មាតា &ទារក

ចម្ងល់របស់អ្នកម្តាយ ចម្លើយរបស់គ្រូពេទ្យជំនាញ

January 2, 2025 by សឿន សំណាង

Q . កូនស្រីនាងខ្ញុំអាយុ 11 ខែហើយ នាងខ្ញុំចង់ដឹងថា បើចង់បង្ហាត់ឲ្យកូនចេះអង្គុយបន្ទោរបង់នៅក្នុងកន្ថោសម្រាប់ក្មេងតូចនោះ តើត្រូវចាប់ផ្តើមដូចម៉្តេចទៅ? ព្រោះធ្លាប់សាកល្បងឲ្យកូនអង្គុយបន្ទោបង់រួចមកហើយ ឃើញថាកូនមិនចូលចិត្តសោះ ហើយច្រើនតែក្រោកឡើងដើរតាមនាងខ្ញុំគ្រប៉ពេលទៀតផង ។ A . ការបង្ហាត់ឲ្យកូនអង្គុយបន្ទោរបង់នៅលើកន្ថោសម្រាប់ក្មេងតូចនោះ ត្រូវបង្ហាត់បែបសន្សឹមៗ គួរបង្ហាត់នៅពេលដែលកូនមានអារម្មណ៍ចង់បន្ទោបង់មែនទែន ដោយសង្កេតមើលតាមរយៈអកប្បកិរិយារបស់កូន និងនៅពេលកូនយល់ព្រមអង្គុយហើយ អ្នកម្តាយគួរតែនៅក្បែរ នៅចាំជួយទប់ ឲ្យកូនបន្ទោរបង់ចេញមក និយាយលេងជាមួយកូនតាមធ្មតាទោះជាពេលខ្លះកូននៅមិនទាន់ព្រមបន្ទោរបង់ក៏ដោយ បង្កើតបរិយាកាសបែបសប្បាយៗ កុំបង្ខំ ឬសម្លុតកូនឲ្យសោះ។ គួរប្រើរយៈពេលក្នុងការបង្ហាត់យ៉ាងតិចក៏ 6ខែ ទៅ1ឆ្នាំដែរ។ Q . ពេលនេះកូនអាយុ 2 ខួបហើយ តែច្រើនតែទារមឹមទឹកដោះគោរៀងរាល់យប់ នាងខ្ញុំខ្លាចក្រែងតែកូនធ្លាប់ និងញៀនដបទឹកដោះគោ តើនាងខ្ញុំត្រូវធ្វើយ៉ាងម៉េចទៅ ដើម្បីកុំឲ្យកូនញៀនដបទឹកដោះគោ និងទារមឹមនៅពេលយប់ជ្រៅ? A . នៅពេលកូនអាយុ 2 ឆ្នាំហើយ តែនៅទារមឹមទឹកដោះគោរាល់យប់ទៀតនោះ បែបនេះហៅថាញៀនការមឹមទឹកដោះគោក្រៅពេលអាហារហើយ ព្រោះការមឹមទឹកដោះគោពេលយប់នេះអាចបញ្ឈប់បានតាំងពីទារកអាយុបាន 4ខែម្លេះ និងប្តូរឲ្យពេលយប់ទៅជាពេលគេង និងពេលថ្ងៃគឺជាពេលភ្ញាក់ លេង ញ៉ាំ និងគេង (បន្តិចបន្តួច)។ … Read more

ស្វែងយល់ពីបេះដូងកូន 9ខែក្នុងផ្ទៃម្តាយ

October 23, 2024 by សឿន សំណាង

បេះដូងជាអវយវៈមួយរបស់មនុស្សដែលធ្វើការតាំងពីនៅក្នុងគភ៌ម្តាយ និងធ្វើការទៅរហូតពេញមួយជីវិតដោយមិនដែលបានឈប់សម្រាក និងគ្មានអវយវៈបម្រុងសម្រាប់ប្រើដូចអវយៈផ្សេងឡើយ ដូច្នេះបើចង់ឱ្យល្អ ស្ត្រីមានគភ៌គួរតែមើលថែទាំបេះដូងកូនតាំងពីនៅក្នុងផ្ទៃរបស់ខ្លួនឱ្យរឹងប៉ឹងឥតខ្ចោះបំផុត។ ខាងក្រោមនេះគឺការរីកចម្រើនធំធាត់ និងវិធីមើលថែទាំបេះដូងកូនក្នុងពោះម្តាយ៖ 1. បេះដូង… ជាអវយវៈតែមួយគត់ដែលគ្មានសឺកួរ(Secoure)បម្រុងដូចអវយវៈដទៃទៀត ដូចជា សួត ក្រលៀន និងថ្លើម ដូច្នេះបើកើតការរអាក់រអួលខូចខាត ដូចជា លេចធ្លាយ ឬត្បៀតតូច នឹងបង្កជាគ្រោះថ្នាក់ធំបាន។ 2. បេះដូង… ធ្វើការដូចម៉ូទ័របូមទឹកដែលមានភាពពិសេសគឺ ទទួលយកឈាមខ្មៅដែលប្រៀបដូចជាទឹកកខ្វក់ទៅសម្អាតនៅក្នុងសួតខណៈពេលជាមួយគ្នាក៏បញ្ជូនឈាមក្រហមដែលប្រៀបដូចជាទឹកស្អាតទៅចិញ្ចឹមផ្នែកផ្សេងៗរបស់រាងកាយ ហើយតួនាទីទាំងនេះនឹងចាប់ផ្តើមតាំងពីនៅជាកូនជីវិតតូចមួយនៅក្នុងពោះអ្នកម្តាយមកម្ល៉េះ។ដោយសារតែយើងត្រូវប្រើបេះដូងតែមួយរហូតក្នុងពេលមានជីវិត និងជាការធ្វើការយ៉ាងគ្មានពេលឈប់សម្រាក ដោយហេតុនេះឯងទើបបេះដូងមានគ្រោងសាងសាច់ដុំប្រភេទពិសេសដែលរឹងមាំខ្លាំង មានសរសៃឈាមបែកខ្នែងជាច្រើនទៅចិញ្ចឹមសាច់ដុំយ៉ាងសព្វទីកន្លែងក្នុងរាងកាយ ដើម្បីបំពេញតួនាទីយ៉ាងក្លាហានអត់ធន់នេះបាន។ ការធំធាត់របស់ “បេះដូងកូន” នៅក្នុងពោះម្តាយ 4 សប្តាហ៍… បេះដូងចាប់ផ្តើមវិវត្ត គឺជាអវយវៈមួយឈុតដំបូងដែលកូនក្អុកទារកនឹងចាប់ផ្តើមវិវត្តឡើង (ឬក្នុងអំឡុង6សប្តាហ៍ រាប់ចាប់ពីថ្ងៃដំបូងដែលបាត់វដ្តរដូវ) ដែលខណៈនោះកូនក្អុកទារកនឹងប្រកបដោយកោសិកាត្រឹមតែ150កោសិកាប៉ុណ្ណោះ តែនឹងមានការបែងថ្នាក់សាច់ភ្នាសជាលិកាចេញជា3ជាន់ គឺ ក្រៅ កណ្តាល និងក្នុង។សាច់ភ្នាសជាលិកាជាន់កណ្តាលនេះឯងដែលនឹងមានសក្តានុពលក្នុងការវិវត្តជាអវយវៈដែលមានភាពពិសេសលើផ្នែកជាប់មាំធន់ក្នុងការធ្វើការងារដែលមានដូចជា បេះដូង ក្រលៀន ប្រព័ន្ធអវយវៈបន្តពូជ ឆ្អឹង ឆ្អឹងខ្ចី សាច់ដុំ និងសរសៃវៀវ។ បន្ទាប់ពីនោះក្នុង 2សប្តាហ៍តមក បេះដូងនឹងមានការវិវត្តយ៉ាងឆាប់រហ័ស តាមគ្រោងសាងដែលកំណត់ទុករួចហើយក្នុងបែបទម្រង់រូបរាងរបស់ហ្ស៊ែន។ ទើបវាជាអំឡុងពេលដែលស្ត្រីមានគភ៌ត្រូវប្រយ័ត្នខ្លាំងបំផុតក្នុងការមើលថែទាំខ្លួនឯង … Read more

តើអ្នកម្តាយត្រូវធ្វើយ៉ាងណានៅពេលមូសខាំកូន?

July 1, 2017 by វល័ក្ខ

រដូវភ្លៀងបែបនេះ បញ្ហាដែលចាំតែរំខានចិត្តលោកឪពុកអ្នកម្តាយនោះ ប្រហែលជាគេចមិនផុតពីសត្វមូសចង្រៃដែលចាំតែខាំកូនជាទីស្រឡាញ់គ្រប់ពេលវេលានោះទេ។ មូសដែលខាំកូនៗយើង ភាគច្រើនច្រើនតែជាមូសរំខានភេទញី ដែលវាត្រូវតែប្រើឈាមក្នុងការបង្កើតស៊ុត ហើយនៅពេលវាខាំ វានឹងបញ្ចេញទឹកមាត់ចេញមក ដែលជាមូលហេតុរបស់អាការកន្ទួលរមាស់ និងប្រតិកម្មចាញ់ហ្នឹងឯង។ ស្បែករបស់កុមារតូចៗដែលនៅស្តើង នៅពេលត្រូវមូសខាំក៏ក្លាយជាកន្ទួលពណ៌ក្រហមតូចមួយ មានអាការរមាស់ ហើយបើក្មេងខ្លះដែលមានប្រតិកម្មចាញ់ទឹកមាត់មូសផងនោះ អាចឡើងកន្ទួលរឹងពណ៌ក្រហម ដែលវានឹងប្រើពេលវេលាយូរទម្រាំនឹងស្រករាបទៅវិញ។ គឺជាបញ្ហាមួយដែលធ្វើឱ្យលោកឪពុកអ្នកម្តាយពិបាកចិត្តជាខ្លាំង ថែមទាំងធ្វើឱ្យកូនតូចយំរករឿង មិនស្រួលខ្លួន និងអាចបន្សល់ទុកស្លាកស្នាមនៅលើស្បែកទៀតផង។ ការមើលថែទាំព្យាបាលនៅពេលមូសខាំកូន និងមានអាការប្រតិកម្មចាញ់មូសខាំ – នៅពេលកូនត្រូវមូសខាំ ចូរលាងសម្អាតដោយទឹកស្អាត ឬទឹកលាយសាប៊ូតិចៗនៅត្រង់កន្លែងដែលមូសខាំនោះ។ – ស្អំទឹកកក ឬជេលត្រជាក់ ដើម្បីកាត់បន្ថយអាការរមាស់។ – បើមានអាការធ្ងន់ធ្ងរខ្លាំង ចាំបាច់ត្រូវតែនាំកូនតូចទៅជួបគ្រូពេទ្យ។ – កាត់ក្រចកដៃកូនឱ្យខ្លីៗ ព្រោះកូនអាចនឹងអេះ ខ្វាច កន្លែងមូសខាំនោះរហូតក្លាយជាដំបៅ។ ការមើលថែទាំកូនតូចក្នុងរដូវភ្លៀងបែបនេះ គឺជារឿងសំខាន់ណាស់ ព្រោះក្រៅពីមូសហើយនោះ នៅមានជំងឺ និងរោគចង្រៃជាច្រើនទៀតដែលមកជាមួយទឹកភ្លៀង វិធីដែលល្អបំផុតនោះគឺ ត្រូវស្លៀកពាក់ឱ្យកូនតូចឱ្យបានជិតល្អ ហើយឱ្យនៅក្នុងទីកន្លែងដែលភ្លឺស្រឡះ ដើម្បីសុវត្ថិភាពរបស់កូនតូច៕

តើឪពុកម្តាយត្រូវធ្វើដូចម្តេច ទើបកូនមានទឹកចិត្តក្លាហាន ?

April 27, 2017 by ធឿន មករា

ឪពុកម្តាយគ្រប់រូបតែងតែ ចង់ឱ្យកូនជាទីស្រឡាញ់ក្លាយជាមនុស្ស ក្លាហានអង់អាច តែមានចិត្តស្លូតបូត កាន់ធម៌សុចរិតនៅក្នុងខ្លួន ។ អ្វីដែលធ្វើឱ្យយើងកាន់តែសប្បាយចិត្តទៅទៀតនោះ គឺពេលបានឃើញកូនរបស់យើងហ៊ាន ប្រឈមមុខ និងដោះស្រាយនូវរាល់បញ្ហាបាន និងឈានទៅរកភាពជោគជ័យបានទៀតផង។ ដូច្នេះលោកឪពុកអ្នកម្តាយទាំងអស់ គួរតែអប់រំបុត្រធីតារបស់ខ្លួនឲ្យមានភាពក្លាហាន ហើយចំណុចដែលគួរ អប់រំ និងបង្ហាត់ដល់កូននោះមានដូចជា ៖ 1 .បណ្តុះផ្នត់គំនិត ឱ្យកូនមានភាពក្លាហាន៖ យើងអាចបង្កើតនូវមោទនភាពក្នុងគ្រួសារ ដោយបង្ហាញពីជាតិសាសន៍របស់ខ្លួនថា មានភាពក្លាហានជាងគេ នោះគឺយើងបានបង្រៀនឱ្យកូនមានភាពក្លាហាន ក្នុងការធ្វើអ្វីមួយ ឬដោះស្រាយ បញ្ហាអ្វីមួយរួចស្រេចទៅហើយ ។ ការបង្រៀនកូនឱ្យយល់ដឹងពីប្រវត្ដិសាស្ដ្រនៃពូជសាសន៍បែបនេះ វា អាចជាការជំរុញឱ្យកូនកាន់តែមានទឹកចិត្ដអង់អាចក្លាហានឡើងទៀតដែរ ។ 2 .ត្រូវសរសើរកូននៅពេលណាដែលគេក្លាហានហ៊ានប្រឈមមុខ និងហ៊ានដោះស្រាយ៖ លោកឪពុកអ្នកម្ដាយ អាចបង្ហាត់បង្រៀនឱ្យកូនក្លាហានហ៊ានប្រឈមមុខនឹងបញ្ហានានាជាប្រចាំដូចជា ការឡើងនិយាយនៅចំពោះមុខសិស្សដូចគ្នានៅក្នុងថ្នាក់រៀន ចេះហ៊ានសំរេចចិត្តក្នុងការជួយសង្រ្គោះមិត្តភក្តិ ឬក៏លេងកីឡា ជាដើម ។ នៅពេលកូនរបស់លោកអ្នកក្លាហានហ៊ានធ្វើការងារទាំងនោះបាន លោកឪពុកអ្នកម្តាយត្រូវតែចេះសរសើរលើកទឹកចិត្ដ និង ផ្ដល់កម្លាំងចិត្ដដល់កូន ។ ទាំងអស់នេះ គឺជាការបង្រៀនឱ្យកូនលោកអ្នក កាន់តែមានទឹកចិត្តល្អ និងមានភាពក្លាហានឡើងផងដែរ ។ 3 .ត្រូវលើកពីបុគ្គលដែលមានភាពក្លាហានពិតៗក្នុងសង្គមប្រាប់កូន៖ នៅពេលគិតដល់អ្នកដែលមានសេចក្ដីក្លាហាន … Read more

21 រឿងដែលគួរដឹង ពាក់ព័ន្ធនឹងសុខភាពក្នុងអំឡុងពេលមានគភ៌ទាំង 9 ខែ

April 26, 2017April 26, 2017 by វល័ក្ខ

សូមចូលរួមត្រេកអរផងណា៎ សម្រាប់ស្រ្តីដែលចាប់ផ្តើមតាំងគភ៌គ្រប់គ្នា ចាប់ពីពេលនេះទៅអ្នកនឹងបានរៀនយល់ដឹងពីការរស់នៅមួយបែបទៀតដែលខុសប្លែកពីមុន។ រឿងសំខាន់ដែលអ្នកគួរតែដឹងនោះគឺ រឿងសុខភាពក្នុងអំឡុងពេល 9 ខែតពីពេលនេះទៅថា តើនឹងមានអ្វីកើតឡើងចំពោះអ្នកខ្លះ? ជាពិសេស ស្រ្តីដែលតាំងគភ៌លើកដំបូងទាំងឡាយ ដែល ឡា រ៉ែន មិនចង់ឱ្យខកខានក្នុងការអានអត្ថបទនេះឡើយ។ 1 . ក្នុងរយៈពេលរបស់ការតាំងគភ៌ ស្រ្តីមានគភ៌ 1 នាក់ក្នុងចំណោម 20 នាក់ ប្រសូតត្រូវតាមដែលលោកគ្រូពេទ្យរាប់ថ្ងៃប្រសូត តែភាគច្រើនវិញ ស្រ្តីមានគភ៌នឹងប្រសូតមុនកំណត់ប្រមាណជា 1 – 2 សប្តាហ៍មានចំនួនដល់ទៅ 1 នាក់ក្នុង 8 នាក់ ដែលនេះជារឿងប្រក្រតីទេ។ 2 . ការរាប់ពេលវេលាតាំងគភ៌របស់ស្រ្តីមានគភ៌នឹងរាប់ជាសប្តាហ៍ ដូចជា ការកំណត់ប្រសូតនឹងរាប់បន្ទាប់ពីថ្ងៃដែលអស់វដ្តរដូវ នឹងរាប់ជា 40 សប្តាហ៍ ហើយនឹងរាប់ចាប់ពីថ្ងៃចាប់បដិសន្ធិពិតៗគឺ 38 សប្តាហ៍ដែលជាកំណត់ប្រសូតរបស់ស្រ្តីមានគភ៌។ 3 . ការតាំងគភ៌ក្នុងត្រីមាសដំបូង ពោះរបស់ស្រ្តីមានគភ៌នឹងមិនសូវមើលឃើញធំប៉ុន្មានទេ តែនឹងមើលឃើញច្បាស់ថាមានគភ៌នោះ ក៏ក្នុងអំឡុងត្រីមាសទី 2។ 4 . អ្នកនឹងបានឮសំឡេងបេះដូងកូនជាលើកដំបូងប្រមាណជាក្នុងសប្តាហ៍ទី … Read more