មន្ទីរពេទ្យ - La Reine Media

នៅពេលកូនតូចឈានចូលខែទី 9

July 25, 2024September 15, 2020 by ធឿន មករា

ខែទី 9 លក្ខណៈរបស់កូនតូច កូនច្រើនតែគេងនៅពេលព្រឹក និងអំឡុងពេលរសៀល ក្នុងមួយពេលៗប្រមាណជា 1 – 2.5 ម៉ោង តែក្មេងខ្លះអាចមិនគេងនៅពេលព្រឹកក៏មាន។ ក្មេងដែលភ្ញាក់នៅពេលកណ្ដាលយប់ហើយ នឹងពិបាកគេងលក់ទៅវិញ ហើយក្មេងដែលកំពុងបៅទឹកដោះគោស្រាប់ហើយ លុះដល់វ័យនេះ មានតិចនាក់ណាស់ដែលនៅតែមឹមទឹកដោះគោនៅពេលយប់នោះ តែបើសិនជាភ្ញាក់យំរំខាននៅពេលកណ្ដាលយប់ ពេលឱ្យបៅទឹកដោះគោហើយ ក៏នឹងគេងលក់ទៅវិញយ៉ាងងាយស្រួល ដូច្នេះអ្នកម្ដាយអាចឱ្យមឹមទឹកដោះគោពេលយប់តទៅទៀតខ្លះៗក៏បាន។ ចំណែករឿងការបន្ទោបង់របស់កូនវិញនោះ នៅពេលកូនបានទទួលអាហារបន្ថែមច្រើនឡើង លាមកនឹងមានក្លិនកាន់តែស្អុយឡើង ឯពណ៌ក៏ប្រែប្រួលដែរ។ កូននឹងជុះមួយថ្ងៃ 1 – 2ដង ឬ2ថ្ងៃមួយដង សម្រាប់នោមវិញ នៅតែនោមប្រមាណមួយថ្ងៃ 10 ដងដដែល។ ចំនួនដងដែលនោមនៅពេលកណ្ដាលយប់នឹងខុសប្លែកពីគ្នា ក្មេងដែលញ៉ាំតិច នឹងនោមតិចដែរ ក្មេងខ្លះថែមទាំងមិននោមផងរហូតដល់ព្រឹក។ ក្មេងដែលញ៉ាំទឹកដោះគោ 1ដបមុនគេង ច្រើនតែនោមនៅពេលកណ្ដាលយប់ប្រហែល 1 – 2ដង និងក្មេងណាដែលគេងសើមខ្លួន នឹងភ្ញាក់ឡើងយំរំខាន តែពេលផ្លាស់ខោអាវ ឬកន្ទបឱ្យហើយ ក៏នៅតែមិនព្រមគេងលក់ទៅវិញនោះ អ្នកម្ដាយអាចបង្ខិតពេលឱ្យបៅទឹកដោះគោឱ្យឆាប់ជាងមុនបន្តិចក៏បាន និងមុនពេលដែលអ្នកម្ដាយចូលគេង គួរចាប់លើកកូនមកឱ្យនោមចេញបានម្ដង ក៏ជួយកាត់បន្ថយការភ្ញាក់យំរំខាននៅពេលកណ្ដាលយប់បានដែរ។ ល្មមឱ្យឈប់បៀបបាយបានហើយ កាលពីអាយុមិនលើស 8ខែ … Read more

Covid-19៖ មនុស្ស4នាក់ដែលត្រូវដាក់ឱ្យនៅដាច់ដោយឡែកក្នុងមន្ទីរពេទ្យខេត្តសៀមរាប មិនទាន់មានរោគសញ្ញាអ្វីឡើយ

March 6, 2020 by សឿន សំណាង

រដ្ឋលេខាធិការ និងជាអ្នកនាំពាក្យក្រសួងសុខាភិបាល លោកជំទាវវេជ្ជបណ្ឌិត ឱ វណ្ណឌីន បានថ្លែងប្រាប់អ្នកសារព័ត៌មាននៅឯមន្ទីរពេទ្យបង្អែកខេត្តសៀមរាបថា មនុស្សទាំង4នាក់ (ស្រី2នាក់ ប្រុស2នាក់) ដែលត្រូវបានដាក់នៅក្នុងបន្ទប់ដាច់ដោយឡែក នៅក្នុងមន្ទីរពេទ្យបង្អែកខេត្តសៀមរាបនេះ នៅមានសុខភាពល្អធម្មតា និងមិនទាន់មានរោគសញ្ញាអ្វីគួរឱ្យចាប់អារម្មណ៍នោះទេ គិតត្រឹមវេលាថ្ងៃត្រង់ ថ្ងៃទី6មីនានេះ។ មនុស្សទាំង4នាក់ខាងលើ ក៏បានប្រាប់អ្នកតំណាងក្រសួងសុខាភិបាលដែរថា នៅកន្លែងធ្វើការរបស់ជនជាតិជប៉ុនម្នាក់ដែលពួកគេធ្វើការជាមួយនោះ បានអនុវត្តវិធានការការពារសុខភាពបានល្អណាស់។ ពួកគេបាននិយាយថា ជនជាតិជប៉ុនម្នាក់នោះ តែងឱ្យពួកគេឈរចម្ងាយ1ម៉ែត្រពីគាត់ នៅពេលនិយាយគ្នា បន្ទាប់ពីគាត់ដឹងថា ខ្លួនគាត់មិនសូវស្រួលខ្លួន។ នេះបើតាមសារព័ត៌មាន AKP។ ជនជាតិជប៉ុនម្នាក់ខាងលើនេះ ធ្លាប់បានធ្វើដំណើរទៅកាន់ប្រទេសជាច្រើនក្នុងតំបន់អាស៊ីអាគ្នេយ៍ មុននឹងបានត្រឡប់មកកាន់កម្ពុជា រួចចាកចេញពីខេត្តសៀមរាបទៅកាន់ប្រទេសជប៉ុន។ គិតមកដល់ពេលនេះ រោគរាតត្បាត Covid-19 បានរាលដាលដល់ប្រទេសជាច្រើនក្នុងពិភពលោក ក្នុងនោះ មានប្រទេសមួយចំនួនដែលរងផលប៉ះពាល់ច្រើនជាងគេក្រៅពីប្រទេសចិន ដូចជា ប្រទេសកូរ៉េខាងត្បូង (មានអ្នកជំងឺ 6,593នាក់) ប្រទេសអីតាលី (មានអ្នកជំងឺ 3,858នាក់) ប្រទេសអ៊ីរ៉ង់ (មានអ្នកជំងឺ 3,513នាក់) រួមនឹងប្រទេសជាច្រើនផ្សេងទៀត៕ ប្រភព៖ សារព័ត៌មានបរទេស

ក្រសួងនឹងរកអគារមួយសម្រាប់ដាក់មនុស្សទាំង40នាក់ដែលសង្ស័យថាបានឆ្លង Covid-19 ដោយប្រយោលពីជនជាតិជប៉ុនម្នាក់នៅខេត្តសៀមរាប

March 6, 2020March 6, 2020 by សឿន សំណាង

មួយផ្នែកនៃមន្ទីរពេទ្យបង្អែកខេត្តសៀមរាប បានក្លាយកន្លែងសម្រាប់ដាក់មនុស្សចំនួន4នាក់ ដែលកំពុងត្រូវបានសង្ស័យថាបានឆ្លងមេរោគកូរ៉ូណា Covid-19 ដោយផ្ទាល់ពីជនជាតិជប៉ុនម្នាក់ដែលត្រូវបានអាជ្ញាធរជប៉ុនរកឃើញថាមានផ្ទុកមេរោគកូរ៉ូណា។ មកដល់ពេលនេះ ក្រសួងសុខាភិបាល បានបង្កើតទីតាំងមួយសម្រាប់ដាក់មនុស្សទាំង4នាក់ខាងលើនេះហើយ ដោយយកបន្ទប់ធំមួយនៅក្នុងមន្ទីរពេទ្យបង្អែកខេត្តសៀមរាបធ្វើជាកន្លែងព្យាបាលដាច់ដោយឡែក ឬហៅថា ចត្តាឡីស័ក។ ចំណែកមនុស្សចំនួន40នាក់ដែលធ្លាប់បានប៉ះពាល់ដោយប្រយោលជាមួយនឹងអ្នកជំងឺជនជាតិជប៉ុននោះ ក្រសួងក៏នឹងរៀបចំអគារមួយសម្រាប់តាមដានសុខភាពរបស់ពួកគេផងដែរ។ រដ្ឋលេខាធិការ និងជាអ្នកនាំពាក្យក្រសួងសុខាភិបាល លោកស្រី ឱ វ៉ាន់ឌីន គឺជាអ្នកចាត់ចែងកិច្ចការខាងលើនេះ។ សូមបញ្ជាក់ថា មូលហេតុដែលនាំឱ្យមានវិធានការខាងលើ គឺកើតឡើងបន្ទាប់ពីជនជាតិជប៉ុនម្នាក់នៅខេត្តសៀមរាប ត្រូវបានអាជ្ញាធរជប៉ុនពិនិត្យឃើញថាមានផ្ទុកមេរោគ Covid-19 ក្រោយពីបុរសម្នាក់នេះ បានធ្វើដំណើរតាមជើងហោះហើរមួយរបស់ក្រុមហ៊ុនអាកាសចរណ៍វៀតណាម ចេញចំណើរពីខេត្តសៀមរាប ឆ្ពោះទៅកាន់ប្រទេសជប៉ុន ដោយបានចុះចត និងប្ដូរយន្តហោះក្នុងប្រទេសវៀតណាម ហើយបានបន្តដើម្បីទៅកាន់ប្រទេសជប៉ុន។ ជនជាតិជប៉ុនម្នាក់ខាងលើនេះ ធ្លាប់បានធ្វើដំណើរទៅកាន់ប្រទេសជាច្រើនក្នុងតំបន់អាស៊ីអាគ្នេយ៍ មុននឹងត្រឡប់មកកាន់កម្ពុជា និងចាកចេញពីខេត្តសៀមរាបទៅកាន់ប្រទេសជប៉ុន៕

មន្ទីរពេទ្យឯកជនរបស់ជនជាតិចិនមួយ នៅខេត្តព្រះសីហនុ ត្រូវបានបិទដោយសារគ្មានច្បាប់អនុញ្ញាត និងពាក់ព័ន្ធបញ្ហាវីរុស…

February 19, 2020 by សឿន សំណាង

មន្ទីរពេទ្យរបស់ជនជាតិចិនមួយ ដែលមានឈ្មោះថា “ថៃ ខាង” ត្រូវបានអាជ្ញាធរខេត្តព្រះសីហនុ សម្រេចបិទមិនឱ្យដំណើរការ បន្ទាប់ពីរកឃើញថា មន្ទីរពេទ្យនេះ បានធ្វើឱ្យមានកំហុសច្រើន ដូចជា ការបំភ្លៃព័ត៌មានទាក់ទិននឹងវីរុសកូរ៉ូណា ការបើកដំណើរការមន្ទីរពេទ្យដោយគ្មានច្បាប់អនុញ្ញាត។ល។ ឯកឧត្តម គួច ចំរើន អភិបាលខេត្តព្រះសីហនុ បានប្រាប់បណ្តាញព័ត៌មាន កាលពីព្រឹកមិញ (ថ្ងៃទី19 ខែកុម្ភៈ) នេះថា បន្ទាប់ពីបានរកឃើញថា មន្ទីរពេទ្យ “ថៃ ខាង” នេះ គ្មានលិខិតអនុញ្ញាតពីក្រសួងសុខាភិបាល និងបានបំភ្លៃព័ត៌មានពាក់ព័ន្ធនឹងអាសន្នរោគកូរ៉ូណា (COVID-19) ដែលនាំឲ្យមានការជ័យភិតក្នុងសង្គម អាជ្ញាធរខេត្តព្រះសីហនុ ក៏សម្រេចចិត្តបិទមន្ទីរពេទ្យនេះ មិនឱ្យដំណើរការ ចាប់ពីថ្ងៃទី18 ខែកុម្ភៈ ឆ្នាំ2020នេះតទៅ។ កាលពីថ្ងៃទី9កុម្ភៈ ឆ្នាំ2020 ជនជាតិចិនម្នាក់ ឈ្មោះ Su YongYun បានទៅទទួលការពិនិត្យព្យាបាល នៅមន្ទីរពេទ្យ “ថៃ ខាង” ដែលមានទីតាំងស្ថិតនៅក្នុងភូមិ3 សង្កាត់លេខ4 ក្រុងព្រះសីហនុ។ បន្ទាប់ពីបានពិនិត្យ ក្រុមគ្រូពេទ្យប្រាប់ថា អ្នកជំងឺនេះ មានផ្ទុកមេរោគកូរ៉ូណា ខណៈដែលអ្នកជំងឺមិនមានអាការណាមួយបង្ហាញថា ជារោគសញ្ញានៃជំងឺនេះទាល់តែសោះ។ … Read more

មន្ទីរពេទ្យដំបូងសម្រាប់អ្នកជំងឺ Corona នៅ Wuhan ត្រៀមដាក់ឱ្យដំណើរការ

February 2, 2020 by សឿន សំណាង

អាជ្ញាធរក្រុង Wuhan ប្រគល់ “មន្ទីរពេទ្យប្រឆាំង Corona” ដំបូងទៅឱ្យពេទ្យយោធានៅថ្ងៃនេះ ដើម្បីរួមចំណែកទប់ទល់អាសន្នរោគរលាកសួតថ្មីនេះ។ គ្រូពេទ្យយោធាចិនចំនួន 1,400នាក់នឹងចូលមកគ្រប់គ្រងមន្ទីរពេទ្យ Huoshenshan ដែលមានដាក់គ្រែចំនួន 1,000ចាប់ដំណើរការពីថ្ងៃទី 3កុម្ភៈខាងមុខ។ មន្ទីរពេទ្យនេះ បានចាប់ផ្ដើមសាងសង់តាំងពីថ្ងៃទី 25មករា ដើម្បីជួយដោះស្រាយបញ្ហាខ្វះមន្ទីរពេទ្យនៅក្រុង Wuhan ដែលជាសម្បុកមេរោគរលាកសួតថ្មី Corona។ មន្ទីរពេទ្យទីពីរមានឈ្មោះថា Leishenshan មានគ្រែចំនួនប្រហែល 1,600 ក៏គ្រោងនឹងបើកដំណើរការនៅក្នុងថ្ងៃទី 5កុម្ភៈខាងមុខ។ ទន្ទឹមនិងនេះក៏មានមន្ទីរពេទ្យមួយផ្សេងទៀតដែលអាចដាក់បាន 600គ្រែ កំពុងត្រូវសាងសង់នៅក្រុង Ezhou នៃខេត្ត Hubei នេះផងដែរ។ អាសន្នរោគរលាកសួតដែលបង្កឡើងដោយវីរូស nCoV (Corona) បានចាប់ផ្ដើមឆ្លងរាតត្បាតពីទីក្រុង Wuhan និងកំពុងរាលដាលទូទាំងពិភពលោក។ មេរោគនេះ បានសម្លាប់មនុស្សយ៉ាងតិច 305នាក់ និង 14,628នាក់ផ្សេងទៀតកំពុងមានផ្ទុកមេរោគនេះ នៅទូទាំងពិភពលោក៕ ប្រភព៖ សារព័ត៌មានបរទេស