច្នៃចេញពីប្លាស្មាឈាម ដែលបានមកពីការបរិច្ចាគពីក្រុមអ្នកជំងឺដែលបានជាសះស្បើយពីជំងឺកូរ៉ូណា និងបានត្រៀមទុកក្រោយពីបានកម្ចាត់វីរុសរួចរាល់ និងការធ្វើតេស្តជាច្រើនទៀត។ នេះបើតាមការឱ្យដឹងពី CNBG។ អ្នកជំងឺជាង 10នាក់ បានយល់ព្រមទទួលការព្យាបាលដោយប្រើវិធីថ្មីជាមួយនឹងប្លាស្មាឈាមចម្ចាត់មេរោគពិសេសនេះ ហើយឃើញថា ស្ថានភាពជំងឺរបស់ពួកគេ បានប្រសើរឡើងគួរឱ្យកត់សម្គាល់ បន្ទាប់ពីបានព្យាបាលរយៈពេល 12-24ម៉ោង។
ឈាមជាសារធាតុរាវយ៉ាងសំខាន់សម្រាប់រាងកាយរបស់មនុស្សម្នាក់ៗ រួមមានសមាសធាតុផ្សំ4សំខាន់ៗគឺ ប្លាស្មា កោសិកាឈាមក្រហម កោសិកាឈាមស និងផ្លាកែត ដែលមានតួនាទី ដឹកនាំអុកស៊ីសែន និងសារធាតុចិញ្ចឹម បង្កើតឲ្យមានកំណកឈាម ដឹកនាំកាកសំណល់ទៅតម្រងនោម និងថ្លើម គ្រប់គ្រងសីតុណ្ហភាពក្នុងរាងកាយទៀតផង៕
ការសិក្សាស្រាវជ្រាវថ្មីខាងលើនេះ បានរកឃើញវីរុសកូរ៉ូណាចំនួនជាង 500ប្រភេទនៅលើសត្វប្រចៀវ Rhinolophus នេះ នៅក្នុងប្រទេសចិន។ អ្វីដែលគួរឱ្យកត់សម្គាល់ជាងនេះ គឺថា ការធ្វើតេស្តឈាមនៅលើមនុស្សមួយចំនួនដែលរស់នៅក្បែរតំបន់មានសត្វប្រចៀវរស់នៅ បង្ហាញថា អត្រាមានផ្ទុកមេរោគកូរ៉ូណា គឺ 2,9%។ ភាគរយនេះ ក៏បង្ហាញថា ហានិភ័យនៃការឆ្លងដោយសារមនុស្សប៉ះពាល់សត្វប្រចៀវនេះ គឺមានខ្ពស់ពិតមែន។
ក្រុមអ្នកវិទ្យាសាស្ត្រចិន និងអន្តរជាតិកំពុងតែស្ថិតក្នុងដំណាក់កាលធ្វើការកំណត់ឱ្យបានច្បាស់នូវប្រភពសត្វដែលបានចម្លងមេរោគកូរ៉ូណា Covid-19 ដើម្បីធានាឱ្យបានថា បញ្ហាដដែលនេះនឹងមិនអាចកើតឡើងនៅពេលអនាគត។ ការសិក្សាស្រាវជ្រាវក៏នឹងជួយបង្កើនការយល់ដឹងច្រើនអំពីរបៀប និងផ្លូវដែលវីរុសនានា ឆ្លងពីសត្វមកមនុស្ស។
បច្ចុប្បន្ន ការបកស្រាយ ឬពិនិត្យលំដាប់ហ្សែន ភាគច្រើនត្រូវបានធ្វើឡើងនៅក្នុងបន្ទប់ពិសោធន៍ធំៗរបស់ក្រុមហ៊ុន Illumina ដែលមានទីស្នាក់ការនៅអាមេរិក ជាកន្លែងដែលមានម៉ាស៊ីនទំនើបៗ ដែលមានតម្លៃជិត1លានដុល្លារអាមេរិក។ ឆ្នាំ2018 ក្រុមហ៊ុន Illumina បានដាក់លក់ម៉ាស៊ីនពិនិត្យលំដាប់ហ្សែនខ្នាតតូច ប៉ុនកុំព្យូទ័រ desktop ប៉ុន្តែវានៅតែមានតម្លៃដល់ទៅ20,000ដុល្លារ ខ្ពស់ជាងទ្វេដង បើធៀបនឹងតម្លៃម៉ាស៊ីនរបស់ក្រុមហ៊ុន GenapSys។
ក្រុមហ៊ុន GenapSys សង្ឃឹមថា បច្ចេកវិទ្យារបស់ពួកគេ នឹងឆាប់បានចូលខ្លួនទៅជួយទប់ស្កាត់អាសន្នរោគកូរ៉ូណាដែលកំពុងសម្លាប់មនុស្សជារៀងរាល់ថ្ងៃនេះ។ ការចរចារវាងក្រុមហ៊ុន GenapSys ជាមួយរដ្ឋាភិបាលចិន កំពុងស្ថិតក្នុងតំណាក់កាលដំបូង។ អ្នកនាំពាក្យរបស់ក្រុមហ៊ុននេះ និយាយថា ពួកគេនឹងគោរពទៅតាមរាល់ច្បាប់ទម្លាប់ និងការកំណត់នៃច្បាប់អន្តរជាតិ។ សារព័ត៌មាន SCMP បានរាយការណ៍ថា បច្ចុប្បន្ន ភាគីខាងប្រទេសចិន មិនទាន់ឆ្លើយតបជាផ្លូវការទៅនឹងសំណើររបស់ក្រុមហ៊ុននេះនៅឡើយ៕