Tag: ព្រាប សុវត្ថិ

ពិតជាកក្រើកវិស័យអចលនទ្រព្យនៅក្នុងប្រទេសកម្ពុជា បន្ទាប់ពីកំពូលតារាចម្រៀងល្បីល្បាញនៅក្នុងប្រទេសកម្ពុជា លោក ព្រាប សុវត្ថិ ស្រាប់តែបានប្រកាសចាប់ដៃជាមួយឧកញ៉ាវ័យក្មេង លោក ឡេង ណាវ៉ាតត្រា ដែលត្រូវគេស្គាល់ថា ជាអ្នកជំនួញវ័យក្មេង ដែលជោគជ័យលើវិស័យអចលនទ្រព្យទាំងលើជំនួញពុះដីឡូតិ៍លក់ និងសង់បុរីនោះ។ អ្នកទាំងពីរបានប្រកាសដាក់ទុនរួមគ្នាជាង5លានដុល្លារ ធ្វើជំនួញពុះដីលក់លើទំហំ​ដីជាង13ហិកតានៅម្ដុំផ្សារព្រៃទទឹង លើផ្លូវជាតិលេខ3 ។

ដើម្បីផ្ដល់ទំនុកចិត្តដល់អតិថិជនដែលជាអ្នកគាំទ្ររបស់លោកផ្ទាល់ និងជៀសវាងការបោកបញ្ឆោតពីជនខិលខូចបានយករូបថតរបស់លោកទៅចុះផ្សព្វផ្សាយដោយពុំមានការអនុញាត្តិ ទាំងដែលមិនមែនជាគម្រោងរបស់លោកនោះ កំពូលតារាចម្រៀងរូបនេះ បានសរសេរបញ្ជាក់នៅលើហ្វេសប៊ុករបស់លោកថា « ជំរាបសួរអ៊ុំប្រុសអ៊ុំស្រីពូមីង នឹងបងប្អូនយុវ័យទាំងអស់ ខ្ញុំបាទ ព្រាប សុវត្ថិ សូមថ្លែងអំណរ អរគុណយ៉ាងជ្រាវជ្រៅ ដែលបានគាំទ្រនឹងស្រលាញ់ខ្ញុំបាទកន្លងមកនៅក្នុងវិស័យសិល្បៈ ដោយនាពេលថ្មីៗនេះខ្ញុំបាទបានបង្កើតវិស័យអចលនទ្រព្យ ដើម្បីជាតម្រូវការនៃការស្រលាញ់ និងមានទំនុកទុកចិត្ត។

សូមជំរាបថា៖ គម្រោងខ្ញុំបាទមុនៗ បានលក់ដាច់អស់ហើយ​ ។ ដើម្បីឱ្យកាន់តែមានភាពជឿជាក់ និងទទួលបានព័ត៍មានកាន់តែច្បាស់លាស់ ហើយមិនយល់ច្រទ្បំនោះ ​ព្រោះថាមានបណ្តាញសង្គម (Pages) មួយចំនួននៅក្នុង Facebook និងបណ្តាព័ត៍មានមួយចំនួន ដែលបានយករូបថតនឹងសកម្មភាពរបស់ខ្ញុំបាទ ទៅចុះផ្សព្វផ្សាយដោយពុំមានការអនុញាត្តិ! ដែលមិនមែនជាគម្រោង របស់ខ្ញុំ ។ (សូមប្រុងប្រយ័ត្ន)
សូមបញ្ជាក់ម្តងទៀតថាៈ Page ដែល Post លក់បោកបញ្ឆោតតាមរយៈយករូបភាពនានា! ក្រុមការងាររបស់ខ្ញុកំពុងស្រាវជ្រាវនឹងរៀបចំឯកសារតាមនិតិវិធី ច្បាប់ ។ ថ្មីៗនេះ ខ្ញុំបាទកំពុងរៀបចំគម្រោងល្អៗ ពិសេសនោះគឺ ​គម្រោង (ព្រាប ​សុវត្ថិ នឹងទ្បេង ណាវ៉ាត្រា) ដែលជាទីតាំង ដ៏ល្អសម្រាប់ការជ្រើសរើសរបស់អតិថិជនរបស់យើង ដែលប្រកបទៅដោយភាពជឿជាក់។ (ប្រសិនបើគ្មានទីតាំងណាល្អ ដាច់ខាតខ្ញុំមិនជ្រើសរើសសម្រាប់អតិថិជនខ្ញុំឡើយ) »៕

នៅពេលថ្មីៗនេះ កំពូលតារាចម្រៀងប្រុសលោក ព្រាប សុវត្ថិ ក្រៅពីការងារសិល្បៈថ្មីៗនេះ លោកក៏បានចាប់អាជីពជាអ្នកជំនួយអចលទ្រព្យម្នាក់ផងដែរ ដោយបោះទុនជាមួយនឹងលោក ឡេង ណាវ៉ាត្រា ក្នុងការចាប់ដៃរកស៊ីជាមួយគ្នា។ ជាមួយគ្នានោះដែរ ស្រាប់តែមួយរយៈពេលខ្លីនេះ គេមើលឃើញ កូនប្រុសពីរនាក់ក្នុងចំណោមកូនទាំងបីរបស់លោក ព្រាប សុវត្ថិ បានប្តូរក៏ដូចជាទិញរថយន្តទំនើបម្នាក់មួយៗ ដែលមានតម្លៃខ្ទង់សែនដុល្លារ ខណៈរឿងនេះក្លាយជាការចាប់អារម្មណ៍មួយ ចំពោះទស្សនិកជន។

ក្នុងនោះផងដែរ មិនបង្អង់យូរ បន្ទាប់ពីកូនបញ្ចេញរថយន្តទំនើបម្នាក់មួយ លោក ព្រាប សុវត្ថិ ក៏ទិញកាដូមួយភ្លែត ជូនម្តាយបង្កើត ដែលជារថយន្តម៉ាក Ford ដ៏ស្រស់ស្អាត ដែលរឿងនេះ សឹងតែធ្វើឱ្យទស្សនិកជនគ្រប់រូប លាន់មាត់ថា វាជារឿងធម្មតាទៅហើយ សម្រាប់គ្រួសារលោក ព្រាប សុវត្ថិ ព្រោះបើតាមគេដឹង គ្រួសារនេះមានលុយសឹងតែដេកចាយទៅហើយ។

ដោយផ្អែកទៅលើគណនីហ្វេសប៊ុក គេមើលឃើញថា គ្រួសារលោក ព្រាប សុវត្ថិ បាន ចំណាយលុយរាប់ម៉ឺនដុល្លារក្នុងការទិញរថយន្ត ដោយក្នុងនោះ សុវត្ថិ មុន្នីវណ្ណ ទើបផ្លាស់ប្តូររថយន្តសេរ៊ីថ្មី ម៉ាក Mercedes-Benz C63 AMG ដែលមានតម្លៃជាង10ម៉ឺនដុល្លារ និងលោក សុវត្ថិ សិរីវុឌ្ឍឈរក្បែររថយន្តទំនើបថ្មីសន្លាង ដោយសរសេរថា «Hey hey My lovely car» ខណៈការបង្ហោះនូវរថយន្តទំនើបមួយគ្រឿងម៉ាក Mazda នេះគឺត្រូវបានគេដឹងថាមានតម្លៃរាប់ម៉ឺនដុល្លារឯណោះ៕

បន្ទាប់ពីមានភាពគគ្រឹកគគ្រេងខាងការវិនិយោគលើវិស័យអចលនទ្រព្យ(ពុះដីឡូត៍លក់) ខណៈនេះលោក ព្រាប សុវត្ថិ ក៏បានប្រកាសចាប់ដៃជាមួយលោកឧកញ៉ាវ័យក្មេង ឡេង ណាវ៉ាត្រា ដែលត្រូវគេស្គាល់ថា ជាអ្នកជំនួញវ័យក្មេងដែលជោគជ័យលើវិស័យអចលនទ្រព្យទាំងលើជំនួញពុះដីឡូត៍លក់ និងសាងសង់បុរី ដោយការដាក់ទុនរួមគ្នាជាង 5លានដុល្លារធ្វើជំនួញពុះដីឡូត៍លក់លើទំហំដីជាង 13ហិកតានៅម្ដុំផ្សារព្រៃទទឹង លើផ្លូវជាតិលេខ3។

លោក ព្រាប សុវត្ថិ បានថ្លែងនៅក្នុងសន្និសីទកាសែតកាលពីរសៀលថ្ងៃទី21 កក្កដា កន្លងទៅថ្មីៗនេះថា ដើម្បីអបអរមុខជំនួញរួមគ្នារបស់លោក ជាមួយលោកឧកញ៉ា ឡេង ណាវ៉ាត្រា លោកនិងដៃគូភាគហ៊ុនបានសម្រេចថែមជូនម៉ូតូមួយគ្រឿងតែម្ដងចំពោះអតិថិជនណាដែលបានទិញដីចំនួន 1ឡូត៍ក្នុងគម្រោងរបស់លោកនៅផ្សារព្រៃទទឹង លើផ្លូវជាតិលេខ3 នេះ ខណៈដែលដីឡូត៍ក្នុងគម្រោងនេះបានប្រកាសលក់តែក្នុងតម្លៃចាប់ពី 3,900ដុល្លារប៉ុណ្ណោះក្នុងមួយឡូត៍ ទាបជាងគម្រោងផ្សេងៗទៀតដែលនៅក្នុងតំបន់ជុំវិញនោះ។ ទាំងអស់នេះ គឺដើម្បីផ្ដល់លទ្ធភាពឱ្យអតិថិជនមានឱកាសបានទិញដីឡូត៍របស់លោក និងលោក ឡេង ណាវ៉ាត្រា ដែលទើបប្រកាសចាប់ដៃគ្នានេះ។ លោកបានបន្ដថា ការថែមជូននេះនឹងមានកំណត់រយៈពេល15ថ្ងៃ គិតចាប់តាំងពីថ្ងៃប្រកាសនេះតទៅ ដោយលោកបានបញ្ជាក់យ៉ាងខ្លីថា ទោះជាក្នុងរយៈពេលនេះដីឡូត៍ក្នុងគម្រោងរបស់លោកទាំងមូលត្រូវបានអតិថិជនទិញអស់រហូតដល់ទៅជាងមួយពាន់ឡូត៍ហើយក៏ដោយ ក៏លោក និងដៃគូភាគហ៊ុនបានសម្រេចចិត្តដាច់ខាតលើការបន្ថែមម៉ូតូមួយគ្រឿងជូនដល់អតិថិជនគ្រប់ៗគ្នា មិនឱ្យខ្វះម្នាក់ណាឡើយ ដើម្បីទុកជាចំណងដៃរបស់លោក ព្រាប សុវត្ថិ និងលោក ឡេង ណាវ៉ាត្រា ដែលបានចាប់ដៃធ្វើជំនួញរួមគ្នាក្នុងគ្រានេះ។

គួរបញ្ជាក់ផងដែរថា ក្រៅពីការប្រកាសជូនម៉ូតូមួយគ្រឿងជាកាដូសម្រាប់ការបើកគម្រោងបណ្ដាក់ទុនរួមគ្នានេះហើយ  លោកព្រាប សុត្ថិ នៅបានបញ្ជាក់បន្ថែមទៀតថា មូលហេតុដែលលោកសម្រេចចិត្តបោះទុនរួមគ្នាជាមួយលោកឧកញ៉ា ឡេង ណាវ៉ាត្រា រហូតដល់ជាង 5លានដុល្លារលើគម្រោងវិនិយោគអចលនទ្រព្យនៅផ្សារព្រៃទទឹងនោះ គឺដោយសារតែលោក ឡេង ណាវ៉ាត្រា ជាបុគ្គលមានការតស៊ូគួរឱ្យសរសើរ ជាបុគ្គលជោគជ័យ និងជាបុគ្គលដែលបានទទួលនូវការគោរពជាច្រើនពីសំណាក់មហាជនក្នុងនាមអ្នកជំនួញមានគុណធម៌ និងមានទឹកចិត្តសប្បុរសតាមរយៈកិច្ចការបរិច្ចាគរាប់មិនអស់។ ក្នុងនោះលោកក៏ចង់ជោគជ័យក្នុងជំនួញដីធ្លីឱ្យខ្លាំងដូចគ្នានឹងលោកឡេង ណាវ៉ាត្រា ផងដែរ ទើបលោកប្រើពេលសិក្សាពីការចាប់ដៃ និងបានស្វែងរកដីធ្លីយ៉ាងលំបាក ទម្រាំរកបានដីមួយប្លង់ធំទំហំជាង 13ហិកតានៅទីប្រជុំជនផ្សារព្រៃទទឹង លើផ្លូវជាតិលេខ3 ដែលមានចម្ងាយប្រមាណជា11គីឡូម៉ែត្រពីរង្វង់មូលចោមចៅនេះ។

ជាចុងក្រោយលោកបានបញ្ជាក់ម្ដងទៀតថា ដីដែលបានប្រើទុនរួមគ្នា និងជាគម្រោងបើកឆាកជាមួយលោកឡេង ណាវ៉ាត្រា នេះគឺស្ថិតនៅចំទីតាំងល្អនៅក្នុងទីប្រជុំជនដែលមានតម្លៃសមរម្យអាចទទួលយកបាន។ ការចាប់ដៃគូវិនិយោគលើវិស័យអចលនទ្រព្យយ៉ាងបើកចំហនេះ ត្រូវបានគេរំពឹងទុកថា អ្នកគាំទ្រកំពូលតារាចម្រៀង ព្រាប សុវត្ថិ នឹងមានការចាប់អារម្មណ៍ចំពោះដីឡូត៍ពុះលក់របស់លោកដែលស្ថិតក្នុងទីតាំងល្អ មានតម្លៃត្រឹមតែ 3,900ដុល្លារ និងថែមទាំងផ្ដល់ម៉ូតូជូនមួយគ្រឿងទៀតផង៕

ដូចដែលប្រិយមិត្តជាច្រើនបានដឹងហើយថា បន្ទាប់ពីកូនប្រុសរបស់កំពូលតារាចម្រៀងលោក ព្រាប សុវត្ថិ បានឈានជើងចូលជ្រកទ្រនំហង្សមាសជាមួយឪពុកមិនទាន់បានប៉ុន្មានផង មួយរយៈចុងក្រោយនេះ គេកត់សម្គាល់ឃើញថា ប្រជាប្រិយភាពរបស់ពួកគេកាន់តែល្បី និងមានអ្នកស្គាល់ពួកគេកាន់តែច្រើនឡើងហើយ។​ ដោយឡែកថ្មីៗនេះ ក៏​ស្រា​ប់​តែ​លេចធ្លា​យ​ត​ម្លៃ​ខ្លួ​ន​ឡើ​ង​ឆា​ករបស់​តា​រា​ចម្រៀ​ង​វ័​យ​ក្មេ​ង​ដែលជាកូ​នប្រុសរបស់​លោ​ក​ ព្រាប​ ​សុ​វ​ត្ថិ​ ​ដោ​យ​មួ​យ​ក​ម្ម​វិ​ធី​ត​ម្លៃ​ខ្លួ​ន​ឡើ​ងខ្ពស់​ជិ​ត​ស្មើនឹងតម្លៃខ្លួនរបស់ឪពុកដែរ។​​​

ជាក់ស្តែងកូនប្រុសទាំងពីររបស់លោក ព្រាប សុវត្ថិ សព្វថ្ងៃនេះកំពុងមានភាពមមាញឹកយ៉ាងខ្លាំងក្នុងវិស័យសិល្បៈ ដោយបានចេញច្រៀងនៅលើឆាកប្រគំតន្រ្តីធំៗ តាមបណ្តាខេត្តស្ទើរតែរៀងរាល់ថ្ងៃ។ ហើយអ្វីដែលធ្វើឱ្យគេចាប់អារម្មណ៍កាន់ខ្លាំងនោះ គឺតម្លៃខ្លួនកូនប្រុសរបស់លោក ព្រាប សុវត្ថិ ពិតជាមិនធម្មតាឡើយ ពោលគឺស៊ីថ្លៃមិនចាញ់តារាប្រុស-ស្រីល្បីៗនានាប្រចាំផលិតកម្មរស្មីហង្សមាសប៉ុន្មានឡើយ។

បើតាមប្រភពអ្នករៀបចំកម្មវិធីដែលសុំមិនបញ្ចេញឈ្មោះ បានទម្លាយឱ្យដឹងថា រាល់ពេលឡើងឆាកតន្រ្តីម្តងៗ កូនប្រុសទាំង2 គឺ សុវត្ថិ មុនីវណ្ណ និងសុវត្ថិ មុនីនាគ ត្រូវបានលោក ព្រាប សុវត្ថិ ជាឪពុកទារតម្លៃខ្លួនពីម្ចាស់កម្មវិធី ដល់ទៅជិត 4 ពាន់ដុល្លារអាមេរិកឯណោះ ដោយមិនរាប់បញ្ចូលទាំងកូនពៅរបស់លោកម្នាក់ទៀតនោះផង។  ប្រភពដដែលនោះក៏បានបង្ហើបឱ្យដឹងបន្ថែមទៀតដែរថា ប្រសិនបើមានការអញ្ជើញតែកូនប្រុសម្នាក់ដូចជា សុវត្ថិ មុនីវណ្ណ ឬក៏សុវត្ថិ មុនីនាគ ហើយឱ្យមានការសម្រួលតម្លៃខ្លួននោះ ក៏មិនបានដែរ ដាច់ខាតត្រូវតែអញ្ជើញទាំងពីរនាក់បងប្អូន ដែលមានការកំណត់កញ្ចប់តម្លៃដូចពោលខាងលើ(អ៊ឺហ៊ឺ!)។

សូមជម្រាបឱ្យដឹងថា នេះគឺជាតម្លៃខ្លួនដ៏ខ្ពស់មួយ ដែលមានតែតារាល្បីៗប្រឡូកសិល្បៈយូរឆ្នាំប៉ុណ្ណោះ ទើបអាចទទួលបានតម្លៃខ្លួនក្នុងចំនួននេះបាន ក៏ប៉ុន្តែកូនប្រុសរបស់លោក ព្រាប សុវត្ថិ ទើបតែចូលខ្លួនបានប៉ុន្មានខែប៉ុណ្ណោះក៏មានតម្លៃខ្លួនខ្ពស់បែបនេះទៅហើយ៕

មិនចង់និយាយទេ តែបើនិយាយហើយ គឺទប់ចិត្តមិនបានតែម្ដង ព្រោះស្របពេលដែលកំពូលតារាចម្រៀងដ៏ល្បីល្បាញមួយដួង គឺលោកព្រាប សុវត្ថិ កំពូលតារាចម្រៀងបុរស ប្រចាំផលិតកម្មរស្មីហង្សមាស ដែលមានឈ្មោះល្បីល្បាញអស់រយៈពេល 20ឆ្នាំជាងមកហើយនោះ ងាកមកចាប់ដៃគូចម្រៀងជាមួយនឹងនាងមាស សុខសោភា ជាកំពូលតារាចម្រៀងប្រចាំផលិតកម្មថោន នៅក្នុងកម្មវិធីរៀបអាពាហ៍ពិពាហ៍មួយ។ អូហូ!!!! ពិតជាស័ក្ដិសមគ្នាឥតខ្ចោះតែម្ដង ទាំងបច្ចេកទេសការប្រើសំឡេងច្រៀង ការផ្ដោះផ្ដង កាយវិការស៊ីចង្វាក់គ្នា។ និយាយទៅ មិនឱ្យសរសើរ គឺមិនបានតែម្ដង(ហាស ហាស ហា!)។

ជាការពិតណាស់ប្រិយមិត្តរបស់សារព័ត៌មាន ឡារ៉ែន ជាទីគោរព! កំពូលតារាចម្រៀងទាំងពីរដួងពិតជាកម្រនឹងមានឱកាសសម្ដែង ឬបកស្រាយបទចម្រៀងរួមគ្នាជូនទស្សនិកជនបានទស្សនាណាស់ មិនថាតាមប៉ុស្តិ៍ទូរទស្សន៍ ឬក្នុងកម្មវិធីប្រគំតន្ត្រីធំៗ ឬសូម្បីតែកម្មវិធីប្រពៃណីក្នុងពិធីបុណ្យជាតិធំៗក៏ដោយ នោះក៏ព្រោះតែអ្នកទាំងពីរជ្រកក្រោមផលិតកម្មខុសគ្នា ដែលសុទ្ធសឹងតែជាផលិតកម្មធំនៅកម្ពុជា ទើបធ្វើឱ្យអ្នកទាំងពីរមមាញឹកនឹងការងាររៀងៗខ្លួន។ តែដោយឡែក ម្ចាស់កម្មវិធីអាពាហ៍ពិពាហ៍មួយនេះ បានអញ្ចើញឱ្យអ្នកទាំងពីរមកប៉ះគ្នានៅលើឆាក ដែលជាការទន្ទឹងរង់ចាំជាយូរមកហើយរបស់មហាជនអ្នកគាំទ្រ ធ្វើឱ្យការបញ្ចេញសមត្ថភាពច្រៀងរបស់អ្នកទាំងពីរ ក្លាយជាវេទិកាមួយអង្រួនដួងចិត្តយ៉ាងញាប់ញ័រ ព្រឺសម្បុរទៅតាមបទចម្រៀង ដែលមានចំណងជើងថា «ភ័ព្វសំណាង» ខណៈច្រៀងរួមគ្នា។

ពិតជាមិនធម្មតាមែន ហើយកាន់តែអស្ចារ្យខ្លាំងណាស់ ធ្វើឱ្យអ្នកគាំទ្រភ្ញាក់ផ្អើលស្ងើចសរសើរមិនដាច់ពីមាត់ចំពោះសំឡេងដ៏ក្រអួនក្រអៅរបស់អ្នកទាំងពីរដែលបានលើកយកចម្រៀងមរតកដើមមួយបទនេះមកច្រៀងរួមគ្នាលើឆាកតន្រ្តីអាពាហ៍ពិពាហ៍ ដោយសារមានការសំណូមពរពីកូនកំលោះក្រមុំ ឱ្យបង្ហើរទឹកដមសំនៀងរបស់កំពូលតារាចម្រៀងទាំងពីរដ៏សែនពីរោះ និងលន្លង់លន្លោច។ គួរជម្រាបផងដែរ ការចាប់ដៃគូរវាងកំពូលតារាចម្រៀងទាំងពីរនេះ ក៏បានធ្វើឱ្យកើតការសង្ស័យពីអ្នកគាំទ្រដែរថា តិចលោអ្នកនាង មាស សុខសោភា ទៅជួបគ្នាជាមួយលោក ព្រាប សុវត្ថិ ក្នុងពេលឆាប់ៗនេះទេដឹង? ឬមួយនេះជាការបើកទំព័រថ្មីក្នុងទ្រនំរួមគ្នាទេដឹង?។

នេះអាចជាតម្រុយមួយក៏ថាបានដែរ ព្រោះថា កន្លងមក សុខសោភាយើងក៏ធ្លាប់លេចឮព័ត៌មានថា នឹងចូលហង្សមាសជាច្រើនដងណាស់មកហើយ បើទោះនាងខំបដិសេធយ៉ាងណាក៏ដោយ។

ដើម្បីឱ្យកាន់តែជ្រាបច្បាស់បន្ថែមទៀត សូមទស្សនាវីដេអូខាងក្រោម៖

ថ្មីៗនេះ តាមរយៈបណ្ដាញទំនាក់ទំនងសង្កមហ្វេសប៊ុករបស់កំពូលតារាចម្រៀង ព្រាប សុវត្ថិ បានបង្ហោះវីដេអូស្ដែងពីសកម្មភាពក្រៅឆាកនៃការថតវីដេអូចម្រៀង « មាន់ស្រែបន្លែស្រស់ »​ កំពុងតែទាក់ទាញក្រសែភ្នែកមហាជនខ្លាំងមែនទែន ជាឈុតពិសេសឈុតមួយដែលកំពូលតារាចម្រៀងបន្លំថើបកញ្ញា ប៉ាច គីមមួយ។

បទចម្រៀងថ្មីនេះ ក៏មានការតុងតែងខ្លួនបែបសម័យបារាំង ធ្វើឱ្យមហាជនលោកចាប់អារម្មណ៍ខ្លាំងបំផុត និងជាពិសេសមានការចូលរួមសម្ដែងដោយតារាល្បីៗដូចជា ស្រីស្អាត ប៉ាច គីមមួយ នាយក្រឹម នាងព្រលឹត យាយអឿន និងតារាកិត្តិយសជាច្រើនដួង។ កាន់តែពិសេសជាងនេះទៅទៀត អ្នកគាំទ្រទាំងអស់បានលាន់មាត់ថា លោក ព្រាប សុវត្ថិ បានបន្លំថើបស្រីស្អាតកញ្ញា ប៉ាច គីមមួយ ជាច្រើនដង ទម្រាំតែថតត្រូវ រហូតដល់អ្នកនៅជុំវិញបរិវេណថតនោះ ស្រែកហូរកញ្ច្រៀវតែម្ដង។

គួររំឭកផងដែរថា កាលពីឆ្នាំកន្លងទៅកំពូលតារាចម្រៀងរូបនេះ មានទទួលបានប្រជាប្រិយភាពខ្លាំងចំពោះបទចម្រៀងសម្រាប់ពិធីបុណ្យចូលឆ្នាំប្រពៃណីខ្មែរយើង សង្កេតឃើញមានផ្ទុះខ្លាំងជាមួយបទ«រាំអីចេះ» ដែលនៅគ្រប់​ទីវត្តអារ៉ាម​ទាំង​អស់ត្រូវបានចាក់បន្លឺឡើងគ្រប់ទិសគ្រប់ទី និងបទមានសន្ទុះបន្ទាប់គឺបទ« រាំកូរណាស់ចែរ»។ តែដោយឡែកសម្រាប់​ឆ្នាំ2018 នេះគេនៅមិនទាន់អាចសន្និដ្ឋានបានទេថា បទចម្រៀងរបស់លោកព្រាប សុវត្ថិ អាចវ៉ាបទតារា​ចម្រៀង​ប្រុសៗទាំងឡាយបានទៀតឬយ៉ាងណា ប៉ុន្ដែគេចាប់អារម្មណ៏ថាបទ« មាន់ស្រែបន្លែស្រស់» នេះ នៅទើបចេញជា Audio នោះ ក៏មានការចាប់អារម្មណ៏ច្រើនបាត់ទៅហើយ។

ចង់ដឹងថា សកម្មភាពថត MV « មាន់ស្រែបន្លែស្រស់ » លោក ព្រាប សុវត្ថិ បន្លំថើប ប៉ាច គីមមួយ ប៉ុន្មានដងនោះ សូមទស្សនាវីដេអូខាងក្រោម៖

កាន់តែប្លែកអារម្មណ៍ទៀតហើយ ជាមួយការសម្ដែងរបស់កំពូលតារាចម្រៀងប្រចាំផលិតកម្មរស្មីហង្សមាស លោក ព្រាប សុវត្ថិ ដែលបានបង្ហាញបទថ្មីស្ទាយប្លែកចង្វាក់កន្ទ្រាក់អារម្មណ៍មានចំណងជើងថា « មាន់ស្រែបន្លែស្រស់ » ព្រមទាំងបានរំលេចពាក្យពេចន៍ទាក់ទាញទន្ទេញជាប់មាត់នោះគឺ «ត្រៀមខ្លួនហើយនៅ? បាចស្រូវបាចអង្ក! »។ បទចម្រៀងថ្មីនេះ ក៏មានការតុងតែងខ្លួនបែបសម័យបារាំង ធ្វើឱ្យមហាជនលោកចាប់អារម្មណ៍ខ្លាំងបំផុត និងជាពិសេសមានការចូលរួមសម្ដែងដោយតារាល្បីៗដូចជា ស្រីស្អាត ប៉ាច គីមមួយ នាយក្រឹម ស្រីលាភ យាយអឿន និងតារាកិត្តិយសជាច្រើនដួងទៀត។

សូមជម្រាបជូនបន្ថែមថា កាលពីឆ្នាំកន្លងទៅកំពូលតារាចម្រៀងរូបនេះ មានទទួលបានប្រជាប្រិយភាពខ្លាំងចំពោះបទចម្រៀងសម្រាប់ពិធីបុណ្យចូលឆ្នាំប្រពៃណីខ្មែរយើង សង្កេតឃើញមានផ្ទុះខ្លាំងជាមួយបទ«រាំអីចេះ» ដែលនៅគ្រប់​ទីវត្តអារ៉ាម​ទាំង​អស់ត្រូវបានចាក់បន្លឺឡើងគ្រប់ទិសគ្រប់ទី និងបទមានសន្ទុះបន្ទាប់គឺបទ« រាំកូរណាស់ចែរ»។ តែដោយឡែកសម្រាប់​ឆ្នាំ2018 នេះគេនៅមិនទាន់អាចសន្និដ្ឋានបានទេថា បទចម្រៀងរបស់លោកព្រាប សុវត្ថិ អាចវ៉ាបទតារា​ចម្រៀង​ប្រុសៗទាំងឡាយបានទៀតឬយ៉ាងណា ប៉ុន្ដែគេចាប់អារម្មណ៏ថាបទ« មាន់ស្រែបន្លែស្រស់» នេះ នៅទើបចេញជា Audio នោះ ក៏មានការចាប់អារម្មណ៏ច្រើនបាត់ទៅហើយ។

ចង់ដឹងថា តើបទចម្រៀង « មាន់ស្រែបន្លែស្រស់ » ទាក់ទាញដល់កម្រិតណានោះ សូមទស្សនាវីដេអូខាងក្រោមនេះ៖

នៅថ្ងៃម្សិលមិញនេះ ខាងផលិតកម្មរស្មីហង្សមាស បានរៀបចំធ្វើកម្មវិធីសន្និសីទសារព័ត៌មានស្វាគមន៍តារាចម្រៀងថ្មីវ័យក្មេង និងជាអនាគតកំពូលតារាចម្រៀងប្រចាំទ្រនំរស្មីហង្សមាស គឺកូនប្រុសទាំង 3 រូបរបស់កំពូលតារាចម្រៀង ព្រាប សុវត្ថិ រួមមាន សុវត្ថិ មុនីវណ្ណ , សុវត្ថិ មុនីនាត និងសុវត្ថិ សិរីវឌ្ឍ ដែលត្រូវបានចុះកុងត្រាក្លាយជាតារាចម្រៀងរបស់រស្មីហង្សមាសក្នុងពេលតែមួយ។

ទន្ទឹមនឹងមានការស្វាគមន៍យ៉ាងកក់ក្ដៅពីសំណាក់ផលិតកម្មខាងលើ ចំពោះកូនប្រុសរបស់លោក ព្រាប សុវត្ថិ នៅក្នុងនោះមហាជនសង្កេតឃើញថា ផលិតកម្មដែលនាំមុខគេខាងផ្នែកកម្សាន្ដទី1 នៅប្រទេសកម្ពុជាមួយនេះ ពុំធ្លាប់ធ្វើកម្មវិធីសន្និសីទសារព័ត៌មានស្វាគមន៍តារាចម្រៀងថ្មីណាមួយឡើយ សូម្បីតែវត្តមានរបស់កំពូលតារាចម្រៀងដែលទាក់ទាញចិត្តយុវវ័យបំផុតគឺ លោក ខេមរៈ​ សិរីមន្ដ ដែលបានឈានជើងចូលមករួមទ្រនំគ្រួសារហង្សមាសនោះ ក៏គ្មានការរៀបចំធ្វើសន្និសីទសារព័ត៌មានស្វាគមន៍វត្តមានរបស់រូបលោកដែរ។ ចុះហេតុអ្វីបានជា ហង្សមាស ដូចជារាក់ទាក់ និងលើកតម្កើងចំពោះក្រុមគ្រួសាររបស់ ព្រាប សុវត្ថិ យ៉ាងនេះ?

ស្របគ្នានោះដែរ អគ្គ​នាយក​រង​ផលិតកម្ម​ហង្សមាស​លោកស្រី អ៊ឹង គឹមលាង បានប្រាប់អ្នកសារព័ត៌មាន ឡារ៉ែនថា «កន្លងមកខាងផលិតកម្មរស្មីហង្សមាសមានការជ្រើសរើស និងស្វែងរកតារាចម្រៀងថ្មីមកចូលរួមជាសមាជិកគ្រួសារហង្សមាស តាមបែបផែនខុសគ្នា នៅក្នុងនោះយើងក៏មានរៀបចំកម្មវិធីប្រឡងចម្រៀងជាច្រើន ដូចជា The Voice Cambodia , The Voice Kid Cambodia , Cambodian Idol និង Cambodian’s got Talent​ ជាដើម តែយ៉ាងណាមិញ ខាងផលិតកម្មក៏មិនបានផ្អែកទៅលើការប្រឡងចម្រៀងតែមួយមុខក្នុងការស្វែងរកតារាចម្រៀងដែលមានទេពកោសល្យនោះដែរ ពោលគឺចំពោះតារាចម្រៀងដទៃទៀត ក៏មានការរៀបចំពីសំណាក់ក្រុមការងាររបស់ផលិតកម្ម រស្មីហង្សមាស មួយក្រុមផ្សេងទៀតដែរ»។

ជាចុងក្រោយ អគ្គ​នាយក​រង​ផលិតកម្ម​ហង្សមាសក៏បានបញ្ជាក់បន្ថែមទៀតដែរថា ដោយហេតុសង្កេតឃើញថា តារាចម្រៀង ព្រាប សុវត្ថិ ត្រូវបានប្រជាជនខ្មែរចាត់ទុកលោកជាកំពូលតារាចម្រៀងនៅក្នុងដួងចិត្ត ជាកំពូលតារាចម្រៀងប្រចាំព្រះរាជាណាចក្រកម្ពុជា និងពិសេសជាងនេះគឺលោកជាតារាចម្រៀងប្រចាំផលិតកម្មរស្មីហង្សមាសផ្ទាល់ ការដែលរៀបចំធ្វើកម្មវិធីសន្និសីទសារព័ត៌មាន គឺជាការស្វាគមន៍ឈាមជ័ររបស់លោក ព្រាប សុវត្ថិ ទាំងមូល ដែលជាតារាចម្រៀងប្រកបដោយទេពកោសល្យ ដែលនឹងផ្ដល់រសជាតិថ្មីសម្រាប់ប្រជាជនខ្មែរទាំងបច្ចុប្បន្ន និងនាពេលខាងមុខនេះ៕

បើលោកអ្នកចូលទៅទស្សនាបទ «ទឹកភ្នែក​ប្រុសសង្ហា» នៅក្នុងបណ្ដាញសង្គមយូធូប នោះអ្នកនឹងបានឃើញថា ភាគច្រើនបទចម្រៀងមួយនេះ មានសុទ្ធសឹងតែរូបថតកូនប្រុសច្បងរបស់កំពូលតារាចម្រៀង ព្រាប សុវត្ថិ ដែលមានឈ្មោះថា សុវត្ថិ មុនីវណ្ណ អមដោយឡូហ្គោផលិតកម្មរស្មីហង្សមាស ដែលជាមូលហេតុបណ្ដាលឱ្យមហាជនគិតថា ផលិតកម្មហង្សមាស កំពុងតែផលិតបទចម្រៀង និងចាប់អារម្មណ៍ជាខ្លាំងចំពោះកូនប្រុស ព្រាប សុវត្ថិ។

ជាការពិតណាស់បទចម្រៀង «ទឹកភ្នែកប្រុសសង្ហា» មួយនេះ គឺមិនមែនជាការបកស្រាយរបស់លោក សុវត្ថិ មុន្នីវណ្ណ នោះទេ និងរឹតតែមិនមែនជាការបកស្រាយរបស់ នាយ ចឺម ទៀត ហើយថែមទាំងមិនមែនជាការចម្លងចេញពីតារាចម្រៀងល្បីក្នុងស្រុករូបណាទាំងអស់។ ពោលគឺ ជាការបកស្រាយដោយតារាចម្រៀង  អែន ភី (N​​ phy) ដែលជាម្ចាស់បទពិតប្រាកដ ហើយបទចម្រៀងមួយនេះត្រូវបានបង្ហោះនៅក្នុងបណ្ដាញសង្គមយូធូបជាផ្លូវការរបស់ផលិតកម្ម One Production Official តាំងពីថ្ងៃទី14 ខែកញ្ញា ឆ្នាំ2017 មកម្ល៉េះ។

ដើម្បីឱ្យកាន់តែជាក់ច្បាស់ សូមទស្សនាវីដេអូចម្រៀងខាងក្រោមនេះ៖

https://www.youtube.com/watch?v=Z1VMMyT7N8E

បើទោះជាបច្ចុប្បន្នបទចម្រៀងរបស់លោក ព្រាប សុវត្ថិ នៅតែមានសម្ទុះខ្លាំងនៅក្នុងទីផ្សារក៏ដោយ តែមួយរយៈចុងក្រោយនេះគេហាក់ដូចជាពុំសូវឃើញមានសារព័ត៌មានក្នុងស្រុកចុះផ្សាយអំពីលោកឡើយ។ ថ្មីៗនេះស្រាប់តែលេចឮព័ត៌មានថា មូលហេតុដែលកំពូលតារាចម្រៀងម្នាក់នេះព្យាយាមមិនបង្ហាញមុខក្នុងទំព័រសារព័ត៌មាន ព្រោះតែលោកមិនចង់ឆ្លើយតបទៅនឹងសំណួរជុំវិញតម្លៃខ្លួនក្នុងការងារ គ្រាដែលលោកទទួលបានការងារថតស្ប៉តពាណិជ្ជកម្មជាច្រើននោះ។

ប្រហែលជាជាងពីរឆ្នាំចុងក្រោយនេះគេសង្កេតឃើញថា លោក ព្រាប សុវត្ថិ ហាក់ទទួលបានការងារជាច្រើនពាក់ព័ន្ធនឹងការថតស្ប៉តពាណិជ្ជកម្ម ដូចជាការធ្វើជាតំណាងឱ្យផលិតផលស្រាបៀរអង្គរ និងផលិតផលខោក្នុងម៉ាក ខ្លាស ជាដើម។ គ្រាន់តែឃើញការងារបែបនេះមានមហាជនជាច្រើនបានលើកឡើងថា លោក ព្រាប សុវត្ថិ ច្បាស់ជាគ្រប់ទឹកមិនខាន ព្រោះគេបាននិយាយថា កាលពីប៉ុន្មានឆ្នាំមុនគ្រាដែលលោកទទួលបានការងារថតស្ប៉តឱ្យសេវាទូរស័ព្ទចល័តក្នុងស្រុកមួយ គឺទទួលបានតម្លៃខ្លួនរាប់សិបម៉ឺនដុល្លារ។

យោងតាមប្រភពមួយចំនួនបានបង្ហើបថា ក្នុងឆ្នាំថ្មីនេះលោក ព្រាប សុវត្ថិ កំពុងតែត្រូវប៉ាន់យ៉ាងខ្លាំង ព្រោះគ្រាន់តែលោកធ្វើការងារជាអ្នកតំណាងឱ្យក្រុមហ៊ុនស្រាបៀរអង្គរមួយ លោកទទួលបានតម្លៃខ្លួនក្បែរលានដុល្លារទៅហើយ បន្ថែមពីលើនេះទៀតតម្លៃខ្លួនសម្រាប់ការងារថតស្ប៉តឱ្យផលិតផលខោក្នុងក៏ទទួលបានរាប់ម៉ឺនដុល្លារផងដែរ។

ទោះបីជាព័ត៌មានខាងលើមិនទាន់អាចចាត់ទុកជាព័ត៌មានផ្លូវការក៏ដោយ ប៉ុន្ដែអ្នកគាំទ្ររបស់លោកជាច្រើនបានសាទរជាមួយលោកគ្រាដែល Idol របស់ពួកគេទទួលបានតម្លៃខ្លួនខ្ពស់មិនចាញ់តារាបរទេសនៃប្រទេសជិតខាង។ តែទោះជាយ៉ាងណាក៏ដោយ ក៏ឡា រ៉ែន សូមជួយចូលរួមសម្តែងក្តីត្រេកអរចំពោះអ្វីដែលល្អៗកើតឡើងសម្រាប់វិស័យសិល្បៈ និងជាមួយគ្រប់សិល្បករទាំងអស់របស់កម្ពុជាយើងដែលទទួលបានភាពជោគជ័យក្នុងអាជីពរបស់ពួកគេដោយក្តីមោទនៈ និងចង់បានការអះអាងពីសាមីខ្លួនតារាទាំងអស់ដើម្បីទុកជាការត្រេកអរទាំងអស់គ្នា៕